% Text title : sunItibhAgavatam % File name : sunItibhAgavatam.itx % Category : vishhnu, krishna, vishnu % Location : doc\_vishhnu % Author : Sagara Ramacharya % Proofread by : PSA Easwaran % Latest update : October 7, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrImatsunItibhAgavatam ..}## \itxtitle{.. shrImatsunItibhAgavatam ..}##\endtitles ## shrIkR^iShNAya namaH | prathamaH skandhaH | lakShmIsaddayite payobhR^idasite saMdattasadvA~nChite doShaughai rahite guNairvilasite mukhyAnilAntargate | sarvairapyajite sadavyavahite nArAyaNAkhyAnvite brahmAdyairvinute dR^iDhaM mama hite kR^iShNe mano.astvachyute || 1|| nipIya yadbhAgavatAmR^itaM sajjano.agryasaMsArabhayaM jahAti | brahmAdivandyaM praNamAmi vedavyAsaM hariM madhvahR^idabjavAsam || 2|| sudurgamairduShTavachastamishrairnigUhito bhAgavatArtha uchchaiH | prakAshito yena saduktibhAbhiH sa madhvabhAnurharatAttamo me || 3|| prabodhayadvAlamami sumadhvashAstraM budhendrairapi durvibodham | yenA~njasA saMvivR^itaM niSheve jayapradaM taM jayatIrtharAjam || 4|| AnandatIrthoktimahAnakhAgrairvidArya durvAdijanAn dharaNyAm | jahAra sanmArgagatAntarAyAnsa vyAsarAT siMhavaro.avatAnmAm || 5|| ramyA yadIyA bahavo nibandhA adyApi lokasya haranti hR^itstham | tamo vitanvanti cha ma~NgalaM mAM sa pAtu jIvottamatIrthavaryaH || 6|| gokarNasatkShetravare.anavadyaH shrIviThThalaM ko~NkaNavipravandyaH | apUjayadyo raghuchandratIrthaH saMjuShTaga~NgAdisamastatIrthaH || 7|| yatIshvarAdyo.akhilalokahR^idyo viraktibhUpaH paribhUtadoShaH | shAstrAbdhichandro haribhaktisAndro bhavetprasannaH paramo gururnaH || 8|| lakShmIshabhakto bahudharmasakto vivR^iddhasampatparinAshitApat | sadAtidAntaH praguNaH prashAntaH sa timmapAkhyaH kR^itasAdhusakhyaH || 9|| dvijo.achyutArAdhanataH suputraM lebhe guNADhyaM bhuvi sarvamitram | mahAbudhaM sAgarave~NkaTeshaM sachChAstravij~naM tapanaprakAsham || 10|| brAhmaNyamAsthApya budhAH samastA yenaiva dustarkabhR^ito nirastAH | AnanditaH ko~NkaNaviprasArthaH pramoditaH shrIraghunAthatIrthaH || 11|| sadbrahmasUtrottamabhAShyaTIkATIkA kR^itA tattvasukaustubhAkhyA | dharmA mahAbhAgavatA janeShu saMsthApitA yena cha bhUryupAyaiH || 12|| pradarshito yena cha sAdhumArgastiraskR^ito.abhUdbhuvi duShTavargaH | dattA dvijebhyaH sakalAshcha vidyA vistAritA kIrtirathAnavadyA || 13|| yenopadiShTaM shubhamuttamebhyaH shrImadhvashAstraM bahusho janebhyaH | vyarthaM kR^itaM chaikamapi sma nAhaH prasAditaH shrIramaNo nR^isiMhaH || 14|| tasya priyAyAmatha shAntavAyyAM konerirAmau tanayau prajAtau | babhUvatU rAghavalakShmaNau sanmahAnurAgAviva buddhimantau || 15|| taM sadguNaM sAgarave~NkaTeshaM vipashchidAshcharyavaraM praNamya | jyeShThaM cha koneribudhaprabarhaM sadvaiShNavAgryAnakhilAMstathaiva || 16|| shrIkR^iShNabhaktAnucharaH salakShmInArAyaNapreraNayaiva rAmaH | mude mukundasya cha vaiShNavAnAM sunItisadbhAgavataM karoti || 17|| dayAlavaH sAdhujanA guNaj~nA vimatsarAH sadguNashAlinashcha | tuShyantu me vIkShya kR^itiM samastAH ahaM yathA syAM nitarAM kR^itArthaH || 18|| aj~nasya bAlasya kR^ipAspadasya pravartamAnasya suduShkare.arthe | saMgR^ihNataH svalpapadaiH prabhUtamarthaM cha sa~NkochaniShaktabuddheH || 19|| namratvabhAjo mama sarvasanto vAtsalyavanto.anyaguNeShu tuShTAH | nyUnAdhikaM kAvyakR^itishramaj~nAH kimapyudArA skhalanaM sahadhvam || 20|| sUtoktaM kila nAradastutamabhUdyatsatpadaM yaH svayaM vyAsaH phalgunabhIShmayoH priyatamo bhakteShTakR^iddharmajaH | proche yadgatimarjuno viharataH khinnashcha pArthA yayuH shapto.ayaM kalijitparIkShidabhajatkR^iShNaH sa no rakShatAt || 21|| varNitaM prathame skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 22|| grAhyA vidyottamA hInajanmano.api vimatsaraiH | shrImadbhAgavataM sUtAchChushruvuH shaunakAdayaH || 23|| adarshyamapi saMdarshyaM tatraivechChAvivR^iddhaye | shUdrAtmane harI rUpaM nAradAya nyadarshayat || 24|| manastuShTikaraM kAryasheShaM dhImAnna sheShayet | chakre bhAgavataM vyAso nAradokto.akhilArthakR^it || 25|| kR^itaM pareNa yatkarma kAryA taduchitA kriyA | brahmAstre drauNinotsR^iShTe tanmumocha dhana~njayaH || 26|| dvijasyAkArmaNaH kAryo nigraho hananaM vinA | maNiM kR^iShNodito drauNerhR^itavAnna shiro.arjunaH || 27|| na bhavenmahato.apyuktau vishrambhaH pakShapAtinaH | prabodhito.api kR^iShNAdyairbhIShmaM paprachCha dharmarAT || 28|| vA~nChitAdadhikaM puNyakR^ito.abhIShTaM prasidhyati | bhIShmasyAsItpuraH kR^iShNo mumUrShoruttarAyaNe || 29|| khede prApte.api no mochyamashru karmaNi ma~Ngale | kR^iShNe niryAti netrAmbu nyarundhan pANDavastriyaH || 30|| jyeShThamadhyamanIchAshcha mAnanIyA yathochitam | striyaH prajAshcha pitrAdInbhagavAnsamamAnayat || 31|| sthitij~naH svochitaM kuryAtsvabuddhyA vAnyachoditaH | dhR^itarAShTraH sabhAryo.agAdvanaM vidurabodhitaH || 32|| klesho na kAryaH shrIviShNuvashatvAtsaMpadApadoH | pitrAdishokaM tatyAja dharmajo nAradoditaH || 33|| nimittaireva dhImadbhirbhaviShyadavagamyate | dR^iShTotpAto.avadadbhImaM dharmarADbhagavadgatim || 34|| vyartheshabalahInasya bahusAdhanatA matA | gANDIvAdyarjunasyAsItkR^iShNastrIrakShaNe vR^ithA || 35|| yasmin deshe na suhR^ido na mitraM tatra no vaset | shrutvArjunoktAM kR^iShNasvadhAmAptiM pANDavA yayuH || 36|| duShTa uttamaveSho.api satAmAtanute vyathAm | pIDayAmAsa goyugmaM kalirnR^ipatilA~nChanaH || 37|| rakShyaH pUrvamanamro.api khalo.api patitaH padoH | kalaye.adAdvadhodyuktaH parIkShitsthAnapa~nchakam || 38|| shrAnto.atikShudhito vetti svayogyaM na vivekyapi | muneraMse mR^itaM sarpaM parIkShinnidadhe ruShA || 39|| tyaja garvaM jaya krodhaM hitaM brUhi bhaja kShamAm | dattashApaM sutaM rAj~ne praNininda muniH kShamI || 40|| pratyAsanne mR^iteH kAle vihAyAnyaddhariM bhajet | shrutashApo.achyutaM bheje parIkShinmunisammataH || 41|| bravIti chaturaH pR^iShTaH sannevAdarataH paraiH | pR^iShTaH parIkShitA rAj~nA shrIshukaH pratyabhAShata || 42|| lakShmIshorumAterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite sachChlokairdashabhirlasandviguNitaiH skandho.antamAdyo.agamat || 43|| iti sunItibhAgavate prathamaskandhaH samAptaH || \medskip\hrule\medskip dvitIyaH skandhaH | saMproktA cha shukena vA~nChitakarI yaddhAraNoche.abjajo yadvIryaM cha yadIritAH prasasR^ijurbrahmANDamagryaM surAH | yaH sadbahvavatArabhAgasurahR^itsaMprApya bodhaM vidhi\- ryasmAtsarvajagatsasarja hitakR^itkR^iShNaH sa no rakShatAt || 1|| brahmAdipraNute vichitracharite vij~nAnadAnodyate sadrakShAnirate guNaughabharite niHsheShadoShojjhite | vyAse vAgamR^ite.anishaM pramudite shrImadhvahR^itsaMsthite bhaktirme.atyuchite sadApratihate syAtsatyavatyAH sute || 2|| dvitIye varNitaM skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| kShipraM pravR^ittaye brUyAt paNDitaH phalanishchayam | jagAda dhAraNAM dhAtR^ismR^itilabdhikarI shukaH || 4|| svayogyatAnusAreNa pravartante manIShiNaH | kechidbhajanti vairAjaM hR^itsthaM rUpaM hareH pare || 5|| paripR^ichChedavij~nAtamaha~NkArasamujjhitaH | svAj~nAtaM nAradastattvamapR^ichChachchaturAnanam || 6|| kAryaM kartumashakto.api shaknuyAchChreShThachoditaH | brahmANDaM sasR^ijurviShNupreritAH saMhatAH surAH || 7|| duShTAn jahi sato rakSha sanmArgamanudarshaya | varAhAdyavatAro.abhUdetadarthaM janArdanaH || 8|| sAdhane satyapi j~nAnaM vinA kAryaM na sidhyati | jagatkR^itidR^ishe brahmA haryAdiShTastapo.acharat || 9|| na tuShyati manaH kasya paramAdbhutadarshane | svalokasaMsthitaM veShNuM dR^iShTvA tuShTo.anamadvibhuH || 10|| kimalabhyaM bhavetpuMsaH suprasanne mahAtmani | prItAtsakalavij~nAnaM svayambhUH prAptavAn hareH || 11|| samastamapi kurvIta svAmyanugrahabhA~NnaraH | sasarja nikhilaM vedhA hariNekShAprachoditaH || 12|| samyak parahitaM santaH kurvantyevApyanarthitAH | brahmAcharachcha bhadrArthaM prajAnAM niyamAnyamAn || 13|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite sachChlokairdashabhirvaro vilasitaH skandho dvitIyo.agamat || 14|| iti sunItibhAgavate dvitIyaskandhaH samAptaH || \medskip\hrule\medskip tR^itIyaH skandhaH | maitreyo nijagAda yAtparakathA brahmAsR^ijachchodito yenAsheShamathAsuraM samavadhIdyo.abhUddhiraNyAkShahR^it | bhaktAbhIpsitado varAhatanubhAgyaH kardamasyeShTakR^it sAkShAdyaH kapilo hitaM hyakathayatkR^iShNaH sa no rakShatAt || 1|| lakShmIshaM bhajate jagadbhayahR^ite dvaipAyanAj~nAdhR^ite mohaM nAshayate.asurAn vijayate sachChAstramAtanvate | sAdhUnuddharate pradhAnamarute madhvAkhyayA rAjate gIrvANeShTakR^ite namo guNavate tasmai sadA shrImate || 2|| tR^itIye varNitaM skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| hitamapyupadeShTavyaM na mUrkhebhyo vishAradaiH | chakAra vidurastIrthayAtrAM bhrAtR^ijadhikkR^itaH || 4|| na kAryo.aparihArye.arthe shoko vij~nAnashAlibhiH | shrutvoddhavAtsuhR^innAshaM nAtanodviduraH shucham || 5|| prAptaM vidyArthinaM shAntaM shreyo.arthI na parityajet | maitreyo mAdhavAdiShTo viduraM pratyabodhayat || 6|| aj~nAnaM sambhavatyeva kadAchinmahatAmapi | nAtmAnamapi nAbhyabjajAto vidhirabudhyata || 7|| mahAnapi vinA sevAmabhIShTaM na dadAtyaho | j~nAnArthaM praNuto viShNurbrahmaNe tapa Adishat || 8|| kR^ite.aniShTakR^itAM mUlonmUlane sveShTabhAgbhavet | pItvA sahAmbhasA vAyuM dhAtA lokAn vibhaktavAn || 9|| bAlasya rodanAdanyadbalaM nAstIShTasAdhanam | nAmAni brahmaNo rudraH sthAnAnapyAptavAn rudan || 10|| achIrNatapasA puMsA prajA sAdhvI na labhyate | rudrasR^iShTAM prajAmugrAM vIkShyAdishadajastapaH || 11|| Acharanti mahIyAMsaH karma duShTavimohakam | ichChanniva vidhirvAchaM tatyAja tanayoktitaH || 12|| yateta pitR^ishushrUShAkR^itaye.anukta AtmajaH | prajAvanAya chAdiShTo vidhAtrA.a.anandito manuH || 13|| kuryAdatipriyasyeShTaM prAgeva vachasArthanAt | varAho brahmanAsottho.asuraM hatvA kShitiM nyadhAt || 14|| tAvadvinIto lajjAvA~njano yAvanna kAmukaH | kashyapasyAharadvAsaH sandhyAyAM rataye ditiH || 15|| akAlacharitaM karma mahAnarthaphalapradam | duShputrau bhAvinau proche kashyapo ratikR^idditim || 16|| vinAshakAle samprApte viparItA matirbhavet | jayena vijayenApi saMruddhAH sanakAdayaH || 17|| sarvairapyanumantavyaM prabhoranumataM hi yat | bhR^ityashApavimokSho.abhUdviShNUkto.anumato dvijaiH || 18|| dhImAnavagate kAryatattve na labhate bhayam | ditigarbhAdbhiyaM devA mumuchuH ka~njajoditAH || 19|| rakShan kAlAnusArI svaM gaNayenna parAbhavam | nilInA nirjarAH prekShya hiraNyAkShaM raNodyatam || 20|| ichChanti kalahaM duShTAH shAntimichChanti sajjanAH | varuNo harimevoche hiraNyAkShasya yuddhadam || 21|| duruktivAdo mAyAyAM na syAdgarvArtikArakaH | hiraNyAkSho varAheNa brahmoktena vinAshitaH || 22|| aj~nAtvA kurvate.aniShTaM svasvarUpaM nivedayat | brahmaNA bodhitA jagdhuM pravR^ittA yakSharAkShasAH || 23|| tadeva visR^ijetsvasya yadarthaM syAtparAbhavaH | visasarja vidhirviShNuprokto jaghanavigraham || 24|| syAdatyArAdhanAtprApyaM prArthitAdadhikaM priyam | dayitArthI tapaHprItAtprApeShTaM kardamo hareH || 25|| prINayetsvAntikaM prAptaM pUjayA vachanairapi | manoH svAyaMbhuvasyaivaM kardamaH prItimAvahat || 26|| prArthitaH sannavApnoti svAbhIShTaM sukR^itI naraH | devahUtiM munirlebhe kardamo manunArthitaH || 27|| syAnnopaskaraNatyaktamiShTamapyatiharShadam | devahUtirdhave tuShTa aichChadratigR^ihadikam || 28|| siddhirmanorathAdeva kShaNena syAnmahIyasAm | kardamo navarUpaH san vimAne.aramata striyA || 29|| nijepsitaM nirudhyApi kuryAtsvajanavA~nChitam | bhAryArthitaH sute jAte tanayAH kardamo dadau || 30|| avApya bR^ihato.anuj~nAM kR^itaM kAryaM shubhapradam | sadgatiM kapilAj~naptaH parivrAT prApa kardamaH || 31|| samastaiH prabhuNA hInaiH kAryaM kartuM na shakyate | nodatiShThadvirADvahnipUrveShvanugateShvapi || 32|| sanmArga eva lokAnAmachChinnasukhasAdhanam | kapiloditamArgeNa hariM prApa manoH sutA || 33|| lakShmIshorumaterlasadguNatate sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite sachChlokairdashabhirlasastriguNitaM skandhastR^itIyo.agamat || 34|| iti sunItibhAgavate tR^itIyaskandhaH samAptaH || \medskip\hrule\medskip chaturthaH skandhaH | atrerdakShasuyaj~nanAshanakR^ito rudrasya sarvArchita\- shchakre yashcha mudaM dhruvAya paramaM prItaH padaM yo dadau | a~NgasyApi pR^ithorabhIShTamakarodyo.abhUtprachetAH priyo mukto yatkR^ipayA pura~njananR^ipaH kR^iShNaH sa no rakShatAt || 1|| shrIviShNuM namate priyaM vidadhate granthAn bahUn kurvate madhvoktiM stuvate khalAnnamayate dhairyaM mahAbhUbhR^ite | saMbhagnadviShate sate bhagavate sAdhUn janAn rakShate nityaM shrIjayatIrtharANmuniyate tubhyaM namo dhImate || 2|| chaturthe varNitaM skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| mahodyogena sidhyanti kAryANyatimahAntyapi | chandraM durvAsasaM dattaM lebhe.atristapasA sutAn || 4|| avamAnaM karotyeva svAvamo.apyavamAnitaH | dakSho rurodha rudrasya yaj~nabhAgamanutthiteH || 5|| ekadA nArabhetaiva vidveShaM bahubhiH saha | nandishapteShu vipreShu sadakSheShvashapadbhR^iguH || 6|| na shubhaM vAshubhaM kuryAtpatnI bhartrA nivAritA | sAtI gatA makhasthAnaM dakSheNAnAdR^itAbhavat || 7|| prANAnapyutsR^ijennaiva shR^iNuyAchChreShThanindanam | rudrAvaj~nAkaraM dakShaM satI vIkShya jahAvasUn || 8|| kuryAdupadravaprAptau j~nAtAyAM tatpratikriyAm | R^ibhubhirbhR^igurIshasya pArShadAn saMnyavArayat || 9|| saMpreShyo viShame kArye samarthaH svasamo bhaTaH | dakShayaj~nakShayAyesho vIrabhadraM samAdishat || 10|| shreShThAvaj~nAkR^itaH puMso nAnukUlo bhavedbudhaH | bhago.adR^igbhR^igurashmashruH pUShA dantojjhito.abhavat || 11|| punaryathaiva nottiShTheddhanyAdyuktyA tathA ripum | dakShiNAgnau juhAveshashChitvA dakShapashoH shiraH || 12|| apakAriShu ruShTasya sAmnA saMnAshayedruSham | devairnivedito brahmA rudrasyAshamayatkrudham || 13|| pUrvasthitiM prapanno.api prApayennAparAdhinaH | pUShAdInAM svanirvAhaM chakre.anyAvayavaiH shivaH || 14|| saMdR^iShTaH pUrvapuNyena pUjanIyo.akhilaiH pR^ithak | prAdurbhUtaM hariM dakShayaj~ne sarve pratuShTuvuH || 15|| kAryAkArye na jAnAti kAntayA vijitaH pumAn | suruchyAkShipta uttAnapAdenopekShito dhruvaH || 16|| kopito duShkaramapi kuryAtkhinno.anyabodhitaH | agamattapase bAlaH sunItyA prerito dhruvaH || 17|| parIkShya mAnasaM samyakpashchAtkAryavidhiM vadet | nAradaH susthiraM matva dhruvamUche tapovidhim || 18|| mahAtmA~NgIkR^itaM sarvalokAnAM dustyajaM bhavet | dhruveNa svIkR^ite prANarodhe vishvasya so.abhavat || 19|| shIghrAM santuShTimabhyeti shishunA.a.arAdhitaH pumAn | varaM sthAnaM dhruvAyAdAdvAsudevo surArthitaH || 20|| kR^itAparAdhA hantavyA bahavo.api mahAshrayAH | hatottamA dhruveNAjau dhanadAnucharA hatAH || 21|| nirvairo vigatakrodho mahatAM mAnado bhavet | dhruvo manUktibhiH shAntaH kuberAdvaramagrahIt || 22|| Atmano hitakartAraM kArye jAte na vismaret | sthAnaM dhruvo vimAnena gachChan mAtaramasmarat || 23|| vihInaH sadapatyena dharmAtmApi vinindyate | ashvamedhe.a~NgarAjasya devA na jagR^ihurhaviH || 24|| duShTasa~Ngatito rakShyA bAlye bAlA shubhArthibhiH | labdha iShTvA hariM veno mR^ityusa~NgAdadharmyabhUt || 25|| suta ulla~NghitasvAj~ne gachCheddeshAntaraM pitA | tyaktAj~ne.a~NgaH shaThe vene sarvAn hitvA yayau nishi || 26|| hanyAtsvavardhitamapi duShTamutpathagAminam | nijaghnurmunayo venaM svAbhiShiktaM kR^itAgasam || 27|| guNA eva prapUjyante mahatvaM vayasA vR^ithA | venA~NgAtprAgabhUjjAto niShAdo bhUpatiH pR^ithuH || 28|| mahataH sannidhAnena mAnayantyakhilA janAH | abhiShiktAya varmAdi brahmAdyA pR^ithave daduH || 29|| lajjAmavApya guNinA nindanIyAtmanaH stutiH | sUtAdyA pR^ithurAjena svastotrAdvinivAritAH || 30|| paropajIvanAyaiva vardhayedAtmasampadaH | prajAnnArthaM pR^ithurbhItAM praNatAM pradudoha gAm || 31|| sukhaM na labhate ko.api dharmavighnakaraH pumAn | pR^ithuvAjiharaM shakramR^itvijo hotumudyatAH || 32|| nAchareddharmamapyagryaM mahatAM kIrtinAshakam | vArito.abhUdviri~nchena yaj~naH shatatamaH pR^ithoH || 33|| prabhuNA parihartavyo dveSha AtmIyayormithaH | anushAsya pR^ithuM chakre shachIpatisakhaM hariH || 34|| niHsheShaM kathayetpR^iShTaM bhaktyA saMprArthitaH satA | pR^ithuM sanatkumAro hi kShemopAyaM bhave.abravIt || 35|| anugamyaH patiH patnyA shrImAnniHsvo mR^ito.api vA | archirbabhUva devIbhiH saMstutAnugatA pR^ithum || 36|| sajjanasya hitopAyaM kR^ipAluH kathayetsvayam | haraH prachetaso barhiShmadAkhyaM chAha nAradaH || 37|| bahuvyApArasaktena kAlavego na budhyate | saktaH priyAratau kAlaM bubudhe na pura~njanaH || 38|| svoditAsvIkR^ito duShTA duruktiM shrAvayanti hi | svayAj~nAvimukhaM mUDhA nAradaM durbhagAshapat || 39|| kuTumbI durbalo hyante bahUn kleshAnavApnuyAt | tApaM pura~njanaH prApa gandharvAdibhirarditaH || 40|| na hiMsyAH prANinaH kAryA viShayAtiratirna cha | niraye pashubhishChinno vaidarbhyAsItpura~njanaH || 41|| saMpadyeva janaH sarvo hitakR^inmitramApadi | shokaM nAshitavAn pUrvo vaidarbhyA brAhmaNaH sakhA || 42|| prINayedatiyatnena mahAntaM nikhilArthadam | hariprItikR^itaH prApuH sarvAH siddhIH prachetasaH || 43|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite skandho.agAddhi chaturguNaishcha dashabhiH shlokaishchaturtho lasan || 44|| iti shrIsunItibhAgavate chaturthaH skandhaH samAptaH || \medskip\hrule\medskip pa~nchamaH skandhaH | sAmrAjyaM samagAtpriyavratanR^ipashchAgnIdhrarANnAbhirAT yatpAdAbjarataH svayaM ya R^iShabho dharmAnathAdarshayat | yadbhakto bharato gayashcha suyashA yaH sarvalokasthitaiH pUjyo yadvimukhAH patanti narake kR^iShNaH sa no rakShatAt || 1|| saddharme sumateryayAtinR^ipaterArAdhitashrIpateH satye shailapaterjaye rAtipateH sAkShAchcha gaurIpateH | dAne.a~NgAdhipate ripau pitR^ipatervANyA cha vAchaspateH shrImadvyAsayate dayAstu mayi te pUrNA kShamAyAM kShiteH || 2|| varNitaM pa~nchame skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| nAshrayeddharmamanyasya vihAyochitamAtmanaH | priyavratasya saMnyAsaM brahmA.a.agatya nyavArayat || 4|| kAryamatyadbhutaM karma svaprabhAvaprakAshakam | chakre priyavrataH saptasamudraMshchakranemibhiH || 5|| prayasyenna budhaH satsu pareShvAtmArthakAriShu | bhUmiM vibhajya putrebhyaH saMnyAsyAsItpriyavrataH || 6|| yogino.api vimohaH syAtkAminImukhadarshane | saMprArthya bheja AgnIdhraH pUrvachittiM vimUDhadhIH || 7|| kAmI dehaM vinAshyApi labdhumichChati sundarIm | ayajaddharimAgnIdhraH priyAsAlokyasiddhaye || 8|| shraddhAvAn shuddhabhAvena karma svochitamAcharet | mukundo yajato nAbheH prasannaH putratAmagAt || 9|| adAtuH spardhayA sveShTaM chechChettatsAdhayetsvayam | svavarShaM R^iShabho.avR^iShTAvabhyavarShItsvashaktitaH || 10|| shikShaNayAH sutAH pitrA svayaM saMshikShitA api | anushiShTAn svatanayAnR^iShabhaH samashikShayat || 11|| AchareduttamAn dhArmAn shikShayan sajjanAn mahAn | R^iShabho munishikShArthamavadhUta ivAcharat || 12|| mahAtyulla~Nghite.apyalpamala~NghyaM daivato bhavet | bharatasya viraktasya dustyajo.abhUnmR^igArbhakaH || 13|| punaH kuryAnna duShkarma phale j~nAte.anutApavAn | atyajadbharato.asa~NgaH sa~NgAptaM mR^igavigraham || 14|| vyarthAyAsanivR^ityarthaM svasyAj~natvaM prakAshayet | viprajanmAtmano jADyaM bharataH samadarshayat || 15|| kR^itasAdhuvadhodyogaH svayameva vinashyati | hantukAmA dvijaM bhadrakAlyA hi vR^iShalA hatAH || 16|| aparAdhamapi shreShThaM sahetAj~nAninA kR^itam | uvAha shibikAM rAj~no gR^ihIto bharato dvijaH || 17|| parasvarUpaM vij~neyaM vachanAdeva nAkR^iteH | svabhartsitaM dvijaM jAnannanAmokte rahUgaNaH || 18|| vidhAyAnugrahaM vidvAnaj~naM samyakprabodhayat | vipro rahUgaNaM bhUpaM bodhayAmAsa sUktibhiH || 19|| satsevAbhaktidharmashrIj~nAnopashamabhAgbhavet | gayo nAma mahArAjaH sarveShvapratimo.abhavat || 20|| prApyaM bahubhirAkArairbahusthAneShu pUjanam | nAnAkR^itirhariH sarvairnAnAsthAneShu pUjyate || 21|| gurvapyatyantamanyasya naiva syAnmahato guru | sheShasya shirasi kShoNImaNDalaM sarShapAyate || 22|| sarvabhUtasuhR^iddAntaH sadAchArI sadA bhavet | narakeShu yamaH pApAnnipAtayati nirdayaH || 23|| lakshmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite sachChlokairdashabhirlasan dviguNitaiH skandho.agamatpa~nchamaH || 24|| iti shrIsunItibhAgavate pa~nchamaH skandhaH samAptaH || \medskip\hrule\medskip ShaShThaH skandhaH | yatsevAkR^idajAmilo jayamagAddharyashvamukhyAstathA shrInArAyaNavarma vajryadhigataH sadvishvarUpoditam | vR^itraM sa nyavadhItsusiddhimagamadrAT chitraketurdite\- rgarbhaM prANaharaM chakarta maghavA kR^iShNaH sa no rakShatAt || 1|| shrIshArchAdhikR^iteH kR^itAtyupakR^iterAchIrNasatsatkR^iteH saMshuddhaprakR^iterachittavikR^iteH pAdau susaumyAkR^iteH shrIjIvottamasaMyamipravara te naumIpsitApteH kR^ite || 2|| skandhe.atha varNitaH ShaShThe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| sukhAvahaM varaM vastu katha~nchidapi sevitam | nArAyaNeti chAhUya muktaH putramajAmilaH || 4|| saMgatyA kShIyate sAdhuH saMgatyaiva prajAyate | shUdrasyAjAmilaH pApo dUtAnAM sa~NgataH sudhIH || 5|| mAnayenmahato vAkyaM bhadrArthI toShayetprabhum | kanyAM prachetasaH prAptA dakSho.apyapepsitaM hareH || 6|| saMgatiryAdR^ishAM jAtA yasya saH syAttu tAdR^ishaH | hAryashvAH santatAvichChAM jahurnAradasa~NgateH || 7|| titikShorapi kopaH syAtpunarapyapriye kR^ite | bhikShUn shrutvAshapaddakSho nAradaM shabalAshvakAn || 8|| avamAnakaraM shreShThamapi dhIraH parityajet | adR^ishyo.abhUdgururmattaM vimuchyendramanutthitam || 9|| vayasonamapi prAj~naM dvijaM seveta sampade | vishvarUpaM viri~nchoktA bhejurdaityArditAH surAH || 10|| bhavetsamyagdhR^itA vidyA sarvatra vijayAvahA | jigAya ditijAnindraH shrInArAyaNavarmadhR^it || 11|| duShTasneho na kartavyo na kAryaM mitrava~nchanam | hata indreNa daityebhyo vishvarUpo dadaddhaviH || 12|| na sAdhvasAdhu vA karma mahAntamapi mu~nchati | abdAnte brahmahatyAghaM shakro bhvAdau vibhaktavAn || 13|| shR^iNuyAdvijayopAyamaj~no.api prAj~nabhAShitam | shushruvurviShNunA proktaM vR^itrAsurajitAH surAH || 14|| paropakR^itaye dhIraH svasharIramapi tyajet | dadhIchiramaraiH sendrairyAchitaH svAtanuM jahau || 15|| mukharo.avasare yuddhe shUraH syAddhIra Apadi | vR^itro dhairyAdinA tuShTaiH pUjito.abhUtsurAsuraiH || 16|| duShpakShapAtI hantavyo vidvAnapyatiyatnataH | kukSherniShkramya vR^itrasya vajreNendro.aharachChiraH || 17|| kShIyante dustarA doShAH kR^ite mahati karmaNi | hayamedhakR^ito vR^itrahatyA naShTA shachIpateH || 18|| pUrvameva vadedbhAvi buddhimAn sAdhvasAdhu cha | proche harShArtidaM putrama~NgirAshchitraketave || 19|| amAnyamapyatikShudraM nAvamanyeta ka~nchana | kR^itadyuteH shihuH strIbhirbharturdveShAddhi mAritaH || 20|| kShipraM phalati sadvidyA prasannaguruNoditA | nAradoditayA siddhashchitraketurhi vidyayA || 21|| Alambya dhR^iShThatAM shreShThaM paraM nopahasetsudhIH | chitraketurhasan rudraM duryoniM shivayA.a.apitaH || 22|| nihanyAdeva saMlabdhachChidraH prANaharaM ripum | garbhaH shakreNa sandhyAyAM suptAyA dArito diteH || 23|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite sachChlokairdashabhirlasan dviguNitaiH skandhashcha ShaShTho.agamat || 24|| iti shrIsunItabhAgavate ShaShThaH skandhaH samAptaH || \medskip\hrule\medskip saptamaH skandhaH | prAptabrahmavarAddhiraNyakashiporbhItAmarabhyo.abhayaM yo.adAttattanayasya duHkhahR^idabhUddhatvA tamiShTapradaH | gauH pItAmR^itasadrasastripurahR^idrudrapriyo yo.abhava\- chChUdro.ayaM shrita Asa nAradamuniH kR^iShNaH sa no rakShatAt || 1|| shrInAthA~NghrigateH kR^itAjitanuteratyaktamadhvasmR^ite\- rgokarNAvasateH sunirmalamaterutsR^iShTaduHsa~NgateH | sadbhakteH prathite mate dashamaterdevAdibhiH sevite dAsyaM shrIraghuchandramaskariyateH syAnme.abhivandyasthiteH || 2|| varNitaM saptame skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| bAlaM matvAtisAmarthyabhAjaM naivAvamAnayet | sanandanAdibhI ruddhaiH shaptashcha vijayo jayaH || 4|| prApte.apyanubhave duShTaH pApaM karma karoti hi | hiraNyakashipurdharmavighnaM chakre hatAnujaH || 5|| gatashoko na kartavyo vichintyaM kAryamuttaram | vyAdho.avidhyatkuli~NgaM hi shochantaM dayitAM chiram || 6|| mAnayedyuktibhiryuktaM shishorapi vacho budhaH | suyaj~naj~nAtayo.agR^ihNan bAlarUpiyamoditam || 7|| matirna duShTasaMsargAnniHsheShA kShIyate sataH | dityA akathayattattvaM hiraNyakashipuH param || 8|| nivedanIyA prabhave svopadravasamAgatiH | brahmaNe.avarNayan devA ditijendratapo.arditAH || 9|| adeyamapi dAtavyaM mahatkAryaM prapashyatA | daityendrAya varAnugrAn pradadau chaturAnanaH || 10|| sampaddurAtmano lokasantApAyaiva jAyate | hiraNyakashipurlabdhavaraH sArvAnatApayat || 11|| sarvebhyo.apyabhayaM deyaM vishseShAchCharaNarthine | devebhyo daityabhItebhyo dattavAnabhayaM hariH || 12|| pathyamevApriyamapi pAraiH pR^iShTo vadetsudhIH | pitrA pR^iShTo.avadatsAdhu prahlAdo harisevanam || 13|| upadravA na bAdhante kR^ite mahata Ashraye | prahlAde kAritaM pitrA niShphalaM tADanAdyabhUt || 14|| vismR^itA na bhavedvidyA gurvanugrahashAlinaH | na prahlAdo visasmAra sattattvaM nAradoditam || 15|| paroktidUShitadhiyo vidvAnaj~nAn prabodhayet | sattattvaM daityaputrebhyaH prahlAdaH saMnyavedayat || 16|| atyutkaTaM suduShkarma na kuryAdakutobhayaH | stambhotthena nR^isiMhena hirNyakashipurhataH || 17|| kopaM vihAya kurvanti bAlake prItimuttamAH | hitvA brahmAdikAn prItaH prahlAdasyAbhavaddhariH || 18|| tAtamuddharate doShAtsuputraH svena tejasA | prahlAdaH pitaraM pUtaM nR^isiMhavarato vyadhAt || 19|| pUrvaM nAshyamupAyena balaM shatrorvadhechChunA | viShNurmayasya gaurbhUtvA siddhAmR^itarasaM papau || 20|| anyato.api balaM prApya shatrUnunmUlayetsudhIH | dadAha tripuraM gupto bhagavattejasA shivaH || 21|| asa~Ngrahaparashcha syAddaivalabdhapratoShavAn | munirmadhuvratAgryAhyoH shikShayAramatedR^ishaH || 22|| virodhAnmahatAM naShTAdhikA syAchChrIranugrahAt | prApa nAradatAM prAptaH shUdratAmupabarhaNaH || 23|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite sachChlokairdashabhirlasan dviguNitaiH skandho.agamat saptamaH || 24|| iti shrIsunItibhagavate saptamaH skandhaH samAptaH || \medskip\hrule\medskip aShTamaH skandhaH | yaH svAyambhuvasanmanoshcha jagataH saMrakShako hastino dadhre maMdarabhUbhR^itaM mathanakR^idvArdheH sudhAM yo dadau | devebhyo.atha vimohayan ditisutAn santApayan vajriNe svArgaM baddhabaliH shrutishcha vidhaye kR^iShNaH sa no rakShatAt || 1|| lakShmIprANapaterjaye dinapaterdyutyAM matau gIrpateH kIrtau devapaterdhR^itau giripateH shAntau cha tArApateH | vyAkhyAne.ahipaterbale.anilapatergAmbhIryake.apAmpate\- rvaktuM shrIraghuchandrasadguruyateH ko.alaM guNAn satpateH || 2|| aShTame vArNitaM skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| shreShThArAdhanasaktasya naiva kuryAdupadravam | yaj~nenAptA hatA daityA jagdhuM svAyambhuvaM manum || 4|| asatyavAdI duHshIlo bhUtadrohI cha no bhavet | evaMvidhAshcha yakShAdyA satyasenena ghAtitAH || 5|| upAyAntarahInastu kAryaM stutyaiva sAdhayet | gAjendra shrIhariM stutvA vimukto nakravaktrataH || 6|| guruM sampAdayetkAryaM sandhiM kR^itvApi shatrubhiH | amR^itArthe hariproktA devA daityaiH sahodyatAH || 7|| udyoge na mahAkArye kAryaH svAnuchite balAt | devadaityoddhR^ito.adristAn mandaro.achUrNayatpatan || 8|| yatrochito ya AkAro bibhR^iyAttatra taM budhaH | kUrmarUpeNa govinda uddadhAra hi mandaram || 9|| naiva prArthyaM pratiShThAyai varaM vastu vinAshakR^it | shrAntA atitarAM daityA gR^ihItvA vAsukermukham || 10|| paradvArA na siddhaM chetsvayaM kAryaM prasAdhayet | mamantha sarvamathitamajito.abdhiM sudhA.a.aptaye || 11|| lokopakR^itaye prApto naiva bha~Ngo.api dUShaNam | rudrasya viShapAnottho bhUShaNaM galakAlimA || 12|| prArthayantamapi tyaktvA doShiNaM guNinaM bhajet | lakShmI surAsurAn hitvA vavre nArAyaNaM patim || 13|| pareShAM satyanAshAya svAM shaktiM darshayetkvachit | dhanvantariH samartho.api daityebhyo.amR^itamatyajat || 14|| tyaktasatyairbalAnnItaM prasAdhyaM vastu kUTataH | strIrUpo mohayan daityAn devebhyo.adAtsudhAM hariH || 15|| svAyogyaM prApnuyAnnaiva kapaTena samanvitaH | amR^itaM pibato rAhoshchakarta hi shiro.achyutaH || 16|| mahatAM darshanenaiva mAyAjAlaM vinashyAti | viShNurdarshanato naShTA mAyA daityavinirmitA || 17|| kShINaM pUrvagataM pashyan kAryArthaM na svayaM vrajet | jambhAsuro hato yudhyan vajriNA balaghAtinA || 18|| kvachitkShudreNa yatsidhyenmahatA tanna sidhyati | phenenendro.aharadvajrAchChedyaM hi namucheH shiraH || 19|| prAptArthaH kalahaM mu~nchenmadhyasthena nivAritaH | vihAya samaraM devA nAradoktA divaM yayuH || 20|| dustarA mAyino mAyA niHsa~NgaiH paNDitairapi | yoShidrUpaM hareH pashyanmAyayA mohito haraH || 21|| sarvasvaM cha samarpyApi prINayetprANarakShakam | balirindrahataH sarvaM shukrAyojjIvito dadau || 22|| samartho.api bhavettrastaH shatrorvidyAvadAshrayAt | shukraguptAdbalerbhItA devastyaktvA divaM yayuH || 23|| svAtmAnamapi saMdadyAdatyantArAdhitaH pumAn | AtmAnameva tanayaM prIto dityai harirdadau || 24|| avApnoti phalaM sadyo mahato vipriyaM bruvan | AptavAn shukrataH shApaM baliH svashrIkShayapradam || 25|| prakAshanIyaM vidvadbhiH svarUpaM kAryasiddhaye | vAmano balaye vyAptaM svarUpaM samadarshayat || 26|| mAnanIyo mahAn daivAtsaMprAptaH svagR^ihAntikam | trivikramapadaM vyAptaM dvitIyaM vidhirarchayat || 27|| kArye gate tu kalahaM naiva kuryAdruShAnvitaH | daityA hantuM hariM prAptAstADitA viShNupArShadaiH || 28|| anumanyeta sabhaktyA prabhuNAvipriyaM kR^itam | prahlAdo vAmanahR^itAmanumene baleH shriyam || 29|| dIno.api bhraMshitaH sthAnAnnibaddho na tyajedvratam | baleH satyavratastvAsIdvAmano dvArapAlakaH || 30|| bhikShitvApIpsitaM deyaM vayaHshreShThAya bandhave | svargaM dadau mahendrAya yAchitvA vAmano baleH || 31|| AptoktaM bhAvayan bhAvi vidadhyAttatra tUchitam | satyavrato hi matsyoktiM shR^iNvannAvi sthito.abhavat || 32|| nIchaM rUpamapi grAhyaM bhavedyena prayojanam | harirmatsyo hayagrIvaM hatvA vedAn vidheradAt || 33|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite sachChlokairdashabhirlasaMstriguNitaiH skandhaH samApto.aShTamaH || 34|| iti shrIsunItibhAgavate aShTamaH skandhaH samAptaH || \medskip\hrule\medskip navamaH skandhaH | shrInAbhAgasadambarIShalR^ipatau chekShvAkumAndhAtR^irAT\- pUrvA yadbhajanAnmahatsagararANmukhyAH shubhaM lebhire | khaTvA~Ngo raghupaH svayaM minividhUgAdhiH svayaM bhArgavo yo.alarkashcha yayAtipUrubharatAH kR^iShNaH sa no rakShatAt ||1|| shrIrodAtihiteshashailamahite shakradvipendroddhate ga~NgAsahgasiteva sarvabudhite vidvadvarairvarNite | loke kalpalateva dattadayite sachchandrikAvyAyate tvaM he sAgarave~NkaTeshabudhasatkIrte punIhyeva naH ||2|| varNitaM navame skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| gurumArAdhayetkArye mahati pratyupasthite | guruprasAdataH puMstvaM prAptelA hi manoH sutA || 4|| svarUpahAnikR^iddoSho j~nAnAdvAj~nAnataH kR^itaH | pR^iShadhro hataguH prApa shUdratAM gurushApataH || 5|| uttamo.apyalpakaryArthamAchAreddAsavatkriyAm | marutaH pariveShTAro maruttasya makhe.abhavan || 6|| vidyayaiva hi saMsidhyetstrIputrAdIShTasAdhanam | pradAya vishravA vidyAM tR^iNabindoH sutAM hyagAt || 7|| strINA hi satpatiprAptAvadR^iShTaM kAraNaM bhavet | sukanyA chyavanaM bheje yuvAnaM jaraThaM purA || 8|| kAlaM nolla~NghayediShTe mahataH saMmatIchChayA | revatyA hi varA nAptAH kR^itA hR^idi kakudminA || 9|| arjayeddraviNaM satyavAdyanichChan parArjitam | R^itavAdI hi nAbhAgo bahulaM dhanamAptavAn || 10|| pIDayedvaiShNavAnnaiva mahAnapi tapasvyapi | ambarIShArtikR^itprApto durvAsA asamAM dashAm || 11|| nolla~NghanIyaH sakalairapi prANAtyaye vidhiH | ikShvAkuNA vikukShyAkhyaH sutastyaktaH shashAdanaH || 12|| svakIyakAryasamprAptyai labheta laghutAM sudhIH | shakro ghAtayato daityAn kakutsthasyAsa vAhanam || 13|| vadhe shakto.api no kuryAdvigrahaM krUravairiNA | dhundhumArasutA dagdhA dhundhunApi vinashyatA || 14|| lokasya naiva buddhyAdibalaM daivabalaM balam | mAndhAtA nirgataH kukSheryuvanAshvashcha no mR^itaH || 15|| sarvathApi tyajedeva mumukShuH sa~NgamanyataH | patsyasa~NgAtpriyAputrabandhanaM prApa saubhariH || 16|| svayasho gAyataH puMsaH sAdhvasaM dhvaMsayedbudhaH | gandharvAntasmR^iteH sarpAtpurukutso.aharadbhayam || 17|| parAbhUtastu mahatA mahAntaM paramAshrayet | gurushaptastrisha~NkuH svargataH kaushikatejasA || 18|| ashubhaM vArayetprAptaM kAlasyAtivila~NghanAt | harishchandrasutastrAto varuNAdrohito na kim || 19|| svaduShkR^itodaye saMpatkShaNamAtrAdvinashyati | bAhuko.arihR^itashrIko mamAra vipine nR^ipaH || 20|| nAshahetau kR^ite.apyanyairbhavyaM niyamato bhavet | sapatnIdattaviShataH sahaiva sagaro.ajani || 21|| atikramastu mahato na kAryo bahubhirjanaiH | sAgarAH kapiladrohAnmR^itAH ShaShTisahasriNaH || 22|| yatno dehavyayenApi kAryo bandhushubhAptaye | prakhyAtAvaMshumatpUrvau ga~NgAnayanatatparau || 23|| datvA pareShTaM kimapi labheta svapriyaM tataH | R^ituparNo.akShahR^idayado.ashvavidyAM nalAdagAt || 24|| yAdR^ishaM karma kurute tAdR^ishaM phalamashnute | brAhmaNyA ratihR^innaiva kalmAShA~NghrI ratiM yayau || 25|| AyuSho.apachayaM jAnan kAryaM prAgeva sAdhayet | muhUrtamAyurj~nAtvA svaM khaTvA~Ngo bandhanaM jahau || 26|| mAnanIyaH pitAvashyaM strIvasho.akushalo.api vA | rAmo dasharathasyAj~nAM svIkR^itya prayayau vanam || 27|| AtmAnaM yatnato rakShannashyatsvakulamuddharet | sUryavaMshaM kalerante maruH kiM noddhariShyati || 28|| paraghAtakaro loke bR^ihannapi na jIvati | vasiShThastu nimiM shaptvA mR^ito.abhUttasya shApataH || 29|| durjayA viShayA puMsA viduShApi vivekinA | chandro bR^ihaspaterbhAryAM jahAra viShayAturaH || 30|| vishvAso naiva kartavyo nArIShu svairavR^ittiShu | vihAya prayayau kAntAM purUravasamurvashI || 31|| yatnena durlabhaM datvA prApnuyAdvastu tAdR^isham | lebhe satyavatIM gAdherR^ichIko.ashvasahasradaH || 32|| durlabhaM vastu mitrasya lubdhaH sanna nayedbalAt | jamadagnerharan dhenuM kArtavIryo hato.arjunaH || 33|| avichAryaiva kurvIta tvarayA vachanaM pituH | mAtrA rAmaH saha bhrAtRRIn jamadagnyudito.avadhIt || 34|| na hanyAddurbalo daivAchChidre prApte mahAtmanaH | jamadagnyantakA naShTA na kimarjunasUnavaH || 35|| vinashyati kulaM sarvamekasyaivAparAdhataH | arjunAtmajadoSheNa kShINA kShatriyasantatiH || 36|| AtmaivoddhArakaH svasya pitA mAtA na vAparaH | vimuktaH pitR^ivikrItaH shunaHshepaH surAn stuvan || 37|| bhajeta sampadaM bhoge dakShashchirataraM sthirAm | alarko bubhuje pR^ithvIM bahuvarShasahasrakam || 38|| svavashe sthApitaM dravyaM pratidadyAdraho.arthitaH | indrAyApratiyachChantaH svargaM naShTA rajeH sutAH || 39|| nechChetsudhIrmahaishvaryamaha~NkAramadapradam | nahuSheNa yatirdattaM rAjyaM na jagR^ihe yataH || 40|| gR^ihNIyAdanabhipretaM svAyogyamapi chArthitaH | devayAnImudavahadyayAtiH shukrakanyakAm || 41|| dharmamapyAcharennaiva pratikUlaM mahAtmanaH | sharmiShThAM ramayan dharmAdyayAtirlabdhavAn jarAm || 42|| yAchitastanayaH pitre prANAnapi samarpayet | arpitasvavayAH pUrurjAto bhUmaNDalAdhipaH || 43|| svamano ramate yasminnAcharettanmahAmatiH | manaH pravR^itterduShyanta upayeme shakuntalAm || 44|| katha~nchidapi satputraM labhetAtiprayatnavAn | bharataH prApa devebhyo bharadvAjaM sutaM yathA || 45|| dadyAdevArthine ki~nchidapi dhImAnaki~nchanaH | rantidevo dadadbhojyaM kShudhito.apyApa sadyashaH || 46|| yadvastu mahatAM yogyaM tebhyaH prA~N na labheta tat | shantanoH parivetturyadindro rAShTre vavarSha na || 47|| svaputrAyaiva shAntAya vidyAmupadishedvarAm | vyAsaH shukAya pailAdIn hitvA bhAgavataM jagau || 48|| shrIhariM sharaNaM gachChetprAptAyAM paramApadi | drauNerbrahmAstrataH kR^iShNo rarakSha hi parIkShitam || 49|| duShTAH sarve.api hantavyA ekasminnapakAriNi | takShakArirahInagnau juhAva janamejayaH || 50|| ayatnenaiva durlabhyaM prApyate puNyashAlinA | R^iShyashR^i~Ngo nR^ipasutAM karNaM chAdhiratho hyagAt || 51|| dvitIyAM nodvahedbhAryAM sutArthI tvarayAnvitaH | jyAmagho nApa kiM putraM shaibyAyAmeva kAlAtaH || 52|| vR^ithA vidyAM parIkSheta naivAdharmaM tu nAcharet | kuntI prAptA raveH putraM kR^iShNenAdharmiNo hatAH || 53|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite skandho.antaM navamo.agamatparilasan shlokaishcha pa~nchAshataiH || 54|| iti shrIsunItibhAgavate navamaskandhaH samAptaH || \medskip\hrule\medskip dashamaH skandhaH \- pUrvArdhaH | devakyAmudabhUnnuto vidhimukhairnandeShTakR^idduShTahR^id\- gopIryo.aramayatsantashcha sabalaM kaMsaM cha bArhadratham | jitvA.a.ajau narakAnapi kurUn saMnAshya pArthapriyo reme strIsutapUrvakairnirupamaiH kR^iShNaH sa no rakShatAt || 1|| lakShmIshorumate lasadguNatate sanmadhvapUjArate chIrNAgryAnusR^ite jitArisamite vyAkhyAtashAstrashrute | nirdoShAvagate budhAhitanate satkIrtipUrNakShite seve sAgarave~NkaTeshabudha te pAdAmbujaM sadvR^ite || 2|| varNitaM dashame skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| svArthAdapyadhikaM santaH parakAryArthamudyatAH | bhUbhArahR^itaye brahmA viShNUktamavadatsurAn || 4|| duShTasya mitrabhavena vishvasyAnna vichakShaNaH | shrutAsharIravAkkaMso bhaginIM hantumudyayau || 5|| vinAshaM vividhopAyaiH sadyaH prAptaM nivArayet | uktvA putrArpaNaM shaurirarakShatkaMsataH priyAm || 6|| naiva vishvasanIyA vAgasato.avijitAtmanaH | kaMsena pratidatto.api nAnandachChaurirAtmaje || 7|| sanmArgaM santyajantyaj~nAH paravAgbhinnabuddhayaH | sarvAnnipIDayAmAsa kaMso nAradabodhitaH || 8|| kartuM yadA yadIshena proktaM kAryaM tathaiva tat | devakyA anayadgarbhaM yogamAyA hi rohiNIm || 9|| saMdhR^itasvamahAkaryabhAraM stutyA praharShayet | prAdurbhUto.atha devakyAM viShNurbrahmAdibhiH stutaH || 10|| vastUttamamatikleshaM vinA na prApyate janaiH | pitR^istuto hariH proche svajanma prAktapaH phalam || 11|| sati daivasahAye kiM kartuM na prabhavennaraH | vasudevo vraje kR^iShNaM nyasyAninye hi chaNDikAm || 12|| vArito.api vinAshyeShTaM mUrkhaH pashchAtpratapyate | kaMsastADitakanyoktaH svasR^ishaurI asAntvayat || 13|| ativibhraShTabuddhiH syAtsvayamaj~no.aj~nabodhitaH | sadvadhAyAdishaddaityAn kaMsaH saMmantrya mantribhiH || 14|| bAle dR^iShTe.api sAmarthye jAyate na mahatvadhIH | rakShAM vidadhire gopyaH pUtanAghAtino hareH || 15|| sAkShAddraShTruktamaj~no na shraddadhAti kuyuktibhAk | anokShabha~NgaM svIchakrurna gopaH kR^iShNanirmitam || 16|| ruddho yena na taM mu~nchettena tyaktumapIchChitaH | shrIsho gurustR^iNAvartanIto.amu~nchaMstamAvadhIt || 17|| kenApyupAyenAtmIyaM mahimAnaM prakAshayet | jR^imbhamANo mukhe.ananto vishvaM mAturadarshayat || 18|| svakAryaM sAdhayedgUDho rahasyApte.apyarerbhaye | chakAra nAmakaraNaM gargaH shrIrAmakR^iShNayoH || 19|| yAdR^isho dhR^ita AkAraH karma tAdR^ishamAcharet | vitatAna vibhurbAlo bAlalIlAH pR^ithagvidhAH || 20|| manasvI na svamAhAtmyaM brUyAtkintu pradarshayet mR^ido.ashanAddharirmAtropAlabdho.adarshayajjagat || 21|| svabhaktavashyatAM yAyAddarshayitvA.a.atmadakShatAm | bandhaM prApa yashodAyA bhitvesho dadhyamatrakam || 22|| uddharanti vipadbhyo.anyAnasvasthA api sAdhavaH | kuberaputrau devarSheH shApAtprabhuramochayat || 23|| sarvo bhajati kAryArthaM priyaH ko.api na kasyachit | gopA vR^indAvanaM jagmurdR^iShTvotpAtAn bR^ihadvane || 24|| satsa~Ngatirna vA jAtirduHshIlasya sukhapradA | kR^iShNena rakShatA vatsAn vatsarUpo.asuro hataH || 25|| darshito.api svasAmarthye hanyAdbhUyaH kR^itAgasam | mukto.aryAsyaM dahan kR^iShNo.abhinadghAtodyataM bakam || 26|| abhIShTaM sulabhaM puMsAM vinaShTe vighnakartari | rAmeNa nihate tAlaphalAnyAdanhi dhenuke || 27|| sarvasampatkaraM nRRINAM mahatkAruNyavIkShaNam | ajIvan hariNA dR^iShTA gopA pItaviShAmbhasaH || 28|| bahUnAmartha iShTAnAM priyamekaM parityajet | mamarda kAliyaM vIkShya nandAdIn duHkhitAn vibhuH || 29|| lokopadravakartAraM sAdhuM niShkAsayedapi | yamunAyAH stutaH kR^iShNaH kR^iShNAhimudavAsayat || 30|| vyasanaM kena na prAptaM prabhUNAM kiM na duShkR^itam | dahantaM nishi gopAlAn dAvAgnimapibatprabhuH || 31|| nihanyAdva~nchakaM mitraM shaThatve prakaTe sati | pralambo halinA goparUpyudUhya dravan hataH || 32|| sukaraM mahato.anyeShAM prayatnairapi duShkaram | gopairalabdhAn vibhraShTAn gogaNAn harirAhvayat || 33|| vyajyate mahatAM shaktirApadyeva na sampadi | dahyamAnAn jugopesho gopAn pItvA vanAnalam || 34|| jahyAnnaiva sakhInyogyAn bhojanakrIDanAdiShu | krIDan jalAntike gopairbubhuje.annaM vane.achyutaH || 35|| sadguNA yadi vidyante varNyante te svato janaiH | shrutaveNuravAH kR^iShNakrIDA gopyo hyavarNayan || 36|| svavastvapyanusR^ityaiva labhetAgryasya hastagam | majjane gopikA nagnAH kR^iShNAdvAsAMsi lebhire || 37|| guravo.api vimuhyanti kvachinnAj~nA janA api | mukundAyArpayannannaM brAhmaNyo na dvijAtayaH || 38|| apahAryaM svabhaktasyApIShTaM darpanivR^ittaye | nivAryendramakhaM rUpAntAreNAdaddharirbalim || 39|| prAptApadyannimittaM yA vAryA tenaiva sA bhavet | indrAtivR^iShTerdhR^itvAvIdvrajaM govardhanaM vibhuH || 40|| kupitA api yogena mR^idavaH syurhi sajjanAH | stuto.abhiShikto govindaH svargaM shakramavApayat || 41|| siddhyaM vidheya udyogaH svayogyo.api mahAtmabhiH | pAshilokaM prabhurgatvA pitaraM pratyupAnayat || 42|| mahatA~NgIkR^ito.abhIShTadAnena paripAlyate | darshayAmAsa nandAdIn vaikuNThaM nandanandanaH || 43|| prAptasyAtmagatitvena kAryaM sarvamabhIpsitam | kAlindyAM gopikA gAnAkR^iShTA harirarIramat || 44|| madAha~NkAranAshAya svakIyamapi khedayet | antarhito vibhuH strIbhiH krIDannapyekayA punaH || 45|| svajanasya gate garve vidadhyAdadhikaM priyam | gopikAbhiH stuto rAsotsavenAramayatprabhuH || 46|| varaM pAdaprahAro.api shreShThAnmAno na nIchataH | sudarshano.abhUchChrIshA~NghreH sparshAnnandaM grasannahiH || 47|| Apatprado.aviveko.ato na kuryAtsahasA kriyAm | vibhunA kAlayan gopIH sha~NkhachUDo nipAtitaH || 48|| saMstuvanti parokShe.api guNADhyaM guNino janAH | remire.ahassu gAyantyaH kR^iShNalIlAM vrajastriyaH || 49|| sAdhUpadravakR^itsAdhurUpashAlyapi bhajyate | vR^iShAshvarUpau nihatau prabhuNAriShTakeshinau || 50|| mitho virodhinordakShaH syAddvayorapi sammataH | kaMsena mAnito.abhyetya shrIshaM tuShTAva nAradaH || 51|| krIDArthaM kathitaM vyAjAtsatyaM kurvanvipadyate | vyomo meShAyitAn gopAMshchorayan hariNA hataH || 52|| gUDhamantro.arthatattvaj~no dayAlurduHkhito bhavet | akrUrAkArito.ananto gachChan gopIrasantvayat || 53|| pravR^iddhe.anugrahe.abhIShTaM vidadhyAdvibudho.adhikam | mAdhavo.adarshayadrUpaM svamakrUrAya majjate || 54|| kopaprasAdayordhImAn phalaM sadyaH pradarshayet | kR^iShNo rajakasadvaptR^isudAmnAM paryadarshayat || 55|| asAdhu sAdhu kurute prabhushchAgryamanuttamam | R^ijvIM chakre trivakrAM cha babha~nja dhanurIshvaraH || 56|| svayaM vrajenna yuddhArthaM na mu~nchetsamupAgatAn | chAparakShAn balaM chesho gajaM mallAnanAshayat || 57|| paro.api hitakArI svaH AtmIyo.apyahitaH paraH | nihatya mAtulaM kaMsaM kR^iShNaH sarvAnanandayat || 58|| satAmanusarenmArgaM niSheveta vipashchitaH | gargopanIto govindo bheje sAndIpaniM gurum || 59|| ko na vadhyaH kR^itadrohaH kiM na deyaM mahAtmane | yamArchitaH pa~nchajanaM hatvesho.adAdguroH sutam || 60|| bhavenmanaH samAdhAnaM nijavallabhabhAShitaiH | uddhavaH kR^iShNasandeshairjahArAdhiM vrajaukasAm || 61|| iShTaM svasanatasyaiva vidadhAti mahAnapi | sairandhrIM cha tathAkrUraM bhagavAn paryatoShayat || 62|| nirAshraye kR^ipAM kuryAtkhinne bAle cha durbale | bubudhe pArthavR^ittAntaM sampreShyAkrUramachyutaH || 64|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite ShaShThyA shlokavarairlasaddhi dashame skandhe.ardhamAdyaM tvagAt || 64|| iti shrIsunItibhAgavate dashamaskandhe pUrvArdhaH samAptaH || \medskip\hrule\medskip dashamaH skandhaH \- uttarArdhaH | mukhyaM prAgeva no hanyAdduShTamapyapakAriNam | jarAsandhaM mumochAjaH sainyaM hatvA muhurmahat || 65|| manyate.anuguNaM kArye vipravAkyaM janArdanaH | svapurAnnirgato rAmAdanuj~nAmApa sAgrajaH || 66|| (parashurAmAt) svabhrAtApi prahartavyaM pApAtmA svavadhodyataH | sR^igAlavAsudevaH shrIvAsudevena sUditaH || 67|| sidhyati svayameveShTaM puruShasya mahAtmanaH | kR^iShNamUrdhni harermauliM gomante garuDo nyadhAt || 68|| mahAtmAno vinA yatnaM durghaTaM ghaTayantyaho | ninAya dvArakAM shrIsho madhurAyAM sthitAnnijAn || 69|| svAnugrahAya bhaktena kArayenmahatIM kriyAm | dadAha yavanaM shAr~NgI muchukundAkShivahnitaH || 70|| phalanti nijakarmANi puMsAM naiva mahAn pumAn | muchukundo mudaM kR^iShNAdayAnmlechChabalaM kShayam || 71|| vidravantamapi shreShThamashakto.apyanudhAvati | rAmakR^iShNau jarAsandho.anvagachChatsaha senayA || 72|| na kShudropadravaM dhIro gaNayatyurupauruShaH | harirutpatya gomantAddahyamAnAtpurIM yayau || 73|| nishchayena satI vArtA j~neyA kautukakAriNI | prabhurdrupadabandhAdi j~nAtavAn kR^itavarmataH || 74|| prAptiyogyaM hi yadyasya saMprApnoti tameva tat | prapede revatIM rAmaH priyAmAdiyugodbhavAm || 75|| guNavAn prArthyate sarvairbalavA.Nllabhate.akhilam | rukmiNyArthita ApeshaH pArthivAn paribhUya tAm || 76|| chyavate daivahInasya hyekaM sandhitsato.aparam | AnetuM rukmiNIM yAtushchyutaM shmashrvAdi rukmiNaH || 77|| ekA kriyA dvyarthakarI kriyAvidhividA bhavet | maNiM jAmbavatIM chApa maNyarthaM pragataH prabhuH || 78|| hetuH sarvArthasaMsiddherdAnAdanyo na vidyate | satrAjiddharaye satyAM svAgho.apahR^itaye dadau || 79|| lokAnusAryabhij~no.api vidadhyAtsamayochitam | kulyahetoH kurUn yAtaH satyokto.ajaH shuchA yayau || 80|| pravR^ittirmahato na syAnniHspR^ihasyApi niShphalA | viddhalakShyAn dadarsheshaH pArthAn drupadarATpure || 81|| na shrotavyaM paraproktamAtmaiva phalabhugyataH | shatadhanvA hato.akrUranirastashchakriNA dravan || 82|| sAmnA sidhyanti kAryANi duHsAdhyAnyakhilAnyapi | prakAshya maNimakrUre.akrodhaM rAmaM vibhurvyadhAt || 83|| svAbhIShTamapyavApnoti pareShTakaraNe rataH | gatendraprastha Isho.agAtkAlindIM yamunAtaTe || 84|| yasyArhaM yadbhavedvastu prasAdhyaM tasya tatkR^ite | dharmajasya vibhurvishvakarmaNAchIkaratpuram || 85|| sveShTaM kvachidbalAtprApyaM kvachitkR^itvA parepsitam | mitravindAM jahArAjo nIlAM baddhvA.a.apa govR^iShAn || 86|| svapriyaM prApnuyAddattaM niruddhaM nijapauruShAt | pradattAM jagR^ihe bhadrAM lakShaNAM jahra IshvaraH || 87|| saMvij~nApitamAtraH syAtsatprabhuH kAryakArakaH | shakravij~nApito bhaumaM hantuM satyApatiryayau || 88|| kriyAsiddhirbhavetsattve mahatAM na tu sAdhane | murAdInapyaseno.ahannarakaM tArkShyavAhanaH || 89|| tasyeShTaM kurute.agryo.api yasya santyuttamA guNAH | bhagadattaM pramAnyeshaH kAminIH prAhiNotpurIm || 90|| yadarthaM hi mahAn yatnaH kR^ito.ante tanna vismaret | indrArchito.aditeH prItiM kuNDalAbhyAM vibhurvyadhAt || 91|| svamitrAdapi bhItaH sannuttamaM vastu gopayet | pArijAtaM prajagrAha satyabhAmArthito.achyutaH || 92|| svasvarUpamavij~nAya kShIyante rachitodyamAH | sarve devA gatA yoddhuM seshendrAH shAr~NgiNA jitAH || 93|| tyajAtivairamAtmIye prakR^itArthaM prasAdhaya | purImindrastuto.abhyetya svardruNAnandayatprabhuH || 94|| nija eva nijo hi syAdyaH paraH para eva saH | pradyumnaH shambaraM hatvA pitR^iprItiM vyadhatta yat || 95|| mahatsAdR^ishyamApto.api kiM nIchastatsamo guNaiH | dhR^itorusha~NkhachakrAdiH pauNDrakashchakriNA hataH || 96|| svasya svakR^itameva syAnnAshAyAvalinaH khalu | sudakShiNaM svakR^ityAgnishchakrapratihato.adahat || 97|| puNyakShetrANi seveta puNyakAle.api sanmatiH | samantapa~nchakaM shrIshaH sabhAryo.agAdravigrahe || 98|| ko na yAti mudaM loke satkR^itaH prabhuNA bhR^isham | nandapArthamukhAstuShTA militA harimAnitAH || 99|| satyAM sAdhanasampattAveva dharmaM samAcharet | vasudevo.adhvaraM kR^itvA munyukto dvArakAmayAt || 100|| putraH sa eva yo.abhIShTaM kuryAnmAtustathA pituH | tattvAnyuktvAchyuto mAturbalIDyo.adarshayatsutAn || 101|| bhavatyasahyaM hAsArthamuktamapyativipriyam | bhaiShmyA narmoktitaH khedaM prekShyeshastAmashAntayat || 102|| yauvanaM bhartR^isa~Ngena putrotpatyA cha bhAti saH | ekaikasho dasha dasha putrAn prApurhareH priyAH ||103|| vadechChalena yo.asatyaM daNDa eva taduttaram | rukmiNaM glahajidrAmaH pautrodvAhotsave.avadhIt ||104|| nAstyeva vanitAbhyo.anyat trilokyAM sukhadAyakam | shrIshaH ShoDashasAhasrairdArai reme shatAdhikaiH ||105|| kAryANi nirvahatyekaH samarthaH subahUnyapi | kriyAkR^innAradenesho dR^iShTaH pratya~NganAgR^iham ||106|| bahubhirhetubhiH kAryamekamArabhate budhaH | indraprasthaM sa ukto.ayAddUtanAradasUddhavaiH || 107|| susaMmantrya pravR^ittasya siddhiravyabhichAriNI | bhImaH prApya jarAsandhaM jaghAna harisaMmataH || 108|| svayaM yadi bhavetsAdhurlabhedeva sa ma~Ngalam | sahadevo.abhiShiktashcha bhUpAH kR^iShNena mochitAH || 109|| na shrAvayedvachaH krUraM matsaraM cha parityajet | yaj~notsave jaghAnAjashchaidyamAptAgrapUjanaH || 110|| mahAnArabdhakAryasya samAptikaraNaM guNaH | pArthAnAM pUrayitvAgAdrAjasUyaM prabhuH puram || 111|| apakArapratIkAraM sadyaH kuryAtsvabhItaye | prekShyAdrutya puraM bhagnaM shAlvaM hatvAchyuto.avishat || 112|| mitraM vipadi sampattAvapi tulyakriyaM hi yat | AkarNyAptavanAnpArthAnAshvAsyesho.agamatpuram || 113|| saMsarga eva mahatAM phalAya mahate bhavet kR^iShNahastAmbujasparshAnnR^igo muktaH kuyonitaH || 114|| akR^itopadravo loke pUjyate na mahAnapi | vrajaM gatena rAmeNAkR^iShTA taM yamunArchayat || 115|| sa nashyatyeva shIghraM yaH karotyuttamahelanam | lokadviT dvivido dhUrto halinA nihataH kapiH || 116|| nIchAtsidhyati ko.apyartho na sAmnA kintu daNDataH | sasAmbo.agAdbalaH puryAM kR^iShTAyA kurubhiH stutaH || 117|| dhanike nirdhane vApi bhakte kAryo.atyanugrahaH | harirgatvA mudaM chakre maithilashrutadevayoH || 118|| upakAraM na kurvIta nAshe prApte.api durmateH | shambhurdattavaro bhIto vR^ikAdvaikuNThamAvrajat || 119|| yuktyA yatsukaraM bhUripauruShaistanna sAdhayet | vAkyairvyanAshayadviShNurdArako mohayanvR^ikam || 120|| te shreShThA vikriyante na ye hetau vikR^ite sati | bhR^iguNA~NghriprahAro.api nato.agryo nishchito.achyutaH || 121|| bhAvi jAnannapi hitaM vadedanapakIrtaye | upaplAvye gataH pArthAndUtyaM chakre jagatpatiH || 122|| na~NkShyantaM na svato hanyAdbhIShayetAbhibhAvukam | pradarshyAnantarUpatvaM kR^iShNo.agAdbaddhumichChitaH || 123|| dUShaNatvamavApnoti guNo.apyasamaye nR^iNAm | prabodhyeshena yuddhAya viraktaH prerito.arjunaH || 124|| naiva kuryAtsamartho.api ki~nchidanyasya kIrtaye | nItvArjunaM shivopAntaM prApte.arstre.abhyagamaddhariH || 125|| bhavitavyaM bhavatyeva svakAle samupasthite | shAntenApi hataH sUto rAmeNa munimAnitaH || 126|| apakR^ityA sudhIH khinnAnupakR^ityA praharShayet | R^iShINAmiShTakR^iddaityamavadhIdbalvalaM balaH || 127|| doShaM kuryAnna kasyApi visheShAdbalashAlinaH | duryodhano.api bhImena sAnubandho hato dviShan || 128|| samarthAnapi kAryAptyai kartavyo bR^ihadAshrayaH | prapedire mahadrAjyaM pANDavAH keshavaM shritAH || 129|| gR^ihItvaikamasa~NkhyAtaM pradadAti mahAmatiH | sampado.adAtkuchelAya hariH pR^ithukamuShTibhuk || 130|| kAryA naivAtmanaH shlAghA pratij~nApyatigarvitaH | dvijAtmajapradAne.atikleshamApa yato.arjunaH || 131|| ashvamedhamapi tyaktvA kuryAnmitrepsitaM drutam | AnIyeshaH svadhAmno.adAtsArjuno viprabAlakAn || 132|| na karoti sa yo vakti vidhatte sa na vakti yaH | vikatthamAnaH kR^iShNena dantavaktro niShUditaH || 133|| nistIrNasarvakAryAbdhirnitarAM parimodite | reme strIputrapautrAdyairdvArakAyAM shriyaHpatiH || 134|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite saptatyA dashame.ardhamantamaparaM skandhe supadyairagAt || 135|| iti shrIsunItibhAgavate dashamaskandhe uttarArdhaM samAptam || \medskip\hrule\medskip ekAdashaH skandhaH | yasya preraNayA dvijA yadukulaM shepushcha yo varNitaH kavyAdyairapi nAradena gataye dhAmno.arjito.ajAdibhiH | sadviproddhavamukhyabhaktasukhakR^innItvA kShayaM yAdavAn dhAmApto vijayo yadiShTamakarotkR^iShNaH sa no rakShatAt || 1|| shrIkR^iShNaM vR^iNute jaganti punate madhvaM cha ye prINate saddharmAn bruvate priyaM pradadate sattattvamAmanvate | na ssvAn saMstuvate guNAn vidadhate shreyo yashastanvate duShTAn saMdhunate hyaghaM vilunate santaH prasIdantu te || 2|| gItamekAdashe skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| phalatyeva dvijasyoktirvishiShTasya visheShataH | samprAptaM musalaM viprashApAdyadukumArakaiH || 4|| labhate mahato.abhIShTamapakurvannapi kvachit | kAmAdyA urvashIM chArvIM prApurnArAyaNAnmuneH || 5|| svayameva hitopAyaM pR^ichChetkuryAdyathoditam | kavyAdyuktAnnimirdharmAnAtiShThannApa sadgatim || 6|| satAM gurau prakR^ityaiva vinayo vyasanaM shrutau | vasudevo bhAgavatAn dharmAn shushrAva nAradAt || 7|| yogyaM ki~nchidapi sveShTaM satAM sammatamAcharet | iyeSha dhAma gantuM svaM kR^iShNo brahmamukharthitaH || 8|| hitAhite naraM svIyaM vedayantyeva sajjanAH | utpAteShUddhavaM bhaktaM kR^iShNo dR^iShTeShvabodhayat || 9|| sadbuddhyaiva prakartavyaM svakIyaM sakalaM janaiH | avadhUto gurUnUche yadave buddhyupAshritAn || 10|| mahAdhikAriNo.abhIshTaM chintanAdeva sidhyati | haMso.ajachintitastattvaM sanakAdibhya uktavAn || 11|| sarvasampatsu naShTAsu sadbuddhirjAyate nR^iNAm | khinnaH kShINadhano bhikShurAvantyo.abhUddvijaH sudhIH || 12|| svadharmAnnochchalejjAnansukhaduHkhapradaM manaH | na chukopa svadharmastho bhikShurduShTairupadrutaH || 13|| duHkhakR^idviShayAsa~Ngo vairAgyaM sukhasAdhanam | nirvedenorvashItyaktaH sukhaM prApa purUravAH || 14|| prAj~naM pratyeva sAdhUpadeshaH syAnna nirarthakaH | uddhavo hariNA prokto yayau badarikAshramam || 15|| yateta shreyase tAvadyAvatsvasthaM kalevaram | prabhAsamApya kR^iShNoktA yAdavA dharmamAcharan || 16|| adR^iShTavashato bhAvi niroddhuM kaH prabhurbhavet | unmattA yAdavAH prAptAH kShyayaM ghnanto mithastR^iNaiH || 17|| nopakAro.apakArashcha bhaktireva prayojikA | viddhaH stuto jarAvyAdhaM bhagavAnanayaddivam || 18|| sarvAnapyuddharetkR^ichChrAdvisheSheNoddhArennijAn | indraprasthAptaye.anyeShAM kR^iShNo dArukamAdishat || 19|| prabhuH sammAnyate sArvairnitAntamupakArakaH | kR^iShNo vivesha dhAma svaM stUyamAno.abjajAdibhiH || 20|| kiM dehenAkhilArthaiH kiM mahAtmaviraho yadi | kR^iShnAdIn vasudevAdyA apashyanto jahustanUH || 21|| dhIro hi kurute dhairyaM vihitaM cha vipadyapi | arjunaH kArayAmAsa bandhUnAM sAMparAyikam || 22|| sa suhR^idyo dadAtIShTaM na jahAti vipadgatam | sarvAnnItvArjuno vajramindraprasthe.abhyaShechayat || 23|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite .agAchChlokairdashabhirlasan dviguNitaiH skandho.antamekAdashaH || 24|| iti shrIsunItibhAgavate ekAdashaskandhaH samAptaH || \medskip\hrule\medskip dvAdashaH skandhaH | brahmAdyAH stuvate ramApi juShate samya~N na yaM jAnate ke.apyutpAdayate jagatsamuchite kAle sma yastrAyate | ekaH saMharate tathA sa nudate j~nAnAdido dyotate bhaktAn prINayate svadhAma nayate nArAyaNaH prIyatAm || 1|| kalkI yo janamejayaH pitR^ivadhAdArabdhasarpAdhvarA\- dyaddAso virato yajUMShi savituH shrIyAj~navalkyo.adhyagAt | mArkaNDeyamunirjitasmaramukho.apashyallayaM chAchyutaH yadbhaktyAdi varAnavApa girishAtkR^iShNaH sa no rakShatAt || 2|| varNitaM dvAdashe skandhe bhagavadbhaktasadyashaH | gIyate nItirUpeNa viShNuvaiShNavatuShTaye || 3|| kAryo.anyeShu na vishvAsaH sarveShvapi kalau yuge | ripu~njayAdyA nihatAH svakIyairmunikAdibhiH || 4|| yadA yaduchitaM prAj~no vidadhAti tadaiva tat | haniShyatyasataH kalkI shuko rAj~nArchito yayau || 5|| dhanaiH ko vashyatAM naiti prayatnaiH kiM na sAdhyate | kAshyapaM tarpayitvArthairnR^ipatiM takShako.adashat || 6|| kShudrAn kR^itaparadrohAnnA~NgIkuryAdbR^ihannapi | takShakA~NgIkR^iterindraH sarpasatre prachAlitaH || 7|| mAnyAn sammAnayejjahyAtsvAyogyakaraNe ratim | sarpasatrAnnivavR^ite gurUkto janamejayaH || 8|| na nashyati duruktyA kiM saduktyA kiM na sidhyati | yAj~navalkyo gurutyakto yajUMShyApa stutAdraveH || 9|| niHspR^ihasya tR^iNaM sarvaM mahadulla~NghitustathA | jetuM shekurna kAmAdyA mArkaNDeyaM jitAntakam || 10|| kAmayante garIyAMso bR^ihadeva na chAtyaNu | mAyAM draShTuM yayAche sa munirnArAyaNaM munim || 11|| kvachidbibheti dhIro.api kvachiddhR^iShyati vismitaH | mArkaNDeyo laye bhIto dR^iShTe viShNAvamodata || 12|| guNinAmeva kurvanti priyamaprArthitA api | viShNubhaktyAdi rudro.adAnmArkaNDeyAya moditaH || 13|| lakShmIshorumaterlasadguNatateH sanmadhvapUjArateH shrImatsAgarave~NkaTeshavibudhAdyaM shAntabAyI sutam | rAmaM prApa sunItibhAgavata utkR^iShTe.atra tannirmite sachChlokairdashabhiH shubhairvilasitaH skandho.agamaddvAdashaH || 14|| shrImadbhAgavatAkhilAtipR^ithulaskandhArthasambodhinI sadbhaktyAvadhR^itA chatuHshatalaghushlokIyamurvI budhaiH | pApaM nAshayati hyasheShavipadaH shrIkR^iShNabhaktiM mahA\- sampattiM cha dadAti muktimatulAM dharmArthakAmAn shubham || iti shrImatsAgarave~NkaTeshAchAryaputreNa rAmeNa kR^ite sunItibhAgavate dvAdashaH skandhaH samAptaH || shrIkR^iShNAya namaH | shrI vedavyAsAya namaH || ## The Suniti Bhagavatam of Sagara rAmAchArya of the 17th Century is based on a manuscript at Sukrtindra Oriental Research Institute, Cochin, Kerala. The author gives in each verse a principle of right conduct in the first line, and as an illustration of it, the story of the Bhagavata in the second line. Encoded and proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}