% Text title            : Stavamritalahari Waves of Hymns of Nectar by Vishwanatha Chakravarti
% File name             : stavAmRRitalaharIsangraha.itx
% Category              : vishhnu, krishna, sangraha, vishvanAthachakravartin, stavAmRRitalaharI, aShTaka, laharI
% Location              : doc\_vishhnu
% Author                : Vishwanatha Chakravarti
% Transliterated by     : Jan Brzezinski (Jagadananda Das) jankbrz at yahoo.com and Neal Delmonico (Nitai Das) ndelmonico at sbcglobal.net
% Proofread by          : Jan Brzezinski, Neal Delmonico
% Acknowledge-Permission: http://granthamandira.net Gaudiya Grantha Mandira
% Latest update         : March 16, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Stavamritalahari Waves of Hymns of Nectar by Vishwanatha Chakravarti Thakkur  ..}##
\itxtitle{.. shrIstavAmR^italaharI ..}##\endtitles ##
shrIvishvanAthachakravartiThakkuravirachitA

  ##     Contents           ## anukramaNikA
  ##(1) Shri Gurudevashtakam ## (1) shrIgurudevAShTakam
  ##(2) Shri Gurucharanasmaranashtakam ## (2) shrIgurucharaNasmaraNAShTakam
  ##(3) Shri Paramaguruprabhuvarashtakam ## (3) shrIparamaguruprabhuvarAShTakam
  ##(4) Shri Ganganarayanadevashtakam ## (4) shrIga~NgAnArAyaNadevAShTakam
  ##(5) Shri Narottamashtakam ## (5) shrInarottamAShTakam
  ##(6) Shri Lokanathaprabhuvarashtakam ## (6) shrIlokanAthaprabhuvarAShTakam
  ##(7) Shri Shachinandanavijayashtakam ## (7) shrIshachInandanavijayAShTakam
  ##(8) Shri Manmahaprabhorashtakam Svarupacharitamritam ##
                        (8) shrImanmahAprabhoraShTakam shrIsvarUpacharitAmR^itam
  ##(9) Shri Svapnavilasamritashtakam ## (9) shrIsvapnavilAsAmR^itAShTakam
  ##(10) Shri Gopaladevashtakam ## (10) shrIgopAladevAShTakam
  ##(11) Shri Madanagopalashtakam ## (11) shrImadanagopAlAShTakam
  ##(12) Shri Govindadevashtakam ## (12) shrIgovindadevAShTakam
  ##(13) Shri Gopinathadevashtakam ## (13) shrIgopinAthadevAShTakam
  ##(14) Shri Gokulanandagovindadevashtakam ## (14) shrIgokulanandagovindadevAShTakam
  ##(15) Shri Svayambhagavattvashtakam ## (15) shrIsvayaMbhagavattvAShTakam
  ##(16) Shri Jaganmohanashtakam ## (16) shrIjaganmohanAShTakam
  ##(17) Shri Anuragavallih ## (17) shrIanurAgavalliH
  ##(18) Shri Vrindadevyashtakam ## (18) shrIvR^indAdevyaShTakam
  ##(19) Shri Radhikadhyanamritastotram ## (19) shrIrAdhikAdhyAnAmR^itastotram
  ##(20) Shri Rupachintamanih ## (20) shrIrUpachintAmaNiH
  ##(21) Shri Sankalpakalpadrumah ## (21) shrIsa~NkalpakalpadrumaH
  ##(22) Nikunjakelivirudavali ## (22) niku~njakelivirudAvalI
  ##(23) Suratakathamritam Aryashatakam ## (23) suratakathAmR^itaM Aryashatakam
  ##(24) Shri Nandishvarashtakam ## (24) shrInandIshvarAShTakam
  ##(25) Shri Vrindavanashtakam 2 ## (25) shrIvR^indAvanAShTakam 2
  ##(26) Shri Govardhanashtakam ## (26) shrIgovardhanAShTakam
  ##(27) Shri Krishnakundashtakam ## (27) shrIkR^iShNakuNDAShTakam
  ##(28) Shri Gitavali 2 ## (28) shrIgItAvalI 2
\chapter{##(1) Shri Gurudevashtakam ## .. (1) shrIgurudevAShTakam ..}
saMsAradAvAnalalIDhaloka
     trANAya kAruNyaghanAghanatvam |
prAptasya kalyANaguNArNavasya
     vande guroH shrIcharaNAravindam || 1||
mahAprabhoH kIrtananR^ityagIta
     vAditramadyanmanaso rasena |
romA~nchakampAshrutara~NgabhAjo
     vande guroH shrIcharaNAravindam || 2||
shrIvigrahArAdhananityanAnA
     shR^i~NgAratanmandiramArjanAdau |
yuktasya bhaktAMshcha niyu~njato.api
     vande guroH shrIcharaNAravindam || 3||
chaturvidhashrIbhagavatprasAda
     svAdvannatR^iptAn haribhaktasa~NghAn |
kR^itvaiva tR^iptiM bhajataH sadaiva
     vande guroH shrIcharaNAravindam || 4||
shrIrAdhikAmAdhavayorapAra
     mAdhuryalIlAguNarUpanAmnAm |
pratikShaNAsvAdanalolupasya
     vande guroH shrIcharaNAravindam || 5||
niku~njayUno ratikelisiddhyai
     yA yAlibhiryuktirapekShaNIyA |
tatrAtidAkShyAdativallabhasya
     vande guroH shrIcharaNAravindam || 6||
sAkShAddharitvena samastashAstrai\-
     ruktastathA bhAvyata eva sadbhiH |
kinto prabhoryaH priya eva tasya
     vande guroH shrIcharaNAravindam || 7||
yasya prasAdAdbhagavatprasAdo
     yasyAprasAdAn na gatiH kuto.api |
dhyAyan stuvaMstasya yashastrisandhyaM
     vande guroH shrIcharaNAravindam || 8||
shrImadguroraShTakametaduchchai\-
     rbrAhme muhUrte paThati prayatnAt |
yastena vR^indAvananAtha sAkShAt
     sevaiva labhyA juShaNo.anta eva || 9||

iti shrImadvishvanAthachakravartivirachitaM shrIgurudevAShTakaM sampUrNam |

\chapter{##(2) Shri Gurucharanasmaranashtakam ## .. (2) shrIgurucharaNasmaraNAShTakam ..}
prAtaH shrItulasInatiH svakaratastatpiNDikAlepanaM
     tatsAmmukhyamatha sthitiM smR^itiratha svasvAminoH pAdayoH |
tatsevArthabahuprasUnachayanaM nityaM svayaM yasya taM
     shrIrAdhAramaNaM mudA guruvaraM vande nipatyAvanau || 1||
madhyAhne tu nijeshapAdakamaladhyAnArchanAnnArpaNa
     prAdakShiNAnatistutipraNayitA nR^ityaM satAM sa~NgatiH |
shrImadbhAgavatArthasIdhumadhurAsvAdaH sadA yasya taM
     shrIrAdhAramaNaM mudA guruvaraM vande nipatyAvanau || 2||
prakShAlyA~NghriyugaM natistutijayaM kartuM mano.atyutsukaM
     sAyaM goShThamupAgataM vanabhuvo draShTuM nijasvAminam |
premAnandabhareNa netrapuTayordhArA chirAdyasya taM
     shrIrAdhAramaNaM mudA guruvaraM vande nipatyAvanau || 3||
rAtrau shrIjayadevapadyapaThanaM tadgItagAnaM rasA
     svAdo bhaktajanaiH kadAchidabhitaH sa~NkIrtane nartanam |
rAdhAkR^iShNavilAsakelyanubhavAdunnidratA yasya taM
     shrIrAdhAramaNaM mudA guruvaraM vande nipatyAvanau || 4||
nindetyakSharayordvayaM parichayaM prAptaM na yatkarNayoH
     sAdhUnAM stutimeva yaH svarasanAmAsvAdayatyanvaham |
vishvAsyaM jagadeva yasya na punaH kutrApi doShagrahaH
     shrIrAdhAramaNaM mudA guruvaraM vande nipatyAvanau || 5||
yaH ko.apyastu padAbjayornipatito yaH svIkarotyeva taM
     shIghraM svIyakR^ipAbalena kurute bhaktau tu matvAspadam |
nityaM bhaktirahasyashikShaNavidhiryasya svabhR^ityeShu taM
     shrIrAdhAramaNaM mudA guruvaraM vande nipatyAvanau || 6||
sarvA~NgairnatabhR^ityamUrdhni kR^ipayA svapAdArpaNaM
     smitvA chAru kR^ipAvalokasudhayA tanmAnasodAsanam |
tatpremodayahetave svapadayoH sevopadeshaH svayaM
     shrIrAdhAramaNaM mudA guruvaraM vande nipatyAvanau || 7||
rAdhe ! kR^iShNa ! iti plutasvarayutaM nAmAmR^itaM nAthayo\-
     rjihvAgre naTayan nirantaramaho no vetti vastu kvachit |
yatki~nchidvyavahArasAdhakamapi premnaiva magno.asti yaH
     shrIrAdhAramaNaM mudA guruvaraM vande nipatyAvanau || 8||
tvatpAdAmbujasIdhusUchakatayA padyAShTakaM sarvathA
     yAtaM yatparamANutAM prabhuvara prodyatkR^ipAvAridhe |
machchetobhramaro.avalambA tadidaM prApyAvilambaM bhavat
     sa~NgaM ma~njuniku~njadhAmni juShatAM tatsvAminoH saurabham || 9||

iti shrImadvishvanAthachakravartivirachitaM shrIgurucharaNasmaraNAShTakaM sampUrNam |

\chapter{##(3) Shri Paramaguruprabhuvarashtakam ## .. (3) shrIparamaguruprabhuvarAShTakam ..}
prapannajananIvR^iti jvalati saMsR^itirjvAlayA
     yadIyanayanoditAtulakR^ipAtivR^iShTirdrutam |
vidhUya davathuM karotyamalabhaktivApyauchitIM
     sa kR^iShNacharaNaH prabhuH pradishatu svapAdAmR^itam || 1||
yadAsyakamaloditA vrajabhuvo mahimnAM tatiH
     shrutA bata visarjayetpatikalatraputrAlayAn |
kalindatanayAtaTI vanakuTIravAsaM nayet
     sa kR^iShNacharaNaH prabhuH pradishatu svapAdAmR^itam || 2||
vrajAmbujadR^ishAM kathaM bhavati bhAvabhUmA kathaM
     bhavedanugatiH kathaM kimiha sAdhanaM ko.adhikR^it |
 iti sphuTamavaiti ko yadupadeshabhAgyaM vinA
     sa kR^iShNacharaNaH prabhuH pradishatu svapAdAmR^itam || 3||
tapasviyatikarmiNAM sadasi tArkikAnAM tathA
     pratisvamatavaiduShIprakaTanoDhagarvashriyAm |
virAjati raviryathA tamasi yaH svabhaktyojasA
     sa kR^iShNacharaNaH prabhuH pradishatu svapAdAmR^itam || 4||
kimadya paridhAsyate kimatha bhojyate rAdhayA
     samaM madanamohano madanakoTinimajjitaH |
itIShTavarivasyayA nayati yo.aShTayAmAn sadA
     sa kR^iShNacharaNaH prabhuH pradishatu svapAdAmR^itam || 5||
mR^ida~NgakaratAlikAmadhurakIrtane nartayan
     janAn sukR^itino naTan svayamapi pramodAmbudhau |
nimajjati dR^igambubhiHpulakasa~NkulaHsnAti yaH
     sa kR^iShNacharaNaH prabhuH pradishatu svapAdAmR^itam || 6||
samaM bhagavato janaiH pravarabhaktishAstroditaM
     rasaM surasayanmuhuH parijanAMshcha yaH svAdayan |
svashiShyashataveShTito jayati chakravartyAkhyayA
     sa kR^iShNacharaNaH prabhuH pradishatu svapAdAmR^itam || 7||
sthitiH surasarittaTe madanamohano jIvanaM
     spR^ihA rasikasa~Ngame chaturimA janoddhAraNe |
ghR^iNA viShayiShu kShamA jhaTiti yasya chAnuvraje
     sa kR^iShNacharaNaH prabhuH pradishatu svapAdAmR^itam || 8||
idaM prabhuvarAShTakaM paThati yastadIyo jana\-
     stada~NghrikamaleShTadhIH sa khalu ra~NgavatpremabhAk |
vilAsabhR^itama~njulyAlyatikR^ipaikapAtrIbhavan
     niku~njanilayAdhipAvachirameva tau sevate || 9||

iti shrImadvishvanAthachakravartivirachitaM shrIshrIparamaguruprabhuvarAShTakaM sampUrNam |

\chapter{##(4) Shri Ganganarayanadevashtakam ## .. (4) shrIga~NgAnArAyaNadevAShTakam ..}
kulasthitAn karmiNa uddidhIrShu\-
     rga~Ngaiva yasmin kR^ipayAvisheSha |
shrIchakravartI dayatAM sa ga~NgA
     nArAyaNaH premarasAmbudhirmAm || 1||
narottamo bhaktyavatAra eva
     yasmin svabhaktiM nidadhau mudaiva |
shrIchakravartI dayatAM sa ga~NgA
     nArAyaNaH premarasAmbudhirmAm || 2||
vR^indAvane yasya yashaH prasiddhaM
     adyApi gIyate satAM sadaHsu |
shrIchakravartI dayatAM sa ga~NgA
     nArAyaNaH premarasAmbudhirmAm || 3||
shrIgovindadevadvibhujatvashaMsi
     shrutiM vadan sadvipadaM nirAsthat |
shrIchakravartI dayatAM sa ga~NgA
     nArAyaNaH premarasAmbudhirmAm || 4||
saushIlyayukto guNaratnarAshiH
     pANDityasAraH pratibhAvivasvAn |
shrIchakravartI dayatAM sa ga~NgA
     nArAyaNaH premarasAmbudhirmAm || 5||
janAn kR^ipAdR^iShTibhireva sadyaH
     prapadyamAnAn svapade.akarodyaH |
shrIchakravartI dayatAM sa ga~NgA
     nArAyaNaH premarasAmbudhirmAm || 6||
loke prabhutvaM sthirabhaktiyogaM
     yasmai svayaM gauraharirvyatAnIt |
shrIchakravartI dayatAM sa ga~NgA
     nArAyaNaH premarasAmbudhirmAm || 7||
vR^indAvanIyAtirahasyabhakterj~nAnaM
     vinA yaH na kuto.api siddhyet |
shrIchakravartI dayatAM sa ga~NgA
     nArAyaNaH premarasAmbudhirmAm || 8||
vishrambhavAn yashcharaNeShu
     ga~NgAnArAyaNapremAmburAsheH |
etatpaThedaShTakamekachittaH
     sa tatparIvArapadaM prayAti || 9||

iti shrImadvishvanAthachakravartivirachitaM shrIshrIga~NgAnArAyaNadevAShTakaM sampUrNam ||

\chapter{##(5) Shri Narottamashtakam ## .. (5) shrInarottamAShTakam ..}
shrIkR^iShNanAmAmR^itavarShivaktra
     chandraprabhAdhvastatamobharAya |
gaurA~NgadevAnucharAya tasmai
     namo namaH shrIlanarottamAya || 1||
sa~NkIrtanAnandajamandahAsya
     dantadyutidyotitadi~NmukhAya |
svedAshrudhArAsnapitAya tasmai
     namo namaH shrIlanarottamAya || 2||
mR^ida~NganAdashrutimAtracha~nchat
     padAmbujAmandamanoharAya |
sadyaH samudyatpulakAya tasmai
     namo namaH shrIlanarottamAya || 3||
gandharvagarvakShapaNasvalAsya
     vismApitAsheShakR^itivrajAya |
svasR^iShTagAnaprathitAya tasmai
     namo namaH shrIlanarottamAya || 4||
AnandamUrchChAvanipAtabhAta
     dhUlIbharAla~NkR^itavigrahAya |
yaddarshanaM bhAgyabhareNa tasmai
     namo namaH shrIlanarottamAya || 5||
sthale sthale yasya kR^ipAprapAbhiH
     kR^iShNAnyatR^iShNA janasaMhatInAm |
nirmUlitA eva bhavanti tasmai
     namo namaH shrIlanarottamAya || 6||
yadbhaktiniShThA palarekhikeva
     sparshaH punaH sparshamaNIva yasya |
prAmANyamevaM shrutivadyadIyaM
     tasmai namaH shrIlanarottamAya || 7||
mUrtaiva bhaktiH kimayaM kimeSha
     vairAgyasArastanumAn nR^iloke |
sambhAvyate yaH kR^itibhiH sadaiva
     tasmai namaH shrIlanarottamAya || 8||
rAjanmR^ida~NgakaratAlakalAbhirAmaM
     gaurA~NgagAnamadhupAnabharAbhirAmam |
shrImannarottamapadAmbujama~njunR^ityaM
     bhR^ityaM kR^itArthayatu mAM phaliteShTakR^ityam || 9||

iti shrImadvishvanAthachakravartivirachitaM shrInarottamAShTakaM sampUrNam |

\chapter{##(6) Shri Lokanathaprabhuvarashtakam ## .. (6) shrIlokanAthaprabhuvarAShTakam ..}
yaH kR^iShNachaitanyakR^ipaikavitta\-
     statpremahemAbharaNADhyachittaH |
nipatya bhUmau satataM namAma\-
     staM lokanAthaM prabhumAshrayAmaH || 1||
yo labdhavR^indAvananityavAsaH
     parisphuratkR^iShNavilAsarAsaH |
svAchAracharyasatatAvirAma\-
     staM lokanAthaM prabhumAshrayAmaH || 2||
sadollasadbhAgavatAnuraktyA
     yaH kR^iShNarAdhAshravaNAdibhaktyA |
ayAtayAmIkR^itasarvayAma\-
     staM lokanAthaM prabhumAshrayAmaH || 3||
vR^indAvanAdhIshapadAbjasevA
     svAde.anumajjanti na hanta ke vA |
yasteShvapi shlAghAtamo.abhirAma\-
     staM lokanAthaM prabhumAshrayAmaH || 4||
yaH kR^iShNalIlArasa eva lokAn
     anunmukhAnvIkShya bibharti shokAn |
svayaM tadAsvAdanamAtrakAma\-
     staM lokanAthaM prabhumAshrayAmaH || 5||
kR^ipAbalaM yasya viveda kashchit
     narottamo nAma mahAnvipashchit |
yasya prathIyAnviShayoparAma\-
     staM lokanAthaM prabhumAshrayAmaH || 6||
rAgAnugAvartmani yatprasAdA\-
     dvishantyAvij~nA api nirviShAdAH |
jane kR^itAgasyapi yastvavAma\-
     staM lokanAthaM prabhumAshrayAmaH || 7||
yaddAsadAsAnudAsadAsAH
     vayhaM bhavAmaH phalitAbhilAShAH |
yadIyatAyAM sahasA vishAma\-
     staM lokanAthaM prabhumAshrayAmaH || 8||
shrIlokanAthAShTakamatyudAraM
     bhaktyA paThedyaH puruShArthasAram |
sa ma~njulAlIpadavIM prapadya
     shrIrAdhikAM sevata eva sadyaH || 9||
so.ayaM shrIlokanAthaH sphuratu purukR^ipArashmibhiH svaiH samudyan
     uddhR^ityoddhR^itya yo naH prachuratamatamaH kUpato dIpitAbhiH |
dR^igbhiH svapremavIthyA dishamadishadaho yAM shritA divyalIlA
     ratnADhyaM vindamAnA vayamapi nibhR^itaM shrIlagovardhanaM smaH || 10||

iti shrImadvishvanAthachakravartivirachitaM shrIshrIlokanAthaprabhuvarAShTakaM sampUrNam ||

\chapter{##(7) Shri Shachinandanavijayashtakam ## .. (7) shrIshachInandanavijayAShTakam ..}
gadAdhara yadA paraH sa kila kashchanAlokito
     mayA shritagayAdhvanA madhuramUrtirekastadA |
navAmbuda iva bruvan dhR^itanavAmbudo netrayo\-
     rluThan bhuvi niruddhavAgvijayate shachInandanaH || 1||
alakShitacharIM harItyuditamAtrataH kiM dashAM
     asAvatibudhAgraNIratulakampasampAdikAm |
vrajannahaha modate na punaratra shAstreShviti
     svashiShyagaNaveShTito vijayate shachInandanaH || 2||
hA hA kimidamuchyate paTha paThAtra kR^iShNaM muhu\-
     rvinA tamiha sAdhutAM dadhati kiM budhA dhAtavaH |
prasiddha iha varNasa~NghaTitasamyagAmnAyakaH
     svanAmni yaditi bruvanvijayate shachInandanaH || 3||
navAmbujadale yadIkShaNasavarNatAdIrghate
     sadA svahR^idi bhAvyatAM sapadi sAdhyatAM tatpadam |
sa pAThayati vismitAn smitamukhaH svashiShyAniti
     pratiprakaraNaM prabhurvijayate shachInandanaH || 4||
kva yAni karavANi kiM kva nu mayA harirlabhyatAM
     tamuddishatu kaH sakhe kathaya kaH prapadyeta mAm |
 iti dravati ghUrNate kalitabhaktakaNThaH shuchA
     sa mUrchChayati mAtaraM vijayate shachInandanaH || 5||
smarArbudadurApayA tanuruchichChaTAchChAyayA
     tamaH kalitamaHkR^itaM nikhilameva nirmUlayan |
nR^iNAM nayanasaubhagaM diviShadAM mukhaistArayan
     lasannadhidharaH prabhurvijayate shachInandanaH || 6||
ayaM kanakabhUdharaH praNayaratnamuchchaiH kiran
     kR^ipAturatayA vrajannabhavadatra vishvambharaH |
yadakShi pathasa~ncharatsuradhunIpravAhairnijaM
     paraM cha jagadArdrayanvijayate shachInandanaH || 7||
gato.asmi madhurAM mama priyatamA vishAkhA sakhI
     gatA nu bata kiM dashAM vada kathaM nu vedAni tAm |
itIva sa nijechChayA vrajapateH sutaH prApita\-
     stadIyarasacharvaNAM vijayate shachInandanaH || 8||
idaM paThati yo.aShTakaM guNanidhe shachInandana
     prabho tava padAmbuje sphuradamandavishrambhavAn |
tamujjvalamatiM nijapraNayarUpavargAnugaM
     vidhAya nijadhAmani drutamurIkuruShva svayam || 9||

iti shrIvishvanAthachakravartiThakkuravirachitastavAmR^italaharyAM
           shrIshachInandanavijayAShTakaM sampUrNam |

\chapter{##(8) Shri Manmahaprabhorashtakam Athava Shrisvarupacharitamritam ## .. (8) shrImanmahAprabhoraShTakam athavA shrIsvarUpacharitAmR^itam ..}
svarUpa ! bhavato bhavatvayamiti smitasnigdhayA
     giraiva raghunAthamutpulakigAtramullAsayan |
rahasyupadishan nijapraNayagUDhamudrAM svayaM
     virAjatu chirAya me hR^idi sa gaurachandraH prabhuH || 1||
svarUpa ! mama hR^idvraNaM bata viveda rUpaH kathaM
     lilekha yadayaM paTha tvamapi tAlapatre.akSharam |
 iti praNayavellitaM vidadhadAshu rUpAntaraM
     virAjatu chirAya me hR^idi sa gaurachandraH prabhuH || 2||
svarUpa ! parakIyasatpravaravastunAshechChatAM
     dadhajjana iha tvayA parichito na vetIkShayam |
sanAtanamuditya vismitamukhaM mahAvismitaM
     virAjatu chirAya me hR^idi sa gaurachandraH prabhuH || 3||
svarUpa ! harinAma yaj jagadaghoShayaM tena kiM
     na vAchayitumapyathAshakamimaM shivAnandajam |
 iti svapadalehanaiH shishumachIkaran yaH kaviM
     virAjatu chirAya me hR^idi sa gaurachandraH prabhuH || 4||
svarUpa ! rasarItirambujadR^ishAM vraje bhaNyatAM
     ghanapraNayamAnajA shrutiyugaM mamotkaNThate |
ramA yadiha mAninI tadapi lokayeti bruvan
     virAjatu chirAya me hR^idi sa gaurachandraH prabhuH || 5||
svarUpa ! rasamandiraM bhavasi manmudAmAspadaM
     tvamatra puruShottame vrajabhuvIva me vartase |
 iti svaparirambhaNaiH pulakinaM vyadhAttaM cha yo
     virAjatu chirAya me hR^idi sa gaurachandraH prabhuH || 6||
svarUpa ! kimapIkShitaM kva nu vibho nishi svapnataH
     prabho kathaya kiM nu tannavayuvA varAmbhodharaH |
vyadhAtkimayamIkShyate kimu na hItyagAttAM dashAM
     virAjatu chirAya me hR^idi sa gaurachandraH prabhuH || 7||
svarUpa ! mama netrayoH purata eva kR^iShNo hasann
     upaiti na karagrahaM bata dadAti hA kiM sakhe |
 iti skhalati dhAvati shvasiti ghUrNate yaH sadA
     virAjatu chirAya me hR^idi sa gaurachandraH prabhuH || 8||
svarUpacharitAmR^itaM kila mahAprabhoraShTakaM
     rahasyatamamadbhutaM paThati yaH kR^itI pratyaham |
svarUpaparivAratAM nayati taM shachInandano
     ghanapraNayamAdhurIM svapadayoH samAtvAdayan || 9||

iti shrIvishvanAthachakravartiThakkuravirachitastavAmR^italaharyAM
           shrImahAprabhoraShTakaM sampUrNam |

\chapter{##(9) Shri Svapnavilasamritashtakam ## .. (9) shrIsvapnavilAsAmR^itAShTakam ..}
priye ! svapne dR^iShTA saridinasutevAtra pulinaM
     yathA vR^indAraNye naTanapaTavastatra bahavaH |
mR^ida~NgAdyaM vAdyaM vividhamiha kashchiddvijamaNiH
     sa vidyudgaurA~NgaH kShipati jagatIM premajaladhau || 1||
kadAchitkR^iShNeti pralapati rudan karhichidasau
     kva rAdhe hA heti shvasiti patati pro~njhati dhR^itim |
naTatyullAsena kvachidapi gaNaiH svaiH praNayibhi\-
     stR^iNAdibrahmAntaM jagadatitarAM rodayati saH || 2||
tato buddhirbhrAntA mama samajani prekShya kimaho
     bhavetso.ayaM kAntaH kimayamahamevAsmi na paraH |
ahaM chetkva preyAnmama sa kila chetkvAhamiti me
     bhramo bhUyo bhUyAnabhavadatha nidrAM gatavatI || 3||
priye ! dR^iShTvA tAstAH kutukini mayA darshitacharI
     rameshAdyA mUrtIrna khalu bhavatI vismayamagAt |
kathaM vipro vismApayitumashakattvAM tava kathaM
     tathA bhrAntiM dhatte sa hi bhavati ko hanta kimidam || 4||
 iti prochya preShThAM kShaNamatha parAmR^iShya ramaNo
     hasannAkUtaj~naM vyanudadatha taM kaustubhamaNim |
tathA dIptaM tene sapadi sa yathA dR^iShTamiva ta\-
     dvilAsAnAM lakShmaM sthiracharagaNaiH sarvamabhavat || 5||
vibhAvyAtha proche priyatama mayA j~nAtamakhilaM
     tavAkUtaM yattvaM smitamatanuthAstattvamasi saH |
sphuTaM yan nAvadIryadabhimatiratrApyahamiti
     sphurantI me tasmAdahamapi sa evetyanumime || 6||
yadapyasmAkInaM ratipadamidaM kaustubhamaNiM
     pradIpyAtraivAdIdR^ishadakhilajIvAnapi bhavAn |
svashaktyAvirbhUya svamakhilavilAsaM pratijanaM
     nigadya premAbdhau punarapi tadAdhAsyasi jagat || 7||
yaduktaM gargeNa vrajapatisamakShaM shrutividA
     bhavetpIto varNaH kvachidapi tavaitan na hi mR^iShA |
ataH svapnaH satyo mama cha na tadA bhrAntirabhavat
     tvamevAsau sAkShAdiha yadanubhUto.asi tadR^itam || 8||
pibedyasya svapnAmR^itamidamaho chittamadhupaH
     sa sandehasvapnAttvaritamiha jAgarti sumatiH |
avAptashchaitanyaM praNayajaladhau khelati yato
     bhR^ishaM dhatte tasminnatulakaruNAM ku~njanR^ipatiH || 9||

iti shrIvishvanAthachakravartiThakkuravirachitastavAmR^italaharyAM
           shrIsvapnavilAsAmR^itAShTakaM sampUrNam |

\chapter{##(10) Shri Gopaladevashtakam ## .. (10) shrIgopAladevAShTakam ..}
madhuramR^idulachittaH premamAtraikavittaH
     svajanarachitaveShaH prAptashobhAvisheShaH |
vividhamaNimayAla~NkAravAn sarvakAlaM
     sphuratu hR^idi sa eva shrIlagopAladevaH || 1||
nirupamaguNarUpaH sarvamAdhuryabhUpaH
     shritatanuruchidAsyaH koTichandrastutAsyaH |
amR^itavijayihAsyaH prochChalachchillilAsyaH
     sphuratu hR^idi sa eva shrIlagopAladevaH || 2||
dhR^itanavaparabhAgaH savyahastasthitAgaH
     prakaTitanijakakShaH prAptalAvaNyalakShaH |
kR^itanijajanarakShaH premavistAradakShaH
     sphuratu hR^idi sa eva shrIlagopAladevaH || 3||
kramavaladanurAgasvapriyApA~NgabhAga
     dhvanitarasavilAsaj~nAnavij~nApihAsaH |
smR^itaratipatiyAgaH prItihaMsItaDAgaH
     sphuratu hR^idi sa eva shrIlagopAladevaH || 4||
madhurimabharamagne bhAtyasavye.avalagne
     trivaliralasavattvAtyasya puShTAnatatvAt |
itarata iha tasyA mArarekheva rasyA
     sphuratu hR^idi sa eva shrIlagopAladevaH || 5||
vahati valitaharShaM vAhayaMshchAnuvarShaM
     bhajati cha sagaNaM svaM bhojayan yo.arpayan svam |
girimukuTamaNiM shrIdAmavanmitratAshrIH
     sphuratu hR^idi sa eva shrIlagopAladevaH || 6||
adhidharamanurAgaM mAdhavendrasya tanvaM\-
     stadamalahR^idayotthAM premasevAM vivR^iNvan |
prakaTitanijashaktyA vallabhAchAryabhaktyA
     sphuratu hR^idi sa eva shrIlagopAladevaH || 7||
pratidinamadhunApi prekShyate sarvadApi
     praNayasurasacharyA yasya varyA saparyA |
gaNayatu kati bhogAn kaH kR^itI tatprayogAn
     sphuratu hR^idi sa eva shrIlagopAladevaH || 8||
giridharavaradevasyAShTakenemameva
     smarati nishi dine vA yo gR^ihe vA vane vA |
akuTilahR^idayasya premadatvena tasya
     sphuratu hR^idi sa eva shrIlagopAladevaH || 9||

iti shrIvishvanAthachakravartiThakkuravirachitastavAmR^italaharyAM
           shrIgopAladevAShTakaM sampUrNam |

\chapter{##(11) Shri Madanagopalashtakam ## .. (11) shrImadanagopAlAShTakam ..}
mR^idutalAruNyajitaruchiradaradaprabhaM
     kulishaka~njAridarakalasajhaShachihnitam |
hR^idi mamAdhAya nijacharaNasarasIruhaM
     madanagopAla ! nijasadanamanu rakSha mAm || 1||
mukharama~njIranakhashishirakiR^iNAvalI
     vimalamAlAbhiranupadamuditakAntibhiH |
shravaNanetrashvasanapathasukhada nAtha he
     madanagopAla ! nijasadanamanu rakSha mAm || 2||
maNimayoShNIShadarakuTilimaNilochano\-
     chchalanachAturyachitalavaNimaNigaNDayoH |
kanakatATa~NkaruchimadhurimaNi majjayan
     madanagopAla ! nijasadanamanu rakSha mAm || 3||
adharashoNimni darahasitasitimArchite
     vijitamANikyaradakiraNagaNamaNDite |
nihitavaMshIka janaduravagamalIla he
     madanagopAla ! nijasadanamanu rakSha mAm || 4||
padakahArAlipadakaTakanaTaki~NkiNI
     valaya tATa~NkamukhanikhilamaNibhUShaNaiH |
kalitanavyAbha nijatanuruchibhUShitai\-
     rmadanagopAla ! nijasadanamanu rakSha mAm || 5||
uDupakoTIkadanavadanaruchipallavai\-
     rmadanakoTImathananakharakarakandalaiH |
dyutarukoTIsadanasadayanayanekShaNai\-
     rmadanagopAla ! nijasadanamanu rakSha mAm || 6||
kR^itanarAkArabhavamukhavibudhasevita !
     dyutisudhAsAra ! purukaruNa ! kamapi kShitau |
prakaTayan premabharamadhikR^itasanAtanaM
     madanagopAla ! nijasadanamanu rakSha mAm || 7||
taraNijAtIrabhuvi taraNikaravAraka
priyakaShaNDAsthamaNisadanamahitasthite !
lalitayA sArdhamanupadaramita ! rAdhayA
madanagopAla ! nijasadanamanu rakSha mAm || 8||
madanagopAla ! tava sarasamidamaShTakaM
     paThati yaH sAyamatisaralamatirAshu tam |
svacharaNAmbhojaratirasasarasi majjayan
     madanagopAla ! nijasadanamanu rakSha mAm || 9||

iti shrIvishvanAthachakravartiThakkuravirachitastavAmR^italaharyAM
           shrImadanagopAlAShTakaM sampUrNam |

\chapter{##(12) Shri Govindadevashtakam ## .. (12) shrIgovindadevAShTakam ..}
jAmbUnadoShNIShavirAjimuktA
     mAlAmaNidyotishikhaNDakasya |
bha~NgyA nR^iNAM lolupayan dR^ishaH shrI
     govindadevaH sharaNaM mamAstu || 1||
kapolayoH kuNDalalAsyahAsya\-
     chChavichChiTAchumbitayoryugena |
saMmohayan sambhajatAM dhiyaH shrI
     govindadevaH sharaNaM mamAstu || 2||
svapreyasIlochanakoNashIdhu
     prAptyai purovarti janekShaNena |
bhAvaM kamapyudgamayan budhAnAM
     govindadevaH sharaNaM mamAstu || 3||
vAmapragaNDArpitagaNDabhAsvat
     tATa~NkalolAlakakAntisiktaiH |
bhrUvalganairunmadayan kulastrI\-
     rgovindadevaH sharaNaM mamAstu || 4||
dUre sthitAstA muralIninAdaiH
     svasaurabhairmudritakarNapAlIH |
nAsArudho hR^idgata eva karShan
     govindadevaH sharaNaM mamAstu || 5||
navInalAvaNyabharaiH kShitau shrI
     rUpAnurAgAmbunidhiprakAshaiH |
satashchamatkAravataH prakurvan
     govindadevaH sharaNaM mamAstu || 6||
kalpadrumAdhomaNimandirAntaH
     shrIyogapIThAmburuhAsyayA svam |
upAsayaMstatravido.api mantrai\-
     rgovindadevaH sharaNaM mamAstu || 7||
mahAbhiShekakShaNasarvavAso.a
     la~NkR^itya~NgIkaraNochChalantyA |
sarvA~NgabhAsAkulayaMstrilokIM
     govindadevaH sharaNaM mamAstu || 8||
govindadevAShTakametaduchchaiH
     paThettadIyA~NghriniviShTavIryaH |
taM majjayanneva kR^ipApravAhai\-
     rgovindadevaH sharaNaM mamAstu || 9||

iti shrIvishvanAthachakravartiThakkuravirachitastavAmR^italaharyAM
           shrIgovindadevAShTakaM sampUrNam |

\chapter{##(13) Shri Gopinathadevashtakam ## .. (13) shrIgopinAthadevAShTakam ..}
Asye hAsyaM tatra mAdhvIkamasmin
     vaMshI tasyAM nAdapIyUShasindhuH |
tadvIchIbhirmajjayan bhAti gopI\-
     rgopInAthaH pInavakShA gatirnaH || 1||
shoNoShNIShabhrAjimuktAsrajodyat
     pi~nChottaMsaspandanenApi nUnam |
hR^innetrAlIvR^ittiratnAni mu~nchan
     gopInAthaH pInavakShA gatirnaH || 2||
bibhradvAsaH pItamUrUrukAntyA
     shlIShTaM bhAsvatki~NkiNIkaM nitambe |
savyAbhIrIchumbitaprAntabAhu\-
     rgopInAthaH pInavakShA gatirnaH || 3||
gu~njAmuktAratnagA~NgeyahArai\-
     rmAlyaiH kaNThe lambamAnaiH krameNa |
pItoda~nchatka~nchukenA~nchitashrI\-
     rgopInAthaH pInavakShA gatirnaH || 4||
shvatoShNIShaH shvetasushlokadhautaH
     sushvetasrakdvitrashaH shvetabhUShaH |
chumban sharyAma~NgalArAtrike hR^i\-
     dgopInAthaH pInavakShA gatirnaH || 5||
shrIvatsashrIkaustubhodbhinnaromNAM
     varNaiH shrImAn yashchaturbhiH sadeShTaH |
dR^iShTaH premNaivAtidhanyairananyai\-
     rgopInAthaH pInavakShA gatirnaH || 6||
tApi~nChaH kiM hemavallIyugAntaH
     pArshvadvandvoddyotividyudghanaH kim |
kiM vA madhye rAdhayoH shyAmalendu\-
     rgopInAthaH pInavakShA gatirnaH || 7||
shrIjAhnavyA mUrtimAn premapu~njo
     dInAnAthAn darshayan svaM prasIdan |
puShNan devAlabhyaphelAsudhAbhi\-
     rgopInAthaH pInavakShA gatirnaH || 8||
gopInAthAShTakaM tuShTachetA\-
     statpadAbjapremapuShNIbhaviShNuH |
yo.adhIte tanmantukoTIrapashyan
     gopInAthaH pInavakShA gatirnaH || 9||

iti shrIvishvanAthachakravartiThakkuravirachitastavAmR^italaharyAM
           shrIgopinAthAShTakaM sampUrNam |

\chapter{##(14) Shri Gokulanandagovindadevashtakam ## .. (14) shrIgokulanandagovindadevAShTakam ..}
koTikandarpasandarpavidhvaMsana
     svIyarUpAmR^itAplAvitakShmAtala |
bhaktalokekShaNaM sakShaNaM tarShayan
     gokulAnanda govinda tubhyaM nAmaH || 1||
yasya saurabhyasaulabhyabhAggopikA
     bhAgyaleshAya lakShmyApi taptaM tapaH |
ninditendIvarashrIka tasmai muhu\-
     rgokulAnanda govinda tubhyaM nAmaH || 2||
vaMshikAkaNThayoryaH svaraste sa chet
     tAlarAgAdimAn shrutyanubhrAjitaH |
kA sudhA brahma kiM kA nu vaikuNThamu\-
     dgokulAnanda govinda tubhyaM nAmaH || 3||
yatpadasparshamAdhuryamajjatkuchA
     dhanyatAM yAnti gopyo ramAto.apyalam |
yadyasho dundubherghoShaNA sarvaji\-
     dgokulAnanda govinda tubhyaM nAmaH || 4||
yasya phelAlavAsvAdane pAtratAM
     brahmarudrAdayo yAnti naivAnyake |
AdharaM shIdhumete.api vindanti no
     gokulAnanda govinda tubhyaM nAmaH || 5||
yasya lIlAmR^itaM savathAkarShakaM
     brahmasaukhyAdapi svAdu sarve jaguH |
tatpramANaM svayaM vyAsasUnuH shuko
     gokulAnanda govinda tubhyaM nAmaH || 6||
yat ShaDaishvaryamapyAryabhaktAtmani
     dhyAtamudyachchamatkAramAnandayet |
nAtha tasmai rasAmbhodhaye koTisho
     gokulAnanda govinda tubhyaM nAmaH || 7||
gokulAnandagovindadevAShTakaM
     yaH paThen nityamutkaNThitastvatpadoH |
premasevAptaye so.achirAnmAdhurI
     sindhumajjanmanA vA~nChitaM vindatAm || 8||

iti shrIvishvanAthachakravartiThakkuravirachitastavAmR^italaharyAM
           shrIgokulanandagovindadevAShTakaM sampUrNam |

\chapter{##(15) Shri Svayambhagavattvashtakam ## .. (15) shrIsvayaMbhagavattvAShTakam ..}
svajanmanyaishvaryaM balamiha vadhe daityavitate\-
     ryashaH pArthatrANe yadupuri mahAsampadamadhAt |
paraM j~nAnaM jiShNau muShalamanu vairAgyamanu yo
     bhagaiH ShaDbhiH pUrNaH sa bhavatu mude nandatanayaH || 1||
chaturbAhutvaM yaH svajani samaye yo mR^idashane
     jagatkoTIM kukShyantaraparimitatvaM svavapuShaH |
dadhisphoTe brahmaNyatanuta parAnantatanutAM
     mahaishvaryaH pUrNaH sa bhavatu mude nandatanayaH || 2||
balaM bakyAM dantachChadanavarayoH keshini nR^ige
     niR^ipe bAhvora~NghreH phaNini vapuShaH kaMsamarutoH |
giritre daityeShvapyatanuta nijAstrasya yadato
     mahaujobhiH pUrNaH sa bhavatu mude nandatanayaH || 3||
asa~NkhyAto gopyo vrajabhuvi mahiShyo yadupure
     sutAH pradyumnAdyAH suratarusudharmAdi cha dhanam |
bahirdvAri brahmAdyApi balivahaM stauti yadataH
     shriyAM pUraiH pUrNaH sa bhavatu mude nandatanayaH || 4||
yato datte muktiM ripuvitataye yan narajani\-
     rvijetA rudrAderapi natajanAdhIna iti yat |
sabhAyAM draupadyA varakR^idatipUjyo nR^ipamakhe
     yashobhistatpUrNaH sa bhavatu mude nandatanayaH || 5||
nyadhAdgItAratnaM trijagadatulaM yatpriyasakhe
     paraM tattvaM premNoddhavaparamabhakte cha nigamam |
nijaprANapresThAsvapi rasabhR^itaM gopakulajA\-
     svato j~nAnaiH pUrNaH sa bhavatu mude nandatanayaH || 6||
kR^itAgaskaM vyAdhaM satanumapi vaikuNThamanayan
     mamatvasyaikAgrAnapi parijanAn hanta vijahau |
yadyapyete shrutyA dhuvatanutayoktAstadapi hA
     svavairAgyaiH pUrNaH sa bhavatu mude nandatanayaH || 7||
ajatvaM janmitvaM ratiraratitehArahitatA
     salIlatvaM vyAptiH parimitirahaMtAmamatayoH |
pade tyAgAtyAgAvubhayamapi nityaM sadurarI
     karotIshaH pUrNaH sa bhavatu mude nandatanayaH || 8||
samudyatsandehajvarashataharaM bheShajavaraM
     jano yaH seveta prathitabhagavattvAShTakamidam |
tadaishvaryasvAdaiH svadhiyamativelaM sarasayan
     labhetAsau tasya priyaparijanAnugyapadavIm || 9||

iti shrIvishvanAthachakravartiThakkuravirachitastavAmR^italaharyAM
           shrIshrIsvayaMbhagavattvAShTakaM sampUrNam |

\chapter{##(16) Shri Jaganmohanashtakam ## .. (16) shrIjaganmohanAShTakam ..}
gu~njAvalIveShTitachitrapuShpa
     chUDAvalanma~njulanavyapi~nCham |
gorochanAchArutamAlapatraM
     vande jaganmohanamiShTadevam || 1||
bhrUvalganonmAditagopanArI
     kaTAkShabANAvalividdhanetram |
nAsAgrarAjanmaNichArumuktaM
     vande jaganmohanamiShTadevam || 2||
AlolavakrAlakakAntichumbi
     gaNDasthalapronnatachAruhAsyam |
vAmapragaNDochchalakuNDalAntaM
     vande jaganmohanamiShTadevam || 3||
bandhUkabimbadyutinindiku~nchat
     prAntAdharbhrAjitaveNuvaktram |
ki~nchittirashchInashiro.adhibhAtaM
     vande jaganmohanamiShTadevam || 4||
akuNTharekhAtrayarAjikaNTha
     khelatsvarAlishrutirAgarAjim |
vakShaHsphuratkaustubhamunnatAMsaM
     vande jaganmohanamiShTadevam || 5||
AjAnurAjadvalayA~NgadA~nchi
     smarArgalAkArasuvR^ittabAhum |
anarghamuktAmaNipuShpamAlaM
     vande jaganmohanamiShTadevam || 6||
shvAsaijadashvatthadalAbhatunda
     madhyastharomAvaliramyarekham |
pItAmbaraM ma~njulaki~NkiNIkaM
     vande jaganmohanamiShTadevam || 7||
vyatyastapAdaM maNinUpurADhyaM
     shyAmaM tribha~NgaM surashAkhimUle |
shrIrAdhayA sArdhamudAralIlaM
     vande jaganmohanamiShTadevam || 8||
shrImajjaganmohanadevametat
     padyAShTakena smarato janasya |
premA bhavedyena tada~NghrisAkShAt
     sevAmR^itenaiva nimajjanaM syAt || 9||

iti shrIvishvanAthachakravartiThakkuravirachitastavAmR^italaharyAM
           shrIjaganmohanAShTakaM sampUrNam |

\chapter{##(17) Shri Anuragavallih ## .. (17) shrIanurAgavalliH ..}
dehArbudAni bhagavAn! yugapatprayachCha
     vaktrArbudAni cha punaH pratidehameva |
jihvArbudAni kR^ipayA prativaktrameva
     nR^ityantu teShu tava nAtha! guNArbudAni || 1||
kimAtmanA? yatra na dehakoTyo
     dehena kiM? yatra na vaktrakoTyaH |
vaktreNa kiM? yatra na koTijihvAH
     kiM jihvayA? yatra na nAmakoTyaH || 2||
AtmAstu nityaM shatadehavartI
     dehastu nAthAstu sahasravaktraH |
vaktraM sadA rAjatu lakShajihvaM
     gR^ihNAtu jihvA tava nAmakoTim || 3||
yadA yadA mAdhava! yatra yatra
     gAyanti ye ye tava nAmalIlAH |
tatraiva karNAyutadhAryamANA
     stAste sudhA nityamahaM dhayAni || 4||
karNAyutasyaiva bhavantu lakSha
     koTyo rasaj~nA bhagavaMstadaiva |
yenaiva lIlAH shR^iNavAni nityaM
     tenaiva gAyAni tataH sukhaM me || 5||
karNAyutasyekShaTakoTirasyA
     hR^itkoTirasyA rasanArbudaM stAt |
shrutvaiva dR^iShTvA tava rUpasindhu
     mAli~Ngya mAdhuryamaho! dhayAni || 6||
netrArbudasyaiva bhavantu karNa
     nAsArasaj~nA hR^idayArbudaM vA |
saundaryasausvaryasugandhapUra
     mAdhuryasaMshleSharasAnubhUtyai || 7||
tvatpArshvagatyai padakoTirastu
     sevAM vidhAtuM mama hastakoTiH |
tAM shikShituM stAdapi buddhikoTi
     retAnvarAnme bhagavan! prayachCha || 8||

iti shrIvishvanAthachakravartiThakkuravirachitastavAmR^italaharyAM
           shrIanurAgavalliH samAptA |

\chapter{##(18) Shri Vrindadevyashtakam ## .. (18) shrIvR^indAdevyaShTakam ..}
gA~NgeyachAmpeyataDidvinindi
     rochiHpravAhasnapitAtmavR^inde! |
bandhUkabandhudyutidivyavAso
     vR^inde! numaste charaNAravindam || 1||
bimbAdharoditvaramandahAsya
     nAsAgramuktAdyutidIpitAsye |
vichitraratnAbharaNAshriyADhye!
     vR^inde! numaste charaNAravindam || 2||
samastavaikuNThashiromaNau shrI
     kR^iShNasya vR^indAvanadhanyadhAmni |
dattAdhikAre vR^iShabhAnuputryA
     vR^inde! numaste charaNAravindam || 3||
tvadAj~nayA pallavapuShpabhR^i~Nga
     mR^igAdibhirmAdhavakeliku~njAH |
madhvAdibhirbhAnti vibhUShyamANA
     vR^inde! numaste charaNAravindam || 4||
tvadIyadUtyena niku~njayuno\-
     ratyutkayoH kelivilAsasiddhiH |
tvatsaubhagaM kena niruchyatAM ta\-
     dvR^inde! numaste charaNAravindam || 5||
rAsAbhilASho vasatishcha vR^indA
     vane tvadIshA~NghrisarojasevA |
labhyA cha puMsAM kR^ipayA tavaiva
     vR^inde! numaste charaNAravindam || 6||
tvaM kIrtyase sAtvatatantrAvidbhi\-
     rlIlAbhidhAnA kila kR^iShNashaktiH |
tavaiva mUrtistulasI nR^iloke
     vR^inde! numaste charaNAravindam || 7||
bhaktyA vihInA aparAdhalakShaiH
     kShiptAshcha kAmAditara~Ngamadhye |
kR^ipAmayi! tvAM sharaNaM prapannA
     vR^inde! numaste charaNAravindam || 8||
vR^indAShTakaM yaH shR^iNuyAtpaThedvA
     vR^indAvanAdhIshapadAbjabhR^i~NgaH |
sa prApya vR^indAvananityavAsaM
     tatpremasevAM labhate kR^itArthaH || 9||

iti shrIvishvanAthachakravartiThakkuravirachitastavAmR^italaharyAM
           shrIvR^indAdevyaShTakaM sampUrNam |

\chapter{##(19) Shri Radhikadhyanamritastotram ## .. (19) shrIrAdhikAdhyAnAmR^itastotram ..}
taDichchampakasvarNakAshmIrabhAsaH
     svakAntyA bhR^ishaM daNDayitryA vilAsaH |
svarUpasya tasyAstu varNyaH
     subodhadravo nAmavarNo.api karNyaH || 1||
praphullakusumaprabhAdyotitAnAM
     lasachchandrikAprotameghopamAnAm |
kachAnAM sachAturyabandheyameNI
     dR^ishaH sachchamaryAgrimA bhAti veNI || 2||
mahAnarghyachUDAmaNIkAmalekhA
     plutA rAjate chArusImantarekhA |
uDudyotimuktaikapa~NktiM vahantI
     kimAsyendusaudhaikadhArochchalantI || 3||
navendUpame patrapAshyAprabhAle
     sulIlAlakAlIvR^ite chArubhAle |
madenAntarA chitritaM chitrakaM tat
     vibhAtyachyutAtR^iptanetraikasampat || 4||
atishyAmalA vijyakandarpachApa
     prabhAjiShNutAM bhrUdvayI ku~nchitApa |
mukhAmbhojamAdhvIkapAnAdabhIShTA\-
     dacheShTAlipa~NktiH kimeShA niviShTA || 5||
sapharyAviva preShThalAvaNyavanye
     psite rAjataste dR^ishau hanta dhanye |
lasatkajjalAkte tayoH shyAmapakShma
     kvachidvindate kAntatAmbUlalakShma || 6||
taDitkandalI mUrdhni nakShatrayuktA
     sthirAdhaHsudhAbudbudadvandvasaktA |
yadi syAtsarojAntare tAM cha bhAsA
     mR^igAkShyAstiraskurvatI bhAti nAsA || 7||
kapolAkShibimbAdharashrIviShaktaM
     bahvenmauktikaM pItanIlAtiraktam |
smitodyatpuTodIrNamAdhuryavR^iShTi\-
     rlasatyachyutasvAntatarShaikasR^iShTiH || 8||
lasatkuNDale kuNDalIbhUya manye
     sthite kAmapAshAyudhe hanta dhanye |
shrutI ratnachakrIshalAkA~nchitAgre
     dR^ishau karShataH shrIharaye samagre || 9||
atisvachChamantaHsthatAmbUlarAga\-
     chChaTodgAri shobhAmbudhau kiM lalAga |
kapoladvayaM lolatATa~Nkaratna
     dyumachchumbitaM preyaso yatra yatnaH || 10||
sphuTadbandhujIvaprabhAhAridanta\-
     chChadadvandvamAbhAti tasyA yadantaH |
smitajyotsnayA kShAlitaM yA satR^iShNaM
     chakorIkarotyatyanvahaM hanta kR^iShNam || 11||
na sA vindate pAkimAruNyabhAji\-
     chChaviryattulAM dADimIbIjarAjiH |
kathaM varNyatAM yA tviyaM dantapa~Nkti\-
     rmukundAdhare pauruShaM yA vyanakti || 12||
mukhAmbhojamAdhuryadhArA vahantI
     yadantaH kiyan nimnatAM prApayantI |
kimeShA kastUrikAbindubhR^ittaM
     hariM kiM dadhAnaM vibhAtyAsAvR^ittam || 13||
sa kaNThastaDitkambusaubhAgyahArI
     trirekhaH pikastavyasausvaryadhArI |
srajaM mAlikAM mAlikAM mauktikAnAM
     dadhatyeva yaH preyasA gumphitAnAm || 14||
urojadvayaM tu~NgatApInatAbhyAM
     samaM sakhyayuk kR^iShNapANyambujAbhyAm |
nakhenduryadodetumichChAM vidhatte
     tadA ka~nchukI kAlikA nApi dhatte || 15||
mradimNA shirIShasya saubhAgyasAraM
     kShipantyA vahantyA bhujAbhogabhAram |
tulAshUnyasaundaryasImAM dadhatyA
     nijapreyase.ajasrasaukhyaM dadatyAH || 16||
shritAyAH svakAntasvatAM kamragAtryAH
     shriyAH shrIvilAsAn bhR^ishaM kharvayantyAH |
gatAMsadvayI saubhagaikAntakAntaM
     yadA pANinotkrAmayeti sAlakAntam || 17||
taDiddhAmabhR^itka~NkaNAnaddhasImA
     ghanadyotachUDAvalI sAstrasImA |
chakAsti prakoShThadvaye yA svanantI
     smarAjau sukhAbdhau sakhIH plAvayantI || 18||
tadbhAti raktotpaladvandvashochi\-
     stiraskAripANidvayaM yatra rochiH |
shubhA~NkAvaleH saubhagaM yadvyanakti
     priyAntarhR^idi sthApane yasya shaktiH || 19||
     (chaturbhiH kulakam)
nakhajyotiShA bhAnti tAH pANishAkhAH
     karotyUrmikAla~NkR^itA yA vishAkhA |
samAsajya kR^iShNA~NgulIbhirvilAsa\-
     stadAsAM yadA rAjate hanta rAsaH || 20||
janitvaiva nAbhisarasyudgatA sA
     mR^iNAlIva romAvalirbhAti bhAsA |
stanachChadmanaivAmbujAte yadagre
     mukhenduprabhAmudrite te samagre || 21||
kR^ishaM kiM nu shokena muShtiprameyaM
     na lebhe maNibhUShaNaM yatpidheyam |
nibaddhaM valIbhishcha madhyaM tathApi
     sphuTaM tena sustavyasaundAryamapi || 22||
kvanatki~NkiNImaNDitaM shroNIrodhaH
     parisphAri yadvarNane kvAsti bodhaH |
kiyAnvA kaverhanta yatraiva nityaM
     mukundasya dR^ikkha~njano.avApa nR^ityam || 23||
priyAna~NgakelibharaikAntavATI
     paTIva sphuratya~nchitA paTTashATI |
vichitrAntarIyopari shrIbhareNa
     kShipantI navendIvarAbhAmbareNa || 24||
kadalyAvivAna~NgamA~Ngalyasiddhau
     samAropite shrImadUrU samR^iddhau |
vibhAtaH paraM vR^ittatApInatAbhyAM
     vilAsairhareH chetanAhAri yAbhyAm || 25||
virAjatyaho jAnuyugmaM paTAntaH
     samAkarShati drAgathApyachyutAntaH |
yadAlakShyate tatra lAvaNyasampat
     suvrittaM lasatkAnakaM sampuTaM tat || 26||
tanutvaM kramAnmUlatashchAruja~Nghe
     prayAtaH pariprAptasaubhAgyasa~Nghe |
padAmbhojayornAlatA dhArayantyau
     svabhAmantarIyAntare gopayantyau || 27||
jayatya~Nghripa~NkeruhadvandvamiShTaM
     dalAgre nakhenduvrajenApi hR^iShTam |
kvanannUpuraM haMsakArAvabhaktaM
     hariM ra~njayatyeva lAkShArasAktam || 28||
darAmbhojatATa~NkavallIrathadyai\-
     rmahAlakShanairbhavyavR^indAbhivAdyaiH |
yutaM yattalaM mArdavAruNyashAli
     smR^itaM yadbhavedachyutAbhIShTapAli || 29||
priye shyAmalo leDhubhR^i~Ngo nalinyA
     marandaM paraM dandashIti kShudanyA |
yadetaM batetyachyutoktyA~nchalAnta\-
     rmukhAbje sitenduM dadhe sAlakAntaH || 30||
tamAlambya labdhaujaso mAdhavasya
     sphuTaM pANichApalyamalpaM nirasya |
tayA svAdharaH sAdhu karpUraliptaH
     kR^ito neti netyakSharodgAradIptaH || 31||
sa jAgarti tasyAH parivAracheta\-
     staTe.anukShaNaM ramyalIlAsametaH |
athApyaShTayAmikyamuShyAH saparyA
     yathAkAlamAcharyate tena varyA || 32||

iti shrIvishvanAthachakravartiThakkuravirachitastavAmR^italaharyAM
           shrIrAdhikAdhyAnAmR^itastotraM sampUrNam |

\chapter{##(20) Shri Rupachintamanih ## .. (20) shrIrUpachintAmaNiH ..}
ChatraM shaktiyavA~NkushaM pavichaturjambUphalaM kuNDalaM
     vedIdaNDagadArathAmbujachatuHsvastiM cha koNAShTakam |
shuddhaM parvatamUrdhvarekhAmalo.a~NgaShThAtkaniShThAvadhe\-
     rbibhraddakShiNapAdapadmamamalaM shachyAtmajashrIhareH || 1||
sha~NkhAkAshakamaNDaluM dhvajalatApuShpasragardhendukaM
     chakraM nirjyadhanustrikoNavalayApuShpaM chatuskumbhakam |
mInaM goShpadakUrmamAsuhR^idayA~NuShThAtkaniShThAvadhe\-
     rbibhradsavyapadAmbujaM bhagavato vishvambharasya smara || 2||
yavama~NguShThamUle cha tattale chAtapatrakam |
a~NguShThatarjanIsandhibhAgasthAmUrdhvarekhikAm || 3||
suku~njikAM sUkShmarUpAM smara re me manaH sadA |
tarjanyAstu tale daNDaM vArijaM madhyamAtale || 4||
tattale parvatAkAraM tattale cha rathaM smara |
rathasya dakShiNe pArshve gadAM vAme cha shaktikAm || 5||
kaniShThAyAstale.a~NkushaM tattale kulishaM smara |
vedikAM tattale vyAptAM tattale kuNDalaM tataH || 6||
eShAM chihnatale dIptaM svastikAnAM chatuShTayam |
aShTakoNasamAyuktaM sandhau jambUchatuShTayam || 7||
asavyA~Nghrau mahAlakShma smara gauraharermanaH |
atha vAmapadA~NguShThamUle sha~NkhaM tale pavim || 8||
madhyamAtalayAkAshaM taddvayAdho dhanuH smara |
guNena rahitaM chApaM valayAM maNimUlake || 9||
kaniShThAyAstale chaikaM sushobhanakamaNDalum |
tasya tale goShpadAkhyaM satpatAkAM dhvajAM punaH || 10||
chintaya tattale puShpaM vallIM tasya tale smara |
goShpadasya tale.apyekaM trikoNAkR^itimaNDalam || 11||
chintaya tattale kumbhAn chaturaH samanoramAn |
teShAM madhye chArdhachandraM tale kUrmaM sushobhanam || 12||
shapharIM tattale ramyAM tasyApi dakShiNe punaH |
kUrmasya tulyabhAge tu nimne ghaTatale.api cha || 13||
manoramAM puShpamAlAM smara vAmA~Nghripa~Nkaje |
 iti dvAtriMshachchihnAni gaurA~Ngasya padAbjayoH || 14||

iti shrIvishvanAthachakravartiThakkuravirachitastavAmR^italaharyAM
           shrIrUpachintAmaNiH sampUrNA |

\chapter{##(21) Shri Sankalpakalpadrumah ## .. (21) shrIsa~NkalpakalpadrumaH ..}
shrIshrIrAdhAmadanagopAlo vijayate
vR^indAvaneshvari vayoguNarUpalIlA
     saubhAgyakelikaruNAjaladhe.avadhehi |
dAsI bhAvAni sukhayAni sadA sakAntAM
     tvAmAlIbhiH parivR^itAmidameva yAche || 1||
shR^i~NgArayANi bhavatImabhisArayANi
     vIkShyaiva kAntavadanaM parivR^itya yAntIm |
dhR^itvA~nchalena harisannidhimAnayAni
     samprApya tarjanasudhAM hR^iShitA bhavAni || 2||
pAde nipatya shirasAnunayAni ruShTAM
     tAM pratyapA~NgakalikAmapi chAlayAni |
taddordvayena sahasA parirambhayAni
     romA~nchaka~nchukavatImavalokayAni || 3||
prANapriye kusumatalpamala~Nkuru tvaM
     ityachyutokitmakarandarasaM dhayAni |
mAM mu~ncha mAdhava satImiti gadgadArdha
     vAchastavaitya nikaTaM harimAkShipAni || 4||
vAmAmudasya nijavakShasi tena ruddhAM
     AnandabAShpatimitAM muhuruchChalantIm |
vyastAlakAM skhalitaveNImabaddhanIvIM
     tvAM vIkShya sAdhu janureva kR^itArthayAni || 5||
talpe mayaiva rachite bahushilpabhAji
     pauShpe niveshya bhavatIM nananeti vAcham |
kR^iShNaM sukhena ramayantamanantalIlaM
     vAtAyanAttanayanaiva nibhAlayAni || 6||
sthitvA bahirvyajanayantranibaddhaDorI
     pANirvikarShaNavashAnmR^idu bIjayAni |
uttu~NgakelikalitashramabindujAlaM
     AlopayAni maNitaiH smitamudgIrANi || 7||
shrIrUpama~njarimukhapriyaki~NkarINAM
     Adeshameva satataM shirasA vahAni |
tenaiva hanta tulasI paramAnukampA
     pAnnIbhavAni karavANi sukhena sevAm || 8||
mAlyAni hArakaTAdimR^ijA vichitra
     vartiH shitAMshughusR^iNAguruchandanAdi |
vITIrlava~NgakhapurAdiyutAH sakhIbhiH
     sArdhaM mudA virachayAni kalAM prakAshya || 9||
tvAM srastaveShavasanAbharaNAM sakAntAM
     vIkShya prasAdhanavidhau drutamudyatAbhiH |
shrIrUpara~NgatulasIratima~njarIbhi\-
     rdR^iShTAnayAni tava saMmukhameva tAni || 10||
tvAmAshikhAcharaNamUDhavichitraveShAM
     spraShTuM punashcha dhR^itatR^iShNamavekShya kR^iShNam |
AyAntameva vikaTabhrUkuTIvibha~Nga
     hu~NkR^ityuda~nchitamukhI vinivartayAni || 11||
tatraitya vismayavatIM lalitAM pratIha
     sAdhvItvakaNTakaviniShkramanArthamasyAH |
prAptaM nyasiddhadayi mAmiyameva dhUrte\-
     tyuktiM hareH svahR^idayaM rasayAni nityam || 12||
niShkramya ku~njabhavanAdvipine vihartuM
     kAntaikabAhuparirabdhatanuM prayAntIm |
tvAmAlIbhiH saha kathopakathApraphulla
     vaktrAmahaM vyajanapANiranuprayANi || 13||
gAyAni te guNagaNAMstava vartma gamyaM
     puShpAstarairmR^idulayAni sugandhayAni |
sAlItatiH pratipadaM sumano.ativR^iShTiM
     svAminyahaM pratidishaM tanavAni bADham || 14||
preShThasvapAni kR^itakausumahAra kA~nchI
     keyUrakuNDalakirITavirAjitA~NgIm |
tvAM bhUShayANi punarAtmakavitvapuShpai\-
     rAsvAdayAni rasikAlitatIrimAni || 15||
chandrAMshurUpyasalilairavasiktarodha
     sya~nchatkadambasurabhAvaligItakIrti |
ArabdharAsarabhasAM hariNA saha tvAM
     tatpAThitaiva viduShI kalayAni vINAm || 16||
rAsaM samApya dayitena samaM sakhIbhi\-
     rvishrAntibhAji navamAlatikAniku~nje |
tvayyAnayAni rasavatkarakAmrarambhA\-
     drAkShAdikAni sarasaM pariveShayANi || 17||
talpe sarojadalakL^iptamana~Ngakeli
     paryAptamAptakalayA rachitaM tulasyA |
tvAM preyasA saha rasAdadhishAyayAni
     tAmbUlamAshAyitumulbanamullasAni || 18||
saMvAhayAni charaNAvalakaiH spR^ishAni
     jighrANi saurabhasamUDhachamatkriyAbdhiH |
akShNordadhAnyurasijau parirambhayAni
     chumbAnyalakShitamavekShitasaukumAryAH || 19||
ante nishastanutaraprasR^itAlakAlyA
     tADa~NkahAratatigandhavahAgramuktAH |
preShThasya te tava cha saMgrathitA nibhAlya
     tatrAnayAni paramAptasakhIH prabodhya || 20||
tA darshayAni sukhasindhuShu majjayAni
     tAbhyaH prasAdamatulaM sahasApnuvAni |
tannUpurAdiraNitairgatasAndranidrAM
     shayyotthitAM sachakitAM bhavatIM bhajAni || 21||
he svAmini priyasakhItrapayAkulAyA
     kAntA~Ngatastava viyoktumapArayantyAH |
udgranthayAnyalakakuNDalamAlyamuktA
     granthiM vichakShaNatayA~Ngulikaushalena || 22||
nAshAgrataH shrutiyugAchcha viyojayAni
     tadbhUShaNaM maNisarAMstu visUtrayANi |
prANArbudAdadhikameva sadA tavaikaM
     romApi devi kalayAni kR^itAvadhAnA || 23||
tvAM sAlimAtmasadanaM nibhR^itaM vrajantIM
     tyaktvA hareranupathaM tadalakShitaitya |
taM khaNDitAmanunayantamavekShya chandrAM
     tadvR^ittamAlitatisaMsadi varNayAni || 24||
prakShAlayAni vadanaM salilaiH sugandhai\-
     rdantAn rasAlajadalaistava dhAvayAni |
nirNejayAni rasanAM tanuhemapatryA
     sandarshayAni mukuraM nipuNaM pramR^ijya || 25||
snAnAya sUkShmavasanaM paridhApayAni
     hArA~NgadAdyapya~NgAdavatArayANi |
abhya~njayANyaruNasaurabhahR^idyatailai\-
     rvartayAni navaku~NkumachandrachUrNaiH || 26||
nIrairmahAsurabhibhiH snapayAni gAtrA\-
     dambhAMsi sUkShmavasanairapasArayANi |
keshAn javAdagurudhUmakulena yatnA\-
     dAshoShayANi rabhasena sugandhayAni || 27||
vAso manobhiruchitaM paridhApayAni
     sauvarNaka~NkatikayA chikurAnvishodhya |
gumphAni veNImamalaiH kusumairvichitrAM
     agre lasachchamarikAmaNijAtabhAtAm || 28||
chUDAmaNiM shirasi mauktikapatrapAsyAM
     bhAle vichitratilakaM cha mudArachayya |
a~NktvAkShiNI shrutiyugaM maNikuNDalADhyaM
     nAsAmala~NkR^itavatIM karavANi devi || 29||
gaNDadvaye makarike chibuke vilikhya
     kasturikeShTapR^iShataM kuchayoshcha chitram |
bAhvostavA~NgadayugaM maNibandhayugme
     chUDA masArakalitAH kalayAni yatnAt || 30||
pANya~NgulIH kanakaratnamayormikAbhi\-
     rabhyarchayAni hR^idayaM padakottamena |
muktotaka~nchulikayorasijau vichitra
     mAlyena hAranichayena cha kaNThadesham || 31||
kA~nchyA nitambamarthahaMsakanUpurAbhyAM
     pAdAmbuje dalatatiM kvaNada~NgurIyaiH |
lAkShArasairaruNamapyanura~njayAni
     he devi tattalayugaM kR^itapuNyapu~njA || 32||
a~NgAni sAhajikasaurabhayantyathAni
     devyarchayAni navaku~Nkumacharchayaiva |
lIlAmbujaM karatale tava dhArayANi
     tvAM darshayAni maNidarpaNamarpayitvA || 33||
saundaryamadbhutamavekShya nijaM svakAnta
     netrAlilobhanamavetya vilolagAtrIm |
prANArbudena vidhuvartikadIpakaishcha
     nirma~nChayAni nayanAmbunimajjitA~NgI || 34||
goShTheshvarIprahitayA saha kundavallyA
     prAbhAtikapriyatamAshanasAdhanAya |
yAntIM samaM priyasakhIbhiranuprayANi
     tAmbUlasampuTamaNivyajanAdipANiH || 35||
goShTheshvarIsadanametya pade praNamya
     tasyAstadAptabhavikAM trapayAvR^iTA~NgIm |
ghrAtaM tayA shirasi tannayanAmbusiktAM
     tvAM vIkShya tAmahamapi praNamAmi bhaktyA || 36||
mUrtaM tapo.asi vR^iShabhAnukulasya bhAgyaM
     gehasya me.asi tanayasya cha me varA~Ngi |
nairujyadAsyamR^itapANirabhUrvareNa
     durvAsaso yaditi tadvachasA hasAni || 37||
snAtAnuliptavapuSho dayitasya tasya
     tAtkAlike madhurimanyatilolitAkShIm |
svAminyavetya bhavatIM kvachana pradeshe
     tatraiva kena cha miSheNa samAnayAni || 38||
prakShAlayAni charaNau bhavada~NgataH sra~N\-
     mAlyAdi pAkarachanAnupayogi yattat |
uttArayANi tadidaM tu tavAstviti tva\-
     dvAchollasAni vikasanmadhumAdhavIva || 39||
paktvAsthitAM madhurapAyasashAkasUpa
     bhAjiprabhR^ityamR^itanindichaturvidhAnnam |
tvAM lokayAni nananeti muhurvadantIM
     goShTheshayApi pariveShayituM nidiShTAm || 40||
tR^iptyutthitAM priyatamA~NgaruchiM dhayantyA
     vAtAyantArpitadR^ishaH sahasollasantyAH |
Anandajadyutitara~Ngabhare manoja
     ma~njukR^ite tava mano mama majjayAni || 41||
rAdhe tavaiva gR^ihametadahaM cha jAte
     sUnoH shubhe kimaparAM bhavatImavaimi |
tadbhu~NkShva sammukhamiti vrajapAgirA tva\-
     dvaktre smitaM svahR^idayaM rasayAni nityam || 42||
yAntaM vanAya sakhIbhiH samamAtmakAntaM
     pitrAdibhiH saruditairanugamyamAnam |
vIkShyAptagauravagehAM dinanAthapUjA
     vyAjena labdhagahanAM bhavatIM bhajAni || 43||
kAntaM vilokya kusumAvachaye pravR^ittAM
     AdAya patrapuTIkAmanuyAnyahaM tvAm |
kA taskarIyamiti tadvachasA na kApI\-
     tyuktyA sahArpitadR^ishaM bhavatIM smarANi || 44||
puShpANi darshaya kiyanti hR^itAni chaurI\-
     tyuktyaiva puShpapuTikAmapi gopayAni |
tadvIkShya hanta mama kakShatale kShipantaM
     pANiM balAttamabhimR^ishya bhavAni dUnA || 45||
rakShAdya devi kR^ipayA nijadAsikAM mAM
     ityuchchakAtaragirA sharaNaM vrajAni |
kiM dhUrta duHkhayasi majjanamityamuShya
     bAhuM kareNa tudatIM bhavatIM shrayANi || 46||
tyaktvaiva mAM bhavaduraHkavachaM vikhaNDya
     prAptAM shrajaM tava galAtsvagale nidhAya |
puShpANi chauri mama kiM tava kaNThaheto\-
     statkaNThameva subhR^ishaM paripIDayAni || 47||
rAjAsti kandaratale chala tatra dhUrte
     tasyAj~nayaiva sahasA cha vivastrayiShye |
tAM vIkShya hR^iShyati sa chen nijadivyamuktA
     mAlAM pradAsyati lalATataTe madIye || 48||
doSho na te vrajapatestanayo.asi tasya
     duShTasya yan narapateH khalu sevako.abhUH |
tadbuddhirIdR^igabhavanmama chAtra sAdhvyA
     bhAle kimetadabhavallikhitaM vidhAtrA || 49||
ityAdivA~NmayasudhAmahaha shrutibhyAM
     svAbhyAM dhayAnyudarapUramathekShaNAbhyAm |
rUpAmR^itaM tava sakAntatayA vilAsa
     sIdhuM cha devi vitarANyatha mAdayAni || 50||
preShThe sarasyabhinavAM kusumairvichitrAM
     hindolikAM priyatamena sahAdhirUDhAm |
tvAM dolayAnyatha kirANi parAgarAji\-
     rgAyAni chArumahatImapi vAdayAni || 51||
vR^indAvane suramahIruhayogapIThe
     siMhAsane svaramaNena virAjamAnAm |
pAdyArghyadhUpavidhudIpachaturvidhAnna
     sragbhUShaNAdibhirahaM paripUjayAni || 52||
govardhane madhuvaneShu madhUtsavena
     vidrAvitAtrapasakhIshatavAhinIkAm |
piShTAta yuddhamanu kAntajayAya yAntIM
     tvAM grAhayANi navajAtuShakUpikAlIH || 53||
agre sthito.asmi tava nishchaya eva vakSha
     udghATya kandukachayaM kShipa chedbaliShThA |
udghATya ka~nchukamuraH kila darshayantI
     tvaM chApi tiShTha yadi te hR^idi vIratAsti || 54||
yatkathyase tadayameva tava svabhAvo
     yatpUrvajanmani bhavAnajitaH kilAsIt |
mithyaiva tatyadiha bhoH katisho jito.abhU\-
     rmatki~NkarIbhirapi tadvigatatrapo.asi || 55||
ityevamutpulakinI kalayAni vAchaH
     si~njAnaka~NkaNajhanatkR^itadundubhIkam |
yuddhaM mukhAmukhi radAradi chArubAhu
     bAhavyamandanakharAnakhari stuvAni || 56||
kasyA~nchidadrinR^ipadIvyadupatyakAyAM
     sa preyasi tvayi sakhIshataveShTitAyAm |
vishrAntibhAji vanadevatayopanItA
     nIShTAni sIdhuchaShakANi purA dadhAni || 57||
hA kiM kiM kiM dhadharaNI ghughughUrNatIyaM
     dhAdhAdhadhAvati bhayAdvivivR^ikShapu~njaH |
bhIbhIbhibhIrurahamatra kathaM jijIvA\-
     myevaM lagiShyasi sadA dayitasya kaNThe || 58||
tvatsvAminI pralapatIyamimAM gadena
     hInAM karomi kalayAtra nirehi netaH |
ityuktisIdhurasatarpitahR^ittadaiva
     niShkramya jAla vitatau vidadhAni netre || 59||
ghrANAkShikarNavadane jalasekatatyA
     kR^iShNastvayA jita itaH sahasA nimajjya |
grAho bhavan sa khalu yatkurute sma tattu
     vedAnyahaM tava mukhAmbujameva vIkShya || 60||
abhya~njayAni sasakhIdayitAM sahAli\-
     stvAM snApayAni vasanAbharaNairvichitram |
shR^i~NgArayANi maNimandira puShpatalpe
     sambhojayAni karakAdyatha shAyayAni || 61||
vANIraku~nja iha tiShThati devI nihnutya
     mR^igyasi kathaM taditaH paratra |
satyAmimAM mama giraM tamavishvasantaM
     yAntaM mayi pradarshya bhavatI harShayANi || 62||
svAminyamUtraharirasti kadambaku~nje
     nihnutya mR^igyasi kathaM taditaH paratra |
satyAmimAM mama giraM khalu vishvasatyAH
     pANau jayaM tava nayAni tamApnuvatyAH || 63||
rAdhe jitA cha jayinI cha paNaM na dAtuM
     AdAtumapyahaha chumbanamIshiShe tvam |
nAshleShachumbamadhurAdharapAnato.anyaM
     dyUte glahaM rasavidaH pravaraM vadanti || 64||
govardhane.atra mama kApi sakhI pulinda
     kanyAsti bhR^i~NgyatitarAM nipuNedR^ishe.arthe |
madgrAhyadeyapaNavastuni manniyuktA
     sA te gR^ihIShyati cha dAsyati chopagUham || 65||
uktvetthamAtmadayitaM prati vakShyase mAM
     yAhItyathotpulakinI drutapAdapAtA |
tAmAnayAnyupa mukundamathAsayAni
     taM lajjayAni sumukhIrati hAsayAni || 66||
svIyA kila vrajapure muralI tavaikA
     prAbhUn na tAmapi bhavAnavituM svabhAryAm |
sA lampaTApi bhavato.adharasIdhusiktA\-
     pyanyaM pumAMsamiha mR^igyati chitrametat || 67||
vaMshIM satIM guNavatIM subhagAM dviShantyo.a
     sAdhvyo bhavatya iha tatsamatAmalabdhAH |
tAM kvApi bandhamanayaMstadahaM bhujAbhyAM
     baddhvaiva vaH shikharigahvaragAH karomi || 68||
ityAgataM harimavekShya rahastadIya
     kakShAdahaM muralikAM sahasA gR^ihItvA |
tAM gopayAni tadalakShitamAttachitra
     puShpeShu sa~NgararasAM kalayAni cha tvAm || 69||
brahmannimAmanugR^ihANa bhavantameva
     bhAsvantamarchayitumichChati me snuSheyam |
ityAryayA praNamitAM dhR^itavipraveshe
     kR^iShNe.arpitAM cha bhavatIM smitabhAgbhajAni || 70||
yAntIM gR^ihaM svagurunighnatayAtilaulyAt\-
     kAntAvalokanakR^ite miShamAmR^ishantIm |
dUre.anuyAni yadato.anuvivartitAsyAM
     ehIti vakShyasi tadAsyarucho dhayantI || 71||
gehAgatAM virahiNIM navapuShpatalpe
     tvAM shAyayAni parataH kila murmurAbhAt |
tasmAtparatra shayanaM visapu~njakL^iptaM
     adhyAshayAni vidhuchandanapa~NkaliptAm || 72||
AkarNya chandanakalAkathitaM vrajeshA
     sandeshamutsukamateH sarasA sahAlyAH |
sAyantanAshanakR^ite dayitasya navya
     karpUrakelibaTakAdivinirmitau te || 73||
limpAni chullimatha tatra kaTAhamachCha
     mArohayANi dahanaM rachayAni dIptam |
nirAjyakhaNDakadalImarichendusIri
     godhUmachUrNamukhavastu samAnayAni || 74||
atyadbhutaM malayajadravasekatatyA
     vR^iddhiM jagAma yadidaM virahAnalaujaH |
karpUra kelIbaTakAvalisAdhanAgni
     jvAlena shAntimanayattaditi bruvANi || 75||
dhUlirgavAM dishamaruddha hareH sahAmbA
     rAvetyudantamatulaM madhu pAyayAni |
tatpAnasaMmadanirastasamastakR^ityAM
     tvAmutthitAM sahagaNAmabhisArayANi || 76||
tatkR^iShNavartmanikaTasthalamAnayAni
     nirvApayANi virahAnalamunnataM te |
AyAta eSha iti vallinigUDhagAtrIM
     AkR^iShya mahyamahaheshvari kopayAni || 77||
shrIkR^iShNadR^i~Nmadhulihau bhavadAsyapadmaM
     AghrApayANyatitR^iShan tava dR^ikchakorIm |
tadvaktrachandravikasatsmitadhArayaiva
     saMjIvayAni madhurimNi nimajjayAni || 78||
vaivashyamasya tava chAdbhutamIkShayANi
     tvAmAnayAni sadanaM lalitAnideshAt |
karpUrakelyamR^itakelitatiM pradAtuM
     goShTheshvarImanu sarANi samaM sakhIbhiH || 79||
gatvA praNamya tava shaM kathayAni devi
     pR^iShTA tayAtha baTakAvaliM bhokShayitvA |
tAM harShayANi bhavadadbhutasadguNAlI\-
     statkIrtitAH savayase shR^iNavAni hR^iShTA || 80||
vIkShyAgataM tanayamunnatasambhramormi
     magnAM stanAkShipayasAmabhiShichya pUraiH |
abhya~njanAdikR^itaye nijadAsikAstA
     mAM chApi tAM nidishatIM manasA stavAni || 81||
snAnAnulepavasanAbharaNairvichitra
     shobhasya mitrasahitasya tayA jananyA |
snehena sAdhu bahubhojitapAyitasya
     tasyAvasheShitamalakShitamAdadAni || 82||
tenaiva kAntavirahajvarabheShajena
     tAtkAlikena tadudantarasena chApi |
Agatya sAdhu shishirIkaravANi shIghraM
     tvannetrakarNarasanAhR^idayANi devi || 83||
snAnAya pAvanataDAgajale nimagnAM
     tIrthAntare tu nijabandhuvR^ito jalasthaH |
saMmajjya tatra jalamadhyata etya sa tvAM
     Ali~Ngya tatra gata eva samutthitaH syAt || 84||
tan no vidurnikaTagA api te nanandR^i
     svasrAdayo na kila tasya sahodarAdyAH |
j~nAtvAhamutpulakitaiva sahAlireta\-
     chchAturyametya lalitAM prati varNayAmi || 85||
udyAnamadhyavalabhImadhiruhya tatra
     vAtAyanArpitadR^ishaM bhavatIM vidhAya |
sandarshya tatpriyatamaM surabhIrduhAnaM
     AnandavAridhimahormiShu majjayAni || 86||
gatvA mukundamatha bhojitapAyitaM taM
     goShTheshayA tava dashAM nibhR^itaM nivedya |
sa~Nketaku~njamadhigatya punaH sametya
     tvAM j~nApayAnyayi tadutkalikAkulAni || 87||
tvAM shuklakR^iShNarajanIsarasAbhisAra
     yogyairvichitravasanAbharaNairvibhUShya |
prApayya kalpataruku~njamana~Ngasindhau
     kAntena tena saha te kalayAni kelIH || 88||
he shrItulasyurukR^ipAdyuta tara~NgiNI tvaM
     yanmUrdhni me charaNapa~NkajamAdadhAH svam |
yachchAhamapyapibamambu manAk tadIyaM
     tanme manasyudayameti manoratho.ayam || 89||
kvAhaM parashatanikR^ityanubiddhachetAH
     saMkalpa eSha sahasA kva sudurlabhArthe |
ekA kR^ipaiva tava mAmajahatyupAdhi
     shUnyaiva mantumadadhatyagatergatirme || 90||
he ra~Ngama~njari kuruShva mayi prasAdaM
     he premama~njari kirAtra kR^ipAdR^ishaM svAm |
mAmAnaya svapadameva vilAsama~nja\-
     ryAlIjanaiH samamurIkuru dAsyadAne || 91||
he ma~njulAli nijanAthapadAbjasevAM
     sAtatyasampadatulAsi mayi prasIda |
tubhyaM namo.astu guNama~njari mAM dayasva
     mAmuddharasva rasike rasama~njari tvam || 92||
he bhAnumatyanupamapraNayAbdhimagnA
     svasvAminostvamasi mAM padavIM naya svAm |
premapravAhapatitAsi lava~Ngama~nja\-
     ryAtmIyatAmR^itamayIM mayi dheyi dR^iShTim || 93||
he rUpama~njari sadAsi niku~njayUnoH
     kelikalArasavichitritachittavR^ittiH |
tvaddattadR^iShTirapi yatsamakalpayaM tat\-
     siddhau tavaiva karuNA prabhutAmupaitu || 94||
rAdhA~Nga shashvadupagUhanatastadApta
     dharmadvayena tanuchittadhR^itena deva |
gauro dayAnidhirabhUrapi nandasUno
     tanme manorathalatAM saphalIkuru tvam || 95||
shrIrAdhikAgiribhR^itau lalitAprasAda
     labhyAviti vrajavane mahatIM prasiddhim |
shrutvAshrayANi lalite tava pAdapadmaM
     kAruNyara~njitadR^ishaM mayi hA nidhehi || 96||
tvaM nAmarUpaguNashIlavayobhiraikyA\-
     drAdheva bhAsi sudR^ishAM sadasi prasiddhA |
AgaHshatAn na gaNayantyurarIkuruShva
     tanmAM varA~Ngi nirupAdhikR^ipe vishAkhe || 97||
he premasampadatulA vrajanavyayUnoH
     prANAdhikAH priyasakhAH priyanarmasakhyaH |
yuShmAkameva charaNAbjarajo.abhiShekaM
     sAkShAdavApya saphalo.astu mamaiva mUrdhA || 98||
vR^indAvanIyamukuTa vrajalokasevya
     govardhanAchalaguro haridAsavarya |
tatsannidhisthitiyuSho mama hR^itshilAsva\-
     pyetA manorathalatAH sahasodbhavantu || 99||
shrIrAdhayA samaM tadIyasarovara tvat\-
     tIre vasAni samaye cha bhajAni saMsthAm |
tvannIrapAnajanitA mama tarShavallyaH
     pAlyAstvayA kusumitAH phalitAshcha kAryAH || 100||
vR^indAvanIyasurapAdapa yogapITha
     svasmin balAdiha nivAsayasi svayaM yat |
tanme tvadIyatalastasthuSha eva sarva
     sa~Nkalpasiddhimapi sAdhu kuruShva shIghram || 101||
vR^indAvanasthiracharAn paripAlayitri
     vR^inde tayo rasikayoratisaubhagena |
ADhyAsi tatkurukR^ipAM gaNanA yathaiva
     shrIrAdhikAparijaneShu mamApi siddhet || 102||
vR^indAvanAvanipate jaya soma soma
     maule sanandanasanAtananAradeDya |
gopIshvara vrajavilAsi yugA~Nghripadme
     prItiM prayachCha nirupAdhi namo namaste || 103||
hitvAnyAH kila vAsanA bhajata re vR^indAvanaM premadaM
     rAdhAkR^iShNavilAsavAridhirasAsvAdaM chetvindatha |
tyaktuM shaknutha na spR^ihAmapi punastatraiva hR^idvR^ittayo
     vishraddhAH shrayata mamaiva satataM sa~Nkalpakalpadrumam || 104||

iti shrIvishvanAthachakravartIThakkuravirachitaH shrIsa~NkalpakalpadrumaH sampUrNaH |

\chapter{##(22) Nikunjakelivirudavali ## .. (22) niku~njakelivirudAvalI ..}
\section{(1)}
niku~njakelIvirudAvalIyaM
     niku~njakelIrasikaprasAdam |
svakIrtinaipuNyajuShe pradatte
     svakIrtinaipuNyapuShe janAya || 1||
shrIkR^iShNalIlA hR^idayaM punAtu me
     lIlA cha yA premarasAnubhAvinI |
rasashcha kAntAparishIlito.asti yaH
     kAntA cha yA gokulayauvatAgraNIH || 2||
vrajayuvatijanaikaprANabandhoramuShya
     smaravilasitamevotkarShamAhuH kavIndrAH |
bhavakamalabhavAdyaiH stAvakaiH prathyamAnaM
     na punaranupamaM tatpAramaishvaryamuchchaiH || 3||
prathitamapi vadAnyaM rAdhike mAM tavAlyaH
     kathamadharasudhAyAstaskaraM tA bruvanti |
piba piba mukhachandraM tatsvayaM me nikAmaM
     tvamiti rahasi shaMsan shaM sa kR^iShNastanotu || 4||
\section{(2)}
chaNDavR^ittasya nakhe mAta~Ngakhelitam 2
gokulAnanda shIlitAmanda chAturIpu~nja mAdhavIku~nja |
bhAjimAta~Nga gAminIsa~Nga shAlitAra~Nga rAjitAna~Nga |
kautukAsa~Nga bhArabhAga~Nga rAgitAra~nji yauvatAsa~nji |
dhIratAga~nji chApalAvya~nji kaitavAbhrAnta shoNanetrAnta |
shAyakAkrAnta bhAvinIsvAntarbhAvitAnanta kelisAmanta |
rechitodanta rAdhikAdanta daMshanAkhaNDa mAdhurIShaNDa |
khelitApA~Nga nIradAbhA~Nga rAdhitAshrAnta kandarAdhvAnta |
nIlachelA~nchi kAminIkA~nchi mochanodIrNa sammadAkIrNa |
shemuShIshIrNa vAmatAbhIrNa kheda sampUrNa vaiduShI tUrNa |
kAmasaMrambha sa~NgarArambha jAta romA~ncha pAhi bho mAM cha || 5||
|| dhIra ||
udyannakhA~NkahariNA~NkaruchA suchAru
     khelAparaM kucharathA~NgayugaM sukaNThyAH |
svAgAdhahR^itsarasi sAdhu nimajjayaMsta\-
     dunmajjayan sa rasiko mudamAdadhAtu || 6||
sa~Ngata sadana~Ngaja mada
ra~Nga taralada~Nga garala
shR^i~Nga ruchirabhR^i~Nga suchira
gu~njana chaNaku~njasharaNa
ka~njanichaya ga~njanashaya || 7||
|| vIra ||
\section{(3)}
vIrabhadraH 3
kandarpadarpakakuchAdrivimardabhIti
     saMvignakaustubhabhaTashritakaNThapArshvaH |
kAntAtiniHshvasitadhUsaritAdharashrIH
     kR^iShNo mudaM nayanayormama shaM tanotu || 8||
yu~njadgu~njadbhramarakalitakala
bhavyastavyasthalasarasijadala |
mAlyasvAlyarpitaratirasakara
ra~Ngatra~Ngadrasanayuvativara |
dIvyannIvyantikavinihitapuru
vAmyaklAmyadbalakarabaladuru |
harShotkarShotpulakahR^idayanaTa
shambhastambhasphuritajaghanataTa |
kA~nchiprA~nchisvanitajanitasukha
mandaspandasvalakalalitamukha |
nR^ityashrityarthakashubhamaNisara
sadyaHpradyatprakharanakharashara |
bhinnasvinnastanayuganavaghaTa
saktasraktarjakasupadakabhaTa |
ratyuddhatyuchchalitachikurachaya
shastasrastapravarakusumamaya |
talpasvalpasvananavalayadhara
kampotkampottaralasutanukara |
veShTasveShTasmaravilasitamada
mattaprattasvajanahR^idayamuda |
bhIShTashrIShTasvapaghanaradabala
     daShTaspaShTaprabhasadadharadala |
kAntasvAntapraNayadamamalasa
     hR^idyaklidyapyatulakaruNarasa || 9||
|| vIra ||
kaustubhavidalita sulalita
     ku~Nkumaka~nchukakuchAM rAdhAm |
tadalakamArjitatilako
     ramayan kR^iShNo hR^idi sphurati || 10||
sa~njAtatandrAsya ka~njAtachandrAsya
     kAshmIrajanmAdirashmIrasammAdi |
gharmochitAnalpanarmochitAkalpa
     ku~nje lasAnanda pu~nje rasAshanda || 11||
|| vIra ||
\section{(4)}
puruShottamaH 4
priyAyA gachChantyAH svayamanupalabdho vanapathaM
     pariShkurvan puShpairghanaviTapavallIrvighaTayan |
svapANibhyAM lumpan nijacharaNachihnaM chalati ya\-
     stadagre taM naumi praNayavivashaM tvAM giridharam || 12||
dharaNIklamahArikriya
ramaNIvrajakelipriya |
lalitodbhaTaveNusvara
valitotkaTakAmajvara |
dalitAnvitalokatrapa
vanitAsmR^ita bho bhadrapa |
kamalArchitapAdadyuti
paTalAdritashokashruti
yugalochchalanIpasphaTan\-
mukulojjvalarUpaChaTa |
chapalAprabhacheladvaya
mahilArpitahelasmaya |
sarasekShaNakoNakrama
rabhasekShakalokabhrama |
janakAshritavedakrama
shamakAchyutashIlashrama |
kaNikArjitamAdhurya sa
danikAdbhutarochirlasa |
puruShottama chetaHsthita
maruSho vraNamAshu smR^ita
charito dhruvameva drutaM
abhito.ardasi nAtha druta
manasAM praNayena tvayi
mama sAMpratamIsha tvayi
bhavatAdratirItirmatiM
avatAttava nAmashruti\-
ramitArthakalIlasvaraM
amitArthada mAmuddhara || 13||
|| vIra ||
urojAntarlagnAM mama dR^ishamiyaM vIkShya chakitaM
     parisrastaM chelA~nchalamadhishiro nyasya sumukhI |
pidhatte ka~nchukyAvR^itamapi kuchaM tadgatamano
     maNiM me samprApyetyuditasubalo no.avatu hariH || 14||
vimalajaladasubhagasuShama
vijitachapalavasanakusuma |
sadR^ishamR^idulagajakabhujaka
chikurarachitashikhijadalaka |
rasikayuvatihR^idayakalana
chaTulanayanamadiramilana |
ruchiravadanamadhurahasita
     kathitanikhilasuratacharita |
lalitacharaNakamalachalana
     vilasa sutanuvitanuvalana || 15||
|| dhIra ||
\section{(5)}
achyutaH 5
karNAdhvagAmyatanunarmashalAkayaiva
     vidrAvyachAruradanachChadagADhamudrAm |
niShkAsitAM smitasudhAM prasabhaM ramaNyAH
     kR^iShNaH svanetrachaShakeNa pibanmude syAt || 16||
jaya jaya shIlapriya jaladhIla
svaraghananIladyutidhara kIla
stuta purulIla praNayanimIlat\-
trapatarulIla shrutiparishIlan\-
navamuralIkaprabaladalIka
plutajanabhIkaprakaTataTIka
pramadavatIkasthitasupaTIka\-
rShakarajanIpasvakiranadIpa |
praNutasamIpasphuTadalanIpa
stR^itataTadesha prathitavaresha
pragatasukeshapravara nishesha |
pratimavisheSha prabhR^itavisheSha
prabhashubhavesha vrajamahileSha |
chalitasuchela stanayugakhelan\-
nayanasuvela smR^itarativela |
suhR^idativelapratatanishAta
smarasharajAtaprajaranipAta |
prabalavighAtaprachalitadeha
shritaratageha tvamaghahareha |
sphuta hR^idi me ha || 17||
|| vIra ||
mayi kShiptvApA~NgaM kuchakanakashambhuM smitasudhA
     sudhArAbhiH kAnte! snapayasi na kiM pUjayasi tam |
prakAmaM kAmAyAchyutakarasarojeNa sudatI\-
     tyupAgachChan jalpanvilasatu sa rAdhAratisakhaH || 18||
vR^indAvananagavR^indAdhikalava
     ku~njAlayachara gu~njAmaNisara |
ka~njAtulamadaga~njAmalapada
     kAntAkuchashaya mAM tAraya jaya || 19||
|| dhIra ||
\section{(6)}
tura~NgaH 6
pR^iShThIkR^itya prayAntyA drutamayamadhunaivAgrato rotsyate mAM
     ityAshvAsaM dadhatyA hR^idi bata sutano rakShiNI te padAbje |
prAbhUtAM naiva gantuM kathamapi purato nApi pR^iShThaM druto ve\-
     tyAku~nchantyA nitambatviShi dhR^itanayano mAdhavo mAM dhinotu || 20||
sundaramukha shashibimbaka kundaniviDa madaDimbaka
dantapaTala lasadambuja shantamakara shubhakambuja
la~Ngimabhara parikuNThaka ra~NgimadhuratarakaNThaka |
sa~Ngatayuvatikadambakara~NgataralitahR^idambara |
lu~nchanachaturadR^iga~Ngana ku~nchanavilasitara~NgaNa
va~njulakusumasura~njita ma~njulakachabharaga~njita
cha~nchalamadhukaramaNDala sa~nchaladalakasakuNDala |
mandahasitalasadindirashandacharitaguNamandira |
daNDitasamadamata~Ngaja maNDitagativalada~Ngaja |
kamparuchiraruchinindita shaMpasutanumatisandita |
dambhaviShamajanava~nchaka shambhadamana sharapa~nchaka
khaNDitahR^idatanu sAgarapaNDitaratisuhR^ida~Ngara |
bambhramadalivaralambhita sambhramasudR^igabhirambhita |
sa~Ngamasadalikaka~NkaNa ma~Ngalachalakaraka~NkaNa
DiNDimaraNitanirantarachaNDimakalitamudantara |
nandahR^idayamakarandaka shandayavipinapurandara || 21||
|| vIra ||
naTachchaTulalochanA~nchalavilAsavalgushriyaM
     svachillivaravalganaglapitadhairyacharyAbharAm |
navapraNayasambhR^itasmitasudhApidhAnAkulAM
     nijapraNayiNIM smaran sapulako hariH pAtu naH || 22||
jaya chAruveSha naya nAgaresha
     shayanItatAlamayarAgajAla |
dharaveNudUtavarasAdhudhUta
     vanitAbhimAnajanitAtimAna || 23||
|| vIra ||
\section{(7)}
tilakam 7
jIyAddhariH svamuralIparigItapIta
     pAtatrapAmbusarasIH sarasIruhAksIH |
shUnyAntarA gatabalA api tAH prakUrvan\-
     pUrNA nijAdharasudhArasudhArasena || 24||
chaTulamadhupamadakuNThakasadalaka |
vimalajaladaruchiluNThakadamanaka
mR^idulasurabhidalagumphakasulalita
kulavaratanudhR^itilumpakavihasita |
haThabharakuchapaTaku~nchanavikalita
yuvatinayanakaTuku~nchanakavalita |
karakaradhunanavisha~NkaTakalahaja
vitatapulakakulaka~Nkatamalayaja
mR^igamadaghusR^iNasugandhitaparisara
vanagatamadanamudandhitamadhukara
nikararaNitaratima~Ngalamayarava
vivR^itasuratarasara~Ngalasukhanava
vitanusamarapurudambhapaTimadhara
sutanuniviDaparirambha rasikavara |
janitamaNitamaNika~NkanakaNadati
rabhasaramaNagatasha~Nkachikuratati
militanaTanajhaShakuNDalavisR^imara
ruchibharavarakarishuNDasadR^ishakara |
nijaparicharaNarataM janamimamati
kR^ipaya nikhilaguNara~njanaratipati
shatamatimathanakR^ida~NgasuShama jaya
manasijavalitatara~Ngacharitamaya || 25||
|| vIra ||
ratiraNaghanagharmAkrAntasindUrapa~Nka
     shritavadalakamAlAsaktabhAlaM prabhAlam |
yuvatiradanakIrtikhyApi bimbAdharahR^in\-
     mama kalayatu kR^iShNasyAsyachandraM svatantram || 26||
tvaM gatasha~Nkitara~Ngatara~Ngita
     kundasusattamadantavasantama |
va~njulaku~njakama~njulagu~njaka
     sa~njayara~njakaku~Nkumapa~Nkaka || 27||
|| vIra ||
nityaM yAti yathAyathA kuchayugaM pItatvamuttu~NgatAM
     choliM prApya tanutvamR^ichChati tathAsyArdhAvR^itau yogyatAm |
kAnte kupyasi tatprasAdhanakR^ite sakhyau vR^ithA hR^iShTatAM
     akShNorme kalayeti kR^iShNabhaNitaM jAgartu me chetasi || 28||
\section{(8)}
chaNDavR^ittasya vishikhe padmam 8
jaya lavamAtrasvavirahadAtra
praditasugAtra vrajamahilAtra |
grahapatikanyAtaTalasadanyA
pratimasudhanyA yatanatavanyA
suhR^idalakAntAlipaTalakAntA
likanijakAntAmilanaratAntA |
ratiraNara~Ngodayakuchasa~Ngo
paNaparibha~Ngoditavadana~Ngo
rusharanakhA~NkakalitashashA~NkA
valivalitA~NkAdhR^itahariNA~NkA
nanasudR^igullAsakapariphullA
chaTulamarullAlitabhujamallA
hitapariveShTapraNayasukheShTa
pravaladakaShTasvaradanadaShTa
pramadavatI drAguditasudhArdrA
charitamihArdrA vahamati mudrA
vitahR^idi yu~nje.aruNataragu~nje
litanavaku~nje ruvadalipu~nje || 29||
|| vIra ||
\section{(9)}
va~njulam 9
shrIrAdhekShaNasakhyalakShaNarasasvArAjyamatyurjjitaM
     prApya svairamalaM gato yadadharo bhrAjiShNutAM jiShNutAm |
nAtha nyakkurutAmayaM tava tataH sakhyAlidR^i~Nmodano
     mattAlishritabandhujIvaka yashaHpu~nja niku~njeshvara || 30||
ku~nchitakachavirachanadhR^itachampaka
     lu~nchitamaNisarasadatanukampaka |
ra~njitayuvatisuratarasalampaTa
     ga~njitataDidabhinavaruchisampaTa || 31||
|| vIra ||
snAtotthitAM kalitara~njitachInachIra
     pANidvayoddhutakachAM chakitAmakurvan |
kAntAM harirjayati vallidalAvR^ito.asyA
     vakShojakaksasukhavIkShaNasakShaNAtmA || 32||
vilasa visha~Nkata bhujagatasa~Nkata
jagadatira~Ngalacharitasuma~Ngala |
shashadharaga~njaka mukharuchira~njaka
kuruvakama~njulavikasitava~njula |
kusumasumaNDita shuchirasapaNDita
tanuruchidaNDita jaladharakhaNDita |
taDidatisundaravasana purandara
dhanuratinindakachalashikhichandraka
nichayakarambitakachabharalambita
maNisarakampakadhR^itanavachampaka |
kalitavikasvarakalagavalasvara
sutanujanaskhaladupajaghanasthala |
parihitanIvyabhihitamadana vyabhicharita
javasphuradatikharaniShThura |
gurujanagarjanakaTumukhatarjana
kR^itagativarjanavaladupasarjana |
pishunavisR^itvarapuruvalitajvara
shamanakR^itakramadhR^itayuvatibhrama |
kalapadasa~nchitachaturimava~nchita
kaTutaradurjanabhavanasamarjana |
kalitasutalpakavilasadanalpaka
madhurimasandhitamadanamudandhita |
varatanuka~NkitakuchayugaTa~Nkita
bhujaparirambhaNarutamaNika~NkaNa
chapalimalambhanajanitavikampana || 33||
|| vIra ||
vikachayadapi rAdhAnetranIlotpalAntaM
     smitasitaruchibimbaM sambhramAdujjihAnam |
vyanamayadatha sA prAchUkuchattattadaive\-
     tyuditamanu sa jIyAtkundavallyA mukundaH || 34||
jaya kamalAgocharaparabhAgo
chitanavarAgopanatakalAgo
panachalarAmAmukhavidhudhAmA
mR^itakalanAmAditanavadAmA || 35||
|| vIra ||
nR^ityAnte dhR^itagarvamuddhatasakhiprottejanAtsvaM haThA\-
     jjetuM dR^igabhineShyamANanaTanAveshAptashobhAM priyAm |
kA~nchIka~nchukagADhabandhakaShaNAsaMsaktapANidvayAM
     pashyan svAkShiyugaM hariH saphalayan dishyAtsa me vA~nChitam || 36||
\section{(10)}
bakulabhAsuram 10
jaya jaya pi~nChamukuTa rasasAgara sAgarasAbhUShaNapadaketana
ketanakalpaniku~njamahArata hArataralataratApratipAdaka |
pAdakamalavaralAsyavilAsaka lAsakalAkautukamuditAntara
tAntaramitataruNImukhamArjana mArjana parakarakamalasukhAtula |
khAtulavanitAvR^indavimohana mohanadIplAvitabhavanArada |
nAradashAprArthakakamalAsana lAsanacharaNAbjaparAgaka |
rAgakalAsvaramUrchChanasa~nchaya sa~nchayanAshritasarvavilakShaNa
lakShaNamayamuralIparishIlaka shIlakalitaguNamaNipadaparvata |
parvataralaramaNIkShaNanirvR^ita nirvR^itanarmavilAsahasapriya |
sapriyabhR^i~NgIstutanavamAlaka mAlakadambakama~njularUpaka |
rUpakaramyakavitvakavIlita vIlitashikharitaTAptamahArasa |
hArasahitakuchaka~nchukaghaTTaka ghaTTakalahakhaNDitasusatIvrata |
tIvratamaHshamakA~NgasadAmada dAmadarAndolanagativibhrama |
vibhramadantaruditabahusambhrama sambhramavishlathanIvivadhUjana |
dhUjanakekShaNakoNavinodana nodanachitracharitravirAjana |
rAjanaTopamakaustubhakandhara kandharasundaragokulajIvana |
jIvanajAkShasamastasabhAjana bhAjanaku~njagR^ihashritadevana
deva namo bhavate bhayabhedana || 37||
|| vIra ||
madhurahasitavidyAdrAvitAsheShanArI
     dhR^itikaThinabhujA~NgIsa~nchayaH shaM chikIrShuH |
shishirataradR^igambhojA~nchalenAmR^ijaMstAH
     sa rasayatu mukundaH kundadAmAbhirAmaH || 38||
kalitamukhatAna lalitasukhagAna
     janitamatimoha vanitaratidoha |
chaladamalamAla jaladasamabhAla
     naya chaturashIla jaya madhuralIla || 39||
|| vIra ||
mukhacharaNamekaM kampayan lampaTatvaM
     dadhadadhitarugAtraM dharayaMshchArayan svam |
nijatanumanu netraM valligUDhAmbujAkShI
     hasitadR^ishi cha yu~njan ku~njanAthaH sa jIyAt || 40||
\section{(11)}
bakulatu~Ngam 11
ullasa mukunda kundavanamAla mAlamadahAri hAriruchikAya |
kAyanavihAra hAralatikAnta kAntamaNirAjarAjadupakaNTha
kaNTha kamalAsya lAsyakR^itabhUSha bhUShaNahagAna gAnavadhimoda |
modaya bhadakSha dakShamatinArya nAryapathasatvasatvarahR^idiShTa
diShTamahilAga lAgaparabhAga bhAgamaladhIladhIlalitaloka
lokanandabhAla bhAlavidhubimba bimbasubhagoShTha goShThapasamudra |
mudravarachandra chandrarasachitra chitrakakapola polavanahAsa
hAsasahachAri chArimasadanta dantarugakanda kandarasuparva |
parvatavilAsa lAsakamahesha he sharaNa deva nAtha || 41||
unnItavAmakarapadma dhR^itAgrashAkhAM
     rAdhAM vilokya kusumaprachayaikatAnAm |
pashchadvivartitamukhIM sahasA vidhitsu\-
     rvaMshIM svaran jayati gUDhatanurmukundaH || 42||
nIradapu~nja shrIdharagu~nja
bhAsurabhR^i~Nga kShmAdharashR^i~Nga
sthAtulasantastvAmabhajanta || 43||
|| nAtha ||
pANirme.atra madIyaki~NkiNisakhaH chokUyate tena kiM
     sadyaH sundari ki~NkiNImanu nijAM shAsha~NkamAnekShase |
jeghriye kamalaM vikAsya tava kiM chokupyate vA mukhaM
     sAkShAdityatima~njulA tava hare vANI vraje bhrAjatAm || 44||
atha chaNDavR^ittasya sAmAnyabhedaH
veNudhvAnaka dhenusvAnaka
sAraprItida sArashrImada |
dhAmashyAmala bhAmadhyAnala
gopastrIkR^itakopa shrIDita |
hAsaprodita rAsatroTita
mAnashleShaNa dAnasveShaNa |
dAmabhrAjita kAmaprAmR^ita
khelakleshada helashleShada |
bAlakShemada mAlapremada
bhAlasthAlaka jAlakShAlaka |
hArisvedaka vArikShepaka
bAtaprAhita shAtadrAgita |
bhAtakShmAdhara rAtasvAdara
lokakhyApita tokatvAvR^ita |
meghatvAyita he.aghatrAvita
gopavrAtaka bho patrAnaka |
vAditrArata kAditranata
     lokasthAtula shokavyAkula |
chAruvyApR^ita kAruNyAmR^ita
     dhAra prINaya sArashrImaya || 45||
|| vIra ||
maNisaramahadhAre kaustubhAnarghyadIpe
     nijaHrdi vanamAlAtoraNe dhAmni nityam |
parichaya kamalA~NkasvarNasiMhAsanasthAM
     aghahara varadevIM rAdhikAM tvaM sakAmaH || 46||
jaya kuNDala ruchisaNDala
shubhagaNDaka jagadaNDaka |
davakhaNDana varamaNDana
ratipaNDita tanudaNDita
ghanamaNDala navadaNDala || 47||
|| deva ||
vadanamadhurimasadanaM chalanadalanaM karIndrakIrtInAm |
hasitaM sudR^igabhilaShitaM haratu hare mAmakaM hR^idayam || 48||
\section{(12)}
ma~njaryAM korakaH 12
nIlasarojakulastutakAyaka
shIlasamR^iddhijitAkhilanAyaka |
pItanapItanavAmbara nArada
gItanavoditalIla sadA mada |
mArasahasrajayi prabhanAgara
sArasalochana he guNasAgara |
chandanachitraka chitralalATaka
mandanaTannayanA~nchalahAtaka |
kuNDalatANDavitachChabipu~njaka
tuNDalasaddvijarAjasugu~njaka |
hAravirAjitatu~NgasadaMsaka
sAravilAsabharAvadhishaMsaka |
sarvavilakShaNAlakShaNamaNDita
parvavisheShasamarpaNapaNDita |
vishvasabhAjitama~njulatArata
nishvasanollasadAnamadAnata
tundaramA~NkavirAjaduraHsthala
sundarakaustubharatnadharasthala |
nIradadAmadarorjitadhUnana
dhIrajagadvanitAmatimohana |
mattamata~Ngajanavyagatikrama
sattamanUpurapUritavibhrama |
nR^ityakalAtivichakShaNamAdana
kR^ityakalApaparAkhilasAdhana |
dharmaparA~NmukhagopavadhUdhR^ita
bharmapadA~NadarAvavashIkR^ita |
chArutarAbjaparAgabharAdR^ita
     mArutavellitavellidalAvR^ita |
chandrakashobhitachUlasudhAmaya
     mantrakalasvanavaMsha vibho jaya || 49||
|| vIra ||
rAdhAkaTAkShamadhupAvalipItabandhu
     jIvAdharadviguNitasmitasIdhupUraH |
lIlAmbujaM karatalena vikAshya jighran\-
     kR^iShNaH sa me hR^idayagehamala~Nkarotu || 50||
pAdapallavabhAsarillava
nItakharvatarUpaparvata |
mArasustuta kelivastuta
nAthasarvaka sheShaparvaka
chAruvikrama shIlasukrama || 51||
|| vIra ||
valadghUrNApUrNAruNanayanamAkIrNachikuraM
     navAlaktAraktAlikamadharasaktA~njanarasam |
prage rAdhAbAdhAprakupitasakhItarjitamalaM
     hariM yu~nje ku~nje hR^idi kamapi bhAvaM dadhati tam || 52||
\section{(13)}
ma~njaryAM guchChaH 13
jaya kusumashAyakoddhatayuvatira~njita
prabalataraghUrNitAruNanayanaga~njita
bhramaradhR^itabandhujIvaruchiruchirAdhara
prasaradurujR^imbhitahnutichaturanAgara |
shramasalilarAjiyAvakasarasabhAlaka
kramavivR^itavishvagAlulitalalitAlaka |
prakharanakharA~NkitAruNahR^idayakhaNDita
praNayabharavallabhAkaTuraTanadaNDita |
krakachanibhachillitarjanabahulatAdhuta
prakaTashapathAvalidhvanitanijasAdhuta |
smarasamarasUchakalapitavanadAmaka
     grathitabahuchAturIprativachanasAmaka |
drutamasaralAlinirmitapaTimava~nchana
     pratanu mama bhAvamachyuta manasi ka~nchana || 53||
|| vIra ||
smarasamaravimardAmodamugdhaM tavA~NgaM
     mamakanayananAsAnandamuchchairvyatAnIt |
vitara vitara chATu premagarbhaM priyo.asi
     shrutisukhamiti rAdhAgIrdhutaM staumi kR^iShNam || 54||
dR^iShTasmaramada sR^iShTashramapada
     mR^iShTapraNigada dhR^iShTapraNayada |
siddhapratibhaya viddhasvahR^idaya
     vR^iddhaklamaviyadR^iddhaprabha jaya || 55||
|| vIra ||
indIvareNa sakhi karNamala~NkuruShve\-
     tyuktA nira~njanamudIkShayate svanetram |
tattvaM shR^iNoti na cha pashyati rAdhiketi
     vR^indoktito vidhurito vidhurastu bhUtyai || 56||
\section{(14)}
ma~njaryAM gandhaH 14
dhR^iShTavara mAnadava hetibhara dunanava
nIraruhachArumukha rAdhAdhR^itakhedasukha
ma~njupadachATuchayabhAguditashIlamaya
lIla nijatApagaNasUchisamupakramaNa
sAdhucharitAlikR^ita shAntasudR^iga~NghridhR^ita
chUDavanitAsrajalasiktakuchakumbhatala
mArjishubhapANitala labdhamakarA~Nkabala
ma~NkShuhR^itamAnadhana romakasamudgamana
bodhitavilAsarasa labdharatiku~njalasan\-
ma~njukusumAlidala chitramR^idutalpatala
rUpapurukelivishada~Nga suhR^idAlidR^ishaM
a~Nga sukhayAnupadamiddharuchichandramada
hAricharaNAbjanakha dIvyalalitAlisakha || 57||
|| deva ||
jhanaj jhanaditi shruti plutimitA rate ki~NkiNI
     sanatsanaditi svanAshvasiti santatirvAM muhuH |
bhramadbhramara saMbhramA prachala saurabhAlirvibho
     jhalaj jhalati bhAtu me hR^idaya sampuTe ratnavat || 58||
madana raNaga sutanu dashana vidita vidita charita lalana
mukhara balaya kathita vitata sakala sakala nibhR^ita surata
kalita vipina sadana shayana vilasa vilasa kamala nayana || 59||
|| dhIra ||
khapura sarasa vITIM charvayannAsya bhAsA
     varatanu dhR^iti garvaM kharvayan pItavAsAH |
subala bhuja shiro~nchadvAma bAhuH sahelaM
     madakala karigAmI bhAti chitte.anuvelam || 60||
\section{(15)}
vidagdhatribha~NgI 15
vR^indArakanativR^indAdR^itashubhavR^indAvipinapurandara kandara
khelArata varahelAvR^ita sumahelAmukha vidhubimbakachumbaka
gopIgurubhayalopI hitasukharopI kShaNaratinAyakashAyaka
ga~NgAdharadhR^itibha~NgAchita navara~NgAvanamuralIlitashIlita
sharmAlayaguNakarmAkR^itidhara narmAmR^itarasavarShaNaharShaNa
kR^iShNAtaTanaTa kR^iShNAsamasharatR^iShNAvidhutasatIvratatIvrata
rambhAjayisubhagambhAvuka guNasambhAvitamahilAlasalAlasa
rAdhAsmarasharabAdhAhara surasAdhAyakavachanAmaladAmala
kAntAmaNi naya nAntAdaralavashAntAkhiladavalakShaNa sakShaNa
rAmAkuchamukulAmAditatama kAmArbudamadadArunavAraNa
bAlArpitavanamAlAsulalita kAlAgururasavAsita bhAsita
shIloditanijalIlonnata navanIlotpalaruchijAla sadAlasa
devAbhilaShitasevAmaviratamevAdisha karuNAlaya pAlaya || 61||
|| vIra ||
cha~nchadbarhavirAjitiryagaruNoShNIShAvanatyunnati
     bhrAmyatkandharamuchChalatsvaradanadyotAnubiddhasmitam |
sakhyAMsAhitavAmabAhuvalayadrAdhAvitarkAvali
     karNAkarNivachaH prabhorvijayatAM goShThAdhirathyAntaram || 62||
mandamaruchchalapItachela
     shanda sakhIvrajagItakhela |
yu~njadalivrajashobhimAla
     ku~njagR^ihashritakelijAla || 63||
|| vIra ||
naTanmaNisaraM truTadvalayamuchChalatsaurabhaM
     kvaNatkanakanUpuraM vraNitamuktadhArAdharam |
skhalatkachabharaM darashramakapAli sapreyasI
     bhavAnmadanaramyatAM dadhadadhIsha raMramyatAm || 64||
\section{(16)}
atha sAptavibhaktikI kalikA 16
mukhavidhuriShTaH sudR^igabhimR^iShTaH
smaramadadhR^iShTaH sa bhavatu dR^iShTaH |
suvalitahastau karikarashastau
ratikalitastau yuvatibhirastau |
shritabahudAsA jagadabhilAShA
madhurimavAsAH syuriha vilAsAH |
guNamabhidheyaM tamaparimeyaM
jagati sugeyaM raTati vareyam |
vrajabhayadaraNau lasadAbharaNau
lavaNima dharaNau praNuve charaNau |
tAMstarasArAMshchaturimabhArAn\-
mama hR^idudArAn bhajatu vihAran |
dayitasavayasA sahavaramahasA lasa
sahasarasAmR^itamayavachasA pravihara |
tAbhyAM sutanudhR^itAbhyAM smaravashagAbhyAM
tairjayadakShairyuvatidhR^itikShaiH |
pariShadalakShaiH prachalakaTAkShaiH
sudR^igabhilaShate vanamadhivasate |
tadatimadAbhyAM vitarati tAbhyAM
svamapi naTAbhyAM tava nayanAbhyAm |
sudR^iguditebhyaH smaravilasitebhya\-
stadiha tvamebhyaH pramila sitebhyaH |
rati\-sukhabharitAttadatulacharitAn\-
na phalamudArAtparamiha sArAt |
trasyati tAbhyAM ratimugdhAbhyAM
kharanakharAbhyAM tavaka karAbhyAm |
prakharatarebhyo madanasharebhyo
.avasi bata tebhyaH sutanumitebhyaH |
pratitatamasya pratipadamasya
svamiva varasya tvamasi rasasya |
smararaNachalayornaTarasakalayo\-
rjhaShakuNDalayoryugameva kalaya
vrajabhuvi vasatAM ratimabhilaShatAm |
sharaNamasi satAM tasmin bhagavati lIlAM kurvati
paramakR^ipAvati matirastu bhavati |
tava mR^idutarayoraruNAdharayoH khapurasurasayoH
sudR^igatirasayorullasiteShu pramadaya teShu
smitakusumeShu premapradeShu |
svAntaM purudaya navanavarasamaya
charita nikhilanayamandira jaya jaya || 65||
|| vIra ||
svIyaM kaushalasUchakena kuTilAlokena kIrNo.apyalaM
     kurvanneva kapolayormakarike gAndharvikAyAshchiram |
prasvinnA~NgulirAdisha prabhuvara tvaM mAM kR^ipAvAridhe
     yena tvAmabhivIjayAni valitAnandAshru sapreyasIm || 66||
jaya shubhalIlAmR^itarasalIlA
mayabhavadAliparijanapAlIM
anugaNanAyAmahamapi yAyAM
 iti bhavapAshAvR^itamatirAshAM
api rachayeyaM phalatu mameyam || 67||
|| nAtha || vIra ||
madhurarasakR^itArthIkArihArIShTalIlaH
     praNayisujanachetovapraviplAvishIlaH |
kShaNaruchiruchikAntAkAntisaMmardadhIlaH
     sukhayatu mudiro.asmAnmeduraH ko.api nIlaH || 68||
rAdhAmAdhavasAdhusAdhanasudhAdhArAdhurAdhAriNAM
     dhAtA sA tamiyaM nutiH pratipadaM prItipratAnA satAm |
atrAdhiM vidhuvan dharAdharadharo dhArAdharendradyutiH
     sadyaH sa dyatu yadyavadyamadhipadyAdyantamadhyAntagaH || 69||
shrImadrUpapadAbjadhUlimalike nityaM dadhe yA manA\-
     ghrAtA hR^inmadhupaM mamAnayadaho kR^iShNA~NghritR^iShNA~Nghripam |
yaH saMsAramata~NgajA~NgamadirAM vyasmArayatsvai rasai\-
     ryadgandhANulavo.api karShati dhR^itottarShaM munIndrAnapi || 70||
ShodaShabhiH kalikAbhiH pUrNAmR^itarashmimaNDalIveyam |
virudAvalyadhiku~njaM sarAdhAmAdhavamude bhUyAt || 71||
viyannabhaHkArakachandrasa~Nkhye
     shAke shUchau sUryadine shudarshe |
niku~njakelIvirudAvalIyaM
     rAdhAsarastIrabhuvi vyarAjIt || 72||

iti mahAmahopAdhyAyashrIvishvanAthachakravartivirachitA
           niku~njakelivirudAvalI samAptA |

\chapter{##(23) Suratakathamritam Aryashatakam ## .. (23) suratakathAmR^itaM athavA Aryashatakam ..}
mUlagranthasya kendrIyashlokaH\-
kadAhaM seviShye vratatichamarIchAmaramaru\-
     dvinodena krIDA kusumashayane nyastavapuShau |
daronmIlannetrau shramajalakaNaklidyadalakau
     bruvANAvanyonyaM vrajanavayuvAnAviha yuvAm ||
utkalikAvallarI 52
shrIkR^iShNa uvAcha\-
chitramidaM nahi yadaho vitarasyadharasudhAM nikAmaM me |
ati kR^ipaNo.api kadAchidvadAnyatamatAM janaH priye dhatte || 1||
layamapi na yAti dAne pratyuta R^iddhiM rasAdhikAM labhate |
adharasudhottamavidyAM vibudhavarAyAdya me dehi || 2||
svAnte bibhrati bhavatIM svAnte vAsinyatisnigdhe |
mayi kimapUrvAM nAdAstvamimAM cha yasmAdviduShyaho tatra || 3||
shrIrAdhAha\-
kularamaNItatilajjAnirmUlanatantrakaushalodgAraiH |
prathayasi kimu nijagarvaM j~nAtaM pANDityamasti te tatra || 4||
daivAdvipakShatAmapi mayi yAntyA bata mamaiva sahacharyA |
nyastAhaM tava haste kathamatra garvo bhaven na te || 5||
ayamapi paramo dharmaH shlAghA mahatI taveyameveShTA |
yauvanaphalamapi chedaM kulAbalApIDanaM yadaho || 6||
shrIkR^iShNa Aha\-
smaranarapativararAjye dharmaH sharmaprado.ayamAdiShTaH |
vatsyAyanamuninirmitapaddhatyuktAnusAreNa hi || 7||
api cha\-
atra pramANamiShTaM chenmadukte.api na manyate ki~nchit |
bharatamuneH kila shAstraM shAstrAntaramatra ko gaNayet || 8||
vidyuti vidyutidAyI shlAghAM manute payodharaH svIyAm |
vidyudapi svAM suShamAM payodhare shlAghayatyadhikAm || 9||
shrIrAdhAha\-
govardhanagirikandaravAsI harirasIti shrutaM katidhA |
kulabAlAhariNItatirathApi gachChatyato na te doShaH || 10||
kiM kurmaH svAcharito dharmastyaktuM kathaM punaH shakyaH |
dinakarapUjanavidhiriha kusumAvachaye pravartyate || 11||
shrIkR^iShNa Aha\-
vR^indAraNyapurandaramapi mAM na girApi karhichinmanuShe |
sUryArAdhanagarvastadayaM rAdhe na te bhavetkharvaH || 12||
govardhanagiridhAraNakAraNamojo na te.adhikaM manute |
tava savayastatirapi sa tavaikakuchashailagarveNa || 13||
shrIrAdhAha\-
na kila kuchau mama shailau pashyAmbujakorakau navotpannau |
na tayordalanaM marakatashilAnibhenorasA.adya te yogyam || 14||
kaustubhamaNiratitaralaH saralamatiH punarahaM kula pramadA |
tadalamanena dhinotu tvAM nijasadR^ishaM bhR^ishaM hR^idisthaste || 15||
shrIkR^iShNa Aha\-
satyamayaM bhayataralaH kaNThataTAntaM mama priye shrayate |
dayate tava kuchadvayamadhikaM sammardayatyaho sadyaH || 16||
shrIrAdhAha\-
tava kharanakharavidAraNasahanaM kuchayoriyaM varA shaktiH |
kimatra sambhavati sphuTamanayoH svabalaprakAshanATopaH || 17||
shrIkR^iShNa Aha\-
mama kharanakharamahA~NkushaghAtAdapi shataguNaM balaM labdhvA |
kolAdiva kucha kumbhau mamArdayato bhR^ishaM priye pashya || 18||
shrIrAdhAha\-
kuchapadmakuTmalayugaM mardayati tvAM nijAtidaurAtmyAt |
vR^indAvanavarasindhura nanu dayase tvaM nisargakAruNyAt || 19||
shrIkR^iShNa Aha\-
tanvAte mudamuchchaistAvakakuchakorakau yadimau |
nakhachandrodayamadhi kiM svayogyamatulaM na shobhate priye || 20||
shrIrAdhAha\-
nakharAnAmatikharatAratAya te tAvakena kila vidhinA |
vrajavanitAnAmaruchya ruSheva niramAyi kiM nUnam || 21||
shrIkR^iShNa Aha\-
kusumAdapi mR^idulA~NgyAH kuchayorevAsti hanta kAThinyam |
 iti tan niShkAshayituM kShuNatti nakharAvalI chaturA || 22||
shrIrAdhAha\-
hanta kR^itaM bata kimidaM suratarasonmadakulastriyAH kadanam |
hArAstruTitAH kA~nchI galitA skhalitA tathaiva me veNI || 23||
shrIkR^iShNa Aha\-
hArA balAdurubhArAH kR^ishamapi madhyaM cha nahyate kA~nchI |
chikurakadarthanabhUtA veNI tadimA rakShituM na yogyAH || 24||
shrIrAdhAha\-
Udho yena girIndrastamapi na vahato mamoraso bhAraH |
hArairbhUShaNabhUtairabhUdiyaM snehamudrA kim || 25||
kuchagirivahanapaTutvaM kR^ishamapi madhyaM yato balAddhatte |
maNimayakA~nchIbandhAdeva tamR^ite dR^iDhatA.asya kena syAt || 26||
utkarShaNAvAkarShaNaparyAyoditaparasparAsaktyA |
prItiriyaM kila veNIchikurANAM na cha kadarthanaM vAchyam || 27||
shrIkR^iShNa Aha\-
satyamahaM giridhArI karanalinAbhyAM giridvayaM dhAsye |
madhyasyAtra paTutvairalaM balaM kila mamaivAstAm || 28||
chikurANAmapi veNyAH parasparAsaktiH sUchitA |
prItyA kiM phalamiha yadi paricharaNaM te na kurvanti || 29||
veNIbandhavimuktashchikura kalApo.atra vellito marutA |
chAmaratAmupayAtaH svinnA~NgIM vIjayatyaho bhavatIm || 30||
shrIrAdhAha\-
AviskR^ita puru shilpaM sakhyA me bahu vilambato rachitam |
chitrakamalikataTe tatkShaNena vidhvaMsitaM bhavatA || 31||
shrIkR^iShNa Aha\-
smitamukhi ruchArdhavidhunA suchArubhAlena me milantyeShA |
tvadalikavidhurekhA.asmai premnA.arpayati sma sarvasvam || 32||
shrIrAdhAha\-
gaNDataTe mama makarI shyAmA saralAtichitritApyabalAm |
makaradvayatATa~Nkashchapalo dhR^iShTaH kadarthayatyenAm || 33||
shrIkR^iShNa Aha\-
ramaNi mama shrutiyugalaM tvaduditasaudhadravaiH plutaM tadapi |
dviguNitatR^iShNaM jAtaM lolupatAyAH svarUpamevaitat || 34||
shrIrAdhAha\-
lolupachUDAmaNirasi tavA~NgavR^indaM cha lolupaM yadayam |
mannayanAktamasImapyadharo rAgI sva maNDanaM kurute || 35||
shrIkR^iShNa Aha\-
bandhUkAntaravartinamalinamivAyaM masIdravaM dhR^itvA |
akShNoreva mudaM te tanute tadimaM kimAkShipasi || 36||
shrIrAdhAha\-
vande tava parihasitaM kaM devaM paricharasyaho nibhiR^itam |
yatprasAdAdadhItA sauratavidyAtichAturIdhArA || 37||
shrIkR^iShNa Aha\-
tava jaghanottamasadanaM sarasaM devaM samupacharAmyatulam |
nibhR^itaniku~njagR^ihasthaH prati dinamuchitAdhikAra evAham || 38||
shrIrAdhAha\-
satyamataH svArUpyaM labdhvA dR^iptaH kulAbalAnalinIH |
malinIH kuruShe kA tava nayane patitA svakaM patiM bhajatAm || 39||
shrIkR^iShNa Aha\-
sakhi tava nirAvR^itAnyatiruchirAnya~NgAnyatIva sa~Nkuchanti |
samprati mannayanAntarvishanti mandAkShamagnAni || 40||
shrIrAdhAha\-
dhR^iShTatame tava nayane yanmitraM kaustubho dyutiM tanute |
tadiha mada~NgAnyadhunA sharaNaM yAntu tvada~NgAnAm || 41||
shrIkR^iShNa Aha\-
hitvA satR^iShadR^ishau mama vairAdiva kaustubhaM parAbhUya |
vishati tava stanayugalaM maddhR^idayAntaH svavikramaM bibhrat || 42||
shrIrAdhAha\-
kaThinatamaM tava hR^idayaM kuchayugamapi me pratIyate kaThinam |
taduchitamanayormilanaM yogyaM yogyena yujyate yasmAt || 43||
shrIkR^iShNa Aha\-
maduraH pakShagatA tvaM mama yadyakShNorvipakShatAM kuruShe |
tadapi tayostvadvadanaM prakAmasubhagaM mudaM tanute || 44||
shrIrAdhAha\-
svachChandaM yadi ramase ramasva tatrAbalAsmi kiM kuryAm |
kShipasi dR^ishaM yadalajjaM madapaghane tatkathaM sahe kulajA || 45||
shrIkR^iShNa Aha\-
yadi mama dR^iShtichakoryA vidhumukhi naivopalabhyase daivAt |
hR^idayagR^ihe khelasyapi tathApi hA jvalayasi prasabham || 46||
shrIrAdhAha\-
tava bhujayugadR^iDhabandhaM vAmApIhe.anyathA bhavannayane |
nistrapashiromaNe mAM trapAmbudhau pAtayiShyataH prakaTam || 47||
shrIkR^iShNa Aha\-
tvannayane cha madakShNorantevAsitvamichChataH kintu |
garvAdiva na cha paThataH prakaTaM prauDhiH kiyato aho yadiyam || 48||
shrIrAdhAha\-
chetaH sphuTati svayaM cha tathApi nayane na tAdR^ishe bhavataH |
sAdhvInAmiyamuchitA eva nisargatrapAkulatA || 49||
shrIkR^iShNa Aha\-
samprati satyaM brUShe trapAvatInAM shiromaNistvamasi |
vatsyAyanatantroktaH sAdhvInAmayameva dharmaH || 50||
shrIrAdhAha\-
yadyapyarundhatI sA sAdhvIgaNagaNyagauravA jagati |
dharmamimaM pAThayituM tAmapi shaknoti te nayanam || 51||
shrIkR^iShNa Aha\-
rADhe dviguNitashobhaM madAsyapa~NkeruhaM dhruvaM pibatu |
sampratyapi nijalochanamadhukarayugaM kiM na sarvathA dishasi || 52||
shrIrAdhAha\-
lAvaNyAdbhutavanyAmayaM tvada~NgaM na shIlayatyadhikam |
lochanashapharayugaM mama dR^igantajAlaM yadA nu tatkShipasi || 53||
shrIkR^iShNa Aha\-
nUpurama~NgalavAdyaj~nApitamanasijanR^ipotsavAmodaH |
tvaritamupayAti alivandI kIrtiM cha tava prathayanvirAjate || 54||
shrIrAdhAha\-
dayita nR^ipo.asyanubhUtaH satyaM manasijaparaHshatAnAM tvam |
dishi dishi satIShu vikramavijayaM shaMsati tavaivAyam || 55||
shrIkR^iShNa Aha\-
suratamahAmakhabherI trijagati garjaMstavaiSha nUpuraH |
tarjati garvavatIstAH prakAmamamarA~NganA api prasabham || 56||
shrIrAdhAha\-
ramaNamahoditamadabharamattAhaM kiM bravImi te charitam |
stauShi muhurnUpuramapi nUpuramAtrAvashiShTabhUShAyAH || 57||
shrIkR^iShNa Aha\-
kiM kathyase svayaM bata ramaNamahe tvaM samuddhatA satyam |
madabharamatta yan nijaparihitavAso.api kuruShe smarasAt || 58||
shrIrAdhAha\-
sa kila taveShTA devatA madanaH shraddhAvatIrato yuvatIH |
upadiShyaitanmantraM shiShyAH kuruShe vitIrNasarvasvAH || 59||
shrIkR^iShNa Aha\-
tvayi punarasau rasaj~naH smaro.api ropitamudA vasati |
yadidaM kuchahATaka sampuTayugamasya sarvasvam || 60||
shrIrAdhAha\-
evaM chetkathamanayoH ka~nchukamatha mauktikaM lasaddhAram |
mR^igamadacharchAM dalayasi kalayasi cha kaThinakarAghAtam || 61||
shrIkR^iShNa Aha\-
svadhanavyavahR^itisamaye hATakamayasamputasya yaddR^iShTaH |
ma~NgalabhUShaNavasanodghATo mukhadArDhyataH nakhAghAtaH || 62||
shrIrAdhAha\-
tadvyavahartA punaratha kR^itvA dviguNitasusambhAram |
AvR^ityAtirahaHsthaM kurute sampuTamidaM cha bho dR^iShTam || 63||
shrIkR^iShNa Aha\-
smaramaNisampuTakuchayugamadhunApyuttAnamasti tatkAnte |
hR^idayagR^ihaM mama pUraya kR^itvA.adho mukhamidaM mahAratnaiH || 64||
shrIrAdhAha\-
vidhinA vimR^ishya nihitaM yAsAmabaleti nAma yuktArtham |
tAsAM kuchasampuTayoradho mukhI kR^itividhau kva vA shaktiH || 65||
shrIkR^iShNa Aha\-
kati na karagrahavidhinA kuchasampuTakAntarAhR^ita rAdhe |
modamaNInAM tatayastadapi na me pUryate hR^idayam || 66||
shrIrAdhAha\-
vrajavanitAH shatakoTyastavaiva tAH paNDitAshcha ratitantre |
hR^idayaM tadapi ratau bata ra~NkatamatvaM na te tyajati || 67||
shrIkR^iShNa Aha\-
smarashikhitapte mama hR^idi sukumAryastAH vishantu kiM mugdhAH |
tvamatisamarthA prasabhaM pravishya rAjasi sadaivaikA || 68||
shrIrAdhAha\-
tadaye svara~NgadAne svara~NganAstAH samAnaya kShipram |
tattannAma gR^ihItvA muralIgAne tavAtra ko yatnaH || 69||
shrIkR^iShNa Aha\-
nandanavanakusumA~nchitashiro.api dhartuM nijAtyayogyatayA |
tava padanakhatalasavidhe lajjaM te suravarA~NganA api tAH || 70||
shrIrAdhAha\-
nAbhIvivaravarAnme samudgateyaM na kAntaromAlI |
kintu prakupitabhujagI tadunmukhaM kimu chikIrShasi svakaram || 71||
shrIkR^iShNa Aha\-
tava romAlIbhujagIM khelayituM matkarashchalatyabhitaH |
bhavadakhilA~NgagatAnyapi romAnyudyAnti kiM roddhum || 72||
shrIrAdhAha\-
madakhilagAtrabhaTA api yataH parAbhavamavApya muhyanti |
smararaNamatte tvayi kiM bata romnAM yujyate yuddham || 73||
shrIkR^iShNa Aha\-
vayamatikR^ishAshcha tadapi prabhavAmodgamavidhAviti prakaTam |
bhavatImudgamacharyAM romabhaTAH smarayantyaho chaturAH || 74||
shrIrAdhAha\-
ratirasaparavasha ! sahate te.atathyaM kiM me tanoranvayaH |
ramayasva ativAmAmapi tAM na cha dayase kAntyA vedayase || 75||
shrIkR^iShNa Aha\-
smarashararAdhe rAdhe samare samarekhayA~nchite dvitaye |
iha bhavada~Ngamada~Nge pratibhaTamadhunA dhunAnestAm || 76||
shrIrAdhAha\-
prasvedAmbu vamantI ghanarasasikteva gAtravallI me |
dalito lalitAkalpastalpashcha khaNDito no vA katidhA || 77||
shrIkR^iShNa Aha\-
madanaghanAghana eSha svedamiShAdvarShatIha tanuvallIm |
ghanarasabharaiH pratipadamuditalasatkorakAM kAnte || 78||
shrIrAdhAha\-
priya tava taruNimajaladheravadheranveShaNaM kathaM kurutAm |
mahilAmatimakarI tadviramyatAM ramyatAM rataM yAtu || 79||
shrIkR^iShNa Aha\-
atiniHshvasitasamIraNavegAddviguNIbhavanmahAvIchim |
kelisudhAsaritaM nau mAnasakariNau muhurmuhurbhajatAm || 80||
shrIrAdhAha\-
khelati manaHkarI te satyaM prakaTaM sa lakShyate kintu |
tatraikyaM mama manaso brUShe ko.atrAbhiprAyaste || 81||
shrIkR^iShNa Aha\-
shrImanmadanasurottamasevA samsiddhaye tu nau manasI |
aikyamavApya tvarayA tatra cha sAyujyamIhete || 82||
shrIrAdhAha\-
svasminneva tanormama manasashchApyekadaiva sAyujyam |
prasabhaM kuruShe deva tvameva sAkShAnmahAmadanaH || 83||
shrIkR^iShNa Aha\-
sarvasvAtmasamarpaNakAriNyai te mudA mAraH |
svIyAM mauktikamAlAmalike svedakaNavyAjAddatte || 84||
shrIrAdhAha\-
tvadalakanikarastAmapi nItvA stimyati haThAdayaM chapalaH |
madanaprasAda ityatibhAgyaM saMshlAghate svIyam || 85||
shrIkR^iShNa Aha\-
tAmbUlAmR^itarasalavalAbhenaivAtra garvite bhavannayane |
antarbahirapi tadrasamudite gaNDe kathaM nu me hasataH || 86||
shrIrAdhAha\-
yatsUchayasi rasapriya tadidaM svenaiva pAThitaM tantram |
svayameva vyAchaShTe sa bhavAniti kila namastubhyam || 87||
shrIkR^iShNa Aha\-
manmukhapa~Nkeruhamapi chitramidaM yadvikAshayasyadhikam |
guNavatyatisurabhitena svavadanasudhAkarasudhAdraveNa hi || 88||
shrIrAdhAha\-
nIlanidherbata poto binduvyAjena rakShitashchibuke |
tamapi cha bhavadadharo.ayaM hR^itavAniti kati mR^iShAmyanayam || 89||
shrIkR^iShNa Aha\-
anurAgiNamapi sAgasamadharaM me daNDayasyataH kopAt |
radanAstreNa tadapyabhimanute labdhaprasAdamevAyam || 90||
shrIrAdhAha\-
adhi radanachChandanaM me svaradanakIrtiM na kiM vichArayasi |
yuvatIsabhAsu chitraM trapAkulatamateyaM nu mayi sR^iShTA || 91||
shrIkR^iShNa Aha\-
viShamAshugaraNara~Nge svA~NgenAtula parAkramA kramase |
darshaya bhujabalamayi bho mayi te dayite guNAvalI phalatu || 92||
shrIrAdhAha\-
tanvImapi tanumetAM muhuratidArDhyena veShTayate |
tvadbhujabhujA~NgapAshaH shvAso me kevalaM valate || 93||
shrIkR^iShNa Aha\-
samprati sAkShAtkAro madanasya syAditIva jAnImaH |
yan nashchetastvarate nirupamamatraikabhAvAya || 94||
shrIrAdhAha\-
tANDavapaNDita nitarAmalamadhyApanashrameNa te |
madapaghanAH svayamete chAraNacharyAsu yAnti naipuNyam || 95||
shrIkR^iShNa Aha\-
madanamahAghanaghUrNAghrAtAnya~NgAni nau priye yugapat |
shvAsoditajayachaturimabharamanyonyaM dishanti sonmAdam || 96||
 (shrI granthakartAha\- )
lochanamInachatuShTayamadhunA niShpandatAmurIkurute |
rasabharavismayamatte naisargikacheShTitasmR^itiH kiM syAt || 97||
chandananaladasudhAMshudravamayajalayantraveshmamadhyasthe |
sthalajalaruhadalakalpitatalpe.asuptAM ratashrAntau || 98||
kramavalitairniHshvasitaiH surabhayatoH svAminorathAnyonyam |
nidrAvR^iddhimavetya pramodasindhAvayaM janaH plavatAm || 99||
suratakathAmR^itamAryashatakaM natakandharo jano juShatAm |
ratasukhadhAmagavAkShashritanayanaH svAminoraho kR^ipayA || 100||
pravishatu shanaiH shanairatha mUkitanUpuraM janastatra |
gAtre nibhAlya yUnoH svavalayarAjIM pidhAya badhnAtu || 101||
kampanachakitairalibhistyaktumashakyena tAlavR^intena |
vIjayatu shramasalilaM pratya~NgaM shoShitaM nirUpayatu || 102||
rAdhAkuNDataTavAsamahAsampadaM madaH so.ayam |
kimu vA~nChitamatidurlabhavastuni tamR^ite mamAstu sambhAvyam || 103||
aShTamak adhikarahasyavya~njakaM mathnan nibadhyate.atra shatake |
tAdR^ishabhAvavibhAvitahR^idayenaivAstu tatsevyam || 104||
khaviyadR^itukShamAgaNite shAke vR^iShasaMsthite divAdhIshe |
suratakathAmR^itamudagadudayatAM cha bhaktahR^innabhasi || 105||

iti mahAmahopAdhyAyashrIvishvanAthachakravartivirachitaM
          suratakathAmR^itaM samAptam ||

\chapter{##(24) Shri Nandishvarashtakam ## .. (24) shrInandIshvarAShTakam ..}
sAkShAnmahattamamahAghanachidvilAsa
     pu~njaH svayaM shikharishekharatAmupetaH |
yatreshvaraH sa khalu nandati yena veti
     nandIshvaraH sa madamandamudaM dadhAtu || 1||
brahmANDavapragatalokanikAyashasya
     santarpi kR^iShNacharitAmR^itanirjharADhyaH |
parjanyasantatisukhAspadapUrvako yo
     nandIshvaraH sa madamandamudaM dadhAtu || 2||
yatsaubhagaM bhagavatA dharaNIbhR^itApi
     na prApyate suragiriH sa hi ko varAkaH |
nandaH svayaM vasati yatra saputradAro
     nandIshvaraH sa madamandamudaM dadhAtu || 3||
yatra vrajAdhipapurApratimaprakAsha
     prAsAdamUrdhakalashoparinR^ityara~NgI |
barhIkShyate bhuvi jayadhvajaketubhUto
     nandIshvaraH sa madamandamudaM dadhAtu || 4||
yachChR^i~Ngasa~NgatasugandhashilAdhirUDhaH
     kR^iShNaH satR^iShNanayanaH parito vrajAbjam |
Alokyate dviShaDudAradAlATavIstA
     nandIshvaraH sa madamandamudaM dadhAtu || 5||
jigye yadIyataTarAjisarojarAji
     saurabhyama~njulasarojalashIkareNa |
trailokyavartivaratIrthayasho rasaughai\-
     rnandIshvaraH sa madamandamudaM dadhAtu || 6||
yattIrasa~NgipavanairabhimR^ishyamAnAH
     syuH pAvanA api janAH svadashAM pareShAm |
sA pAvanAkhyasarasI yadupatyakAyAM
     nandIshvaraH sa madamandamudaM dadhAtu || 7||
kR^iShNAkhyamasti mahadujjvalanIlaratnaM
     sUte tadeva vasu tatsvabhuvaiva dR^iShTam |
tallabhyate sukR^itinaiva yadIyasAnau
     nandIshvaraH sa madamandamudaM dadhAtu || 8||
durvAsanAshatavR^ito.api bhavatprayatnaH
     padyAShTakaM paThati yaH shikharIsha tubhyam |
kR^iShNA~Nghripadyarasa eva sadA satR^iShNaM
     etaM janaM kuru gurupraNayaM dadhAnam || 9||

iti mahAmahopAdhyAyashrIvishvanAthachakravartivirachitaM
          shrInandIshvarAShTakaM samAptam |

\chapter{##(25) Shri Vrindavanashtakam 2 ## .. (25) shrIvR^indAvanAShTakam 2 ..}
na yogasiddhirna mamAstu mokSho
     vaikuNThaloke.api na pArShadatvam |
premApi na syAditi chettarAM tu
     mamAstu vR^indAvana eva vAsaH || 1||
tArNaM januryatra vidhiryayAche
     sadbhaktachUDAmaNiruddhavo.api |
vIkShyaiva mAdhuryadhUrAM tadasmin
     mamAstu vR^indAvana eva vAsaH || 2||
kiM te kR^itaM hanta tapaH kShitIti
gopyo.api bhUmeH stuvate sma kIrtiM
yenaiva kR^iShNA~NghripadA~Nkite.asmin
mamAstu vR^indAvana eva vAsaH || 3||
gopA~NganAlampaTataiva yatra
     yasyAM rasaH pUrNatamatvamApa |
yato raso vai sa iti shrutistan
     mamAstu vR^indAvana eva vAsaH || 4||
bhAnDIragovardhanarAsapIThai\-
     strIsImake yojanapa~nchakena |
mite vibhutvAdamite.api chAsmin
     mamAstu vR^indAvana eva vAsaH || 5||
yatrAdhipatyaM vR^iShabhAnuputryA
     yenodayetpremasukhaM janAnAm |
yasminmamAshA balavatyato.asmin
     mamAstu vR^indAvana eva vAsaH || 6||
yasminmahArAsavilAsalIlA
     na prApa yAM shrIrapi sA tapobhiH |
tatrollasanma~njuniku~njapu~nje
     mamAstu vR^indAvana eva vAsaH || 7||
sadA rurunya~NkumukhA visha~NkaM
     khelanti kUjanti pikAlikIrAH |
shikhaNDino yatra naTanti tasmin
     mamAstu vR^indAvana eva vAsaH || 8||
vR^indAvanasyAShTakametaduchchaiH
     paThanti ye nishchalabuddhayaste |
vR^indAvaneshA~NghrisarojasevAM
     sAkShAllabhante januSho.anta eva || 9||

iti mahAmahopAdhyAyashrIvishvanAthachakravartivirachitaM
          shrIvR^indAvanAShTakaM samAptam |

\chapter{##(26) Shri Govardhanashtakam ## .. (26) shrIgovardhanAShTakam ..}
kR^iShNaprasAdena samastashaila
     sAmrAjyamApnoti cha vairiNo.api |
shakrasya yaH prApa baliM sa sAkShA\-
     dgovardhano me dishatAmabhIShTam || 1||
svapreShThahastAmbujasaukumArya
     sukhAnubhUteratibhUmi vR^itteH |
mahendravajrAhatimapyajAnan
     govardhano me diShatAmabhIShTam || 2||
yatraiva kR^iShNo vR^iShabhAnuputryA
     dAnaM gR^ihItuM kalahaM vitene |
shruteH spR^ihA yatra mahatyataH shrI
     govardhano me diShatAmabhiShTam || 3||
snAtvA saraH svashu samIra hastI
     yatraiva nIpAdiparAga dhUliH |
Alolayan khelati chAru sa shrI
     govardhano me diShatAmabhIShTam || 4||
kastUrikAbhiH shayitaM kimatre\-
     tyUhaM prabhoH svasya muhurvitanvan |
naisargikasvIyashilAsugandhai\-
     rgovardhano me diShatAmabhIShTam || 5||
vaMshapratidhvanyanusAravartma
     didR^ikShavo yatra hariM hariNyAH |
yAntyo labhante na hi vismitAH sa
     govardhano me diShatAmabhIShTam || 6||
yatraiva ga~NgAmanu nAvi rAdhAM
     Arohya madhye tu nimagnanaukaH |
kR^iShNo hi rAdhAnugalo babhau sa
     govardhano me diShatAmabhIShTam || 7||
vinA bhavetkiM haridAsavarya
     padAshrayaM bhaktirataH shrayAmi |
yameva saprema nijeshayoH shrI
     govardhano me diShatAmabhIShTam || 8||
etatpaThedyo haridAsavarya
     mahAnubhAvAShTakamArdrachetAH |
shrIrAdhikAmAdhavayoH padAbja
     dAsyaM sa vindedachireNa sAkShAt || 9||

iti mahAmahopAdhyAyashrIvishvanAthachakravartivirachitaM
          shrIgovardhanAShTakaM samAptam |

\chapter{##(27) Shri Krishnakundashtakam ## .. (27) shrIkR^iShNakuNDAShTakam ..}
kiM tapashchachAra tIrthalakShamakShayaM purA
     suprasIdati sma kR^iShNa eva sadaraM yataH |
yatra vAsamApa sAdhu tatsamastadurlabhe
     tatra kR^iShNakuNDa eva saMsthitiH stutAstu naH || 1||
yadyariShTadAnavo.api dAnado mahAnidhe\-
     rasmadAdidurmatibhya ityahovasIyate |
yo mR^itichChalena yatra muktimadbhutAM vyadhAt
     tatra kR^iShNakuNDa eva saMsthitiH stutAstu naH || 2||
govadhasya niShkR^itistrilokatIrthakoTibhI
     rAdhayetyavAdi tena tA hariH samAhvayan |
yatra pArShNighATaje mamajja cha svayaM mudA
     tatra kR^iShNakuNDa eva saMsthitiH stutAstu naH || 3||
kvApi pApanAsha eva karmabandhabandhanA\-
     dbrahmasaukhyameva viShNulokavAsitA kvachit |
premaratnamatyayatnameva yatra labhyate
     tatra kR^iShNakuNDa eva saMsthitiH stutAstu naH || 4||
phullamAdhavIrasAlanIpaku~njamaNDale
     bhR^i~NgakokakokilAdikAkalI yada~nchati |
AShTayAmikAvitarkakoTibhedasaurabhaM
     tatra kR^iShNakuNDa eva saMsthitiH stutAstu naH || 5||
dolakelichitrarAsanR^ityagItavAdanai\-
     rnihnavaprasUnayuddhasIdhupAnakautukaiH |
yatra khelataH koshorashekharau sahAlibhi\-
     statra kR^iShNakuNDa eva saMsthitiH stutAstu naH || 6||
divyaratnanirmitAvatArasArasauShTavai\-
     shChatrikA virAji chAru kuTTimaprabhAbharaiH |
sarvalokalochanAtidhanyatA yato bhavet
     tatra kR^iShNakuNDa eva saMsthitiH stutAstu naH || 7||
mAthuraM vikuNThato.api janmadhAmadurlabhaM
     vAskAnanantato.api pANinA dhR^ito giriH |
shrIharestato.api yatparaM saro.atipAvanaM
     tatra kR^iShNakuNDa eva saMsthitiH stutAstu naH || 8||
kR^iShNakuNDatIravAsasAdhakaM paThedidaM
     yo.aShTakaM dhiyaM nimajya kelaku~njarAjitoH |
rAdhikAgirIndradhAriNoH padAmbujeShu sa
     premadAsyameva shIghramApnuyAdanAmayam || 9||

iti mahAmahopAdhyAyashrIvishvanAthachakravartivirachitaM
          shrIkR^iShNakuNDAShTakaM samAptam |

\chapter{##(28) Shri Gitavali 2 ## .. (28) shrIgItAvalI 2 ..}
prabho kR^iShNachaitanya gaurA~Nga
     vishvambhara shrIshachInandana premasindho |
hare kR^iShNa gopAla govinda
     nandAtmaja goShThagopIjanaprANabandho || dhR^i||
\section{(1)}
pAyaya kR^ipayA premasudhA mAM
     kAraya nijasevA bahudhA mAm |
shrIgovinda madanagopAla gopInAtha
     shrIkR^iShNa hare vrajajanagItalIlAgAtha ||
madhurimagarimasarasakaruNAlaya
     lochanakoNavikAsham |
mAmanubhAvaya bhAvaya nijaguNarUpa
     kalApavilAsam ||
shrIvR^indAvanaku~njavihAriNi
     rAdhe haridayite |
naya nijacharaNasarojatalaM
     mAmurarIkuru lalite || 1||
\section{(2)}
rAga kAnaDA
vande shrIvR^iShabhAnusutApada !
kamalanayanalochanasampada ||
nakhara mukurajita koTisudhAkara |
mAdhava hR^idayachakora manohara ||
kamalAnuta saubhagarekhA~nchita |
lalitAdikarayAvakara~njita ||
saMsevayA giridhara matimaNDita |
rAsavilAsa naTanarasapaNDita ||
\section{(3)}
rAga tuDi
iha navava~njulaku~nje |
kuruvakakusumasuShamanavagu~nje ||
tAmabhisAraya dhIrAm |
trijagadatulaguNabharimagabhIrAm ||
guruma~NgIkuru bhAram |
virachaya madanamahodadhipAram ||
bhavatIM garimavalambe |
maduchitamiha kuru vigatavilambe ||
 iti gaditA madhuripuNA |
tvaritamagAdiyamatinipuNA ||
rahasi sarasi chaTu rAdhA |
samabodhayadaghahara purubAdhAm ||
hR^idi sakhi ! vasasi murAreH |
jvalayasi tadapi kimakR^itavichAre ||
adhunA dR^ishi cha balavantI |
shishiraya tadamitaruchi vibhavantI ||
harivallabha giramamalAm |
shravasi rachaya sumanasamiva mR^idulAm ||
\section{(4)}
kedAra rAga
sundari kalaya sapadi nijacharitam |
tvamatanukArmaNaviduShi rasikamamUM
AkarShasi guNakalitam ||
\section{(5)}
nijamandiramanupadalasadindiraM
     api parihAya vilAsI |
abhavadapAstasamastakalaM giri
     kandarataTavanavAsI ||
bhavadanurAganR^ipo.akR^ita hA kiM
     akAraNavairamapAram |
praharati manasija dhanvAmunA
     prahito yadamuM kati vAram ||
jIvayituM yadi kAntamana~Nga
     guNAlayamichChasi kAnte |
abhisara samprati bhAmini
     harivallabhabhuvi tAnte ||
\section{(6)}
varADI
mA tuda mu~ncha paTAntamiti sphuTakuTilamukhaM smitamishram |
ShADavamiva prItishritabhujabalarAshiraghArirakR^iShTam ||
sakhi he ! pashya nayanasukhasAram |
rasikamukuTatanuyugalamadhi shritabahuvidhamadanavikAram ||
chaTulitavikaTachillidhanurarpitashAnitashoNakaTAkShA |
tarjati dayitamimaM tadapi pratiparirambhaNarasadakShA ||
mukhamatipUtamidaM yuvati vrajarasanArasitamakhaNDam |
sparshaya mA dayitetyabhidhAya punardhayati priyagaNDam ||
virama satItvamajani mama khaNDitamiti hitamapi tava siddham |
 iti sA ruSheva radairnijavallabhamadhare rachayati viddham ||
\section{(7)}
haribhujakalitamadhuramR^idulA~NgA |
tadamalamukhashashivilasadapA~NgA ||
rAdhA lalitavilAsA |
adhi ratishayanamajani mR^iduhAsA ||
asadkR^iduda~nchitaghanaparirambhA |
kharanakharA~NkushoditakuchakumbhA ||
smarasharakhaNDitadhR^itimatilajjA |
premasudhAjaladhikR^itamajjA ||
sarabhasavalitaradanachChadapAnA |
shramasalilAplutavapurapidhAnA ||
ka~NkaNaki~NkiNijha~NkR^itaruchirA |
parimalamilitamadhuvratanikarA ||
mR^igamadarasacharchitanavanalinA |
kR^itidharatimitachikuravR^itavadanA ||
vallabharasikakalArasasArA |
saphalIkR^itanijamadhurimabhArA ||
\section{(8)}
kR^iShNA nandagopanandanA |
jaya kR^iShNamandahAsyavadanA ||
ka~NkaNaki~NkiNi keyUrabhUShaNakaustubhamaNirAjitA |
kR^iShNA padmanindicharaNA |
va~njulasadmavIthichalanA ||
indukoTijayinakhamaNidarpaNadaNDitaghanatimirA ||
kR^iShNA rAjada~NkalalitA |
madagajarAjavaryachalitA ||
ma~njulashi~njitama~njIrachumbitacha~nchalamAlyataTA ||
kR^iShNA hATakaruchivasanA |
navarasanATakamaNirasanA ||
nAbhisarovaratIrasamutthitavIchivalitritayA ||
kR^iShNA kundadAmachapalA |
bandhuratundashobhitaralA ||
kR^iShNA pInabAhuyugalA |
niyatanavInara~NgakushalA ||
rAdhikA sukhasAgaranAgarasundarAbjanayanA ||
kR^iShNA karNalambikuNDalA |
kuvalayavarNanindikuntalA ||
bhAlara~njitilakAvalinAsikAdambharochiratulA ||
kR^iShNA vaMshavAdyachaturA |
lasadavataMsapi~nChamadhurA ||
nIlakha~njaghanapu~njajiShNunavyasuShamA ||
kR^iShNA rAsalAsyaviditA |
madhuravilAsanityamuditA ||
\section{(9)}
shrIrAga vihAgaDA
madhuragokulanandana Chavila vR^indAvanachandra |
muralIdhara madhusUdana mAdhava gopInAtha mukunda |
kelikalAnidhi ku~njavihArin giridhara Anandakanda ||
rAdhe kR^iShNa rAdhe ||
\section{(10)}
jaya mAdhuryapatAke shrIrAdhe |
jaya vR^iShabhAnusute ||
lalitAdisakhikumudAvalirAke !
premamahAmR^itabhAvitarasamayatanu guNarUpakalApe |
nijaparijanapariShadi mAmupanaya kalitalalitamamatAke ||
\section{(11)}
nandasUno kR^iShNa govinda |
dR^ishamayi disha mayi nijakR^ipayA |
mAM jIvaya mandasmitasudhayA ||
pItavasana mama kalaya mano |
nava nIlanalinakamanIyatano ||
vallavanagaravataMsa vibho |
vallabha mAmurarIkuru bhoH ||

iti mahAmahopAdhyAyashrIvishvanAthachakravartivirachitaM
          shrIgItAvalI samAptA |

  iti shrImadvishvanAthachakravartivirachitA
shrIshrIstavAmR^italaharI samAptA |
|| sampUrNo.ayaM granthaH ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}