% Text title            : kRRiShNAShTottarashatanAmastotram 2 from brahmANDapurANa
% File name             : kRRiShNAShTottarashatanAmastotrambrahmANDa.itx
% Category              : aShTottarashatanAma, vishhnu, vishnu
% Location              : doc\_vishhnu
% Proofread by          : PSA Easwaran, Ravin Bhalekar ravibhalekar at hotmail.com
% Description-comments  : 108 names stotra is also seen in Naradapancharatra.
% Source                : Brahmandapurana Adhyaya 36, Naradapancharatra
% Latest update         : February 11, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIkRRiShNAShTottarashatanAmastotram ..}##
\itxtitle{.. shrIkR^iShNAShTottarashatanAmastotram ..}##\endtitles ##
agastya uvAcha
stotraM tatte pravakShyAmi yasyArthaM tvamihAgataH |
vArAhAdyavatArANAM charitaM pApanAshanam || 2\.36\.11||
sukhadaM mokShadaM chaiva j~nAnavij~nAnakAraNam |
shrutvA sarvaM dharA vatsa prahR^iShTA taM dharAdharam || 2\.36\.12||
uvAcha praNatA bhUyo j~nAtuM kR^iShNavicheShTitam |
dharaNyuvAcha
ala~NkR^itaM janma puMsAmapi nandavrajaukasAm || 2\.36\.13||
tasya devasya kR^iShNasya lIlAvigrahadhAriNaH |
jayopAdhiniyuktAni santi nAmAnyanekashaH || 2\.36\.14||
teShu nAmAni mukhyAni shrotukAmA chirAdaham |
tattAni brUhi nAmAni vAsudevasya vAsuke || 2\.36\.15||
nAtaH parataraM puNyaM triShu lokeShu vidyate |
sheSha uvAcha
vasundhare varArohe janAnAmasti muktidam || 2\.36\.16||
sarvama~NgalamUrddhanyamaNimAdyaShTasiddhidam |
mahApAtakakoTighnaM sarvatIrthaphalapradam || 2\.36\.17||
samastajapayaj~nAnAM phaladaM pApanAshanam |
shR^iNu devi pravakShyAmi nAmnAmaShTottaraM shatam || 2\.36\.18||
sahasranAmnAM puNyAnAM trirAvR^ittyA tu yatphalam |
ekAvR^ittyA tu kR^iShNasya nAmaikaM tatprayachChati || 2\.36\.19||
tasmAtpuNyataraM chaitatstotraM pAtakanAshanam |
nAmnAmaShTottarashatasyAhameva R^iShiH priye || 2\.36\.20||
Chando.anuShTubdevatA tu yogaH kR^iShNapriyAvahaH |

shrIkR^iShNaH kamalAnAtho vAsudevaH sanAtanaH || 2\.36\.21||
vasudevAtmajaH puNyo lIlAmAnuShavigrahaH |
shrIvatsakaustabhadharo yashodAvatsalo hariH || 2\.36\.22||
chaturbhujAttachakrAsigadAsha~NkhAdyudAyudhaH |
devakInandanaH shrIsho nandagopapriyAtmajaH || 2\.36\.23||
yamunAvegasaMhArI balabhadrapriyAnujaH |
pUtanAjIvitaharaH shakaTAsurabha~njanaH || 2\.36\.24||
nandaprajajanAnandI sachchidAnandavigrahaH |
navanItaviliptA~Ngo navanItanaTo.anaghaH || 2\.36\.25||
navanItalavAhArI muchukundaprasAdakR^it |
ShoDashastrIsahasreshastribha~NgI madhurAkR^itiH || 2\.36\.26||
shukavAgamR^itAbdhIndurgovindo govidAmpatiH |
vatsapAlanasa~nchArI dhenukAsuramarddanaH || 2\.36\.27||
tR^iNIkR^itatR^iNAvartto yamalArjunabha~njanaH |
uttAlatAlabhettA cha tamAlashyAmalA kR^itiH || 2\.36\.28||
gopagopIshvaro yogI sUryakoTisamaprabhaH |
ilApatiH para~njyotiryAdavendro yadUdvahaH || 2\.36\.29||
vanamAlI pItavAsAH pArijAtApaharakaH |
govarddhanAchaloddharttA gopAlaH sarvapAlakaH || 2\.36\.30||
ajo nira~njanaH kAmajanakaH ka~njalochanaH |
madhuhA mathurAnAtho dvArakAnAthako balI || 2\.36\.31||
vR^indAvanAntasa~nchArI tulasIdAmabhUShaNaH |
syamantakamaNerharttA naranArAyaNAtmakaH || 2\.36\.32||
kubjAkR^iShTAmbaradharo mAyI paramapUruShaH |
muShTikAsurachANUramallayuddhavishAradaH || 2\.36\.33||
saMsAravairI kaMsArirmurArirnarakAntakaH |
anAdirbrahmachArI cha kR^iShNAvyasanakarShakaH || 2\.36\.34||
shishupAlashirasChettA duryodhanakulAntakR^it |
vidurAkrUravarado vishvarUpapradarshakaH || 2\.36\.35||
satyavAksatyasaMkalpaH satyabhAmArato jayI |
subhadrApUrvajo viShNurbhIShmamuktipradAyakaH || 2\.36\.36||
jagadgururjagannAtho veNuvAdyavishAradaH |
vR^iShabhAsuravidhvaMsI bakArirbANabAhukR^it || 2\.36\.37||
yudhiShTirapratiShThAtA barhibarhAvataMsakaH |
pArthasArathiravyakto gItAmR^itamahodadhiH || 2\.36\.38||
kAlIyaphaNimANikyara~njitaH shrIpadAMbujaH |
dAmodaro yaj~nabhoktA dAnavedravinAshanaH || 2\.36\.39||
nArAyaNaH paraM brahma pannagAshanavAhanaH |
jalakrIDAsamAsaktagopIvastrApahArakaH || 2\.36\.40||
puNyashlokastIrthapAdo vedavedyo dayAnidhiH |
sarvatIrthAnmakaH sarvagraharUpI parAtparaH || 2\.36\.41||

ityevaM kR^iShNadevasya nAmnAmaShTottaraM shatam |
kR^iShNona kR^iShNabhaktena shrutvA gItAmR^itaM purA || 2\.36\.42||
stotraM kR^iShNapriyakaraM kR^itaM tasmAnmayA shrutam |
kR^iShNapremAmR^itaM nAma paramAnandadAyakam || 2\.36\.43||
atyupadravaduHkhaghnaM paramAyuShyavardhanam |
dAnaM vrataM tapastIrthaM yatkR^itaM tviha janmani || 2\.36\.44||
paThatAM shR^iNvatAM chaiva koTikoTiguNaM bhavet |
putrapradamaputrANAmagatInAM gatipradam || 2\.36\.45||
dhanAvahaM daridrANAM jayechChUnAM jayAvaham |
shishUnAM gokulAnAM cha puShTidaM puNyavarddhanam || 2\.36\.46||
bAlarogagrahAdInAM shamanaM shAntikArakam |
ante kR^iShNasmaraNadaM bhavatApatrayApaham || 2\.36\.47||
asiddhasAdhakaM bhadre japAdikaramAtmanAm |
kR^iShNAya yAdavendrAya j~nAnamudrAya yogine || 2\.36\.48||
nAthAya rukmiNIshAya namo vedAntavedine |
imaM mantraM mahAdevi japanneva divA nisham || 2\.36\.49||
sarvagrahAnugrahabhAksarvapriyatamo bhavet |
putrapautraiH parivR^itaH sarvasiddhisamR^iddhimAn || 2\.36\.50||
niShevya bhogAnante.api kR^iShNAsAyujyamApnuyAt |
## verses 21 through 50 also appear in NaradapancharAtra ##

agastya uvAcha
etAvadukto bhAgavAnananto mUrttistu saMkarShaNasaMj~nitA vibho || 2\.36\.51||
dharAdharo.alaM jagatAM dharAyai nirdishya bhUyo virarAma mAnadaH |
tatastu sarve sanakAdayo ye samAsthitAstatparitaH kathAdR^itAH |
AnandapUrNAmbunidhau nimagnAH sabhAjayAmAsurahIshvaraM tam || 2\.36\.52||
R^iShaya UchuH
namo namaste.akhilavishvAbhAvana prapannabhaktArttiharAvyayAtman |
dharAdharAyApi kR^ipArNavAya sheShAya vishvaprabhave namaste || 2\.36\.53||
kR^iShNAmR^itaM naH paripAyitaM vibho vidhUtapApA bhavatA kR^itA vayam |
bhavAdR^ishA dInadayAlavo vibho samuddharantyeva nijAnhi saMnatAn || 2\.36\.54||
evaM namaskR^itya phaNIshapAdayormano vidhAyAkhilakAmapUrayoH |
pradakShiNIkR^itya dharAdharAdharaM sarve vayaM svAvasathAnupAgatAH || 2\.36\.55||
iti te.abhihitaM rAma stotraM premAmR^itAbhidham |
kR^iShNasya rAdhAkAntasya siddhidam || 2\.36\.56|| ##incomplete metrically##
idaM rAma mahAbhAga stotraM paramadurlabham |
shrutaM sAkShAdbhagavataH sheShAtkathayataH kathAH || 2\.36\.57||
yAvanti mantrajAlAni stotrANi kavachAni cha || 2\.36\.58||
trailokye tAni sarvANi siddhyantyevAsya shIlanAt |
vasiShTha uvAcha
evamuktvA mahArAja kR^iShNapremAmR^itaM stavam |
yAvadvyaraMsItsa munistAvatsvaryAnamAgatam || 2\.36\.59||
chaturbhiradbhutaiH siddhaiH kAmarUpairmanojavaiH |
anuyAtamathotplutya strIpuMsau hariNau tadA |
agastyacharaNau natvA samAruruhaturmudA || 2\.36\.60||
divyadehadharau bhUtvA sha~NkhachakrAdichihnitau |
gatau cha vaiShNavaM lokaM sarvadevanamaskR^itam |
pashyatAM sarvabhUtAnAM bhArgavAgastyayostathA || 2\.36\.61||

iti shrIbrahmANDe mahApurANe vAyuprokte madhyabhAge tR^itIya
upoddhAtapAde bhArgavacharite ShaTtriMshattamo.adhyAyaH || 36||
##
Proofread by PSA Easwaran
The stotra part appears in Naradapancharatra as well that was
separately encoded and proofread by
Ravin Bhalekar ravibhalekar at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}