% Text title : kRiShNasahasranAmam gargasaMhitAntargatam % File name : shrIkRiShNasahasranAmamgargasamhitA.itx % Category : sahasranAma, vishhnu, krishna, stotra, vishnu % Location : doc\_vishhnu % Transliterated by : Vishwas Bhide vrbhide rediffmail.com, PSA Easwaran % Proofread by : PSA Easwaran % Acknowledge-Permission: Vishwas Bhide http://satsangdhara.net % Latest update : September 28, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. ShriKrishnasahasranAmstotra from Gargasamhita ..}## \itxtitle{.. gargasaMhitAntargataM shrIkR^iShNasahasranAmam ..}##\endtitles ## garga uvAcha | athograseno nR^ipatiH putrasyAshAM visR^ijya cha | vyAsaM paprachCha sandehaM j~nAtvA vishvaM manomayam || 1|| ugrasena uvAcha brahman kena prakAreNa hitvA cha jagataH sukham | bhajet kR^iShNaM paraMbrahma tanme vyAkhyAtumarhasi || 2|| vyAsa uvAcha | tvadagre kathayiShyAmi satyaM hitakaraM vachaH | ugrasena mahArAja shR^iNuShvaikAgramAnasaH || 3|| sevanaM kuru rAjendra rAdhAshrIkR^iShNayoH param | nityaM sahasranAmabhyAmubhayorbhaktitaH kila || 4|| sahasranAma rAdhAyA vidhirjAnAti bhUpate | sha~Nkaro nAradashchaiva kechidvai chAsmadAdayaH || 5|| ugrasena uvAcha | rAdhikAnAmasAhasraM nAradAchcha purA shrutam | ekAnte divyashibire kurukShetre ravigrahe || 6|| na shrutaM nAmasAhasraM kR^iShNasyAkliShTakarmaNaH | vada tanme cha kR^ipayA yena shreyo.ahamApnuyAm || 7|| garga uvAcha | shrutvograsenavachanaM vedavyAso mahAmuniH | prashasya taM prItamanAH prAha kR^iShNaM vilokayan || 8|| vyAsa uvAcha | shR^iNu rAjan pravakShyAmi sahasraM nAma sundaram | purA svadhAmni rAdhAyai kR^iShNenAnena nirmitam || 9|| shrIbhagavAnuvAcha | idaM rahasyaM kila gopanIyaM datte cha hAniH satataM bhaveddhi | mokShapradaM sarvasukhapradaM shaM paraM parArthaM puruShArthadaM cha || 10|| rUpaM cha me kR^iShNasahasranAma paThettu madrUpa iva prasiddhaH | dAtavyamevaM na shaThAya kutra na dAmbhikAyopadishet kadApi || 11|| dAtavyamevaM karuNAvR^itAya gurvaMghribhaktipraparAyaNAya | shrIkR^iShNabhaktAya satAM parAya tathA madakrodhavivarjitAya || 12|| OM asya shrIkR^iShNasahasranAmastotramantrasya nArAyaNaR^iShiH | bhuja~NgaprayAtaM ChandaH | shrIkR^iShNachandro devatA | vAsudevo bIjam | shrIrAdhA shaktiH | manmathaH kIlakam | shrIpUrNabrahmakR^iShNachandrabhaktijanmaphalaprAptaye jape viniyogaH || atha dhyAnam | (bhuja~NgaprayAtam) shikhimukuTavisheShaM nIlapadmA~NgadeshaM vidhumukhakR^itakeshaM kaustubhApItavesham | madhuraravakaleshaM shaM bhaje bhrAtR^isheShaM vrajajanavaniteshaM mAdhavaM rAdhikesham || 13|| iti dhyAnam || OM harirdevakInandanaH kaMsahaMtA parAtmA cha pItAmbaraH pUrNadevaH | rameshastu kR^iShNaH pareshaH purANaH suresho.achyuto vAsudevashcha devaH || 14|| dharAbhArahartA kR^itI rAdhikeshaH paro bhUvaro divyagolokanAthaH | sudAmnastathA rAdhikAshApaheturghR^iNI mAninImAnado divyalokaH || 15|| lasadgopaveSho hyajo rAdhikAtmA chalatkuNDalaH kuntalI kuntalasrak | rathasthaH kadA rAdhayA divyaratnaH sudhAsaudhabhUchAraNo divyavAsAH || 16|| kadA vR^indakAraNyachArI svaloke mahAratnasiMhAsanasthaH prashAntaH | mahAhaMsabhai(?)shchAmarairvIjyamAnashchalachChatramuktAvalIshobhamAnaH || 17|| sukhI koTikandarpalIlAbhirAmaH kvaNannUpurAla~gkR^itAMghriH shubhAMghriH | sujAnushcha raMbhAshubhoruH kR^ishA~NgaH pratApI bhushuNDAsudordaNDakhaNDaH || 18|| japApuShpahastashcha shAtodarashrIrmahApadmavakShasthalashchandrahAsaH | lasatkundadantashcha bimbAdharashrIH sharatpadmanetraH kirITojjvalAbhaH || 19|| sakhIkoTibhirvartamAno niku~nje priyArAdhayA rAsasakto navA~NgaH | dharAbrahmarudrAdibhiH prArthitaH saddharAbhAradUrIkR^itArthaM prajAtaH || 20|| yadurdevakIsaukhyado bandhanachChit sasheSho vibhuryogamAyI cha viShNuH | vraje nandaputro yashodAsutAkhyo mahAsaukhyado bAlarUpaH shubhA~NgaH || 21|| tathA pUtanAmokShadaH shyAmarUpo dayAlustvanobha~njanaH pallavAMghriH | tR^iNAvartasaMhArakArI cha gopo yashodAyasho vishvarUpapradarshI || 22|| tathA gargadiShTashcha bhAgyodayashrIH lasadbAlakeliHsarAmaH suvAchaH | kvaNannUpuraiH shabdayugri~NgamANastathA jAnuhastairvrajeshA~NgaNe vA || 23|| dadhispR^ikcha haiya~NgavIdugdhabhoktA dadhisteyakR^iddugdhabhugbhANDabhettA | mR^idaM bhuktavAn gopajo vishvarUpaH prachaNDAMshuchaNDaprabhAmaNDitA~NgaH || 24|| yashodAkarairvardhanaM prApta Adyo maNigrIvamuktiprado dAmabaddhaH | kadA nR^ityamAno vraje gopikAbhiH kadA nandasannandakairlAlyamAnaH || 25|| kadA gopanandAMkagopAlarUpI kalindA~NgajAkUlago vartamAnaH | ghanairmArutaishchChannabhANDIradeshe gR^ihIto varo rAdhayA nandahastAt || 26|| niku~nje cha golokalokAgate.api mahAratnasa~NghaiH kadambAvR^ite.api | tadA brahmaNA rAdhikAsadvivAhe pratiShThAM gataH pUjitaH sAmamantraiH || 27|| rasI rAsayu~NmAlatInAM vane.api priyArAdhayA.a.arAdhitArtho rameshaH | ## variation ## priyArAdhayA rAdhikArtham dharAnAtha AnandadaH shrIniketo vanesho dhanI sundaro gopikeshaH || 28|| kadA rAdhayA prApito nandagehe yashodAkarairlAlito mandahAsaH | bhayI kvApi vR^indArakAraNyavAsI mahAmandire vAsakR^iddevapUjyaH || 29|| vane vatsachArI mahAvatsahArI bakAriH suraiH pUjito.aghArinAmA | vane vatsakR^idgopakR^idgopaveShaH kadA brahmaNA saMstutaH padmanAbhaH || 30|| vihArI tathA tAlabhugdhenukAriH sadA rakShako goviShArthipraNAshI | kalindA~NgajAkUlagaH kAliyasya damI nR^ityakArI phaNeShvaprasiddhaH || 31|| salIlaH shamI j~nAnadaH kAmapUrastathA gopayuggopa AnandakArI | sthirIhyagnibhukpAlako bAlalIlaH surAgashcha vaMshIdharaH puShpashIlaH || 32|| pralambaprabhAnAshako gauravarNo balo rohiNIjashcha rAmashcha sheShaH | balI padmanetrashcha kR^iShNAgrajashcha dhareshaH phaNIshastu nIlAmbarAbhaH || 33|| mahAsaukhyado hyagnihAro vrajeshaH sharadgrIShmavarShAkaraH kR^iShNavarNaH | vraje gopikApUjitashchIrahartA kadambe sthitashchIradaH sundarIshaH || 34|| kShudhAnAshakR^idyaj~napatnImanaHspR^ikkR^ipAkArakaH kelikartAvanIshaH | vraje shakrayAgapraNAshI mitAshI shunAsIramohaprado bAlarUpI || 35|| gireH pUjako nandaputro hyagadhraH kR^ipAkR^ichcha govardhanoddhArinAmA | tathA vAtavarShAharo rakShakashcha vrajAdhIshagopA~NganAsha~NkitaH san || 36|| agendropari shakrapUjyaH stutaH prA~NmR^iShAshikShako devagovindanAmA | vrajAdhIsharakShAkaraH pAshipUjyo.anujairgopajairdivyavaikuNThadarshI || 37|| chalachchAruvaMshIkvaNaH kAminIsho vraje kAmInImohadaH kAmarUpaH | rasAkto rasI rAsakR^idrAdhikesho mahAmohado mAninImAnahArI || 38|| vihArI varo mAnahR^idrAdhikAMgo dharAdvIpagaH khaNDachArI vanasthaH | priyo hyaShTavakrarShidraShTA sarAdho mahAmokShadaH padmahArI priyArthaH || 39|| vaTasthaH surashchandanAktaH prasakto vrajaM hyAgato rAdhayA mohinIShu | mahAmohakR^idgopikAgItakIrtI rasasthaH paTI duHkhitAkAminIshaH || 40|| vane gopikAtyAgakR^itpAdachihnapradarshI kalAkArakaH kAmamohI | vashI gopikAmadhyagaH peshavAchaH priyAprItikR^idrAsaraktaH kaleshaH || 41|| rasAraktachitto hyanantasvarUpaH srajA saMvR^ito vallavImadhyasaMsthaH | subAhuH supAdaH suveshaH sukesho vrajeshaH sakhA vallabheshaH sudeshaH || 42|| kvaNatki~NkiNIjAlabhR^innUpurADhyo lasatka~NkaNo hya~NgadI hArabhAraH | kirITI chalatkuNDalashchA~NgulIyasphuratkaustubho mAlatImaNDitA~NgaH || 43|| mahAnR^ityakR^idrAsara~NgaH kalADhyashchaladdhArabho bhAminInR^ityayuktaH | kalindA~NgajAkelikR^itkuMkumashrIH surairnAyikAnAyakairgIyamAnaH || 44|| sukhADhyastu rAdhApatiH pUrNabodhaH kaTAkShasmitIvalgitabhrUvilAsaH | suramyo.alibhiH kuntalAlolakeshaH sphuradbarhakundasrajA chAruveShaH || 45|| mahAsarpato nandarakShAparAMghriH sadA mokShadaH sha~NkhachUDapraNAshI | ## variation ## mahAmokShadaH prajArakShako gopikAgIyamAnaH kakudmipraNAshaprayAsaH surejyaH || 46|| kaliH krodhakR^itkaMsamantropadeShTA tathAkrUramantropadeshI surArthaH | balI keshihA puShpavarSho.amalashrIstathA nAradAddarshito vyomahantA || 47|| tathAkrUrasevAparaH sarvadarshI vraje gopikAmohadaH kUlavartI | satIrAdhikAbodhadaH svapnakartA vilAsI mahAmohanAshI svabodhaH || 48|| vraje shApatastyaktarAdhAsakAsho mahAmohadAvAgnidagdhApatishcha | sakhIbandhanAnmohitAkrUra ArAtsakhIka~NkaNaistADitAkrUrarakShI || 49|| rathastho vraje rAdhayA kR^iShNachandraH sugupto gamI gopakaishchArulIlaH | jale.akrUrasandarshito divyarUpo didR^ikShuH purImohinIchittamohI || 50|| tathA ra~NgakArapraNAshI suvastraHsrajI vAyakaprItikR^inmAlipUjyaH | mahAkIrtidashchApi kubjAvinodI sphurachchaNDakodaNDarugNaprachaNDaH || 51|| bhaTArtipradaH kaMsaduHsvapnakArI mahAmallaveShaH karIndraprahArI | mahAmAtyahA ra~NgabhUmipraveshI rasADhyo yashaHspR^igbalI vAkpaTushrIH || 52|| mahAmallahA yuddhakR^itstrIvacho.arthI dharAnAyakaH kaMsahantA yaduHprAk | sadA pUjito hyugrasenaprasiddho dharArAjyado yAdavairmaNDitA~NgaH || 53|| guroH putrado brahmavidbrahmapAThI mahAsha~NkhahA daNDadhR^ikpUjya eva | vraje hyuddhavapreShito gopamohI yashodAghR^iNI gopikAj~nAnadeshI || 54|| sadA snehakR^itkubjayA pUjitA~NgastathAkrUragehaMgamI mantravettA | tathA pANDavapreShitAkrUra eva sukhI sarvadarshI nR^ipAnandakArI || 55|| mahAkShauhiNIhA jarAsandhamAnI nR^ipo dvArakAkArako mokShakartA | raNI sArvabhaumastuto j~nAnadAtA jarAsandhasa~NkalpakR^iddhAvadaMghriH || 56|| nagAdutpataddvArikAmadhyavartI tathA revatIbhUShaNastAlachihnaH | yadU rukmiNIhArakashchaidyavedyastathA rukmirUpapraNAshI sukhAshI || 57|| anantashcha mArashcha kArShNishcha kAmo manojastathA shambarArI ratIshaH | rathI manmatho mInaketuH sharI cha smaro darpako mAnahA pa~nchabANaH || 58|| priyaH satyabhAmApatiryAdavesho.atha satrAjitapremapUraH prahAsaH | mahAratnado jAmbavadyuddhakArI mahAchakradhR^ikkhaDgadhR^igrAmasaMdhiH || 59|| vihArasthitaH pANDavapremakArI kalindA~NgajAmohanaH khANDavArthI | sakhA phAlgunaprItikR^innagrakartA tathA mitravindApatiH krIDanArthI || 60|| nR^ipapremakR^idgojitaH saptarUpo.atha satyApatiH pAribarhI yatheShTaH | nR^ipaiH saMvR^itashchApi bhadrApatistu vilAsI madhormAninIsho janeshaH || 61|| shunAsIramohAvR^itaH satsabhAryaH satArkShyo murAriH purIsa~NghabhettA | suvIraHshiraHkhaNDano daityanAshI sharI bhaumahA chaNDavegaH pravIraH || 62|| dharAsaMstutaH kuNDalachChatrahartA mahAratnayug rAjakanyAbhirAmaH | shachIpUjitaH shakrajinmAnahartA tathA pArijAtApahArI rameshaH || 63|| gR^ihI chAmaraiH shobhito bhIShmakanyApatirhAsyakR^inmAninImAnakArI | tathA rukmiNIvAkpaTuH premagehaH satImohanaH kAmadevAparashrIH || 64|| sudeShNaH suchArustathA chArudeShNo.aparashchArudeho balI chAruguptaH | sutI bhadrachArustathA chAruchandro vichArushcha chArU rathI putrarUpaH || 65|| subhAnuH prabhAnustathA chandrabhAnurbR^ihadbhAnurevAShTabhAnushcha sAmbaH | sumitraH kratushchitraketustu vIro.ashvaseno vR^iShashchitragushchandrabimbaH || 66|| visha~Nkurvasushcha shruto bhadra ekaH subAhurvR^iShaH pUrNamAsastu somaH | varaH shAntireva praghoSho.atha siMho balo hyUrdhvagovardhanonnAda eva || 67|| mahAsho vR^ikaH pAvano vahnimitraH kShudhirharShakashchAnilo.amitrajichcha | subhadro jayaH satyako vAma AyuryaduH koTishaH putrapautraprasiddhaH || 68|| halI daNDadhR^igrukmihA chAniruddhastathA rAjabhirhAsyago dyUtakartA | madhurbrahmasUrbANaputrIpatishcha mahAsundaraH kAmaputro balIshaH || 69|| mahAdaityasaMgrAmakR^idyAdaveshaH purIbha~njano bhUtasaMtrAsakArI | mR^idhI rudrajidrudramohI mR^idhArthI tathA skandajitkUpakarNaprahArI || 70|| dhanurbha~njano bANamAnaprahArI jvarotpattikR^itsaMstutastu jvareNa | bhujAchChedakR^idbANasaMtrAsakartA mR^iDaprastuto yuddhakR^idbhUmibhartA || 71|| nR^igaM muktido j~nAnado yAdavAnAM rathastho vrajapremapo gopamukhyaH | mahAsundarIkrIDitaH puShpamAlI kalindA~NgajAbhedanaH sIrapANiH || 72|| mahAdaMbhihA pauNDramAnaprahAro shirashChedakaH kAshirAjapraNAshI | mahAkShauhiNIdhvaMsakR^ichchakrahastaH purIdIpako rAkShasInAshakartA || 73|| ananto mahIdhraH phaNI vAnarAriH sphuradgauravarNo mahApadmanetraH | kurugrAmatiryaggato gauravArthaH stutaH kauravaiH pAribarhI sasAmbaH || 74|| mahAvaibhavI dvArakesho hyanekashchalannAradaH shrIprabhAdarshakastu | maharShistuto brahmadevaH purANaH sadA ShoDashastrIsahasrasthitashcha || 75|||| gR^ihI lokarakShAparo lokarItiH prabhurhyugrasenAvR^ito durgayuktaH | tathA rAjadUtastuto bandhabhettA sthito nAradaprastutaH pANDavArthI || 76|| nR^ipairmantrakR^it hyuddhavaprItipUrNo vR^itaH putrapautraiH kurugrAmagantA | ghR^iNI dharmarAjastuto bhImayuktaH parAnandado mantrakR^iddharmajena || 77|| dishAjidbalI rAjasUyArthakArI jarAsandhahA bhImasenasvarUpaH | tathA viprarUpo gadAyuddhakartA kR^ipAlurmahAbandhanachChedakArI || 78|| nR^ipaiH saMstuto hyAgato dharmagehaM dvijaiH saMvR^ito yaj~nasaMbhArakartA | janaiH pUjitashchaidyadurvAkkShamashcha mahAmohado.areH shirashchChedakArI || 79|| mahAyaj~nashobhAkarashchakravartI nR^ipAnandakArI vihArI suhArI | sabhAsaMvR^ito mAnahR^itkauravasya tathA shAlvasaMhArako yAnahantA || 80|| sabhojashcha vR^iShNirmadhuHshUraseno dashArho yadurhyaMdhako lokajichcha | dyumanmAnahA varmadhR^igdivyashastrI svabodhaH sadA rakShako daityahantA || 81|| tathA dantavaktrapraNAshI gadAdhR^igjagattIrthayAtrAkaraH padmahAraH | kushI sUtahantA kR^ipAkR^itsmR^itIsho.amalo balvalA~NgaprabhAkhaNDakArI || 82|| tathA bhImaduryodhanaj~nAnadAtAparo rohiNIsaukhyado revatIshaH | mahAdAnakR^idvipradAridryahA cha sadA premayuk shrIsudAmnaH sahAyaH || 83|| tathA bhArgavakShetragantA sarAmo.atha sUryoparAgashrutaH sarvadarshI | mahAsenayA chAsthitaH snAnayukto mahAdAnakR^inmitrasammelanArthI || 84|| tathA pANDavaprItidaH kuntijArthI vishAlAkShamohapradaH shAntidashcha | vaTe rAdhikArAdhano gopikAbhiH sakhIkoTibhI rAdhikAprANanAthaH || 85|| sakhImohadAvAgnihA vaibhaveshaH sphuratkoTikandarpalIlAvisheShaH | sakhIrAdhikAduHkhanAshI vilAsI sakhImadhyagaH shApahA mAdhavIshaH || 86|| shataM varShavikShepahR^innandaputrastathA nandavakShogataH shItalA~NgaH | yashodAshuchaH snAnakR^ikdduHkhahantA sadAgopikAnetralagno vrajeshaH || 87|| stuto devakIrohiNIbhyAM surendro raho gopikAj~nAnado mAnadashcha | tathA saMstutaH paTTarAj~nIbhirArAddhanI lakShmaNAprANanAthaH sadA hi || 88|| tribhiH ShoDashastrIsahasrastutA~NgaH shuko vyAsadevaH sumantuH sitashcha | bharadvAjako gautamo hyAsuriH sadvasiShThaH shatAnanda AdyaH sarAmaH || 89|| muniH parvato nArado dhaumya indro.asito.atrirvibhANDaH prachetAH kR^ipashcha | kumAraH sanandastathA yAj~navalkyaH R^ibhurhya~NgirA devalaH shrImR^ikaNDaH || 90|| marIchI kratushchaurvako lomashashcha pulastyo bhR^igurbrahmarAto vasiShThaH | narashchApi nArAyaNo datta eva tathA pANiniH pi~Ngalo bhAShyakAraH || 91|| sakAtyAyano viprapAta~njalishchAtha gargo gururgIShpatirgautamIshaH | munirjAjaliH kashyapo gAlavashcha dvijaH saubharishcharShyashR^i~Ngashcha kaNvaH || 92|| dvitashchaikatashchApi jAtUdbhavashcha ghanaH kardamasyAtmajaH kardamashcha | tathA bhArgavaH kautsakashchAruNastu shuchiH pippalAdo mR^ikaNDasya putraH || 93|| sapailaHstathA jaiminiH satsumanturvaro gA~NgalaH sphoTagehaH phalAdaH | sadA pUjito brAhmaNaH sarvarUpI munIsho mahAmohanAsho.amaraH prAk || 94|| munIshastutaH shaurivij~nAnadAtA mahAyaj~nakR^ichchAbhR^itasnAnapUjyaH | sadA dakShiNAdo nR^ipaiH pAribarhI vrajAnandado dvArikAgehadarshI || 95|| mahAj~nAnado devakIputradashchAsuraiH pUjito hIndrasenAdR^itashcha | sadA phAlgunaprItikR^it satsubhadrAvivAhe dvipAshvaprado mAnayAnaH || 96|| bhuvaM darshako maithilena prayukto dvijenAshu rAj~nAsthito brAhmaNaishcha | kR^itI maithile lokavedopadeshI sadAvedavAkyaiH stutaH sheShashAyI || 97|| parIkShAvR^ito brAhmaNaishchAmareShu bhR^iguprArthito daityahA chesharakShI | sakhA chArjunasyApi mAnaprahArI tathA vipraputraprado dhAmagantA || 98|| vihArasthito mAdhavIbhiH kalA~Ngo mahAmohadAvAgnidagdhAbhirAmaH | yadurhyugraseno nR^ipo.akrUra eva tathA choddhavaH shUrasenashcha shUraH || 99|| hR^idIkashcha satrAjitashchAprameyo gadaH sAraNaH sAtyakirdevabhAgaH | tathA mAnasaH sa~njayaH shyAmakashcha vR^iko vatsako devako bhadrasenaH || 100|| nR^ipo.ajAtashatrurjayo mAdriputro.atha bhImaH kR^ipo buddhichakShushcha pANDuH | tathA shantanurdevabAhlIka evAtha bhUrishravAshchitravIryo vichitraH || 101|| shalashchApi duryodhanaH karNa eva subhadrAsuto viShNurAtaH prasiddhaH | sajanmejayaH pANDavaH kauravashcha tathA sarvatejA hariH sarvarUpI || 102|| vrajaM hyAgato rAdhayA pUrNadevo varo rAsalIlAparo divyarUpI | rathastho navadvIpakhaNDapradarshI mahAmAnado gopajo vishvarUpaH || 103|| sanandashcha nando vR^iSho vallabheshaH sudAmArjunaH saubalastoka eva | sakR^iShNo shukaH sadvishAlarShabhAkhyaH sutejasvikaH kR^iShNamitro varUthaH || 104|| kushesho vaneshastu vR^indAvaneshastathA mathureshAdhipo gokuleshaH | sadA gogaNo gopatirgopikesho.atha govardhano gopatiH kanyakeshaH || 105|| anAdistu chAtmA hariH pUruShashcha paro nirguNo jyotirUpo nirIhaH | sadA nirvikAraH prapa~nchAt parashcha sasatyastu pUrNaH pareshastu sUkShmaH || 106|| samatya ##??## dvArakAyAM tathA chAshvamedhasya kartA nR^ipeNApi pautreNa bhUbhArahartA | punaH shrIvraje rAsara~Ngasya kartA harI rAdhayA gopikAnAM cha bhartA || 107|| sadaikastvanekaH prabhApUritA~NgastathA yogamAyAkaraH kAlajichcha | sudR^iShTirmahattattvarUpaH prajAtaH sakUTastha AdyA~Nkuro vR^ikSharUpaH || 108|| vikArasthitashcha hyaha~NkAra eva savaikArikastaijasastAmasashcha | mano diksamIrasstu sUryaH pracheto.ashvivahnishcha shakro hyupendrastu mitraH || 109|| shrutistvakcha dR^igghrANajihvAgirashcha bhujAmeDhrakaH pAyura~NghriH sacheShTaH | dharAvyomavArmArutashchaiva tejo.atha rUpaM raso gandhashabdaspR^ishashcha || 110|| sachittashcha buddhirvirAT kAlarUpastathA vAsudevo jagatkR^iddhatA~NgaH | tathANDe shayAnaH sasheShaH sahasrasvarUpo ramAnAtha Adyo.avatAraH || 111|| sadA sargakR^itpadmajaH karmakartA tathA nAbhipadmodbhavo divyavarNaH | kavirlokakR^itkAlakR^itsUryarUpo nimeSho bhavo vatsarAnto mahIyAn || 112|| tithirvAranakShatrayogAshcha lagno.atha mAso ghaTI cha kShaNaH kAShThikA cha | muhUrtastu yAmo grahA yAminI cha dinaM charkShamAlAgato devaputraH || 113|| kR^ito dvAparastu tritastatkalistu sahasraM yugastatra manvantarashcha | layaH pAlanaM satkR^itistatparArdhaM sadotpattikR^iddvyakSharo brahmarUpaH || 114|| tathA rudrasargastu kaumArasargo muneH sargakR^iddevakR^itprAkR^itastu | shrutistu smR^itiH stotramevaM purANaM dhanurveda ijyAtha gAndharvavedaH || 115|| vidhAtA cha nArAyaNaH satkumAro varAhastathA nArado dharmaputraH | muniH kardamasyAtmajo datta eva sayaj~no.amaro nAbhijaH shrIpR^ithushcha || 116|| sumatsyashcha kUrmashcha dhanvantarishcha tathA mohinI nArasiMhaH pratApI | dvijo vAmano reNukAputrarUpo munirvyAsadevaH shrutistotrakartA || 117|| dhanurvedabhAgrAmachandrAvatAraH sasItApatirbhArahR^idrAvaNAriH | nR^ipaH setukR^idvAnarendraprahArI mahAyaj~nakR^idrAghavendraH prachaNDaH || 118|| balaH kR^iShNachandrastu kalkiH kaleshastu buddhaH prasiddhastu haMsaHstathAshvaH | R^iShIndro.ajito devavaikuNThanAtho hyamUrtishcha manvantarasyAvatAraH || 119|| gajoddhAraNaH shrImanurbrahmaputro nR^ipendrastu duShyantajo dAnashIlaH | saddR^iShTaH shruto bhUta evaM bhaviShyadbhavatsthAvaro ja~Ngamo.alpaM mahachcha || 120|| iti shrIbhuja~NgaprayAtena choktaM hare rAdhikeshasya nAmnAM sahasram | paThedbhaktiyukto dvijaH sarvadA hi kR^itArtho bhavetkR^iShNachandrasvarUpaH || 121|| mahApAparAshiM bhinatti shrutaM yatsadA vaiShNavAnAM priyaM ma~NgalaM cha | idaM rAsarAkAdine chAshvinasya tathA kR^iShNajanmAShTamImadhya eva || 122|| tathA chaitramAsasya rAkAdine vAtha bhAdre cha rAdhAShTamI saddine vA | paThedbhaktiyuktastvidaM pUjayitvA chaturdhA sumuktiM tanoti prashastaH || 123|| paThetkR^iShNapuryAM cha vR^indAvane vA vraje gokule vApi vaMshIvaTe vA | vaTe vAkShaye vA taTe sUryaputryAH sa bhakto.atha golokadhAma prayAti || 124|| bhajedbhaktibhAvAchcha sarvatrabhUmau hariM kutra chAnena gehe vane vA | jahAti kShaNaM no haristaM cha bhaktaM suvashyo bhavenmAdhavaH kR^iShNachandraH || 125|| sadA gopanIyaM sadA gopanIyaM sadA gopanIyaM prayatnena bhaktaiH | prakAshyaM na nAmnAM sahasraM hareshcha na dAtavyamevaM kadA lampaTAya || 126|| idaM pustakaM yatra gehe.api tiShThedvasedrAdhikAnAtha Adyastu tatra | tathA ShaDguNAH siddhayo dvAdashApi guNaistriMshadbhirlakShaNaistu prayAnti || 127|| iti shrImadgargasaMhitAyAM ashvamedhakhaNDe shrIkR^iShNasahasranAmavarNanaM nAmaikonaShaShTitamo.adhyAyaH || dashamakhaNDe adhyAya 59|| ## Encoded and proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}