% Text title : Turaga Shatakam % File name : turagashatakam.itx % Category : vishhnu, shataka % Location : doc\_vishhnu % Author : shrIkuTTikaviM % Proofread by : Rajesh Thyagarajan % Description/comments : From Stotrasamuchchaya 2, Edited by Pandit K. Parameshwara Aithal % Latest update : May 10, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Turaga Shatakam ..}## \itxtitle{.. turagashatakam ..}##\endtitles ## chalatprothaprAntaM chaTunaTadudagrAgracharaNaM muhurhu~NkArA~nchanmukhagalitaphenastabakitam | khalInAbhugnAsyaM khamiva nigilantaM nijajavAt tuShArAdryuttu~NgaM turagavaramArohati hariH || 1|| atha kathamapi soDhuM ra~NganAthasya ri~Nkhat\- turakhuranipAtAnakShameva kShameyam | aviralabahulodyanmAMsalottAladhUlI\- paTalakapaTataH khaM lakShyate dhAvamAnA || 2|| vicharati parivIthi ra~NganAthe hayamadhiruhya khurakShatAvanIkam | sapadi viyadavekShya reNusAndraM chakitamanobhirabhAvi chakravAkaiH || 3|| paTutarakhurakoTikShuNNapR^ithvItalodyat\- prasR^imaraghanareNuvyAptarodo.antarAlam | hayavaramadhirUDho vIkShate vakShasi drAg janakavilayabhItAma~NganAM ra~NganAthaH || 4|| svAmin ra~Ngavibho jagattrayaparitrANAya baddhAdara brUmaH kiM bhuvanasvatantra bhakto lIlAvihArakramam | dhATIkautukini tvayi shritavati tva~Ngattura~NgottamaM vyoma kShmAtalatAM dadhAti rajasA kShuNNA kShitirvyo.amatAm || 5|| tvaddhATIpaTughoTaniShThurakhurapratyagraTa~NkatruTat\- pR^ithvIniryadavAryareNupaTale drAgujjihAne divam | straiNaM sarvasuparvaNAM ghaTagataM mandAkinIyaM payaH kR^ichChrAdachChayituM chirAya katakakShodeShu sannayati || 6|| tva~Ngattu~Ngatura~NganiShThurakhurakShuNNakShamAmaNDalI\- dhUlIbhirbhuvanodaraM sthagayati shrIra~NganAtha tvayi | bAdhiryaM bhujagAdhipaH surapatistvAndhyaM raviH pa~NgutAM mUkatvaM jaladhiH prayAti bhagavan ko nvepa lIlAkramaH || 7|| ra~Ngeshe sahasAdhitiShThati javaM tu~NgaM tura~Ngottama dhUlIpAliShu jR^imbhitAsu parito.apyanyat kimachakShmahe | nadyo bibhyati lajjate vasumatI padmA paraM khidyate shambhuH kupyati cha prayAti varuNo vastuM cha vAstvantaram || 8|| ra~Ngeshatu~NgaturagoditareNuvR^indai\- rmandAkinIpayasi pa~NkilatAM dadhAne | tatsambhavAni kamalAnyapi pa~NkajAkhyAM manye chirAya dadhate kila yogarUDhAm || 9|| puryAmadbhutabhogasImni bhavato ra~Ngaprabho vAsinAM devAnAmavirUpavaibhavaguNaiH ki~nchinna vIkShe.antaram | devA naiva mahIM spR^ishanti punarityeko visheSho yadi tvaddhATIturagotthareNunibiDasvarvAsinaste.apyaho || 10|| ra~Ngeshasya vihArasImasu valajja~NghAlatu~NgAshvarAD\- vegodagrakhurAgrachUrNitadharA dhUlIkadambe.ambare | sandhyAbhrabhramataH sachandrakashikhau cha~nchatkalApA~nchitau sotkaNThaM kila tANDavaM kalayato drA~NnIlakaNThau kShaNam || 11|| shrIra~Ngeshatura~Ngamasya mahato ghATyArabhaTyuchchalat\- pAdAghAtamahAjavArtimatulAM prAptA dharAmaNDalI | ApAtAlanipAtakhAtavivaraprodyatphaNigrAmaNI\- ratnashreNiruchAM bharaiH sarudhirasyandeva sandR^ishyate || 12|| heShAbhirbadhirIkR^itatribhuvanaM pAdAgravajrAhati\- proDDInakShitimaNDalaM hayavaraM deve samArohati | adyodgrIvikayA chirAd vidadhate dikkumbhikumbhInasa\- grAmaNyAdimapotrikUrmapatayo vishrAntitaH phUtkR^itim || 13|| ApAtAlatalAdahIshvarashiroratnAMshunIrAjitA\- dA vidhyaNDakaraNDabhittishikharAdachChAmbusamplAvitAt | rAkAkAshamayAnyasheShabhuvanAnyantardhinirbhedanAt sadyaH kartumanA ivAdya turago niryAti ra~NgeshituH || 14|| ruddhA digvalabhIrjagattrayamabhivyApyordhvamujjR^imbhite ra~Ngeshasya tura~NgadhAvanasamudbhUte rajomaNDale | Abaghnan sanakAdayo munigaNAH pustAnyadR^iShTAkSharA\- NyAdhunvannudatiShThadAttakalashaH svIyAM brasImabjabhUH || 15|| raMhaHsaMhR^itatArkShyamArutamanogarve.ashvaratne sukhaM sthitvA khelati ra~NgadhAmani vibhau kShoNI samAlakShyate | heShAghoShavisheShajarjharajaradbrahmANDakhaNDaM javA\- duchchairghartumudastahastayugalevottAladhUlImiShAt || 16|| dhATImATI kamAne dR^iDhadharaNihatiprauDhavAhAdhirUDhe ra~Ngendre sAndrasAndraM viyati visR^imarApArapAMsuchChaTAnAm | sevAhevAkadevAvalibalinibiDodastakalpaprasUna\- srastasphAyatparAgaiH kShaNamajani kilAnyonyasa~NgharShayogaH || 17|| shrIra~Ngeshvara tAvakAshvacharaNanyAsAhatorvItala\- prodyanmAMsalapAMsubandhanibiDaM vIkShyAntarikShaM kShaNam | vaprAghAtakR^itAgrahaM niyamayatyAlagnakumbhaM vala\- chChuNDAmaNDalama~Nkushena hi nijaM vetaNDamAkhaNDalaH || 18|| ri~Nkhattu~Ngatura~Ngava~NgivapuSho dhATIShu ra~Ngeshitu\- rnIrandhrodgatareNubandhanibiDAbhoge nabhaHprA~NgaNe | sarvasvarvanitAvimuktasumanomAdhvIkajambAlite mandaM vAhayate rathaM dinapatermagnaprathiM sArathiH || 19|| vihR^itiparAntara~Ngavati ra~Ngapatau bhuvane chaturatura~Ngacha~NkramaNamatra tara~Ngayati | ajani rasAtalaM bata rasA tarasA viyada\- pyavanitaTIsamasthitimaTIkata reNubharaiH || 20|| dhATIjAtakutUhalAkuladhiyaH shrIra~NgadhAmnaH prabho\- rudyadbandhuragandhasaindhavakhurAghAtakShataira~NkitA | AkrandAya vasundharAdya nitarAmAraM kumAraM nijaM draShTuM nirbharapAMsubandhamiShato nUnaM divaM dhAvati || 21|| chaturaturagArUDhaM trailaukyamohanamAtmano ramaNamavanI dR^iShTvA dR^iShTvAdya ra~NgamahIpatim | pratikalamapi proddAmodyatparAgabharachChalA\- dajani vipulAnandAdApUryamANatanUriva || 22|| dhATIShu ra~NgapatinA paTu dhAvitasya vAhottamasya khurajR^imbhitadhUlipAliH | ra~NgasthalInaTanakautukimuktinaTyA nepathyakalpitatiraskariNIva bhAti || 23|| adhyambhonidhyamandabhramaNakhagapativyAkulAhIshvarANi kShutkShAmakrandadAshAkaraTimadhukarANyutpipAsAparANi | pramlAnAmbhoruhANi drutagatituragArohiNo ra~Ngabhartu\- rdhATIkAle jayanti kShitijanitarajomaNDalojjR^imbhitAni || 24|| ArUDhasturagaM harirvasumatIchUrNIkR^itiprakriyA\- vikrAntaM shayanAlayasya sahasAshAste shivaM chetasA | gauShThInasya mahAnasasya vilayatraste surANAM gaNe ga~NgA prArthayate cha karNagatayostATa~Nkayorma~Ngalam || 25|| di~NmaNDalImatha nabhashcha sachandrasUrya hanta kShaNAt kabalayanniva ra~NgabhartuH | dhATIShu satvaratura~NgarajaH samUhaH pAtuM cha saptajaladhInupadhAvatIva || 26|| dhATIdhAvitara~NgarAjaturagavyAdhUtadhUlIbharaiH sAndre mandaruchiH pradIpati raviH sauvargamArgAntare | kiM choda~nchitakautukaM vicharatAM vaimAnikAnAM rathA vidyotaiH kShaNadarshitairvidadhate khadyotalIlAyitam || 27|| ra~Ngeshasya hi garvaparvatacharatkharvetarArvAdhipa\- pre~NkhattigmakhurAgraviShTadharaNIpAMsuchChaTAbandhure | dR^ishyante gaganA~NgaNe.adya parito nakShatratArAgrahAH pratyagrapravikIrNataddhanayashobIjaprarohA iva || 28|| haranagaruchileshasteyamAdhAya so.ayaM bhuvanamakhilamuchchairbhAsayan bhrAmyatIva | turagakhurajadhUlIpAlirabhyujjihIte grasitumiva saroShaM maNDalaM chaNDamAnoH || 29|| Alokyate turagareNukadambalakShyA trailokyamapyabhivigAhya vijR^imbhamANA | pAdatrayImitajagattrayamAtmanAthaM prAyo.anukartumabhilAShavatIva pR^ithvI || 30|| sandR^ishyate turagavAhanasAdarasya ra~NgeshitusturagajR^imbhitadhUlipAliH | sevAjuShAM bhagavato dayayAdhiroDhuM sopAnapaddhatiriva tridivasya baddhA || 31|| dhATIShu ra~NgAdhipaterdharitrI rajasvalAbhUnmalinAmbarA cha | manye tataH pAMsukadambadambhAnmandAkinIM snAtumabhiprayAti || 32|| turagakhuravidhUtadhUlipAlI nibiDatarA divi ra~NganAyakasya | ravikiraNanivAraNAya pR^ithvyA vidhR^itamivopari vIkShyate vitAnam || 33|| nirmAturjagatAM charAcharagurordevasya sargakrame padbhyAM bhUmirabhUditi shrutiriyaM yuktArthamAha dhruvam | ra~Ngeshasya tura~NgadhUlimiShataH saMvyAptalokatrayI shaktiM kAmapi yena kAraNaguNAdhInAM vyanakti kShitiH || 34|| lokAsechanakAkR^iterbhagavato vIthIShu vIthIShu cha krIDatprauDhatura~Ngacha~NkramakalAchAturyamAlokitum | AyAte dyusadAM gaNe dhutarajovyUhau vidhIndrau paraM haMsairAvaNapakShakarNapavanaiH kR^ichChrAd gatau sannidhim || 35|| kailAsAchalatu~NgashR^i~NgadhavalasvA~NgaM tura~NgAdhipaM pratyAruhya surUpadheyavibhave ra~Ngeshvare khelati | UrdhvojjR^imbhitasAndrareNuvihatAlokAshchiraM medinI\- vAsAya spR^ihayanti vAsavamukhA barhirmukhAnAM gaNAH || 36|| divi visR^imarashIlairdevadevasya dhATI\- chalitahayarajobhishChAdite padmabandhau | sapadi kR^itanirodhe sa~NkuchannAbhipadme mukhakamalamapashyanmuhyatIvAbjayoniH || 37|| ra~Ngeshasya hi ghoTavartakasamuddhatastrilokA~NgaNA\- bhogolla~NghanasAhasIprachalito yaH sAndradhUlIbharaH | tatsandarshanatarShaharShidiviShadgandharvavidyAdharA\- mandAnandabharAshruvR^iShTibhirasau kha~njo.ajaniShTA~njasA || 38|| avyAsurbhuvanatrayIM bhagavato devasya ra~Ngeshitu\- rlIlAtu~Ngatura~Ngari~NkhaNabhavAH puNyauH parAgodbhavAH | pratyudyatkalipa~NkahArikanakakShodA vimuktya~NganA\- piShTAtA bhavaduShTabhUtasarayaprochchATanA bhUtayaH || 39|| AbhAti ra~NgapatighoTakaphenapu~nja\- sa~nchChannatatkhurapadAvalimedurA bhUH | kShaumeNa vallabhasamAgamasambhR^itAni saMvR^iNvatIva kuTilAni nakhakShatAni || 40|| dhATIvegArbhaTIbhirjitavihagapatiM kalyapalyANabhUShaM vande shrIra~NgadevAdbhutapadakamalanyAsadhanyaM tura~NgaM sadyo yadvegaleshaM kamapi kathayituM hanta sotkaNThakaNThaM mUkaM vA lohalaM vA mukharayati naraM kApi sAhityadhATI || 41|| phUtkurvatphaNyadhIshAnyatichalitamahIbhrAntyudastAmbudhIni krI~NkurvaddiggajAnyudbhaTakhuraghaTanArugNatArAgrahANi | atyArabdhogravAkyaskhalitanipatitAkIrNavaimAnikAni shrIra~Ngeshasya dhATIchaturagaturagakrIDitAnyullasanti || 42|| dhATIvegArbhaTIbhirnishitakhurapuTIgarbhanirbhinnapR^ithvI\- jR^imbhadgambhIradhUlIpaTalavilulitArkendubimbe tvayi drAk | tvAmArUDho.adya ra~Ngo bhuvanaparibR^iDhaH satvaroditvarANA\- makShINAkShivyadhAnAM turagakulapateryAti devo.apyupaj~nAm || 43|| dhATIsaMrambhasajje harituragapatau majjadunmajjadurvI\- nirvAhAdakShachakShuHshrutipatikR^itaphUtkArachaNDAnilena | tadbhArasphAragharShodgatachaTulatanUpamyakUrmAdhirAja\- shvAsaiH pAtAlaloke.ajani pavanabhujAmandhasAmAshu vR^iddhiH || 44|| heShAghoShairasheShaiH khurapuTaghaTitakShmAtaTITa~NkriyAbhi\- rbandhUraskanvabhittiskhalitamaNilasatki~NkiNIkre~NkriyAbhiH | ghoraprodgIrNaghoNAchuruchuritaravaiH shAr~NgiNo bhUShashabdaiH shabdai kAdvaitabhA~nji vyataniShata jagantyashvaratnena shashvat || 45|| agre shrIra~NgabhartuH prachalitajanatoddhUtadhUlIkadambaiH shrImUrtyAlokasaukhyAnanubhavaviphalIbhUtanetre janaughe | ashvaM shashvat svavAlAnilaghutarajasaM saMshritasyAsya pashchAt saundaryaM vIkShya ke chinnayanasaphalatAM manvate nanvatIva || 46|| vAhaM vAhaM hi vAhaM nijajavavijitasyAnilasyAbhyudeti spardhAlormAnasasyAtmaja iti cha ruchA svachChaphenachChalena | shrIra~Ngeshena dhATIkutukitamanasA dhAvyamAno mudA drA\- garvAgarvAtigarvAd rajanikaramasau sarvatashcharvatIva || 47|| achChairmANikyaguchChaiH kalitaravimahaH khaNDanairmaNDanairvA ghoShaiH kalpAntapoShaiH sahitamatirajodhUsaraiH kesaraishcha | uchchairAdhAtumuchchaiHshravasi padamivodagranamrAgrapAdaM pashyAmyashvaM vinashyadvajinadhanadR^ishAM dR^ishyamasyAdya || 48|| navyaM navyaM cha navyaM sakalajanadR^ishAM rUpamAbitradashvo hastAbjanyastashaktiM harimapi cha vahan sAdiveShe.api ramyam | vIthIShvAdhAvyamAnastimitanijashirashchAmarashchAmareDyo .apyaMhaH saMhArakArI mama bhavatu paraM raMhasA siMhasAraH || 49|| kalyANA~nchitanUtnaratnakalikAvalyAvabhugnAnanaH kalyA~Ngo harisa~Ngato jalanidhIn kulyA ivolla~Nghayan | kalyAvegakR^itAni sajjanamanaHshalyAni sadyo haran kalyANaM vitanotu kalpitamaNIpalyANaramyo hayaH || 50|| iti shrIkuTTikavivirachitaM turagashatakaM athavA dhATIshatakaM sampUrNam | vA~nCheshvara athavA vA~nChAnAtha athavA kuTTikavivirachitaM stotrasamuchchayaH 2 (60) ## The Turagashataka (60) also called Dhatishataka is by Vanchesvara (I) or Vanchanatha, popularly known its Kuttikavi. It is actually a eulogy on Lord Ranganatha at Srirangam in perfect Kavya style with fine imagery. The poet describes the Lord mounting on a horse, perhaps during a festival procession. Proofread by Rajesh Thyagarajan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}