% Text title            : Shri Venkateshvara Shatakam 06-05
% File name             : venkaTeshvarashatakam.itx
% Category              : vishhnu, shataka, venkateshwara
% Location              : doc\_vishhnu
% Proofread by          : Saritha Sangameswaran
% Description/comments  : prakIrNastotrANi Stotrarnavah Ed. T.Chandrasekharan 1961 From stotrArNavaH 06-05
% Latest update         : March 27, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Venkateshvara Shatakam ..}##
\itxtitle{.. shrIve~NkaTeshvarashatakam ..}##\endtitles ##
vidhAya guruvandanaM mahitavighnarADvandanaM
      madiShTasuravandanaM tadanu bhAratIvandanam |
amandabudhavandanaM nikhilavidvadAnandanaM
      vadAmi shatakaM budhA vR^iShagirIshvarAnandanam || 1|| (shatakaM mudA)

shrImadve~NkaTanAyakAryapR^itanApAlasya yasyAj~nayA
      yadvetrAgravichAlane tribhuvanaM saMrakShitAvasthitam |
pratyUhAdrivibhedanAshaninibhaM mokShapradaM j~nAninAM
      vande sUtravatIpatiM tamanaghaM vighnopashAntyai sadA || 2||
pUrvaM vyAsapata~njaliprabhR^itibhiryachChAstraShaTkaM kR^itaM
      dhAtrA vedachatuShTayaM vikhanasA sUtraM cha yadyatkR^itam |
teShAM tattvapadArthavedinamahaM vedAntavaMshAmbudhe
      rAkAchandramanantadIkShitaguruM vande shritaj~nAnadam || 3||
shrImadve~NkaTanAyakakShitipaterakShINalakShmIvataH
      kShoNIM kA~NkShaya chitravATanagare tasmai suputraM disheH | (kShoNIkA~NkShita)
kShoNIrakShaNadakShamakShayakR^ipAvIkShAsusaMrakShita\-
      kShoNInirjarada[pa]kShamakShayasukhApekShAvatAmiShTadam || 4||
shAradAmbujavibhAsurAnanA
      shAradA madavane vishAradA |
shAradendudhavalA mamAnane
      sarvadA vasatu sarvadAdarAt || 5||
sachChAtravR^indaM yadapA~NgadR^iShTayA
      ShaTshAstravedAkalanakShamaM syAt |
tebhyo mahadbhayo.akhilagUsurebhyo
      namo namo bhAgavatottamebhyaH || 6||
shrIve~NkaTeshvara mayA kriyate.adhunA te |
      vij~nApanA sumahatI bhR^iNu tAM dayAlo |
kR^itvAparAdhamanishaM sharaNAgataM mAM
      rakShasva deva kR^ipayA kShamayA cha yuktaH || 7||
shrIve~NkaTeshvara vibho mayi te.anukampA
      yadyasti saMstutimahaM karavANi shaktyA |
no chet kathaM suravarairmanaso.apyagamyAM
      brahmAdibhishcha vachasaH prabhavAmi kartum || 8||
shrIve~NkaTeshvara vimo bhavatA praNItaM
      karmAkhilaM na sukaraM chidabhUdavedyA |
matvApyashakyamiti te bhajanaM prapattuM
      smR^itvA dR^iDho.asmi charamaM vachanaM tavAham || 9||
shrIve~NkaTeshvara vibho na mayApyadhItaM
      taptaM tapo na hi hutaM na cha nAsti dattam |
ArAdhanaM na vidhinA kR^itameva te mAM
      chitrADavAsa kR^ipayA paripAhi dInam || 10||
shrIve~NkaTeshvara vibho bhavatA cha sarvaM
      j~nAtaM mayA na hi madasti samo.adhiko vA |
trAtApyayaM madavanIya itIha loke
      chitrADavAsa paripAlaya mAM dayAlo || 11||
shrIve~NkaTeshvara vibho karaNatrayeNa
      kAlatraye duritameva kR^itaM mayAsIt |
tasmAnnivAraNakR^ite tava chAsti shakti\-
      rviShNo vimochayatu mAM duritAt kR^ipA te || 12||
shrIve~NkaTeshvara kR^itA bhavatA pratij~nA
      mAmekameva sharaNaM vraja sarvadharmAn |
tyaktvAtha sarvaduritAdapi mokShayiShye
      tvAmeva chAhamiti yA nanu mA shuchastvam || 13||
shrIvi~NkaTeshvara nishamya tava pratij~nAM
      tAM pratyayAt padamahaM sharaNaM prapannaH |
mAM pAhi sarvaduritAt parimochayitvA
      chitrADavAsa bhagavan bhava satyasandhaH || 14||
shrIve~NkaTedavarabhujAntaramAsa sadma
      yasyAstu janma vasudhA tava dhAma cheShTam |
yadvIkShaNAshrayamidaM jagatAM trayaM syA\-
      dbaddhastvayAmbudhiramanthi cha yatkR^ite.abhUt || 15||
shrIve~NkaTeshvara vibho dayitAM shriyaM tAM
      rUpeNa cheShTitaguNairbhavato.anurUpAm |
tvadvallabhAM bhagavatI kR^ipayA shritAnA\-
      miShTArthadAmudadhijAM praNamAmi nityam || 16||
shrIve~NkaTeshvara vibho kR^ipaNAya mahyaM
      dAtuM tvamarhasi dhiyaM guNakIrtane te |
chitrADavAsa sharaNAgatavatsalatvAt
      tvatpAdapadmamanishaM sharaNAgato.asmi || 17||
shrIve~NkaTeshvara janArdana vAsudeva
      govinda mAdhava hare.achyuta kR^iShNa viShNo |
shrIkeshava tribhuvanesha mukunda rAma
      nArAyaNeti satataM smaraNaM kariShye || 18||
shrIve~NkaTeshvara vibho sharaNAgatasya
      chitte mamAstu satataM tava pAdabhaktiH |
saMsArasAgaravitAraNamichChatAM nau\-
      rmohAndhakAravinivAraNasUryarashmiH || 19||
shrIve~NkaTeshvara bhavachcharaNAravinda
      dhyAnAmR^itAmbudhivigAhananirmalAtmA |
brahmAdibhistava kR^ipArahitairyadIdR^ig\-
      gachChAmyagamyapadamanyajanaiH kadA te || 20||
shrIve~NkaTeshvara sudarshanapA~nchajanyau
      pa~nchAyudhAnyahamananyamanAH smarAmi |
kaumodakIpravaranandakadIpya shAr~NgA\- (nandakadIpra)
      Nyaj~nAnakANDapaTudaityanibarhaNAni || 21||
shrIve~NkaTeshvaravibhuM shirasA namAmi
      dhyAyAmyananyamanasA vachasA vadAmi |
chitrADavAsamurasA shriyamAdadhAnaM
      hastadvayena kusumairapi pUjayAmi || 22||
shrIve~NkaTeshvaravibhuM jagati sthitAnAM
      saMsAramAkalayatAM manasApyasAram |
hiMsAkarAsuratamisranirAsahaMsaM (sUryaH)
      kaMsAsurArimanishaM shirasA namAmi || 23||
shrIve~NkaTeshvara vibho paripAhi mAM tvaM
      vetaNDadaityavaradaNDanapaNDitasya |
kodaNDadaNDapaTukhaNDanashauNDashuNDA\-
      dordaNDamaNDitasudarshanakANDajAbjaH || 24||
shrIve~NkaTeshvara vibho bhavataH prabhAvAt
      shailIM tanuM charaNayo rajasApyahalyA |
tyaktvAtha gautamamagAnmuditA satI ta\-
      tpAdAravindamanishaM kalayAmi chitte || 25||
shrIve~NkaTeshvara vibho pravadanti dhIrA
      nIlAdrive~NkaTamahIdhrapatiprasiddhau |
dvAvatra tau patitapAvanadInabandhU
      tvAmityayaM tu sharaNAgatarakShakAkhyaH || 26||
shrIve~NkaTeshvara vibho bhavato.atra loke
      dInArta (aparAdhI) mantukarapAlanatatparatvAt |
nIlAdrive~NkaTamahIpatinAmadheyam |
      tvAmeva tattrividharUpamahaM vadAmi || 27||
shrIve~NkaTeshvara vibho na gajAvaliM cha
      na syandanAni na bhaTAnna tu vAjirAjim |
yAche prasAdamavanaM bhavataH kShamAM tvAM
      chitrADavAsa bhagavan trividhAtmako.aham || 28||
shrIve~NkaTeshvara kR^itA bhavate pratij~nA
      nIlAdrirAyavibhunA kShayavatsare tu |
kShetra sthitaM yudhi paratra hR^itaM khalaiste
      dattaM bhavediti mayA kuru satyasandham || 29||
shrIve~NkaTeshvara kalau bhavatA samo.api
      devo na hIti viditA bhuvi sampratItiH |
chitrADadhAmanilayasya samA dashAShTau
      yAtA hriyA virahitasya tavAdya viShNo || 30||
shrIve~NkaTeshvara vibho tava chAgrapatnyo
      rekA chalAgramahiShI cha kathaM sthirAbhUt |
anyA sthirApi chapalA kathamAsa chitraM\-
      shrIbhUmidevisahitaH khalu tiShThasIha || 31||
shrIve~NkaTeshvara bhuvastanayo.apavArtA (bhuvastavayo.apavAha)
      tasyAvaniM kShitipatistamasUyayeva |
hR^itvApi bhImavarako.api nivAsinastvaM
      shakto.asi ve~NkaTapatirvilaye.api nUnam || 32|| (viShaye.api nUnaM)

shrIve~NkaTeshvara vibho bhavadIyavargaM
      ye vidviShanti nanu tAn vigatAn karoShi |
chitrADavAsa bhavati pratipattiyuktA
      ye tAn karoShi sasukhAniha sampadA tvam || 33||
shrIve~NkaTeshvara vibho mama duShkR^itAdvA
      kShetraM khalairapahR^itaM sthitamanyadeshe |
yadyasti te.adya mahimA tadapi svadeshe
      nIlAdvirArADra vitarati svayameva rAjA || 34||
shrIve~NkaTeshvara yuvA khalu samprati tva\-
      maShTAdashAbdavayasA sahito.asi deva |
saMsthApanAt prabhR^iti vA tava chitravADa\-
      grAme hriyA virahito.asi labhasva mAnam || 35||
shrIve~NkaTeshvara vibho bhava suprasannaH
      svapne.athavAvanipaterapi bodhaya tvam |
shaktirna te madavane kimu chitravADa\-
      kShetraM pradAtumiti me.avanichakravartin || 36||
shrImadve~NkaTashabdapUrvavilasannIlAdrirAryaprabhu\-
      rdAsaste khalu ve~NkaTeshvaranijassvAmI bhAvAMstasya cha |
dattAsmai bhavatAnyarAjyavasudhA tubhyaM na tenAvani\-
      rbho chitrADanivAsine janapade svIye nijasvAmine || 37||
shrIve~NkaTeshvara vibho vR^iShavatsare tu
      nyAyAdahaM svapararAShTrabhuvA yuto.asmi |
chitrADadeva kR^ipayA na mayIti yena
      kShetraM na dattamadhunApi savismito.abhUt || 38||
shrIve~NkaTeshvara bhuvA sahito bhavAdya
      tattvaM prabodhya nijadeshapateH svadeshe |
sukShetrameva bhavateti cha dIyatAM me
      samprArthaya tvamathavArjaya pauruSheNa || 39||
shrImadrAvukulodbhavaH sa guNavAn shrIve~NkaTAdriM gataH
      tatrAsInnijadaivameva sharaNaM prAptaH punarlakShmaNaH |
vatsaM gauriva dhAvatIti viditanyAyena tasmAdgire
      rAyAtaH sa tu chitravADanagaraM nUnaM svadAsAspadam || 40||
shrIve~NkaTeshvara vibho jaladhau nibhagna\-
      stvaM mInarUpamupalabhya jagaddhitArtham |
brahmAkhilaM kamalajAya dadAsi bhUya\-
      shchitrADavAsa bhavataH paramA hi shaktiH || 41||
shrIve~NkaTeshvara vilo kamaTha prabhutvAt
      pR^iShThe mahIM dhR^itavataH kR^ipayAshriteShu |
chitrADadhAmnyavanireva na te.asti kiM vA
      shaktaH kathaM madavane vada samprati tvam || 42||
shrIve~NkaTeshvara varAhatanurnimagnAM
      ratnAkare dharaNimuddhR^itavAn kila tvam |
ki~nchanayA saha ratiM pratilabhya sUnu\-
      mutpAdya kiM hriyamavApya na yAchako.asi || 43||
shrIve~NkaTeshvara yathA narasiMhamUrti\-
      strAtuM kayAdhusutamuttamabhaktiyuktam |
pAtuM bhavArtanijabhaktajanAMstathAsmAM
      shchitrADadhAmni vasatiM gatavAnasi tvam || 44||
shrIve~NkaTeshvara purandarashatrusatre
      tvaM vAmanatvamupalabhya balerdharitrIm |
labdhvA cha tAM maghavate punareva dattvA
      lakShmyA hriyApi sahitaH kibhayAchakastvam || 45||
shrIve~NkaTeshvara bhavAn khalu bhArgavaH san
      rAmaH purArjunamariM kila kArtavIryam |
nirjitya bhUmimakhilAmapi kashyapAya
      prAdAdathAmbudhibhuvaM prati yAchakaH kim || 46||
shrIve~NkaTeshvara vibho sharaNaM prapadye
      pAdau tavAhamadhunA bhava rakShako me |
rAmo yataH khalu vibhIShaNarakShase vaM
      dattvAbhayaM punarapi pradadAsi la~NkAm || 47||
shrIve~NkaTeshvara bhavAn khalu rAmarUpaM
      dhR^itvAvanAya jagatastu tavAgrajo.abhUt |
kR^iShNAvatAravata eva savishvarUpa\-
      svAtuM sthito.asi nikhilAn khalu chitravATe || 48||
shrIve~NkaTeshvara vibho sugatAvatAraH\-
      kR^itvA sushAstramapi mohayituM janAMstvam |
shakto.adya saugatabudhAn sugatAn karoShi
      tvaM pAhi mAM sa kR^ipayA sharaNAgataM te || 49||
shrIve~NkaTeshvara vibho kalikAvatAraM
      gatvAdhiruhya hayamuttamameva viShNo |
dhR^itvAsimAshu kalikinkarakandharANi
      ChittvAvaniM sukhavatImanishaM karoShi || 50||
shrIve~NkaTeshvara vibho tava vatsalatva
      j~nAnAdidivyaguNaShaTkavirAjitatvAt |
tvaM pAhi vIkShya patitaM kR^ipayAtidInaM
      kAmAdidoSharipuShaTkaparAjitaM mAm || 51||
shrIve~NkaTeshvara janAnasi pAtukAma\-
      stvArchAtmanAvataritaH kR^ipayAsmadAdIn |
kShetreShu ra~NgavR^iShashailagajAdribhadra
      nIlAchalapramukhadivyaniketaneShu || 52||
shrImadve~NkaTashailarANmama hareshchitrADavAsaprabho (harishchitrADavAsaprabhuH)
      kAmAraNyadavAnalodbhavamahAkrodhAnalAsAradaH |
lobhAsAradameghavAtapaTalo mohapravAtAhirA\-
      NmAtsaryAhikhageshvaro madamahAmAta~NgakaNThIravaH || 53||
shrIve~NkaTeshvara mama prabalau ripU dvau
      dehAbhimAnajanitau jagati prasiddhau |
j~nAnAsinAtinishitena nikR^intanIyau
      vairAgyakhedamupagR^ihya kadA bhavetAm || 54||
shrIve~NkaTeshvara vibho nikhilAvjajANDa\-
      janmasthitipralayakAraNamaprameyam |
vedA ruvantyakR^itakAH smR^itayo bhavantaM
      nArAyaNaM paramapUruShamAhurAryaH || 55||
shrIve~NkaTeshvara bhavAn puruShAt parasmAt
      vyUhairavAtaradajANDakaTAhamadhye |
sa~NkarShaNAkhyaravimaNDalavAsudeva
      pradyumranAmabhirato hyaniruddhanAmA || 56||
shrIve~NkaTeshvara bhavadvibhavAvatArAH
      shrIrAmakR^iShNanarasiMhavarAhamukhyAH |
paryApnuvantyamarasAdhujanAvanAya
      duShTakShitIshajanadaityanibarhaNAya || 57||
shrIve~NkaTeshvara vibho.akhiladevadeva
      kShIreShu sarpiriva vahnirivendhaneShu |
dehAntarAtmasu niviShTasadantarAtmA
      shAstAsi bhUtanivahasya charAcharasya || 58||
shrIve~NkaTeshvara hare shritavatsalatvA
      lloke.asmadAdyakhiladInajanAvanAya |
grAmAgrahArapuraveshmanadIvanAdri\-
      ShvarchAtmanAvataritaH sulabho.akhilAnAm || 59||
shrIve~NkaTeshvara jalAMshukadhUpadIpa\-
      naivedyapuShpamukhavAsaphalArpaNAdyaiH |
prItaH kuchelamunaye.api yathAsi pUrvaM
      dAtA bhavAdya nijabhaktajanAya lakShmyAH || 60||
shrIve~NkaTeshvara vibho bhavadIyasadma
      sammArjanAmbupariShechanalepanAdyaiH |
stotrAbhivandanaparikramaNapramoda\-
      vIkShAdikarmabhiraki~nchanarakShako.asi || 61||
shrIve~NkaTeshvara kusheshayasannikAsha\-
      svAsyashriyA hasitashAradashItarashmiH |
sItAshayA cha pishitAshavinAshaneshaH
      kIsheshasaMshayanirAsasharAsano.asi || 62||
indirAhrudaravinda mandira
      kundasundarashubhA~NgamaNDana |
nandanandana mukunda vandanaM
      kurmahe shritajanasya chandana || 63||
indrAdivR^indArakavanditA~NghriM
      chandrAnanaM chandanacharchitA~Ngam |
govR^indavR^indAvanasa~ncharantaM
      govindamIDe bhujagAchalendram || 64||
shrImadve~NkaTanAyaka drupadajAprahlAdavetaNDarAT\-
      kAli~NgAhivibhIShaNAmaragaNAhalyAmbarIShAdayaH |
gopIgokulagopavR^indaharirATkAkArjunendrAdaya\-
      shchaite te sharaNAgatArtiharaNe santyeva me sAkShiNaH || 65||
shrIve~NkaTeshvara vidhuntudachaidyanakra\-
      daityAdiduShTaripukandharakartanAya |
pANau bibharShi nishitaM cha sudarshanaM yat
      tasmai namo.astu satataM tamaso nihantre || 66||
aNDajendranagamandirAvamAM\-
      maNDajendraturagAbhimaNDita |
kuNDalIndrashayana svavAhinI\-
      maNDalendrakR^itadaityadaNDana || 67||
indirAsakhamandirAva mAM\- (sukhamandirAva)
      paNDitendranatasundarA~Ngdhrik |
puNDarIkajabhavendravandita
      khaNDitAsuravirodhikandhara || 68||
nAradasaMstutadivyaguNAkara
      kShIrapayonidhimadhyaniketana |
nIradasannibhagAtramanohara
      ve~NkaTanAyaka mAmava mAdhava || 69||
kamalAsanadinutAmalaguNavaibhavacharitaM
      kamalAkaravilasatpadakamalAnatavibudham |
achalAruNakamalAkR^itikarapIDitacharaNaM
      bhaja mAnasa bhujagAdhipagirinAyakamadhunA || 70||
pannagendragirimastakAlaye
      dAnavendrakulaparvatAshaniH |
kosalendrakulavArdhichandramA
      rAghavendra paripAlayAdya mAm || 71||
taruNAruNakiraNAruNakarapa~NkajayugalaM
      varuNAlayataruNImaNijananAkaracharaNAm |
karuNAkaramaruNAdharamalikuntalamanishaM
      bhaja mAnasa phaNirADgirishikharAlayamanagham || 72||
ariketanakulishA~NkushajalajAmbujakalitaM
      kalikalmaShavinivAraNapaTuvAhinijanakam |
janakAdhipatanayAkarakamalAmbujalalitaM
      karavANi sucharaNaM tava sharaNaM sumasuguNam || 73||
karuNAkaravinatAsutaturagAvanachaturaM\-
      chaturAnananutavaibhavaphaNirA~N girinilayam |
rajasA varataruNIkR^itadR^iShadadbhutacharitaM
      karavANi cha charaNaM tava sharaNaM sumasuguNam || 74||
vidhinirmitabhuvanatrayapadavikramakalitaM
      kharadUShaNashukasAraNatarukhaNDanaparashum |
dashakandharakadaLItaruvanabha~njanapavanaM
      pavanAtmajavinutaM tava charaNaM surasharaNam || 75||
charaNadvaya gamanaM kuru harimandiramabhitaH
      kamalApaticharaNaM karayugalArchaya satatam |
nayanadvaya bhagavanmukhamavalokaya subhagaM
      bhaja mAnasa bhujagAdhipagirirATpadakamalam || 76||
rasane piba mama mAdhavasukathAmR^itamadhunA
      shravaNe bhavaharaNAchyutacharitaM bahu shR^iNutam |
natimAchara madhusUdanapadayoH shira ubhayo\-
      rbhaja mAnasa phaNirA~N girishikharAlayacharaNam || 77||
charitaM mama kathitaM tava viditaM nanu vitataM
      duritaM hara muditaM kuru hitamAchara satatam |
varave~NkaTagirinAyaka sura mAmava sharaNA\-
      gatamachyuta kalayAmalamanishaM suravinutam || 78||
prAyo vasantatilakAbhidhavR^ittajAta\-
      padyAnyanekavidhalakShaNalakShitAni |
santIha ve~NkaTamahIdhrapatimabhAvAt
      shabdArthalakShaNavidAM shatake.asti toShaH || 79||
chitrAdagrAmavAsI ghanaruchiratanuH pArshvayorvidyudAbha\-
      shrIbhUdevIsametaH taraNishashilasachchakrasha~NkhordhvapANiH |
bhaktebhyo ve~NkaTesho vilasati charaNapAvR^itorusthitAbhyAM
      hastAbhyAmAshritebhyaH pravitatavirajAgAdhamuktipradeshaH (?) || 80||
puMso.arthaMshchaturo.api mokShasahitAn dharmArthakAmAn dishan
      yasmin yasya manoratho yadi bhavettaM tasya dharmAdikam |
dAsAnnastava chitravATanilaya shrIve~NkaTAdrIshvara
      shrIbhUdevilasatsupArshvayugala trAhi prasAdArthinaH || 81||
chitraM te.apyadhunA kuchelamunaye dAtAsyanalpashriyo
      bhikShitvAmaravairiNaM maghavate trailokyarAjyashriyaH |
kShetraM yadyapi ve~NkaTAchalapate chitrATavAsasya te
      nAdattaM bhuvi nopatiShTata iti nyAyaH kathaM syAnmR^iShA || 82||
brahmANDodarasaMsthitAkhilajanatrANAya ra~Ngasthale
      saulabhyAdiguNAnvitaH phaNipaterbhoge shayAnaH sthitaH |
tvaM nAbhIkamalodbhavAdvikhanasaH sa~njAtavedastuta\-
      shshrIbhUdevikarArpitAtmacharaNashrIra~NgarANmAmava || 83||
vishvasyAvanakarmaNe dikhanasA samprArthitaH sAtvatAM
      vaMshe chAnakadundubherjanimagAH kR^iShNAtmanA yaH purA |
dAtushchetasi tattvachintanavashAt sa~njAtavaikhAnasa\- (dhyAtashchetasi)
      shrautArAdhanarAdhitaH sa satataM sheShAdrirANmAmava || 84||
vedA~NgapravirAjamAnagaruDArUDho.a~njasA gAM gato
      vetaNDArti nivAraNAya makaraM chChittvAriNA yaH svayam |
vetaNDAchalamastake varadarAjAkhyAtanAmnA sthitaH |
      sa tvaM ve~NkaTanAyakAshritajanatrAtA bhavAdya prabho || 85||
sItAlakShmaNamadhyabhAgavilasanmUrtyA ghanashyAmalaH
      kodaNDena sa khaNDitAmararipuH sarakShitAravaNDalaH |
rakShovAnararAjayoravarajau saMrakShitau cha tvayA
      shrImadve~NkaTanAyaka tvamadhunA bhadrAdrirANmAmava || 86||
yastvaM shrIbalabhadrarAmasahitastvaddarshanAyAgatAn
      dAsAMstAn patitAnapi trijagatAM nAthaH subhadrAnvitaH |
kShetre shrIpuruShottame sthitimagAH pAtuM prasAdAnmudA
      sa tvaM ve~NkaTanAyakAdya kR^ipaNaM nIlAdrirANmAmava || 87||
smarAmi manasA shriyA sakalalokamAtrA sthitaM
      vadAmi vachasA bhuvApyakhilalokadhAtrAshritam |
namAmi shirasA guruM trijagatAM susaMrakShakaM
      sadA paricharAmyahaM vR^iShagirIshamiShTapradam || 88||
kalaye satataM vR^iShashailapatiM
      kalidoShaharaM karuNAjaladhim |
kamanIyavapuHkalitaM saramaM
      kamalAlayavakShasamAdhiharam || 89||
kamalAyatAkShamamalAtmavaibhavaM
      vimalAmbujAsyamatulAkhilAmaram |
tarasA namAmi shirasA cha ve~NkaTaM
      manasA bhajAmi vachasA stavImyaham || 90||
shrImadve~NkaTanAtha te yadi kR^ipA dIno dhanADhyo bhavet
      no chettadviparItavAniti budhAH prAhurvishiShTAdayaH |
rakShAM yasya karomi tasya kR^ipayA vittaM harAmIti ya\-
      ttathyaM tadvachanaM hare priyataraM nAnyasya vittaM tava || 91||
mUko vadatyanishameva nirIkShate.andho
      pa~NgurgatiM pralabhate badhiraH shR^iNoti |
dIno.apyatIva dhanavAn bhavataH prasAdA\-
      nnaitanmR^iShA bhavati ve~NkaTashailanAtha || 92||
saptaprAkArabhUtAvanidharavarasheShAdrikUTAdhirUDha\-
      shrIdevImantarA bhUramaNimapi lasannIlameghojjvalA~NgaH |
shrImannIlAdrirAmaprabhuvaranagaraprAntadeshe virAjat
      chitrATagrAmavAsI mama bhavatu mude ve~NkaTesho mukundaH || 93||
sanakAdiyogivaryairanavaratasevyamAnapadapadma |
chitrATanagaravAsin kShipraM me pradisha pAdabhaktiM te || 94||
mitrAbjanetrasubhagaH sutrAmAdyamaravinutachAritraH |
chitrATave~NkaTeshaH sutrAsitadevatAriravatAnmAm || 95||
brahmeshAnasureshamukhyavibudhairmAnyaiH sumAnyo dishA\-
      valyAkhaNDalapUrvadevanivahairmAnyaiH sumAnyo.api san |
he chitrATanivAsa ve~NkaTapate nIlAdrirAyaprabho\-
      rdeshe puNya janairamartyacharitairmAnyo hyamAnyaH katham || 96||
shAkhA yasya tu taittarIyaviditA sUtraM cha vaikhAnasaM
      gotraM gautamamAhutishcha haviShAM yAgAH shrutiryAjuShI | (hutishcha)
kAlo.ayaM nigamAgamapravachanairvidyArthinAM yApitaH
      svAchAryastu pitA pitAmahanibhaH shrIpadmanAbhAhvayaH || 97||
shrImadgautamagotrajasya viduSho.anantAryanAmno guro\-
      stasyAhaM narasiMhanAmaviditaH shiShyasturIyo.anujaH |
shrImadve~NkaTanAyakAspadamidaM hR^idyaM satAM shR^iNvatAM
      padyAnAM shatakaM chakAra viduShAM vidyAnavadyAtmanAm || 98||
shrIbhUdevIsametAya bhaktAbhIShTapradAyine |
chitrATAkhyapureshAya ve~NkaTeshAya ma~Ngalam || 99||

iti shrIve~NkaTeshvarashatakaM sampUrNam |

##
Proofread by Saritha Sangameswaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}