% Text title            : sudarshanachakrastotram
% File name             : sudarshanachakrastotram.itx
% Category              : vishhnu, stotra, pUjA
% Location              : doc\_vishhnu
% Proofread by          : PSA Easwaran
% Description/comments  : Garudapurana, karmakANDAkhyaH pUrvakhaNDaH 1, adhyAya 33
% Latest update         : July 27, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sudarshana Chakra Stotram ..}##
\itxtitle{.. shrIsudarshanachakrastotram athavA sudarshanapUjAvidhiH ..}##\endtitles ##
rudra uvAcha |
sudarshanasya pUjAM me vada sha~NkhagadAdhara |
graharogAdikaM sarvaM yatkR^itvA nAshameti vai || 1||
hariruvAcha |
sudarshanasya chakrasya shR^iNu pUjAM vR^iShadhvaja |
snAnamAdau prakurvIta pUjayechcha hariM tataH || 2||
mUlamantreNa vai nyAsaM mUlamantraM shR^iNuShva cha |
sahasrAraM huM phaT namo mantraH praNavapUrvakaH || 3||
kathitaH sarvaduShTAnAM nAshako mantrabhedakaH |
dhyAyetsudarshanaM devaM hR^idi padme.amale shubhe || 4||
sha~NkhachakragadApadmadharaM saumyaM kirITinam |
AvAhya maNDale devaM pUrvoktavidhinA hara || 5||
pUjayedgandhapuShpAdyairupachArairmaheshvara |
pUjayitvA japenmantraM shatamaShTottaraM naraH || 6||
evaM yaH kurute rudra  chakrasyArchanamuttamam |
sarvarogavinirmukto viShNulokaM samApnuyAt || 7||
etatstotraM japetpashchAtsarvavyAdhivinAshanam |
atha stotram |
namaH sudarshanAyaiva sahasrAdityavarchase || 8||
jvAlAmAlApradIptAya sahasrArAya chakShuShe |
sarvaduShTavinAshAya sarvapAtakamardine || 9||
suchakrAya vichakrAya sarvamantravibhedine |
prasavitre jagaddhAtre jagadvidhvaMsine namaH || 10||
pAlanArthAya lokAnAM duShTAsuravinAshine |
ugrAya chaiva saumyAya chaNDAya cha namo namaH || 11||
namashchakShuHsvarUpAya saMsArabhayabhedine |
mAyApa~njarabhetre cha shivAya cha namo namaH || 12||
grahAtigraharUpAya grahANAM pateya namaH |
kAlAya mR^ityave chaiva bhImAya cha namo namaH || 13||
bhaktAnugrahadAtre cha bhaktagoptre namo namaH |
viShNurUpAya shAntAya chAyudhAnAM dharAya cha || 14||
viShNushastrAya chakrAya namo bhUyo namo namaH |
iti stotraM mahApuNyaM chakrasya tava kIrtitam || 15||
yaH paThetparayA bhaktyA viShNulokaM sa gachChati |
chakrapUjAvidhiM yashcha paThedrudra jitondriyaH |
sa pApaM bhasmasAtkR^itvA viShNulokAya kalpate || 16||

iti shrIgAruDe mahApurANe pUrvakhaNDe prathamAMshAkhye AchArakANDe
sudarshanapUjAvidhirnAma trayastriMsho.adhyAyaH sampUrNaH |
##
Garudapurana, AchArakANDa, adhyAya 33
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}