% Text title : kRiShNasahasranAmastotram sAtvatatantre % File name : kRiShNasahasranAmastotrasAtvatatantra.itx % Category : sahasranAma, vishhnu, krishna, stotra, vishnu % Location : doc\_vishhnu % Transliterated by : Originally Oliver Hellwig hellwig7 at gmx.de for Gretil % Proofread by : Singanallur Ganesan singanallur at gmail.com and PSA Easwaran % Translated by : Satvata Tantra 11.doc at http://www.radha.name/digital-books/sastras-acharyas-and-swamis/tantra-and-pancaratra % Latest update : June 18, 2013 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shrikrishnasahasranamastotram from Satvatatantra ..}## \itxtitle{.. shrIkR^iShNasahasranAmastotram sAtvatatantre ..}##\endtitles ## shrInArada uvAcha | kathitaM me tvayA deva harinAmAnukIrtanam | pApApahaM mahAsaukhyaM bhagavadbhaktikAraNam || 1|| tatrAhaM yAni nAmAni kIrtayAmi surottama | tAnyahaM j~nAtumichChAmi sAkalyena kutUhalAt || 2|| shrIshiva uvAcha | bhUmyambutejasAM ye vai paramANUnapi dvija | shakyante gaNituM bhUyo janmabhirna harerguNAn || 3|| tathApi mukhyaM vakShyAmi shrIviShNoH paramAdbhutam | nAmnAM sahasraM pArvatyai yadihoktaM kR^ipAlunA || 4|| samAdhiniShThaM mAM dR^iShTvA pArvatI varavarNinI | apR^ichChatparamaM devaM bhagavantaM jagadgurum || 5|| tadA tasyai mayA prokto matparo jagadIshvaraH | nAmnAM sahasraM cha tathA guNakarmAnusArataH || 6|| tadahaM te.abhivakShyAmi mahAbhAgavato bhavAn | yasyaikasmaraNenaiva pumAn siddhimavApnuyAt || 7|| udyannavInajaladAbhamakuNThadhiShNyaM vidyotitAnalamanoharapItavAsam | bhAsvanmayUkhamukuTA~NgadahArayuktaM kA~nchIkalApavalayA~NgulibhirvibhAtam || 8|| brahmAdidevagaNavanditapAdapadyaM shrIsevitaM sakalasundarasaMnivesham | gogopavanitAmunivR^indajuShTaM kR^iShNaM purANapuruShaM manasA smarAmi || 9|| oM namo vAsudevAya kR^iShNAya paramAtmane | praNatakleshasaMhartre paramAnandadAyine || 10|| oM shrIkR^iShNaH shrIpatiH shrImAn shrIdharaH shrIsukhAshrayaH | shrIdAtA shrIkaraH shrIshaH shrIsevyaH shrIvibhAvanaH || 11|| paramAtmA paraM brahma pareshaH parameshvaraH | parAnandaH paraM dhAma paramAnandadAyakaH || 12|| nirAlambo nirvikAro nirlepo niravagrahaH | nityAnando nityamukto nirIho nispR^ihapriyaH || 13|| priyaMvadaH priyakaraH priyadaH priyasa~njanaH | priyAnugaH priyAlambI priyakIrtiH priyAtpriyaH || 14|| mahAtyAgI mahAbhogI mahAyogI mahAtapAH | mahAtmA mahatAM shreShTho mahAlokapatirmahAn || 15|| siddhArthaH siddhasa~NkalpaH siddhidaH siddhasAdhanaH | siddheshaH siddhamArgAgraH siddhalokaikapAlakaH || 16|| iShTo vishiShTaH shiShTeShTo mahiShTho jiShNuruttamaH | jyeShThaH shreShThashcha sarveShTo viShNurbhrAjiShNuravyayaH || 17|| vibhuH shambhuH prabhurbhUmA svabhUH svAnandamUrtimAn | prItimAn prItidAtA cha prItidaH prItivardhanaH || 18|| yogeshvaro yogagamyo yogIsho yogapAragaH | yogadAtA yogapatiryogasiddhividhAyakaH || 19|| satyavrataH satyaparaH trisatyaH satyakAraNaH | satyAshrayaH satyaharaH satpAliH satyavardhanaH || 20|| sarvAnandaH sarvaharaH sarvagaH sarvavashyakR^it | sarvapAtA sarvasukhaH sarvashrutigaNArNavaH || 21|| janArdano jagannAtho jagattrAtA jagatpitA | jagatkartA jagaddhartA jagadAnandamUrtimAn || 22|| dharApatirlokapatiH svarpatirjagatAmpatiH | vidyApatirvittapatiH satpatiH kamalApatiH || 23|| chaturAtmA chaturbAhushchaturvargaphalapradaH | chaturvyUhashchaturdhAmA chaturyugavidhAyakaH || 24|| Adidevo devadevo devesho devadhAraNaH | devakR^iddevabhR^iddevo deveDitapadAmbujaH || 25|| vishveshvaro vishvarUpI vishvAtmA vishvatomukhaH | vishvasUrvishvaphalado vishvago vishvanAyakaH || 26|| bhUtakR^idbhUtabhR^idbhAvo bhUtAtmA bhUtabhAvanaH | bhUtido bhUtivistAro vibhUtirbhUtipAlakaH || 27|| nArAyaNo nArashAyI nArasUrnArajIvanaH | nAraikaphalado nAramuktido nAranAyakaH || 28|| sahasrarUpaH sAhasranAmA sAhasravigrahaH | sahasrashIrShA sAhasrapAdAkShibhujashIrShavAn || 29|| padmanAbhaH padmagarbhaH padmI padmanibhekShaNaH | padmashAyI padmamAlI padmA~NkitapadadvayaH || 30|| vIryavAn sthairyavAn vAgmI shauryavAn dhairyavAn kShamI | dhImAn dharmaparo bhogI bhagavAn bhayanAshanaH || 31|| jayanto vijayo jetA jayado jayavardhanaH | amAnI mAnado mAnyo mahimAvAnmahAbalaH || 32|| santuShTastoShado dAtA damano dInavatsalaH | j~nAnI yashasvAn dhR^itimAn saha ojobalAshrayaH || 33|| hayagrIvo mahAtejA mahArNavavinodakR^it | madhukaiTabhavidhvaMsI vedakR^idvedapAlakaH || 34|| sanatkumAraH sanakaH sanandashcha sanAtanaH | akhaNDabrahmavratavAnAtmA yogavivechakaH || 35|| shrInArado devaR^iShiH karmAkarmapravartakaH | sAtvatAgamakR^illokahitAhitaprasUchakaH || 36|| AdikAlo yaj~natattvaM dhAtR^inAsApuTodbhavaH | dantAgranyastabhUgolo hiraNyAkShabalAntakaH || 37|| pR^ithvIpatiH shIghravego romAntargatasAgaraH | shvAsAvadhUtahemAdriH prajApatipatistutaH || 38|| ananto dharaNIbhartA pAtAlatalavAsakR^it | kAmAgnijavano nAgarAjarAjo mahAdyutiH || 39|| mahAkUrmo vishvakAyaH sheShabhuksarvapAlakaH | lokapitR^igaNAdhIshaH pitR^istutamahApadaH || 40|| kR^ipAmayaH svayaM vyaktirdhruvaprItivivardhanaH | dhruvastutapado viShNulokado lokapUjitaH || 41|| shuklaH kardamasantaptastapastoShitamAnasaH | mano.abhIShTaprado harShabindva~nchitasarovaraH || 42|| yaj~naH suragaNAdhIsho daityadAnavaghAtakaH | manutrAtA lokapAlo lokapAlakajanmakR^it || 43|| kapilAkhyaH sA~NkhyapAtA kardamA~NgasamudbhavaH | sarvasiddhagaNAdhIsho devahUtigatipradaH || 44|| datto.atritanayo yogI yogamArgapradarshakaH | anasUyAnandakaraH sarvayogijanastutaH || 45|| nArAyaNo naraR^iShirdharmaputro mahAmanAH | maheshashUladamano maheshaikavarapradaH || 46|| AkalpAntatapodhIro manmathAdimadApahaH | UrvashIsR^igjitAna~Ngo mArkaNDeyapriyapradaH || 47|| R^iShabho nAbhisukhado merudevIpriyAtmajaH | yogirAjadvijasraShTA yogacharyApradarshakaH || 48|| aShTabAhurdakShayaj~napAvano.akhilasatkR^itaH | dakSheshadveShashamano dakShaj~nAnapradAyakaH || 49|| priyavratakulotpanno gayanAmA mahAyashAH | udArakarmA bahuvinmahAguNagaNArNavaH || 50|| haMsarUpI tattvavaktA guNAguNavivechakaH | dhAtR^ilajjAprashamano brahmachArijanapriyaH || 51|| vaishyaH pR^ithuH pR^ithvidogdhA sarvajIvanadohakR^it | AdirAjo janAvAsakArako bhUsamIkaraH || 52|| pracheto.abhiShTutapadaH shAntamUrtiH sudarshanaH | divArAtrigaNAdhIshaH ketumAnajanAshrayaH || 53|| shrIkAmadevaH kamalAkAmakelivinodakR^it | svapAdaratido.abhIShTasukhado duHkhanAshanaH || 54|| vibhurdharmabhR^itAM shreShTho vedashIrSho dvijAtmajaH | aShTAshItisahasrANAM munInAmupadeshadaH || 55|| satyaseno yakSharakShodahano dInapAlakaH | indramitraH surArighnaH sUnR^itAdharmanandanaH || 56|| harirgajavaratrAtA grAhapAshavinAshakaH | trikUTAdrivanashlAghI sarvalokahitaiShaNaH || 57|| vaikuNThashubhrAsukhado vikuNThAsundarIsutaH | ramApriyakaraH shrImAnnijalokapradarshakaH || 58|| viprashApaparIkhinnanirjarArtinivAraNaH | dugdhAbdhimathano vipro virAjatanayo.ajitaH || 59|| mandArAdridharaH kUrmo devadAnavasharmakR^it | jambUdvIpasamaH sraShTA pIyUShotpattikAraNam || 60|| dhanvantarI ruk.gshamano.amR^itadhukrukprashAntakaH | Ayurvedakaro vaidyarAjo vidyApradAyakaH || 61|| devAbhayakaro daityamohinI kAmarUpiNI | gIrvANAmR^itapo duShTadaityadAnavava~nchakaH || 62|| mahAmatsyo mahAkAyaH shalkAntargatasAgaraH | vedAridaityadamano vrIhibIjasurakShakaH || 63|| puchChAghAtabhramatsindhuH satyavratapriyapradaH | bhaktasatyavratatrAtA yogatrayapradarshakaH || 64|| narasiMho lokajihvaH sha~NkukarNo nakhAyudhaH | saTAvadhUtajalado dantadyutijitaprabhaH || 65|| hiraNyakashipudhvaMsI bahudAnavadarpahA | prahlAdastutapAdAbjo bhaktasaMsAratApahA || 66|| brahmendrarudrabhItighno devakAryaprasAdhakaH | jvalajjvalanasa~NkAshaH sarvabhItivinAshakaH || 67|| mahAkaluShavidhvaMsI sarvakAmavarapradaH | kAlavikramasaMhartA grahapIDAvinAshakaH || 68|| sarvavyAdhiprashamanaH prachaNDaripudaNDakR^it | ugrabhairavasantrastaharArtivinivArakaH || 69|| brahmacharmAvR^itashirAH shivashIrShaikanUpuraH | dvAdashAdityashIrShaikamaNirdikpAlabhUShaNaH || 70|| vAmano.aditibhItighno dvijAtigaNamaNDanaH | tripadavyAjayA~nchAptabalitrailokyasampadaH || 71|| pannakhakShatabrahmANDakaTAho.amitavikramaH | ##pannagakShata?## svardhunItIrthajanano brahmapUjyo bhayApahaH || 72|| svA~NghrivArihatAghaugho vishvarUpaikadarshanaH | balipriyakaro bhaktasvargadogdhA gadAdharaH || 73|| jAmadagnyo mahAvIryaH parashubhR^itkArtavIryajit | sahasrArjunasaMhartA sarvakShatrakulAntakaH || 74|| niHkShatrapR^ithvIkaraNo vIrajidviprarAjyadaH | droNAstravedapravado maheshagurukIrtidaH || 75|| sUryavaMshAbjataraNiH shrImaddasharathAtmajaH | shrIrAmo rAmachandrashcha rAmabhadro.amitaprabhaH || 76|| nIlavarNapratIkAshaH kausalyAprANajIvanaH | padmanetraH padmavaktraH padmA~NkitapadAmbujaH || 77|| pralambabAhushchArva~Ngo ratnAbharaNabhUShitaH | divyAmbaro divyadhanurdiShTadivyAstrapAragaH || 78|| nistriMshapANirvIresho.aparimeyaparAkramaH | vishvAmitragururdhanvI dhanurvedaviduttamaH || 79|| R^ijumArganimitteShu sa~NghatADitatADakaH | subAhurbAhuvIryADhyabahurAkShasaghAtakaH || 80|| prAptachaNDIshadordaNDachaNDakodaNDakhaNDanaH | janakAnandajanako jAnakIpriyanAyakaH || 81|| arAtikuladarpaghno dhvastabhArgavavikramaH | pitR^ivAktyaktarAjyashrIvanavAsakR^itotsavaH || 82|| virAdharAdhadamanashchitrakUTAdrimandiraH | dvijashApasamuchChannadaNDakAraNyakarmakR^it || 83|| chaturdashasahasrograrAkShasaghnaH kharAntakaH | trishiraHprANashamano duShTadUShaNadUShaNaH || 84|| ChadmamArIchamathano jAnakIvirahArtihR^it | jaTAyuShaH kriyAkArI kabandhavadhakovidaH || 85|| R^iShyamUkaguhAvAsI kapipa~nchamasakhyakR^it | vAmapAdAgranikShiptadundubhyasthibR^ihadgiriH || 86|| sakaNTakAradurbhedasaptatAlaprabhedakaH | kiShkindhAdhipavAlighno mitrasugrIvarAjyadaH || 87|| A~njaneyasvalA~NgUladagdhala~NkAmahodayaH | sItAvirahavispaShTaroShakShobhitasAgaraH || 88|| girikUTasamutkShepasamudrAdbhutasetukR^it | pAdaprahArasantrastavibhIShaNabhayApahaH || 89|| a~NgadoktiparikliShTaghorarAvaNasainyajit | nikumbhakumbhadhUmrAkShakumbhakarNAdivIrahA || 90|| kailAsasahanonmattadashAnanashiroharaH | agnisaMsparshasaMshuddhasItAsaMvaraNotsukaH || 91|| kapirAkShasarAjA~NgaprAptarAjyanijAshrayaH | ayodhyAdhipatiH sarvarAjanyagaNashekharaH || 92|| achintyakarmA nR^ipatiH prAptasiMhAsanodayaH | duShTadurbuddhidalano dInahInaikapAlakaH || 93|| sarvasampattijananastirya~NnyAyavivechakaH | shUdraghoratapaHpluShTadvijaputraikajIvanaH || 94|| duShTavAkkliShTahR^idayaH sItAnirvAsakArakaH | tura~NgamedhakratuyATshrImatkushalavAtmajaH || 95|| satyArthatyaktasaumitriH sUnnItajanasa~NgrahaH | satkarNapUrasatkIrtiH kIrtyAlokAghanAshanaH || 96|| bharato jyeShThapAdAbjaratityaktanR^ipAsanaH | sarvasadguNasampannaH koTigandharvanAshakaH || 97|| lakShmaNo jyeShThanirato devavairigaNAntakaH | indrajitprANashamano bhrAtR^imAn tyaktavigrahaH || 98|| shatrughno.amitrashamano lavaNAntakakArakaH | AryabhrAtR^ijanashlAghyaH satAM shlAghyaguNAkaraH || 99|| vaTapattrapuTasthAyI shrImukundo.akhilAshrayaH | tanUdarArpitajaganmR^ikaNDatanayaH khagaH || 100|| Adyo devagaNAgraNyo mitastutinatipriyaH | vR^itraghoratanutrastadevasanmantrasAdhakaH || 101|| brahmaNyo brAhmaNashlAghI brahmaNyajanavatsalaH | goShpadApsugaladgAtravAlakhilyajanAshrayaH || 102|| dausvastiryajvanAM shreShTho nR^ipavismayakArakaH | tura~NgamedhabahukR^idvadAnyagaNashekharaH || 103|| vAsavItanayo vyAso vedashAkhAnirUpakaH | purANabhAratAchAryaH kalilokahitaiShaNaH || 104|| rohiNIhR^idayAnando balabhadro balAshrayaH | sa~NkarShaNaH sIrapANiH musalAstro.amaladyutiH || 105|| sha~NkhakundendushvetA~NgastAlabhiddhenukAntakaH | muShTikAriShTahanano lA~NgalAkR^iShTayAmunaH || 106|| pralambaprANahA rukmImathano dvividAntakaH | revatIprItido rAmAramaNo balvalAntakaH || 107|| hastinApurasa~NkarShI kauravArchitasatpadaH | brahmAdistutapAdAbjo devayAdavapAlakaH || 108|| mAyApatirmahAmAyo mahAmAyAnideshakR^it | yaduvaMshAbdhipUrNendurbaladevapriyAnujaH || 109|| narAkR^itiH paraM brahma paripUrNaH parodayaH | sarvaj~nAnAdisampUrNaH pUrNAnandaH purAtanaH || 110|| pItAmbaraH pItanidraH pItaveshmamahAtapAH | mahorasko mahAbAhurmahArhamaNikuNDalaH || 111|| lasadgaNDasthalIhaimamaulimAlAvibhUShitaH | suchArukarNaH subhrAjanmakarAkR^itikuNDalaH || 112|| nIlaku~nchitasusnigdhakuntalaH kaumudImukhaH | sunAsaH kundadashano lasatkokanadAdharaH || 113|| sumandahAso ruchirabhrUmaNDalavilokanaH | kambukaNTho bR^ihadbrahmA valayA~NgadabhUShaNaH || 114|| kaustubhI vanamAlI cha sha~NkhachakragadAbjabhR^it | shrIvatsalakShmyA lakShyA~NgaH sarvalakShaNalakShaNaH || 115|| dalodaro nimnanAbhirniravadyo nirAshrayaH | nitambabimbavyAlambiki~NkiNIkA~nchimaNDitaH || 116|| samaja~NghAjAnuyugmaH suchAruruchirAjitaH | dhvajavajrA~NkushAmbhojasharA~NkitapadAmbujaH || 117|| bhaktabhramarasa~NghAtapItapAdAmbujAsavaH | nakhachandramaNijyotsnAprakAshitamahAmanAH || 118|| pAdAmbujayuganyastalasanma~njIrarAjitaH | svabhaktahR^idayAkAshalasatpa~NkajavistaraH || 119|| sarvaprANijanAnando vasudevanutipriyaH | devakInandano lokanandikR^idbhaktabhItibhit || 120|| sheShAnugaH sheShashAyI yashodAnatimAnadaH | nandAnandakaro gopagopIgokulabAndhavaH || 121|| sarvavrajajanAnandI bhaktavallabhavavallabhaH | valyavya~NgalasadgAtro ballavIbAhumadhyagaH || 122|| pItapUtanikAstanyaH pUtanAprANashoShaNaH | pUtanorasthalasthAyI pUtanAmokShadAyakaH || 123|| samAgatajanAnandI shakaTochchATakArakaH | prAptaviprAshiSho.adhIsho laghimAdiguNAshrayaH || 124|| tR^iNAvartagalagrAhI tR^iNAvartaniShUdanaH | jananyAnandajanako jananyA mukhavishvadR^ik || 125|| bAlakrIDArato bAlabhAShAlIlAdinirvR^itaH | gopagopIpriyakaro gItanR^ityAnukArakaH || 126|| navanItaviliptA~Ngo navanItalavapriyaH | navanItalavAhArI navanItAnutaskaraH || 127|| dAmodaro.arjunonmUlo gopaikamatikArakaH | vR^indAvanavanakrIDo nAnAkrIDAvishAradaH || 128|| vatsapuchChasamAkarShI vatsAsuraniShUdanaH | bakAriraghasaMhArI bAlAdyantakanAshanaH || 129|| yamunAnilasa~njuShTasumR^iShTapulinapriyaH | gopAlabAlapUgasthaH snigdhadadhyannabhojanaH || 130|| gogopagopIpriyakR^iddhanabhR^inmohakhaNDanaH | vidhAturmohajanako.atyadbhutaishvaryadarshakaH || 131|| vidhistutapadAmbhojo gopadArakabuddhibhit | kAlIyadarpadalano nAganArInutipriyaH || 132|| dAvAgnishamanaH sarvavrajabhR^ijjanajIvanaH | mu~njAraNyapraveshAptakR^ichChradAvAgnidAraNaH || 133|| sarvakAlasukhakrIDo barhibarhAvataMsakaH | godhugvadhUjanaprANo veNuvAdyavishAradaH || 134|| gopIpidhAnArundhAno gopIvratavarapradaH | vipradarpaprashamano viprapatnIprasAdadaH || 135|| shatakratuvaradhvaMsI shakradarpamadApahaH | dhR^itagovardhanagirirvrajalokAbhayapradaH || 136|| indrakIrtilasatkIrtirgovindo gokulotsavaH | nandatrANakaro devajalesheDitasatkathaH || 137|| vrajavAsijanashlAghyo nijalokapradarshakaH | suveNunAdamadanonmattagopIvinodakR^it || 138|| godhugvadhUdarpaharaH svayashaHkIrtanotsavaH | vrajA~NganAjanArAmo vrajasundarivallabhaH || 139|| rAsakrIDArato rAsamahAmaNDalamaNDanaH | vR^indAvanavanAmodI yamunAkUlakelikR^it || 140|| gopikAgItikAgItaH sha~NkhachUDashiroharaH | mahAsarpamukhagrastatrastanandavimochakaH || 141|| sudarshanArchitapado duShTAriShTavinAshakaH | keshidveSho vyomahantA shrutanAradakIrtanaH || 142|| akrUrapriyakR^itkrUrarajakaghnaH suveshakR^it | sudAmAdattamAlADhyaH kubjAchandanacharchitaH || 143|| mathurAjanasaMharShI chaNDakodaNDakhaNDakR^it | kaMsasainyasamuchChedI vaNigvipragaNArchitaH || 144|| mahAkuvalayApIDaghAtI chANUramardanaH | ##?## ra~NgashAlAgatApAranaranArIkR^itotsavaH || 145|| kaMsadhvaMsakaraH kaMsasvasArUpyagatipradaH | kR^itograsenanR^ipatiH sarvayAdavasaukhyakR^it || 146|| tAtamAtR^ikR^itAnando nandagopaprasAdadaH | shritasAndIpanigururvidyAsAgarapAragaH || 147|| daityapa~nchajanadhvaMsI pA~nchajanyadarapriyaH | sAndIpanimR^itApatyadAtA kAlayamArchitaH || 148|| sairandhrIkAmasantApashamano.akrUraprItidaH | shAr~NgachApadharo nAnAsharasandhAnakovidaH || 149|| abhedyadivyakavachaH shrImaddArukasArathiH | khagendrachihnitadhvajashchakrapANirgadAdharaH || 150|| nandakIyadusenADhyo.akShayabANaniSha~NgavAn | surAsurAjeyaraNyo jitamAgadhayUthapaH || 151|| mAgadhadhvajinIdhvaMsI mathurApurapAlakaH | dvArakApuranirmAtA lokasthitiniyAmakaH || 152|| sarvasampattijananaH svajanAnandakArakaH | kalpavR^ikShAkShitamahiH sudharmAnItabhUtalaH || 153|| yavanAsurasaMhartA muchukundeShTasAdhakaH | rukmiNIdvijasaMmantrarathaikagatakuNDinaH || 154|| rukmiNIhArako rukmimuNDamuNDanakArakaH | rukmiNIpriyakR^itsAkShAdrukmiNIramaNIpatiH || 155|| rukmiNIvadanAmbhojamadhupAnamadhuvrataH | syamantakanimittAtmabhaktarkShAdhipajitshuchiH || 156|| jAmbavArchitapAdAbjaH sAkShAjjAmbavatIpatiH | satyabhAmAkaragrAhI kAlindIsundarIpriyaH || 157|| sutIkShNashR^i~NgavR^iShabhasaptajidrAjayUthabhid | nagnajittanayAsatyAnAyikAnAyakottamaH || 158|| bhadresho lakShmaNAkAnto mitravindApriyeshvaraH | murujitpIThasenAnInAshano narakAntakaH || 159|| dharArchitapadAmbhojo bhagadattabhayApahA | narakAhR^itadivyastrIratnavAhAdinAyakaH || 160|| aShTottarashatadvyaShTasahasrastrIvilAsavAn | satyabhAmAbalAvAkyapArijAtApahArakaH || 161|| devendrabalabhijjAyAjAtanAnAvilAsavAn | rukmiNImAnadalanaH strIvilAsAvimohitaH || 162|| kAmatAtaH sAmbasuto.asa~NkhyaputraprapautravAn | ushAyAnitapautrArthabANabAhusasraChit || 163|| nandyAdipramathadhvaMsI lIlAjitamaheshvaraH | mahAdevastutapado nR^igaduHkhavimochakaH || 164|| brahmasvApaharakleshakathAsvajanapAlakaH | pauNDrakAriH kAshirAjashirohartA sadAjitaH || 165|| sudakShiNavratArAdhyashivakR^ityAnalAntakaH | vArANasIpradahano nAradekShitavaibhavaH || 166|| adbhutaishvaryamahimA sarvadharmapravartakaH | jarAsandhanirodhArtabhUbhujeritasatkathaH || 167|| nAraderitasanmitrakAryagauravasAdhakaH | kalatraputrasanmitrasadvR^ittAptagR^ihAnugaH || 168|| jarAsandhavadhodyogakartA bhUpatisharmakR^it | sanmitrakR^ityAcharito rAjasUyapravartakaH || 169|| sarvarShigaNasaMstutyashchaidyaprANanikR^intakaH | indraprasthajanaiH pUjyo duryodhanavimohanaH || 170|| maheshadattasaubhAgyapurabhichChatrughAtakaH | dantavaktraripuchChettA dantavaktragatipradaH || 171|| vidUrathapramathano bhUribhArAvatArakaH | pArthadUtaH pArthahitaH pArthArthaH pArthasArathiH || 172|| pArthamohasamuchChedI gItAshAstrapradarshakaH | pArthabANagataprANavIrakaivalyarUpadaH || 173|| duryodhanAdidurvR^ittadahano bhIShmamuktidaH | pArthAshvamedhAharakaH pArtharAjyaprasAdhakaH || 174|| pR^ithAbhIShTaprado bhImajayado vijayapradaH | yudhiShThireShTasandAtA draupadIprItisAdhakaH || 175|| sahadeveritapado nakulArchitavigrahaH | brahmAstradagdhagarbhasthapUruvaMshaprasAdhakaH || 176|| pauravendrapurastrIbhyo dvArakAgamanotsavaH | AnartadeshanivasatprajeritamahatkathaH || 177|| priyaprItikaro mitravipradAridryabha~njanaH | tIrthApadeshasanmitrapriyakR^innandanandanaH || 178|| gopIjanaj~nAnadAtA tAtakratukR^itotsavaH | sadvR^ittavaktA sadvR^ittakartA sadvR^ittapAlakaH || 179|| tAtAtmaj~nAnasandAtA devakImR^itaputradaH | shrutadevapriyakaro maithilAnandavardhanaH || 180|| pArthadarpaprashamano mR^itaviprasutapradaH | strIratnavR^indasantoShI janakelikalotsavaH || 181|| chandrakoTijanAnandI bhAnukoTisamaprabhaH | kR^itAntakoTidurla~NghyaH kAmakoTimanoharaH || 182|| yakSharATkoTidhanavAnmarutkoTisvavIryavAn | samudrakoTigambhIro himavatkoTyakampanaH || 183|| koTyashvamedhADhyaharaH tIrthakoTyadhikAhvayaH | pIyUShakoTimR^ityughnaH kAmadhukkoTyabhIShTadaH || 184|| shakrakoTivilAsADhyaH koTibrahmANDanAyakaH | sarvAmoghodyamo.anantakIrtiniHsImapauruShaH || 185|| sarvAbhIShTapradayashAH puNyashravaNakIrtanaH | brahmAdisurasa~NgItavItamAnuShacheShTitaH || 186|| anAdimadhyanidhano vR^iddhikShayavivarjitaH | svabhaktoddhavamukhyaikaj~nAnado j~nAnavigrahaH || 187|| viprashApachChaladhvastayaduvaMshogravikramaH | sasharIrajarAvyAdhasvargadaH svargisaMstutaH || 188|| mumukShumuktaviShayIjanAnandakaro yashaH | kalikAlamaladhvaMsiyashAH shravaNama~NgalaH || 189|| bhaktapriyo bhaktahito bhaktabhramarapa~NkajaH | smR^itamAtrAkhilatrAtA yantramantraprabha~njakaH || 190|| sarvasampatsrAvinAmA tulasIdAmavallabhaH | aprameyavapurbhAsvadanarghyA~NgavibhUShaNaH || 191|| vishvaikasukhado vishvasajjanAnandapAlakaH | sarvadevashiroratnamadbhutAnantabhogavAn || 192|| adhokShajo janAjIvyaH sarvasAdhujanAshrayaH | samastabhayabhinnAmA smR^itamAtrArtinAshakaH || 193|| svayashaHshravaNAnandajanarAgI guNArNavaH | anirdeshyavapustaptasharaNo jIvajIvanaH || 194|| paramArthaH paraMvedyaH parajyotiH parAgatiH | vedAntavedyo bhagavAnanantasukhasAgaraH || 195|| jagadbandhadhvaMsayashA jagajjIvajanAshrayaH | vaikuNThalokaikapatirvaikuNThajanavallabhaH || 196|| pradyumno rukmiNIputraH shambaraghno ratipriyaH | puShpadhanvA vishvajayI dyumatprANaniShUdakaH || 197|| aniruddhaH kAmasutaH shabdayonirmahAkramaH | uShApatirvR^iShNipatirhR^iShIkesho manaHpatiH || 198|| shrImadbhAgavatAchAryaH sarvavedAntasAgaraH | shukaH sakaladharmaj~naH parIkShinnR^ipasatkR^itaH || 199|| shrIbuddho duShTabuddhighno daityavedabahiShkaraH | pAkhaNDamArgapravado nirAyudhajagajjayaH || 200|| kalkI kaliyugAchChAdI punaH satyapravartakaH | vipraviShNuyasho.apatyo naShTadharmapravartakaH || 201|| sArasvataH sArvabhaumo balitrailokyasAdhakaH | aShTamyantarasaddharmavaktA vairochanipriyaH || 202|| ApaH karo ramAnAtho.amarArikulakR^intanaH | surendrahitakR^iddhIravIramuktibalapradaH || 203|| viShvaksenaH shambhusakho dashamAntarapAlakaH | brahmasAvarNivaMshAbdhihitakR^idvishvavardhanaH || 204|| dharmaseturadharmaghno vaidyatantrapadapradaH | asurAntakaro devArthakasUnuH subhAShaNaH || 205|| svadhAmA sUnR^itAsUnuH satyatejo dvijAtmajaH | dviShanmanuyugatrAtA pAtAlapuradAraNaH || 206|| daivahotrirvArhatoyo divaspatiratipriyaH | trayodashAntaratrAtA yogayogijaneshvaraH || 207|| sattrAyaNo bR^ihadbAhurvainateyo viduttamaH | karmakANDaikapravado vedatantrapravartakaH || 208|| parameShThI surajyeShTho brahmA vishvasR^ijAmpatiH | abjayonirhaMsavAhaH sarvalokapitAmahaH || 209|| viShNuH sarvajagatpAtA shAntaH shuddhaH sanAtanaH | dvijapUjyo dayAsindhuH sharaNyo bhaktavatsalaH || 210|| rudro mR^iDaH shivaH shAstA shambhuH sarvaharo haraH | kapardI sha~NkaraH shUlI tryakSho.abhedyo maheshvaraH || 211|| sarvAdhyakShaH sarvashaktiH sarvArthaH sarvatomukhaH | sarvAvAsaH sarvarUpaH sarvakAraNakAraNam || 212|| ityetatkathitaM vipra viShNornAmasahasrakam | sarvapApaprashamanaM sarvAbhIShTaphalapradam || 213|| manaHshuddhikaraM chAshu bhagavadbhaktivardhanam | sarvavighnaharaM sarvAshcharyaishvaryapradAyakam || 214|| sarvaduHkhaprashamanaM chAturvargyaphalapradam | shraddhayA parayA bhaktyA shravaNAtpaThanAjjapAt || 215|| pratyahaM sarvavarNAnAM viShNupAdAshritAtmanAm | etatpaThan dvijo vidyAM kShatriyaH pR^ithivImimAm || 216|| vaishyo mahAnidhiM shUdro vA~nChitAM siddhimApnuyAt | dvAtriMshadaparAdhAnyo j~nAnAj~nAnAchchareddhareH || 217|| nAmnA dashAparAdhAMshcha pramAdAdAcharedyadi | samAhitamanA hyetatpaThedvA shrAvayejjapet || 218|| smaredvA shR^iNuyAdvApi tebhyaH sadyaH pramuchyate | nAtaH parataraM puNyaM triShu lokeShu vidyate || 219|| yasyaikakIrtanenApi bhavabandhAdvimuchyate | atastvaM satataM bhaktyA shraddhayA kIrtanaM kuru || 220|| viShNornAmasahasraM te bhagavatprItikAraNam | shrInArada uvAcha | dhanyo.asmyanugR^ihIto.asmi tvayAtikaruNAtmanA | yataH kR^iShNasya paramaM sahasraM nAmakIrtitam || 221|| yadyAlasyAtpramAdAdvA sarvaM paThitumanvaham | na shaknomi tadA deva kiM karomi vada prabho || 222|| shrIshiva uvAcha | yadi sarvaM na shaknoShi pratyahaM paThituM dvija | tadA kR^iShNeti kR^iShNeti kR^iShNeti pratyahaM vada || 223|| etena tava viprarShe sarvaM sampadyate sakR^it | kiM punarbhagavannAmnAM sahasrasya prakIrtanAt || 224|| yannAmakIrtanenaiva pumAn saMsArasAgaram | taratyaddhA prapadye taM kR^iShNaM gopAlarUpiNam || 225|| iti sAtvatatantre shrIkR^iShNasahasranAmaShaShThaH paTalaH ||6|| ## From Satvatantra paTala 6 Encoded originally by Oliver Hellwig hellwig7@gmx.de for Gretil Translation available in file "Satvata Tantra 11.doc" at http://www.radha.name/digital-books/sastras-acharyas-and-swamis/tantra-and-pancaratra Proofread by Singanallur Ganesan singanallur at gmail.com and PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}