% Text title            : Shri Mukundavandana Ashtakam
% File name             : mukundavandanAShTakam.itx
% Category              : vishhnu, nimbArkAchArya, krishna, aShTaka
% Location              : doc\_vishhnu
% Author                : vAsudvasharaNa upAdhyAya
% Proofread by          : Mohan Chettoor
% Latest update         : January 28, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mukundavandana Ashtakam ..}##
\itxtitle{.. shrImukundavandanAShTakam ..}##\endtitles ##
devaM prapannArtiharaM sharaNyaM satyaM chidAnandamayasvarUpam ||
muktopasR^ipyaM navanIradAbhaM shrImanmukundaM praNamAmi nityam || 1||
saushIlyavAtsalyaguNADhyamIshaM ku~njeshvaraM rAsavihArashIlam ||
sakhIsamUhaiH parigIyamAnaM shrImanmukundaM praNamAmi nityam || 2||
mAdhuryabhAve madhurasvarUpamaishvaryabhAve bhagavatsvarUpam ||
vAtsalyabhAve cha subAlarUpaM shrImanmukundaM praNamAmi nityam || 3||
vR^indAvane nitya\-niku~njamadhye rasAtmakaM rAsavihArirUpam |
brahmeshavR^indArakavR^indavandyaM shrImanmukundaM praNamAmi nityam || 4||
mokShapradAnAddhi mukundasa.nj~naM j~nAnakriyAshaktibalAdipUrNam ||
sa~nchintanIyaM sharaNaM prapannaiH shrImanmukundaM praNamAmi nityam || 5||
dhyeyaM kumAraiH sumanobhirAdyaM geyaM vachobhirmuninAradAdyaiH ||
AchAryavaryaishcha samarchanIyaM shrImanmukundaM praNamAmi nityam || 6||
yatpAdapadmAshrayaNAd vilInA bhavanti janmAdivikArabhAvAH |
taM sarvapUjyaM paramaM vareNyaM shrImanmukundaM praNamAmi nityam || 7||
vANI mukundasya guNAn gR^iNAtu manastu tasyA~NghriyugaM vR^iNotu |
karau sadA pUjanatatparau stAmanyAni chA~NgAni phalIbhavantu || 8||
\-vAsudevasharaNa upAdhyAya, prAchArya\-
shrIsarveshvara saMskR^ita mahAvidyAlaya
nimbArkatIrtha\-salemAbAda, ji0 ajamera (rAja0)

iti vAsudevasharaNa upAdhyAyavirachitaM shrImukundavandanAShTakam
##

Proofread by Mohan Chettoor

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}