% Text title : kRRiShNasahasranAmastotram kakArAdi % File name : kRRiShNasahasranAmastotramkakArAdi.itx % Category : sahasranAma, vishhnu, krishna, vishnu % Location : doc\_vishhnu % Proofread by : Pallasena Narayanaswami ppnswami at gmail.com, PSA Easwaran % Description-comments : Edited by S. V. Radhakrishna Shastriji % Source : brahmANDapurANe.adhyAtmakabhAgavate shrutirahasye % Acknowledge-Permission: Mahaperiaval Trust % Latest update : December 26, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kakaradi Shrikrishna Sahasranamastotram ..}## \itxtitle{.. kakArAdi shrIkR^iShNasahasranAmastotram ..}##\endtitles ## vyAsa uvAcha\- kR^itArtho.ahaM munishreShTha tvatprasAdAnna saMshayaH | yato mayA paraM j~nAnaM brahmagItAtmakaM shrutam || 1|| paraM tu yena me janma na bhavetkarhichinmune | pUrNabrahmaikavij~nAnaviraho na cha jAyate || 2|| yena me dR^iDhavishvAso bhaktAvutpadyate hareH | kAlapAshavinirmuktiH karmabandhavimochanam || 3|| janmamR^ityujarAvyAdhikleshakShobhanivAraNam | kalikAlabhayadhvaMso brahmaj~nAnaM dR^iDhaM hR^idi || 4|| kIrtiH shrIH sanmatiH shAntirbhaktirmuktishcha shAshvatI | jAyate tadupAyaM me vada vedavidAM vara || 5|| nArada uvAcha\- tattvamekaM trilokeShu pUrNAnando jagadguruH | daivataM sarvadevAnAM prANinAM muktikAraNam || 6|| tAraNaM bhavapAthodherduHkhadAridryahAraNam | tadrUpaM sarvadA dhyeyaM yogibhirj~nAnibhistathA || 7|| j~neyameva sadA siddhaiH siddhAntena dR^iDhIkR^itam | vedAnte gItamAptAnAM hitakR^itkaShTanAshanam || 8|| sarveShAmeva jIvAnAM karmapAshavimochanam | satyaj~nAnadayAsindhoH kAdinAmasahasrakam || 9|| atiguhyataraM loke nAke.api brahmavAdinAm | kAlapAshavinirmukterhetubhUtaM sanAtanam || 10|| kAmArtishamanaM puMsAM durbuddhikShayakArakam | sarvavyAdhyAdhiharaNaM sharaNaM sAdhuvAdinAm || 11|| kapaTachChalapAkhaNDakrodhalobhavinAshanam | aj~nAnAdharmavidhvaMsi shritAnandavivardhanam || 12|| vij~nAnoddIpanaM divyaM sevyaM sarvajanairiha | paThanIyaM prayatnena sarvamantraikadohanam || 13|| mohamAtsaryamUDhAnAmagocharamalaukikam | pUrNAnandaprasAdena labhyametatsudurlabham || 14|| purNAnandaH svayaM brahma bhaktoddhArAya bhUtale | akSharAkAramAvishya svechChayA.anantavikramaH || 15|| kR^iShNanAmnAtra vikhyAtaH svayaM nirvANadAyakaH | ata evAtra varNAnAM kakArastanmayo mataH || 16|| kAdinAmAni loke.asmindurlabhAni durAtmanAm | bhaktAnAM sulabhAnIha nirmalAnAM yatAtmanAm || 17|| j~neya eva svayaM kR^iShNo dhyeya eva nirantaram | ameyo.apyanumAnena meya evAtmabhAvataH || 18|| brahmagItAdibhirgeyaH sevanIyo mumukShabhiH | kR^iShNa eva gatiH puMsAM saMsAre.asminsudustare || 19|| kAlAsye patitaM sarvaM kAlena kavalIkR^itam | kAlAdhInaM kAlasaMsthaM kAlotpannaM jagattrayam || 20|| sa kAlastasya bhR^ityo.asti tadadhInastadudbhavaH | tasmAtsarveShu kAleShu kR^iShNa eva gatirnR^iNAm || 21|| anye devAstrilokeShu kR^iShNAshrayaparAyaNAH | kR^iShNamAshritya tiShThanti kR^iShNasyAnucharA hi te || 22|| yathA sUryodaye sarvAstArakAH kShINakAntayaH | sarve devAstathA vyAsa hatavIryA hataujasaH || 23|| na kR^iShNAditarattattvaM na kR^iShNAditaratsukham | na kR^iShNAditarajj~nAnaM na kR^iShNAditaratpadam || 24|| kR^iShNa eva jaganmitraM kR^iShNa eva jagadguruH | kR^iShNa eva jagattrAtA kR^iShNa eva jagatpitA || 25|| kR^iShNa kR^iShNeti ye jIvAH pravadanti nirantaram | na teShAM punarAvR^ittiH kalpakoTishatairapi || 26|| kR^iShNe tuShTe jaganmitraM kR^iShNe ruShTe hi tadripuH | kR^iShNAtmakaM jagatsarvaM kR^iShNamAshritya tiShThati || 27|| yathA sUryodaye sarve padArthaj~nAnino narAH | kR^iShNasUryodaye.antaHsthe tathA.a.atmaj~nAnino budhAH || 28|| tasmAttvaM sarvabhAvena kR^iShNasya sharaNaM vraja | nAnyopAyastrilokeShu bhavAbdhiM tarituM satAm || 29|| shrIvyAsa uvAcha\- kR^itArtho.ahaM munishreShTha tvatprasAdAdatandritaH | yasmAchChrutaM mayA j~nAnaM shrIkR^iShNasya mahAtmanaH || 30|| paraM tu shretumichChAmi tvatto brahmavidAM vara | naivAsti tvatsamo j~nAnI triShu lokeShu kutrachit || 31|| kathaM me karuNAsindhuH prasanno jAyate hariH | kenopAyena tadbhaktirnishchalA jAyate mayi || 32|| kenopAyena taddAsyaM sakhitvaM devadurlabham | tadadhInatvamevAtha tatsvarUpaikatA tathA || 33|| etanme vada devarShe sarvashAstrArthadohanam | vinA kR^iShNaM gatirnA.asti kR^iShNa eva gatirmama || 34|| nArada uvAcha\- shrIkR^iShNaH karuNAsindhurdInabandhurjagadguruH | kAdinAmahasreNa vinA nAnyaishcha sAdhanaiH || 35|| prasanno jAyate nUnaM tasmAttAni vadAmi te | avAchyAnyapi te vachmi triShu lokeShu kutrachit || 36|| na prasiddhAni duShTAnAM durlabhAni mahItale | sulabhAnIha bhaktAnAM bhAviShyanti tadAj~nayA || 37|| purA sArasvate kalpe ramye vR^indAvane nishi | nijabhaktahitArthAya veNunAdaM hariH svayam || 38|| chakArochchairmanohArI vihArI vairanAshanaH | tadA gopIjanaH sarvaH sahasotthAya vihvalaH || 39|| nishIthe sakalaM tyaktvA.agachChadveNuvashIkR^itaH | tena sArdhaM kR^itA krIDA svapnavadrAsamaNDale || 40|| tatrAntardhAnamagamattachchittamapahR^itya saH | tadA tA gopikAH sarvAH di~NmUDhA iva gogaNAH || 41|| samIpasthamapi bhrAntyA taM nApashyannarottamam | itastato vichinvantyaH kastUrImR^igavadvane || 42|| atyantavyAkulIbhUtAH khaNDitAH shrutayo yathA | brahmaj~nAnAdyathA viprAH kAlamAyAvashanugAH || 43|| tathaitA gopikA vyAsa kR^iShNadarshanalAlasAH | atyantavirahAkrAntAstachchittAstatparAyaNAH || 44|| bhramarIkITavallInA nAnyatpashyanti tadvinA | virahAnaladagdhA~NgyaH kAmAndhA bhayavihvalAH || 45|| svAtmAnaM na vidurdInA j~nAnahInA narA iva | tallInamAnasAkArA vikArAdivivarjitAH || 46|| tadAtikR^ipayA kR^iShNo bhaktAdhIno nira~NkushaH | AvirbabhUva tatraiva yathA sUryo nishAtyaye || 47|| tadA tA gopikAH sarvA dR^iShTvA prANapatiM harim | janmAntaranibhaM hitvA virahAgniM suduHsaham || 48|| tavAvatAravanmatvA harShanirbharamAnasAH | padminya iva kR^iShNArkaM dR^iShTvA vikasitAstadA || 49|| papurnetrapuTairenaM na cha tR^iptimupAyayuH | krIDAyAH shAntimApannA matvA kR^iShNaM jagadgurum || 50|| taM pratyUchuH prItiyuktA viraktA virahAnalAt | AsaktAstatpade nityaM viraktA iva yoginaH || 51|| gopya UchuH\- he nAtha yAhi no dInAstvannAthAstvatparAyaNAH | tavAlambena jIvantyastava dAsyo vayaM sadA || 52|| kenopAyena bho kR^iShNa na bhavedvirahastava | na bhavetpunarAvR^ittirna cha saMsAravAsanA || 53|| tvayi bhaktirdR^iDhA kena sakhItvaM jAyate tava | tadupAyaM hi no brUhi kR^ipAM kR^itvA dayAnidhe || 54|| shrIkR^iShNa uvAcha\- atyantadurlabhaHprashnastvadIyaH kalinAshanaH | na kadApi mayA proktaH kasyApyagre vrajA~NganAH || 55|| tathApyatyantabhAvena yuShmadbhaktyA vashIkR^itaH | rahasyaM kathayAmyadya madIyaM madgatipradam || 56|| kAdinAmasahasrAkhyamavikhyAtaM dharAtale | guhyAdguhyataraM gopyaM vedashAstrArthadohanam || 57|| alaukikamidaM puMsAM sadyaH shreyaskaraM satAm | shabdabrahmamayaM loke sUryavachchitprakAshanam || 58|| saMsArasAgare ghore plavatulyaM manIShiNAm | sarvasiddhipradaM puMsAmaj~nAnArNavashoShaNam || 59|| jAtismR^itipradaM vidyAvardhanaM mohanAshanam | brahmaj~nAnarahasyaM me kAdinAmasahasrakam || 60|| tadevAhaM pravakShyAmi shR^iNudhvaM bhaktipUrvakam | yasya smaraNamAtreNa jIvanmuktiH prajAyate || 61|| OM asya shrIpurANapuruShottamashrIkR^iShNakAdisahasranAmamantrasya nArada R^iShiH anuShTupChandaH\, sarvAtmasvarUpI shrIparamAtmA devatA | OM iti bIjaM\, nama iti shaktiH\, kR^iShNAyeti kIlakaM\, dharmArthakAmamokShArthe shrIkR^iShNaprItyarthe jape viniyogaH || atha karanyAsaH | OM kAlAtmetya~NguShThAbhyAM namaH | OM kIrtivarddhana iti tarjanIbhyAM namaH | OM kUTasthasAkShIti madhyamAbhyAM namaH | OM kaivalyaj~nAnasAdhana iti anAmikAbhyAM namaH | OM kaustubhodbhAsitoraska iti kaniShThakAbhyAM namaH | OM kandarpajvaranAshana iti karatalakarapR^iShThAbhyAM namaH || atha a~NganyAsaH | OM kAlAtmeti hR^idayAya namaH | OM kIrtivardhana iti shirase svAhA | OM kUTasthasAkShIti shikhAyai vaShaT | OM kaivalyaj~nAnasAdhana iti kavachAya hum | OM kaustubhodbhAsitoraska iti netratrayAya vauShaT | OM kandarpajvaranAshana ityastrAya phaT | atha dhyAnam | vande kR^iShNaM kR^ipAluM kalikuladalanaM keshavaM kaMsashatruM dharmiShThaM brahmaniShThaM dvijavaravaradaM kAlamAyAtiriktam | kAlindIkelisaktaM kuvalayanayanaM kuNDalodbhAsitAsyaM kAlAtItasvadhAmAshritanijayuvatIvallabhaM kAlakAlam || 62|| shrIkR^iShNa uvAcha\- OM kR^iShNaH kR^iShNAtmakaH kR^iShNasvarUpaH kR^iShNanAmadhR^it | kR^iShNA~NgaH kR^iShNadaivatyaH kR^iShNAraktavilochanaH || 63|| kR^iShNAshrayaH kR^iShNavarttmA kR^iShNAlaktAbhirakShakaH | kR^iShNeshaprItijanakaH kR^iShNeshapriyakArakaH || 64|| kR^iShNeshAriShTasaMhartA kR^iShNeshaprANavallabhaH | kR^iShNeshAnandajanakaH kR^iShNeshAyurvivarddhanaH || 65|| kR^iShNeshArisamUhaghnaH kR^iShNeshAbhIShTasiddhidaH | kR^iShNAdhIshaH kR^iShNakeshaH kR^iShNAnandavivarddhanaH || 66|| kR^iShNAgarusugandhADhyaH kR^iShNAgarusugandhavit | kR^iShNAgaruvivekaj~naH kR^iShNAgaruvilepanaH || 67|| kR^itaj~naH kR^itakR^ityAtmA kR^ipAsindhuH kR^ipAkaraH | kR^iShNAnandaikavaradaH kR^iShNAnandapadAshrayaH || 68|| kamalAvallabhAkAraH kalighnaH kamalApatiH | kamalAnandasampannaH kamalAsevitAkR^itiH || 69|| kamalAmAnasollAsI kamalAmAnadAyakaH | kamalAla~NkR^itAkAraH kamalAshritavigrahaH || 70|| kamalAmukhapadmArkaH kamalAkarapUjitaH | kamalAkaramadhyasthaH kamalAkaratoShitaH || 71|| kamalAkarasaMsevyaH kamalAkarabhUShitaH | kamalAkarabhAvaj~naH kamalAkarasaMyutaH || 72|| kamalAkarapArshvasthaH kamalAkararUpavAn | kamalAkarashobhADhyaH kamalAkarapa~NkajaH || 73|| kamalAkarapApaghnaH kamalAkarapuShTikR^it | kamalArUpasaubhAgyavarddhanaH kamalekShaNaH || 74|| kamalAkalitA~NghryabjaH kamalAkalitAkR^itiH | kamalAhR^idayAnandavarddhanaH kamalApriyaH || 75|| kamalAchalachittAtmA kamalAla~NkR^itAkR^itiH | kamalAchalabhAvaj~naH kamalAli~NgitAkR^itiH || 76|| kamalAmalanetrashrIH kamalAchalamAnasaH | kamalAparamAnandavarddhanaH kamalAnanaH || 77|| kamalAnandasaubhAgyavarddhanaH kamalAshrayaH | kamalAvilasatpANiH kamalAmalalochanaH || 78|| kamalAmalabhAlashrIH kamalAkarapallavaH | kamaleshaH kamalabhUH kamalAnandadAyakaH || 79|| kamalodbhavabhItighnaH kamalodbhavasaMstutaH | kamalAkarapAshADhyaH kamalodbhavapAlakaH || 80|| kamalAsanasaMsevyaH kamalAsanasaMsthitaH | kamalAsanarogaghnaH kamalAsanapApahA || 81|| kamalodaramadhyasthaH kamalodaradIpanaH | kamalodarasampannaH kamalodarasundaraH || 82|| kanakAla~NkR^itAkAraH kanakAla~NkR^itAmbaraH | kanakAla~NkR^itAgAraH kanakAla~NkR^itAsanaH || 83|| kanakAla~NkR^itAsyashrIH kanakAla~NkR^itAspadaH | kanakAla~NkR^itA~NghryabjaH kanakAla~NkR^itodaraH || 84|| kanakAmbarashobhADhyaH kanakAmbarabhUShaNaH | kanakottamabhAlashrIH kanakottamarUpadhR^ik || 85|| kanakAgAramadhyasthaH kanakAgArakArakaH | kanakAchalamadhyasthaH kanakAchalapAlakaH || 86|| kanakAchalashobhADhyaH kanakAchalabhUShaNaH | kanakaikaprajAkartA kanakaikapradAyakaH || 87|| kalAnanaH kalaravaH kalastrIpariveShTitaH | kalahaMsaparitrAtA kalahaMsaparAkramaH || 88|| kalahaMsasamAnashrIH kalahaMsapriya~NkaraH | kalahaMsasvabhAvasthaH kalahaMsaikamAnasaH || 89|| kalahaMsasamArUDhaH kalahaMsasamaprabhaH | kalahaMsavivekaj~naH kalahaMsagatipradaH || 90|| kalahaMsaparitrAtA kalahaMsasukhAspadaH | kalahaMsakulAdhIshaH kalahaMsakulAspadaH || 91|| kalahaMsakulAdhAraH kalahaMsakuleshvaraH | kalahaMsakulAchArI kalahaMsakulapriyaH || 92|| kalahaMsakulatrAtA kalahaMsakulAtmakaH | kavIshaH kavibhAvasthaH kavinAthaH kavipriyaH || 93|| kavimAnasahaMsAtmA kavivaMshavibhUShaNaH | kavinAyakasaMsevyaH kavinAyakapAlakaH || 94|| kavivaMshaikavaradaH kavivaMshashiromaNiH | kavivaMshavivekaj~naH kavivaMshaprabodhakaH || 95|| kavivaMshaparitrAtA kavivaMshaprabhAvavit | kavitvAmR^itasaMsiddhaH kavitvAmR^itasAgaraH || 96|| kavitvAkArasaMyuktaH kavitvAkArapAlakaH | kavitvAdvaitabhAvasthaH kavitvAshrayakArakaH || 97|| kavIndrahR^idayAnandI kavIndrahR^idayAspadaH | kavINdrahR^idayAntaHsthaH kavIndraj~nAnadAyakaH || 98|| kavIndrahR^idayAmbhojaprakAshaikadivAkaraH | kavIndrahR^idayAmbhojAhlAdanaikanishAkaraH || 99|| kavIndrahR^idayAbjasthaH kavIndrapratibodhakaH | kavIndrAnandajanakaH kavIndrAshritapa~NkajaH || 100|| kavishabdaikavaradaH kavishabdaikadohanaH | kavishabdaikabhAvasthaH kavishabdaikakAraNaH || 101|| kavishabdaikasaMstutyaH kavishabdaikabhUShaNaH | kavishabdaikarasikaH kavishabdavivekavit || 102|| kavitvabrahmavikhyAtaH kavitvabrahmagocharaH | kavivANIvivekaj~naH kavivANIvibhUShaNaH || 103|| kavivANIsudhAsvAdI kavivANIsudhAkaraH | kavivANIvivekasthaH kavivANIvivekavit || 104|| kavivANIparitrAtA kavivANIvilAsavAn | kavishaktipradAtA cha kavishaktipravartakaH || 105|| kavishaktisamUhasthaH kavishaktikalAnidhiH | kalAkoTisamAyuktaH kalAkoTisamAvR^itaH || 106|| kalAkoTiprakAshasthaH kalAkoTipravartakaH | kalAnidhisamAkAraH kalAnidhisamanvitaH || 107|| kalAkoTiparitrAtA kalAkoTipravardhanaH | kalAnidhisudhAsvAdI kalAnidhisamAshritaH || 108|| kala~NkarahitAkAraH kala~NkarahitAspadaH | kala~NkarahitAnandaH kala~NkarahitAtmakaH || 109|| kala~NkarahitAbhAsaH kala~NkarahitodayaH | kala~NkarahitoddeshaH kala~NkarahitAnanaH || 110|| kala~NkarahitashrIshaH kala~NkarahitastutiH | kala~NkarahitotsAhaH kala~NkarahitapriyaH || 111|| kala~NkarahitochchAraH kala~NkarahitendirayaH | kala~NkarahitAkAraH kala~NkarahitotsavaH || 112|| kala~NkA~NkitaduShTaghnaH kala~NkA~NkitadharmahA | kala~NkA~NkitakarmAriH kala~NkA~NkitamArgahR^it || 113|| kala~NkA~NkitadurddarshaH kala~NkA~NkitaduHsahaH | kala~NkA~NkitadUrasthaH kala~NkA~NkitadUShaNaH || 114|| kalahotpattisaMhartA kalahotpattikR^idripuH | kalahAtItadhAmasthaH kalahAtItanAyakaH || 115|| kalahAtItatattvaj~naH kalahAtItavaibhavaH | kalahAtItabhAvasthaH kalahAtItasattamaH || 116|| kalikAlabalAtItaH kalikAlavilopakaH | kalikAlaikasaMhartA kalikAlaikadUShaNaH || 117|| kalikAlakuladhvaMsI kalikAlakulApahaH | kalikAlabhayachChettA kalikAlamadApahaH || 118|| kalikleshavinirmuktaH kalikleshavinAshanaH | kaligrastajanatrAtA kaligrastanijArtihA || 119|| kaligrastajaganmitraH kaligrastajagatpatiH | kaligrastajagattrAtA kalipAshavinAshanaH || 120|| kalimuktiprAdAtA kaH kalimuktakalevaraH | kalimuktamanovR^ittiH kalimuktamahAmatiH || 121|| kalikAlamatAtItaH kalidharmavilopakaH | kalidharmAdhipadhvaMsI kalidharmaikakhaNDanaH || 122|| kalidharmAdhipAlakShyaH kalikAlavikArahA | kalikarmakathAtItaH kalikarmakathAripuH || 123|| kalikaShTaikashamanaH kalikaShTavivarjjitaH | kalighnaH kalidharmaghnaH kalidharmAdhikArihA || 124|| karmavitkarmakR^itkarmI karmakANDaikadohanaH | karmasthaH karmajanakaH karmiShThaH karmasAdhanaH || 125|| karmakartA karmabhartA karmahartA cha karmajit | karmajAtajagattrAtA karmajAtajagatpatiH || 126|| karmajAtajaganmitraH karmajAtajagadguruH | karmabhUtabhavachChAtraH karmabhUtabhavAtihA || 127|| karmakANDaparij~nAtA karmakANDapravarttakaH | karmakANDaparitrAtA karmakANDapramANakR^it || 128|| karmakANDavivekaj~naH karmakANDaprakArakaH | karmakANDavivekasthaH karmakANDaikadohanaH || 129|| karmakANDaratAbhIShTapradAtA karmatatparaH | karmabaddhajagattrAtA karmabaddhajagadguruH || 130|| karmabandhArtishamanaH karmabandhavimochanaH | karmiShThadvijavaryasthaH karmiShThadvijavallabhaH || 131|| karmiShThadvijajIvAtmA karmiShThadvijajIvanaH | karmiShThadvijabhAvaj~naH karmiShThadvijapAlakaH || 132|| karmiShThadvijajAtisthaH karmiShThadvijakAmadaH | karmiShThadvijasaMsevyaH karmiShThadvijapApahA || 133|| karmiShThadvijabuddhisthaH karmiShThadvijabodhakaH | karmiShThadvijabhItighnaH karmiShThadvijamuktidaH || 134|| karmiShThadvijadoShaghnaH karmiShThadvijakAmadhuk | karmiShThadvijasampUjyaH karmiShThadvijatArakaH || 135|| karmiShThAriShTasaMhartA karmiShThAbhIShTasiddhidaH | karmiShThAdR^iShTamadhyasthaH karmiShThAdR^iShTavardhanaH || 136|| karmamUlajagaddhetuH karmamUlanikandanaH | karmabIjaparitrAtA karmabIjavivarddhanaH || 137|| karmadrumaphalAdhIshaH karmadrumaphalapradaH | kastUrIdravaliptA~NgaH kastUrIdravavallabhaH || 138|| kastUrIsaurabhagrAhI kastUrImR^igavallabhaH | kastUrItilakAnandI kastUrItilakapriyaH || 139|| kastUrItilakAshleShI kastUrItilakA~NkitaH | kastUrIvAsanAlInaH kastUrIvAsanApriyaH || 140|| kastUrIvAsanArUpaH kastUrIvAsanAtmakaH | kastUrIvAsanAntaHsthaH kastUrIvAsanAspadaH || 141|| kastUrIchandanagrAhI kastUrIchandanArchitaH | kastUrIchandanAgAraH kastUrIchandanAnvitaH || 142|| kastUrIchandanAkAraH kastUrIchandanAsanaH | kastUrIcharchitoraskaH kastUrIcharvitAnanaH || 143|| kastUrIcharvitashrIshaH kastUrIcharchitAmbaraH | kastUrIcharchitAsyashrIH kastUrIcharchitapriyaH || 144|| kastUrImodamuditaH kastUrImodavarddhanaH | kastUrImodadIptA~NgaH kastUrIsundarAkR^itiH || 145|| kastUrImodarasikaH kastUrImodalolupaH | kastUrIparamAnandI kastUrIparameshvaraH || 146|| kastUrIdAnasantuShTaH kastUrIdAnavallabhaH | kastUrIparamAhlAdaH kastUrIpuShTivarddhanaH || 147|| kastUrImuditAtmA cha kastUrImuditAshayaH | kadalIvanamadhyasthaH kadalIvanapAlakaH || 148|| kadalIvanasa~nchArI kadalIvanavallabhaH | kadalIdarshanAnandI kadalIdarshanotsukaH || 149|| kadalIpallavAsvAdI kadalIpallavAshrayaH | kadalIphalasantuShTaH kadalIphaladAyakaH || 150|| kadalIphalasampuShTaH kadalIphalabhojanaH | kadalIphalavaryAshI kadalIphalatoShitaH || 151|| kadalIphalamAdhuryavallabhaH kadalIpriyaH | kapidhvajasamAyuktaH kapidhvajaparistutaH || 152|| kapidhvajaparitrAtA kapidhvajasamAshritaH | kapidhvajapadAntasthaH kapidhvajajayapradaH || 153|| kapidhvajarathArUDhaH kapidhvajayashaHpradaH | kapidhvajaikapApaghnaH kapidhvajasukhapradaH || 154|| kapidhvajArisaMhartA kapidhvajabhayApahaH | kapidhvajamano.abhij~naH kapidhvajamatipradaH || 155|| kapidhvajasuhR^inmitraH kapidhvajasuhR^itsakhaH | kapidhvajA~NganArAdhyaH kapidhvajagatipradaH || 156|| kapidhvajA~NganArighnaH kapidhvajaratipradaH | kapidhvajakulatrAtA kapidhvajakulArihA || 157|| kapidhvajakulAdhIshaH kapidhvajakulapriyaH | kapIndrasevitA~NghryabjaH kapIndrastutivallabhaH || 158|| kapIndrAnandajanakaH kapIndrAshritavigrahaH | kapIndrAshritapAdAbjaH kapIndrAshritamAnasaH || 159|| kapIndrArAdhitAkAraH kapIndrAbhIShTasiddhidaH | kapIndrArAtisaMhartA kapIndrAtibalapradaH || 160|| kapIndraikaparitrAtA kapIndraikayashaHpradaH || 161|| kapIndrAnandasampannaH kapIndrAnandavarddhanaH | kapIndradhyAnagamyAtmA kapIndraj~nAnadAyakaH || 162|| kalyANama~NgalAkAraH kalyANama~NgalAspadaH | kalyANama~NgalAdhIshaH kalyANama~NgalapradaH || 163|| kalyANama~NgalAgAraH kalyANama~NgalAtmakaH | kalyANAnandasapannaH kalyANAnandavardhanaH || 164|| kalyANAnandasahitaH kalyANAnandadAyakaH || 165|| kalyANAnandasantuShTaH kalyANAnandasaMyutaH | kalyANIrAgasa~NgItaH kalyANIrAgavallabhaH || 166|| kalyANIrAgarasikaH kalyANIrAgakArakaH | kalyANIkelikushalaH kalyANIpriyadarshanaH || 167|| kalpashAstraparij~nAtA kalpashAstrArthadohanaH | kalpashAstrasamuddhartA kalpashAstraparistutaH || 168|| kalpakoTishatAtItaH kalpakoTishatottaraH | kalpakoTishataj~nAnI kalpakoTishataprabhuH || 169|| kalpavR^ikShasamAkAraH kalpavR^ikShasamaprabhaH | kalpavR^ikShasamodAraH kalpavR^ikShasamasthitaH || 170|| kalpavR^ikShaparitrAtA kalpavR^ikShasamAvR^itaH | kalpavR^ikShavanAdhIshaH kalpavR^ikShavanAspadaH || 171|| kalpAntadahanAkAraH kalpAntadahanopamaH | kalpAntakAlashamanaH kalpAntAtItavigrahaH || 172|| kalashodbhavasaMsevyaH kalashodbhavavallabhaH | kalashodbhavabhItighnaH kalashodbhavasiddhidaH || 173|| kapilaH kapilAkAraH kapilapriyadarshanaH | karddamAtmajabhAvasthaH karddamapriyakArakaH || 174|| kanyakAnIkavaradaH kanyakAnIkavallabhaH | kanyakAnIkasaMstutyaH kanyakAnIkanAyakaH || 175|| kanyAdAnapradatrAtA kanyAdAnapradapriyaH | kanyAdAnaprabhAvaj~naH kanyAdAnapradAyakaH || 176|| kashyapAtmajabhAvasthaH kashyapAtmajabhAskaraH | kashyapAtmajashatrughnaH kashyapAtmajapAlakaH || 177|| kashyapAtmajamadhyasthaH kashyapAtmajavallabhaH | kashyapAtmajabhItighnaH kashyapAtmajadurlabhaH || 178|| kashyapAtmajabhAvasthaH kashyapAtmajabhAvavit | kashyapodbhavadaityAriH kashyapodbhavadevarAT || 179|| kashpayAnandajanakaH kashyapAnandavarddhanaH | kashyapAriShTasaMhartA kashyapAbhIShTasiddhidaH || 180|| kartR^ikarmakriyAtItaH kartR^ikarmakriyAnvayaH | kartR^ikarmakriyAlakShyaH kartR^ikarmakriyAspadaH || 181|| kartR^ikarmakriyAdhIshaH kartR^ikarmakriyAtmakaH | kartR^ikarmakriyAbhAsaH kartR^ikarmakriyApradaH || 182|| kR^ipAnAthaH kR^ipAsindhuH kR^ipAdhIshaH kR^ipAkaraH | kR^ipAsAgaramadhyasthaH kR^ipApAtraH kR^ipAnidhiH || 183|| kR^ipApAtraikavaradaH kR^ipApAtrabhayApahaH | kR^ipAkaTAkShapApaghnaH kR^itakR^ityaH kR^itAntakaH || 184|| kadambavanamadhyasthaH kadambakusumapriyaH | kadambavanasa~nchArI kadambavanavallabhaH || 185|| karpUrAmodamuditaH karpUrAmodavallabhaH | karpUravAsanAsaktaH karpUrAgarucharchitaH || 186|| karuNArasaMsampUrNaH karuNArasavardhanaH | karuNAkaravikhyAtaH karuNAkarasAgaraH || 187|| kAlAtmA kAlajanakaH kAlAgniH kAlasaMj~nakaH | kAlaH kAlakalAtItaH kAlasthaH kAlabhairavaH || 188|| kAlaj~naH kAlasaMhartA kAlachakrapravartakaH | kAlarUpaH kAlanAthaH kAlakR^itkAlikApriyaH || 189|| kAlaikavaradaH kAlaH kAraNaH kAlarUpabhAk | kAlamAyAkalAtItaH kAlamAyApravartakaH || 190|| kAlamAyAvinirmuktaH kAlamAyAbalApahaH | kAlatrayagatij~nAtA kAlatrayaparAkramaH || 191|| kAlaj~nAnakalAtItaH kAlaj~nAnapradAyakaH | kAlaj~naH kAlarahitaH kAlAnanasamaprabhaH || 192|| kAlachakraika hetusthaH kAlarAtriduratyayaH | kAlapAshavinirmuktaH kAlapAshavimochanaH || 193|| kAlavyAlaikadalanaH kAlavyAlabhayApahaH | kAlakarmakalAtItaH kAlakarmakalAshrayaH || 194|| kAlakarmakalAdhIshaH kAlakarmakalAtmakaH | kAlavyAlaparigrastanijabhaktaikamochanaH || 195|| kAshirAjashirashChettA kAshIshapriyakArakaH | kAshIsthArtiharaH kAshImadhyasthaH kAshikApriyaH || 196|| kAshIvAsijanAnandI kAshIvAsijanapriyaH | kAshIvAsijanatrAtA kAshIvAsijanastutaH || 197|| kAshIvAsivikAraghnaH kAshIvAsivimochanaH | kAshIvAsijanoddhartA kAshIvAsakulapradaH || 198|| kAshIvAsyAshritA~NghryabjaH kAshIvAsisukhapradaH | kAshIsthAbhIShTaphaladaH kAshIsthAriShTanAshanaH || 199|| kAshIsthadvijasaMsevyaH kAshIsthadvijapAlakaH | kAshIsthadvijasadbuddhipradAtA kAshikAshrayaH || 200|| kAntIshaH kAntidaH kAntaH kAntArapriyadarshanaH | kAntimAnkAntijanakaH kAntisthaH kAntivardhanaH || 201|| kAlAgarusugandhADhyaH kAlAgaruvilepanaH | kAlAgarusugandhaj~naH kAlAgarusugandhakR^it || 202|| kApaTyapaTalachChettA kAyasthaH kAyavardhanaH | kAyabhAgbhayabhItighnaH kAyarogApahArakaH || 203|| kAryakAraNakartR^isthaH kAryakAraNakArakaH | kAryakAraNasampannaH kAryakAraNasiddhidaH || 204|| kAvyAmR^itarasAsvAdI kAvyAmR^itarasAtmakaH | kAvyAmR^itarasAbhij~naH kAryAmR^itarasapriyaH || 205|| kAdivarNaikajanakaH kAdivarNapravartakaH | kAdivarNavivekaj~naH kAdivarNavinodavAn || 206|| kAdihAdimanuj~nAtA kAdihAdimanupriyaH | kAdihAdimanUddhArakArakaH kAdisaMj~nakaH || 207|| kAluShyarahitAkAraH kAluShyaikavinAshanaH | kArAgR^ihavimuktAtmA kArAgR^ihavimochanaH || 208|| kAmAtmA kAmadaH kAmI kAmeshaH kAmapUrakaH | kAmahR^itkAmajanakaH kAmikAmapradAyakaH || 209|| kAmapAlaH kAmabhartA kAmakelikalAnidhiH | kAmakelikalAsaktaH kAmakelikalApriyaH || 210|| kAmabIjaikavaradaH kAmabIjasamanvitaH | kAmajitkAmavaradaH kAmakrIDAtilAlasaH || 211|| kAmArtishamanaH kAmAla~NkR^itaH kAmasaMstutaH | kAminIkAmajanakaH kAminIkAmavardhanaH || 212|| kAminIkAmarasikaH kAminIkAmapUrakaH | kAminImAnadaH kAmakalAkautUhalapriyaH || 213|| kAminIpremajanakaH kAminIpremavardhanaH | kAminIhAvabhAvaj~naH kAminIprItivardhanaH || 214|| kAminIrUparasikaH kAminIrUpabhUShaNaH | kAminImAnasollAsI kAminImAnasAspadaH || 215|| kAmibhaktajanatrAtA kAmibhaktajanapriyaH | kAmeshvaraH kAmadevaH kAmabIjaikajIvanaH || 216|| kAlindIviShasaMhartA kAlindIprANajIvanaH | kAlindIhR^idayAnandI kAlindInIravallabhaH || 216|| kAlindIkelikushalaH kAlindIprItivardhanaH | kAlindIkelirasikaH kAlindIkelilAlasaH || 218|| kAlindInIrasa~NkheladgopIyUthasamAvR^itaH | kAlindInIramadhyasthaH kAlindInIrakelikR^it || 219|| kAlindIramaNAsaktaH kAlinAgamadApahaH | kAmadhenuparitrAtA kAmadhenusamAvR^itaH || 220|| kA~nchanAdrisamAnashrIH kA~nchanAdrinivAsakR^it | kA~nchanAbhUShaNAsaktaH kA~nchanaikavivardhanaH || 221|| kA~nchanAbhashriyAsaktaH kA~nchanAbhashriyAshritaH | kArtikeyaikavaradaH kArtavIryamadApahaH || 222|| kishorInAyikAsaktaH kishorInAyikApriyaH | kishorIkelikushalaH kishorIprANajIvanaH || 223|| kishorIvallabhAkAraH kishorIprANavallabhaH | kishorIprItijanakaH kishorIpriyadarshanaH || 224|| kishorIkelisaMsaktaH kishorIkelivallabhaH | kishorIkelisaMyuktaH kishorIkelilolupaH || 225|| kishorIhR^idayAnandI kishorIhR^idayAspadaH | kishorIshaH kishorAtmA kishoraH kiMshukAkR^itiH || 226|| kiMshukAbharaNAlakShyaH kiMshukAbharaNAnvitaH | kIrtimAnkIrtijanakaH kIrtanIyaparAkramaH || 227|| kIrtanIyayashorAshiH kIrtisthaH kIrtanapriyaH | kIrtishrImatidaH kIshaH kIrtij~naH kIrtivardhanaH || 228|| kriyAtmakaH kriyAdhAraH kiryAbhAsaH kriyAspadaH | kIlAlAmalachidvR^ittiH kIlAlAshrayakAraNaH || 229|| kuladharmAdhipAdhIshaH kuladharmAdhipapriyaH | kuladharmaparitrAtA kuladharmapatistutaH || 230|| kuladharmapadAdhAraH kuladharmapadAshrayaH | kuladharmapatiprANaH kuladharmapatipriyaH || 231|| kuladharmapatitrAtA kuladharmaikarakShakaH | kuladharmasamAsaktaH kuladharmaikadohanaH || 232|| kuladharmasamuddhartA kuladharmaprabhAvavit | kuladharmasamArAdhyaH kuladharmadhurandharaH || 233|| kulamArgaratAsaktaH kulamArgaratAshrayaH | kulamArgasamAsInaH kulamArgasamutsukaH || 234|| kuladharmAdhikArasthaH kuladharmavivardhanaH | kulAchAravichAraj~naH kulAchArasamAshritaH || 235|| kulAchArasamAyuktaH kulAchArasukhapradaH | kulAchArAtichaturaH kulAchArAtivallabhaH || 236|| kulAchArapavitrA~NgaH kulAchArapramANakR^it | kulavR^ikShaikajanakaH kulavR^ikShavivardhanaH || 237|| kulavR^ikShaparitrAtA kulavR^ikShaphalapradaH | kulavR^ikShaphalAdhIshaH kulavR^ikShaphalAshanaH || 238|| kulamArgakalAbhij~naH kulamArgakalAnvitaH | kukarmaniratAtItaH kukarmaniratAntakaH || 239|| kukarmamArgarahitaH kukarmaikaniShUdanaH | kukarmarahitAdhIshaH kukarmarahitAtmakaH || 240|| kukarmarahitAkAraH kukarmarahitAspadaH | kukarmarahitAchAraH kukarmarahitotsavaH || 241|| kukarmarahitoddeshaH kukarmarahitapriyaH | kukarmarahitAntasthaH kukarmarahiteshvaraH || 242|| kukarmarahitastrIshaH kukarmarahitaprajaH | kukarmodbhavapApaghnaH kukarmodbhavaduHkhahA || 243|| kutarkarahitAdhIshaH kutarkarahitAkR^itiH | kUTasthasAkShI kUTAtmA kUTasthAkSharanAyakaH || 244|| kUTasthAkSharasaMsevyaH kUTasthAkSharakAraNaH | kuberabandhuH kushalaH kumbhakarNavinAshanaH || 245|| kUrmAkR^itidharaH kUrmaH kUrmasthAvanipAlakaH | kumArIvaradaH kusthaH kumArIgaNasevitaH || 246|| kushasthalIsamAsInaH kushadaityavinAshanaH | keshavaH kleshasaMhartA keshidaityavinAshanaH || 247|| kleshahInamanovR^ittiH kleshahInaparigrahaH | kleshAtItapadAdhIshaH kleshAtItajanapriyaH || 248|| kleshAtItashubhAkAraH kleshAtItasukhAspadaH | kleshAtItasamAjasthaH kleshAtItamahAmatiH || 249|| kleshAtItajanatrAtA kleshahInajaneshvaraH | kleshahInasvadharmasthaH kleshahInavimuktidaH || 250|| kleshahInanarAdhIshaHkleshahInanarottamaH | kleshAtiriktasadanaH kleshamUlanikandanaH || 251|| kleshAtiriktabhAvasthaH kleshahInaikavallabhaH | kleshahInapadAntasthaH kleshahInajanArddanaH || 252|| kesarA~NkitabhAlashrIH kesarA~NkitavallabhaH | kesarAliptahR^idayaH kesarAliptasadbhujaH || 253|| kesarA~NkitavAsashrIH kesarA~NkitavigrahaH | kesarAkR^itigopIshaH kesarAmodavallabhaH || 254|| kesarAmodamadhupaH kesarAmodasundaraH | kesarAmodamuditaH kesarAmodavardhanaH || 255|| kesarArchitabhAlashrIH kesarArchitavigrahaH | kesarArchitapAdAbjaH kesarArchitakuNDalaH || 256|| kesarAmodasampannaH kesarAmodalolupaH | ketakIkusumAsaktaHketakIkusumapriyaH || 257|| ketakIkusumAdhIshaHketakIkusumA~NkitaH | ketakIkusumAmodavardhanaH ketakIpriyaH || 258|| ketakIshobhitAkAraH ketakIshobhitAmbaraH | ketakIkusumAmodavallabhaH ketakIshvaraH || 259|| ketakIsaurabhAnandI ketakIsaurabhapriyaH | keyUrAla~NkR^itabhujaH keyUrAla~NkR^itAtmakaH || 260|| keyUrAla~NkR^itashrIshaHkeyUrapriyadarshanaH | kedAreshvarasaMyuktaH kedAreshvaravallabhaH || 261|| kedAreshvarapArshvasthaH kedAreshvarabhaktapaH | kedArakalpasAraj~naH kedArasthalavAsakR^it || 262|| kedArAshritabhItighnaH kedArAshritamuktidaH | kedArAvAsivaradaH kedArAshritaduHkhahA || 263|| kedArapoShakaH keshaH kedArAnnavivarddhanaH | kedArapuShTijanakaH kedArapriyadarshanaH || 264|| kailAseshasamAjasthaH kailAseshapriya~NkaraH | kailAseshasamAyuktaH kailAseshaprabhAvavit || 265|| kailAsAdhIshatrughnaH kailAsapatitoShakaH | kailAsAdhIshasahitaH kailAsAdhIshavallabhaH || 266|| kaivalyamuktijanakaH kaivalyapadavIshvaraH | kaivalyapadavItrAtA kaivalyapadavIpriyaH || 267|| kaivalyaj~nAnasampannaH kaivalyaj~nAnasAdhanaH | kaivalyaj~nAnagamyAtmA kaivalyaj~nAnadAyakaH || 268|| kaivalyaj~nAnasaMsiddhaH kaivalyaj~nAnadIpakaH | kaivalyaj~nAnavikhyAtaH kaivalyaikapradAyakaH || 269|| krodhalobhabhayAtItaH krodhalobhavinAshanaH | krodhAriH krodhahInAtmA krodhahInajanapriyaH || 270|| krodhahInajanAdhIshaH krodhahInaprajeshvaraH | kopatApopashamanaH kopahInavarapradaH || 271|| kopahInanaratrAtA kopahInajanAdhipaH | kopahInanarAntaHsthaH kopahInaprajApatiH || 272|| kopahInapriyAsaktaH kopahInajanArtihA | kopahInapadAdhIshaH kopahInapadapradaH || 273|| kopahInanarasvAmI kopahInasvarUpadhR^ik | kokilAlApasa~NgItaH kokilAlApavallabhaH || 274|| kokilAlApalInAtmA kokilAlApakArakaH | kokilAlApakAnteshaH kokilAlApabhAvavit || 275|| kokilAgAnarasikaH kokilAvaravallabhaH | koTisUryasamAnashrIH koTichandrAmR^itAtmakaH || 276|| koTidAnavasaMhartA koTikandarpadarpahA | koTidevendrasaMsevyaH koTibrahmArchitAkR^itiH || 277|| koTibrahmANDamadhyasthaH koTividyutsamadyutiH | koTyashvamedhapApaghnaH koTikAmeshvarAkR^itiH || 278|| koTimeghasamodAraH koTivahnisuduHsahaH | koTipAthodhigambhIraH koTimerusamasthiraH || 279|| koTigopIjanAdhIshaH koTigopA~NganAvR^itaH | koTidaityeshadapraghnaH koTirudraparAkarmaH || 280|| koTibhaktArtishamanaH koTiduShTavimardanaH | koTibhaktajanoddhartA koTiyaj~naphalapradaH || 281|| koTidevarShisaMsevyaH koTibrahmarShimuktidaH | koTirAjarShisaMstutyaH koTibrahmANDamaNDanaH || 282|| koTyAkAshaprakAshAtmA koTivAyumahAbalaH | koTitejomayAkAraH koTibhUmisamakShamI || 283|| koTinIrasamasvachChaH koTidigj~nAnadAyakaH | koTibrahmANDajanakaH koTibrahmANDapAlakaH || 284|| koTibrahmANDasaMhartA koTibrahmANDabodhakaH | koTivAkpativAchAlaH koTishukrakavIshvaraH || 285|| koTidvijasamAchAraH koTiherambavighnahA | koTimAnasahaMsAtmA koTimAnasasaMsthitaH || 286|| koTichChalakarArAtiH koTidAmbhikanAshanaH | koTishUnyapathachChettA koTipAkhaNDakhaNDanaH || 287|| koTisheShadharAdhAraH koTikAlaprabodhakaH | koTivedAntasaMvedyaH koTisiddhAntanishchayaH || 288|| koTiyogIshvarAdhIshaH koTiyogaikasiddhidaH | koTidhAmAdhipAdhIshaH koTilokaikapAlakaH || 289|| koTiyaj~naikabhoktA cha koTiyaj~naphalapradaH | koTibhaktahR^idantasthaH koTibhaktAbhayapradaH || 290|| koTijanmArtishamanaH koTijanmAghanAshanaH | koTijanmAntaraj~nAnapradAtA koTibhaktapaH || 291|| koTishaktisamAyuktaH koTichaitanyabodhakaH | koTichakrAvR^itAkAraH koTichakrapravartakaH || 292|| koTichakrArchanatrAtA koTivIrAvalIvR^itaH | koTitIrthajalAntasthaH koTitIrthaphalapradaH || 293|| komalAmalachidvR^ittiH komalAmalamAnasaH | kaustubhodbhAsitoraskaH kaustubhodbhAsitAkR^itiH || 294|| kauravAnIkasaMhartA kauravArNavakumbhabhUH | kaunteyAshritapAdAbjaH kaunteyAbhayadAyakaH || 295|| kaunteyArAtisaMhartA kaunteyapratipAlakaH | kaunteyAnandajanakaH kaunteyaprANajIvanaH || 296|| kaunteyAchalabhAvaj~naH kaunteyAchalamuktidaH | kaumudImuditAkAraH kaumudImuditAnanaH || 297|| kaumudImuditaprANaH kaumudImuditAshayaH | kaumudImodamuditaH kaumudImodavallabhaH || 298|| kaumudImodamadhupaH kaumudImodavardhanaH | kaumudImodamAnAtmA kaumudImodasundaraH || 299|| kaumudIdarshanAnandI kaumudIdarshanotsukaH | kausalyAputrabhAvasthaH kausalyAnandavardhanaH || 300|| kaMsAriH kaMsahInAtmA kaMsapakShanikandanaH | ka~NkAlaH ka~NkavaradaH kaNTakakShayakArakaH || 301|| kandarpadarpashamanaH kandarpAbhimanoharaH | kandarpakAmanAhInaH kandarpajvaranAshanaH || 302|| kandarpajvaranAshana OM nama iti iti shrIsarvasaubhAgyavardhanaM shrIpatipriyam | nAmnAmakSharakAdInAM sahasraM parikIrtitam || 303|| sarvAparAdhashamanaM rahasyaM shrutigocharam | kalikAlaikadamanaM krUrashatrunikandanam || 304|| krUrapApasamUhaghnaM krUrakarmavinAshanam | krUrAsuraughasaMhArakArakaM kleshanAshanam || 305|| kumArgadalanaM kaShTaharaNaM kalmaShApaham | kubuddhishamanaM krodhakandanaM kAntivarddhanam || 306|| kuvidyAdamanaM kAmamardanaM kIrtidAyakam | kutarkanAshanaM kAntaM kupathArNavashoShaNam || 307|| koTijanmArjitAriShTaharaM kAlabhayApaham | koTijanmArjitAj~nAnanAshanaikadivAkaram || 308|| kApaTyapaTaladhvaMsikArpaNyaikahutAshanam | kAluShyabhAvashamanaM kIrtishrImatidaM satAm || 309|| kopopatApashamanaM kaMsArismR^itidAyakam | kulAchAravichArasthaM kuladharmapravartakam || 310|| kuladharmaratAbhIShTasiddhidaM kuladIpakam | kutsAmArganirAkartR^i kupathAchAravarjitam || 311|| kalyANama~NgalAgAraM kalpavR^ikShasamaM satAm | kauTilyabhAvashamanaM kAshIvAsaphalapradam || 312|| atiguhyataraM puMsAM bhogamokShaikasAdhanam | atyantasnehabhAvena yuShmadagre prakAshitam || 313|| na vaktavyaM na vaktavyaM na vaktavyaM kadAchana | pApyagre kuTilAgre cha rAgyagre pishunAya vai || 314|| drohyagre malinAghre cha kapaTyagre visheShataH | lampaTAgre.abhimAnyagre kAmyate krodhine tathA || 315|| lobhyagre taskarAgre cha garvAha~NkArabhAjine | saMsArAsaktachittAgre vAdyagre ghAtine.api vA || 316|| matAbhimAnine gopyaM madIyaM stotramuttamam | vAchyaM shAntAya bhaktAya nirmalAya dayAlave || 317|| santoShiNe sushIlAya supAtrAya dvijAtaye | vivekine j~nAnine cha madbhaktAya visheShataH || 318|| ya idaM shR^iNute nityaM paThate.aharnishaM janaH | mAhAtmyaM tasya puNyasya mayA vaktuM na shakyate || 319|| ekavaramidaM stotraM yaH shR^iNoti narottamaH | bhogamokShapradhAnaH sa bhaviShyati na saMshayaH || 320|| kiM punaH paThanAdasya sarvasiddhaH kare sthitA | bhogArthI labhate bhogAnyogArthI yogasAdhanAm || 321|| kAmArthI labhate kAmAnprajArthI labhate prajAm | vidyArthI labhate vidyAM mokShArthI mokShamavyayam || 322|| dravyAthI labhate dravyaM priyArthI labhate priyam | mAnArthI labhate mAnaM rAjyArthI rAjyamuttamam || 323|| j~nAnArthI labhate j~nAnaM sukhArthI labhate sukham | kIrtyarthI labhate kIrtiM brahmArthI brahma nirguNam || 324|| puShTyarthI labhate puShTiM tuShTyarthI tuShTimAtmani | nirIho labhate nUnaM matpadaM devadurlabham || 325|| kiM dAnaiH kiM vrataistIrthairyaj~nayAgAdibhistathA | asya shravaNamAtreNa sarvayaj~naphalaM labhet || 326|| nAtaH parataraM j~nAnaM nAtaH parataraM tapaH | nAtaH parataraM dhyAnaM nAtaH parataro japaH || 327|| nAtaH paratarA siddhirnAtaH parataro makhaH | nAtaH parataraM dravyaM nAtaH paratarA kriyA || 328|| ya idaM paThate bhaktyA shR^iNuyAdvA samAhitaH | sa j~nAnI sa tapasvI cha sa dhyAnI jayatatparaH || 329|| sa siddho bhAgyavAn shrImAn kriyAvAnbuddhimAnapi | jitaM tena jagatsarvaM yenedaM paThitaM shrutam || 330|| kiM punarbhaktibhAvena bhogamokShapradaM drutam | koTijanmArjitaiH puNyairlabhyate bhAgyato yadA || 331|| tadA bhAgyodayaH puMsAM nAtra kAryA vichAraNA | sArAtsArataraM shAstraM tatrApi j~nAnadAyakam || 332|| j~nAnAddhyAnaM paraM shreShThaM tatrApi layatA yathA | tathaivedaM mahAstotraM vinA matkR^ipayA kila || 333|| durlabhaM triShu lokeShu sarvasiddhipradaM satAm | yathA bhaktistrilokeShu durlabhA mama dehinAm || 334|| tathaivedaM mahAstotraM sadyaH sAyujyadAyakam | sarvAparAdhashamanaM loke kalpadrumaprabham || 335|| yathA sudarshanaM loke duShTadaityanibarhaNam | tathaivedaM paraM stotraM kAmAdikabhayApaham || 336|| asyaikAvartanAtpApaM nashyatyAjanmasa~nchitam | dashAvartanataH puMsAM shatajanmAntarArchitam || 337|| shatAvartanamAtreNa devarUpo bhavennaraH | Avartanasahasraishcha madgatiM labhate.achalAm || 338|| lakShato mama sAyujyaM dashalakShAtsvayaM hariH | tasmAnnaiva pradAtavyaM madIyaM stotramuttamam || 339|| putrakAmo.ayutAnpAThAnkArayitvA mamAlaye | sahasranAmabhirdivyairjuhuyAdghR^itapAyasaiH || 340|| sharkarAmadhusaMyuktairbilvIdalasamanvitaH | brAhmaNAnbhojayedbhaktyA nAmasa~NkhyAmitAniha || 341|| rAjyakAmo.ayutAnnityaM paThedvA pAThayeddvijAn | shivAlaye sahasraishcha homayedAjyapAyasaiH || 342|| brAhmaNAnbhojayennUnamayutaikaM yathAvidhi | dakShiNAM dApayechChaktyA vittashADhyaM na kArayet || 343|| sahasramekaM kanyArthI paThedvA pAThayetkila | devyAlaye tathA nityaM dhanakAmo.api pAThayet || 344|| kIrtikAmo.ayutaM bhAktyA paThedvR^indAvane sadA | jayakAmo hi durgAyAM shatrusaMhArakArakaH | AyuH kAmo nadItIre j~nAnArthI parvatopari || 345|| mokShArthI bhaktibhAvena mandire mama sannidhau | pAThasa~NkhyAndvijAnbhojyAnpAyasaiH sharkarAplutaiH || 346|| juhuyAdghR^itadhArAbhirmama prItivivardhanaiH | sarvakAmapradaM nAmnAM sahasraM mama durlabham || 347|| kAmanArahitAnAM cha muktidaM bhavasAgarAt | idaM sahasranAmAkhyaM stotramAnandavarddhanam || 348|| sarvAparAdhashamanaM paThitavyamaharnisham | anyathA na gatirnUnaM triShu lokeShu kutrachit || 349|| vaiShNavAnAM visheSheNa vaiShNavA mAmakA janAH | durlabhaM duShTajIvAnAM madIyaM stotramadbhutam || 350|| loke.asmindurlabho gopyo muktimArgo manIShiNam | sulabho mama bhaktAnAM stotreNAnena nishchitam || 351|| tAvadgarjanti pApAni tAvadgarjanti shatravaH | tAvadgarjati dAridryaM yAvatstotraM na labhyate || 352|| kimatra bahunoktena tvadagre gopikA mayA | mama prANAdhikaM stotraM sadA.a.anandavivardhanam || 353|| atyantasnehabhAvena tvadIyena vrajA~NganAH | mayA prakAshitaM stotraM tvadbhaktyA.ahaM vashIkR^itaH || 354|| evamuktvA hR^iShIkeshaH sharaNAgatavatsalaH | prahasansahasotthAya krIDAM chakre punarjale || 355|| nArada uvAcha\- etadguhyataraM stotraM durlabhaM dehadhAriNAm | mayA tadAj~nayA proktaM tavAgre vyAsabhAvana || 356|| tvayaitannaiva vaktavyaM kasyAgre.api vinA.a.aj~nayA | svashiShyAgre shukAgre vA gopanIyaM dharAtale || 357|| etadeva svayaM sAkShAdagatInAM gatipradaH | buddhyAviShTanijAMshena pUrNAnandaH svalIlayA || 358|| kaligrastAn janAnsvIyAnuddhartuM karuNAnidhiH | svayamevAtra vikhyAtaM kariShyati na saMshayaH || 359|| etaddivyasahasranAma paramAnandaikasaMvardhanaM lokesminkila kAdinAmarachanAla~NkArashobhAnvitam | yeShAM karNapuTe patiShyati mahAbhAgyAdihAlaukikaM teShAM naiva kimapyalabhyamachirAtkalpadrumAbhaM satAm || 360|| iti shrIbrahmANDapurANe.adhyAtmakabhAgavate shrutirahasye kakArAdi shrIkR^iShNasahasranAmastotraM sampUrNam | ## Proofread by Pallasena Narayanaswami ppnswami at gmail.com, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}