% Text title            : sarvottamastotram
% File name             : sarvottamastotram.itx
% Category              : vishhnu, krishna, puShTimArgIya
% Location              : doc\_vishhnu
% Author                : agnikumAra
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIsarvottamastotram ..}##
\itxtitle{.. shrIsarvottamastotram ..}##\endtitles ##

prAkR^itadharmAnAshrayamaprAkR^itanikhiladharmarUpamiti |
nigamapratipAdyaM yatachChuddhaM sAkR^iti staumi || 1||
kalikAlatamashChannadR^iShTitvAdviduShAmapi |
sampratyaviShayastasya mAhAtmyaM samabhUdbhuvi || 2||
dayayA nijamAhAtmyaM kariShyan prakaTaM hariH |
vANyA yadA tadA svAsyaM prAdurbhUtaM chakAra hi || 3||
taduktamapi durbodhaM subodhaM syAdyathA tathA |
tannAmAShTottarashataM pravakShyAmyakhilAghahR^it || 4||
R^iShiragnikumArastu nAmnA Chando jagatyasau |
shrIkR^iShNA.asyaM devatA cha bIjaM kAruNikaH prabhuH || 5||
viniyogo bhaktiyogapratibandhavinAshane |
kR^iShNAdharAmR^itAsvAdasiddhiratra na saMshayaH || 6||
AnandaH paramAnandaH shrIkR^iShNAsyaM kR^ipAnidhiH |
daivoddhAraprayatnAtmA smR^itimAtrArtinAshanaH || 7||
shrIbhAgavatagUDhArthaprakAshanaparAyaNaH |
sAkArabrahmavAdaikasthApako vedapAragaH || 8||
mAyAvAdanirAkartA sarvavAdinirAsakR^it |
bhaktimArgAbjamArtaNDaH strIshUdrAdyuddhR^itikShamaH || 9||
a~NgIkR^ityaiva gopIshavallabhIkR^itamAnavaH |
a~NgIkR^itau samaryAdo mahAkAruNiko vibhuH || 10||
adeyadAnadakShashcha mahodAracharitravAn |
prAkR^itAnukR^itivyAjamohitAsuramAnuShaH || 11||
vaishvAnaro vallabhAkhyaH sadrUpo hitakR^itsatAm |
janashikShAkR^ite kR^iShNabhaktikR^innikhileShTadaH || 12||
sarvalakShaNasampannaH shrIkR^iShNaj~nAnado guruH |
svAnandatundilaH padmadalAyatavilochanaH || 13||
kR^ipAdR^igvR^iShTisaMhR^iShTadAsadAsIpriyaH patiH |
roShadR^ikpAtasampluShTabhaktadviD bhaktasevitaH || 14||
sukhasevyo durArAdhyo durlabhA~NghrisaroruhaH |
ugrapratApo vAksIdhupUritAsheShasevakaH || 15||
shrIbhAgavatapIyUShasamudramathanakShamaH |
tatsArabhUtarAsastrIbhAvapUritavigrahaH || 16||
sAnnidhyamAtradattashrIkR^iShNapremA vimuktidaH |
rAsalIlaikatAtparyaH kR^ipayaitatkathApradaH || 17||
virahAnubhavaikArthasarvatyAgopadeshakaH |
bhaktyAchAropadeShTA cha karmamArgapravartakaH || 18||
yAgAdau bhaktimArgaikasAdhanatvopadeshakaH |
pUrNAnandaH pUrNakAmo vAkpatirvibudheshvaraH || 19||
kR^iShNanAmasahasrasya vaktA bhaktaparAyaNaH |
bhaktyAchAropadeshArthanAnAvAkyanirUpakaH || 20||
svarthojjhitAkhilaprANapriyastAdR^ishaveShTitaH |
svadAsArthakR^itAsheShasAdhanaH sarvashaktidhR^ik || 21||
bhuvi bhaktiprachAraikakR^ite svAnvayakR^itpitA |
svavaMshe sthApitAsheShasvamAhAtmyaH smayApahaH || 22||
pativratApatiH pAralaukikaihikadAnakR^it |
nigUDhahR^idayo.ananyabhakteShu j~nApitAshayaH || 23||
upAsanAdimArgAtimugdhamohanivArakaH |
bhaktimArge sarvamArgavailakShaNyAnubhUtikR^it || 24||
pR^ithaksharaNamArgopadeShTA shrIkR^iShNahArdavit |
pratikShaNaniku~njasthalIlArasasupUritaH || 25||
tatkathAkShiptachittastadvismR^itAnyo vrajapriyaH |
priyavrajasthitiH puShTilIlAkartA rahaHpriyaH || 26||
bhaktechChApUrakaH sarvAj~nAtalIlo.atimohanaH |
sarvAsakto bhaktamAtrAsaktaH patitapAvanaH || 27||
svayashogAnasaMhR^iShTahR^idayAmbhojaviShTaraH |
yashaHpIyUShalaharIplAvitAnyarasaH paraH || 28||
lIlAmR^itarasArdrArdrIkR^itAkhilasharIrabhR^it |
govardhanasthityutsAhastallIlApremapUritaH || 29||
yaj~nabhoktA yaj~nakartA chaturvargavishAradaH |
satyapratij~nastriguNAtIto nayavishAradaH || 30||
svakIrtivardhanastattvasUtrabhAShyapradarshakaH |
mAyAvAdAkhyatUlAgnirbrahmavAdanirUpakaH || 31||
aprAkR^itAkhilAkalpabhUShitaH sahajasmitaH |
trilokIbhUShaNaM bhUmibhAgyaM sahajasundaraH || 32||
asheShabhaktasamprArthyacharaNAbjarajodhanaH |
ityAnandanidheH proktaM nAmnAmaShTottarashatam || 33||
shraddhAvishuddhabuddhiryaH paThatyanudinaM janaH |
sa tadekamanAH siddhimuktAM prApnotyasaMshayam || 34||
tadaprAptau vR^ithA mokShastadAptau tadgatArthatA ||
ataH sarvottamastotraM japyaM kR^iShNarasArthibhiH || 35||

iti shrImadagnikumAraproktaM sarvottamastotraM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}