% Text title            : nRRisiMhastavarAjaH
% File name             : nRRisiMhastavarAjaH.itx
% Category              : vishhnu, dashAvatAra, stavarAja
% Location              : doc\_vishhnu
% Transliterated by     : NA
% Proofread by          : NA
% Latest update         : February 10, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Nrisimhastavarajah ..}##
\itxtitle{.. shrInR^isiMhastavarAjaH ..}##\endtitles ##
shrIgaNeshAya namaH |
shrIlakShmInR^isiMhagurave namaH |
OM asya shrInR^isiMhastavarAjastotramantrasya maheshvara R^iShiH |
anuShTupChandaH | shrIlakShmInR^isiMho devatA |
mama sarvAbhIShTasidhyarthe jape viniyogaH ||
dhyanam \-
karpUradhAmadhavalaM kaTakAM gadAdi\-
ChatratrinetrashashishekharamaNDitAsyam |
vAmA~NgasaMshritaramAnayanAbhirAma\-
mabjAkShasha~NkhasagadAM nR^ihariM namAmi ||
OMkAramamR^itaM brahma nR^isiMhamakSharaM param |
yadrUpaM paramaM j~neyaM taM namAmi hariM paraM || 1||
ugramUrtiM mahAmUrtiM j~nAnagamyaM nira~njanam |
akArAdyakSharAH sarve taM devaM praNamAmyaham || 2||
lokapriyaM lokaguruM lokeshaM paramaM padam |
sakalaM niShkalaM nityaM nityAnityaM namAmyaham || 3||
jvAlAkarAlamR^ityugraM mR^igavaktramanAmayam |
svarUpaM shrIsamAyuktaM yogagamyaM namAmyaham || 4||
paraM jyotiH paraM dhAma paramAnandavigraham |
shuktikarNaM paraM dhyeyaM taM namAmi hariM param || 5||
Ishvara uvAcha |
mamAtmA prANashaktistvaM matpriyaM madguruM param |
mamAnandakaraM shreShThaM nArasiMhaM namAmyamaham || 6||
pitA tvaM cha sakhA bhrAtA mAtA netA guruH sakhA |
suhR^idashvAtmarUpastvaM tvAM vinA nAsti me sukham || 7||
vAyuragniH kalA kAShThA parvatAraNyarUpadhR^ik |
pashavastaravaH sarve vigrahonyo dhR^itastvayA || 8||
daityadAnavanashAya vigraho dhR^ita uchyate |
hiraNyakashipurdaityo balavIryamadotkaTaH || 9||
tasya nAshAyate rUpaM dhR^itaM chograM paraM mahat |
bhavAn rUpadharaH shreShTha nR^isiMhamativigraham || 10||
netresthitaste dAvAgnirdaityAnAM bhayakAraNam |
shrInR^isiMhaM mahAvIraM daityadAnavamardanam || 11||
yogeshaM yogapuruShaM lokeshaM yogadAyakam |
sadAyogIhR^idisthAnaM sevitaM cha virAjitam || 12||
koTisUryapratIkAshaM svarUpeNa visheShataH |
koTi kandarpalAvaNyaM vigrahaM vIrasiMhakam || 13||
devAdhidevaM sarvaj~naM sarvalokahite ratam |
shUraM shUrapratIkAraM mahAkAlAgnimardanam || 14||
jyotirUpaM nirAbhAsaM nirAntakaM nirAmayam |
svarUpaM saguNaM shAntaM pareshaM parataH param || 15||
nAgayaj~nopavItaM cha kaivalyaM mokShadAyakam |
j~nAnAnandapratIkAshaM j~nAnamArgaM cha shAshvatam || 16||
nityAnityaM sadA saukhyamAnandamatisundaram |
sha~NkhaghnamakhilaM tejovigrahaM matsyarUpiNam || 17||
bhUdharaM kUrmadehaM taM hiraNyAkShavimardanam |
vArAhapratImaM chograM nR^isiMhaM divyatejasam || 18||
jAhnavIhR^idisambhUtaM vAmanaM balimardanam |
jamadagnisutaM vIraM chApamArgaNadhAriNam || 19||
IshamIDyaM mahAtejaM parashvAyudhadhAriNam |
pitR^ivAkpAlitaM shUraM shAshvataM chiramAyuSham || 20||
kausalyAgarbhasambhUtaM paramAnandavigraham |
komalA~NgaM paraM shreShThaM jAnakIvallabhaM vibhum || 21||
shR^i~NkhalAstroTitAH sarvAdevAnsarvAnsukhaM dadau |
paraM tIrthaM paraM jApyaM mamAtmAnanda chetasam || 22||
sarvavedArthasAmarthyaM kevalaM tattvarUpiNam |
shivadhyAnaparaM mantraM vIrAsanaparaM tapam || 23||
vishvAmitramuneH sevyaM chinmayaM cha nira~njanam |
karuNAsAgaraM devaM kAkutsthaM jAnakIpriyam || 24||
yaj~narUpaM nirAbhAsaM satyasandhaM jitAriNam |
taM namAmi paraM mantraM rAmakR^iShNaM jaganmayam || 25||
chaturbhujaM ramAyuktaM devakyAtanujaM vibhum |
pItakausheyavasanaM meghashyAmaM janArdanam || 26||
shrIvatsadhAriNaM devaM kaMsAsuravighAtakam |
sahasraphaNisheSheNa nityaM stutyAdi sevitam || 27||
shrIdharaM shrIkaraM shrIshaM shrInivAsaM jagadgurum |
buddho buddhapriyo buddherbodhako buddhivanditaH || 28||
kalki sR^ijatkalkirUpo karuNAkaravatsalaH |
shrInR^isiMho mahAvIro duShTadAnavamardanaH || 29||
shrInR^isiMho naraistutyo gandharvaiH kinnarairvaraiH |
OM kShrauM shrInR^isiMha divyateja koTisUrya pratIkAsha
sarvaduShTAnnAshaya nAshaya dAraya dAraya mAraya mAraya tApaya tApaya
dIpaya dIpaya vidAraya vidAraya stambhaya stambhaya mohaya mohaya
shApaya shApaya shR^i~NkhalAstroTaya troTaya nAshaya nAshaya shoShaya
shoShaya trATaya trATaya huM huM huM huM huM huM huM huM huM huM huM (11)
krauM krauM krauM (3) shrIM shrIM shrIM shrIM shrIM (5) sauM sauM sauM (3)
kShrauM kShrauM kShrauM (3) TaM TaM (2) ThaM ThaM ThaM ThaM (4)
phaM phaM phaM phaM (4) hrAM hrAM hrAM (3) hrIM hrIM hrIM (3)
shrInR^isiMha shIghraM ehi ehi mama rakSha rakSha
shatrUnnAshaya nAshaya vyAlavyAghrasiMhasarpashArdulAnnAshaya
nAshaya sarvaduShTa durjana shatrubhayaM nAshaya nAshaya mama rakSha
rakSha svAhA ||
AyutaM yo japetpUrvaM hotavyaM sarpiShA tathA |
tattatsiddhirbhavettasya sAdhakasya na saMshayaH || 30||
shrInR^isiMhaH keshavaH shaurirgovindo garuDadhvajaH |
mAdhavashchakrapANishcha vishvak.hsheno halAyudhaH || 31||
shAshvataH sha~NkaraH shUlI hayagrIvo.achyutAgrajaH |
DamarUshUlahastashcha nAgAbharaNabhUShitaH || 32||
kR^ipayAnanda sampUrNo vR^iShA~Nko vR^iShabhadhvajaH |
nArAyaNaH paraM jyotiH sujyotirjyotiShAM patiH || 33||
svAhAkAraH svadhAkAro vaShaTkAraH kR^ipAkaraH |
nararUpo.atha siMhashcha ShoDashAyudhadhAraNaH || 34||
shuktikarNo virUpAkSho nakhAyudhavibhUShaNaH |
daMShTrAkarAlamatyugro shrIshaH shrIdharashAshvataH || 35||
nIlo.anilaH sarognishcha shUnyamAkAshabhUtadhR^ik | (shUnyamAkAshabhUdhR^itaH)
tvaM jyotirbrahma indrashcha viChurIshaH paro guruH || 36||
(phalashrutiH)
ityetairnAmabhiH stotraM japennityaM prayatnataH |
ekAnte nirjane deshe shuchausChAne manohare || 37||
maNDalaM kArayettatra pUjayennR^ihariM gurum |
stavarAjaM japettatra pUjA nAnAvidhA shubhAH || 38||
stavarAjaM japennityaM bhAvayuktaM sudhImatA |
asminjagatraye tasya nAsAdhyaM nacha duShkaram || 39||
ya idaM mantrarAjaM tu sarvasiddhipradaM nR^iNAM |
rAtrau yaH saptavArANi shmashAne muktakeshinA || 40||
ashvattho parisa~Ngamya dakShiNAbhimukho bhavet |
saripUnnAshayechChIghraM nishi tatra na saMshayaH || 41||
sChitvA pUrvamukhaH svasCho viMshatyAvarttanaM charet |
pUrvokte na vidhAnena shIghraM ripuvinAshanam || 42||
triMshadAvartanaM gehe saptakaM trINisa~NkhyayA |
bhAvayukto jitendrashcha bhUmishA yIhaviShyabhuk || 43||
samantrajapasidhyarthaM pratyakSho nR^iharistadA |
AyutaM yo japetpUrvaM samantraH siddhidAyakaH || 44||
lakShmIstasya prasannA cha sadAtiShThati tadgR^ihe |
ripuNAM kulanAshAya japeddveyutasa~NkhyayA || 45||
a~NgulidvayakIlaM tu tulasImUlakAShThajam |
niHkShiptaM yasya gehe tu putrastasya bhaviShyati || 46||
ya idaM stavarAjaM tu nR^isiMhasiddhidAyakam |
shivena kathitaM sAraM pArvatyagre visheShataH || 47||
yo japechChruNuyAdvApi bhAvayuktaH sudhImatA |
sasAmrAjyamavApnoti satyaM jAnihi pArvati || 48||
shauryavIryabalaM tejo putraM pautraM cha shAshvatam |
sarvabhogAnpumAnshIghraM nR^isiMhasya prasAdataH || 49||
ya idaM japate nityamiha loke paraM sukham |
ante prayAtimokShaM cha shivasya vachanaM tathA || 50||

iti shrIrudrayAmale paramaguhyasAre shivapArvatIsaMvAde
shrInR^isiMhastavarAjastotraM sampUrNam |

shrIlakShmInR^isiMhArpaNamastu |
shubhaM bhavatu | shrIrastu |


##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}