% Text title            : nArAyaNasahasranAmastotra lakShmInArAyaNIyasaMhitA adyAya 2.240
% File name             : nArAyaNasahasranAmastotraLNsaMhitA.itx
% Category              : sahasranAma, vishhnu, narayana, stotra
% Location              : doc\_vishhnu
% Transliterated by     : Sivakumar Thyagarajan shivakumar24 at gmail.com
% Proofread by          : Sahana Sivakumar. Sivakumar Thyagarajan shivakumar24 at gmail.com, NA
% Description-comments  : Second book Adhyaya 20.  This nArAyaNasahasranAma stotra is referenced in Purana Index for sahasranAmastotra.
% Latest update         : September 3, 2014
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narayanasahasranamastotra from LakShminarayaniyasamhita ..}##
\itxtitle{.. nArAyaNasahasranAmastotraM shrIlakShmInArAyaNIyasaMhitAyAm ..}##\endtitles ##

OM shrI gaNeshAya namaH
shrIkR^iShNa uvAcha
shR^iNu tvaM rAdhike chAnyaM chamatkAraM shriyaHpateH |
kuMkumavApikAkShetre jAtaM yogeshvaraM prati || 1||
vItihotro mahoyogI vane yogeshvaro.abhavat |
himAchale badaryAM sa tapastepe.atidAruNam || 2||
sarvayogakalAH prApa yathA shaMbhustathA.abhavat |
tena yogapratApena dR^iShTA vai divyachakShuShA || 3||
ketumAle kR^itA yaj~nAH kenATe.api kR^itA makhAH |
amarINAM pradesheShu kR^itaM yaddhariNA tu tat || 4||
UrjAkR^iShNAShTamIjanmamahotsavashcha yaH kR^itaH |
shAradApUjanAdyaM cha hyannakUTamahotsavaH || 5||
etatsarvaM divyadR^iShTyA vij~nAya parameshvaram |
kAMbhareyaM bAlakR^iShNaM draShTuM sAkShAdupAyayau || 6||
Ayayau kuMkumavApIkShetre kR^iShNanArAyaNam |
sahasrarUpadhartA.asau vItihotraH samAdhimAn || 7||
mArgashIrShatR^itIyAyAmashvapaTTasarastaTe |
setumAshritya cha nyagrodhasyA.adho.adhAnnijAsanam || 8||
sahasrarUpadhartA.asau saMkalpya niShasAda ha |
mama mUlasvarUpaM chAgatyA.a.ashliShyet ramApatiH || 9||
tataH sahasrarUpaishchA.a.ashliShyenmAM sa prabhuH punaH |
R^iShabhasya kArayenye sadrurordarshanaM yadi || 10||
tadA.ahaM shrIhareragre nivatsye.atra sadA.anugaH |
mokShaM prasAdhayiShye.atra badaryA na prayojanam || 11||
na guroraparasyApi mokShado hi gururyataH |
yatrAtmano bhavetpuShTiryena tarati sAgaram || 12||
yasmAchchAtmamahAshAntistaM guruM tvAshrayejjanaH |
yasmAtpApavinAshashcha yasmAdaj~nAnanAshanam || 13||
yasmAd vR^ittinirodhashcha vAsanAkShapaNaM yataH |
yasmAdAtmaprakAshashcha taM guruM tvAshrayejjanaH || 14||
yasmAchChikShAmavApyetaishvaryaM chamatkR^itiM tathA |
divyabhAvamadhitiShThettaM guruM tvAshrayejjanaH || 15||
guravo bahavaH santi laukikAshchApyalaukikAH |
laukikena hi lokasthAH kAryA vai guravo yathA || 16||
alaukikena shiShyeNA.alaukikA guravo dhR^itAH |
mayA.apyalaukikaH so.ayaM kartavyo bhagavAn guruH || 17||
yatra sarvaM hi kartavyaM harau parisamApyate |
mAtA gururhi janudA pitA gururhi bIjadaH || 18||
anye rakShAkarAH santi dehasya guravo hi te |
bhAShAj~nAnakarAshchAnye bAndhavAdyAshcha yoShitaH || 19||
tathA shikShAkarAshchAnye vidyAdAnakarA api |
kalAkaushalyashikShAyA dAtAro guravo.api cha || 20||
ta ete dehayAtrAyA bhavanti guravaH khalu |
Atmaj~nAnaprado yastu viShNumantrapradashcha yaH || 21||
dharmavR^ittiprado yashcha guruH shreShTho hi sammataH |
brahmasthitiprado yashcha yogasiddhipradashcha yaH || 22||
vaishAradyaprado buddhau guruH shreShThataro hi saH |
nirmUlAM vAsanAM kR^itvA parameshapradarshakaH || 23||
AtmanA paramAtmAnaM prApako divyamokShadaH |
brahmalokapreShakashcha guruH shreShThatamo hi saH || 24||
gakArastvandhamaj~nAnaM rakAro j~nAnamujjvalam |
aj~nAnahA j~nAnadashcha gururgauravavAnmataH || 25||
gamayatyakSharaM dhAma ramayatyapi dhAminA |
guruH so.ayaM mokShadAtA nAnyaH shreShThastato guruH || 26||
gururyogI brahmachArI dharmI j~nAnI virAgavAn |
sAdhushIlo gurushchApi nArAyaNaH paro guruH || 27||
bhukttidAtA mokShadAtA sarvasvado harirguruH |
guroH sAkShAtkArayitA gurorgururyato.atra saH || 28||
sa eva shrIharishchA.ayaM mukttAnAM paramo guruH |
guruH sarvAvatArANAM satInAM cha satAM guruH || 29||
IshvarANAM tathA dhAmnAM yoginAM sargasaMvidAm |
pUrveShAM sR^iShTikartRRINAM maharShINAM dyuvAsinAm || 30||
prajeshAnAM karmaThAnAM bhaktAnAM cha paro guruH |
gurUNAM yAvatAmagryo nArAyaNagurorguruH || 31||
anAdi shrIkR^iShNanArAyaNaH shrIkR^iShNavallabhaH |
shrIkR^iShNavallabhaH svApI kAMbhareyaH parAtparaH || 32||
shrImadgopAlabAlo.ayaM svAmI vai sarvadehinAm |
mayA labdhaH sa me pUrNaM kariShyatyeva mAnasam || 33||
nivatsyAmi charaNe.asya prApsyAmi dhAma chAkSharam |
sa~nchintyeti vItihotro dhyAnamagnaH sahasradhA || 34||
sahasrarUpavAn jAto dR^iShTvA taM mAnavAstaTe |
snAtAro.aguH parashcharyaM kasyemAni samAni vai || 35||
rUpANi, ke chAgatA vai yogino.atra sahasrashaH |
samaveShAH samadehAH samAMgAH santi sadR^ishAH || 36||
samakeshAH samadhyAnAH samAnaparimANakAH |
bhrAtaro vA bhavantyete dhAmamuktA bhavanti vA || 37||
badarIvAsino vA.api shvetamuktAH kimAgatAH |
shaMkarasya gaNAH kiMvA devAstApasarUpiNaH || 38||
sAdhyA vA devatA yadvA meruvAsA hi tApasAH |
ka ete tu bhaveyurvai chandrAsyA bhAskaraprabhAH || 39||
dhyAnayogA yogino vA yogIshvarAH sahasrashaH |
na vadanti na pashyanti na prANAn chAlayantyapi || 40||
sthiramaunAH sthirachitA IshvarAH syushcha kenvime |
ityevaM tarkayanto vai kuMkumavApikAjanAH || 41||
saMghasho vai samAyAnti draShTuM kutUhalAnvitAH |
kechinnamanti dR^iShTvaiva prashaMsanti vadanti cha || 42||
pratApo.ayaM bAlakR^iShNakR^ipAnAthasya vartate |
asya darshanalAbhArthaM nityamAyAnti yoginaH || 43||
adR^ishyA IdR^ishAH sarve.adhunA te dR^ishyatAM gatAH |
rudrAH sahasrashashchApi viShNavashcha sahasrashaH || 44||
sahasraso.api brahmANo draShTumAyAnti sadvaram |
tathA maharShayo nityaM pitaro devatAstathA || 45||
sAdhyA vishve cha maruto draShTumAyAnti nityashaH |
tIrthAnyapi samAyAnti dikpAlAH sR^iShTipAlakAH || 46||
athavA pArShadA divyA golokAdinivAsinaH |
samAyAnti cha vaikuNThapArShadA api nityashaH || 47||
grahanakShatratArAshcha sUryAshchandrAH sahasrashaH |
vaimAnikAH samAyAnti lokAntarebhya AdR^itAH || 48||
vAlakhilyAH samAyAnti yadvA brahmasabhAdvijAH |
kiM vA bhaveyurgAndharvA yakShA vA dhanadAshcha vA || 49||
chAraNAH parvatavAsA munayo vA vanasthitAH |
paraM sAdR^ishyamevaiShAmapUrvatvaM vigAhate || 50||
lalATe vaiShNavaM puNDraM mastake tApasI jaTA |
netramudrA yogapuShTAH khyApayantyaMshamAchyutam || 51||
ye vA ke vA bhaveyuste sAkShAtkR^itA yadatra te |
asmAbhirdaivayogena puNyavadbhiH subhAgyakaiH || 52||
avashyameShAM vij~nAnaM kShaNe.atraiva bhaviShyati |
ityevaM te vadantashcha prajAH saMghasha eva ha || 53||
prapashyanti sarastIre sahasrayoginastadA |
atha shrImadbAlakR^iShNo nArAyaNagurorgurU || 54||
samAyayo sarastIre sannidhau yoginAM tadA |
hArdaM jAna.NstadA tUrNaM pravIkShya mUlarUpiNam || 55||
samuttolya samAhUya nAmnA taM vItihotraka ! |
uttiShTheti karau dhR^itvA kR^itvA vakShasi yoginam || 56||
samAshliShyaddhasa.NstUrNaM svayaM sahasradhA.abhavat |
samutthitaiH sahasrasvarUpairAshliShyadachyutaH || 57||
tatastUrNaM harishchaikasvarUpaH sambabhUva ha |
vItIhotro.api sahasA tvekarUpo vyajAyata || 58||
AshcharyachakitA lokA jayashabdAn prachakrire |
tAvachChrIbAlakR^iShNo.api babhUva R^iShabho guruH || 59||
vR^iddhaH shvetajaTAyukto vivastro dhUlidhUsaraH |
vichitta iva chonmatto jitasarvendriyo yatiH || 60||
svabhAvatejasA vyApto brahmaniShThAparaH pumAn |
aprAkR^ita iva tvAste vimanA iva dehiShu || 61||
vItihotro.api cha gurumR^iShabhaM vIkShya daNDavat |
chakAra bahudhA tatra tuShTAva parameshvaram || 62||
tvaM gurustvaM chAntarAtmA R^iShabhastvaM cha yogirAT |
yogeshvaro bhavAneva tvaM cheshastvaM pareshvaraH || 63||
tvaM muktastvaM mahAmukto mukteshvaro bhavAnapi |
akSharaM tvaM bhavAn brahma parabrahma bhavAnapi || 64||
bhagavAn kR^iShNa evAsi kR^iShNanArAyaNo.asi cha |
anAdishrIkR^iShNanArAyaNastvaM parameshvaraH || 65||
avatArAH R^iShabhAdyAstavaiva shrIpate vibho |
rAdhApatistvamevA.asi lakShmIpatistvameva cha || 66||
vAsudevIpatistvaM cha nArAyaNIpatistathA |
muktapatirbrahmapatirdhAmapatistvameva cha || 67||
mahAkAlasya hetustvaM mahAviShNoshcha kAraNam |
sadAshivasya hetustvaM vairAjasya cha kAraNam || 68||
bhUmA tvaM pUruShasaMj~naH puruShottama ityapi |
brahmaviShNumaheshAnAM rudrANAM sarjako bhavAn || 69||
devAnAM lokapAlAnAM pitRRINAM sarjako bhavAn |
maharShINAM yatInAM cha sAdhUnAM sarjakaH satAm || 70||
satInAM kamalAdyAnAM patiH pAtA cha vai bhavAn |
surANAM mAnavAnAM cha pashUnAM pakShiNAM tathA || 71||
vallInAM cha drumANAM cha sarjakastvaM rasapradaH |
kAmadhenukAmavallIchintAmaNyAdisarjakaH || 72||
yakSharakShaHpishAchAnAM sarjakastvaM khachAriNAm |
vArijAnAM vanasthAnAM bhUgarbhANAM prasarjakaH || 73||
daityAnAM dAnavAnAM cha sarjakastvaM janArdanaH |
dInAnAthadaridrAnAM rakShakaH poShako bhavAn || 74||
AshritAnAmannadAtA sharaNyashchArtidehinAm |
kAmukAnAM kAmadAtA sakAmAnAM prapUrakaH || 75||
tvaM nArI tvaM narashchAsse tvaM garbhastvaM kumArakaH
tvaM bIjaM tvaM sasyarUpastvaM puShpaM phalamityapi || 76||
tvamindrastvamindriyastvaM nidrA tvaM jAgaro bhavAn |
tvaM suShuptirmahAnandastvaM prItistvaM ratistathA || 77||
manmathastvaM manojanyo manaHsaMstho bhavAnapi |
j~nAnaM j~nAtA j~neyameva tvamevA.asi pareshvara || 78||
tvam R^itustvaM dinaM rAtristvamudyogo virAmakaH |
tvaM vishvAsashchAshrayashcha tvaM mAtA cha pitA gurUH || 79||
dhanaM dhAnyaM tvamevA.asiM shaktirbalaM tvameva cha |
nItirbhaktirvR^iSho rAgo vairAgyaM cha tvameva ha || 80||
tvaM prANastvaM jIvanaM cha naikadhA chaikadhA bhavAn |
prakAshastvaM pravR^ittistvaM nirodhastvaM guNAtmakaH || 81||
guNAtItastvamevA.asi sarvasiddhiguNAshrayaH |
AshcharyaM tvaM chamatkArastvamaishvaryaM prabhutvakam || 82||
tvaM bhUrjalaM bhavA.Nstejo.anilastvaM tvaM tathA.analaH |
tvaM khaM tvaM mAtrakaM tvaM cha buddhistvaM chaiShaNAtrayam || 83||
tvaM parIkShA titikShA tvaM tvaM bubhukShA mumukShatA |
tvaM snehastvaM dhyAnavR^ittistvaM samAdhiH parAtparaH || 84||
upAstistvaM chittachaityaM tvaM jADayaM tvaM tathA.aNutA |
tvaM sAmyaM tvaM cha vaiShamyaM tvameva sarvameva ha || 85||
ahaM tvaM vItihotrastvaM tvaM gurUH R^iShabhastathA |
tavaivAM.ashakalA.a.aveshavibhUtisR^iShTijaM tvidam || 86||
yat kiMchid dR^ishyate chApi bhujyate lIyate.api cha |
yasmAd yatra cha yenApi yadarthaM cha tvameva saH || 87||
tasmai kR^iShNAya nAthAya brahmaNe parabrahmaNe |
samarpayAmi chAtmAnaM vItihotrAbhidhaM sadA || 88||
dAnameva na tu nyAsaM nApi kusIdakaM tathA |
yatheShTaviniyogArhaM samarpayAmi mAM tvaham || 89||
iti stutvA rAdhike sampapAta pAdayorhareH |
vItihotrashchA.atha kR^iShNastamutthApayadUrdhvakam || 90||
samAshrliShya punarhastau datvA tasya cha mUrdhani |
nyayuMkta varalAbhArthaM vItihotraM hariryadA || 91||
vItihotrastadA prAha sthAsye.atra tavapAdayoH |
ante mokShaM gamiShyasyakSharaM dhAma tava prabho || 92||
dehi vAsaM sadA chAtra tathAstUvAcha vai hariH |
rAdhike tanmahattIrtham R^iShabhAkhyaM sarovare || 93||
vItihotrAbhidhaM tIrthaM sahasrayogitIrthakam |
evaM nAmnA tadevAsIt prasiddhaM mokShadaM shubham || 94||
harirbabhUva sahasA bAlakR^iShNasvarUpadhR^ik |
prayayau cha nijAvAsaM vItihotrastaTe sthitaH || 95||
vaTavR^ikShaM samAshliShya tApaso janadarshanaH |
tatra tIrthe kR^itasnAnAH prApsyanti paramAM gatim || 96||
yogasiddhimavApsyanti yogAbhyAsaM vinA.api cha |
rAdhike tatra saMsnAnnAshameShyanti pAtakam || 97||
ArdraM shuShkaM mahatsvalpaM parapIDAkaraM cha yat |
sarvaM nashyati pApaM tajjalapAnAdapi drutam || 98||
tatrA.annadAnataH syAttu vAjimedhasamaM phalam |
R^iShabhasyA.a.alayakarturmama dhAmA.akSharaM bhavet || 99||
ityevaM bhagavAnAha rAdhike tIrthavaibhavam |
paThanAchChravaNAchchAsya bhavettattIrthajaM phalam || 100||
|| itishrIlakShmInArAyaNIyasaMhitAyAM dvitIye tretAsantAne
vItihotrayogeshvarAya R^iShabharUpeNa sahasrarUpeNa cha
harerdarshanam, R^iShabhatIrthIkaraNam, stutishchetyAdinirUpaNanAmA
chatvAriMshadadhikadvishatatamo.adhyAyaH ||


##
From Laxminarayaniyasamhita khaNDa 2 adhyAya 240
This does not really have 1000 names but perhaps with the mention of
``sahasrarUpeNa harerdarshanam'' in the end it is considered /referenced in
Purana Index for sahasranAmastotra.
Encoded by Sivakumar Thyagarajan shivakumar24 at gmail.com
Proofread by Sahana Sivakumar, Sivakumar Thyagarajan, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}