% Text title : Hari Sahasranamastotram % File name : harisahasranAmastotram.itx % Category : vishhnu, sahasranAma, krishna, mangala, svAminArAyaNa % Location : doc\_vishhnu % Author : Shatananda % Transliterated by : Sivakumar Thyagarajan % Proofread by : Sivakumar Thyagarajan, NA % Description-comments : See corresponding nAmAvalI. % Latest update : November 12, 2023 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shrihari Sahasranama Stotram ..}## \itxtitle{.. shrIharisahasranAmastotram ..}##\endtitles ## (sarvama~Ngalastotram) OM shrIgaNeshAya namaH | svAminArAyaNaM kR^iShNaM bhaktidharmAtmajaM bhuvi | prAdurbhUtamahaM vande pAtuM saddharmamAsurAt || 1|| kalau ghore.api yadbhakto.aShTA~NgayogashramaM vinA | sadyAH samAdhau taddhAma golokAdi samIkShate || 2|| yannAmochchAraNAdeva malaughAH kalisambhavAH | sadyaH eva vinashyanti tamIDe dharmanandanam || 3|| nAmnAM sahasraM tasyAhaM bruve satsa~NgijIvanAt | uddhR^itaM yasya pAThena sarvaM tatpaThitaM bhavet || 4|| OM asya shrIsarvama~NgalAkhyasya shrIharinAmasahasrastotrasya shatAnada R^iShiH | anuShTupChandaH | dharmanandanaH shrIharirdevatA | dharmapriya iti bIjam | naiShThikendra iti shaktiH | bhaktipoShaka iti kIlakam | mama sakalamanorathasiddhyarthe jape viniyogaH | atha karanyAsaH OM shrIharaye namo.a~NguShThAbhyAM namaH | OM kR^iShNAya namastarjanIbhyAM namaH | OM harikR^iShNAya namo madhyamAbhyAM namaH | OM nIlakaNThAya namo anAmikAbhyAM namaH | OM nArAyaNAya namaH kaniShThikAbhyAM namaH | OM svAminArAyaNAya namaH karatalakarapR^iShThAbhyAM namaH | atha ShaDa~NganyAsaH | OM shrIharaye namo hR^idayAya namaH | OM kR^iShNAya namaH shirase svAhA | OM harikR^iShNAya namaH shikhAyai vaShaT | OM nIlakaNThAya namaH kavachAya hum | OM nArAyaNAya namo naitrAbhyAM vauShaT | OM svAminArAyaNAya namo.astrAya phaT | atha dhyAnam | shrImachChAradapUrNachandravilasatsmerAnanaM shrIhariM tu~Nge pIThavare sthitaM parivR^itaM sadbhaktavR^indairyathA | tArAbhirvidhumarchyamAnamurudhA taishchandanaiH kausumai\- rhAraiH shekharapa~Nktibhishcha hR^idaye shuklAmbaraM chintaye || 5|| atha sahasranAmastotram | OM svAmi brahma parabrahma shrIkR^iShNAH puruShottamaH | brahmadhAmA vAsudeva Ishesho divyavigrahaH || 6|| suvratAtmA gajannAtha iShTadaH karuNAnidhiH | pratApasiMhasharaNaM shatAnandavarapradaH || 7|| nArAyaNo narasakho badarIshastapaH priyaH | svadharmastho munidhyeyo maharShigaNapUjitaH || 8|| adharmavairI durvAsaH saptadharmAdyanugrahaH | dharmAvatAro dharmAtmA bhaktidharmAnushAsanaH || 9|| rAmAnando janAnanda auddhavAdhvapravartakaH | viShNuyAgapriyo bhaktidharmArAdhita IshvaraH || 10|| vR^indAvanendurvaradomunisa~NghahitAvahaH | droNyartihartA vighnesho dharmasa~NkaShTanAshanaH || 11|| bhaktidharmAtmajo bhUmA bhaktidharmatapaHphalam | sAvarNigotratilakomadhvAdyanavamIjanuH || 12|| janama~NgaladivyA~Ngo narAkR^itiralaukikaH | bhUtalAnandajanako dvijendrakulabhUShaNam || 13|| rAmapratApAvarajo hanUmadabhirakShitaH | harikR^iShNo hariH kR^iShNo nIlakaNTho vR^iShAtmajaH || 14|| strIvR^indalAlito bhaktinandanaH priyadarshanaH | hariprasAdaharShAbdhidharmapratnIstanandhayaH || 15|| krIDadbAlavrajAnandaH kAlIdattamadApanut | ichChArAmAgrajo.ayodyAvAso bAlyamanoharaH || 16|| sarayUniyatasnAnaH sItArAmekShaNotsukaH | pradakShiNIkR^itAyodhyaH karAttajapamAlikaH || 17|| varNivratadharo dAnto gurubhaktaH udAradhIH | adhItAkhilasachChAstraH sAmago niraha~NkR^itiH || 18|| prasUpadiShTasA~NgAtmabhaktiraj~nAnahArakaH | pitR^iprattAtmavij~nAnaH pitR^idivyagatipradaH || 19|| nirAshastIvravairAgyaH santyaktagR^ihabAndhavaH | varNIveSho mahAsattvaH svajanAj~nAtanirgamaH || 20|| asaMlambitasachChAstrasAroddhArAlpapustakaH | gaNaMshasmaraNastIrNasarayUdaityamohanaH || 21|| vanavAsaruchiH shrAddho viprendro naiShThikAgraNIH | himAdrisAnucharaNo nirbhayo bhItabhairavaH || 22|| niHsha~Nkastho hanumaddattasvAduphalAshanaH | pulahAshramavAso.arkaprINano.arkasamIkShaNaH || 23|| UrdhvadorekapAdastho vismApitatapodhanaH | kR^isho mahAtapAH shuddho bhaktidharmaniShevitaH || 24|| gopAlayogisamprAptasA~Ngayogo.atidhairyavAn | yogakriyApaTuH kartA kR^itaj~no bhUritIrthakR^it || 25|| brahmAtmasaMsthitiH shAntaH siddhavallabhapUjitaH | gopAlarakShakaH siddhadarpahA mAntrikArchitaH || 26|| taila~NgavipradoShaghnaH kR^ityAbhIShaNadarshanaH | pivaikamAnahAkAlabhairavatrAsadekShaNaH || 27|| jagannAthapurAvAsa AsurAveshahR^idvibhuH | dhArmiko.asuragurvoghochChedaheturavikriyaH || 28|| satradharmArchitaH kAntaH svapratApAkShitAsuraH | nAnAtIrthakR^itAvAsaH prAvR^iDabhrAvakAshakR^it || 29|| grIShmasAdhitapa~nchAgniH shishirAmbusthitiH shuchiH | nirmAno nirmamo.asneho niShkAmo nirjitendiryaH || 30|| jitanidro jitakrodho nirmado niHspR^iho.achalaH | kR^ichChravratI satyavAdI kShamI dharmanisantataH || 31|| jitatryavasyo medhAvI dambhahInastapodhanaH | upavItIvalkavAsAstarumUlaniketanaH || 32|| ahiMsavR^ittistejasvI nirnimeShavilochanaH | dhanurmukteShugamano brahmadarshI mahAmatiH || 33|| ayAchitAhR^itAro nirdvandvo niShparigrahaH | vAyvAhAro jalAhAro mitAhAro.akShatA~NgaH || 34|| j~nAnI dhyAnI jitasvAdaH pratyAhArahaTho.asmayaH | pAvanastairthikaguruvarNirAjo dayAkaraH || 35|| jaTI kaupInavAsanaH shAlagrAmatR^iShAharaH | shivAptasakturakShobhyo niHsa~Ngo.adhyAvittamaH || 36|| sadAsamAdhirAnandI nirdoSho doShanAshanaH | kAntAragatirekAkIsarvasAdhuguNAlayaH || 37|| tairthikastIrtha dharmaj~nasatIrthasthAdharmanAshanaH | anAdR^itavapuH saukhyaH prANAyAmaparo vratI || 38|| R^iShivR^ittirmunirmaunInirvikalpo.alpabhAShaNaH | vastrapUtodakapibo yAvadarthAgacheShTitaH || 39|| brahmaj~nasvairavartitvabodhigranthavivarjanaH | nirUpAnadapR^iShTAdhvAghorAraNyacharo.abhramaH || 40|| strya~NgagandhAsaho.asakto jaDA~NgirasavartanaH | UrdhvaretA brahmachArI yogI yogaj~nasannataH || 41|| yogIndra dushcharAchAraH saurAShTrajanapAvanaH | lojalokamahAnandaH sAdhuH sAdhuprapUjitaH || 42|| anuchchAritadurvAkyo madhurAkSharabhAShaNaH | tyAgimAnyo mahAyogI sadAshcharyakriyaH sthiraH || 43|| dhyAtA dhyAtR^imanodarshImanasvI mAnado mR^iduH | prashnottarapaTurvedatattvaj~no buddhimAnbudhaH || 44|| uddhavekShotsuko.anantaHpatrIlekhapaTuH prabhuH | patryuttaraj~nAtanijaishvarya sAdhvatimAnitaH || 45|| rAmAnandasvAmivIkShAnandaH sAdhupriyaH prayaH | bodhanyAptamahAdIkSho gurusevAparo yamI || 46|| bhakto nArAyaNamuniH sahajAnanda AtmadR^ik | gurumAnyo gurupreShTho gurvantikakR^itA~njaliH || 47|| gurvAj~nAkR^itatatpArshvopaveshagamanakriyaH | nArAyaNAnanyamatirekAntikamunipriyaH || 48|| varNIndro naiShThikapreShTha ekAntikasadarchakaH | yashasvI bhUritejasvI vaidiko brahmavarchasI || 49|| sannyAyavartI nirdveSho bhaktiharShavivardhanaH | gR^ihItahitavAk sarvabhUtatattvavidUhavAn || 50|| satyapriyaH satyaparo niShkAmanaravallabhaH | adrohakaH sadodyogI ShaDUrmivijayakShamaH || 51|| dharmakAryakShiprakArI dIrdhadarshI vichAravAn | deshakAlAdyavihatasvasvarUpAchalasthitiH || 52|| sattamo damadhR^iddakSho vinItaH smR^itimAn R^ijuH | sachChAstravyasano.avyagrI.abhimAnipuruShAruchiH || 53|| atisarvamatirvAgmI satsa~NgijanavallabhaH | apramatto.atipragalbho.analaso.anyaguNagrahaH || 54|| sadAchArapriyaH shuShkaj~nAnivAdatamoraviH | kR^iShNArpitAnnagandhAdidevatApitR^iyAjakaH || 55|| sadyaH prashnasamAdhAnavismApitasabhAjanaH | ajAtashatruH samaddak dharmaniShThamahAdaraH || 56|| anasUyo.achamapraj~naH kAmashAstravivarjanaH | dInAlpaviklvatvekShAjAtatIpravyathAkulaH || 57|| svadharmAdiguNopetaharya bhaktajanAruchiH | sanmaNDalAvAsaruchi sanmaNDalaparAyaNam || 58|| sachChAstraninditatyAgI prashAstArthaniShevakaH | sampadApatsamo mokShadhiShaNaH pratibhAnavAn || 59|| suchirashrutasachChAstro nApamAnitasajjanaH | vAkyArthakShipravichChatrumitradattasamottaraH || 60|| agrAhyavastvanAkA~NkShI naShTavastusuchojjhitaH | yayochitasamArAmbhaH saphalArabdhasatkriyaH || 61|| sachChAstrAnugatapraj~no daivapitryasvakarmakR^it | apaishunyakR^idadyUtaH pApisaMsargyanAdaraH || 62|| brahmanindAshravaHkhedaH strIprasa~NgabhR^ishAruchiH | akAryAcharaNahItaH samayochitabhAShaNaH || 63|| nirlajjAnatasadvipragurudevapadAmbujaH | muktAnandAnugastuShTo guNAbdi sanmanoharaH || 64|| gurudattajanasvAmyaH suramyaviShayAruchiH | guruyAchitabhaktAntaduHkhasvaprAptisadvaraH || 65|| atimAnuShasatkarmA sukhasevyo.akhileShTadaH | prapannAbhayadaH shrImAnuttamottama AtmavAn || 66|| tApatritayahR^idvArtaH sadasadvyaktivittamaH | satpatiH sarvahitakR^ijj~nAnado bhavamochakaH || 67|| bhUripratApo nirmoho mahArAjo nR^ipArchitaH | adhR^iShyo.avikR^ito.ajayaH sharaNyo bhaktavatsalaH || 68|| atarkyo.anupamo.apAro.apramAdo.avyaya ujjvalaH | dharmashaMsI dharmaheturvedagUDhArthabodhakaH || 69|| kAlamAyAbhayatrAtA bhaktavarma suma~NgalaH | upAsanArItivaktA brahmadhAmavradarshakaH || 70|| brahmabhUtaparabrahmopAsanAsthApako.akSharaH | kandarpadarpadalano naiShThikapratapoShakaH || 71|| adInadivyacharito manonigrahyuktidaH | varaNIyo.anyaduHkhaj~naH saMsArArNavanAvikaH || 72|| svAminArAyaNo vAkyasudhAtarpitasatsabhaH | vidhavAsparshadoShAtiprakhyAtopashamasthitiH || 73|| pratibimbAMshavAdAdimatatUladavAnalaH | sabhaktidharmadharmADhyabhaktiyogapravartakaH || 74|| proktAsaddeshakAlAdidoSho niShkapaTapriyaH | saddeshakAlAdiguNaj~nApakaH satprashaMsakaH || 75|| svadharmashithilAprItirbhaktakalpamahIruhaH | dharmahInaj~nAnabhaktidoShabhUyastvabodhakaH || 76|| svadharmahInapuruShatyAgI satyapratishrutaH | bahvannasatro viShNvAdipa~nchAyatanamAnanaH || 77|| viprAparAdhasahanaH satyasa~Nkalpa AshudaH | sAnvayAdharmamUlaghno yaj~nakR^idbrAhmaNapriyaH || 78|| viShNusvarUpAviShkAro nirmAyaH sarvadarshanaH | janasAhasrayugapatsamAdhisthitikArakaH || 79|| svekShAyAtanarastryoghAnyo.anyasammardasadyashAH | viprabhojanasaMhR^iShTo viprAtmA viprapUjitaH || 80|| vedaikavedyo divyA~Ngo meghajiddarpabha~njanaH | sarvayogakalodbhAsI svatantraH sarvavidvashI || 81|| kR^iShNAtmA.a.akR^iShTahR^idayo deshiko divyadarshanaH | golokaramaNo brahmakrIDo vaikuNThanAyakaH || 82|| anekamUrtiraNDastho bahiHstho yogashikShakaH | puraHsaro manovegaH svanetA darshitAmaraH || 83|| viShNuyAgasamArambhaH ShaNmAsAshitavADavaH | nAnadeshagatirnAnAyaj~nakR^idbhUridakShiNaH || 84|| sadyaHsamAdhiH sarvAtmA nirIshamatakhaNDanaH | makArapa~nchakochChetA dharmasargaprapoShakaH || 85|| pApikR^itAntaH paramaH puNyakIrtiH pR^ithushruvAH | kR^ishodhdhavAdhvasampoShTA sAdhvIdharmapravartakaH || 86|| daityAMshagurukhadyotabhAskaro dharmadhArakaH | lobhAdidoShagaditA tAmasavratavarjanaH || 87|| suvrataH siddhidaH siddhaH siddheshaH siddhipo.achyutaH | kaulAdhvashApadaH proktAsuralakShmA.asurAtigaH || 88|| bhuja~NganagarAnando nijabhaktastuto mahAn | ahiMsAsthApako bhUrinijaishvaryapradarshakaH || 89|| dUradeshasthAtmabhakta datta sAkShAtsvadarshanaH | sachChAstroditasatkIrtirAtyantikagatipradaH || 90|| parApakArasAhasravismR^itiH komalAntaraH | pAShaNDarakShitAtmIyo daityamohanacheShTitaH || 91|| akhaNDitArShamaryAdaH paraguhyAprakAshakaH | pAtrArpitabahudravyo yathAyuktopadeshakaH || 92|| avigrahapriyo vANIdaNDapAruShyavarjitaH | brahmaNyadevo devejyo dasharUpapradarshakaH || 93|| akuNThitavachA deshAchAraj~no.anAdR^itoddhataH | shikShArthakShaNaru~N nityamaitraH sachChAstrasa~NgrahI || 94|| dharmipakShaH sAdhusevI puNyashravaNakIrtanaH | praNatArtiharaH pUjyo viShayAsaktanindakaH || 95|| bhaktadehAntasamayadattadivyasvadarshanaH | yamadUtAvitasvIyo narakArtinivArakaH || 96|| sanmArgavartitAsheShasvAshritaH shIghrasiddhidaH | anAyarogivR^iddhArbhabhikShupoShaNakArakaH || 97|| gUDhAshayo gUDhamantraH sarvajIvapratArakaH | bhaktAsadvAsanochChettA.asadAgrahavivarjanaH || 98|| poShyavargAnuvihitatatsamAnamitAshanaH | ApatkAlAtyaktanijaH pa~nchakAlarchitAchyutaH || 99|| yogeshvaro munipatirnityamukto mahAmuniH | bauddhAdinAstikamatakhaNDanaH paNDitArchitaH || 100|| ahiMsayaj~naprastotA vaiShNavakratukArakaH | madyamAMsasurAgandhAghrANashuddhividhApakaH || 101|| mattonmattakhalAvAdI puraskR^itaguNAdhikaH | nAnAbhaktajanAnandaH sadasadvyaktidarshakaH || 102|| bhR^igunAndIshashApArtajanarakShaka uttamaH | vedavichChAstravidvAdidurjeyo hR^itasaMshayaH || 103|| khaTvA~NgAtmA hR^idambhojadhyeyo dhyAtR^imanoharaH | jyotiH saMstho.atiramyA~NgaH surekhAruNapattalaH || 104|| chArvA~NgulirnakhendvAlirprabhApahR^itahR^ittamAH | padmakoshAtimR^idulacharaNastu~NgagulphakaH || 105|| hrasvaja~Ngho vR^ittajAnuH samoruH satsitAMshukaH | gambhIranAbhirAjAnubhujastatabhujAntaraH || 106|| kaNThalambitahArAliH kambukaNTho.aruNAdharaH | praphullapadmavadanaH kundadanto mitasmitaH || 107|| tilapuShpAbhanAsAntashyAmabinduH samashravAH | vAmashravo.antarashyAmabinduH padmadalekShaNaH || 108|| vishAlabhAlatilakaH sUkShmavakrashiroruhaH | shiraH paTalasatpuShpApIDarAjiH svabhaktadR^ik || 109|| avatArI bhayatrAtA.abhayarAjavarapradaH | kR^itadurgapurAvAsaH krodhayantA.adbhutakriyaH || 110|| nAnAdeshapreShitasvabhaktanAshitaduShkriyaH | asurakliShTasatsa~NghasAntvanaH sAdhuvallabhaH || 111|| sadrohigurubhUpAlashikShakakShmesharAjyadaH | gavendrArchitapAdAbjo gavendravarado.anadhaH || 112|| bhaktatrAtoddhavasvAmisampradAyaprakAshakaH | vipraprashaMsanastIrthavidhibodhaka ArtihR^it || 113|| viprasantarpaNo nAnApratavaktA mahAyashA | kaulochChidvijayo varNyaviShNuyAgamahotsavaH || 114|| bhaktigamyo bhaktavashaH kR^itadigvijayo.akShayaH | bhaktidharmakR^itAnandaH sarvama~NgaladarshanaH || 115|| uttamAtmA jayopreShTho laliteShTavarapradaH | mukundasevAsantuShTo jayAnItapayaHpibaH || 116|| nArAyaNadhR^itAmantro vAsudevAdattachandanaH | gopalama~njitAmantro.akhaNDAptArchanasAdhanaH || 117|| umAnAthAptapuShpAdirjayaprakShAlitAmbaraH | lalitAsaMskR^itAnnAdiH pa~nchAlyAliptapAkabhUH || 118|| avarAmArjitavAsaH shivopAnitapAdukaH | dayagovindAptavanyo mayarAmAvitAmbaraH || 119|| prayAgoktapurANAdhirnishAnityakathAdaraH | muktabrahmastutayashAH premagItaguNashrutiH || 120|| mahAnubhAvamuditaH shukarakShitapustakaH | AnandakalpitAvAsaH vijayotsavatoShitaH || 121|| yathArhakAritAtmIyasevano bhaktakAmadhuk | nibaddhotsavaparyAyo vijayotsavatoShitaH || 122|| annakUTakR^itAnuj~no mahAsambhArahArakaH | patradUtAhUtabhaktaH pAkashAlAvalokanaH || 123|| pratyudgatamunivrAto mAnitAkhilavaiShNavaH | satprINanaH kShaNasvApo dIpAlIma~NgalAplavaH || 124|| brahmakShaNAshuvihitanaityako.akhiladharmavit | chAruchakrakapIThastha uttamakShmeshapUjitaH || 125|| bhaktasvekShApradAnotko mayarAmekShaNasmitaH | bhaktasamprINanadhR^itanUtanAMshukabhUShaNaH || 126|| anarghyapItakausheyaparidhAnavichakShaNaH | mukuTAkR^itisambaddhashoNashIrShapaTadyutiH || 127|| sasvarNabindukausumbhasatka~nchukadhR^itiprabhaH | skandhollasaddhaimapaTaH kaTibaddhAruNAMshukaH || 128|| haimA~NgadalasadbAhuH karNashobhitakuNDalaH | kaNThalambitasasvarNamuktAhArAlishobhanaH || 129|| cha~nchatsuvarNakaTakashR^i~NkhalAbhakaradvayaH | sadratnakhachitasvarNamudrikAshobhitA~NguliH || 130|| satkesarordhvatilakaH saraktAkShatachandrakaH | avataMsollasatkarNashchalatkausumashekharaH || 131|| sugandhipuShpahArAlidarshanIyo manoharaH | gajendragamano.arkAshucha~nchadvAsAH smitAnanaH || 132|| uchcharamyAsanAsino munimaNDalamadhyagaH | somavarmoddhR^itachChatro mukundadhR^itanaktakaH || 133|| alayabhR^igujidratnadaNDachAmaravIjitaH | sUranA~njAttavyajano japamAlalasatkaraH || 134|| svekShaNAnanditasvIyaH shrutakIrtirnijArchitaH | viprasAtkR^itavittaugho dAnashUro nireShaNaH || 135|| utmattaga~NgAplavano dIpAvalimahotsavaH | nityakarmAdaro nUtnavasano dInavatsalaH || 136| sadarchito.annakUTekSho ramAra~njanabhojanaH | sadAshano baddhakaTiH svabhaktapariveShaNaH || 137|| bhaktabhuktIkShaNAnandaH sadAnando mahAshayaH | satsa~NgadIpako bhaktashikShAdakSha urukramaH || 138|| dharmarakShAkaraH sparshAviveko dharmasiddhidaH | niShkAmasiddhidastyAgisevyo.advaito japapriyaH || 139|| ekAdashIvratavidhipravaktaikAdashIshvaraH | prabodhanIvratAchAro mahAdAnapratoShitaH || 140|| munipratoSho viduranItishAstraprashaMsanaH | akSharastho munivrAtastuto yoShidgaNeDitaH || 141|| bhaktyekatoShyo bhaktyAtmA bhaktagrAmamahotsavaH | vR^ittAlayapurAvAso bhaktasa~NghasukhapradaH || 142|| prAptasvabandhusanmAno bhUritarpitapArShadaH | ga~NgArpitaphalAhAro bhaktasa~NghasamarchitaH || 143|| nAnAdeshIyabhaktaughArpitavittaughadAnakR^it | bhaktabhrAtR^idvayAvAsaparyAyakR^itabhojanaH || 144|| dolotsavavidhAnaj~no naranArAyaNArchakaH | ra~NgakrIDanakR^inmuktakAmachAraniShedhakaH || 145|| strIpu.nprasa~NgabhUryApaddarshako dharmadeshikaH | sAShTA~NgabrahmacharyaikasthApako dharmavittamaH || 146|| gR^ihItaranarastrya~NgasparshadoShaprakAshakaH | strIpuMsAnyonyasaMsparshavyavasthAkR^idvidAM varaH || 147|| AhArashuddhikR^it sadyaHpApaniShkR^itikArakaH | vedAntatattvaprathanaH sA~NkhyayogArthadarshakaH || 148|| adAmbhikapriyo.atR^iShNo guNagrAhIguNapriyaH | purANashravaNautsukyaH purANavidhibodhakaH || 149|| shrImadbhAgavatashrotA shrImadbhAgavatArchakaH | shrImadbhAgavatAbhij~naH shrImadbhAgavatArpakaH || 150|| shrImadbhAgavatotkR^iShTapurashcharaNakArakaH | janmAShTamyutsavApUrNajIvavarmamanorathaH || 151|| kAryAyananarAnando vAstuveshmaniketanaH | sUrasambhAvanaH shAkasaMskArAnanditasvakaH || 152|| nAgaTa~NkajanaprItaH shukaprashnakR^itottaraH | chAndrAyaNavratArAdhyaH pa~nchAlajanapAvanaH || 153|| shivarAtrivratAchAraH kR^itadolAmahotsavaH | dvaitAdvaitArthanigamahArdabodhI mahodayaH || 154|| divyA~NgabhaktidharmAdirUpaprekShayitA.amR^itaH | hemantArchAstutiprIto jIrNadurgajanArchitaH || 155|| kR^itatIrthavidhirviprabhojano bhUrido.abhava | durgabhaktAtisukhadaH kR^itakR^ityo jagatpatiH || 156|| rahaHstho gUDhasa~Nkalpo harimandirakArakaH | mahArambhaH sadAsvastha: kalidoShaharodyamaH || 157|| kR^itashrInagaravAso mahAsambhArasAdhakaH | shrIpureshArhitaH sabhyaH pUrtakarmaprashaMsakaH || 158|| naranArAyaNAdyarchA sthApakaH pauramAnitaH | kShetramAhAtmyagaditA mahotsavavidhApakaH || 159|| ekAhabhojitAsheShapauravipro bahupradaH | pUjotsavavyavasthAkR^idgA~NgeyaprArthito manuH || 160|| mUlIpuHsthApitashrImadrAdhAkR^iShNo.akSharapradaH | nibaddhotsavamaryAdo bhaktAbhIShTaphalapradaH || 161|| bhuja~NgapurabhaktAtiprItaH pauraprapUjitaH | naranArAyaNapratiShThApako viprapUjakaH || 162|| vR^ittAlayAkShipadmArkaH shilpisanmAnakArakaH | lakShmInArAyaNAdyarchAsthApako.architabhUsuraH || 163|| dhavalamuralImanoharasaMsthApako.arthadaH | saMsthApitajayatalpa revatIbaladevakaH || 164|| muktAdiShTotpathachChedashchitrArchArchApavartakaH | dvArikApreShitasuhR^ittIrthavAsyaghadarshakaH || 165|| sattrAtA dvArikeshAtmA bhaktApaddarshanAkShamaH | sachchidAnandavarado lakShmInArAyaNAtmakaH || 166|| vardhitakShetramAhAtmyastaptamudrA~NkitasvakaH | muktAtmA triyugo vAdijetA.anuyugasambhavaH || 167|| asurAviditeshatvaH prakaTeshvaralakShaNaH | antaH saMshayahR^idvArto durAchAravimochanaH || 168|| ashastro dhiShaNAshastro AsurAveshakarShaNaH | laDukAdIShTagaNapaH sindUrAdiShTamArutiH || 169|| vR^ittAlayapriyo dharmajanmAhArchitasad.hvijaH | mahAsabhAsano dattavidhyupAttasutadvayaH || 170|| putrAvinyastagurutaH putrasAtkR^itasaMshritaH | sadovibhaktadeshAdiH sama AchAryashikShakaH || 171|| bhaktijanmAhabhaktaugharatarpaNashchitritAdhipa | nR^ipAmAtyArthitaH pauraprIto vaTapurAgamaH || 172|| mantripratyudgato nAnAvAdyavAdakasaMvR^itaH | sAla~NkAragajAruDhashchAruchAmaravIjitaH || 173|| dR^ikpAvitajanavrataH siMhajinnR^ipapUjitaH | svapratApaparAbhUta vidvadvairikR^itAnatiH || 174|| siMhajitsaMshayachChettA bhaktirItipradarshakaH | raghuvIrArpitasvIyabhUShAvittanavAMshukaH || 175|| sarvajIvahitaH sarvasachChAstrarasadohanaH | anAkulamanAH shikShApatrIlekhanakR^itsvabhUH || 176|| sAmAnyadharmavachano visheShavR^iShavarNanaH | nigamAdyaShTasachChAstrAtiruchiH shAstrasAravit || 177|| vishiShTAdvaitamatadhR^it sAkArabrahmavarNanaH | rAmAnujakR^itAgrantha shrutipAThapravartakaH || 178|| gR^ihItaviThThaleshoktavratotsavidhiH sudhIH | yatAdhikArasaddharmavaktA vaidikasammataH || 179|| shikShApatrIsthApitasvamAhAtmyaH pAThasiddhidaH | saddharmAtipravR^ittIchChuH shikShApatrIpravartakaH || 180|| pramoditAshritajano naranArAyaNekShaNaH | mahAdolotsavo.ayodhyAprasAdarpitasudvasuH || 181|| dhaureyasthApitashrImadrAdhAmadanamohanaH | putropadiShTashrIkR^iShNamantradIkShAvidhikramaH || 182|| proktadIkShitasaddharmaH kR^iShNapUjAvidhApakaH | proktAparAdhanirhAraH kShamAsAraH sadarchanaH || 183|| stryAchAryapatnIshiShyatvasthApakaH shiShyashAsanaH | putradattamahAdIkShaH putradIkShitapUruShaH || 184|| snuShAdIkShitayoShaH shrIrAdhAkR^iShNeShTadevataH | satsa~NgidhyeyasanmUrtirekAntikaparAyaNam || 185|| putraproktAbdikAsheShavratotsavavidhikramaH | gopAlaprashnasaMhR^iShTastyAgidharmopadeshakaH || 186|| lobhonmUlanadhIdAtA kAmotkhananayuktidaH | durjeyarasajidbodho niHsnehatvavidhApakaH || 187|| mAnasarpaviShatrAtA kR^iShNaikAntikashaMsanaH | sadharmaj~nAnavairAgyabhaktibodhanapATavaH || 188|| j~nAnasvarUpanirNetA niyantA puruShAtmakaH | prakR^itIsho mahAkAlo mAyesho.avyAkR^itAtmakaH || 189|| hiraNyagarbhastattvAtmAtattvalakShaNalakShakaH | vairAjo.akhilavishvAtmA buddhipreraka IshitA || 190|| jIveshvarabrahmamAyArUpayAthArthyabodhakaH | nirguNo guNavR^ittij~no baddhajIvanimochanaH || 191|| bhaktyArAdhyo mahAdevo j~neyo dhyeyaH prakAshakaH | sheShIkR^itAkSharaparashrIkR^iShNaH kAlakAlanaH || 192|| kR^iShNasevAhInamuktichatuShkochChApahApakaH | AdiShTasA~NkhyasiddhAnto nijaj~nAnaphalapradaH || 193|| R^iShyAtmakashchaturvarNAshramadharmanirUpakaH | ShaTkarmavidhinirNetA gAyatrImantradaivataH || 194|| smArtavaktA shrautavaktA vipradharmavisheShavit | jIvikAvR^ittinirNetA heyopAdeyabodhakaH || 195|| AshauchanirNayaH shrAddhavidhivaktA vidhipriyaH | kaliheyArthanirNetA rajadharmanirUpakaH || 196|| pativratAdharmavaktA vidhavAdharmarakShakaH | nAnAvratasamArAdhyaH pUjAvidhyupadeshakaH || 197|| sparshanirNayakR^idvAnaprasthadharmapradarshakaH | sannyAsadharmagaditA sA~NganiShkR^itibodhakaH || 198|| jIrNadurgasthApita shrIdvArikeshAdirAtmadaH | brahmachAridharmavaktA bR^ihaddharmamahAdaraH || 199|| durgAlayasthApita shrIgopInAtho.akhilArthadaH | sahA~NgayogopadeShTA piNDabrahmANDanirNayaH || 200|| bhUtasvarUpanirNetA vAyubhedanirUpakaH | kAlaj~nAnavado yogasiddhihetupradarshakaH || 201|| shatAnandastutaH stutyo bhaktavA~nChitapUrakaH | shikShApatrIgranthanakaH shikShApatrIvidhibruvaH || 202|| shikShApatryarthasantuShTo lIlAsandarbhakArakaH | nirvAsanastirodhAnalIlAsammohitAsuraH || 203|| vaimAnikavR^ito hR^iShTadevavR^indasamarchitaH | svArchAprAduShkR^itaishvaryo dattapratyakShadarshanaH || 204|| bhaktekShAhasitaH puShpAdyupAhartA.annabhojanaH | kShIrapo nIrapaH svopayAchakeShTAshusiddhidaH || 205|| putrado vittado vidyAprado vairabhayApahaH | apamR^ityuharo bhuktiprado muktida AshrayaH || 206|| aishvaryado rogaharo j~nAnakR^idbhaktido.adhipaH | samAdhidastamohartA sarvama~Ngalama~Ngalam || 207|| (phalashrutiH) ityetachChrIharernAmnAM sahasraM parikIrtitam | svarUpaguNachAritrAnubandhIpsitasiddhidam || 208|| etaddhi paramaM stotraM sarvama~NgalasaMj~nitam | yaHpaThechChR^iNuyAdvA.asau nityaM ma~NgalamApnuyAt || 209|| dharmasarge matistasya sthirA syAnmuktidAyinI | jayedadharmasargaM cha bandhahetuM sa satvaram || 210|| bhuktiM muktiM tathaikAntabhaktiM chAsya prabhAvataH | dehAnte cha harerdhAma golokaM prApnuyAddhi saH || 211|| tasmAdetatsadA bhaktyA paThanIyamihauddhavaiH | bhaktaiH pu.nbhirdvijaiH srIbhiH sachChUdrairapi dIkShitaiH || 212|| naitatkhalAya dAtavyaM na dharmashithilAya cha | nAbhaktAya kvachiddeyaM deyaM bhaktAya sarvathA || 213|| etatsadAma~NgalakAri puMsAM tathA.akhilAma~NgalanAshakAri | stotraM bhavatyuddhavavarmabhAjAM yato.adhika~Nki~nchananAsti pAThyam || 214|| iti shrImaduddhavasampradAyAchAryapravara shrIsahajAnandasvAmishiShya shatAnandamunivirachitaM sarvama~NgalAkhyaM shrIharisahasranAmastotraM samAptam || ## Encoded by Sivakumar Thyagarajan Proofread by Sivakumar Thyagarajan, NA \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}