% Text title            : ujjvalaveNkaTanAthastotram
% File name             : ujjvalaveMkaTanAthastotram.itx
% Category              : vishhnu, venkateshwara, stotra
% Location              : doc\_vishhnu
% Transliterated by     : Malleswara Rao Yellapragada malleswararaoy at yahoo.com
% Proofread by          : Malleswara Rao Yellapragada malleswararaoy at yahoo.com
% Source                : Venkatesha Kavyakalapa
% Latest update         : April 4, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ujjvalavenkatanathastotram ..}##
\itxtitle{.. ujjvalave~NkaTanAthastotram ..}##\endtitles ##

ra~Nge tu~Nge kaverAchalajakanakanadyantara~Nge bhuja~Nge
sheShe sheShe vichinvan jagadavananayaM bhAtyasheShe.api doShe |
nidrAmudrAM dadhAno nikhilajanaguNadhyAnasAndrAmatandrAM
chintAM yAM tAM vR^iShAdrau virachayasi ramAkAnta kAntAM shubhAntAm || 1||
tAM chintAM ra~NgaklR^iptAM vR^iShagirishikhare sArthayan ra~NganAtha
shrIvatsaM vA vibhUShAM vraNakiNamahirAT.hsUrik.hlR^iptAparAdham |
dhR^itvA vAtsalyamatyujjvalayitumavane satkratau baddhadIkSho
badhnansvIyA~N.hghriyUpe nikhilanarapashUn gauNarajjvA.asi yajvA || 2||
jvAlArAvapranaShTAsuranivahamahAshrIrathA~NgAbjahastaM
shrIra~Nge chintitArthAnnijajanaviShaye yoktukAmaM tadarhAn |
draShTuM dR^iShTyA samantAjjagati vR^iShagirestu~NgashR^i~NgAdhirUDhaM
duShTAduShTAnavantaM nirupadhikR^ipayA shrInivAsaM bhaje.antaH || 3||
antaH kAntashshriyo nassakaruNavilasaddR^iktara~NgairapA~NgaiH
si~nchanmu~nchankR^ipAmbhaHkaNagaNabharitAnpremapUrAnapArAn |
rUpaM chApAdachUDaM vishadamupanayan pa~NkajAkShaM samakShaM
dhattAM hR^ittApashAntyai shishiramR^idulatAnirjitAbje padAbje || 4||
abjena sadR^ishi santatamindhe hR^itpuNDarIkakuNDe yaH |
jaDimArta Ashraye.adbhutapAvakametaM nirindhanaM jvalitam || 5||
jvalitanAnAnAgashR^i~NgagamaNigaNoditasuparabhAgaka
ghananibhAbhAbhAsurA~Ngaka vR^iShagirIshvara vitara shaM mama
sujanatAtAtAyitAkhilahitasushItalaguNagaNAlaya
visR^imarArArAduditvararipubhaya~Nkarakarasudarshana |
sakalapApApArabhIkaraghanaravAkarasudara sAdaram
avatu mAmAmAghasambhR^itamagaNanochitaguNa rameshvara
tava kR^ipA pApATavIhatidavahutAshanasamahimA dhruvam
itarathAthAthAramastyaghagaNavimochanamiha na ki~nchana || 6||
nagadharArArAdhane tava vR^iShagirIshvara ya iha sAdara\-
rachitanAnAnAmakausumatarulasannijavanavibhAgaja\-
sumakR^itAM tAM tAM shubhasrajamupaharan sukhamahipatirguruH
atirayAyAyAsadAyakabhavabhayAnakashaTharipoH kila |
nigamagA gA gAyatA yatiparibR^iDhena tu rachaya pUruSha
jitasabho bho bhogirA~NgiripatipadArchanamiti niyojitaH
iha paraM raMramyate sma cha taduditavraNachubukabhUShaNe
iha rame me megharochiShi bhavati hAriNi hR^idayara~Ngaga || 7||
gatabhaye ye ye pade tava ruchiyutA bhuvi vR^iShagirIshvara
vidadhate te te padArchanamitarathA gativirahitA iti
matimatA tAtAyite tvayi sharaNatAM hR^idi kalayatA pari\-
charaNayA yAyA.a.ayatA tava phaNigaNAdhipaguruvareNa tu |
virachitAM tAMtAM vanAvalimupagate tvayi viharati druma\-
nahanagA~NgAM gAmiva shriyamarachayattava sa gururasya cha
tadanu tAntAM tAM ramAM parijanagirA drutamavayato nija\-
shishudashAshAshAlinImapi vitarato vara vitara shaM mama || 8||
mamatayA yAyA.a.avilA matirudayate mama sapadi tAM hara
karuNayA yAyA shubhA mama vitara tAmayi vR^iShagirIshvara
sadudayAyAyAsamR^ichChasi na daramapyarividalanAdiShu
madudayAyAyAsamIpsasi na tu kathaM mama ripujayAya cha |
mayi dayAyA yAsi kena tu na padatAM nanu nigada tanmama
mama vibho bho bhoginAyakashayana me matamarijayaM disha
parama yAyA yA dayA tava niravadhiM mayi jhaTiti tAmayi
sumahimA mA mAdhava kShatimupagamattava mama kR^ite.anagha || 9||
ghaTitapApApAradurbhaTapaTaladurghaTanidhanakAraNa
raNadharArArAtpalAyananijanidarshitabahubalAyana
daravarArArAvanAshana madhuvinAshana mama manodhana
ripulayAyAyAhi pAhi na idamaraM mama kalaya pAvana |
sutarasAsAsAradR^iktatiratishubhA tava nipatatAnmayi
saharamo momottu santatamayi bhavAnmayi vR^iShagirAvapi
pratidinaM naMnamyate mama mana upekShitatadaparaM tvayi
tadaripApApAsanaM kuru vR^iShagirIshvara satatamujjvala || 10||
ujjvalave~NkaTanAthastotraM paThatAM dhruvA.arivijayashrIH
shrIra~NgoktaM lasati yadamR^itaM sAraj~nahR^idayasAra~Nge || 11||
|| iti ujjvalave~NkaTanAthastotraM saMpUrNam ||

##
Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}