% Text title            : prapannAmRRitastotram
% File name             : prapannAmRRitastotram.itx
% Category              : vishhnu
% Location              : doc\_vishhnu
% Transliterated by     : NA
% Proofread by          : Swamini Tattvapriyananda tattvapriya3108 at gmail.com
% Description/comments  : Stotra Sringeri
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Prapannamritastotram ..}##
\itxtitle{.. prapannAmR^itastotram ..}##\endtitles ##
kalayatu kalyANaguNaM kamalAkuchaku~NkumA~Nkitoraskam |
yaduvaMshamauktikaM tatkimapi mahassarvadA.api mama hR^idayam || 1||
vande taM devasutaM vasudevavadhUstanandhayaM kamapi |
varadaM vareNyashIlaM vallavabhavanAttalIlamiha bAlam || 2||
vrajarachitakeLisudatIvrajahR^idayAnandakandaLaM kimapi |
vraja hR^idaya divyatejo vR^ijinatamomUlabhedanapaTiShTham || 3||
lIlAmuditayashodaM lalitaprasnigdhamugdhataravAdam |
Aku~nchitaikapAdaM bhaja tejaH kimapi virachitAhlAdam || 4||
hR^idayanavanItachoraM pAradataralA~Nghrikamalasa~nchAram |
parilulitagopadAraM gR^ihANa yatnena kamapi sukumAram || 5||
gopavadhUbhogArhaM shekharitAnarghabarhivarabarham |
ghanavibhavapAribarhaM kalaye hR^idaye chirAya dAshArham || 6||
gokhuravidAritAvanidhULIdhUsaritakuntalamudAram |
sa~nchintaye.antara~Nge sakumAraM kamapi vallavakumAram || 7||
kamapi ghanAghananIlaM gopavadhUTIkuchagrahavilolam |
kalayAmi gopabAlaM lolAlakajAlamadhukaritabhAlam || 8||
kundavinindanaradanAnmanditapUrNendubimbaruchivadanAn |
munihR^idayakeLisadanAnvrajavibhavAMstAnbhaje vidhutamadanAn || 9||
nandAnandanachandana muchukundAnandakanda govinda |
mama vinda hR^idaravindaM miLindasundara mukunda nanu mandam || 10||
kimapi yashodAbhAgyaM vrajalalanApR^ithulakuchayugIbhogyam |
kShAmi nIlaratnaM ramaNIyaM hR^idayasampuTe nUtnam || 11||
muraLIninAdarasabharataraLIkR^itatarNakavrajo bhajatAm |
ko.api ghanAghanashAvaH komalarUpo.adya daharagahanaM me || 12||
kAlindIpuLinAntarakakalitavihAraM manoj~namaNihAram |
tejaH kimapi vilInaM jAgartu madIyahR^idi ruchiralIlam || 13||
kAnapi bhaje vilAsAnkastivrajasundarIruchirarAsAn |
rAdhAkaTAkShadAsAn rAkAsitakiraNasakhahAsAn || 14||
atimugdhaM dadhi labdhuM susnigdhaM vastu kimapi mama siddham |
chArumukhaM tArasakhasmeranakhaM tachchirAdapArasukham || 15||
vikaTAtidarpadurmadashakaTAsuradhUtidhuryacharaNatalam |
prakaTAnurAgaruchiraM sukaTAkShAnmayi tanotu tatejaH || 16||
yamunAkUlavihAraM yaminAmadhunA.api hanta bahudUram |
mahadachyutakaishoraM mama hR^idi vitanotu nityasa~nchAram || 17||
bahutaratara~NgaghadditayamunAshuktayudaragaLitamiva nIlam |
muktAphalaM pravichalattatra vichitraM vibhAvaye hadaye || 18||
somAnanagopIjanakaumAraharaM pravALalasadadharam |
taruNaM kamapi manoharacharaNaM sharaNaM bhaje dhR^itAbharaNam || 19||
kha~njitagopIhR^idayaM ra~njitabhuvanaM shrayAmi gopashishoH |
sa~njIvitagosantati ma~njuLama~njIrashi~njitaM nR^ittam || 20||
kAlIyaphaNamaNimadhye nIlataraM nUtnajAtamivaratnam |
tanmUrdhanyastapadaM chUDAla~NkaraNamastu dhAma mama || 21||
sitakarakiraNatrasyadgopIratikeLirachitatimirabharam |
tatkimapi dhAma hR^idaye nIlataraM nastamo nirAkurutAm || 22||
nirmalataramatishishiraM nirupamamavagAhatAM manoruchiram |
nandakishoramanoharasharIratejaH kaLindajApUram || 23||
maha iha manasi vilagnaM maNimayakA~nchImanoharavalagnam |
gopIkaTAkShamagnaM goptuM kShamamevamAM bhavavivrignam || 24||
vinde padAravinde mandetaravibhavade kR^itAnande |
nandakulAmandakalA vR^indavilAsasya kasyachiddhAmnaH || 25||
itimahishUrapurottamanarapatichAmendrabhUpakulaguruNA |
kalitA stutirvijayatAM shrIkR^iShNabrahmatantrakaliripuNA || 26||

iti shrIkR^iShNa brahmatantra parakAla mahAdeshikAnAM kR^itiShu
prapannAmR^itastotraM sampUrNam |

##
Proofread by Swamini Tattvapriyananda tattvapriya3108 at gmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}