% Text title            : narasiMhastuti shukrAchAryaproktaM narasiMhapurANe
% File name             : narasiMhastutishukrAchAryaproktaNP.itx
% Category              : vishhnu, dashAvatAra, stotra, vishnu
% Location              : doc\_vishhnu
% Proofread by          : Singanallur Ganesan singanallur at gmail.com
% Translated by         : https://archive.org/details/NarsimhaPuranGitapress
% Description-comments  : Narasimhapurana adhyAya 55
% Latest update         : June 6, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narasimha stuti by Shukracharya ..}##
\itxtitle{.. narasiMhastutI shukrAchAryaprokta narasiMhapurANe ..}##\endtitles ##

mArkaNDeya uvAcha
vAmanena sa viddhAkSho bahutIrtheShu bhArgavaH |
jAhnavIsalile sthitvA devamabhyarchya vAmanam || 1||
UrdhvabAhuH sa deveshaM shaMkhachakragadAdharam |
hR^idi saMchintya tuShTAva narasiMhaM sanAtanam || 2||
shukra uvAcha
namAmi devaM vishveshaM vAmanaM viShNurUpiNam |
balidarpaharaM shAntaM shAshvataM puruShottamam || 3||
dhIraM shUraM mahAdevaM sha~NkhachakragadAdharam |
vishuddhaM j~nAnasampannaM namAmi harimachyutam || 4||
sarvashaktimayaM devaM sarvagaM sarvabhAvanam |
anAdimajaraM nityaM namAmi garuDadhvajam || 5||
surAsurairbhaktimadbhiH stuto nArAyaNaH sadA |
pUjitaM cha hR^iShIkeshaM taM namAmi jagadgurum || 6||
hR^idi saMkalpya yadrUpaM dhyAyanti yatayaH sadA |
jyotIrUpamanaupamyaM narasiMhaM namAmyaham || 7||
na jAnanti paraM rUpaM brahmAdyA devatAgaNAH |
yasyAvatArarUpANi samarchanti namAmi tam || 8||
etatsamastaM yenAdau sR^iShTaM duShTavadhAtpunaH |
trAtaM yatra jagallInaM taM namAmi janArdanam || 9||
bhaktairabhyarchito yastu nityaM bhaktapriyo hi yaH |
taM devamamalaM divyaM praNamAmi jagatpatim || 10||
durlabhaM chApi bhaktAnAM yaH prayachChati toShitaH |
taM sarvasAkShiNaM viShNuM praNamAmi sanAtanam || 11|| 

narasiMhapurANe adhyAya 55 shloka 2\-12, adhyAya shloka sa.nkhyA 20
shrInarasiMhapurANe shukravarapradAno nAma pa~nchapa~nchAsho.adhyAyaH || 55|| 
##
From Narasimhapurana adhyAya 55 verses 2-12
Proofread by Singanallur Ganesan singanallur at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}