% Text title : Shri Rajagopala Stava 05 11 % File name : rAjagopAlastavaH.itx % Category : vishhnu, krishna % Location : doc\_vishhnu % Proofread by : Rajesh Thyagarajan % Description/comments : From stotrArNavaH 05-11 % Latest update : October 9, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Rajagopala Stava ..}## \itxtitle{.. shrIrAjagopAlastavaH ..}##\endtitles ## shrIrAjagopAlamukhAravindaM vandAmahe mohanamindirAyAH | yadIyasandarshanananditAnAM na muktilAbhoditamodavA~nChA || 1|| vA~nChAdhikAnekapumarthadAna\- dakShotpalollAsikaTAkShavIkSham | shrIrAjagopAlamukhAmR^itAMshuM pashyema shashvadbhavatApanutyai || 2|| nutaM shrutInAM tatibhistatAbhi\- stathAnavichChinnamiyattayApi | shrIrAjagopAla tavAnubhAva\- maj~naH kathaM stotumalaM bhavAmi || 3|| bhavanti lokAH sakalA vichitrA\- stvadekadeshAshchidachidvishiShTa | shrIrAjagopAla tava svarUpaM tato vichitra pravadanti santaH || 4|| santastuvantIsha tavAnubhAvaM anta(rmu)ssukhAH santatayuktachittAH | tApatrayArto viShayAnuvR^itta\- chittaH kathaM stotumahaM pravR^ittaH || 5|| pravR^itta eva svayameva vaktuM pAdAmbujadvandvasamAshritAnAm | visrambhasampadvirahAdihAhaM tvAM rakSha rakSheti kadarthayAmi || 6|| ##missing in the manuscript## tadarthatattatpuruShArthadAna\- guNapradAnena hitAyasi tvam || 7|| tvameka evAsi paraM nidhAna\- madhyakShitaM bhaktibharAjitAkShaiH | vishvesha shashvadbahushaH smR^itInAM vishrAntibhUmishcha tathA shrutInAm || 8|| shrutistu sattvottarashAstramAsIt bhavAMshcha satchaikaguNaH purANaH | evaM sthite tvatra kathaM nutaH syA AkarShaNaM chaiva balAddhaTeda || 1|| tattvaprakAsho vishayaM shrutInAM viShva~NmukhInAmabahushrutebhyaH | \ldq{}vedaishcha sarvairahameva vedyaH\rdq{} ityevakAreNa nirAchakartha || 10|| chakartha gItAM yadi vatsala tvaM tvameva viShNuryadi kR^iShNarUpaH | gItA cha mAnaM yadi tattvasiddhau kuto.anyato.asmatpadavAchyatA syAt || 11|| syAddhi pramANaM bhagavannachAlyaM nAmnAM sahasraM bahubhiH kimanyaiH | jagatprabhuM devamiti prakR^itya tvamevamityasya kR^itottaratvAt || 12|| dattottaro viShNupurANaratna\- gatairvachobhirvichikitsitAMshaH | viShNoH sakAshAditi yAnyavochaM sAmAnyataH prashnamuparyasaktam || 13|| asaktachittaiH paratattvavidyA\- niShThairanuShThAnaparairanekaiH | nAnAdishAsthaiH paratattvarUpaM vyachAryaho viShNupurANamAnaiH || 14|| mAneShu yA yatpratikUlitArthA sA na smR^itiH shasyata ityudIrNA | manusmR^itiH karmasamarchyamAha nArAyaNaM tvAM puruShaM paraM cha || 15|| chakAsti yatsUtrasamUha evaM sarvAtmannA tattvabubhutsusevyaH | yo.asau mahAbhAratavedamAdau nArAyaNasyaiva kathAM jagAda || 16|| dayAlunAloDya samastashAstraM nArAyaNadhyeyatamatvamuktvA | bhujaM samR^iddhR^itya munIndravR^inde triH satyamityAha samAnameye || 17|| ye tvanyadevAbhyadhikatvamUchuH kechit prabandhAH prati kalpa mAnyAH | rajastamaHspR^iShTachaturmukhena samIritA ityavadhIritAste || 18|| teneha mAnAni vichArya samyak prAmANikAH sattvaguNottarAstvAm | shrIrAjagopAla paraM pumAMsaM vadanti santo jagadekahetum || 19|| hetutvamanyatra kathaM ghaTeta saMvartasindhau sakale vilIne | kR^itsnaiH sisR^ikShAkR^itayoganidre tvayi pramANairabhidhIyamAne || 20|| netastvadIyAkhilakAraNatve\- nAtaH paraM mAnamavekShaNIyam | yannArashabdAbhihiteShu mukhya\- stvannAbhipadmAdudbhUta svayambhUH || 21|| bhUdevaguptyai yadavAtarastvaM sa~njAyamAno bahudhAdideva | tenaiva kechittava bhUmnyasImni siddhAntatAmAnashire sasha~NkAH || 22|| sha~NkA kR^itA vA yadajo bhavanna\- pyAtmechChayaivAvatarAmi janma | karmAvidityaM mama vettureva janmApi na syAditi gAyasi tvam || 23|| tvadIyakalyANaguNAkaratvaM shrutaM rameshA ##missing## chalanti kechit | kachit## missing in the manuscript ## ## missing in the manuscript ## || 24|| pratyakShamukhyAkhilamAnavedyam | kR^itsnaM cha mithyetyabhidhAya meyaM ye nirvisheShaM cha vadanti vedham || 25|| vedyaM sadakShairapi nirvikalpa idantayAsaktimupaiti li~Ngam | vyAptiM puraskR^itya tathopamAnaM sAmyaM cha meyaM gamayatyadR^iShTam || 26|| dR^iShTA hi shabdasya cha shaktidharma\- puraskR^itirlakShaNayA padAni | sarvANyapi svArthavibodhakAnI\- tyudIraNaM hai parihAsayogyam || 27|| yogye cha shabde parikalpya shakti\- manyatra sarvatra pade padaj~nAH | sambandhayukte.anupapattimeva dR^iShTA shrayantIshvaralakShaNaM cha || 28|| cha~nchatprakR^ityarthamuparyuda~nchat svapratyayArthatvavisheShavAchAm | chayaH padAnAM nijatattadartha\- bhedoditAkA~NkShakamanviyAya || 29|| yAtyevamarthAnusR^itiM vihAya sambandhasiddhAvapi lakShaNAM cha | alakShite lakShaNayAbhidheye paryAyabhAvaM vada vAkyajAtam || 30|| tanmuchyatAM vAchakatAprakAra\- vichAraNA brahma salakShaNaM cha | janmAdinA kiM nu visheShyamiShTa\- mutopalakShyaM saguNaM dvidhApi || 31|| pinaddhamekena visheShaNena gR^ihAdi kAkAdyupalakShaNIyam | ato bR^ihattvAdivishiShTameva brahmopalakShyaM na tu nirvisheSham || 32|| visheShamAlambya mano.apyupAstau pravartate dhyeyagataM hi ka~nchit | tathaiva vidyAshcha parA gR^iNanti tato bhavadbhavyaguNA na mithyA || 33|| mithyAguNopAsanato yadi syAt upAsanAnirvachanIyatattve | hai shuktirUpyAdhigamAdbhaveyuH samAdhibhAjo bhuvi sarva eva || 34|| evaM bhago shreShThaguNAnubaddhaM tvAM nirguNaM heyaguNairashUnyam | shrutyAM vadantyAM tritayAvirodhAt sAmAnyato yo.api visheShasaktaH || 35|| sakto guNairheyaguNairasakto bhavAn rameshobhayali~NgayuktaH | adreshyamavyaktamiti pravAdya pratyakShitArthAtivilakShaNatvAt || 36|| tvameva jIvaM pralapantyabheda\- vAdAdavidyAndhamupAdhibhinnam | prakAshamAtrasya satastirodhiH svarUpanAshAdibhayAnnirasyaH || 37|| syAdapyavachChinnamupAdhipakShe brahmAnavachChinnamato dvayaM cha | ayuktametachchidachichCharIra\- stvameka evAsi vibhUtimAMshcha || 38|| chamatkR^itiH sA kila darshanIyA yanmAyino.asatyagiraiva sarvam | samarthayante vyavahArasatyaM hai shuktirUpyaM cha tataH kimAsIt || 39|| AsIraheyo bhagavaMstvamuktaH parAsharAdyaiH paratattvavidbhiH | "samastakalyANaguNAtmako.asau" ityAdibhirvAkyashatairguNADhyaH || 40|| ADhyo vibhUtyA parayA guNaishcha lakShmImahIbhyAmabhisevyamAnaH | pAdAravindAnatasUrivR^inda chakrAdidivyAyudhachUthadhArI || 41|| rirakShiShAsaktamanomanoj~na\- vapuH kirITAdimanU purAntaiH | vibhUShaNairbhUShita Isha sheShaM vaikuNThaloke tvamala~NkaroShi || 42|| karoShi dugdhAmbunidhau ramesha sheShe shayAluH sanakAdisevyaH | tApatrayopaplavataptachitta\- chaturmukhAbhyarthanayAvatArAn || 43|| avAtarastvaM prathamaM vidhIsha\- madhye svayaM viShNusamAha \.\. | ..## missing in the manuscript ## \.\.\. tanoShi rakShAm || 44|| rakShan hi vedApahR^iterviri~nchi bhavAn mahApAtakatastriNetram | pradyumnasa~NkarShaNarUpatastau kR^ityeShvadhiShThAya karoti shaktau || 45|| shaktiH kutaH syAt tridivAdhirAjye purandarasya tvamupendrarUpaH | sAchivyakArI yadi tasya nAsi nAsIrarakShAkaraNaikadakShaH || 46|| kShayArNave deva charAcharANi sarvANi nApi praNidhAya dhR^itvA | daMShTraikadeshena manoj~namIno manostanoShi sma hitopadesham || 47|| shaM sAdhubandho mathane payodheH sudhArthamabhyarthanayA surANAm | pR^iShThapradeshoddhR^itamanthashailaH kUrmasvarUpaH samadhAH sudhAjam || 48|| jantUnimagnAna pralayAmburAshau vilokya lokeshamahAvarAhaH | bhUtvA \.\. \.\. bhUridayoddadhAra (dayApUrita uddadhAra) dharAM svadaMShTrAmukhataH sakhelam || 49|| khelagnavalgatsaTamaTTahAsa\- sphuTadviShanniShThuradhR^iShTabhAvaH | saiMha vyadhAt saMhananaM mahatte prahlAdamanvarthasamAhvayaM hi || 50|| hitaM vitanvan dviShate hi yAch~nAM vidhAya vedhaHkaradhautapAdaH | pAdAmbujasyandimarandadhArA\- sha~NkAdaga~NgAmakarostrilokyai || 51|| lokakShayodyukta liptakR^itsna\- kShatrakShayAya sR^ijo jakR^ityAm | parashvathAgnau rudhirahrade cha kR^itAhutiH kalpitatarpaNastvam || 52|| tvamIshavaMshaM mihirasya sItA\- mano munInAmuTajATaviM cha | krameNa sugrIvavibhIShaNarddhi\- mala~nchakarthAdikavervachAMsi || 53|| sitAyutakShIratulA lalAsa halAstrahelAnavama~njarIbhiH | lIlAlatA sA kila mAdhavasya samedhitA gopavilAsinIbhiH || 54|| bhinnA~njanashyAmatanuM manoj~naM sasha~NkhachakrAgrachaturbhujADhyamm | pItAmbaraM kaustubhabhUShitaM tvAM tuShTAva devakyavalokya sUnum || 55|| stuvannaman svaM vasudeva Atma\- jAtaM paraM tvAmabhivIkShya sAkShAt | saMsAranistAramayAchamAnaH kaMsAdahiMsAM tava yAchate sma || 56|| smaranti santo.apyanaghaM bhavantaM svasrIyamAtmAntakaraM nishamya | kaMso nihantuM chakame.anaghaM tva\- maghAtayashritramidaM svasAram || 57|| sAraM svakaM darshayituM yadIha hantuM dviShantaM yadi vAbhilAShaH | pItastanAyAstava pUtanAyA vayovidhernAtha paraM viruddham || 58|| viruddhachittaH shakaTAsuraste pAdAravindadvayabha~NgmimAra | nirantaraprItikR^ito mukunda\- padAravindaM mR^itimR^igyamAsIt || 59|| AsIttR^iNAvartasamutthachakra\- vAtyAsamutthApitamasya vIkShya | kaNThaM gR^ihItvAtha nihatya mahyAM shishuM shayAluM jananI sasha~NkA || 60|| sha~NkA yashodAhR^idayoditApi sA jR^imbhamANe vadanAravinde | pradarshya vishvaM vishada vichitraM na chitramatreti nirAkR^itAbhUt || 61|| bhUmau mamA~NghridvitayAshritAnAM svakarmanAshena na karmabandhaH | na karmanairarthyamapi prasajye\- teti svayaM tAshapAshabaddhaH || 62|| baddhastvamastAshritakarmabandha haiya~NgavInApahR^itiM vidhAya | shApAdadAH mochanamarjunAbhyA\- mulUkhalAkarShaNalIlayaiva || 63|| ##missing in the manuscript ## kathaM tathApyarjunanAshahetu\- bhUtAM vyatAnIratibAlalIlAm || 64|| lAsyaM surasyaM navanItamoSha\- roShopashAntyai vrajasundarINAm | puraH karasthe navanIta bhANDe vyadhA yathA tA hR^iShitA bhaveyuH || 65|| yuto.aprajenesha samagrabAla\- lIlArasaughAna rasikopasevyAn | devakyalabhyAn kalabhapragalbha sadA yashodAsulabhAn vyatAnIH || 66|| nItaM tvayA dugdhamukhaM yadR^iddhiM nandavraje nanditagokulena | shrIrAjagopAla sabAlalIlaM steyena tatsarvamahAryanUnam || 67|| nUnaM mitho gopavadhUmano.api manoharatvaM navanItachoraH | mohAjjavenApajahartha tena nAtAni tAbhistvayi roShaleshaH || 68|| shaste tvayA vatsala vatsadaitye tvatpAlitAn bAla vilAsakAle | vatsAn visha~Nke tridashAstvadIyA\- vatArachAritrasarUparUpAn || 69|| pAtuM gavAM vR^indamatha pravR^itto vR^indAvanAnte yadunandana tvam | veNukvaNeneva vidhAya tR^iptiM nivartayAmAsitha chitracharya || 70|| yadA bhavAn bhAvukaveNunAdA\- dunmAdayAmAsa tadA tvadAdi | jaDAjaDAtmatvavibhAgashUnya\- maho babhUvAkhilamanyadeva || 71|| devesha tAdR^i~NmuralIninAda\- sonmAdachittA vrajasundarA~NgyaH | tyaktAnyayogAstvayi sAnurAgA babhU vurityatra vichitratA kA || 72|| kAntasmitAla~NkR^itavaktrachandra\- sa~NgakvaNadveNukanatkarAbjam | vyatyastapAdAmbujamambujAkSha bhavadvapurbhaktajanopajIvyam || 73|| vyaktoktibha~NgI muralI sakhI te ghoShA~NganAnAM kR^itachittamohA | shR^i~NgAralIlArasachArurAsa\- vilAsasAchivyakarI kilAsIt || 74|| sIdatsu sarveShu viShAgnimishra kR^iShNApayaHpAnavashAt kishoraH | bhavAnabhIH kAliyamastaratna\- ruchyarchitA~NghriH praNanarta chitram || 75|| trAtastvasau keshavasheShito.api sheShatvasampadbhavanaM babhUva | nR^ityatvadIyA~NghriyugA~Nkanena nityaprasaktasvaphaNAsahastraH || 76|| sahasrasa~NkhyaiH sapayobhirahni saha svachittAnuvidhAyikR^ityaiH | gopAlabAlairyamunAvanAnte tadIyadArairvyaharadrajanyAm || 77|| nyAyyaM kimetadrajakanyakAsu sarovihAraikaparAsu rAjan | gR^ihItatIrasthadukUlaka sma kundasthitaH prArthayase.a~njaliM tAH || 78|| tAbhiH kR^itashchaikakarA~njalistvaM kAryAntarAsaktakarAntarAbhiH | akAryamevAkathayo vidhij~na virodhagandho.atra kathaM vidhInAm || 79|| nAnyachcharitraM bhavato.atichitraM yatsatpavarSho.api cha saptavarShAt | dInAni dInAni gavAM kulAni lIloddhR^itAdriH samapAlayastvam || 80|| tvadIyasa~Nkalpalanena deva rakShA yadi sthAvaraja~NgamAnAm | mahIghramuddhR^itya bhujena varShAt gogoparakShA rachitA nu chitrA || 81|| trAtuM tvayi svAnachirAdarAtIn nirAchikIrShatyapi kaMsakarNe | jajApa vR^indAvanavAsinaM tvAM tvarAnvitastasya vadhe surarShiH || 82|| surarShivR^indairapi chintyamAnaM pAdAravindaM tava nandasUno | brahmA . . . . . . sthiratrasAnAM sulabhaM babhUva || 83|| vadhAya kaMsasya rathAdhirUDhe vihAya gopIM madhurAM yathAsau | . . . . . . . . . niraNAyi bhogaH || 84|| gachChaMshcha vIthyAM mathurAvadhUbhiH kubjA~NgavairUpyanirAkR^itij~naH | bAlaH kilAyaM vasudevasU nu\- riti smarasmeramudIkShyase sma || 85|| smR^itatvadIyAkhilabAlalIlau jagatpitaratvaM pitarau vimuchya | banddhAdvyadhAH kaMsakR^itA svarUpa\- sAkShAtkR^itiprItiyutau nitAntam || 86|| nitAntatAntAM shishupAlapApa\- prasaktivArtAshravaNena kR^iShNa | tvAM rukmiNIM rukmasamAnashobhA\- mAhR^itya hR^idyAmakR^ithAH kR^itArthAm || 87|| arthAdamartyAdhipateramitrAn saMhartumudyuktamanA manAk tvam | satyAnurodhAdakaronmurAre puraM surAvAsamapArijAtam || 88|| taM tvAM bhajantaH sharaNaM sharaNyaM raNeShu pArthAtra bhavat kR^itArthAH | pA~nchAlaputrIparibhUtidhUti\- pravINanAmasmaraNaprabhAvA || 89|| bhAvAhitatvanmahimaprarohA bhartuH shukavyAsaparAsharAdyAH | shrIrAjagopAla tavAkhilAsu lIlAsu kUla~NkaShavAgvilAsAH || 90|| vilAsavatyaMsakasavyahastaM smerAnanAbjaM kamanIyakAyam | karAntareNAdR^itakeliyaShTi\- mabhIShTadaM tvAM sharaNaM bhajeyam || 91|| jayaM yadIdaM kalikAlakhelad durvR^ittajAtaM tava kalkimUrtyA adyaiva sadyAchanayAnavadya tathA yatethAH svajanAvanAya || 92|| yadeva devAtra paratra chApi hitaM satAM chAnumataM hitaj~na | tanme tavA~NghrI sharaNaM gatAya ramyaM ramAdhIsha vidhehi samyak || 93|| samIchyasamyaktvadhiyA vimugdho samIchi samyaktvadhiyA cha nAtha | kathaM tvahaM me hitametadeva | tadeva dehItyapi yAchitAhe || 94|| he deva bhogIshakhageshamukhyai\- rdivyairdivArAtravibhAgashUnyam | saMsevyamAnaM tava pAdapadma\- yugaM kadAhaM karavANi sAkShAt || 95|| kShAntiH kShamAnAtha madIyadoSha\- lAbhAdalabhyAdakhile.api loke | atIva sauhityamupetya muktiM baddhAt svatantrAnmama saMvidhattAm || 96|| tAmeva devIM sharaNaM prapadye dadhAma hetuM mahatIM tvadIyAm | yAsIt svayaM saMsR^itichakavAtyA\- bhramAtiduHkhyajjanajIvanAya || 97|| yatsatsu vAtsalyamiti prasiddhaM tvadIyakalyANaguNeShu ratnam | tadeva pUrvottaradoSharAshI upekShya rakShediti nishchayo me || 98|| medhA dR^iDhA mAdhava te paratve.a\- pyapAyatAyAM yadupeyatAyAm | parIkShya rakSha tritayaM tadetat samagramAgo.anyadupekShaNArham || 99|| arhadbhira~Nghryorbhavato.arpitaM mAM sahAsmadIyena dayArdrachitta | shrIrAjagopAla tathA vidhehi yathA bhaveyaM bhR^itaki~NkarashrIH || 100|| iti shrIrAjagopAlastavaH sampUrNaH | ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}