% Text title            : kakArAdi kUrmAShTottarashatanAmastotram
% File name             : kakArAdikUrma108nAmastotram.itx
% Category              : aShTottarashatanAma, vishhnu, dashAvatAra, paNDita-bellaMkoNDa-rAmarAya-kavIndra
% Location              : doc\_vishhnu
% Author                : paNDita shrI bellaMkoNDa rAmarAya kavIndra
% Transliterated by     : Malleswara Rao Yellapragada malleswararaoy at yahoo.com
% Proofread by          : Malleswara Rao Yellapragada malleswararaoy at yahoo.com
% Source                : shrI dashAvatArAShTottara shatanAmAvaliH savyAkhyA
% Latest update         : January 24, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. kakArAdi shrI kUrmAShTottarashatanAmastotram ..}##
\itxtitle{.. kakArAdi shrIkUrmAShTottarashatanAmastotram ..}##\endtitles ##
shrI hayagrIvAya namaH |
hariH OM

kamaThaH kandhimadhyasthaH karuNAvaruNAlayaH |
kulAchalasamuddhartA kuNDalIndrasamAshrayaH || 1||
kaThorapR^iShTaH kudharaH kaluShIkR^itasAgaraH |
kalyANamUrtiH kratubhukprArthanAdhR^ita vigrahaH || 2||
kulAchalasamudbhrAntighR^iShTakaNDUtisaukhyavAn |
karAlashvAsasa~NkShubdhasindhUrmiprahatAmbaraH || 3||
kandhikardamakastUrIliptavakShaHsthalaH kR^itI |
kulIrAdipayassattvaniShpeShaNachatuShpadaH || 4||
karAgrAdattasambhuktatimi~NgilagilotkaraH |
kandhipuShpadvirephAbhaH kapardyAdisamIDitaH || 5||
kalyANAchalatu~NgAtmAgAdhIkR^itapayonidhiH |
kulishatpR^iShThasa~NgharShakShINamUlakulAchalaH || 6||
kAshyapIsatkuchaprAyamandarAhatapR^iShThakaH |
kAyaikadeshAparyAptasheShadiggajamaNDalaH || 7||
kaThoracharaNAghAtadvaidhIkR^itapayonidhiH |
kAlakUTakR^itatrAsaH kANDadurmitavaibhavaH || 8||
kamanIyaH kavistutyaH kanidhiH kamalApatiH |
kamalAsanakalyANasandhAtA kalinAshanaH || 9||
kaTAkShakShatadevArtiH kendrAdividhR^itAMjaliH |
kAlIpatiprItipAtraM kAmitArthapradaH kaviH || 10||
kUTasthaH kUTakamaThaH kUTayogisudurlabhaH |
kAmahInaH kAmahetuH kAmabhR^itkaMjalochanaH || 11||
kratubhugdainyavidhvaMsI kratubhukpAlakaH kratuH |
kratupUjyaH kratunidhiH kratutrAtA kratUdbhavaH || 12||
kaivalyasaukhyadakathaH kaishorotkShiptamandaraH |
kaivalyanirvANamayaH kaiTabhapratisUdanaH || 13||
krAntasarvAmbudhiH krAntapAtAlaH komalodaraH |
kandhisormijalakShaumaH kulAchalakachotkaraH || 14||
kaTunishshvAsanirdhUtarakShastUlaH kR^itAdbhutaH |
kaumodakIhatAmitraH kautukAkavitAhavaH || 15||
karAlikaMTakoddhartA kavitAbdhimaNIsumaH |
kaivalyavallarIkandaH kandukIkR^itachandiraH || 16||
karapItasamastAbdhiH kAyAntargatavAshcharaH |
karparAbjadvirephAbhamandaraH kandalatsmitaH || 17||
kAshyapIvratatIkandaH kashyapAdisamAnataH |
kalyANajAlanilayaH kratubhu~NnetranandanaH || 18||
kabandhacharaharyakShaH krAntadarshimanoharaH |
karmaThAviShayaH karmakartR^ibhAvAdivarjitaH || 19||
karmAnadhInaH karmaj~naH karmapaH karmachodanaH |
karmasAkShI karmahetuH karmaj~nAnavibhAgakR^it || 20||
kartA kArayitA kAryaM kAraNaM karaNaM kR^itiH |
kR^itsnaM kR^itsnAtigaH kR^itsnachetanaH kR^itsnamohanaH || 21||
karaNAgocharaH kAlaH kAryakAraNatAtigaH |
kAlAvashaH kAlapAshabaddhabhaktAvanAbhidhaH || 22||
kR^itakR^ityaH keliphalaH kIrtanIyaH kR^itotsavaH |
kR^itetaramahAnandaH kR^itaj~naH kR^itasatsukhaH || 23||

|| iti kakArAdi shrI kamaThAvatArAShTottarashatam rAmeNa parAbhava
vaishAkha bahuladvAdashyAM likhitam shrI hayagrIvAyArpitam ||

##
Encoded and proofread by Malleswara Rao Yellapragada
malleswararaoy at yahoo.com

Source Book:
shrI dashAvatArAShTottarashatanAmAvaliH savyAkhyA
language: Telugu
Composed by : paNDita shrI bellaMkoNDa rAmarAya kavIndra
\medskip\hrule\medskip

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}