% Text title            : kRiShNastotram by Sarasvati from kRRiShNayAmala
% File name             : kRRiShNastotramsarasvatIproktam.itx
% Category              : vishhnu, krishna
% Location              : doc\_vishhnu
% Proofread by          : Tanvir Chowdhury
% Description/comments  : Krishna Yamala Tantra Adhyaya 11
% Latest update         : January 28, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sarasvatiproktam Krishnastotram ..}##
\itxtitle{.. sarasvatIproktaM kR^iShNastotram ..}##\endtitles ##
balarAma uvAcha \-
tataH kimakaroddevI kiM vA tvamakaroH prabho |
tanmamAchakShva bhagavan shrotuM kautUhalaM param || 153||

shrIkR^iShNa uvAcha \-
balarAma mahAbhAga bhUyo devI sarasvatI |
mAmeva parituShTAva vAgbhiriShTAbhira~njasA || 154|| (ra~njanA)

praNayAviShTahR^idayA hR^idayAnandakAriNo | (pralayA)
ajasrasravadasrAkShI svedavAriprapUritA || 155||

sarasvatI uvAcha \-
jaya jaya kAraNa kAraNaviShNo jaya jayinAM jayi nirayavi jiShNo |
jaya dharaNIdhara dharaNipate jaya sujanabrajavR^ijinahate jaya || 156||
jaya gaNanAyaka nAtha hare jaya bhavasAgara taraNatare jaya |
jaya vR^indAvanavipinavihArI jayadAnavagaNamuNDanakArI || 157|| (vR^indA\-vipinavirajitaviharI, ChettatkarI)

jaya devAdhipamaulivilAsI jaya cheto hararUpavikAsI |
jaya rasasAgara karuNAsindho jaya navanAgara nirupadhibandho || 158||
jaya jagadudbhavayoniranAde jaya vedAtmaka vedavidAde | (jagadadbhutayoni)
jaya viShamAshuga samasuShamAnta jaya shAmitashamanabhayasushAnta || 159||
jaya kalpAntasukalpita talpa jaya natakalpamahIruganalpa |
jaya kamalodarasodara dR^iShTe jaya paripAlitabahutarasR^iShTe || 160|| (tuShTo, paripAti tavAdbhutasR^iShTe)

jaya yaminAM hR^idayAmbujagAmI jaya vAmAkulakelisukAmI |
jaya pItAMshukaveShTitamUrte jaya munimohamanorathapUrte || 161||
jaya ripuvAridhishoShA.agaste jaya bhuvane parigItasamaste |
jaya yuvajanagaNamAnasachora jaya lIlAmayanityakishora || 162|| (yuvatigaNa)

jaya kanakA~Ngadasa~NgatabAho jaya kamalAsya kalAnidhibAho | (kamalAnidhi)
jaya jagatItalavalayanidAna jaya nAnAsukhakalitanidhAna || 163||
jaya kalikalmaSharAshivimokSha jaya varapApigaNArpitamokSha |
jaya narakinnaradanujanivandya jaya suranAgagaNairabhi nandya || 164|| (surarAga, vandya)

jaya sevitapadavipadapanoda jaya nityaM rasakelisamoda |
jaya jaya harihara parihararoSha jaya karuNA~Nkuru me jahi doSham || 165|| (hariravi pari, karuNA~Nkura)

namaste samasteshvarasyeshvarAya
namaste namaste mahimnAM varAya |
prasIdAvasIdAmi gADhaM chirAya (prasIdAvasAdAbhigADhaM)
prabho nIlajIbhUtayUthAbhakAya || 166||
prabho tvatprasAdAnna ki~nchApalabhyaM (tvatprasAdAt ki~nchA)
ya evAshrayante padaM te.avilabhyam | 
namaste kadambasrajA shobhitAya
namaste suvarNAMshukenAvR^itAya || 167||
namaste kirITe mayUraChadAya
namaste kapole sapuShpaChadAya |
namastestu karNe maNikuNDalAya
namastemukhAmbhojanurmaNDalAya || 168||
namaste kapolollasachchandrakAya
namaste.aruNAmbhojapatrekShaNAya |
namaste.aruNauShThAya bimbAdharAya
namaste lasatsmeradivyasmarAya || 169|| (dIvyatsmarAya)

namaste trirekhADhyakaNThochChritAya
namaste shilApIThavakShasthalAya
namastestu muktAphalAla~NkR^itAya
namaste bhramatShaTapadairjha~NkR^itAya || 170||
namaste bhujAdaNDasamaNDitAya
namasteM.asacha~nchadvataMsAshritAya |
namaste.aruNadyotapANidvayAya
namastestu nAbhIgabhIrahradAya || 171||
namaste.aruNAvAsapAdAmbujAya
namaste nakhendudyutidyotitAya |
namaste manobhUshatairvA~nChitAya
namaste jaganmohasammohanAya |
namaste namaste namaste priyAya (priyAya prasIda)
prasIda prabho me prasIda prasIda || 172|| (prabho me prasIda)

ahaM (shrIkR^iShNa ) uvAcha \-
itaH paraM sthirA kAnte bhava tvaM sthiramAnase |
tavaiva vadanAmbhojachyavadvAgamR^itArNave || 173||
snAnAt pAnAt sutR^ipto.asmi na tvAM tyakShyAmi mA ruda | (pAnAta nAsti)
adyAnavadyacharite kariShyAmi tavepsitam || 174|| (ADhyAnavadya)

idaM stotraM paThiShyanti ye narA rachitaM tvayA |
teShAmevAsmi niyataM premabhaktipradAyakaH || 175||
balarAmettyuktavIta mayi sA na cha ki~nchana |
provAcha lajjA pAthodhinimagnA kalitAMshukA || 176||

iti shrIsarasvatIproktaM shrIkR^iShNastotraM sampUrNam |

##
Proofread by Tanvir Chowdhury


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}