% Text title : lakShmIhayavadanaratnamAlAstotram % File name : lakShmIhayavadanaratnamAlAstotram.itx % Category : vishhnu, vishnu, lakShmI, pancharatna, devii, mAlAmantra, devI % Location : doc\_vishhnu % Author : Abhinava RanganAthabrahmatantraparakAlamahAdeshika % Transliterated by : Rujuta rujuta5879 at gmail.com % Proofread by : Rujuta rujuta5879 at gmail.com % Latest update : April 2, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIlakShmIhayavadanaratnamAlAstotram ..}## \itxtitle{.. shrIlakShmIhayavadanaratnamAlAstotram ..}##\endtitles ## || shrIH || shrIlakShmIhayavadanaparabrahmaNe namaH | shrImate shrIkR^iShNabrahmatantraparakAlayatIndramahAdeshikAya namaH | shrImanmahAbhArate shAntiparvaNi mokShadharme nArAyaNAkhyAne hayashira upAkhyAnasya vyAkhyAne hayashiroratnabhUShaNe tadvivaraNadIdhitau cha parishIlitAnAM shrutInAmarthasya sa~NgrAhaka shrIlakShmIhayavadanaratnamAlAstotram | vAgIshAkhyA shrutismR^ityuditashubhatanovasudevasya mUrtiH j~nAtA yadvAgupaj~naM bhuvi manujaverairvAjivaktraprasAdAt | prakhyAtAshcharyashaktiH kavikathakahariH sarvatantrasvatantraH trayyantAchAryanAmA mama hR^idi satataM deshikendraH sa indhAm || 1|| satvasthaM nAbhipadme vidhimatha ditijaM rAjasaM tAmasaM chA\- bbindvorutpAdya tAbhyAmapahR^itamakhilaM vedamAdAya dhAtre | dattvA drAktau cha hatvA varagaNamadishadvedhase satra Adau tantraM chopAdishadyassa mama hayashirA mAnase sannidhattAm || 2|| adhyAste.a~NkaM parAvAg varahayashiraso bharturAchAryake yA vA~nChAvAnaitareyopaniShadi charamAtprAktane khaNDa Adau | yasyA vINAM cha daivIM manasi vinidadhatkhyAtimetyantyamantre seshAnA sarvavAcho mama hR^idayagatA chAru mAM vAdayedvAk || 3|| kR^iShNaM viprA yamekaM vidurapi bahudhA vedayo (raitareye) rAdimAnte sraShTA visraMsamAnassvamatha samadadhAchChandasAM yena dAnAt | kR^iShNa viShNuM cha jiShNuM kalayiturapi yatsaMhitAmAyuruktaM vAkshliShTaM prANamenaM hayamukhamanusandadhmahe kiM vR^ithA.anyaiH || 4|| prakhyAtA yA.a.ashvalAyanyadhikaphaladashashlokyabhikhyA tadantaH shrutyuktA vAk sarasvatyapi hayamukha te shaktiranyA na yuktA | pUrNA tvachChaktirardhaM bhavati vidhivadhUryA nadI sA kalAsyA ityukte brahmavaivarta iha samuditA syAtparA nimnagA.anyA || 5|| shrIharShoM viShNupatnIM vadati kavirimA naiShadhe mallinAthaH khyAtAmetAM purANe hayamukha bhuvi cha sthApitAM viShNupArshve | dhIvAgmitvArthajapyaM dinamukhasamaye shaunakassUktamatyAH shrIyuktaM bahvR^ichassa smR^itikR^idapi tadA chintanIyaM tathainAm || 6|| vAgAmbhR^iNyAdisUkte niravadhimahimA yA shrutA vAk cha devI pUrve sUkte.api haMsastvamadhikamahimA vishruto bahvR^ichairyaH | yuktAvAraNyake tau kathitabahuguNau sAmanI saMhitetya\- pyArAdhyo vyUharUpI hayamukhavidito j~nAninAM karmabhistvam || 7|| indro vR^itraM haniShyan sakhivara vitaraM vikramasveti viShNuM samprArthyAto hatAristata upajanitabrahmahattyApanuttyai | sUktAbhyAmAhutiM yaM prati paramajuhonmUrdhni gandharva eko devAnAM nAmadhArI sa mama dR^iDhamatAvadya vAchaspatistAt || 8|| vede chAtharvaNAkhye prathamata uditaM yattriShaptIyasUktaM tanmedhAjanmakarmA~Ngamiti nigaditaM kaushikena svasUtre | medhAkAmaH pumAn yasturagamukha tatassarvalokAdhinAthaM dhyAyedvAchaspatiM tvAM prabhavati sakalastachChR^itArtho.aprakampyaH || 9|| nAsanno sattadAnImapi tu kamalayA.avAtamekaM tadAnIt tasmAddhAnyatparaM ki~nchidapi na tamasA gUDhamagre praketam | addhA ko veda hetuM dvividhamaviguNaM vAsudevAbhidhAnaM vyUhaM tvAM prAtararchyaM hayamukha bhagamAhuH kramAttaittirIyAH || 10|| prAtaHpUjyaM bhagAkhyaM prathamamakathayan bahvR^ichAH pa~nchame.atho nAsatsUkte.aShTame prAgvadapi samavadan taitirIyakramAttvAm | pArAsharyo.avatIrNaM vadati hayamukhAtharvaNaH kaushikastvAm medhArthaM prAtararchyaM bhagamanumanute saMhitA.apyAha sAdhu || 11|| pradyumnAntaM tripAdbhAsvaravapuramR^itaM vAsudevAdivR^inde pAdastatrAniruddho bhuvi tata udabhUdAtmabhUR^igvidhij~nAH | hutvA tvAM yaj~narUpaM hayavadana jitante stutiM tanvate.ataH nirNItaM sarvavedeShvanupamamiti tatpauruSha sUktamAptaiH || 12|| sarve vedAH prajAshcha prachurabahubhidAH saMshrayante yamekam | shAstA yo.antaHpraviShTassvayamapi dashadhAtmAcharatyarNave yam | brahmA chaikonvavindaddharimiha dashahotAramantashcha chandre devAssantaM sahainaM na hi viduravatAtso.adya vAchaspatirmAm || 13|| yasmAdbrahmA cha rudrassakalajagadidaM jAyate.antarbahiryat vyAptyA sattAM cha yasmin layamapi labhate yashchaturvedamUrtiH | viShNurnArAyaNo.aShTAkSharapadavidito devakIputra eko yothArvA~Nge madhoH sUdana upaniShadi j~nAyate me sa indhAm || 14|| shaktiH svAbhAvikI sAtra cha vividhaparA shrUyate j~nAnamevaM tredhA tatra kriyetthaM balamapi tadasau vAsudevaH sa haMsaH | yo brahmANaM vidhAya prathamamatha parAn prAhiNotsarvavedAn tasmai devaM prapadye sharaNamahamimaM chAmR^itasyaiSha setuH || 15|| vamryo viShNordhanurjyAM hayavadana varAnnechChayA chichChidustat | koTyA chChinnaM cha viShNoH shira iti gaditaM yatpravargyArthavAde | tachChIrShaM yAjamAnaM shrutimukhata idaM sthApita yuktito.api prAdurbhAvaH sa gauNo bahumukhaharivaMshAdinirdhArito vA || 16|| shuklaM vedaM vivasvAnupadishasi paraM yAj~navalkyAya vAjI vedaikArthairvachobhirmitamidamakhilAmnAyadhIkAriNIM yAm | vAgdevIM mokShadharme kathayati munirAT tatkR^ipAlabdhabhUmA tvachChaktissetyakampyaM hayamukha gaditaM brahmavaivartavAgbhiH || 17|| tasmAdvede.api tatropaniShadi bR^ihadAraNyake kANDa AtmA tvaM vAgdevyA sahAdau janayasi mithunIbhUya sarvAMshcha vedAn | dhAtAraM tasya patnIM tadanu tadubhayadvArikAM vyaShTisR^iShTiM tadyaj~nArAdhito.asmai hayavadana varAnyachChasIti pratImaH || 18|| turye.adhyAye dvitIyaM turagamukha shishubrAhmaNa vyUharUpam prANa sthUNAM shishuM tvAM chamasamapi shiro.arvAgbilaM chordhvabudhnam | saptAnAM devatAnAmadhikaraNamamitrendriyANAM jayArthaM vAchAShTamyA yutaM tvAM parikalayati tadbrahma bhaktArtihAri || 19|| dadhya~N~NAtharvaNoshvitridashakR^itashirodhAraNAdashvamUrdhnA tAbhyAM prAvargyatattvaM hayamukha samupAdikShadetadyathArtham | etAvatyeva tattve kalibalavashatastAmasAshshaktyadhInaM bhAvatkaM shIrShamAhurbhuvi janisamaye tvatkaTAkShAtidUrAH || 20|| dadhya~N~NAtharvaNo yo hayamukha bR^ihadAraNyake kANDa Adau Aha prAvargyatattvaM yadapi shatapathe dIkShaNIyArthavAde | viShNvAkhyaM tattvamuktaM punarupaniShadi brahma vAgIsharUpaM yachcha proktaM tR^itIye tadapi cha sa madhubrAhmaNe vakti turye || 21|| vAchA devyAniruddhena cha sR^ijati jagatsarvamityagra ukto vAhAsyo vAsudevaH sa para iti madhubrAhmaNaM sthApayitvA | dadhya~N~NAtharvaNoshvitridashahitamadhutvAShTrakakShyopadeShTA tattvaM jAnAti chetyapyakhilashubhatanuM vakti vAgIshvaraM tvAm || 22|| dadhya~N~NAtharvaNo.asAvupadishati madhubrAhmaNaM tvAShTrakakShyaM yattannArAyaNAkhyaM kavachamiti samAdhuShyate sAtvikAgryaiH | vR^itrasyedaM vadhAyAlamiti hayamukha brahmavidyeti tattvaM vAgIshaite na jAnantyanagha tava kR^ipAbAhyatAM ye prayAtAH || 23|| tattvaM nArAyaNAkhyopaniShadi kathitaM pa~ncharAtroktarItyA tannAmAkhyAna AhAshvamukha vishadamAdyaM cha dharmaM munIndraH | gItAyAM sa~NgR^ihItaM vishadayitumanAH kR^iShNa vAhAnanaikyaM brUte vedoditatvaM sthirayati cha tadatrokta ekAntidharme || 24|| Adau nArAyaNaM taM vadati madhujitaM devakIputramante vedAnto mokShadharme varahayashirasaM prAha kR^iShNassvameva | ityAlochyaiva yogI kalijidabhijagau tatkramAt stauti madhye vAhAsya tvAM shaThArirmunirapi manute.ashvaM puraH kR^iShNamante || 25|| janmAdInAM nidAnaM katichidakathayan devamekaM tathA.anye devImekAM vidustanmithunamavikalaM brahma vedAntavedyam | ityevaM sthApayitvA chidachidaviyutaM shrImadekaM taditya\- pyAchakhyau mokShadharme hayamukhajanivR^ittApadeshAnmunIndraH || 26|| shrAvaNyAM te.avatAre hayamukha nigamoddhAraNArthatvabuddheH R^igvedopakramastachChravaNabha iti nishchinvate bahvR^ichAgryAH | prArambho paurNamAsyAM yajuSha iti pare yAjuShAH sa~Ngirante tadvedopakramAnte bhuvi vidhivashagAstvAM samArAdhayanti || 27|| viShNoH patnI parA vAgiti bahumanute bhAratI yAM yadIMshaH patyuH prAkpa~ncharAtraM shrutimapi samupAdikShadityAdareNa | tadvAgAshliShTamUrtiM hayashirasa upArAdhayantI nishamya shrIbhAShyaM lakShmaNAya svapatividita yatyAkR^itiM bibhrate.adAt || 28|| vAgIshAnasya mantraM shrutishikharagurustArkShyalakShaM japitvA prAptaM tatkAlalAlAmR^itamapibadahIndrAkhyapuryAM yatIndoH | mAturbhrAtustanUjottamaguNakurukAdhIshavaMshyArchitAM ta\- nmUrti samprApya kA~nchayAM svayamapi chiramArAdhayadbhaktibhUmnA || 29|| kAle vedAntasUrissvapadamupagataM brahmatantrasvatantraM shiShyAgryaM mUrtimenAM samanayadatha tachChAtrapAramparItaH | seyaM vAgIshamUrtirguruvaraparakAlAdibhiH sevyamAnA ramyAsthAnyAM trikAlaM vilasati vihitArchAdya karNATadeshe || 30|| dharmaM pUrvAshramoktaM sukaramapi na kR^itvA.antimoktasya tasyA\- nuShThAne.ashaktibhItaM yamukhakR^ipaNaM lambhayitvA.a.ashramaM tam | shobhodrekAdinA.archAvishaya upagate lakSha(koTi)pUjAM tulasyA svopAkhyA vyAkR^itiM chAkalayasi kiyatI mayyanarghA dayA te || 31|| itthaM vAgIshapAdUyugalasatatasaMsevanArchAdidIkShaH tatraitAM navyara~NgeshvarayatiranaghAmArpayadratnamAlAm | enAM nityaM paThanto bhuvi manujavarA bhaktibhUnepsitArthAn sarvAn vindanti vAhAnanavarakaruNApA~NgadhArAbhiShekAt || 32|| iti shrIlakShmIhayagrIvadivyapAdukAsevaka\- shrImadabhinavara~NganAthabrahmatantraparakAlamahAdeshikakR^itiShu shrIlakShmIhayavadanaratnamAlAstotraM samAptam | ## Encoded and proofread by Rujuta rujuta5879 at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}