krishnashtakam by Vishnutirtha

श्रीविष्णुतीर्थविरचितं श्रीकृष्णाष्टकम्

श्री वासुदेव मधुसूदन कैटभारे लक्षीश पक्षिवर वाहन वामनेति । श्रीकृष्ण मन्मरण उपागते तु त्वन्नाम मद्वचन गोचरतामुपैतु ॥ १॥ गोविन्द गोकुलपते नवनीत चोर श्री नन्दनन्दन मुकुन्द दयापरेति । श्रीकृष्ण मन्मरण उपागते तु त्वन्नाम मद्वचन गोचरतामुपैतु ॥ २॥ नाराणाखिल गुणार्णव वेद पारायण प्रिय गजाधिप मोचकेति । श्रीकृष्ण मन्मरण उपागते तु त्वन्नाम मद्वचन गोचरतामुपैतु ॥ ३॥ आनन्द सच्चिदाखिलात्मक भक्त वर्ग स्वानन्द दान चतुरागम सन्नुतेति । श्रीकृष्ण मन्मरण उपागते तु त्वन्नाम मद्वचन गोचरतामुपैतु ॥ ४॥ श्री प्राणतोऽधिक सुख्यातक रूप देव प्रोद्यद्दिवाकर निभाच्युत सद्गुणेति । श्रीकृष्ण मन्मरण उपागते तु त्वन्नाम मद्वचन गोचरतामुपैतु ॥ ५॥ विश्वान्धकारि मुख दैवत वन्द्य शाश्वत् विश्वोद्भवस्थितिमृति प्रभृति प्रदेति । श्रीकृष्ण मन्मरण उपागते तु त्वन्नाम मद्वचन गोचरतामुपैतु ॥ ६॥ नित्तैक रूप दश रूप सहस्र लक्षा नन्त रूप शत रूप विरूपकेति । श्रीकृष्ण मन्मरण उपागते तु त्वन्नाम मद्वचन गोचरतामुपैतु ॥ ७॥ सर्वेश सर्वगत सर्व शुभानुरूप सर्वान्तरात्मक सदोदित सत्प्रियेति । श्रीकृष्ण मन्मरण उपागते तु त्वन्नाम मद्वचन गोचरतामुपैतु ॥ ८॥ इति श्रीविष्णुतीर्थविरचितं श्रीकृष्णाष्टकं सम्पूर्णम् ।