% Text title            : Brahmakritam Vamana Stotram
% File name             : vAmanastotraMbrahmakRRitam.itx
% Category              : vishhnu, stotra, dashAvatAra
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 76
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakritam Vamana Stotram ..}##
\itxtitle{.. brahmakR^itaM vAmanastotram ..}##\endtitles ##
taM jAtamAtraM bhagavAnbrahmA lokapitAmahaH |
jAtakarmAdikAH kR^itvA kriyAstuShTAva pArthiva || 67||
brahmovAcha \-
jayAdyesha jayAjeya jaya sarvAtmakAtmaka |
jaya janmajarApeta jayAnanta jayAchyuta || 68||
jayAjita jayAsheSha jayAvyaktasthite jaya |
paramArthArtha sarvaj~na j~nAnaj~neyAtmaniHsR^ita || 69||
jayAsheShajagatsAkShi~njaya kartarjagadguro |
jagato jagadante.antaHsthitau pAlayitA jaya || 70||
jayAkhila jayAsheSha jayAkhilahR^idi sthita |
jayAdimadhyAntamaya sarvaj~nAnamayottama || 71||
mumukShubhiranirdeshya svayandR^iShTa jayeshvara |
yogibhirmuktiphalada damAdiguNabhUShaNaiH || 72||
jayAtisUkShma durj~neya jagatsthUla jaganmaya |
jaya sthUlAtisUkShma tvaM jayAtIndriya sendriya || 73||
jaya svamAyA yogastha sheShabhogashayAkShara |
jayaikadaMShTrAprAntAnta samuddhR^itavasundhara || 74||
nR^ikesari~njayArAtivakShaHsthalavidAraNa |
sAmprataM jaya vishvAtmanmAyAvAmana keshava || 75||
nijamAyApaTachChanna jagaddhAtarjanArdana |
jayAchintya jayAnekasvarUpaikavidha prabho || 76||
vardhasva vardhitAnekavikAraprakR^ite hare |
tvayyeShA jagatAmIsha saMsthitA dharmapaddhatiH || 77||
na tvAmahaM na cheshAno nendrAdyAstridashA hare |
j~nAtumIshA na munayaH sanakAdyA na yoginaH || 78||
tvanmAyApaTasaMvIte jagatyatra jagatpate |
kastvAM vetsyati sarveshaM tvatprasAdaM vinA naraH || 79||
tvamevArAdhito yasya prasAdasumukhaH prabho |
sa eva kevalaM deva vetti tvAM netaro janaH || 80||
tadIshvareshvareshAna vibho vardhasva bhAvana |
prabhAvAyAsya vishvasya vishvAtmanpR^ithulochana || 81||

iti viShNudharmeShu ShaTsaptatitamo.adhyAyAntargataM
                 brahmakR^itaM vAmanastotraM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}