% Text title            : Sankirna Padyani
% File name             : sankIrNapadyAni.itx
% Category              : vishhnu, vishnu, moropanta, raama, hanumaana
% Location              : doc\_vishhnu
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sankirna Padyani ..}##
\itxtitle{.. sa~NkIrNapadyAni ..}##\endtitles ##
                     1
(1)vAtanandanamanaHshAntikaracharaNajalajAta kushatAta kAruNyasindho!
shAtakumbhAbhapaTa pAtakApaha dharaNijAtapaHphala dInalokabandho! |
rAma rAjIvadalanayana raghuvIra ravivaMshabhUShaNaratna rAvaNAre ! \-dhruva0|| 1||
(2)chAponigamAntaga sadApadapahArarata tApasArAdhyapada puNyamUrte! |
(3) kShmApavara (4)kusuravanitApavAdAghasantApabha~njana bhuvanagItakIrte! rAma || 2||
rakShasAmantachatura kShamApAlanapara kShapAnAthajitavadanakAnte ! |
rakSha (5)romajamudAra kShamAdiguNanikarakShaya smR^itirastu mayi tavAnte !rAma || 3||

                     2
kathaM taM na bhaje pAvanakatham | shamitAmitahR^idvyathaM kathaM \-dhruva0||
trAtuM (6)kShamamanalasamakhilaM jagadidaM khalu yathAtathaM |
kurvataM sharaNAgatasamavanamatulavipadi sashapatham | kathaM0|| 1||
paritasaMshritajanaghanadhanatanayAdyakhilamanorathaM |
(7)kamalAvaramajamamalAshayamarikaramaNDajavararatham | kathaM0|| 2||
bhakkamayUradayAghanaminakulapatimatibhAvukapathaM |
yamabhajato januramapaterapi varamapi bhavati vitatham | kathaM0|| 3||

                     3
vakSha sakalabhaktavR^indarakShaNapravINacharaNa dakShamahAdhvaravinAshadakSha chandragiripayo\-
valakShadeha rakSha mAM drutaM
yakShanAthasakha bhavAbhidhAryupadrutaM
na kShamatyaja kShamasva bahubhayAdrutam || 1||
sha~NkaregA shiva sharaNya shamashevadhe! \-dhruva0||
svarvadhUsamarchitA~Nghriparva samuditendukAntigarvataskarAsyapadma parvatendrajAdhava gandharva\-
gItaguNajagatpate
sharva! | kurvaye! dayAM tvada~Nghriyuganate
sarvabhuvananAtha na samuchitamado nate | sha~Nkaresha || 2||
bhAladR^igAvirbhavatkarAlavItihotrakharajvAladagdharatiprANapAla sajjanasvamAna\-
sAlayAdya pAlayAkulaM
vyAlamuNDamAladhara na me.anyadiha balaM
kAlakUTakaNTha samava (8) rAmasutamalam | sha~Nkaresha0|| 3||

                     4
(9)kuNDalIshashayana makarakuNDalinanantaguNa mR^ikaNDatanayadarshitachidakhaNDamodarUpa sadaghakhaNDa naikapaNDitaprabho!
puNDarakivarada bhuvanamaNDanAdya bho! |
puNDarIkanayana shamaya bhavabhayaM vibho ! | ! || 1||
pANDura~Nga mAmihAva sharaNAgataM \-dhruva0||
chaNDaparAkrama svabhujadaNDabalavimarditArimaNDalAnavadyaguNakaraNDa (10)mukulatalasva
chChagaNDatustuNDajanitano(11) !
khaNDaparashujapyanAmadheyasanmano
aNDakUparomakUpasakalatanutano! pANDura~Nga || 2||
aNDajendravAhana vetaNDaparitrANapaTUddaNDadayAdhArahR^idAkhaNDalAnujane shirasya~njali
nidhAya nutirataM
daNDavat praNamya chintayantamavirataM
daNDapANibhItimalaM rAmasutamitam | pANDura~Nga || 3||

                     5
brahmapurandaramukhavR^indArakavR^indavandyamIshvaraM
mandaramandiramindIvaradalaruchibandhurakandharam || 1||
vande manmathaharam | haraM taM \-dhruva0||
himanagapatinijaduhitR^imukhasalilaruhamadhurasamadhukaraM
svacharaNayugaparicharaNaratahR^idayajanasamudayasukhakaram | haraM tam || 2||
vAmadevamamitAmaranutapadatAmarasaM sukhakaraM
rAmatanUjabhavAmayavaidyamakAmadattaparavaram | haraM tam || 3||

iti shrIrAmanandanamayUreshvarakR^itA sa~NkIrNapadyANi samAptA |
1| vAtanandano hanUmAMstasya manaHshAntikaraM charaNajalajAtaM charaNakamalaM yasya natsambuddhau | \ldq{}shAta\rdq{} iti lipikarapramAdaH |
2| dhanurvedapAraga |
3| bhUpatishreShTha
4| kusuro bhUsuro gautamaH |
5| rAmajaM rAmanandanaM mayUra kavim |
6| analasamAlasyarahinam |
7| arikaraM chakrapANim |
8| samava samyaktayA rakShetyarthaH |
9| kuNDalAMshaH sAdhirAjaH | sheSha iti yAvat |
10| ralayorabhedAnmukulo mukuraH | darpaNa ityarthaH |
11| chatustuNDo brahmA |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}