% Text title            : lIlAshatanAmastotram
% File name             : lIlAshatanAmastotram.itx
% Category              : aShTottarashatanAma, vishhnu, krishna
% Location              : doc\_vishhnu
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay, NA
% Description-comments  : Shandilya Samhita BhaktiKhanda Part1, pages 118-121
% Source                : Shandilyasamhita panchame bhaktikhaNDe
% Latest update         : July 20, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. lIlAshatanAmastotram ..}##
\itxtitle{.. lIlAshatanAmastotram ..}##\endtitles ##
kR^iShNalIlAshatanAmastotram

shANDilya uvAcha |
atha lIlAshataM stotraM pravakShyAmi hareH priyam |
yasyAbhyasanataH sadyaH prIyate puruShottamaH || 1||
yaduktaM shrImatA pUrvaM priyAyai prItipUrvakam |
lalitAyai yathAproktaM sA mahyaM kR^ipayA jagau || 2||
shrutibhiryatpurA proktaM munibhiryatpuroditam |
tadahaM vo varNayiShye shraddhAlUn saMmatAn shuchIn || 3||
lIlAnAmashatasyAsya R^iShayo.agnisamudbhavAH |
devatA shIpatirnityalIlAnugrahavigrahaH || 4||
ChandAMsyanuShTup rUpANi kIrtitAni munIshvarAH |
bIjaM bhaktAnugrahakR^it shaktilIlApriyaH prabhuH || 5||
shrIkR^iShNabhagavatprItidvArA svArthe niyojanam |
sarveshvarashcha sarvAtmA sarvato.asreNa rakShatu || 6||

shrIkR^iShNaH sachchidAnandaH svatantraparamAvadhiH |
lIlAkartA bAlalIlo nijAnandaikavigrahaH || 7||
lIlAshaktirnijalIlAsR^iShTideho vinodakR^it |
vR^indAvane gopigopagodvijAdisachinmayaH || 8||
vAk.hsR^iShTikartA nAdAtmA praNavo varNarUpadhR^ik || 9||
prakR^itiH pratyayo vAkyo vedo vedA~NgajaH kaviH |
mAyodbhavodbhavo.achintyakAryo jIvapravartakaH || 10||
nAnAtattvAnurUpashcha kAlakarmasvabhAvakaH |
vedAnugo vedavettA niyato muktabandhanaH || 11||
asurakleshado kliShTajananidrAratipradaH |
nArAyaNo hR^iShIkesho devadevo janArdanaH || 12||
svavarNAshramadharmAtmA saMskR^itaH shuddhamAnasaH |
agnihotrAdipa~nchAtmA svargalokaphalapradaH || 13||
shuddhAtmaj~nAnado j~nAnagamyaHsvAnandadAyakaH |
devAnandakaro meghashyAmalaH sattvavigrahaH | 14||
gambhIro.anavagAhyashrIdvibhujo muralIdharaH |
pUrNAnandaghanaH sAkShAt koTimanmathamanmathaH || 15||
shrutigamyo bhaktigamyo munigamyo vrajeshvaraH |
shrIyashodAsuto nandabhAgyachintAmaNiH prabhuH || 16||
avidyAharaNaH sarvadoShasa~NghavinAshakaH |
niHsAdhanoddhAradakSho bhaktAnugrahakAtaraH || 17||
sarvasAmarthyasahito daivadoShanivArakaH |
kumArikAnugrahakR^id yogamAyAprasAdakR^it || 18||
brahmAnandaparAnandabhajanAnandadAyakaH |
lokavyAmohakR^itsvIyAnugraho veNuvAdataH || 19||
nityalIlArAsarato nityalIlAphalapradaH |
mUDhoddhArakaro rAjalIlAsantoShitAmaraH || 20||
satAM lokadvayAnandadashchaishvaryAdibhUShitaH |
nirodhalIlAsampattirdashalIlAparAyaNaH || 21||
dvAdashA~NgavapuH shrImA.NshchatR^irvyUhashchaturmayaH |
gokulAnandadaH shrImad govardhanakR^itAshrayaH || 22||
charAcharAnugrahakR^idvaMshIvAdyavishAradaH |
devakInandano dvArApatirgovardhanAdribhR^it || 23||
shrIgokulasudhAnAthaH shrImukundo.atisundaraH |
bAlalIlArato haiya~NgavInarasatatparaH || 24||
nR^ityapriyo yugmalIlo tribha~NgalalitAkR^itiH |
AchAryAnugR^ihItAtmA karuNAvaruNAlayaH || 25||
shrIrAdhikApremamUrtiH shrIchandrAvalivallabhaH |
lalitAprANanAthaH shrIkalindagirijApriyaH || 26||
aprAkR^itaguNodAro brahmeshendrAdivanditaH |
pavitrakIrtiHshrInAtho vR^indAraNyapurandaraH || 27||

iti lIlAshataM nAmnAM nijAtmakasamanvitam |
yaH paThetpratyahaM prItyA taM prINAti sa mAdhavaH || 28||
IShaNAtrayanirmukto yA paTheddharisannidhau |
so.achalAM bhaktimApnoti iti satyaM munIshvarAH || 29||
IShaNAtrayasampannaM yasya chitta prakhidyati |
tenAtra dhyAnagamyena prakAreNa samApyate || 30||
putreShaNAsu sarvAsu dhyAyetputrapradaM harim |
brahmANaM mohayattena varAvAptiH prajAyate || 31||
vitteShaNAssu vAsAMsi bhUShaNAni shikhAmaNim |
vadantaM viShayIkurvaMllabhate tat sthira~ncha yat || 32||
lokeShaNAsu nandasya sAdhayanparatantratAm |
dhyAtvA hR^idi mahAbhAgyo bhavellokadvaye pumAn || 33||
samarchya bhagavantaM taM shAlagrAmasya mandire |
namo.antairnAmasanmantrairdadyAdvR^indAdalAnyasau || 34||
nivedayettataH svArthaM madhyAhne pararAtrake |
tena sarvamavApnoti prasIdati tatastvamum || 35||
sarvAparAdhaharaNaM sarvadoShanivAraNam |
sarvabhaktiprajananaM bhAvasya sadR^ishaM param || 36||
etasyaiva samAsAdya gAyatryAkhyaM mahAmanum |
paThennAmnA sahasraM cha sudAmAdisamo bhavet || 37||
anayoH sadR^ishaM nAsti prakAro.atrAparaH paraH |
kAmavyAkulachitasya shodhanAya satAM mataH || 38||
na sauShadhI matA puMsA yA gadAntaramarpayet |
prakR^itaM sannivartyAghaM vAsanAM yA na saMharet || 39||
viShayAkrAntachittAnAM nAveshaH karhichiddhareH |
tato nivR^ittiH kAryebhya ityAha tanayaM vidhiH || 40||
shrIkR^iShNeti mahAmantraM shrIkR^iShNeti mahauShadhI |
ye bhajanti mahAbhAgAsteShAM kiM kiM na siddhayati || 41||

iti lIlAshatanAmastotraM sampUrNam |
iti shrIshANDilyasaMhitAyAM pa~nchame bhaktikhaNDe dvitIyabhAge
tR^itIyo aShTAdasho.adhyAyaH || 18||
##
Encoded by Gopal Upadhyay gopal.j.upadhyay at gmail.com
Proofread by Gopal Upadhyay gopal.j.upadhyay at gmail.com, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}