% Text title : vaikuNThagadyam % File name : vaikuNThagadyam.itx % Category : gadyam, vishhnu, krishna, rAmAnuja, vishnu % Location : doc\_vishhnu % Author : rAmAnuja % Transliterated by : Rajnarayanan C K krajnara at gmail.com % Proofread by : Rajnarayanan C K, PSA Easwaran % Description-comments : One of the three gadyam-s (gadyatrayam) % Latest update : January 11, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIvaikuNThagadyam ..}## \itxtitle{.. shrIvaikuNThagadyam ..}##\endtitles ## yAmunAryasudhAmbhodhimavagAhya yathAmati | AdAya bhaktiyogAkhyaM ratnaM sandarshayAmyaham || svAdhInatrividhachetanAchetanasvarUpasthitipravR^ittibhedaM, kleshakarmAdyasheShadoShAsaMspR^iShTaM,svAbhAvikAnavadhikAtishaya\- j~nAnabalaishvaryavIryashaktitejaHprabhR^ityasa~NkhyeyakalyANaguNagaNaughamahArNavaM, paramapuruShaM, bhagavantaM, nArAyaNaM, svAmitvena suhR^ittvena gurutvena cha parigR^ihya aikAntikAtyantikatatpAdAmbujadvayaparicharyaikamanorathaH, tatprAptaye cha tatpAdAmbujadvayaprapatteranyanna me kalpakoTisahasreNApi sAdhanamastIti manvAnaH, tasyaiva bhagavato nArAyaNasyAkhilasattva\- dayaikasAgarasyAnAlochitaguNagaNAkhaNDajanAnukUlamaryAdAshIlavataH svAbhAvikAnavadhikAtishayaguNavattayA devatirya~NmanuShyAdyakhilajana\- hR^idayAnandanasya AshritavAtsalyaikajaladheH bhaktajanasaMshleShaikabhogasya nityaj~nAnakriyaishvaryabhogasAmagrIsamR^iddhasya mahAvibhUteH shrImachcharaNAravindayugalamananyAtmasa~njIvanena tadgatasarvabhAvena sharaNamanuvrajet || tatashcha pratyahamAtmojjIvanAyaivamanusmaret | chaturdashabhuvanAtmakamaNDaM dashaguNitottaraM chAvaraNasaptakaM samastaM kAryakAraNajAtamatItya paramavyomashabdAbhidheye brahmAdInAM vA~NmanasA.agochare shrImati vaikuNThe divyaloke sanakavidhishivAdibhirapi achintyasvabhAvaishvaryaiH nityasiddhairanantaiH bhagavadAnukUlyaikabhogaiH divyapuruShaiH mahAtmabhirApUrite, teShAmapi iyatparimANamiyadaishvaryaM IdR^ishasvabhAvamiti parichChettumayogye divyAvaraNashatasahasrAvR^ite divyakalpakatarUpashobhite divyodyAnashatasahasrakoTibhirAvR^ite atipramANe divyAyatane kasmiMshchidvichitradivyaratnamayadivyAsthAnamaNDape divyaratnastambhashatasahasrakoTibhirupashobhite divyanAnAratnakR^itasthalavichitrite divyAla~NkArAla~NkR^ite paritaH patitaiH patamAnaiH pAdapasthaishcha nAnAgandhavarNaiH divyapuShpaiH shobhamAnadivyapuShpopavanairupashobhite, sa~NkIrNapArijAtAdikalpadrumopashobhitairasa~NkIrNaishcha kaishchidantasthapuShparatnAdinirmitadivyalIlAmaNTapashatasahasropa\- shobhitaissarvadAnubhUyamAnairapyapUrvavadAshcharyamAvahadbhiH krIDAshailashatasahasrairala~NkR^itaiH kaishchinnArAyaNadivyalIlA.asAdhAraNaiH kaishchitpadmavanAlayA divyalIlAsAdhAraNaiH kaishchichChukashArikAmayUrakokilAdibhiH komalakUjitairAkulaiH divyodyAnashatasahasrakoTibhirAvR^ite, maNimuktApravAlakR^itasopAnaiH divyAmalAmR^itarasodakaiH divyANDajavarairatiramaNIyadarshanaiH atimanoharamadhurasvarairAkulaiH antassthamuktAmayadivyakrIDAsthAnopashobhitaiH divyasaugandhikavApIshatasahasraiH divyarAjahaMsAvalIvirAjitairAvR^ite, nirastAtishayanAnandaikarasatayA chAnantyAchcha praviShTAnunmAdayadbhiH krIDoddeshairvirAjite, tatra tatra kR^itadivyapuShpaparya~Nkopashobhite, nAnApuShpAsavAsvAdamattabhR^i~NgAvalIbhirudgIyamAnadivyagAndharveNApUrite chandanAgarukarpUradivyapuShpAvagAhi mandAnilAsevyamAne, madhye puShpasa~nchayavichitrite, mahati divyayogaparya~Nke anantabhogini, shrImadvaikuNThaishvaryAdi divyalokamAtmakAntyA vishvamApyAyayantyA sheShasheShAshanAdi sarvaM parijanaM bhagavatastattadavasthochitaparicharyAyAmAj~nApayantyA, shIlarUpaguNavilAsAdibhirAtmAnurUpayA shriyA sahAsInaM, pratyagronmIlitasarasijasadR^ishanayanayugalaM, svachChanIlajImUtasa~NkAshaM atyujvalapItavAsasaM svayA prabhayA.atinirmalayA.atishItalayA.atikomalayA svachChamANikyAbhayA kR^itsnaM jagadbhAvayantaM achintyadivyAdbhutanityayauvanasvabhAvalAvaNyamayAmR^itasAgaraM, atisaukumAryAdIShatprasvinnavadAlakShyamANalalATaphalaka\- divyAlakAvalIvirAjitaM, prabuddhamugdhAmbujachArulochanaM, savibhramabhrUlatamujvalAdharaM, shuchismitaM, komalagaNDamunnasaM, udagrapInAMsavilambikuNDalAlakAvalIbandhurakambukandharaM, priyAvataMsotpalakarNabhUShaNashlathAlakAbandhavimardashaMsibhiH chaturbhirAjAnuvilambibhirbhujairvirAjitaM, atikomala divyarekhAla~NkR^itAtAmrakaratalaM, divyA~NgulIyakavirAjitaM atikomaladivyanakhAvalIvirAjitamatiraktA~NgulIbhirala~NkR^itaM, tatkShaNonmIlitapuNDarIkasadR^ishacharaNayugalamatimanoharakirITamakuTachUDAvataMsa\- makarakuNDalagraiveyakahArakeyUrakaTakashrIvatsakaustubhamuktAdAmodarabandhana\- pItAmbarakA~nchIguNanUpurAdibhiratyantasukhasparshairdivya\- gandhairbhUShaNairbhUShitaM, shrImatyA vaijayantyA vanamAlayA virAjataM, sha~NkhachakragadAsishAr~NgAdidivyAyudhaiH sevyamAnaM, svasa~NkalpamAtrAvakLLiptajagajjanmasthitidhvaMsAdike shrImati viShvaksene nyastasamastAtmaishvaryaM, vainateyAdibhiH svabhAvato nirastasamastasAMsArikasvabhAvaiH bhagavatparicharyAkaraNa\- yogyairbhagavatparicharyaikabhogaiH nityasiddhairanantairyathAyogaM sevyamAnamAtmabhogenAnusaMhitaparAdikAlaM, divyAmalakomalAvalokanena vishvamAhlAdayantamIShadunmIlita\- mukhAmbujodaravinirgatena divyAnanAravindashobhAjananena divyagAmbhIryaudAryasaundaryamAdhuryAdyanavadhikaguNagaNavibhUShitena atimanoharadivyabhAvagarbheNa divyalIlAlApAmR^itena akhilajanahR^idayAntarANyApUrayantaM bhagavantaM nArAyaNaM dhyAnayogena dR^iShTvA tato bhagavato nityasvAmyamAtmano nityadAsyaM cha yathAvasthitamanusandhAya kadAhaM bhagavantaM nArAyaNaM mama kulanAthaM mama kuladaivataM mama kuladhanaM mama bhogyaM mama mAtaraM mama pitaraM mama sarvaM sAkShAtkaravANi chakShUShA | kadAhaM bhagavatpAdAmbujadvayaM shirasA sa~NgrahIShyAmi | kadAhaM bhagavatpAdAmbujadvayaM paricharyA.a.ashayA nirastasamastetara\- bhogAsho.apagatasamastasAMsArikasvabhAvaH tatpAdAmbujadvayaM pravekShyAmi | kadAhaM bhagavatpAdAmbujadvayaM paricharyAkaraNayogyaH tatpAdau parichariShyAmi | kadA mAM bhagavAn svakIyayA.atishItalayA dR^ishA.avalokya snigdhagambhIramadhurayA girA paricharyAyAM Aj~nApayiShyatIti bhagavatparicharyAyAmAshAM vardhayitvA tayaivAshayA tatprasAdopabR^iMhitayA bhagavantamupetya dUrAdeva bhagavantaM sheShabhoge shriyA sahAsInaM vainateyAdibhiH sevyamAnaM ``samastaparivArAya shrImate nArAyaNAya nama'' iti praNamyotthAyotthAya punaH punaH praNamya atyanta sAdhvasavinayAvanato bhUtvA bhagavatpAriShadagaNanAyakairdvArapAlaiH kR^ipayA snehagarbhayA dR^ishA.avalokitaH samyagabhivanditaiH taistairevAnumato bhagavantamupetya shrImatA mUlamantreNa mAM aikAntikAtyantikaparicharyAkaraNAya parigR^ihNIShveti yAchamAnaH praNamyAtmAnaM bhagavate nivedayet | tato bhagavatA svayamevAtmasa~njIvanena maryAdAshIlavatA atipremAnvitenAvalokanenAvalokya sarvadeshasarvakAla\- sarvAvasthochitAtyantasheShabhAvAya svIkR^ito.anuj~nAtashcha atyantasAdhvasavinayAvanataH ki~NkurvANaH kR^itA~njalipuTo bhagavantamupAsIta | tatashchAnubhUyamAnabhAvavisheShaH niratishayaprItyA.anyatki~nchit kartuM draShTuM smartumashaktaH punarapi sheShabhAvameva yAchamAno bhagavantameva avichChinnastrotorUpeNAvalokayannAsIta | tato bhagavatA svayamevAtmasa~njIvanenAvalokanenAvalokya sasmitamAhUya samastakleshApahaM niratishayasukhAvahamAtmIyaM shrImatpAdAravindayugalaM shirasi kR^itaM dhyAtvA.amR^itasAgarAntaH nimagnasarvAvayavaH sukhamAsIta || || iti shrIbhagavadrAmAnujavirachite shrIvaikuNThagadyaM sampUrNam || ## Encoded by Rajnarayanan C K krajnara at gmail.com Proofread by Rajnarayanan C K, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}