% Text title            : karuNastotram
% File name             : karuNastotram.itx
% Category              : vishhnu, vishnu
% Location              : doc\_vishhnu
% Author                : shivadattakaviratna
% Transliterated by     : Nat Natarajan nat.natarajan at gmail.com
% Proofread by          : Nat Natarajan nat.natarajan at gmail.com, NA
% Description-comments  : From Brihatstotraratnakara with 408 stotras
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. karuNastotram ..}##
\itxtitle{.. karuNastotram ..}##\endtitles ##
shrIgaNeshAya namaH |
kShAntAni tAni nikhilAni mahAnti nUnamAgAMsi me praNatapAlanatatpareNa |
yattena nAtha bhavato vimukhatvarUpamAgo.api hanta vikalasya mama kShamasva || 1||
yannAtha hanta satataM vipadAkulena tvatpAdayoH praNamanaM na mayA vyadhAyi |
vismR^itya samprati chirAya mamaitadAgastAM sannidhehi karuNAM mayi dInabandho || 2||
nirvyA jamArttaparipAlanadIkShitatvaM pApmAntakR^ittvamachirAchcha samannikAmam |
kAryA tathA.api vinate natimAtrataHstrAk santuShyatA mayi dayaiva vibho
tvayA.adya || 3||
sarveShu pAtakapareShu paraM prasiddhaM mAM trAsyase yadi sharaNya tadaiva nAtha |
pApIyasAmapi sakR^ichCharaNaM gatAnAmuddhAradIkShitatayA prathito.asi bhAvI || 4||
ke nAma pAtakakR^ito bhavatA.adya yAvan naivoddhR^itA yadi gatAH sharaNaM kadAchit |
kintveShu hanta! mahitasya dayAnidhe me santAraNAvasara eSha yasho.abhilAShin || 5||
vishvambharasya karuNAvaruNAlayasya sarveshvarasya mahitasya yashasvinAM te |
ArtteShvananyasharaNeShu na nAtha sampratyevaMvidhatvamuchitaM bata mAdR^isheShu || 6||
tvatsammukhe vilapatAmapi mAdR^ishAnAmArtti nihatya na yataH shivamAdadhAsi |
hA dInabandhurapi san bhagavan vibho tadandho.asi hanta badhiro.asi jaDo.asi
kiMvA || 7||
hA nAtha dInajanataikasharaNya hanta kiM nAma mAM mvasharaNaM paripAsi nAdya |
ko vA.akhileShubhuvaneShu madanya Artto yaM nandayan vitaritAsi nijAmamikhyAm || 8||
karmAnusAriphaladAnavidhau samarthairanyairdayAlubhirapi tridashairhatAnAm |
nAtha tvameva sharaNaM tanu mAdR^ishAnAM sarveshvarashcha karuNashcha na
yat parosti || 9||
kiM nAma mAM na paripAsi dayAvidhAna kiM hanta vA tvamapi karmamukhapratIkShaH |
chedevameva bata tarhi chirAya loke nirvyAjapAlanaparatvamapAkR^itaM syAda || 10||
nAnAvidhAni vR^ijinAni mayA mahAnti kAmaM kR^itAni yadapi tridashAdhinAtha |
shrImannathApi sharaNAgatavatsalatvasambhAvanAya paripAhi samAshritammAm || 11||
mAmantareNa bhuvaneShvakhileShu kashchin naitasya hanta patitasya samAshrayo.anyaH |
ityeva nAtha paripAhi dayAnidhAna karmANi vismara chirAya kR^itAgaso.api || 12||
Artto na kutrachana kashchana te madanyastAdR^igjanArttiharaNe cha paraH parastvat |
sampratyathApi bhagavan kimu mAM na pAsi kiM vA na pashyasi chirAya
yashomahattvam || 13||
tvAmAshrito.ahamiti nAtha! paraM nishamya pApIyaso.api bata! naH paripAsi sadyaH |
tasmAttvameva bhuvaneShvakhileShu viShva~N mukhyo mato.asi
sharaNAgatavatsalAnAm || 14||
tvAmAshrito.asmi paripAlaya dInabandho ityeva duShkR^itavatAmapi mAdR^ishAnAm |
AkarNya jAtu paridevanamIsha sadyo rakShastvameva mahitaH karuNAkareShu || 15||
agre sarA yadapi dAruNaduShkR^itAni santanvatAM dhruvamayI tadapi prapannAH |
ityeva mAdR^ishajanAn paripAsi yattvaM viShvak tadeva bhagavan prathitaH
sharaNyaH || 16||
trANochitAni sukR^itAni kimasya kAmaM daDyAni kintu duritAnyathaveti nAtha |
chechchintayeH patitapAvana mAdR^ishAnAmabhyarthanA tava cha vatsalatA mR^iShaiva || 17||
yadyapyatIva patito.asmi dayAnidhAna sampratyathApi bhavataH sharaNaM prapannaH |
tasmAchCharaNya bhavatA parirakShaNIyo jAne.anyathA mama kadA.api na rakShaNaM
syAt || 18||
kutrApi hanta patitonamato madanyaH satyaM tathA.api bhavataH sharaNaM prapannaH |
evaM sthito mama nirAkaraNaM chirAya saMrakShaNaM sapadi vA bata nAtha yuktam || 19||
bhuktAni pAtakaphalAni chirAd bahUni netaH charaM kimapi bhoktumahaM samarthaH |
tvaM dInabandhuriti nAtha jagatsu viShvak khyAto.asi yat patitapAvana pAhi tasmAt || 20||
mR^ityoH karAlavadane patito.ahamadya yAvat prakAmamamaresha vidheradhInaH |
apyetya hanta! bhavato.abhimukhaM katha~nchid yadyadya sharmma na labheya tato yashaH kim ||21||
anyAshrito yadi vibho! yadi vA nirAgAH syAnnirbhayo jagati hanta! bhavAdR^ishAnAm |
kiM tena ki~nchiduditaM karuNAnidhitvaM kiMvA mahatsu mahimA mahitoM.ashato.api || 22||
kurvannanAthapatitoddharaNaM samantAlloke mahattvamupayAti dayAnidhInAm |
mAmuddhariShyasi na tad yadi nAtha sadyaH kiM hanta! tarhi mahimA vimalastvadIyaH || 23||
yanmAdR^ishAnapi suduShkR^itino.atidInAn matvA samuddharasi ma~NkShu samantatastvam |
tad dIna bandhuriti nAma tava trilokyAM sthAne sharaNya bhagavan nitarAM prasiddham || 24||
vishvambharo.asi yadi mAmapi tadvibharShi sAhAyyamAcharasi me yadi dInabandhuH |
yat pAvanastaditi nAtha punAsi nedaM chitraM svanAmamahimAnamushanti sarve || 25||
yadyAgamiShyamaghahan sharaNaM tavAhaM tvaM nAtha yadyadaharipya imam sharaNya |
uddhR^itya samprati yasho labhase sma yAdR^ik kiM tAdR^ishaM kathaya nAtha tato.anyathA.api || 26||
satyaM yadi tvamasi mAdhava dInabandhuH kimmAM kadarthayasi hanta! punaH punastata |
evaM vilApini jane kR^ipaNo.api sadyaH sampadya sAdhu mR^idutAM karuNAM tanoti || 27||
yAvat samaM karuNayA pararakShakatvaM sAdhAraNo.api bhajate yadi kIrttilipsuH |
vishvambharatvamahitaH punaretamevaM vyApAdayasyahaha tattvamiva tvameva || 28||
sarve.apyamI tava vashe jagadIshitAraH puMsAM shubhAshubhavidhau prabhavo bhavanti |
tasmAttvameva bata tattadapAkR^itasya mAdR^igjanasya sharaNaiShiNa Ashrayo.asi || 29||
pAyA yadi tvamapi nAtha na pIDyamAnaM taistaiH parasya charitekadR^ishAM prasiddhaiH |
lokaH sharaNya sharaNaM bata kasya yAyAt ko vA bhavet patitapAvana dInabandhuH || 30||
vyAdhAdayo.api bhagavan vihitAparAdhAH santAritAH sapadi hanta yadA dayAlo |
ekAkinaM punarimaM paripIDayaMstvaM tattAM nijAM kimu nirAkuruShe chiraM na || 31||
dIno.asmi dInadayito.asi suduHkhito.asmidukhAntakastvamasi nAtha suduHkhitAnAm |
pApmAsmi pAvanakR^itAM prathamo.asi nityaM tanmAM prabho jhaTiti pAlaya pAvayAdya || 32||
karmmAnusAramashubhaM cha shubhaM cha bhogyaM sarvasya daivaniyataM jagato na chitram |
bhUyo.api bhoH patitapAvana nAma yatte tanmAM punIhi cha kR^itArthaya tAmabhikhyAm || 33||
sarvArthapUrttikaraNe bahavaH prasiddhAH kalpAdrumaprabhUtayaH sharaNAgatAnAm |
he nAtha yadyatha bibharShi parA~NmukhAMstvametAdR^ishAMstadAsi satyamatugrahItA || 34||
nAtha tvameva yadi sarvajaganmayastanmAM pIDayan kimu na pIDayasi svamadya |
chettvaM punarbata jagadgata eva kashchitkiM tarhi bhostadapi karmabhujaH shubhechChA || 35||
vishvaM samuddharasi sarvamapi tvamIsha tanmAM samuddharasi kiM na dayAnidhAna |
vishvambhara tvamapi karmamukhapratIkShastat kiM prabhutvamanukampavidhau tvadIyam || 36||

iti shrIshivadattakaviratnapraNItaM karuNastotraM sampUrNam |

##
Proofread by Nat Natarajan, NA


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}