% Text title            : Saranatha Stotram
% File name             : sAranAthastotram.itx
% Category              : vishhnu, stotra
% Location              : doc\_vishhnu
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Saranatha Stotram ..}##
\itxtitle{.. sAranAthastotram ..}##\endtitles ##
sArakShetrapatiM sarojajapatiM sArAtidUraM sadA
      sAraM sAravimAnagaM suravaraM sAreshvarInAyakam |
nityaM sArasarovare virachitasnAnadvijArAdhitaM
      saMsArAbdhitariM sarojanayanaM taM sAranAthaM bhaje || 1||
sarvatattvAlaya shrIman vyAkR^itAdhashiro hare |
paramAtman sAranAtha rakSha mAM sharaNAgatam || 2||
samastajagadAdhAra sha~NkhachakragadAdhara |
sAranAtha mamAnuj~nAM dehi tvattIrthasevane || 3||
sArakShetre sAranAthaH sArapuShkariNItaTe |
ramayA sAranAyakyA vimAne sArasAnj~nake || 4||
avyAjakR^ipayA nityaM tatra sannihito hariH |
shritAbhIShTaM dadannityaM modate sUribhiH saha || 5||
pa~nchasAramidaM nityaM yaH smaret prayataH pumAn |
sa sarvAnarthitAnarthAn dhruvamApnoti pUruShaH || 6||
nAchyAruchAruvadanAmbujarAjahaMsaM
      satsArakhachcharitapUrNamudArahAsam |
saMsArasAgaratariM hR^idayAbjavAsaM
      taM shrInivAsamamajaM svaramAvataMsam || 7||
namaste sAranAthAya kAverIvaradAyine |
sarvapApavinAshAya sarvAbhIShTapradAyine || 8||
sArakShetra nivAsAya sArapuShkariNItaTe |
yasya prasAdAt kAverI ga~NgAdhikyaM purA gatA || 9||
bhaktAbhIShTaphalapradA~NghriyugalaM kausheyarAjatkaTiM
      lakShmIma~Ngalamandirorasi lasanmuktAvalIkaustubham |
hastaiH sha~NkharathA~Ngapa~NkajagadA bibhrANamabhrAkR^itiM
      rAkAchandramukhaM sujAtamakuTaM shrIsAranAthaM bhaje || 10||
sArakShetre pavitre sujanasukhakare sArakAsAratIre
      sArAvyavyomayAne virachitanilayaH sAranechyA sametaH |
sArAmbhodhAnaka~njAyitanayanayugaH phAlasaundaryasAraH
      saMsArAbdherasArAt sa hariravatu mAM sAranAtho rameshaH || 11||
AloDya chintitapadA shrutirAha yasmA\-
      dAstambamAmbujabhavendushiromaNibhyAm |
utpattijIvanalayAnuditAnyayoga\-
      hAnaM shriyaHpatimamuM hR^idi chintayAmaH || 12||
yasmAdatharvashikhayA druhiNasvamUrti\-
      rudrendramUlajagato.abhihitA prasUtiH |
pai~NgyashrutisphuTagatipratipannarUpA
      padmAsanaM tamanishaM praNamAmi devam || 13||
yatpatnIdR^iShTileshAd druhiNaharamukhA labdhasattAH surendrA
      yadbhaktAnAM niyamyAH sakalasuragaNA brahmarudrendramukhyAH |
yatpAdakShAlanAmbu prathayati shuchitAM chandramauleshcha loke
      tasmai nArAyaNAya pravitanuta nutiM sarvabhUtAntarAya || 14||
brahmeshAderniyantA paramapuruSha ityAha nityA hi vANI
      puMvAkyaistasya bAdhaH kathamiva bhavitA prAptadoShaprabhedaiH |
dUrApAstaM cha gaurImadhumathanabhidAbAdhakaM vAvayajAlaM
      lakShmIshaM taM prapadye pratibhaTarahitaprAbhavodbhUtibhavyam || 15||
vedAnteShu pratItAt taditarabhajanAd yasya bhaktiH prakR^iShTA
      tatraiva sthAnamagryaM sphurati vidhishivasthAnato.apyUrdhvadeshe |
lakShmyA sArdhaM tamekaM hR^idayasarasije brahmavidyApradAtryA
      devaM nArAyaNAkhyaM bhavajaladhisamuttAraNaM saMshrayAmaH || 16||

iti shrIsAranAthastotraM sampUrNam |

stotrasamuchchayaH 2 (76)
##
The God Saranatha at Tirucherai (near Kumbakonam)
is eulogized in this stotra (76) describing
the various sacred objects in that place.


Proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}