% Text title            : Mahaprabhu Ashtakam
% File name             : mahAprabhoraShTakam.itx
% Category              : vishhnu, aShTaka, krishna, vishvanAthachakravartin
% Location              : doc\_vishhnu
% Author                : Vishwanatha Chakravarti
% Proofread by          : PSA Easwaran
% Description/comments  : Riksaraja Prabhu popularized this song in his 1978 Golden Avatar album “Reservoir of Pleasure.” It was rendered in Raga Madhyamad Saranga in Bhajani Tala
% Latest update         : February 22, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mahAprabhorAShTakam ..}##
\itxtitle{.. mahAprabhorAShTakam ..}##\endtitles ##
svarUpa bhavato bhavatvayamiti smitasnigdhayA
     giraiva raghunAthamutpulikagAtramullAsayan |
rahasyupadishan nijapraNayagUDhamudrAM svayaM
     virAjatu chirAya me hR^idi sa gaurachandraH prabhuH || 1||
svarUpa mama hR^idvraNaM bata viveda rUpaH kathaM
     lilekha yadayaM paTha tvamapi tAlapatre.akSharam |
iti praNayavellitaM vidadhadAshu rUpAntaraM
     virAjatu chirAya me hR^idi sa gaurachandraH prabhuH || 2||
svarUpa parakIyasatpravaravastunAshechChatAM
     dadhajjana iha tvayA parichito na vetIkShayan |
sanAtanamuditya vismitamukhaM mahAvismitaM
     virAjatu chirAya me hR^idi sa gaurachandraH prabhuH || 3||
svarUpa harinAma yajjagadaghoShayaM tena kiM
     na vAchayitumapyathAshakamimaM shivAnandajam |
iti svapadalehanaiH shishumachIkarad yaH kaviM
     virAjatu chirAya me hR^idi sa gaurachandraH prabhuH || 4||
svarUpa rasarItirambujadR^ishAm vraje bhaNyatAM
     ghanapraNayamAnajA shrutiyugaM mamotkaNThate |
ramA yadiha mAninI tadapi lokayeti bruvan
     virAjatu chirAya me hR^idi sa gaurachandraH prabhuH || 5||
svarUpa rasamandiraM bhavasi manmudAmAspadaM
     tvamatra puruShottame vrajabhuvIva me vartase |
iti svaparirambhaNaiH pulakinaM vyadhAt taM cha yo
     virAjatu chirAya me hR^idi sa gaurachandraH prabhuH || 6||
svarUpa kimapIkShitaM kva nu vibho nishi svapnataH
     prabho kathaya kim nu tam navayuvA varAmbhodharaH |
vyadhAt kimayamIkShyate kimu na hItyagAt tAM dashAM
     virAjatu chirAya me hR^idi sa gaurachandraH prabhuH || 7||
svarUpa mama netrayoH purata eva kR^iShNo hasann
     apaiti na karagrahaM bata dadAti hA kiM sakhe |
iti skhalati dhAvati shvasiti ghUrNate yaH sadA
     virAjatu chirAya me hR^idi sa gaurachandraH prabhuH || 8||
svarUpacharitAmR^itaM kila mahAprabhoraShTakaM
     rahasyatamamadbhutaM paThati yaH kR^itI pratyaham |
svarUpaparivAratAM nayati tA shachInandano
     ghanapraNayamAdhurIM svapadayoH samAsvAdayan || 9||

iti shrIvishvanAthachakravartIThAkuravirachitaM mahAprabhorAShTakaM sampUrNam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}