% Text title            : Hayagriva Dandakam
% File name             : hayagrIvadaNDakam.itx
% Category              : vishhnu, daNDaka
% Location              : doc\_vishhnu
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hayagriva Dandakam ..}##
\itxtitle{.. hayagrIvadaNDakam ..}##\endtitles ##
jaya jaya tura~NgAsya nasto mukhAnniHsR^itAnantavedAdividyAprabodhIkR^itAmbhojasambhUta heShAravonnirjitAsheShadaiteya lakShmyAmR^itenAnishaM sichyamAnA~Nga rAkendukoTipratIkAsha dehaprabhAbhAsitAbjAta garbhANDavAhyAntarAnamradhAtrIrarudrendra mukhyA maravrAtako\-
TIramANikyakAntichChaTAra~njitA~Nghre sharachchandrahR^inmandiradhvAntarAshe prapannAmarAnokahastvaM purA deva nArAyaNAkhyena rUpeNa lokaM svagarbhe nidhAya shriyo bAhuyugmAntare saMsthitaH san sisR^ikShustvamAdau vidhAtAramAsR^ijya tatsatrayAge hayagrIvarUpaM
samAsthAya daityAdhamau lokashatrU madhUkaiTabhAkhyau cha chakreNa hatvA punarlokaHsaMrakShaNArthaM jhaShAdyAvatArairmahAdaityasa~NghAn vinirmathya lokAn sadA pAsi bho deva yastvAM manuShyottamo dugdhapAthodhimadhyasthasushchetanAmollasadvIpamadhye susantAnavR^ikShAvalI veShTite sanmaNistambhayukte mahAmaNDape tatra parahe karNikAyAM suvAsUtibimbe mahAyogapIThe niShaNNaM namaddevatAmaulimandAramAlAsravanmAkarandadravakShAlitenA~NkushachCha\-trapAThInavajrAmbujAtordhvarekhA~NkitenA~Nghriyugmena saMrAjitaM shvetakarmA\- bhagulphaM lasajjAnuyugmaM dishAdantishuNDopamorudvayaM dugdhasindhvantarIyopamenAchChakausheyavastrAbhirAmeNa bhAsva\-
nitambena yuktaM viyadvAhinI vartulAvR^ittagambhIranAbhIsarastIrasa~njAtaromAvalImaNDite\-
nodareNA~nchitaM shrInivAsAyitorastalaM sheShabhogAbhahastaishchaturbhiH sadA sha~NkhamuktAkShamAlAlasatpustakodbodhayuktAravindAni samyagdadhAnaM raNadbhR^i~NgasaMsaktasamphullamandAramAlAvalIlagnasatkaNThashobhAbhirAmaM shashA~NkAMshusa~NkAshasatkesharavrAtakeshAvalImaNDitaM
dantakAntichChaTAbhAsitAshAvakAshaM dalatpadmapatrAyatAkShaM sphuraddakShiNAvartasha~NkhapratIkAshakarNaM lasanmastakaM divyamuktAmayodArakoTIrakeyUrahArAvalImekhalAdyAkhilairbhUShaNai\-
rbhUShitaM chandranAcharchitAsheShagAtraM sadA mUrtimadvedashAstretihAsAdividyAvalIsevitaM
shrIsatIcha~nchalApA~NganIrAjita brahmarudrAdivandyaM sanmanaH pa~Nkaje chintayan deva bAhye haridgomayAliptake ra~NgavallIsushobhA~nchite sthaNDile shvetakausheyavastrAvR^ite mAlatImalli\-
kAdiprasUnAvalImaNDite chakrapadmAdisanmaNDalopetapIThe yathA yAj~nikA bAhyavahnau nijAntaHsthamagniM samAkR^iShya mantrAkShataiH sthApayitvArchayanti sma tadvadbahiryogamArgeNa
hR^itpadmamadhyasthamIshaM svabimbe pratiShThApya nityaM tvadaMShTAkShareNoktamArgeNa sampUjayan vartate deva yadvA suvarNAdisANlohapatreShu vA bhUrjapatreShu vA paTTavastre.athavA vahnipUrvANadigrAjadantArakeShu kramAdekavarNaM tvadIyaM likhitvAtha pa~nchAkSharaM gAruDaM chAShTavarNaM svarAnuShTumaM
imaM samyagAlikhya tadvadbahirbIjamArgeShvana~NgAkShairaiH kAdisAntaiH kramAdveShTayitvA tato vyomayugmaM gharAmaNDale dikpatInAM cha bIjAni saMlikhya tvadbimbavadgandhapuShpopahArAdibhirbhaktibhAvena sampUjya sanmantrasiddho bhavet tasya vaktre sthirA shAradA tasya gehe dhruvA shrIH svayaM tasya dAsA nR^ipAlAdayastasya bhaktirbhavechChAshvatI tasya vidyA sphuratyashrutapraj~nayA tasya putrAbhivR^iddhirbhavet tasya vA~nChA
labhante.akhilA deva yadvA manorja~njapUko bhruvorantare tvAM samastAgamAnudgirantaM samAchintya tatraiva dIrghAnvitaM binduyuktaM chaturthoShmarUpaM manuM svAnvitaM samyaguchchArya sAyammukhe muktanAmAsane sanniveshyAnilaM cheDayA pUrayan kevale kumbhake saMsthitaH
san tatordhvIkR^itena svajihvAgrabhAgena randhaM nirudhyodgataM somanIraM pibet pratyahaM tasya gIrvANavANI vashA tasya pAta~njalaM syAjjalaM tasya bhATTaM gharaTTotthapiShTopamaM tasya tarkastu pANisthakarkandhukA tasya vaiyAsikI gIrmarunmechikA saiSha vAdeShu pa~nchAnano deva yo vA ghR^itaM brAhmikApAchitaM vAtha vA ka~NgulIbIjajAlAni vAchAbhimanvya
tvadIyena mantreNa nityaM pibet khAtayet tasya vaktre kavitvaM sudhAsammitaM sambhavet tasya buddhirbahugranthasandhAriNI syAt prabho deva yatte padAmbhojashauchodakaM shUlapANeH shirobhUShaNaM yasya nAbhyudbhavo lokanirmANakR^it padmabhUryasya pautro haraH sarvasaMhArakR^id
yasya niHshvAsarUpAH samastAgamA yasya patnIkaTAkShasya lesho vidhIshendramukhyAmarasthAnado yasya talpaM sashailATavIsindhuvishvambharAdhArakaH sheShabhogIshvaro yasya
vAhottamaH sarvavedAbhimAnI khagAdhIshvaro yasya vaktrAgnimadhye surArAtisa~NghAH pata~NgA babhUvuH svayaM yasya divyo hayo bhaktibhAjAM nR^iNAM tIrthakoTyutthapuNyAdhiko yasya
vij~nAnabhaktyAkhyasaddravyasampAdakAnAM bhavedakShayAnandabhogaH prabho deva taM tvAmahaM sachchidAnandamUrti jagajjanmasaMrakShaNaj~nAnasaMhArabandhAdihetuM nirastAdhikaM niHsamaM
sadguNAmbhonidhiM nityamuktaM nijAnandatR^iptaM vibhuM nirgatAsheShadoShaM nirIshaM svaromAvalIkUpasaMsthAbjagarbhANDakoTivrajaM muktavAgIshabhogIshapakShIsha deveshakaH darpasUryAdi\-
mukhyAmaraiH sevitaM shrIkarAmbhojaratnormikAdIghitistomashoNIkR^itA~NghridvayaM bhakta\-
lokArjitAnekajanmAghashuShkATavIpAvakaM sarvavedaikavedyaM sarvadevaikavandhaM mahAyogihR^inmandiraM santatAnantabhogAsanaM devadevaM praNamya prabho yAchaye sAdhunindAtmashaMsAshruta\-
granthavettR^itvaduHshAstravettR^itvaduShTAnnabhoktR^itvaduShTAtmasevAdyanantAparAdhAlayaM nityakarmAdhanuShThAnadUraM durAchAriNaM j~nAnahInaM sadA krodhalobhAdyamitrAnvitaM svottamAchAryasevAnabhij~naM kR^itaghnaM nR^ishaMsaM mahAghaughasindhau nimagnaM kR^ipAmbhonidhe pAhi nishcha~nchalAM
te padAmbhojayugme cha bhaktiM prabho dehi suj~nAnavantaM kuruShvAshu yatte manoj~naM lasatpuNDarIkAyatAkShaM prasannAnanaM chArumandasmitaM shobhanA~NgaM shashA~NkaprabhaM divyasadgandhabhUShAmbarAla~NkR^itaM shrIsakhaM sachchidAnandarUpaM sadA manmanaHpa~Nkaje te sthiraM sthApayAnantashakte |
jaya vAjivaktra prabho jaya sindhukanyApate jaya devachUDAmaNe jayAnantamUrte jayAnanda sindho jayAgAdhabodha prabho shrIramAnAtha lokaikanAthAprameyAchyutAnanta govinda tubhyaM namaste namaste namaH pAhi mAM pAhi |

iti shrIhayagrIvadaNDakaM sampUrNam |
stotrasamuchchayaH 2 (77)
##
Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}