% Text title            : Shri Madanagopala Stotram 05 04
% File name             : madanagopAlastotram2.itx
% Category              : vishhnu, krishna, stotra
% Location              : doc\_vishhnu
% Proofread by          : Rajesh Thyagarajan
% Description/comments  : From stotrArNavaH 05-04
% Latest update         : October 9, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Madanagopala Stotram ..}##
\itxtitle{.. shrImadanagopAlastotram ..}##\endtitles ##
Ishvara uvAcha\-
shR^iNu devi pravakShyAmi rahasyaM bhuvaneshvari |
tavaiva pauruShaM rUpaM gopikAnayanAmR^itam || 1||
sadA niShevitaM rAgAdbhavadvirahabhIrubhiH |
satyabhAmAdirUpAbhirmAyAmUrtibhiraShTabhiH || 2||
khyAtaM madanagopAlasa.nj~nayA bhuvanatraye |
tasya dhyAnaM pravakShyAmi sarvapApapraNAshanam || 3||
sarvamohamayaM sarvasampatpradamanuttamam |
aNimAdimahaishvaryapradamAyuHpravardhanam || 4||
      saubhAgyadAyakaM nR^INAM strINAM chaiva visheShataH |
kimatra bahunoktena dhyAnenAnena bhAmini |
      yadyadichChati tatsarvaM naraH prApnotyasaMshayaH || 5||
shrImadbAlArkasa~NkAshaM padmarAgamaNiprabham |
bandhUkabandhurAlokasandhyArAgAruNadyutim || 6||
makuTAnekamANikyaprabhApallavitAmbaram |
kirITopAntavinyastabarhibarhAvataMsakam || 7||
kastUrItilakAkrAntakamanIyAlakasthalam |
nistalasthUlamANikyachArumauktikamaNDalam || 8||
dantAMshukusumAshliShTachibukoddeshashobhitam |
shashA~NkabimbAla~NkArashlAghAta~NkakarAnanam || 9||
anardharatnagraiveyavilasatkambukandharam |
udaMshumauktikairhArairvaijayantyA cha mAlayA || 10||
shrIvatsakaustubhAbhyAM cha pariShkR^itabhujAntaram |
ChatraM puShpaM sharaM padmaM sR^iNiM sha~NkhekShukArmuke || 11||
gadAM pAshaM cha muralIM bibhrANaM mohanAkR^itim |
nimnanAbhiM romarAjIvilasatpallavodaram || 12||
visa~NkaTakaTIdeshavAchAlamaNimekhalam |
spuratsaudAmanIChAyAdAyAdakanakAmbaram || 13||
maNima~njIrakiraNaki~njalkitapadAmbujam |
shANollIDhamaNishreNiramyA~NghrinakhamaNDalam || 14||
ApAdakaNThamAyuktabhUShAshatamanoharam |
kalpakAnokahArAmamahite maNimaNDape || 15||
chintAmaNimahApIThamadhye hemasaroruhe |
karNikAparisandIptashrIma~nchakrAsane shubhe || 16||
tiShThantaM devadeveshaM tribha~NgIlalitAkR^itim |
vAmAMsashikharopAntavyAlolamaNikuNDalam || 17||
Aku~nchitabhruvaM ki~nchitku~nchitAdharapallavam |
gAnAmR^itarasAsvAdaniShpandanikhilendriyaiH || 18||
upAsyamAnamAnandAt sadArairdiviShadvaraiH |
sauradundubhinirghoShairmuktaprasavavR^iShTibhiH || 19||
      dhyAyenmadanagopAlaM mantrI shuchirala~NkR^itam |
(yaH) paThenmadanagopAladhyAnastotraM samAhitaH |
      sarvAn kAmAnavApnoti durlabhAnapyayatnataH || 20||

iti shrImadanagopAlastotraM sampUrNam |
##
Proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}