% Text title            : Sandhyakritam Hari Stotram
% File name             : haristotramsandhyAkRRitaM.itx
% Category              : vishhnu, stotra
% Location              : doc\_vishhnu
% Proofread by          : PSA Easwaran
% Description/comments  : Kalikapurana Adhyaya 22 shloka 51-68
% Latest update         : January 15, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sandhyakritam Hari Stotram ..}##
\itxtitle{.. sandhyAkR^itaM haristotram ..}##\endtitles ##
sandhyovAcha \-
nirAkAraM j~nAnagamyaM naraM ya\-
      nnaiva sthUlaM nApi sUkShmaM na chochchaiH |
antashchintyaM yogibhiryasya rUpaM
      tasmai tubhyaM haraye me namo.astu || 51||
shivaM shAntaM nirmalaM nirvikAraM\-
      j~nAnAtparaM suprakAshaM visAri |
raviprakhyaM dhvAntabhAgAt parastA\-
      drUpaM yasya tvAM namAmi prasannam || 52||
ekaM shuddhaM dIpyamAnaM vinodaM
      chittAnandaM satvajaM pApahArim |
nityAnandasatyaM bhUriprasannaM
      yasya shrIdaM rUpamasmai namo.astu || 53||
vidyAkArodbhAvanIyaM prabhinnaM
      sattvachChannaM dhyeyamAtmasvarUpam |
sAraM pAraM pAvanAnAM pavitraM
      tasmai rUpaM yasya cheyaM namaste || 54||
nityArjavaM vyayahInaM guNaughai\-
      raShTA~Ngairyashchintyate yogayuktaiH |
tattvavyApi prApya yajj~nAnayoge\-
      paraM yAtAM yoginastaM namaste || 55||
yatsAkAraM shuddharUpaM manoj~naM
      garutmasthaM nIlameghaprakAsham |
sha~NkhaM chakraM padmagade dadhAnaM
      tasmai namo yogayuktAya tubhyam || 56||
gaganaM bhUrdishashchaiva salilaM jyotireva cha |
vAyuH kAlashcha rUpANi tasya tasmai namo.astu te || 57||
pradhAnapuruShau yasya kAryA~Ngattve nivatsyataH |
tasmAdavyaktarUpAya govindAya namo.astu te || 58||
yaH svayaM pa~nchabhUtAni yaH svayaM tadguNaH paraH |
yaH svayaM jagadAdhArastasmai tubhyaM namo namaH || 59||
paraH purANaH puruShaH paramAtmA jaganmayaH |
akShayo yo.avyayo devastasmai tubhyaM namo namaH || 60||
yo brahmA kurute sR^iShTiM yo viShNuH kurute sthitim |
saMhariShyati yo rudrastasmai tubhyaM namo namaH || 61||
namo namaH kAraNakAraNAya divyAmR^itaj~nAnavibhUtidAya |
samastalokAntaramohadAya prakAsharUpAya parAtparAya || 62||
yasya prapa~ncho jagaduchyate mahAn
      kShitirdishaH sUrya indurmanojavaH |
vahnirmukhAnnAbhitashchAntarIkShaM
      tasmai tubhyaM haraye te namo.astu || 63||
tvaM paraH paramAtmA cha tvaM vidyA vividhA hare |
shabdabrahma parambrahma vichAraNaparAtparaH || 64||
yasya nAdirnamadhya~ncha nAntamasti jagatpateH |
kathaM stoShyAmi taM devaM vAmano gocharAdbahiH || 65||
yasya brahmAdayo devA munayashcha tapodhanAH |
na vivR^iNvanti rUpANi varNanIyaH kathaM sa me || 66||
striyA mayA te kiM j~neyA nirguNasya guNAH prabhoH |
naiva jAnanti yadrUpaM sendrA api surAsurAH || 67||
namastubhyaM jagannAtha namastubhyaM tapomaya |
prasIda bhagavaMstubhyaM bhUyo bhUyo namo namaH || 68||

iti kAlikApurANe dvAviMsho.aadhyAyAntargataM
         sandhyAkR^itaM haristotraM sampUrNam |
##

Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}