% Text title            : Lakshmi Narayana stotram 2
% File name             : lakShmInArAyaNastotram2.itx
% Category              : vishhnu, vishnu
% Location              : doc\_vishhnu
% Author                : Shrinivasa raghavan
% Transliterated by     : Shree
% Proofread by          : NA
% Latest update         : July 12, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Lakshmi Narayana stotram 2 ..}##
\itxtitle{.. shrIlakShmInArAyaNastotram 2 ..}##\endtitles ##
atha shrIlakShmInArAyaNastotram |
satyavratakShetralalAmabhUto bAhAsarittIravirAjamAnaH |
makhiprakR^iShTohyarashANipAlai nArAyaNo yata vibhAti lakShmyA || 1||
AtreyagotrAmbudhipUrNachandraiH AchArashIlairabhito variShThaiH |
AshAsyamAnaH parabhaktiyuktaiH nArAyaNo bhAti sahaiva lakShmyA || 2||
shrIvaiShNavAgresaramAnanIyAH AchAryavaryA jagati prasiddhAH |
satsampradAyAvanabaddhadIkShAH tvayA pradAttA jagatAM vibhAnti || 3||
bhAgyaM jagatyAmupavarNanIyaM tvadIyasevAphalamAmananti |
astokadivyAdhvaravedibhogye jAne.agrahAre tava bhAgyametat || 4||
iShTArthasiddhyai bhavatopadiShTamiShTyAdikaM bhUri kR^itaM hi yatra |
yaj~no hi nArAyaNanAmarUpaH tvamatra bhAsIti vibhAvaye tvAm || 5||
AtreyagotraikajaniprakR^iShTAH dvijA dvijatvaM pratipadyamAnAH |
bhUyastarAM viShNupade charantaH vibhAnti tuShTastvamihAsi bhUtyai || 6||
nArAyaNa tvaM ramayA sametaH prAchIM dishaM vIkShya muhuH prasannaH |
kuto na jAne paramaM rahasyaM yUpojjvalaM stambhamavekShase kim ! || 7||
yaj~nasya sAkShI sthira eva loke yaj~nasthalI chApi vibhAti susthA |
tato.abhijAtAvasato.agrahAraH vishvaprasiddho.apyadhunA tvayaiva || 8||
kA~nchyuttarAchottamatAM praNItA yaj~nairhi sajjaiH kila yAyajUkaiH |
atryanvavAyAnvayavidvadagryaiH susvadhvarairadhvaravedidIpraiH || 9||
shrIvAdihaMsAmbudasUrivarya vaMshAvataMsaiH kila vipravaryaiH |
shrIshrInivAsAdhvaribhiH pratiShThAM prApto.agrahArohyarashANipAlai || 10||
pratiShThitastvaM nijabhUmni nityaM pratiShThitastvaM paramAgrahAre |
punaH pratiShThA bhavataH prashasyA chirAya nArAyaNa ! sannidhatsva || 11||
yamappayaM prAhvayatisma hR^iShTo varaprado vAraNashailamUrdhni |
devAdhirAjo.appayadIkShito.asau kUTastha evAbhavadatrigotre || 12||
kalyANakulyA kamanIyayUpaH kArshyaM kutaH prApa na vedmi tattvam |
kShamasva sarvAnaparAdhavargAn R^iddhyai samIkShasva sudhAkaTAkShAt || 13||
kalyANakulyAmR^itavAhinI stAt yUpaH samuchChrAyamupaitu bhUyaH |
tvadIyadhAmojjvalatAmupeyAt ArAdhanaM te navatAM pradadyAt || 14||
kA~nchIghaTAmbvityabhidhAnabhAjaH shrIve.nkaTAchAryamukhAH kavIndrAH |
yatsannidhAnAt atulAM pratiShThAM saMprApya nArAyaNa saMvibhAsi || 15||
dabhretare dhAmani vardhamAno dabhraM paraM dhAma samAshrito.asi |
adabhradR^iShTyA svayamedhamAnaH bhadrANi nArAyaNa saMvidheyAH || 16||
vidhipraNIte subhage.ashvamedhe samudbhavan shyAmalahavyavAhaH |
astokabhogyAdhvarahavyabhoktA nayatyaho tAn svapuraM sma devaH || 17||
kaliH praduShTaH kavayo.api naShTAH kalyANakulyApyamR^itena hInA |
jAtAshcha dUre sukhajIvikAyai parantu nArAyaNa susthiro.asi || 18||
pUto.agrahAro makhajAlakR^ityA pUtA sthalI satpadareNupUrNA |
pUtA vayaM grAmasunAmadhR^ityA vasema nArAyaNa te kaTAkShaiH || 19||
shrIsUktahomena kR^itena bhaktyA grAmassamR^iddhiM sakalAmupaitu |
devassamArAdhanasamprahR^iShTaH abhIShTadAyI satataM vibhAtu || 20||
atryanvavAye janimetya sevA ratena mAvAsaraghUttamena |
bhaktyA kR^itaM stotramidaM paThantaH lakShmIkaTAkSheNa vibhAntu loke || 21||
lakShmI nArAyaNaM devaM mandiraM nUtana nirmitam |
rakShitAM yAgashAlAM cha dR^iShTvA tuShTiM bhajemahi || 22||

iti shrInivAsarAghavan virachitaM shrIlakShmInArAyaNastotraM sampUrNam |
##
NA

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}