% Text title            : Shri Surasuranandacharyavirachita Shrivaishnavadinacharya
% File name             : vaiShNavadinacharyA.itx
% Category              : vishhnu, rAmAnanda, advice, upadesha, raama
% Location              : doc\_vishhnu
% Author                : surasurAnandAchArya 
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampraday Dig-Darshan
% Latest update         : November 11, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Surasuranandacharyavirachita Shrivaishnavadinacharya ..}##
\itxtitle{.. shrIsurasurAnandAchAryavirachitA shrIvaiShNavadinacharyA ..}##\endtitles ##
praNamya bhAShyakR^idrAmAnandAchAryaM cha rAghavam |
vaiShNavadinacharyAM hi kalyANIM bodhayAmyaham || 1||
snAnasandhyAdikaM kAryaM stutvA prAtarhi rAghavam |
japyaH shrIrAmamantrashcha kartavyaM rAmapUjanam || 2||
UrdhvapuNDraM sadA kAryaM shrIyutaM hi mumukShubhiH |
grIvAyAM tulasImAlAdvayaM dhAryaM cha vaiShNavaiH || 3||
vaiShNavAshcha namaskAryA daNDavad vaiShNavaiH sadA |
agrAhyaM vaiShNavairnityaM niShiddhaM chAniveditam || 4||
shrImadAnandabhAShyAdigranthAnAM paThanaM tathA |
chintanaM vaiShNavaiH kAryaM svAchAryANAM cha pUjanam || 5||
vaiShNavairmUlamantreNa boddhavyamarthapa~nchakam |
karttavyA navadhA bhaktiH shrIsItArAmachandrayoH || 6||
paramparAnusandheyA rAmabhaktairhi vaiShNavaiH |
dvayamantrAnusandhAnaM kAryaM shrIvaiShNavaiH sadA || 7||
vAsaH sahaiva karttavyo dvayaniShThaishcha vaiShNavaiH |
karttavyA sa~Ngatirnaiva saMsAriNAM tu garviNAm || 8||
asAtvikAchcha laukikAd vR^ittAt kAryA pR^ithak sthitiH |
audAsInyaM parityAjyaM shrIvaiShNaveShu sarvadA || 9||
manUktA dasha dharmAshcha pAlanIyAH prayatnataH |
vratotsavau cha karttavyau vaiShNavau vaiShNavairmudA || 10||
dR^iShTArtho.ananuvartyo hi tyAjyasaMsAridehinAm |
rAmasya cha tadIyAnAM nindA kAryA na karhichit || 11||
svadoShadarshanaM kAryaM satataM vaiShNavairjanaiH |
svaprashaMsA na karttavyA shrIvaiShNavairmumukShubhiH || 12||
svasvAtantryaM nivartyAtha vaiShNavaparatantratA |
vaiShNavairanusandheyA svIyA.atra sarvadA janaiH || 13||
parihArashcha karttavyo bhaktaigarvasya sarvathA |
asAdhUnAM parityAgaH sAdhUnAM cha parigrahaH || 14||
svarUpavardhakaM kAryaM sadAchAryaprasAdanam |
j~neyashcha paramopAyaH shrIrAmaH sarvakAraNam || 15||
upakArasmR^itiH kAryA rAmasya sakaleshatuH |
amoghA saMstutiH kAryA rAmasya paramAtmanaH || 16||
shrIrAme cha tadIyeShu niShThA kAryA mumukShubhiH |
upekShA naiva karttavyA kasyachit prANinaH khalu || 17||
shrIrAmaj~nAnashUnyAshcha doShashUnyA vibhAvyatAm |
rAmavR^ittaM cha saMshrAvya kAryasteShAM samAdaraH || 18||
niShThA bhAgavatI j~neyA shrIrAmasya prasAdataH |
prAyashchittAdinA naiva sanniShThA jAyate khalu || 19||
niShAdagR^iddhavR^ittaM hi pramANaM tatra vidyate |
vaiShNavAnAM mumukShUNAmete chArthA apekShitAH || 20||
shrImatsurasurAnandAchAryeNa nirmitA shubhA |
vaiShNavadinacharyeyaM bhUyAt kalyANakAriNI || 21||

iti shrIsurasurAnandAchAryavirachitA shrIvaiShNavadinacharyA sampUrNA |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}