Shri Hayagriva Ashtakam

 श्रीहयग्रीवाष्टकम् 
प्रणवसूद्रीत विग्रह प्रणुत सङ्घात सुग्रह
      विहत दुर्वादि दुर्ग्रह विमतसन्धात निग्रह ।
विधृत सुज्ञान मुद्रण विनिहताज्ञान मुद्रण
      जय जय श्री हयानन जय जय श्री हयानन ॥ १॥

सकल सिद्धान्त चोदन सुकर वेदान्त बोधन
      निखिल दुष्कर्म बन्धन निगम सद्धर्म साधन ।
वितर दाम्नाय वेदन विलसदोङ्कार नादन
      जय जय श्री हयानन जय जय श्री हयानन ॥ २॥

प्रणव हेषा विनोदन प्रणत दोषापनोदन
      सुकृत भाषाभिवादन ललित भूषा सुवादन ।
नवमनीषाब्धिधारण भवभयोद्विद्धिः वारण
      जय जय श्री हयानन जय जय श्री हयानन ॥ ३॥

कमलधामनि पयोनिधे विमल धामनि कलानिधे
      विमल दीप्ते सुवाङ्मय विधृत शक्ते जगन्मय ।
वितत सद्भानु मण्डित श्रितकलादान पण्डित
      जय जय श्री हयानन जय जय श्री हयानन ॥ ४॥

सुजनरक्षा विधायक स्वजन वीक्षा प्रदायक
      श्रितजन त्राण दीक्षित श्रुति शिखा जाल दीक्षित ।
स्थिर चतुर्वेद पञ्जर स्वर महामोद पञ्चर
      जय जय श्री हयानन जय जय श्री हयानन ॥ ५॥

करविराजत् सुदर्शन कलुषराशीविकर्शन
      सुकृत दत्त स्वदर्शन श्रुति महावाग् विमर्शन ।
विलसदम्भोज वासन विदलिताज्ञानवासन ।
      जय जय श्री हयानन जय जय श्री हयानन ॥ ६॥

सकल वाणीश नायक सकल मेधा प्रदायक
      हसित ताम्र प्रतिष्ठित सुदृढबीजाभिवेष्टित ।
हृदय सारस्वरूपक हृत सुरारि प्रदायक
      जय जय श्री हयानन जय जय श्री हयानन ॥ ७॥

स्फुरित शुद्ध प्रभायत स्फुरित विश्व त्रयीमय
      विशदवाणी विराजित विबुध लोकैक पूजित ।
निबिड तेजो विनिश्रुत निजकराञ्चत् सपुस्तक
      जय जय श्री हयानन जय जय श्री हयानन ॥ ८॥

इति श्रीहयग्रीवाष्टकं सम्पूर्णम् ।


Proofread by Mohan Chettoor