% Text title : Shri Narayana Stotram 2 03 05 % File name : nArAyaNastotram.itx % Category : vishhnu, stotra, shataka % Location : doc\_vishhnu % Author : shrIvidyAkarapurohitamahApAtra % Proofread by : Rajesh Thyagarajan % Description/comments : From stotrArNavaH 03-05 % Latest update : August 14, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Narayana Stotram ..}## \itxtitle{.. shrInArAyaNastotram ..}##\endtitles ## svaM chidratnaM chiranaM yadi samudayate naShTamanveShTumichChA shreyaHpAtre tadA svaM hR^idi miladamalasnehapUrasya pUrNe | AsAdya dyotamAnaM bhR^ishamakR^ishadashAsaMhR^itAMhaHpata~NgaM dadhyAdadhyAtmadIpaM dalitatamatamaHstomamIshasya dhAma || 1|| rugNakleshATavIkaM ripuvisarasaraHkShobhavetaNDashuNDA\- daNDAbhaM sakthikANDaM kalayatu manasA puNDarIkekShaNasya | bAhuH saMvAhayantyA jalanidhiduhituryatra gA~NgeyagaurI svarga~NgAmbhojinIva sphurati vikasatA pANipAthoraheNa || 2|| ambhojAkShasya jambhAhitamaNiruchirau pIvarAvUrurambhA\- stambhau santApashAntyai hR^idayabhuvi samAropya sambhAvanIyau | A labdhvA yau bhavAbdhiplavaghaTanapaTU puNyalAvaNyapUrA\- plAve pAriplavAtmA spR^ihayati na janastasya pArAya dUrAt || 3|| sthUlatvAdyogayogyaupayikatanugR^ihasthUNasaubhAgyayogyaM dhyAyedasyorukANDaM nigamanibhamahAshAkhishAkhAprakANDam | yasmin vyAyachChamAnA munihR^idayabhiShagvardhamAnaprabhAvAH prAyeNa prauDhakAmAdarichayavijaye sAMyugInA bhavanti || 4|| madhye lAvaNyapUraM ghanajaghanataTachChadmanA padmanAbha\- syo~nchairudbhAsamAnaM pulinamamalinaM chintyatAM chakrachAru | yasmin vishramya samya~NmatiratichaturA pArakA~N kShIshvarANAM pAraM saMsArasindhoH karakamalapariprAptakalpaM viveda || 5|| sajjaM siMhAsanaM tajjaghanamanu manaH shAntisAmrAjyasusthaM sthApyaM yasyopariShTAllasati sitatamaspaShTaromAlidaNDam | shrIvatsachChatra(dhA) rAdapi maNirashanAhArihIrAshmarashmi\- shreNiH pre~NghanmarAlI?? visamarasuShamoDDAmarA chAmarAlI || 6|| sAraM sannAbhishobhaM dyumaNigaNalasattejasA bhrAjamAnaM shrIkAntasyAntara~NgaM jaghanamiti mataM chakramanyadvichintyam | dhArA saudarshanI sA jaraTharipughaTAduHsahA yatsahAyA grIvAgrAvNi ChidAyai bhiduramadabhidi prAbhavakaiTabheye || 7|| sphItaM pItAmbarasyAmbaramapi manasAsaMstuvItAstra(sta) sAmyam | yattejaHpItabhAvAditarakanakarugvantunaH pItanAma | yatyAbhyarNe suvarNakShitidharashikharakShepadekShe samityAM vepete mlAnyupete bata patagapateH sthAsnunI kiM patatre || 8|| jambUjAmbusravantItaTakanakakanatpa~Nkasha~NkAM dadhAnaM siddhAnAM dAnavArervasanamanusaredyatsakAshe chakAsti | kA~nchImANikya bhaudho jaghananihitayoH prA~NmadhoH kaiTabhasya prAyastAdR^ikChirojAmbavayugalagalallohitAmbupravAhaH || 9|| vispaShTaM tadvapuShyAvaraNamanuguNe nIchi nIlAbhralIle vikShepaM chAmarIchAmaramR^idupavanenAtmanApyAdadAne | svadhyAtR^INAM nR^iNAM taddvayamapanudatI jIvabhAve nidAnaM vidyudvidyotahR^idye hR^idi vihara harerantarIyottarIye || 10|| madhyaM chAmuShya kA~nchImaNigaNakiraNaspaShTagambhIranAbhI\- shobhaM tadgarbhagartotthitashitibhubha(ja)gIbhrAntibhR^idromalekham | kAlindIbha~Ngabha~NgIpravaladalikulAsannarAjIvarAjI\- pAMshU (su)(stU)(somo)pamatviDvasananivasitaM chintanIyaM tanIyaH || 11|| unmIlallomalekhAmR^idulanavalatAmUlabaddhAlavAlaM dhattAM siddhAdimasyAsuniyamanabilaM bhUlapadmAlayasya | sa~NkShiptAnAM svakukShau (kisa)(pravi)layasamaye viShTapAnAM pravesha\- dvAraM nAbhiM gabhIrAM bhuvanabhayabhidashchintayechchetaso.antaH || 12|| dhattAM chitte.asya nAbhihradamatihR^idayAhlAdanaM yatra puNyaiH snAtA lAvaNyatoyairbhajati munisatiH pUtatAM yannigUDham | sraShTushvAveshanaM sanmadhupajanamanora~njanAyai cha ga~njA\- ka~njaM romAlimAlAnusarati madhunaH saurabhe baddhabuddhiH || 13|| saMsArakShAravArAnidhitaraNavidhau baddharAmAlilIlA\- romAlI tuShTiyaShTirghanavR^ijinavanIlAvinI bhAvanIyA | pashyAmaH shyAmasUtraM nihitamiva samaM bhUmisImAvibhAgaM kartu bhartuH sharIre kila kalahajuShAyAM kalatradvayena || 14|| mInaiH svAntarnilInairmunihR^idayamayaiH shlAghyagambhIrimashrI\- rbhAvyA kIrtiprasUnaiH surabhirabhinavairabjanAbhasya nAbhiH | romAlIkAliyo.asau bhajati gatibhidaH saubhareH shApapAshAt duHsarpaM sarpahantrA hradamiva kalayan yaM (yAM) kalindAtmajAyAH || 15|| nAbhyAH sArojanAbhyA vilasadiva bahirbhUya garbhAjjananyA bAlatvAnnIlaromAvalinibhanibhR^itaM tannabho.antarnibhAlyam | jAne yasyauchitI sA kavibhirabhimatA shyAmatA khaDgalekho\- pajhaM sadyaHprasUtArbhakabhR^ishashishutopakramaM yA gatA cha || 16|| vakSho.adhikShobhapakShaM nagaripunagarInAgarINAM garIyaH saundaryodgArahR^idyaM svahR^idi bhagavato bhAvayedbhaktiyuktaH | vidyullolApi yasmin salilaghanaghane shyAmale premavashyA pashyAptasthemasImAkaShadR^iShadi lasaddhemalekheva lakShmIH || 17|| shrIvatsA~Nkasya vakShaH smaratu chirataraM bhrAtarAvabdhiputrau bibhradyatnena ratne varamaNiramaNIvargayugmapradhAne | lakShmIsambhogalakShmastanayugalalagatku~NkumaM kaustubho.asyA lajjAlopAya yasmiMstirayati taruNArkAMshusa~NkAshabhAsA || 18|| dhautaM lAvaNyanIraiH shishiramapi ramAshvAsasa.nj~naiH samIraiH sAndrIbhUtendranIlaiH sapaTimaghaTitaM kuTTimaM snigdhamugdham | dhyAtavyaM mAdhavoraHsuratarusumanaHsraksphuratpuShpatalpe yasminnAnandanidrAM bhajati munimano vismR^itAsheShatApam || 19|| durdharShaM vairivargaurvitatamatidR^iDhaM puNDarIkAkShavakSho vIkSheta dhyAnadR^iShTyAmaranagaramahAdvArarakShAkavATam | chitraM yatpArshvayostA dhanamapi ghaTitA argalA dorgaNAkhyA garveNAnargalAnAM samiti ditibhuvAM svargamArgaM dishanti || 20|| udyatpradyotanAbho maNirurasi lasan padmanAbhasya bhAvyo yaddIptivyAptiluptA dyutiramaNishiroratnakhadyotarAsheH | kiM vAnyaddainyamAgAdahaha (?) mahardIpavadyatsamIpe jaitraM netraM sphuTaM dhUrjaTiniTilataTe shochanIyasvashochiH || 21|| udyantaM bhAnumantaM jananayanamude kaustubhAhvAM vahantaM tadvakShodeshabhAjaM bhajatu nijahR^idA padmarAgAdhirAjam | tejojAlAni bAlAtapapaTalayatA di~Nmukhod dyotaheto\- ryena kShIrodashAyI hariradhishayito.abodhyasR^iksindhumadhyama || 21|| shrIviShNoH kR^iShNakAntyA maraktahariNIM svargavarNAM svamUrtiM bharturvakShaHsthalasthA kShitiriti vidatI shrIryadantaH sphurantIm | ruShTA tuShTA cha tasyAmaruNarUchiruShA varNasAmyAvR^itAyAM chChavyA navyArkamitraM mANiriyamamalA dhyAyatAmAyatAsthaiH || 23|| arkendvakShasya vakShasyadhigatasuShamaM shyAmaromAlimaulau shrIvatsaM vatsalAtmA smaratu dhavalimasmeraromA~NkurA~Nkam | ye kelIbAlavIruchChirasi vikasitaM dohadasya pradAnA\- ddarshaM darshaM prasUnastabakamiva navaM modate padmasadmA || 24|| kurvatpAthodhimAthodyamasamayapayaHphenasamparkatarkaM tAdR^ikpItAmbaroro.ambaracharasharadachChodabhR^ichChedahR^idyam | chintyaM shrIvatsachihnaM chiramurasi kR^itaM rakShaNAya prajAnAM jAle shrIjAninA yadguNamatiguNitaM sAtvataiH satvasa.nj~nam || 25|| bhAvaM bhAvaM svachetaH kumudamududayo vItasomAvadAto romAvarto murArerurasichararamAhAsahR^idyo.anumo.adaH | lAvaNyAmbhonidhau (dhAne)vapuShi vipuShitotphenilAvartamUrtau na pratyAvartanAya prabhavati patitaM yatra netraM munInAm || 26|| kastUrIkardamaM shrIkuchakalashaparIrambhasaMrambhalagnaM magnaM sAndrendranIladyutijitanijarurni~Njhare nihnuvAnAn | dhyAyeddoShNo.atha viShNormadhukaranikarairvarNagandhena dUrA\- dAkR^iShTaiH sannikR^iShTaiH punaranadhigato hanta yadvarNagandhaH || 27|| sAnandaM mandarAdreH kShitiyuvatikuchottu~NgamAli~Ngya shR^i~NgaM nAnAdhAtva~NgarAgachChuraNashabalitAH shUrashR^i~NgAriveSham | romA~nchainirvisheShaM vyadadhurudadhijodvAhakAle purA ye tAn bhUShAbhogabhAjo bhujagashayabhujAn bhAvanAbhirbhajeti || 28|| AjAnAjAnulambAn shrutipathapathikaj~nAnavR^iddhAvalambAn rAhudviDbAhudaNDAn kalayatu chaturaH kR^iShNapAShaNDadaNDAn | yAnujjhitvA vivAdaM viShayaviSharasodanyayA dhAvitAnAM saMrodhArthaM gavAmAshrayati yatijanaH satridaNDaikadaNDaH || 29|| dR^iShyaddurdAntadaityarShabhadamanasahaM bhUribhArAturAyA\- stadvadvishvambharAyA draDhimabalamavaShTambhayogyaM dadhAnAn | dhyAyedyogardhisiddhayai triyugabhujayugAn sAMyugInArihantuH kiM vA kAlAtmano.asyAvayavayuga (bhuja)dvandvarUpAnurUpAn || 30|| kambushchakraM cha pAthorumatha cha gadA teShu chintyAni kAntA kambugrIvAnitambAnanapR^ithulataroruprakANDAkR^itIni | jAnImo yAnyajastraM nijakarajalajaistattada~Nge priyAyA\- shchittAsa~NgaM dadhAnaH kalayati kamalAkAmukaH kAmatAtaH || 31|| niShkampaM kaiTabhasyApyativikaTabhuvo vajragADhaprahArAn?? sodAro bhUyaso.abdAMstribhuvanabhavanastambhasambhAvanArhAn | paryAptaM pArihAryA~Ngadamayaklayai ratnakIlAnuviddhai\- rdArDhyADhyambhAvukAste danujamadabhido bAhavo bhAvanIyAH || 32|| dikpAlAnAM pradhAnaM vapurasuvadhe dIkShitAn kShatriyANAM janmakShetrANi bAhUna vahata hR^idi bahUkR^itya bhR^ityapriyasya | lokAnAM pAlanAyai niyamamupayatAM shAtravatrAsakAnAM j~nAtaM rAj~nAM svakIyaprabhavaguNabhavo lokapAlAnubhAvaH || 33|| chintyaM chakraM prapItAmR^itarasasahitaM lohitaM rAhukarNAt pItvevAkuNThitAyuH sphurati cha na jarAjarjarA yasya dhArA | yanmadhyaM vAhinInAM nyavishata shatashaH spardhamAnArimUrdha\- chChadmanyAchChidya padmAnyamarajanamude srAk strajaHsrakShyamANam || 34|| chakraM shakrArishatrorvimR^ishatu manasA lAlasaullAsalolai\- rjvAlAjihvAsahasrai prakaTitavikaTATopatarShaprakarSham | daityAsR^iksindhupUraiH kila kalashabhuvaM jetumApIyamAnai ryasyAlpApyArdratA nAbhyudayati hR^idaye roShashuShmopashuShke || 35|| sha~NkhaM taM khalvadhIyAt pralayaghanaghaTAgarjitaujarivaghoShai\- ryaH kR^itvAnekakR^itvo.anusamaramasuhR^idnarbhiNabhrUNahatyAm | prAyashchittaM vidhatte vidhivihitamarutpUraNena prayatnAt prANAyAmaprayasI praNavaguNanikAsAdaraH sUkShmanAdaiH || 36|| saurabhyArabhyamANardhi bhiradharasudhAsAdhumAdhuryadhuryaiH pItaiH pItAmbarasyAsyavanajapavanairnirbharaM pUrNagarbhaH | rUkShAsR^igvisrarakSho.asupavanapibatA(?) pIvarAM barbarIM vA kAmaM kaumodakIM yo hasati sa manasA kamburAlambanIyaH || 37|| chakraM vR^ikNArichakraM paricharata dhiyA chaNDaru~NmaNDalAbhaM kambuM chADambareNAnibhR^itamamR^itarUgbimbasaMvAvadUkam | ye kAlindyodhakalpe hariruchinichaye tasya chakShUbhavantau snehena svAnubimbAviti kimubhayataH pashyataH puShpavantau || 38|| dhyAtavyaM divyamabjaM ditijavijayino yatsadeshaspR^isho.abja\- shrIsarvasvachChido.adovadanapadajuSho bhItamambhojarAjAt | nityaM nidrAdaridraM visR^ijati madhuno vipraSho.ashrUdabindUn bandhusnehAnubandhAtkarasarasirahAshliShyatAshvAsyate cha || 39|| ka~njaM yu~njIta chetasyajitakarasarojAdhirAjena jitvA jIvagrAhaM gR^ihItaM dalitamatitarAM bAhujaprauDhi bhAjA | puShTAH sarvasvapoShaM madhuramadhubhR^iterakShamA bandhamokShe yasyAdUre ruvatyo bhramarapariShadaH sambhrameNa bhramanti || 40|| pItvA mAMsopadaMshaM yudhi rudhirasudhAM pATyamAnAsuroraH\- paTTavyAghaTTaghoShATTahasitavikaTaM kShIbabhAvAnnaTantI | yA prItiM pretabhartuvyadhita dhR^itavasAlepanepathyaraudrI tasyA dhyAyedasAdhyAhitahR^idayagadAbhogadAyA gadAyAH || 41|| bhrAmyantI diShTagatyA hatavR^iShapishitaM prAshya mAta~NgakumbhAt pItvA chAjau madAmbhastadanushayayutA yA nakhAMshuchChaleShu | snAntI ga~NgAjaleShu vratayitumiva tadyoShitAM gopayodhuk prAyashchittaM vahantI mahayata mahatIM tAM gadAM dharmasetoH || 42|| dorvR^indendIvarasrakchayacharamaracharAmbhojachAturyabhAjAM dhyAyechchAturbhujAnAM vidhiniTilaliperutkirANAM karANAm | kShmAlakShmyoshchArUgArUtmatakanakaghaTATopavatsu staneShu nyastA ye bhadrakumbhopariparivilasatpallavatvaM bhajante || 43|| dAtuM muktIshchatasraH svaruchisamuchitaM yogine yaugapadye | nodyachChantaH pumarthApaNikavipaNayaH pANayo.ajasya bhAbyAH | yairmuShTImuShTi ruShTairapi yudhi madhunA kaiTabhenApi sArdhaM tAbhyAM sraShTuM shirobhyo vitaritumabhayaM baddhamuShTitvamaujjhi || 34|| yA baddhA yAnadho.adho bhR^ishamanishamapAM ratnarochirmayInAM pUrNA svarNAlavAlAvaliriva kalitA bhArmaNI sormikAlI | vidvatpUjyasya rajyannakhamR^idulatalAna~NgulIbhaktiyuktA\- nAraktAna bhaktavA~nChAghaTanasuraviTapya~NkurAna saMsmarettAn || 45|| sotkarShaM ka~NkaNA~NkaiH sarasijavasaterashlathAsheShAgnai\- rvaikuNThAdhIshakaNThaH sphuTadarasuShamAnAdaro bhAvanIyaH | yatsaubhAgyAbhibhUto nijanikaTacharaH pA~nchajanyo.api chintA\- janyaM shUnyAntaratvaM prakaTayatitarAM pANDubhUyaM cha bhUyaH || 46|| trayyAH sa~nchArapadyA iva nijavachasastAM trirekhAM dadhAne (naH) sotkaNThaM kaNThadeshe (sho) dashatu kalimatiM kelikaNThIravasya | adhvanyAsindhukanyAdR^igadhiruchitayA yatra chitrIyamANe chitrAyAM prApya yAtrAmiva na hi punarAvartate modamAnA || 47|| archirbimbAdhvanInAvaravachanamayAnyadhvanInAtmanInA\- nIhantaM ye pavitraM virachayati jano dIrghadarshyarghapAtram | bhaktAnAM bhAgadheyAbdhitaTidiva (?) to muktimuktAprasUte\- stasyAdaH kaNThakamboH shubhavibhavabhuvo.adhyetu madhyesamAdhi || 48|| mokShashrIvaijayantIM muninayanamuShaH ShaDdviShastarjayantI\- mantaHsvAntaM dadhItodadhimadhishayiturvaijayantIM jayantIm | labghashrINA~Ngasa~NgAM madhupR^iShatashatasvedasandohasAndrAM yAM vAjavyAjadhUtavyajanamalimadhUrAjayo vIjayanti || 49|| mAlA vaikuNThakaNThagrahamahabahalAmodamabhyullasantI smaryA sindhoH kumAryAstulayitumiva doHsaukumAryaM pragalbham | yAM padmAsadmapuShTAH kalitakalakalAH pakShalakSheNa pANIn vAraM vAraM dhuvatyo madhupayuvatayaH sAhasAdvArayanti || 50|| bhUtagrAmaM chaturdhA virachayitumalaM pa~nchamUtasvarUpAM pUjyAM daNDaishchatubhiH sthitichaturataraiH pa~nchavarNAtmikAM cha | bhettuM chittaM ramAyA ratiramaNakR^itAM bANasampUrNatUNIM mAlAM dhyAyettamAmuttamakusumamayImaprameyAtmashakteH || 51|| smartavyaH sAdaraM sve mukuTaparisare sthApitaH shAr~NgiNApi bhrUchApo rUpadarpAdratipati(sharadhiM) manyamAnastR^iNAya | saMhartuM vairiNaH ShaNmunihR^idi guNitaM yogataH prasphurantaM yaM pashyan puShpachApo.apasarati chapalaM hrIbhayanyastashastraH || 52|| trAtuM tApatrayArtAn svacharaNasharaNAn ChAyayochChAyabhAjA kAruNyoda~nchiki~nchidvalitalalitayA sa.nj~nayAshvAsayantIm | AmnAyasvardrumANAM sthagitashikhamupaskurvatIM tAM tridhAmno bhrUnAmnIM kalpavallIM vipulabahuphalAM pAlayechchittasImni || 53|| saMyoktuM bhogiyogidvayamapi yugapadbhaktimuktya~NganAbhyA\- miShvabhyAsArthasajjIkR^itavitanudhanuryugmakAryodyatena | pratyAkraShTuM yatheShTaM viShayajanajuShaM chittamattebhamiShTaM cheShTeta krUrabhedAmasR^iNaghR^iNiyujA traiyugabhrUyugena || 54|| agreragryAraNiM bhUShaNamaNikiraNoddAmasaudAminInAM rAjyA nIrAjyamAnaM nayanapadakR^itArthIkR^itArkAmR^itAMshum | AdityairdurbhidasyAntaracharatamaso dhvaMsakAryAya chitte kuryAddedIpyamAnaM dyutimukhamakhilajyotiShAM bhAsakasya || 55|| chandanmandasmitena sphuradadharapuTaM ki~nchidutphullagaNDA\- bhogaM bhUyo vikAsIkShaNakamalayugaM sAndrachandrarddhibAdhi | shvAsAmodAnumodAnusaradaligaNairgItanAsAguNoghaM svAlekhyAlekha (su) bhralatamatha vadanaM dAnavArervibhAvyam || 56|| svaHsomo devatAsmai harirapi hR^idayaM pumpravR^ittiM sR^ijantI sAyAtAyAtasa.nj~nAchChalabhR^idabhidhayA shvAsamUrtiH shrutishcha | tasmA (da) kShAlimAlAsvanitanutiparA sannidhisthArthavAdaH kurvItAdomukhasya smaraNamakhamato muktikAmAdhikArI || 57|| rudreNa druhyamANaH kila kusumasharastatpratIkAraheto\- rasmAdutpatsyamAnaH suhR^idi nihitavAn jaitrashastrANi yatra | rAjIve bandhujIve dR^igadharayugale vajrapuShpaM cha nAsAM pa~ncheShUn bhrUdhanushchArpayatu matimiha shrImukundAnanendau || 58|| svasvAntAdeva devo yamajanayadayaM vedhaso kalpashilpaM bhaktAnukroshagarbhAnmunijanamanasAM lInatA yatra mu (ktau) | (vyaktaM) yasyAnubimbA himakaranikarAH pU (rNi)mApUrNabimbA\- staM sevetAmR^itIyannamR^itakaramR^itaM chetasA tanmukhAkhyam || 59|| vibhradbarhirmukhAnAM mukhamiti janakasyAnurupaM svarUpaM yadbhUrjvAlAhvajihvaH kabalayati havirjuhvatAM saptajihvaH | vapraH kavyapriyANAmapi lapanatayA tR^iptaye nyuptabhojI nyasyedAsye mano.asminnakhilamakhabhujastasya vishvambharasya || 60|| dugdhasnigdhasmitAbhAmiShaviShadakR^itonmeShapIyUShavarShaiH sveShAM (?)dadhAne dhR^itamadhuraparispandane (dI)nabandhoH | mandashvAsAnile(~NgA)ttaralakisalayashrIgariShThe.adharoShThe chintAM dantAMshusa~NgasphuTakusumarajaH supratiShThe.anutiShThet || 61|| mAdhuryo drekahR^idyaM vipariNataphalaM rUpasampallatAyAH shrIpreShThasyoShThabimbaM smaratu ruchimadAhUtabAlArkabimbam | yanmR^iShTatvasya tuShTA nijaramaNabhujApa~njarAntashcharantI sotsekaM sekabhAvaM kalayati kamalA nArikAlIrakanyA (?) || 62|| AsyendusyandamAnAmR^itavitatasirAdvArachAturyachauryA charyA smaryA chirAyAruNaruchiruchirA shrIdharasyAdharashrIH | yogIndrAsvAdyamAnAmR^itarasajananI yA trilokIjananyoH kAmaM kAmaM duhAnAtyahaha dahati taM bibhyatAM dehabandhAt || 63|| pa~NktidvaidhAnubandhishrutiyuvatishirashchArusImantasImA pravyaktAvyaktamuktAguNaguNanipuNAshchittamAropaNIyAH | vedAntArthasya dantAdhavalimabalinaH sAndrasindUradhArA saundaryaM dhArayantyArabhata yadabhitaH sauShThavaM sauShThalekhA || 64|| rAjAnaM yA dvijAnAmajamukhajatayA vishrutA (?)svajAtaM bhaktyopAste cha ki~nchitsphuradaruNaruchaM sAdhu sandhyAyamAnam | sAdhiShThAM varNaniShThAM vahati tadadharaM yA puraskR^itya nityaM pUjyA rAjI dvijAnAM praNihitamanasA sA dvijendradhvajasya || 65|| svachChandaM bandhuratvaM dadhadadharadaladvandhujIvAnubandhA\- nmaukundaM dantavR^indaM muditamunihR^idindIvaraM dAma kaundama | vAraM vAraM vibhAvyaM bhuvi vararasanAdhyAsanaujAyitAyAH pUjAyai jAyate yatkila kaluShamuShaH shAradAdevatAyAH || 66|| sammR^iShTe bhUtijuShTeshchalakaranikaraiH kuNDalodyanmaNInAM yachChedachChe.asya gaNDasthalamukuratale mAnasaM sammukhIne | chitraM yatrAbhimukhye prasarati paramAnandasandohasAndraM yogIndrAste svarUpaM kimapi virahitAkAramAlokayanti || 67|| AkIrNau karNikAgrochitakhachitalasatpadmarAgAMshurAgai\- rlAkShAliptandnanIlasthalakalikupitau tau kR^ipAloH kapolau | dhyeyau tAmbUlapa~NkaiH shabalitavapuShau cha(chu)mbanADambarotthai\- rmatvA yau lA~nChanaM pro~nChatu muditahriyau vyApriyete priye te || 60|| snigdhashyAmAmalendropalavipulatarAdarshadR^ishyaM kShatAri\- vrAtATopaM kolasthalaphalakayugaM dharmapAlasya bhAvyam | sadyaH prachChAdya gAtre sthitichaturatayA yatra (?) mau sakAmA kAmau bhrUkhaDgalekhe khalu militashikhe yudhyamAnau dadhAte || 69|| nasyairudyatkaShAyaiH kaShitumiva jagatprANarUpairupAyaiH puMsAM doShatrikodyadbhavagavipadaM yogato.antarvishantIm | nAsAM nAsatyarUpAmamR^itakaratayA vishrutAmAshrayettAM shrIsa.nj~nA saindhavI bahvamanuta chalitAdhishriyaM yatprasUtAm || 70|| dhyAyeddhoNAM ghR^iNAbdhestilasamatulayA sarjayApyarjayantI\- mAkR^ityAmodamu~nchaiH sakalasumanasAmuttamAmodakAmaH | yAtAyAtairyadIyAH shvasitasatatagA vAridhArAlarolAn rolambA (?)rthasArthAkanishamupagatAstAdR^ishAstoShayanti(?) || 71|| sarveshaghrANavaMshaM samabhinivishatAM brAhmadhAmArurukSho\- ruchaM nishreNikAgryAM yamapi cha suShamA nAma shailUShayoShA | adhyArUDhA guNairuchChritamativitatairbibhratI vibhramarddhi lokasyAlokagR^idhnorapaharati chiropArjitApUrvalakShmIm || 72|| abhyarNe karNayoH kiM skhalitamatibharAnnuttamuttaMsapadma\- dvandvaM bhrAmyanmilindabhramakarataralashyAmalasnigdhatAre | daityaughe dharmamarmAvidhi virudhi kruddhavachChoNakoNe trailokyatrAtR^inetre bahiranavahitasvAntamantarvilokye || 73|| viShNorakShNorabhIkShNaM smaratu sumadhuraH prochchalatpremadhArA\- vyAtyukShIkelayo.anukShaNasubhagatamashrIkaTAkShachChaTAbhiH | yAbhyAM nAtisvadante bhavadavavidhurAnmUrChitAtmIyasechaM si~nchadbhyAM bhaktalokAn sphuradurukaruNAshItavIkShAbhiradbhiH || 74|| vaktrendAvindirAyAH shithilarasamiva brahmasharvAvakANDe kurvaddaurbhAgyaduHsthAvitarasuragaNaprekShaNe.andhaM bhaviShNU | ekaurasyAdhikeShTAn shukasanakamukhAn draShTR^isammardanaShTAn anveShTuM tAtachAraM charadabhikakubhaM chakrichakShurvichintyam || 75|| vR^indairindIvarANAM jalajakulayujAM svaravapAdaprasAdAt kAdAchitkIM shrayadbhiH shriyamanishashubhA durlabhA yasya sA shrIH | sAkShAllakShmyA yadIkShA samudayati mude brahmaNApIShyamANA chetasyAlochanIyaM nayanayugamadaH puShpavallochanasya || 76|| yatsatyaM satyavadyavyavasitividitAkhyaikasakhyAtsvakIyA\- dyAM sarvAshAM savitrIM shrutiruditavatI vishvavishvAsapAtram | bhaktechChApUrtikairma (?) kaniyamavashA (?) ta karNaprasiddhiH shushrUSheta shriyADhyAM hR^idi muditamale tAM shrutiM shrIpriyasya || 77|| antaH saMyantukAmendriyagaNagajatAyUthanAthaM madarthe (rddha\-) ruddAmAnaM manonAmakamR^iShijanatApekShate yAvapAshA (?) | yAbhyAM baddhAtmanAM na prabhavati bhavato dustyajo.apyastajanmA bhUyobandhasya baddhokShajita iva harestau smarechChrotrapAshau || 78|| yogAdhvaprauDhatR^iShNastruTitaguNapuTo juShTatIrtho.amR^itarthIM dharmaddharthai kUpakarturvishatu dR^iDhapadaM karNakUpe kR^ipAloH | yadbhUShAshmAMshupUraM nijanikaTacharA darshitA hAvabhAvaM divyarShINAM didR^ikShAbharaparitR^iShitAH pashya dhAvanti gAvaH || 79|| trastau vaidhuntudAruntudaradakadanAtsvAbhayaM yAchamAnau yau nUnaM vepamAnAvuDupatitapanau karNajAhaM jihAnau | prItyA pratyudgatau chAyatanayanayugenAtmamUrtyantaratvAt dhyAyedrAdahaste ruchibhararuchire kuNDale gaNDaloke || 80|| sthApyaH sa~Nkalpakalpe maNimakaramukhAkArashilpo.asya karNA\- kalpo.ambhoyantrakalpaH kalayata sudhiyo kalparatnAMshuvaMshaH | trailokyAvAsayogyAmapi vipulavapurvApikAM pUrayitvA dhAvallAvaNyapUraH parivahati bahiH sAdhvanena dhvaneti || 81|| druhyantau mahyamasya shravaNamalabhavau bhAvinau dAnavau tau | nidrAM ganturyugAnte druhiNahR^idi samuttrAsamutthAsnumittham | sAkShAtprakShAlayantyAvapi maNikiraNairnirmalaM nirmimANe karNAntaH karNabhUShe pratibhavabhiShajaH protachetIbubhUShet || 82|| vaktrAchChAsa~NgabhR^i~NgIbhavadalakakulAkArakAlAkSharANAM bibhrANAM dhoraNIM hR^idbhuvi bhuvanagurorbhAvayedbhAlapaTTIm | abhyasyantIva yasyAM paTumunivaTavo.adhyetumadhyAtmavidyAM (?) shraddhAvadhAnA aparichitatarIM mAtR^ikAM kAmapImAm || 83|| dhIshailUShAM vishAle samamasR^iNataleya dIpikAbhiH kairITAshmachChaTAbhirnaTayatu niTilotsa~Ngara~Nge trisUrteH | yasya trailochanaM lochanamanalamayaM bAdhamAnasya (bhAsA) trAsArthaM sharvashatrostulayati tilako nistalo rochanAyAH || 84|| koTIrAbaddhanAnAvidhamaNikiraNairulbaNAlekhyalakShmIH shrIbharturbhAlabhittiH svalavaNimasudhAsnigdhamUrtirvibhAvyA | pratyAhAropavAsAdanudanujaripudhyAnapIyUSha (yU) Shai\- standrAluH pArayitvA shrayati yatimatiryAmupaghnAM chirAya || 85|| sAndrairudbhAsihAsAn suratarukusumairindranIlAdhinIlA\- nantaH prAptaprakAshAn rachayatu ruchirAn shrIhR^iShIkeshakeshAn | sArdhaM spardhAnubandhAdiva samudayate vyomakeshasya keshai\- ryeShAmabhrAntashubhroDunivahatibiDAkAshanIkAshabhAvaH || 86|| hastIndrasyArti sindhUddharaNamabhihatatAbhItihastasya dUrA\- dArtatrANasya dUraprasR^imaramahimA keshahasto vichintyaH | yaM hastIkR^itya bhaktyA bhavadavadahanajvAlajAlairvihastAH kurvanti svAntadUrAmapi duradhigamAM hastasAnmokShalakShmIm || 87|| kauTilyaM duShTaloke kila sujanajane mArdavaM varShukAbdo\- tkarShakleshArkatapte vibhajadiva vibhoH kaishyamantarvichintyam | kiM nAdhisnigdhatAyAstaduchitamuchitaM mochayadyasvabandhUn bhaktAn saMsArabandhAtsvayamapi suchiraM bandhama~NgIkaroti || 88|| shubhrairabhraMlihairunmukhamaNikiraNairbrahmarandhropariShTa\- darchirmArgaM sudurgaM nijabhajanamR^ite darshayadbhaktapAnthAn | pashyannashyanimeShaM maNimayanayanaivismayenAsya sR^iShTiM smartavyaM pratnapuMsaH sphuTaruchimukuTaM kUTavadratnasAnoH || 89|| ratnaughodyatkarAgrairmukhamapi kakubhAM patralekhAlikhantaM baghnantaM sAndrachandrAtapatatimabhito bhaktamuktyutsavAya | agrIyograbhAvAdgaganatarushiraHsmeratArAprasUnA\- nyuchchAnuchchetukAmaM svamanasi kurutAM kaiTabhAreH kirITam || 90|| ratnaughodyatkarAgrairmukhamapi kakubhAM nIlaratnAMshudhArA\- kArAnnArAchasArAnapi haridhanuSho hIrarochiHprarohAn | tadvIrAshaMsanaM saMsaraNamabhi raNe dArUNe vairimukhyaiH kAmAdyArakhyairmunInAmupakaraNakaraM saMsmarettatkirITam || 91|| yogIndrANAM dviShaH ShaDiShadharaviShamAnichChatAM roddhamaddhA votraughotthairmadhono(??) dhanurbhiragaNitaishchitra (?)dgaNaishcha (?) | nirvANIbhUya bhUyaH saphalayati matiM yo bhiyA bhAvamUlaM nashyaddoShAM vibhUShAM mahayatu mahitaM maulimAmnAyamauleH || 92|| iti shrIjIvadAsavaMshAvataMsashrIvidyAkarapurohitamahApAtrakR^itaM shrImannArAyaNapratya~NgavarNanAshatakaM sampUrNam | ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}