% Text title            : viShNornAmastotra shivaprokta narasi.nhapurANe
% File name             : viShNornAmastotrashivaproktaNP.itx
% Category              : vishhnu, stotra
% Location              : doc\_vishhnu
% Proofread by          : Singanallur Ganesan singanallur at gmail.com
% Translated by         : https://archive.org/details/NarsimhaPuranGitapress
% Description-comments  : Narasimhapurana adhyAya 40.  Stotra 36-52
% Latest update         : June 29, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIShri Vishnustotra by Mahadeva from Narasimhapurana ..}##
\itxtitle{.. shrIviShNorstotraM shivaproktaM narasi.nhapurANe ..}##\endtitles ##

mArkaNDeya uvAcha
vArAhaH kathito hyevaM prAdurbhAvo harestava |
sAmprataM nArasiMhaM tu pravakShyAmi nibodha me || 1||
diteH putro mahAnAsIddhiraNyakashipuH purA |
tapastepe nirAhAro bahuvarShasahasrakam || 2||
tapatastasya saMtuShTo brahmA taM prAha dAnavam |
varaM varaya daityendra yaste manasi vartate || 3||
ityukto brahmaNA daityo hiraNyakashipuH purA |
uvAcha natvA deveshaM brahmANaM vinayAnvitaH || 4||
hiraNyakashipuruvAcha
yadi tvaM varadAnAya pravR^itto bhagavanmama |
yadyadavR^iNomyahaM brahmaMstattanme dAtumarhasi || 5||
na shuShkeNa na chAdreMNa na jalena na vahninA |
na kAShThena na kITena pAShANena na vAyunA || 6||
nAyudhena na shUlena na shailena na mAnuShaiH |
na surairasurairvApi na gandharvairna rAkShasaiH || 7||
na kiMnarairna yakShaistu vidyAdharabhujaMgamaiH |
na vAnarairmR^igairvApi naiva mAtR^igaNairapi || 8||
nAbhyantare na bAhye tu nAnyairmaraNahetubhiH |
na dine na cha naktaM me tvatprasAdAd bhavenmR^itiH || 9||
iti vai devadeveshaM varaM tvatto vR^iNomyaham |
mArkaNDeya uvAcha
ityukto daityarAjena brahmA taM prAha pArthiva || 10||
tapasA tava tuShTo.ahaM mahatA tu varAnimAn |
durlabhAnApi daityendra dadAmi paramAdbhutAn || 11||
anyeShAM nedR^ishaM dattaM na tairitthaM tapaH kR^itam |
tvatprArthitaM mayA dattaM sarvaM te chAstu daityapa || 12||
gachCha bhu~NkShva mahAbAho tapasAmUrjitaM phalam |
ityevaM daityarAjasya hiraNyakashipoH purA || 13||
dattvA varAn yayau brahmA brahmalokamanuttamam |
so.api labdhavaro daityo balavAn baladarpitaH || 14||
devAn siMhAn raNe jitvA divaH prAchyAvayad bhuvi |
divi rAjyaM svayaM chakre sarvashaktisamanvitam || 15||
devA api bhayAttasya rudrAshchaivarShayo nR^ipa |
vicheruravanau sarve bibhrANA mAnuShIM tanum || 16||
prAptatrailokyarAjyo.asau hiraNyakashipuH prajAH |
AhUya sarvA rAjendra vAkyaM chedamabhAShata || 17||
na yaShTavyaM na hotavyaM na dAtavyaM surAn prati |
yuShmAbhirahamevAdya trailokyAdhipatiH prajAH || 18||
mamaiva pUjAM kuruta yaj~nadAnAdikarmaNA |
tAshcha sarvAstathA chakrurdaityendrasya bhayAnnR^ipa || 19||
yatraivaM kriyamANeShu trailokyaM sacharAcharam |
adharmayuktaM sakalaM babhUva nR^ipasattama || 20||
svadharmalopAt sarveShAM pApe matirajAyata |
gate kAle tu mahati devAH sendrA bR^ihaspatim || 21||
nItij~naM sarvashAstraj~naM paprachChurvinayAnvitAH |
hiraNyakashiporasya vinAshaM munisattama || 22||
trailokyahAriNaH shIghraM vadhopAyaM vadasva naH |
bR^ihaspatiruvAcha
shR^iNudhvaM mama vAkyAni svapadAprAptaye surAH || 23||
prAyo hiraNyakashipuH kShINabhAgo mahAsuraH |
shoko nAshayati praj~nAM shoko nAshayati shrutam || 24||
shoko matiM nAshayati nAsti shokasamo ripuH |
soDhuM shakyo.agnisambandhaH shastrasparshashcha dAruNaH || 25||
na tu shokabhavaM duHkhaM saMsoDhuM nR^ipa shakyate |
kAlAnnimittAchcha vayaM lakShyAmastatkShayaM surAH || 26||
budhAshcha sarve sarvatra sthitA vakShyanti nityashaH |
achirAdeva duShTo.asau nashyatyeva parasparam || 27||
devAnAM tu parAmR^iddhiM svapadaprAptilakShaNAm |
hiraNyakashipornAshaM shakunAni vadanti me || 28||
yata evamato devAH sarve gachChata mAchiram |
kShIrodasyottaraM tIraM prasupto yatra keshavaH || 29||
yuShmAbhiH saMstuto devaH prasanno bhavati kShaNAt |
sa hi prasanno daityasya vadhopAyaM vadiShyati || 30||
ityuktAstena devAste sAdhu sAdhvityathAbruvan |
prItyA cha parayA yuktA gantuM chakrurathodyamam || 31||
puNye tithau shubhe lagne puNyaM svasti cha ma~Ngalam |
kArayitvA munivaraiH prasthitAste divaukasaH || 32||
nAshAya duShTadaityasya svabhUtyai cha nR^ipotam |
te sharvamagnataH kR^itvA kShIrAbdheruttaraM taTam || 33||
tatra gatvA surAH sarve viShNuM jiShNuM janArdanam |
astuvan vividhaiH stotraiH pUjayantaH pratasthire || 34||
bhavo.api bhagavAn bhaktyA bhagavantaM janArdanam |
astuvannAmabhiH puNyairekAgramanasA harim || 35||
\medskip\hrule\medskip
shrImahAdeva uvAcha
viShNurjiShNurvibhurdevo yaj~nesho yaj~napAlakaH |
prabhaviShNurgrasiShNushcha lokAtmA lokapAlakaH || 36||
keshavaH keshihA kalpaH sarvakAraNakAraNam |
karmakR^ida vAmanAdhIsho vAsudevaH puruShTutaH || 37||
AdikartA varAhashcha mAdhavo madhusUdanaH |
nArAyaNo naro haMso viShNuseno hutAshanaH || 38||
jyotiShmAn dyutimAn shrImAnAyuShmAn puruShottamaH |
vaikuNThaH puNDarIkAkShaH kR^iShNaH sUryaH surArchitaH || 39||
narasiMho mahAbhImo vajradaMShTro nakhAyudhaH |
Adidevo jagatkartA yogesho garuDadhvajaH || 40||
govindo gopatirgoptA bhUpatirbhuvaneshvaraH |
padmanAbho haShIkesho vibhurdAmodaro hariH || 41||
trivikramastrilokesho brahmeshaH prItivardhanaH |
vAmano duShTadamano govindo gopavallabhaH || 42||
bhaktipriyo.achyutaH satyaH satyakIrtirdhruvaH shuchiH |
kAruNyaH karuNo vyAsaH pApahA shAntivardhanaH || 43||
saMnyAsI shAstratattvaj~no mandAragiriketanaH |
badarInilayaH shAntatatapasvI vaidyutaprabhaH || 44|| ## var ## shAntatattvaj~no
bhUtAvAso guhAvAsaH shrInivAsaH shriyaH patiH |
tapovAso damo vAsaH satyavAsaH sanAtanaH || 45||
puruShaH puShkalaH puNyaH puShkarAkSho maheshvaraH |
pUrNaH pUrtiH purANaj~naH puNyaj~naH puNyavarddhanaH || 46||
sha~NkhI chakrI gadI shAr~NgI lA~NgalI mushalI halI |
kirITI kuNDalI hArI mekhalI kavachI dhvajI || 47||
jiShNurjetA mahAvIraH shatrughnaH shatrutApanaH |
shAntaH shAntikaraH shAstA sha~NkaraH shaMtanustutaH || 48||
sArathiH sAttvikaH svAmI sAmavedapriyaH samaH |
sAvanaH sAhasI sattvaH sampUrNAMshaH samR^iddhimAn || 49||
svargadaH kAmadaH shrIdaH kIrtidaH kIrtinAshanaH |
mokShadaH puNDarIkAkShaH kShIrAbdhikR^itaketanaH || 50||
stutaH surAsurairIsha prerakaH pApanAshanaH |
tvaM yaj~nastvaM vaShaTkArastvamoMkArastvamagnayaH || 51||
tvaM svAhA tvaM svadhA deva tvaM sudhA puruShottama |
namo devAdidevAya viShNave shAshvatAya cha || 52||
\medskip\hrule\medskip
anantAyAprameyAya namaste garuDadhvaja |
mArkaNDeya uvAcha
ityetairnAmabhirdivyaiH saMstuto madhusUdanaH || 53||
uvAcha prakaTIbhUtvA devAn sarvAnidaM vachaH |
shrIbhagavAnuvAcha
yuShmAbhiH saMstuto devA nAmabhiH kevalaiH shubhaiH || 54||
ata eva prasanno.asmi kimarthaM karavANi vaH |
devA UchuH
devadeva hR^iShIkesha puNDarIkAkSha mAdhava || 55||
tvameva jAnAsi hare kiM tasmAt paripR^ichChasi |
shrIbhagavAnuvAcha
yuShmadAgamanaM sarvaM jAnAmyasurasUdanAH || 56||
hiraNyakavinAshArthaM stuto.ahaM sha~NkareNa tu |
puNyanAmashatenaiva saMstuto.ahaM bhavena cha || 57||
etena yastu mAM nityaM tvayoktena mahAmate |
tenAhaM pUjito nityaM bhavAmIha tvayA yathA || 58||
prIto.ahaM gachCha deva tvaM kailAsashikharaM shubham |
tvayA stuto haniShyAmi hiraNyakashipuM bhava || 59||
gachChadhvamadhunA devAH kAlaM kaMchit pratIkShatAm |
yadAsya tanayo dhImAn prahlAdo nAma vaiShNavaH || 60||
tasya drohaM yadA daityaH kariShyati surAMstadA |
haniShyAmi varairguptamajeyaM devadAnavaiH |
ityuktvA viShNunA devA natvA viShNuM yayurnR^ipa || 61||

iti shrInarasiMhapurANe viShNornAmastotraM nAma chatvAriMsho.adhyAyaH ||40||

##
Narasimhapurana adhyAya 40.  The stotra is from 36-52.
https://archive.org/details/NarsimhaPuranGitapress

Proofread by Singanallur Ganesan singanallur at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}