% Text title            : Panduranga Stotram 1
% File name             : pANDurangastotram1.itx
% Category              : vishhnu, vishnu, moropanta, stotra
% Location              : doc\_vishhnu
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Panduranga Stotram 1 ..}##
\itxtitle{.. pANDura~Ngastotram 1 ..}##\endtitles ##
(prathamaM)
(anuShTub vR^ittam)
prasAdaM kAmaye nityaM (1)samadaM pANDura~NgajaM |
nachochchaiHshravasaM nityaM samadaM pANDuraM gajam || 1||
vande nijayashaHpAnaniShThaM taM svarasAdaraM(2) |
(3)shuddhapremNAmiShTakAyAM tiShThantaM svarasAdaram || 2||
pANDura~NgaM sakR^innatvA kalinA malinA api |
bhavanti bhAvukA bhAsvaduchayaH(4) shuchayaH sadA || 3||
saMsR^itau kalikAle yaH sadaraH (5) sadarastuteH(6) |
viThThalAdabhayaM prAptaH karuNAvaruNAlayAt || 4||
ya~nchetaH pANDura~Ngasya sadA charaNasAdaram |
taM(7) santaM nAnyamUchurj~nAH sadAcharaNasAdaram || 5||
viThThaleti japennAma pANDura~Ngasya yaH sadA |
kR^ipAkaTAkShA na vibhorantyajaM taM tyajantyaho || 6||
yaH pibatyasakR^innAma prabhorbhavagadArditaH |
hrepayatyamR^ita(8) kiM na sa kalau sakalauShadham || 7||
mochitAH pANDura~NgeNa patitA atitApataH |
ayameva kalau kIrtyA nijayA vijayAvahaH || 8||
nAmnA yaH pAti yamalaM(9) nAmnAyaH stotumIshvaram(9) |
yashasA yasya sadvR^indaM samahaM(10) tamahaM bhaje || 9||
vairasyadarshinA svarge kalau vairasya kAriNA |
yashasAsya prabhostIrthe sajjanA majjanAlasAH || 10||
(11) vadanti viThThalaM vij~nA jaDebhyo.apyatidurlabhA |
yA dIyate prabho! bhaktavasha! sA yashasA tava || 11||
brAhmaNAH kShatriyA vaishyAH shUdrA ye.anye.api sa~NkarAH |
ra~NkarAjamukhAH sarve kR^itAH shrIshena sha~NkarAH || 12||
pUrvaM prayAsenAvidyAvinAshamalabhan janAH |
adya nAmnA prabhoH kaShTaM vinAshamalabhaM janAH || 13||
pANDura~NgapuraM moho (12) vadatyatratyamAnase |
kathaM tiShThAmi vijaye hanta te.ahaM tate sati || 14||
nAmasa~NkIrtanaprAyaM pANDura~NgapuraM vinA |
bhramambhavati medinyAM parito.apAratoShabhAk || 15||
pANDura~Ngapure pItaprabhunAmayashaHsudhAH |
budhAH smaranti na svarga raShTachakragadAyudhAH || 16||
tIrthAnyAyAti sarvANi daivatAnyussukAni yat |
draShTuM bhagavataH ko na chatvaraM satvaraM vrajet ? || 17||
pANDura~NgapuraM prApya sarvo nA (13) radati sphuTam |
harinAmayashogAnanirato.aviratotsavaH || 18||
pANDura~NgapuraM santo bhUvaikuNThaM vadasyaho! |
etattu sarvasulabhaM kulabha~njanamaMhasAm(14) || 19||
pravartitena paramAmR^itasatreNa sarvadA |
puNDarIkeNa sarvo.api satrapaH(15) satrapaH(16) kR^itaH || 20||
puNDarIkeNa sarvAryaiH satkR^itaM satkR^itaM tathA |
brahmANDetra na kenApi kavinA bhavinA.amalam(17) || 21||
amunA yamunArodhaH pUrvaM bhImarathItaTaM |
pashchAdala~NkR^ita gopachChadmAnA padmAnAbhinA(18) || 22||
dayAlunA bhagavatA pANDura~NgeNa bandhunA |
dInA hInA nijagatiM gamitA amitA janAH || 23||
pANDura~NgaH prabhubhaktabahumAnavashaMvadaH |
bibharti bhartA jagatAM shirasAtirasAchChivam(19) || 24||
shR^iNvatrabha~NgAnanishaM tR^ipto nAdyApi viThThalaH |
kathaM harantu na satAmuktayo muktayoginaH(20) || 25||
dhIH shriyaM janatA bhaktau tAmasImAmudAratAM(21) |
jAnAtvachChA(22) prabhorvetti tAmasImAmudAratAm || 26||
madhupA apsu rAjIvaM, surA jIvaM(23) yathA divi |
upAsate tathA santaM pANDura~Ngapure janAH || 27||
pANDura~NgapurasthA ye jIvanmuktA hi te.akhilAH |
yatprabhUktiH svatIrthAptamajjanA majjanA(24) iti || 28||
majjanaM chandrabhAgAyAM, pANDura~Ngasya darshanam |
kIrtanashravaNaM yasya sa (25)mahAsamahA bhave || 29||
tIrtha kShetraM pANDura~Ngo nAmasa~NkIrtanaM kalau |
malaudhahR^itsvamahasA sahasA rachiteM.ajalau || 30||
vidA(26) j~nAnena ThAn shUnyAn lAti gR^ihNAti viThThala |
niruktamidamasmAkaM charamaM paramaM balam || 31||
jaDoddhArayashogranthagrahahrItasumedhase |
namo bhagavate tasmai pANDura~NgAya vedhase || 32||
namo.astu pitR^ibhaktAya puNDarIkAya sAdhave |
jaDoddhAravrataM puNyaprabhAvAdyasya mAdhave || 33||
j~nAnadevaikanAthAdyA nAmadevAdayo.apare |
tebhyo namo.astu yairbhaktayA rA~njito.araM jito.ajitaH(27) || 34||

iti shrIrAmanandanamayUreshvarakR^itaM pANDura~NgastotraM sampUrNam |
TippaNi
1| samadaM shamadam |
2| sve Atmani yo rasastasminnAdaro yasya tam |
3| svare, shuddhapremNA gAne sAdaram |
4| bhAsvadruchayaH sUryakAntayaH |
5| dareNa bhItyA sahitaH |
6| sadbhiH araM prabhUtaM stutiryasya tasmAt |
7| j~nAH paNDitAstaM santaM sadAcharaNe sAdaraM nAnyamUchurityanvayaH |
8| amR^itaM saH puruShaH kalau sakalauShadhaM shuNThIM na hrepayati kiM ? ityanvayaH |
9| yamIshvaraM stotumAmnAyo nAlamityanvayaH |
10| sAnandam |
11| vij~nAH paNDitA viThThalaM vadanti | he bhaktavasha ! atidurlabhA yA muktirjaDebhyo.api dIyate sA na tvayA kintu tava yashasA yashogAnenetyanvayaH |
12| atratyamAnase vartamAno mohaH pANDura~NgapuraM vadati | hanteti khede | svayotyadhyAhAryam | tvayi tate sati sarvatra prathitayashasi sati ahaM te tava vijaye kathaM tiShThAmi | tvAM vijedhye ityarthaH |
13| radati vidIrNo bhavati | dravIbhavatItyarthaH |
14| pApAnAm |
15| satrapo devaH | devaloka ityarthaH |
16| lajjAnvitaH |
17| bhavaH saMsAro.astvasva tena | saMsAriNetyarthaH |
18| pachanAbhinA padmanAbhena viShNuneti yAvat |
19| atirasAtpremNo.atishayena |
20| muktAshcha yoginashcha tAn |
21| asImAmamaryAdAm |
22| achChA nirmalaiva dhIstAM, asImAm, udAratAM vettIti yojanA |
23| bR^ihaspatim |
24| mama janAH madbhaktAH |
25| atitejasvI |
26| iyaM viThThalashabdasya niruktiH |
27| atra kavimAtR^ikAyAmapi samAptidyotako. lekho na dR^ishyate |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}