% Text title            : prapannamakarandastotram
% File name             : prapannamakarandastotram.itx
% Category              : vishhnu
% Location              : doc\_vishhnu
% Transliterated by     : NA
% Proofread by          : Swamini Tattvapriyananda tattvapriya3108 at gmail.com
% Description/comments  : Stotra Sringeri
% Latest update         : November 17, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Prapannamakarandastotram ..}##
\itxtitle{.. prapannamakarandastotram ..}##\endtitles ##
kalayatu kushalAni kAlameghadyutimadadhUnanadhIradivyakAnti |
kimapi raghukulAmburAshiratnaM sakalashubhAvahanAma tachchiratnam || 1||
ghanatarakaruNAmR^itAmburAshiprasaradudAratara~NgakairapA~NgaiH |
prashamitavinatALichittatApaM kimapi maho hR^idi me.astu divyarUpam || 2||
vividhamaNimarIchijAlalIlAshabalitahemakirITalolamAlaM
|
mR^igamadatilakasphuranniTAlaM hR^idaya sadA bhaja kosalendrabAlam || 3||
vimalakiraNabrAlalIlabhAlapratilulitAlakajAlalAlanIyam |
navanalinadalAmalAyatAkShaM kamapi vashe kalayAni dInarakSham || 4||
sulalitachalitAtivibhramabhrUkalanavilolitabhUsurAntara~Nge |
mukuratalalasatkapolabhAve lagatu chiraM mama chittamAdideve || 5||
maNigaNaruchirA~NgakuNDalashrIkavachitakarNayuge manoj~nanAse |
viharatu mama chittavR^ittireShA dharaNisutAvashage chirAya dhAmni || 6||
rasabharaparipAkarAjamAnasphuTataradADimabIjadantapa~Nktim |
adharamaNisudhAvidhUtasItAhR^idayajatApamupAsmahe pumAMsam || 7||
sharaduditasudhAkarAMshushailImadaharashItalavAchi suprasanne |
aruNakiraNabhinnapadmalakShmIvijayini rAmamukhe.astu mAnasaM me || 8||
daradaLadaravindamandamandaprasaradamandamarandasundarA~NgAH |
vivashitadharaNIsutAntara~NgA raghunR^ipateH prasarantu mayyapA~NgAH || 9||
amR^itaruchisahodarasmitashrIjuShi ghanakambuviDambikandhare.asmin |
sitakarakiraNAtyudArahAre mama hR^idayaM bhavatAdvihAri vIre || 10||
karakamalagaLanmarandadhArAvishayavadAvadadivyachApadaNDam |
ashishirakaravaMshajAgragaNyaM vishatu mano mama dhanvinAM vareNyam || 11||
nishicharakulakalpitogradaNDaM manasi maho mama bhAsatAmakhaNDam |
arisarasijadhUnunAtishauNDadviradakarAyitadIrghabAhudaNDam || 12||
marakataharinIlapadmarAgasphuritamahA~Ngadaka~NkaNAdisevyam |
mama nayanapathe.astu vastu divyaM shubhaharichandanacharchanAtibhavyam || 13||
navataruNimajAnakImanoj~nastanayugakarkashatArasaj~navakShaH |
kimapi sakalalokabhAgadheyaM mayi vishatAchChubhadAyi nAmadheyam || 14||
navajaladharavR^indatundadIvyattaTidupamAnasuvarNachAruchelam |
trivaLisulalitodaraM sushIlaM raghukularatnamupAsmahe.atinIlam || 15||
kamalajajanigehanAbhipadmasphuTarasaloluparomabhR^i~NgarAji |
hR^idi parikalayAmi kosalendrakShitiramaNImR^iganAbhichitrakaM tat || 16||
mR^igapatitanumadhyamunnatAMsaM suvipulapIvaradivyabAhumadhyam |
vidhukararuchirAntarIyamIDe kamapi yuvAnamudArachArumUrtim || 17||
taruNimamadanebhayugmalIlAprasR^itakaradvayasannibhoruyugmam |
sumasharajayakAhaLAyamAnasphuTataraja~NghamahaM bhajAmi devam || 18||
sharaNagajanachittabhaktipUrahR^idakamalAdvitayaM tada~Nghriyugmam |
mR^idulashubhatarAM~NguLImanoj~naM ruchiranakhaM parichumbatAnmano me || 19||
raghukulamaNidivyasaudhadIpaM suruchirarUpavidhUtapuShpachApam |
ghanataramadatATakAsvarUpajvalanashikhAjaladaM bhaje.abhirUpam || 20||
charaNanakhaparAgajAtakanyAvitaraNamoditagautamAtimAnye |
vilagatu hR^idayaM mahAvadAnye navataruNe mama bhUsutAptidhanye || 21||
janakavachanapAlanAttadIkShe bharatamanorathadAyidivyavIkShe |
vipinabhuvi virAdhadattashikShe satatamiyaM matirastu dInarakShe || 22||
jaraThatamajaTAyumuktidAnaprakaTitanaijamahAvadAnyabhAve |
kapikulapatiklR^iptamitrabhAve viharatu me hR^idayaM chirAya deve || 23||
saridadhipatimadhyabaddhasetuchChalaparidarshitavairidhUmaketuH |
dashavadanavidhUnanaikaheturhR^idi naTatAdraghuvaMshadivyaketuH || 24||
raghukuladharaNIsharAjyasiMhAsanalasitaM dharaNIsutAttabhAvam |
shubhatamakaruNAnidhiM bhajAmassakalaguNAkaramenamAdidevam || 25||
vitaratu jagatAM shubhAni kR^iShNAbhidhaparakAlayatIshvareNa klR^iptA |
stutiriha mahishUrarAjadhAnInR^ipamaNikR^iShNamahendradeshikena || 26||

iti prapannamakarandastutissampUrNA |

##
Proofread by Swamini Tattvapriyananda tattvapriya3108 at gmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}