% Text title            : Nrisimhanavaratna Stava
% File name             : nRRisiMhanavaratnastavaH.itx
% Category              : vishhnu, nava, dashAvatAra, shrIkRiShNalIlAshukamuni
% Location              : doc\_vishhnu
% Author                : Shrikrishnalilashukamuni
% Proofread by          : Mohan Chettoor
% Description/comments  : From Stotras Samahara Part 1 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nrisimhanavaratna Stava ..}##
\itxtitle{.. nR^isiMhanavaratnastavaH ..}##\endtitles ##
shrIkR^iShNalIlA shukamuni virachitaH |
ugraM vIramudunmadiShNuShu mahAviShNuM jvalantaM jvala\-
dgarvaM garviShu sarvatomukhamasudhvaMsa nR^isiMhaM druhaH
agryaM bhIShaNamadbhutAdbhutatamaM bhadraM bhavadhvaMsina (bhavadhvaMsanaM)
mR^ityuM mR^ityuShu mR^ityumR^ityumamR^itaM so.ahaM namAmyanvaham || 1|| (tattvaM mR^ityuShu)

kaumodakyAM kumAryAM kimiha bahumatirnandakaH kandukhAna\-
     chakraM dhikkArabhUmirjagati suviditA shR^i~NgavachChAr~NgashaktiH |
shUlaM tUlAsthi pAshaH pashuShu viShahatAM saiva vajre.apyavaj~ne\-
tyudriktaM daityamuchchairdahati nakhamukhe tvAM nidadhyAnnR^isiMhaH || 2|| (nidhattAnnR^isiMhaH)

mANikyastambhagarbhe muhumuhumuhiti prAkkShaNe prekShyamANaH (prA~NkaNe)
     pashchAdetatpurastAd bhugubhugubhugiti sphUrjitaurjitya vahniH |
prArabdhakrodhabhAraM bhurabhurabhuriti bhrAntakAntiH parastAt (bhurubhurubhuriti)
     pashchAnnishchUrNitArisphuDuphuDuphuDiti tvAM nidadhyAnnR^isiMhaH || 3||
nirbhiNNastambhagarbhAnnabhasi paripatannutpatan niShpatan drAg
daityendrodriktavakShastaTakhanananakhaH prauDhagADhATTahAsaH | (prauDhigADhATTahAsam)
tadraktodriktadhArAdhurudhurudhuriti dhvAnanirdhUtadhaiyaM
nirghuShToddhaTTanodyaddrutanaTanasaTastvAM nipiMShTAnnR^isiMhaH || 4||
ugraH khaDgAgrakoTIkharanakharamukhakShuNNadaityendravakShaH\-
     pIThaprauDhapraloThatpR^ithulaphANiphaNAbhIShaNasphItapANiH |
vIrakrUraprabhAvapratihAsitajaratkalpakalpAntarudra\-
     krIDAvILArhakeLIbhramitabhruvanadR^ik tvAM nikR^intAnnR^isiMhaH || 5||
u dbhrAbhyadbhradrakALIninadamurumahAbhairavArAvagarbhaM
vibhrAmyadvIrabhadradrutagatibahalodriktanR^ittAntarudram | (nR^ittAdrirudram)
prabhrAbhyatpA~nchajanyapratiravabharitaprauDhimudrAdriku~njaM
vibhrAmyadvIrasiMhadhvanidhutagaganaM tvAM nirundhyAnnR^isiMhaH || 6||
(ataH paraM anya hastalikhite padyamidamadhikatayA dR^ishyate\-
ghoravyAghUrNavIrabhramitataratarattArakAdIptadR^iShTi\-
     rdaShTAnnirdaShTasR^ikvasthapuTamukhapuTATapovibhrAntajihvaH |
nIrandhradhvAnadhArAbharabharitaharidrandharuddhATTahAsaH
     saMhR^iShTabhrUsaTograbhrukuTibhR^ishapaTurbharjatu tvAM nR^isiMhaH ||
puShTodghuShTATTahAsasphuTapaTimabharaprasphuradbradhnabimbaM (puShTotpuShTaTTahAsa)
kShubhyadbrahmANDa khaNDakShubhitaghumughumR^idghUrNanAnArNavaugham | (bhANDakShubhita)
vibhyadvibhrashyadabhrabhramaNaghaNaghaNakruShTanakShatralakSha
prakShodakShodashobhodbhaTabhuvanamabhidruhyatu tvAM nR^isiMhaH || 7||
kShubhnIyAt tvAM nR^isiMho ghahaghahaghahiti krodhaghuShTATTahAsai\-
     rutkR^intAt tvAM nR^isiMhaH kaTakaTakaTiti kruShTadaMShTrogradantaiH |
uddhUyAt tvAM nR^isiMho ghaTaghaTaghaTiti proddhatodyatsaTAbhi\-
nirdahyAt tvAM nR^isiMho dhurudhurudhuriti prasphuradviShphuli~NgaiH || 8|| (bhurubhurubhuriti)

stambhaM daityendravakShaHsthalamapi yugapat pATayan pATalAbhai\- (vakShastaTamapi)
     rambhobhiH sAndrasiktadravavibhava mayaistarpayaMstatpitR^IMshcha |
jambhArAtIbhakumbhasthaladalanabhayatrastagIrvANasenA\-
     gambhIrastotradhArAparimalahR^iShito bharjatu tvAM nR^isiMhaH || 9||
aha~NkAragrantheriti dalanamantrANi paThatAM (grandhariti)
     trisandhyaM sandhyAyet trijagadadhidaivaM naraharim |
abha~NgAnAta~NkAnapi sapadi jitvA nijaripU\-
     navandhyairaishvaryairabhimatajayashrIrvijayate || 10||
amunA manunAshu kR^iShNalIlAshukayogIndramunIndragumbhitena |
vahatAM paThatAM jayaM jayashrIrnarasiMhaM navaratnamaNDalena || 11|| (bhajatAM vahatAM jayaM)

vIrashrotrarasAyanaistribhuvanaprauDhairamIbhiH stavai\-
     rvIrashrInarasiMhapAdakamaladvandvaM muhuH prIyatAm |
ArabdhAbhinavapramodalaharIbhArasphurAnnissara\-
     nIrandhrasthitaromaharShabharitaM nR^ityantu vAgIshvarAH || 12||
(nR^isiMhanavaratnattanAmako.ayaM stavaH shrIkR^iShNalIlAshukamuni\-virachita
iti etadupAntimAd \ldq{}amunA manune\rdq{} tyAdipadyAdavagamyate |)

iti shrIkR^iShNalIlAshukamunivirachitaH nR^isiMhanavaratnastavaH sampUrNaH |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}