% Text title            : Indradyumnakritam Vishnu Stotram
% File name             : indradyumnakRRitaMviShNustotram.itx
% Category              : vishhnu, stotra
% Location              : doc\_vishhnu
% Proofread by          : PSA Easwaran
% Description/comments  : from Kurmapurana, kUrmapurANe pUrvabhAge 1/69-81
% Latest update         : August 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Indradyumnakritam Vishnu Stotram ..}##
\itxtitle{.. indradyumnakR^itaM viShNustotram ..}##\endtitles ##
indradyumna uvAcha |
yaj~neshAchyuta govinda mAdhavAnanta keshava |
kR^iShNa viShNo hR^iShIkesha tubhyaM vishvAtmane namaH || 1||
namo.astu te purANAya haraye vishvamUrtaye |
sargasthitivinAshAnAM hetave.anantashaktaye || 2||
nirguNAya namastubhyaM niShkalAyAmalAtmane |
puruShAya namastestu vishvarUpAya te namaH || 3||
namaste vAsudevAya viShNave vishvayonaye |
AdimadhyAntahInAya j~nAnagamyAya te namaH || 4||
namaste nirvikArAya niShprapa~nchAya te namaH |
bhedAbhedavihInAya namo.astvAnandarUpiNe || 5||
namastArAya shAntAya namo.apratihatAtmane |
anantamUrtaye tubhyamamUrtAya namo namaH || 6||
namaste paramArthAya mAyAtItAya te namaH |
namaste parameshAya brahmaNe paramAtmane || 7||
namo.astu te susUkShmAya mahAdevAya te namaH |
namaH shivAya shuddhAya namaste parameShThine || 8||
tvayaiva sR^iShTamakhilaM tvameva paramA gatiH |
tvaM pitA sarvabhUtAnAM tvaM mAtA puruShottama || 9||
tvamakSharaM paraM dhAma chinmAtraM vyoma niShkalam |
sarvasyAdhAramavyaktamanantaM tamasaH param || 10||
prapashyanti parAtmAnaM j~nAnadIpena kevalam |
prapadye bhavato rUpaM tadviShNoH paramaM padam || 11||
evaM stuvantaM bhagavAn bhUtAtmA bhUtabhAvanaH |
ubhAbhyAmatha hastAbhyAM pasparsha prahasanniva || 12||
spR^iShTamAtro bhagavatA viShNunA munipu~NgavaH |
yathAvatparamaM tattvaM j~nAtavAMstatprasAdataH || 13||

iti kUrmapurANe pUrvabhAge prathamAdhyAyAntargataM
indradyumnakR^itaM viShaNustotraM samAptam |
kUrmapurANe pUrvabhAge 1/69\-81
##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}