% Text title            : veNkaTeshvarAShTottarashatanAmastotram 4
% File name             : venkatesha4.itx
% Category              : vishhnu, venkateshwara
% Location              : doc\_vishhnu
% Transliterated by     : N.Balasubramanian bbalu at satyam.net.in
% Proofread by          : N.Balasubramanian bbalu at satyam.net.in
% Description-comments  : shrIvarAhapurANantargatam
% Latest update         : May 3, 2008
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIve.nkaTeshAShTottarashatanAmastotram 4 ..}##
\itxtitle{.. shrIve.nkaTeshAShTottarashatanAmastotram 4 ..}##\endtitles ##

R^iShaya UchuH |
sUta sarvArthatattvaj~na sarvavedA~NgapAraga |
yenachArAdhitaH sadyaH shrImadve.nkaTanAyakaH || 1||
bhavatyabhIShTasarvArthapradastadbrUhi no mune |
iti pR^iShTastadA sUto dhyAtvA svAtmani tat kShaNAt ||
uvAcha munishArdUla shrUyatAmiti vai munIn || 2||
 || shrIsUta uvAcha||
asti ki.nchinmahadgopya.n bhagavatpriyakArakam |
purA sheSheNa kathita.n kapilAya mahAtmane || 3||
nAmnAmaShTashata.n puNya.n pavitra.n pApanAshanam |
AdAya hemapadmAni svarNadIsa.nbhavAni cha || 4||
brahmA vai pUrvamabhyarchya shrImadve.nkaTanAyakam |
aShTottarashatairdivyairnAmabhirmunipuShpakaiH || 5||
svAbhIShTa.n labdhavAn brahmA sarvalokapitAmahaH |
bhavadbhirapi padmaishcha samabhyarchya cha nAmataH || 6||
teShA.n sheShanagAdhIsho manaso hlAdakArakaH |
nAmnAmaShTashata.n puNya.n ve.nkaTAdrinivAsinaH || 7||
AyurArogyada.n pu.nsA.n dhanadhAnyasukhapradam |
j~nAnaprada.n visheSheNa mahadaishvaryakArakam || 8||
archayennAmabhirdivyaiH ve.nkaTeshapadA.ntikaiH |
nAmnAmaShTashatasyAsya R^iShirbahuH prakIrtitaH || 9||
Cha.ndo.anuShTup tathA devo ve.nkaTesha udAhR^itaH |
nIlagokShIrasa.nbhUto bIjamityuchyate budhaiH || 10||
shrInivAsastathA shaktirhR^idaya.n ve.nkaTAdhipaH |
viniyogastathA.abhIShTasiddhyarthe vinigadyate || 11||
OM namo ve.nkaTeshAya sheShAdrinilayAya cha |
vR^iShadR^iggocharAyAtha viShNave satata.n namaH || 12||
sada.njanagirIshAya vR^iShAdripataye namaH |
meruputragirIshAya sarassvAmitaTa.n juShe || 13||
kumArakalpasevyAya vajradR^igviShayAya cha |
suvarchalAsutAnyasta\-senApatyakarAya cha || 14||
rAmAya padmanAbhAya sadA vAyustutAya cha |
tyaktavaikuNTalokAya guhyaku.njavihAriNe || 15||
haricha.ndanagopte.ndrasvAmine satata.n namaH |
sha.nkara.ajananetrAbjaviShayAya namo namaH || 16||
vasUparicharitrAya kR^iShNAya satata.n namaH |
abdhikanyApariShvaktavakShase ve.nkaTAya cha || 17||
sanakAdimahAyogipUjitAya namo namaH |
devajitpramukhAna.ntadaityasa.nghapraNAsine || 18||
shvetadvIpe vasanmuktapUjitA.nghriyugAya cha |
sheShaparvatarUpatvaprashAsanavarAya cha || 19|| prakAshanaparAya

sAnusthApitatArkShyAya tArkShyAchalanivAsine |
mAyAgUDhavimAnAya garuDaskandhavAsine || 20||
ana.ntashirase nityamana.ntAkShAya te namaH |
ana.ntacharaNAya shrIshailanilayAya cha || 21||
dAmodaraya te nitya.n nIlameghanibhAya cha |
brahmAdidevadR^iShTAya vishvarUpAya te namaH || 22||
ve.nkaTAgatasaddhemavimAnA.ntargatAya cha |
agastyArchitAsheShajanadR^igviShayAya cha || 23||
vAsudevAya haraye tIrthapa.nchakavAsine |
vAmadevapriyAyAtha janakeShTapradAya cha || 24||
vAkpatibrahmadhAtre cha cha.ndralAvaNyadAyine |
mArkaNDeyamahAtIrthajAtapuNyapradAya cha || 25||
nArAyaNanageshAya brahmakL^iptotsavAya cha |
sha.nkachakragadApadmalasatkaratalAya cha || 26||
dravanmR^igamadAsaktavigrahAya namo namaH |
keshavAya namastubhya.n nityayauvanamUrtaye || 27||
arthitArthapradAtre cha vishvatorthaughahAriNe |
tIrthasvAmisaraHsnAtajanAbhIShTapradAya cha || 28||
kumAradhArikAskandamahyashakti\-pradAya cha |
jamadagnisamadbhUtapautriNe kUrmamUrtaye || 29||
kinnaradva.ndvashApA.ntapradAtre mAdhavAya cha |
vaikhAnasamunishreShTha\-pUjitAya namo namaH || 30||
si.nhAchalanivAsAya shrImannArAyaNAya cha |
sadbhaktanIlakaNThAya nR^isi.nhAya namo namaH || 31||
kumudAkShagaNashreShThasenApatyapradAya cha |
durmedhaHprANahartre cha vAmanAya namo namaH || 32||
kShatriyAntakarAmAya matsyarUpAya te namaH |
pANDavAghaprahartre cha shrIdharAya namo namaH || 33||
upatyakApradeshasthasha.nkaradhyAnamUrtaye |
rukmAbjasarasIkUlalakShmIkR^itatapasvine || 34||
lasallakShmIkarA.nbhojadattakalhArakasraje |
shAligrAmanivAsAya shukadR^igviShayAya cha || 35||
nArAyaNArthitAsheShajanadR^igviShayAya cha |
mR^igayArasikAyAtha vR^iShabhAsurahAriNe || 36||
a.njanAgotrapataye vR^iShabhAchalavAsine |
a.njanAsutadAtre cha mAdhavasyAghahAriNe || 37||
priyA~NgapriyakolAya shvetakolavarAya cha |
nIladhenupayodhArAsekadehodbhavAya cha || 38 |
sagarapriyamitrAya cholaputrapriyAya cha |
sudharmiNe suchaitanyapradAtre madhughAtine || 39||
kR^iShNAkhyavipravedAntadeshikatva priyAya cha |
varAhAchalanAthAya balabhadrAya te namaH || 40||
trivikramAya mahate hR^iShIkeshAya te namaH |
achyutAya namo nitya.n nIlAdrinilayAya cha || 41||
namaH kShIrAbdhinAthAya vaiku.nThAchalavAsine |
muku.ndAya namo nitya.n ana.ntAya namo namaH || 42||
viri.nchabhyartitAnItasaumyarUpAya te namaH |
suvarNamukharIsnAtamanujAbhIShTadAyine || 43||
halAyudhajagattIrthasamastaphaladAyine |
govindAya namo nitya.n shrInivAsAya te namaH || 44||
aShTottarashata.n nAmnA.n chaturthyA namasAnvitam |
yaH paThechChR^iNuyAnnitya.n shraddhAbhaktisamanvitaH || 45||
ve.nkaTeshAbhidhe  ya.ntre ve.nkaTAdrinivAsinaH |
archayannAmabhistasya phalamukta.n prasidhyate || 46||
archanAyA.n visheSheNa grAhyamaShTottara.n shatam |
tasya shrIve.nkaTeshashcha prasanno bhavati dhruvam || 47||
gopanIyamida.n stotra.n sarveShA.n na prakAshayet |
shraddhAbhaktiyujAmeva dApayennAmasa.ngraham || 48||
iti sheSheNa kathita.n kapilAya mahAtmane |
kapilAkhyamahAyogisakAshAttu mayAshrutam |
tadukta.n bhavatAmadya sadyaH prItikara.n hareH || 49||

|| iti shrIvarAhapurANe shrIve.nkaTeshAShTottarashatanAmastotra.n sa.npUrNam ||
##
Encoded and proofread by
N. Balasubramanian bbalu at satyam.net.in

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}