% Text title            : nArAyaNastutiH 1 brahmokta narasi.nhapurANe
% File name             : nArAyaNastutibrahmoktaNP.itx
% Category              : vishhnu, narayana, stotra, vishnu
% Location              : doc\_vishhnu
% Proofread by          : Singanallur Ganesan singanallur at gmail.com
% Translated by         : https://archive.org/details/NarsimhaPuranGitapress
% Description-comments  : Narasimhapurana adhyAya 64.  Stotra 59-96
% Latest update         : August 14, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narayanastuti by Brahma in Narasinhapurana ..}##
\itxtitle{.. nArAyaNastutiH brahmokta narasi.nhapurANe ..}##\endtitles ##
nArada uvAcha |
kiM ta~nj~nAnaM paraM deva kashcha yogaH parastathA |
etanme tattvataH sarva.n tvamAchakShva pitAmaha || 59||
brahmovAcha |
yaH paraH prakRR^iteH proktaH puruShaH pa~nchaviMshakaH |
sa eva sarvabhUtAnAM nara ityabhidhIyate || 60||
narAjjAtAni tattvAni nArANIti tato viduH |
tAnyeva chAyanaM tasya tena nArAyaNaH smRR^itaH || 61||
nArAyaNAjjagatsarvaM sargakAle prajAyate |
tasminneva punastachcha pralaye sampralIyate || 62||
nArAyaNaH paraM brahma tattvaM nArAyaNaH param |
nArAyaNaH paraM jyotirAtmA nArAyaNaH paraH || 63||
parAdapi parashchAsau tasmAnnAtiparaM mune |
yachcha ki~nchijjagatyasmin dRR^ishyate shrUyate.api vA || 64||
antarbahishcha tatsarvaM vyApya nArAyaNaH sthitaH |
evaM viditvA taM devAH sAkAraM vyAharanmuhuH || 65||
namo nArAyaNAyeti dhyAtvA chAnanyamAnasAH |
kiM tasya dAnaiH kiM tIrthaiH kiM tapobhiH kimadhvaraiH || 66||
yo nityaM dhyAyate devaM nArAyaNamananyadhIH |
eta~nj~nAnaM varaM nAto yogashchaiva parastathA || 67||
parasparaviruddhArthaiH kimanyaiH shAstravistaraiH |
bahavo.api yathA mArgA vishantyekaM mahatpuram || 68||
tathA j~nAnAni sarvANi pravishanti tamIshvaram |
sa hi sarvagato devaH sUkShmo.avyaktaH sanAtanaH || 69||
jagadAdiranAdyantaH svayambhUrbhUtabhAvanaH |
viShNurvibhurachitnyAtmA nityaH sadasadAtmakaH || 70||
vAsudevo jagadvAsaH purANaH kaviravyayaH |
yasmAtprAptaM sthitiM kRR^itsnaM trailokyaM sacharAcharam || 71||
tasmAt sa bhagavAndevo viShNurityabhidhIyate |
yasmAdvA sarvabhUtAnAM tattvAdyAnAM yugakShaye || 72||
tasminnivAsaH saMsarge vAsudevastatastu saH |
tamAhuH puruShaM kechitkechidIshvaramavyayam || 73||
vij~nAnamAtraM kechichcha kechidbrahma paraM tathA |
kechitkAlamanAdyantaM kechijjIvaM sanAtanam || 74||
kechichcha paramAtmAnaM kechichchaivamanAmayam |
kechitkShetraj~namityAhuH kechitShaDviMshakaM tathA || 75||
a~NguShThamAtraM kechichcha kechitpadmarajopamam |
ete chAnye cha munibhiH saMj~nAbhedAH pRR^ithagvidhAH || 76||
shAstreShu kathitA viShNorlokavyAmohakArakAH|
ekaM yadi bhavechChAstraM j~nAnaM nissaMshayaM bhavet || 77||
bahutvAdiha shAstrANAM j~nAnatattvaM sudurlabham |
AloDya sarvashAstrANi vichArya cha punaH punaH || 78||
idamekaM suniShpannaM dhyeyo nArAyaNaH sadA |
tyaktvA vyAmohakAn sarvAn tasmAchChAstrArthavistarAn || 79||
ananyachetA dhyAyasva nArAyaNamatandritaH |
evaM j~nAtvA tu satataM devadevaM tamavyayam || 80||
kShipraM yAsyasi tatraiva sAyujyaM nAtra saMshayaH |
shrutvedaM brahmaNA proktaM j~nAnayogaM sudurlabham || 81||
tato.ahamAsaM viprendra nArAyaNaparAyaNaH |
namo nArAyaNAyeti ye vidurbrahma shAshvatam || 82||
antakAle japantaste yAnti viShNoH paraM padam |
tasmAnnArAyaNastAta paramAtmA sanAtanaH || 83||
ananyamanasA nityaM dhyeyastattvavichintakaiH |
nArAyaNo jagadvyApI paramAtmA sanAtanaH || 84||
jagatAM sRR^iShTisaMhAraparipAlanatatparaH |
shravaNAtpaThanAchchaiva nididhyAsanatatparaiH || 85||
ArAdhyaH sarvathA brahman puruSheNa hitaiShiNA |
niH spRR^ihA nityasaMtuShTA j~nAninaH saMyatendriyAH || 86||
nirmamA nirahaMkArA rAgadveShavivarjitAH |
apakShapatitAH shAntAH sarvasaMkalpavarjitAH || 87||
dhyAnayogaparA brahman te pashyanti jagatpatim |
tyaktatrayA mahAtmAno vAsudevaM hariM gurum || 88||
kIrtayanti jagannAthaM te pashyanti jagatpatim |
tasmAttvamapi viprendra nArAyaNaparo bhava || 89||
tadanyaH ko mahodAraH prArthitaM dAtumIshvaraH |
helayA kIrtito yo vai svaM padaM dishati dvija || 90||
api kAryastvayA chaiva japaH svAdhyAya eva cha |
tamevoddishya deveshaM kuru nityamatandritaH || 91||
kiM tatra bahubhirmantraiH kiM tatra bahubhirvrataiH |
namo nArAyaNAyeti mantraH sarvArthasAdhakaH || 92||
chIravAsA jaTAdhArI tridaNDI muNDa eva vA |
bhUShito vA dvijashreShTha na li~NgaM dharmakAraNam || 93||
ye nRR^ishaMsA durAtmAnaH pApAchAraratAH sadA |
te.api yAnti paraM sthAnaM narA nArAyaNAshrayAH || 94||
janmAntarasahasreShu yasya syadbuddhirIdRR^ishI |
dAso.ahaM vAsudevasya devadevasya shAr~NginaH || 95||
prayAti viShNusAlokyaM puruSho nAtra saMshayaH |
kiM punastadgatapurANaH puruShaH saMyatendriyaH || 96||

iti brahmokta narasiMhapurANe nArAyaNastutiH samAptA |

narasiMhapurANe adhyAya 64 shloka 59\-96, adhyAya shloka sa.nkhyA 124
##
From Narasimhapurana adhyAya 64.  Selected verses.
https://archive.org/details/NarsimhaPuranGitapress

Proofread by Singanallur Ganesan singanallur at gmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}