% Text title : puruShottamasahasranAmastotra % File name : puruShottamasahasranAmastotra.itx % Category : sahasranAma, vishhnu, vishnu\_misc, stotra, vallabhaachaarya % Location : doc\_vishhnu % Author : Vallabhacharya % Proofread by : Sunderh Hattangadi sunderh at hotmail.com % Description-comments : http://www.parikhparivar.com % Latest update : March 5, 2013 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Purushottamasahasranamastotra ..}## \itxtitle{.. shrIpuruShottamasahasranAmastotram ..}##\endtitles ## \yyy{viniyogaH} purANapuruSho viShNuH puruShottama uchyate | nAmnAM sahasraM vakShyAmi tasya bhAgavatoddhR^itam || 1|| yasya prasAdAdvAgIshAH prajeshA vibhavonnatAH | kShudrA api bhavantyAshu shrIkR^iShNaM taM nato.asmyaham || 2|| anantA eva kR^iShNasya lIlA nAmapravartikAH | uktA bhAgavate gUhAH prakaTA api kutrachit || 3|| atastAni pravakShyAmi nAmAni muravairiNaH | sahasraM yaistu paThitaiH paThitaM syAchChukAmR^itam || 4|| kR^iShNanAmasahasrasya R^iShiragnirnirUpitaH | gAyatrI cha tathA Chando devatA puruShottamaH || 5|| viniyogaH samasteShu puruShArtheShu vai mataH | bIjaM bhaktapriyaH shaktiH satyavAguchyate hariH || 6|| bhaktoddharaNayatnastu mantro.atra paramo mataH | avatAritabhaktAMshaH kIlakaM parikIrtitam || 7|| astraM sarvasamarthashcha govindaH kavachaM matam | puruSho dhyAnamatroktaH siddhiH sharaNasaMsmR^itiH || 8|| \yyy{adhikAralIlA} shrIkR^iShNaH sachchidAnando nityalIlAvinodakR^it | sarvAgamavinodI cha lakShmIshaH puruShottamaH || 9|| AdikAlaH sarvakAlaH kAlAtmA mAyayAvR^itaH | bhaktoddhAraprayatnAtmA jagatkartA jaganmayaH || 10|| nAmalIlAparo viShNurvyAsAtmA shukamokShadaH | vyApivaikuNThadAtA cha shrImadbhAgavatAgamaH || 11|| shukavAgamR^itAbdhInduH shaunakAdyakhileShTadaH | bhaktipravartakastrAtA vyAsachintAvinAshakaH || 12|| sarvasiddhAntavAgAtmA nAradAdyakhileShTadaH | antarAtmA dhyAnagamyo bhaktiratnapradAyakaH || 13|| muktopasR^ipyaH pUrNAtmA muktAnAM rativardhanaH | bhaktakAryaikanirato drauNyastravinivArakaH || 14|| bhaktasmayapraNetA cha bhaktavAkparipAlakaH | brahmaNyadevo dharmAtmA bhaktAnAM cha parIkShakaH || 15|| AsannahitakartA cha mAyAhitakaraH prabhuH | uttarAprANadAtA cha brahmAstravinivArakaH || 16|| sarvataH pANavapatiH parIkShichChuddhikAraNam | gUhAtmA sarvavedeShu bhaktaikahR^idaya~NgamaH || 17|| kuntIstutyaH prasannAtmA paramAdbhutakAryakR^it | bhIShmamuktipradaH svAmI bhaktamohanivArakaH || 18|| sarvAvasthAsu saMsevyaH samaH sukhahitapradaH | kR^itakR^ityaH sarvasAkShI bhaktastrIrativardhanaH || 19|| sarvasaubhAgyanilayaH paramAshcharyarUpadhR^ik | ananyapuruShasvAmI dvArakAbhAgyabhAjanam || 20|| bIjasaMskArakartA cha parIkShijjAnapoShakaH | sarvatrapUrNaguNakaH sarvabhUShaNabhUShitaH || 21|| sarvalakShaNadAtA cha dhR^itarAShTravimuktidaH | sanmArgarakShako nityaM viduraprItipUrakaH || 22|| lIlAvyAmohakartA cha kAladharmapravartakaH | pANavAnAM mokShadAtA parIkShidbhAgyavardhanaH || 23|| kalinigrahakartA cha dharmAdInAM cha poShakaH | satsa~NgajAnahetushcha shrIbhAgavatakAraNam || 24|| prAkR^itAdR^iShTamArgashcha............ ##continued## \yyy{j~nAna\-sAdhana\-lIlA} ........................ shrotavyaH sakalAgamaiH | kIrtitavyaH shuddhabhAvaiH smartavyashchAtmavittamaiH || 25|| anekamArgakartA cha nAnAvidhagatipradaH | puruShaH sakalAdhAraH sattvaikanilayAtmabhUH || 26|| sarvadhyeyo yogagamyo bhaktyA grAhyaH surapriyaH | janmAdisArthakakR^itirlIlAkartA patiH satAm || 27|| AdikartA tattvakartA sarvakartA vishAradaH | nAnAvatArakartA cha brahmAvirbhAvakAraNam || 28|| dashalIlAvinodI cha nAnAsR^iShTipravartakaH | anekakalpakartA cha sarvadoShavivarjitaH || 29|| \yyy{sargalIlA} vairAgyahetustIrthAtmA sarvatIrthaphalapradaH | tIrthashuddhaikanilayaH svamArgaparipoShakaH || 30|| tIrthakIrtirbhaktagamyo bhaktAnushayakAryakR^it | bhaktatulyaH sarvatulyaH svechChAsarvapravartakaH || 31|| guNAtIto.anavadyAtmA sargalIlApravartakaH | sAkShAtsarvajagatkartA mahadAdipravartakaH || 32|| mAyApravartakaH sAkShI mAyArativivardhanaH | AkAshAtmA chaturmUrtishchaturdhA bhUtabhAvanaH || 33|| rajaHpravartako brahmA marIchyAdipitAmahaH | vedakartA yaj~nakartA sarvakartA.amitAtmakaH || 34|| anekasR^iShTikartA cha dashadhAsR^iShTikArakaH | yaj~nA~Ngo yaj~navArAho bhUdharo bhUmipAlakaH || 35|| seturvidharaNo jaitro hiraNyAkShAntakaH suraH | ditikashyapakAmaikahetusR^iShTipravartakaH || 36|| devAbhayapradAtA cha vaikuNThAdhipatirmahAn | sarvagarvaprahArI cha sanakAdyakhilArthadaH || 37|| sarvAshvAsanakartA cha bhaktatulyAhavapradaH | kAlalakShaNahetushcha sarvArthaj~nApakaH paraH || 38|| bhaktonnatikaraH sarvaprakArasukhadAyakaH | nAnAyuddhapraharaNo brahmashApavimochakaH || 39|| puShTisargapraNetA cha guNasR^iShTipravartakaH | kardameShTapradAtA cha devahUtyakhilArthadaH || 40|| shuklanArAyaNaH satyakAladharmapravartakaH | j~nAnAvatAraH shAntAtmA kapilaH kAlanAshakaH || 41|| triguNAdhipatiH sA~NkhyashAstrakartA vishAradaH | sargadUShaNahArI cha puShTimokShapravartakaH || 42|| laukikAnandadAtA cha brahmAnandapravartakaH | bhaktisiddhAntavaktA cha saguNaj~nAnadIpakaH || 43|| AtmapradaH pUrNakAmo yogAtmA yogabhAvitaH | jIvanmuktipradaH shrImAnanyabhaktipravartakaH || 44|| kAlasAmarthyadAtA cha kAladoShanivArakaH | garbhottamaj~nAnadAtA karmamArganiyAmakaH || 45|| sarvamArganirAkartA bhaktimArgaikapoShakaH | siddhihetuH sarvahetuH sarvAshcharyaikakAraNam || 46|| chetanAchetanapatiH samudraparipUjitaH | sA~NkhyAchAryastutaH siddhapUjitaH sarvapUjitaH || 47|| \yyy{visargalIlA} visargakartA sarveshaH koTisUryasamaprabhaH | anantaguNagambhIro mahApuruShapUjitaH || 48|| anantasukhadAtA cha brahmakoTiprajApatiH | sudhAkoTisvAsthyahetuH kAmadhukkoTikAmadaH || 49|| samudrakoTigambhIrastIrthakoTisamAhvayaH | sumerukoTiniShkampaH koTibrahmANDavigrahaH || 50|| koTyashvamedhapApaghno vAyukoTimahAbalaH | koTIndujagadAnandI shivakoTiprasAdakR^it || 51|| sarvasadguNamAhAtmyaH sarvasadguNabhAjanam | manvAdiprerako dharmo yaj~nanArAyaNaH paraH || 52|| AkUtisUnurdevendro ruchijanmA.abhayapradaH | dakShiNApatirojasvI kriyAshaktiH parAyaNaH || 53|| dattAtreyo yogapatiryogamArgapravartakaH | anasUyAgarbharatnamR^iShivaMshavivardhanaH || 54|| guNatrayavibhAgaj~nashchaturvargavishAradaH | nArAyaNo dharmasUnurmUrtipuNyayashaskaraH || 55|| sahasrakavachachChedI tapaHsAro narapriyaH | vishvAnandapradaH karmasAkShI bhAratapUjitaH || 56|| anantAdbhutamAhAtmyo badarIsthAnabhUShaNam | jitakAmo jitakrodho jitasa~Ngo jitendriyaH || 57|| urvashIprabhavaH svargasukhadAyI sthitipradaH | amAnI mAnado goptA bhagavachChAstrabodhakaH || 58|| brahmAdivandyo haMsashrIrmAyAvaibhavakAraNam | vividhAnantasargAtmA vishvapUraNatatparaH || 59|| yaj~najIvanahetushcha yaj~nasvAmIShTabodhakaH | nAnAsiddhAntagamyashcha saptatantushcha ShaDguNaH || 60|| pratisargajagatkartA nAnAlIlAvishAradaH | dhruvapriyo dhruvasvAmI chintitAdhikadAyakaH || 61|| durlabhAnantaphalado dayAnidhiramitrahA | a~NgasvAmI kR^ipAsAro vainyo bhUminiyAmakaH || 62|| bhUmidogdhA prajAprANapAlanaikaparAyaNaH | yashodAtA j~nAnadAtA sarvadharmapradarshakaH || 63|| pura~njano jaganmitraM visargAntapradarshakaH | prachetasAM patishchitrabhaktiheturjanArdanaH || 64|| smR^itihetubrahmabhAvasAyujyAdipradaH shubhaH | vijayI .................... ##continued## \yyy{sthAnalIlA} .... sthitilIlAbdhirachyuto vijayapradaH || 65|| svasAmarthyaprado bhaktakIrtiheturadhokShajaH | priyavratapriyasvAmI svechChAvAdavishAradaH || 66|| sa~NgyagamyaH svaprakAshaH sarvasa~NgavivarjitaH | ichChAyAM cha samaryAdastyAgamAtropalambhanaH || 67|| achintyakAryakartA cha tarkAgocharakAryakR^it | shR^i~NgArarasamaryAdA AgnIdhrarasabhAjanam || 68|| nAbhIShTapUrakaH karmamaryAdAdarshanotsukaH | sarvarUpo.adbhutatamo maryAdApuruShottamaH || 69|| sarvarUpeShu satyAtmA kAlasAkShI shashiprabhaH | merudevIvrataphalamR^iShabho bhagalakShaNaH || 70|| jagatsantarpako megharUpI devendradarpahA | jayantIpatiratyantapramANAsheShalaukikaH || 71|| shatadhAnyastabhUtAtmA shatAnando guNaprasUH | vaiShNavotpAdanaparaH sarvadharmopadeshakaH || 72|| parahaMsakriyAgoptA yogacharyApradarshakaH | chaturthAshramanirNetA sadAnandasharIravAn || 73|| pradarshitAnyadharmashcha bharatasvAmyapArakR^it | yathAvatkarmakartA cha sa~NgAniShTapradarshakaH || 74|| AvashyakapunarjanmakarmamArgapradarshakaH | yaj~narUpamR^igaH shAntaH sahiShNuH satparAkramaH || 75|| rahUgaNagatij~nashcha rahUgaNavimochakaH | bhavATavItattvavaktA bahirmukhahite rataH || 76|| gayasvAmI sthAnavaMshakartA sthAnavibhedakR^it | puruShAvayavo bhUmivisheShavinirUpakaH || 77|| jambUdvIpapatirmerunAbhipadmaruhAshrayaH | nAnAvibhUtilIlADhyo ga~NgotpattinidAnakR^it || 78|| ga~NgAmAhAtmyahetushcha ga~NgArUpo.atigUDhakR^it | vaikuNThadehahetvambujanmakR^it sarvapAvanaH || 79|| shivasvAmI shivopAsyo gUDhaH sa~NkarShaNAtmakaH | sthAnarakShArthamatsyAdirUpaH sarvaikapUjitaH || 80|| upAsyanAnArUpAtmA jyotIrUpo gatipradaH | sUryanArAyaNo vedakAntirujjvalaveShadhR^ik || 81|| haMso.antarikShagamanaH sarvaprasavakAraNam | AnandakartA vasudo budho vAkpatirujjvalaH || 82|| kAlAtmA kAlakAlashcha kAlachChedakR^iduttamaH | shishumAraH sarvamUrtirAdhidaivikarUpadhR^ik || 83|| anantasukhabhogADhyo vivaraishvaryabhAjanam | sa~NkarShaNo daityapatiH sarvAdhAro bR^ihadvapuH || 84|| anantanarakachChedI smR^itimAtrArtinAshanaH | sarvAnugrahakartA cha .................... ##continued## \yyy{poShaNa\-puShTi\-lIlA} ................ maryAdAbhinnashAstrakR^it || 85 || kAlAntakabhayachChedI nAmasAmarthyarUpadhR^ik | uddhArAnarhagoptrAtmA nAmAdiprerakottamaH || 86|| ajAmilamahAduShTamochako.aghavimochakaH | dharmavaktA.akliShTavaktA viShNudharmasvarUpadhR^ik || 87|| sanmArgaprerako dhartA tyAgaheturadhokShajaH | vaikuNThapuranetA cha dAsasaMvR^iddhikArakaH || 88|| dakShaprasAdakR^iddhaMsaguhyastutivibhAvanaH | svAbhiprAyapravaktA cha muktajIvaprasUtikR^it || 89|| nAradapreraNAtmA cha haryashvabrahmabhAvanaH | shabalAshvahito gUDhavAkyArthaj~nApanakShamaH || 90|| gUDhArthaj~nApanaH sarvamokShAnandapratiShThitaH | puShTiprarohahetushcha dAsaikaj~nAtahR^idgataH || 91|| shAntikartA suhitakR^it strIprasUH sarvakAmadhuk | puShTivaMshapraNetA cha vishvarUpeShTadevatA || 92|| kavachAtmA pAlanAtmA varmopachitikAraNam | vishvarUpashirashChedI tvAShTrayaj~navinAshakaH || 93|| vR^itrasvAmI vR^itragamyo vR^itravrataparAyaNaH | vR^itrakIrtirvR^itramokSho maghavatprANarakShakaH || 94|| ashvamedhahavirbhoktA devendrAmIvanAshakaH | saMsAramochakashchitraketubodhanatatparaH || 95|| mantrasiddhiH siddhihetuH susiddhiphaladAyakaH | mahAdevatiraskartA bhaktyai pUrvArthanAshakaH || 96|| devabrAhmaNavidveShavaimukhyaj~nApakaH shivaH | Adityo daityarAjashcha mahatpatirachintyakR^it || 97|| marutAM bhedakastrAtA vratAtmA pumprasUtikR^it | \yyy{UtilIlA} karmAtmA vAsanAtmA cha UtilIlAparAyaNaH || 98|| samadaityasuraH svAtmA vaiShamyaj~nAnasaMshrayaH | dehAdyupAdhirahitaH sarvaj~naH sarvahetuvid || 99|| brahmavAksthApanaparaH svajanmAvadhikAryakR^it | sadasadvAsanAhetustrisatyo bhaktamochakaH || 100|| hiraNyakashipudveShI praviShTAtmA.atibhIShaNaH | shAntij~nAnAdihetushcha prahlAdotpattikAraNam || 101|| daityasiddhAntasadvaktA tapaHsAra udAradhIH | daityahetuprakaTano bhaktichihnaprakAshakaH || 102|| saddveShahetuH saddveShavAsanAtmA nirantaraH | naiShThuryasImA prahlAdavatsalaH sa~NgadoShahA || 103|| mahAnubhAvaH sAkAraH sarvAkAraH pramANabhUH | stambhaprasUtirnR^iharirnR^isiMho bhImavikramaH || 104|| vikaTAsyo lalajjihvo nakhashastro javotkaTaH | hiraNyakashipuchChedI krUradaityanivArakaH || 105|| siMhAsanasthaH krodhAtmA lakShmIbhayavivardhanaH | brahmAdyatyantabhayabhUrapUrvAchintyarUpadhR^ik || 106|| bhaktaikashAntahR^idayo bhaktastutyaH stutipriyaH | bhaktA~NgalehanoddhUtakrodhapu~NjaH prashAntadhIH || 107|| smR^itimAtrabhayatrAtA brahmabuddhipradAyakaH | gorUpadhAryamR^itapAH shivakIrtivivardhanaH || 108|| dharmAtmA sarvakarmAtmA visheShAtmA.a.ashramaprabhuH | saMsAramagnasvoddhartA sanmArgAkhilatattvavAk || 109|| AchArAtmA sadAchAraH .................. ##continued## \yyy{manvantaralIlA} ....................manvantaravibhAvanaH | smR^ityA.asheShAshubhaharo gajendrasmR^itikAraNam || 110|| jAtismaraNahetvaikapUjAbhaktisvarUpadaH | yaj~no bhayAnmanutrAtA vibhurbrahmavratAshrayaH || 111|| satyaseno duShTaghAtI harirgajavimochakaH | vaikuNTho lokakartA cha ajito.amR^itakAraNam || 112|| urukramo bhUmihartA sArvabhaumo balipriyaH | vibhuH sarvahitaikAtmA viShvaksenaH shivapriyaH || 113|| dharmaseturlokadhR^itiH sudhAmAntarapAlakaH | upahartA yogapatirbR^ihadbhAnuH kriyApatiH || 114|| chaturdashapramANAtmA dharmo manvAdibodhakaH | lakShmIbhogaikanilayo devamantrapradAyakaH || 115|| daityavyAmohakaH sAkShAdgaruDaskandhasaMshrayaH | lIlAmandaradhArI cha daityavAsukipUjitaH || 116|| samudronmathanAyatto.avighnakartA svavAkyakR^it | AdikUrmaH pavitrAtmA mandarAgharShaNotsukaH || 117|| shvAsaijadabdhivArvIchiH kalpAntAvadhikAryakR^it | chaturdashamahAratno lakShmIsaubhAgyavardhanaH || 118|| dhanvantariH sudhAhasto yaj~nabhoktA.a.artinAshanaH | AyurvedapraNetA cha devadaityAkhilArchitaH || 119|| buddhivyAmohako devakAryasAdhanatatparaH | strIrUpo mAyayA vaktA daityAntaHkaraNapriyaH || 120|| pAyitAmR^itadevAMsho yuddhahetusmR^itipradaH | sumAlimAlivadhakR^inmAlyavatprANahArakaH || 121|| kAlanemishirashChedI daityayaj~navinAshakaH | indrasAmarthyadAtA cha daityasheShasthitipriyaH || 122|| shivavyAmohako mAyI bhR^igumantrasvashaktidaH | balijIvanakartA cha svargaheturvratArchitaH || 123|| adityAnandakartA cha kashyapAditisambhavaH | upendra indrAvarajo vAmanabrahmarUpadhR^ik || 124|| brahmAdisevitavapuryaj~napAvanatatparaH | yAch~nopadeshakartA cha j~nApitAsheShasaMsthitiH || 125|| satyArthaprerakaH sarvahartA garvavinAshakaH | trivikramastrilokAtmA vishvamUrtiH pR^ithushravAH || 126|| pAshabaddhabaliH sarvadaityapakShopamardakaH | sutalasthApitabaliH svargAdhikasukhapradaH || 127|| karmasampUrtikartA cha svargasaMsthApitAmaraH | j~nAtatrividhadharmAtmA mahAmIno.abdhisaMshrayaH || 128|| satyavratapriyo goptA matsyamUrtidhR^itashrutiH | shR^i~NgabaddhadhR^itakShoNiH sarvArthaj~nApako guruH || 129|| \yyy{IshAnukathAlIlA} IshasevakalIlAtmA sUryavaMshapravartakaH | somavaMshodbhavakaro manuputragatipradaH || 130|| ambarIShapriyaH sAdhurdurvAsogarvanAshakaH | brahmashApopasaMhartA bhaktakIrtivivardhanaH || 131|| ikShvAkuvaMshajanakaH sagarAdyakhilArthadaH | bhagIrathamahAyatno ga~NgAdhautA~Nghripa~NkajaH || 132|| brahmasvAmI shivasvAmI sagarAtmajamuktidaH | khaTvA~NgamokShahetushcha raghuvaMshavivardhanaH || 133|| raghunAtho rAmachandro rAmabhadro raghupriyaH | anantakIrtiH puNyAtmA puNyashlokaikabhAskaraH || 134|| koshalendraH pramANAtmA sevyo dasharathAtmajaH | lakShmaNo bharatashchaiva shatrughno vyUhavigrahaH || 135|| vishvAmitrapriyo dAntastADakAvadhamokShadaH | vAyavyAstrAbdhinikShiptamArIchashcha subAhuhA || 136|| vR^iShadhvajadhanurbha~NgaprAptasItAmahotsavaH | sItApatirbhR^igupatigarvaparvatanAshakaH || 137|| ayodhyAsthamahAbhogayuktalakShmIvinodavAn | kaikeyIvAkyakartA cha pitR^ivAkparipAlakaH || 138|| vairAgyabodhako.ananyasAttvikasthAnabodhakaH | ahalyAduHkhahArI cha guhasvAmI salakShmaNaH || 139|| chitrakUTapriyasthAno daNDakAraNyapAvanaH | sharabha~NgasutIkShNAdipUjito.agastyabhAgyabhUH || 140|| R^iShisamprArthitakR^itirvirAdhavadhapaNDitaH | ChinnashUrpaNakhAnAsaH kharadUShaNaghAtakaH || 141|| ekabANahatAnekasahasrabalarAkShasaH | mArIchaghAtI niyatasItAsambandhashobhitaH || 142|| sItAviyoganATyashcha jaTAyurvadhamokShadaH | shabarIpUjito bhaktahanumatpramukhAvR^itaH || 143|| dundubhyasthipraharaNaH saptatAlavibhedanaH | sugrIvarAjyado vAlighAtI sAgarashoShaNaH || 144|| setubandhanakartA cha vibhIShaNahitapradaH | rAvaNAdishirashChedI rAkShasAghaughanAshakaH || 145|| sItA.abhayapradAtA cha puShpakAgamanotsukaH | ayodhyApatiratyantasarvalokasukhapradaH || 146|| mathurApuranirmAtA sukR^itaj~nasvarUpadaH | janakaj~nAnagamyashcha ailAntaprakaTashrutiH || 147|| haihayAntakaro rAmo duShTakShatravinAshakaH | somavaMshahitaikAtmA yaduvaMshavivardhanaH || 148|| \yyy{nirodhalIlA} parabrahmAvataraNaH keshavaH kleshanAshanaH | bhUmibhArAvataraNo bhaktArthAkhilamAnasaH || 149|| sarvabhaktanirodhAtmA lIlAnantanirodhakR^it | bhUmiShThaparamAnando devakIshuddhikAraNam || 150|| vasudevaj~nAnaniShThasamajIvanivArakaH | sarvavairAgyakaraNasvalIlAdhArashodhakaH || 151|| mAyAj~nApanakartA cha sheShasambhArasambhR^itiH | bhaktakleshaparij~nAtA tannivAraNatatparaH || 152|| AviShTavasudevAMsho devakIgarbhabhUShaNam | pUrNatejomayaH pUrNaH kaMsAdhR^iShyapratApavAn || 153|| vivekaj~nAnadAtA cha brahmAdyakhilasaMstutaH | satyo jagatkalpatarurnAnArUpavimohanaH || 154|| bhaktimArgapratiShThAtA vidvanmohapravartakaH | mUlakAlaguNadraShTA nayanAnandabhAjanam || 155|| vasudevasukhAbdhishcha devakInayanAmR^itam | pitR^imAtR^istutaH pUrvasarvavR^ittAntabodhakaH || 156|| gokulAgatilIlAptavasudevakarasthitiH | sarveshatvaprakaTano mAyAvyatyayakArakaH || 157|| j~nAnamohitaduShTeshaH prapa~nchAsmR^itikAraNam | yashodAnandano nandabhAgyabhUgokulotsavaH || 158|| nandapriyo nandasUnuryashodAyAH stanandhayaH | pUtanAsupayaHpAtA mugdhabhAvAtisundaraH || 159|| sundarIhR^idayAnando gopImantrAbhimantritaH | gopAlAshcharyarasakR^it shakaTAsurakhaNDanaH || 160|| nandavrajajanAnandI nandabhAgyamahodayaH | tR^iNAvartavadhotsAho yashodAj~nAnavigrahaH || 161|| balabhadrapriyaH kR^iShNaH sa~NkarShaNasahAyavAn | rAmAnujo vAsudevo goShThA~NgaNagatipriyaH || 162|| ki~NkiNIravabhAvaj~no vatsapuchChAvalambanaH | navanItapriyo gopImohasaMsAranAshakaH || 163|| gopabAlakabhAvaj~nashchauryavidyAvishAradaH | mR^itsnAbhakShaNalIlAsyamAhAtmyaj~nAnadAyakaH || 164|| dharAdroNaprItikartA dadhibhANDavibhedanaH | dAmodaro bhaktavashyo yamalArjunabha~njanaH || 165|| bR^ihadvanamahAshcharyo vR^indAvanagatipriyaH | vatsaghAtI bAlakelirbakAsuraniShUdanaH || 166|| araNyabhoktA.apyathavA bAlalIlAparAyaNaH | protsAhajanakashchaivamaghAsuraniShUdanaH || 167|| vyAlamokShapradaH puShTo brahmamohapravardhanaH | anantamUrtiH sarvAtmA ja~NgamasthAvarAkR^itiH || 168|| brahmamohanakartA cha stutya AtmA sadApriyaH | paugaNDalIlAbhiratirgochAraNaparAyaNaH || 169|| vR^indAvanalatAgulmavR^ikSharUpanirUpakaH | nAdabrahmaprakaTano vayaHpratikR^itisvanaH || 170|| barhinR^ityAnukaraNo gopAlAnukR^itisvanaH | sadAchArapratiShThAtA balashramanirAkR^itiH || 171|| tarumUlakR^itAsheShatalpashAyI sakhistutaH | gopAlasevitapadaH shrIlAlitapadAmbujaH || 172|| gopasamprArthitaphaladAnanAshitadhenukaH | kAlIyaphaNimANikyara~njitashrIpadAmbujaH || 173|| dR^iShTisa~NjIvitAsheShagopagogopikApriyaH | lIlAsampItadAvAgniH pralambavadhapaNDitaH || 174|| dAvAgnyAvR^itagopAladR^iShTyAchChAdanavahnipaH | varShAsharadvibhUtishrIrgopIkAmaprabodhakaH || 175|| gopIratnastutAsheShaveNuvAdyavishAradaH | kAtyAyanIvratavyAjasarvabhAvAshritA~NganaH || 176|| satsa~NgatistutivyAjastutavR^indAvanA~NghripaH | gopakShuchChAntisaMvyAjaviprabhAryAprasAdakR^it || 177|| hetuprAptendrayAgasvakAryagosavabodhakaH | shailarUpakR^itAsheSharasabhogasukhAvahaH || 178|| lIlAgovardhanoddhArapAlitasvavrajapriyaH | gopasvachChandalIlArthagargavAkyArthabodhakaH || 179|| indradhenustutiprAptagovindendrAbhidhAnavAn | vratAdidharmasaMsaktanandakleshavinAshakaH || 180|| nandAdigopamAtreShTavaikuNThagatidAyakaH | veNuvAdasmarakShobhamattagopIvimuktidaH || 181|| sarvabhAvaprAptagopIsukhasaMvardhanakShamaH | gopIgarvapraNAshArthatirodhAnasukhapradaH || 182|| kR^iShNabhAvavyAptavishvagopIbhAvitaveShadhR^ik | rAdhAvisheShasambhogaprAptadoShanivArakaH || 183|| paramaprItisa~NgItasarvAdbhutamahAguNaH | mAnApanodanAkrandagopIdR^iShTimahotsavaH || 184|| gopikAvyAptasarvA~NgaH strIsambhAShAvishAradaH | rAsotsavamahAsaukhyagopIsambhogasAgaraH || 185|| jalasthalarativyAptagopIdR^iShTyabhipUjitaH | shAstrAnapekShakAmaikamuktidvAravivardhanaH || 186|| sudarshanamahAsarpagrastanandavimochakaH | gItamohitagopIdhR^ikSha~NkhachUDavinAshakaH || 187|| guNasa~NgItasantuShTirgopIsaMsAravismR^itiH | ariShTamathano daityabuddhivyAmohakArakaH || 188|| keshighAtI nAradeShTo vyomAsuravinAshakaH | akrUrabhaktisaMrAddhapAdareNumahAnidhiH || 189|| rathAvarohashuddhAtmA gopImAnasahArakaH | hradasandarshitAsheShavaikuNThAkrUrasaMstutaH || 190|| mathurAgamanotsAho mathurAbhAgyabhAjanam | mathurAnagarIshobhAdarshanotsukamAnasaH || 191|| duShTara~njakaghAtI cha vAyakArchitavigrahaH | vastramAlAsushobhA~NgaH kubjAlepanabhUShitaH || 192|| kubjAsurUpakartA cha kubjArativarapradaH | prasAdarUpasantuShTaharakodaNDakhaNDanaH || 193|| shakalAhatakaMsAptadhanUrakShakasainikaH | jAgratsvapnabhayavyAptamR^ityulakShaNabodhakaH || 194|| mathurAmalla ojasvI mallayuddhavishAradaH | sadyaH kuvalayApIDaghAtI chANUramardanaH || 195|| lIlAhatamahAmallaH shalatoshalaghAtakaH | kaMsAntako jitAmitro vasudevavimochakaH || 196|| j~nAtatattvapitR^ij~nAnamohanAmR^itavA~NmayaH | ugrasenapratiShThAtA yAdavAdhivinAshakaH || 197|| nandAdisAntvanakaro brahmacharyavrate sthitaH | gurushushrUShaNaparo vidyApAramiteshvaraH || 198|| sAndIpanimR^itApatyadAtA kAlAntakAdijit | gokulAshvAsanaparo yashodAnandapoShakaH || 199|| gopikAvirahavyAjamanogatiratipradaH | samoddhavabhramaravAk gopikAmohanAshakaH || 200|| kubjAratiprado.akrUrapavitrIkR^itabhUgR^ihaH | pR^ithAduHkhapraNetA cha pANDavAnAM sukhapradaH || 201|| dashamaskandhottarArdhanAmAni nirodhalIlA jarAsandhasamAnItasainyaghAtI vichArakaH | yavanavyAptamathurAjanadattakushasthaliH || 202|| dvArakAdbhutanirmANavismApitasurAsuraH | manuShyamAtrabhogArthabhUmyAnItendravaibhavaH || 203|| yavanavyAptamathurAnirgamAnandavigrahaH | muchukundamahAbodhayavanaprANadarpahA || 204|| muchukundastutAsheShaguNakarmamahodayaH | phalapradAnasantuShTirjanmAntaritamokShadaH || 205|| shivabrAhmaNavAkyAptajayabhItivibhAvanaH | pravarShaNaprArthitAgnidAnapuNyamahotsavaH || 206|| rukmiNIramaNaH kAmapitA pradyumnabhAvanaH | syamantakamaNivyAjaprAptajAmbavatIpatiH || 207|| satyabhAmAprANapatiH kAlindIrativardhanaH | mitravindApatiH satyApatirvR^iShaniShUdanaH || 208|| bhadrAvA~nChitabhartA cha lakShmaNAvaraNakShamaH | indrAdiprArthitavadhanarakAsurasUdanaH || 209|| murAriH pIThahantA cha tAmrAdiprANahArakaH | ShoDashastrIsahasreshaH ChatrakuNDaladAnakR^it || 210|| pArijAtApaharaNo devendramadanAshakaH | rukmiNIsamasarvastrIsAdhyabhogaratipradaH || 211|| rukmiNIparihAsoktivAktirodhAnakArakaH | putrapautramahAbhAgyagR^ihadharmapravartakaH || 212|| shambarAntakasatputravivAhahatarukmikaH | uShApahR^itapautrashrIrbANabAhunivArakaH || 213|| shItajvarabhayavyAptajvarasaMstutaShaDguNaH | sha~NkarapratiyoddhA cha dvandvayuddhavishAradaH || 214|| nR^igapApaprabhettA cha brahmasvaguNadoShadR^ik | viShNubhaktivirodhaikabrahmasvavinivArakaH || 215|| balabhadrAhitaguNo gokulaprItidAyakaH | gopIsnehaikanilayo gopIprANasthitipradaH || 216|| vAkyAtigAmiyamunAhalAkarShaNavaibhavaH | pauNDrakatyAjitaspardhaH kAshIrAjavibhedanaH || 217|| kAshInidAhakaraNaH shivabhasmapradAyakaH | dvividaprANaghAtI cha kauravAkharvagarvanut || 218|| lA~NgalAkR^iShTanagarIsaMvignAkhilanAgaraH | prapannAbhayadaH sAmbaprAptasanmAnabhAjanam || 219|| nAradAnviShTacharaNo bhaktavikShepanAshakaH | sadAchAraikanilayaH sudharmAdhyAsitAsanaH || 220|| jarAsandhAvaruddhena vij~nApitanijaklamaH | mantryuddhavAdivAkyoktaprakAraikaparAyaNaH || 221|| rAjasUyAdimakhakR^it samprArthitasahAyakR^it | indraprasthaprayANArthamahatsambhArasambhR^itiH || 222|| jarAsandhavadhavyAjamochitAsheShabhUmipaH | sanmArgabodhako yaj~nakShitivAraNatatparaH || 223|| shishupAlahativyAjajayashApavimochakaH | duryodhanAbhimAnAbdhishoShabANavR^ikodaraH|| 224|| mahAdevavaraprAptapurashAlvavinAshakaH | dantavaktravadhavyAjavijayAghaughanAshakaH || 225|| vidUrathaprANahartA nyastashastrAstravigrahaH | upadharmaviliptA~NgasUtaghAtI varapradaH || 226|| balvalaprANaharaNapAlitarShishrutikriyaH | sarvatIrthAghanAshArthatIrthayAtrAvishAradaH || 227|| j~nAnakriyAvibhedeShTaphalasAdhanatatparaH | sArathyAdikriyAkartA bhaktavashyatvabodhakaH || 228|| sudAmAra~NkabhAryArthabhUmyAnItendravaibhavaH | ravigrahanimittAptakurukShetraikapAvanaH || 229|| nR^ipagopIsamastastrIpAvanArthAkhilakriyaH | R^iShimArgapratiShThAtA vasudevamakhakriyaH || 230|| vasudevaj~nAnadAtA devakIputradAyakaH | arjunastrIpradAtA cha bahulAshvasvarUpadaH || 231|| shrutadeveShTadAtA cha sarvashrutinirUpitaH | mahAdevAdyatishreShTho bhaktilakShaNanirNayaH || 232|| vR^ikagrastashivatrAtA nAnAvAkyavishAradaH | naragarvavinAshArthahR^itabrAhmaNabAlakaH || 233|| lokAlokaparasthAnasthitabAlakadAyakaH | dvArakAsthamahAbhoganAnAstrIrativardhanaH || 234|| manastirodhAnakR^itavyagrastrIchittabhAvitaH | \yyy{muktilIlA} muktilIlAviharaNo maushalavyAjasaMhR^itiH || 235|| shrIbhAgavatadharmAdibodhako bhaktinItikR^it | uddhavaj~nAnadAtA cha pa~nchaviMshatidhA guruH || 236|| AchArabhaktimuktyAdivaktA shabdodbhavasthitiH | haMso dharmapravaktA cha sanakAdyupadeshakR^it || 237|| bhaktisAdhanavaktA cha yogasiddhipradAyakaH | nAnAvibhUtivaktA cha shuddhadharmAvabodhakaH || 238|| mArgatrayavibhedAtmA nAnAsha~NkAnivArakaH | bhikShugItApravaktA cha shuddhasA~NkhyapravartakaH || 239|| manoguNavisheShAtmA j~nApakoktapurUravAH | pUjAvidhipravaktA cha sarvasiddhAntabodhakaH || 240|| laghusvamArgavaktA cha svasthAnagatibodhakaH | yAdavA~NgopasaMhartA sarvAshcharyagatikriyaH || 241|| \yyy{AshrayalIlA} kAladharmavibhedArthavarNanAshanatatparaH | buddho guptArthavaktA cha nAnAshAstravidhAyakaH || 242|| naShTadharmamanuShyAdilakShaNaj~nApanotsukaH | Ashrayaikagatij~nAtA kalkiH kalimalApahaH || 243|| shAstravairAgyasambodho nAnApralayabodhakaH | visheShataH shukavyAjaparIkShijj~nAnabodhakaH || 244|| shukeShTagatirUpAtmA parIkShiddehamokShadaH | shabdarUpo nAdarUpo vedarUpo vibhedanaH || 245|| vyAsaH shAkhApravaktA cha purANArthapravartakaH | mArkaNDeyaprasannAtmA vaTapatrapuTeshayaH || 246|| mAyAvyAptamahAmohaduHkhashAntipravartakaH | mahAdevasvarUpashcha bhaktidAtA kR^ipAnidhiH || 247|| AdityAntargataH kAlaH dvAdashAtmA supUjitaH | shrIbhAgavatarUpashcha sarvArthaphaladAyakaH || 248|| itIdaM kIrtanIyasya harernAmasahasrakam | pa~nchasaptativistIrNaM purANAntarabhAShitam || 249|| ya etatprAtarutthAya shraddhAvAn susamAhitaH | japedarthAhitamatiH sa govindapadaM labhet || 250|| sarvadharmavinirmuktaH sarvasAdhanavarjitaH | etaddhAraNamAtreNa kR^iShNasya padavIM vrajet || 251|| haryAveshitachittena shrIbhAgavatasAgarAt | samuddhR^itAni nAmAni chintAmaNinibhAni hi || 252|| kaNThasthitAnyarthadIptyA bAdhante.aj~nAnajaM tamaH | bhaktiM shrIkR^iShNadevasya sAdhayanti vinishchitam || 253|| kimbahUktena bhagavAn nAmabhiH stutaShaDguNaH | AtmabhAvaM nayatyAshu bhaktiM cha kurute dR^iDhAm || 254|| yaH kR^iShNabhaktimiha vA~nChati sAdhanaughair\- nAmAni bhAsurayashAMsi japetsa nityam | taM vai hariH svapuruShaM kurute.atishIghram\- AtmArpaNaM samadhigachChati bhAvatuShTaH || 255|| shrIkR^iShNa kR^iShNasakha vR^iShNivR^iShAvanidhrug\- rAjanyavaMshadahanAnapavargavIrya | govinda gopavanitAvrajabhR^ityagIta tIrthashravaH shravaNama~Ngala pAhi bhR^ityAn || 256|| || iti shrIbhAgavatasArasamuchchaye vaishvAnaroktaM shrIvallabhAchAryavirachitaM shrIpuruShottamasahasranAmastotraM sampUrNam || \iti ## \esanskrit This sahasranAmastotra was composed by Shri Vallabhacharya. There is a short story narrated on http://sk-pushti.blogspot.com about the composition. There is an incident in the life of Shri Gopinathji, elder son of Shri Vallabhacharya, connected with his zeal towards Bhagavata Purana. It was a practice with him, right from his youth, to read Shri Bhagavata Purana regularly. He was so obsessed with its reading that he would not even eat unless he would complete Shri Bhagavata. Very much worried about this adamant attitude of Gopinathji, Shri Vallabhacharya had composed one Stotra (a poem praising the greatness) containing one thousand names of Purna Purushottama, all extracted from Shri Bhagavata Purana, and advised his son to read this work daily so that he could have the same complete effect of reading Shri Bhagavata Purana. This Purushottama Sahasranama Stotra, is one of the original works of Shri Vallabhacharya and is much venerated. \hrule Proofread by Sunderh Hattangadi sunderh at hotmail.com \bsanskrit \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}