% Text title            : Parthasarathi Suprabhatam
% File name             : pArthasArathisuprabhAtam.itx
% Category              : vishhnu, suprabhAta, krishna
% Location              : doc\_vishhnu
% Transliterated by     : NA
% Proofread by          : NA, PSA Easwaran
% Latest update         : May 23, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Parthasarathi Suprabhatam ..}##
\itxtitle{.. shrIpArthasArathi suprabhAtam ..}##\endtitles ##
kausalyA\-suprajA rAma pUrvA sandhyA pravartate
uttiShTha narashArdUla kartavyaM daivamAhnikam ||
uttiShThottiShTha govinda uttiShTha garuDadhvaja |
uttiShTha kamalAkAnta trailokyaM ma~NgalaM kuru ||
vande vR^indAvanAnte maNigaNavilasatsaudhaharmye gR^ihADhye
     samrAjatkairaviNyAstaTabhuvi ghR^iNimadgopure sAlaramye |
AnandAkhye vimAne munigaNavinutaM pArthasUtaM cha rAmaM
     ra~NgeshaM shrInR^isiMhaM gajavaravaradaM shrIkShitibhyAM sametam || 1||
mAtaH shrIrjagatAmasheShajagatAM nAthasya bharttuH priye
     tadvakShasthalanityavAsini sadA shrIvedavalyAhvaye |
vR^indAraNyanivAsiyogisadane sambhUya vArAnnidhe\-
     rmannAthAmarabhUruheNa sahite naishaM prabhAtaM shubham || 2||
shrImadvedalatAM shritAmR^italatAM vR^indAvane saMsthitAM
     samyagdR^iShTaparAvareNa muninA saMvardhitAM taddhitAm |
labdhvA tAM samupetya dugdhajaladhestaddattanAmA vasan
     mannAthAshritakalpabhUruhavibho te suprabhAtaM hare || 3||
samastakalyANaguNaikadhAmnaH svashaktileshoddhR^itabhUtalasya |
prahlAdabhakteH parivardhakasya mannAthanAmnastava suprabhAtam || 4||
shrImatkairaviNIsarovarataTe nityaM tapaH kurvate
     samyagj~nAnavatAM varAya bhR^igave datvA tvabhIShTaM varam |
labdhvA tasya sutAM jagattrayamude tasmai prasannasya te
     mannAthAdya hi suprabhAtamakhilAMstrAtuM prasIda prabho || 5||
shrIman dharAparavimochanadIkShitaM tvAM
     sambodhayanti vidhisha~NkarashakramukhyAH |
svAmin jagattrayavibho yaduvaMshanAtha
     shrIpArthasUta bhagavaMstava suprabhAtam || 6||
bhAsvAn vikAsayati pa~NkajakuDmalAni
     padmAkareShu parikUjitasAreseShu |
kUjanti pa~njarashukAH saha sArikAbhiH
     shrIpArthasUta bhagavaMstava suprabhAtam || 7||
vINAM pragR^ihya munivAhanayogivaryo
     gAnaM karoti saha tumburunAradAdyaiH | ## var ## tumburunAradAdyAH
 sa~NgItavAdyanipuNAstava suprabhAta\-
     gAthAH paThanti yadunandana suprabhAtam || 8||
brahmAdayassurapatipramukhA digIshAH
     svasvAdhikAraniyatAstava sainyanAthAH |
sa.nprArthayanti tava sadmapurovibhAge
     shrIpArthasUta bhagavaMstava suprabhAtam || 9||
gopA~NganAstava hi ma~NgalagItakAni
     gAyanti kAmasharapIDitagAtrayaShTyaH |
gopAlabAlakakulAni visR^ijya vatsAn
     tvAM prArthayanti yadushekhara suprabhAtam || 10||
snehapratisnutapayodharapArayuktAH
     gAvaH svavatsasahitAH paritoShayuktAH |
vatsAn visR^ijya cha payaH paridohayanti
     gopAlakAstava yadUdvaha suprabhAtam || 11||
vR^indAvane viharatAM pashupAlakAnAM
     rakShArthamAttavaravetra susha~NkhapANe |
bhrAtrA sameta sumanohara bhUShaNArha
     prottiShTha pArtharathapAlaka suprabhAtam || 12||
vR^indAvanAntaramanoj~navanAntareShu
     nAnAtarupravarashobhijalAshayeShu |
kUjadviha~NgamagaNeShu madhuvratAni
     gAyanti pArtharathanAyaka suprabhAtam || 13||
mandArakundavarakaitakamAdhavInAM
     AmodanirbharavanAntaranissR^ito.asau |
mandAnilaH prasarati pravaraH prabhAte
     shrIpArthasUta  bhagavaMstava suprabhAtam || 14||
samphullakairavasarovaranIrasaMsthAH
     haMsAssachakramithunAssaha sArasaishcha |
tIre tu deshikagaNaissaha saMvivAdAn
     tanvanti pArtharathanAyaka suprabhAtam || 15||
taddeshikAH sakalashAstravidAM variShThAH
     tvatproktadivyacharamArthaniviShTabhAvAH |
kAsArayogimukhadeshikasUktiniShThAH
     tiShThanti ki~NkarakR^itau tava suprabhAtam || 16||
shrIbhaTTanAthakR^itibhistava ma~NgalAni
     shaMsanti deshikavarAstvamitaprabhAvAH |
godAsusUktibhirapi pravibodhayanti
     shrIpArthasUta bhagavaMstava suprabhAtam || 17||
sUryodaye grahagaNAstvitare surendrAH
     Aj~nAM tavaiva nijavaibhavasa.nprayuktAH |
sa.nprArthya toShitumihAdya jagatpatiM tvAM
     tiShThanti pArtharathanAyaka suprabhAtam || 18||
nityArchanAM rachayituM vividhopahArAn
     vastUni vastravaradivyavibhUShaNAni |
sa~NgR^ihya vaidikashikhAmaNayaH prabhAte
     tiShThanti pArtharathabhUShaNa suprabhAtam || 19||
kAshmIrakesarayutaM harichandana~ncha
     kastUrikAM cha ghanasAravaraM gR^ihItvA |
dvAri sthitAstava hi dAsagaNAssamastAH
     shrIpArthasUta bhagavaMstava suprabhAtam || 20||
samphullapa~NkajanavotpalakairavANi
     sachchampakairmaruvakaiH kR^itamAlikAni |
sa~NgR^ihya tAvakasamarchanamAdareNa
     tiShThanti kartumanaghAstava suprabhAtam || 21||
bhAgyAdhikAstava padAbjaniviShTabhAvAH
     pItAmbarANyaparimeyavibhUShaNAni |
ratnAni kA~nchanayutAni samarpayanti
     shrIpArthasUta bhagavaMstava suprabhAtam || 22||
prAtaHprayuktanavanItapayaHphalAni
     mudgAnnalaDDukamanoharamishritAni |
sopAyanAni cha samarpayituM yatante
     shrIvaiShNavAstava yadUdvaha suprabhAtam 23||
bherImR^ida~NgapaTahAnakagomukhAdi\-
     vAdyAni ghoShayati dAsagaNastavAgre |
tiShThanti nartanaparA gaNikAssamastAH
     shrIpArthasUta bhagavaMstava suprabhAtam 24||
hastIndramUrdhni dhR^itakA~nchanakumbhatIrthaM
     ChatrAvR^itaM vidhR^itachAmarayugmamArAt |
shrIman prabho tava hi ma~NgalamajjanAya
     shrIpArthasUta bhagavaMstava suprabhAtam || 25||
ekAntinashcha vimalAshayayogivaryAH
     adhyApakAstava padAbjaniviShTabhAvAH |
tiShThanti sannidhimupetya bhavatpadAbje
     sevArthamarjunasakhe tava suprabhAtam || 26||
tvatsevanAya sakaladraviDAgamAnAM
     vaktA parA~NkushamunissvapadaprapannaiH |
rAmAnujo.api kR^itanityasamastakR^ityaH
     tvaddvAri tiShThati vibho tava suprabhAtam || 27||
uttiShTha lakShmaNaguro saha sItayA.adya
     dharmaM vivardhaya vibho jaya pAlayAsmAn |
dAsAn kuruShva sahasA tava ki~NkarAMshcha
     te suprabhAtamadhunA raghuvaMshanAtha || 28||
shrIman gajendravaradAshritapArijAta
     shrIvainateyabhujamUlavibhUShaNADhya |
indrAdidevagaNapUjitapAdapadma
     shrIman varaprada sureshvara suprabhAtam || 29||
shrIman nR^isiMha jagatAM janihetubhUta
     sampAlanAntakaraNAdiShu jAgarUka |
antaHpravishya cha niyantR^itayA bhavAsmAn
     shrIman nR^isiMha bhagavaMstava suprabhAtam || 30||
shrIman nR^isiMha tava ma~Ngalamastu nityaM
     sUryendutArakasamAnamahaHprarohaiH |
naishaM tamaHprasaramAntaramapyapAstaM
     svAmin nR^isiMha bhagavaMstava suprabhAtam || 31||
kAvyo.api pUrvadishi saMsthitaparvatastho
     vAchAM patirhimakaro.astamito babhUva |
pakShI ninAdamapi pa~njaragaH karoti
     shrIman nR^isiMha bhagavaMstava suprabhAtam || 32||
shrIpArthasArathi raghUttama vedavallI\-
     mannAtha saumyanarasiMhavarapradAnAm |
ye suprabhAtamanishaM prapaThanti teShAM
     brahmeshvarAdyasulabhaM sulabhaM padaM syAt || 33||

iti shrIpArthasArathi suprabhAtam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}