% Text title            : Vishnu Puja with 30 parts
% File name             : viShNorstriMshopachArapUjana.itx
% Category              : vishhnu, pUjA, vishnu
% Location              : doc\_vishhnu
% Proofread by          : Sunder Hattangadi
% Latest update         : August 5, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnu Trimshopachara Pujanam 30 Parts ..}##
\itxtitle{.. viShNostriMshopachAra pUjanam ..}##\endtitles ##
1 dhyAnam \-\-
surakadambakaiH prashrayeNa vai niyatasevitaM gokulotsavam |
kirITakuNDalaM pItajAmbaraM khalaniShUdanaM chintaye vibhum ||
2 AvAhanam \-\-
khagapavAhanaM kShIrajApriyaM bhavabhayApahaM bhuktimuktidam |
surapatiM jagannAthamIshvaraM kamalabhAsamA vAhayAmyaham ||
3 Asanam \-\-
vidhimukhAmarairnamramUrtibhiH praNatasaMshritaM durdharAdimat |
varamaNiprabhA bhAsurannavaM janapagR^ihyatAM svarNamAsanam ||
4 pAdyam \-\-
kusumavAsitaM gandhavistR^itaM 
     muniniShevitaM sAdareNa vai |
dhruvaparAsharAbhIShTada ! prabho
     janapagR^ihyatAM pAdyamuttamam ||
5 arghyam H-
kanakasampuTe sthApitaM varaM jalasuvarNamuktAphalairyutam |
karasaroruhAbhyAM ghR^itammayA janapagR^ihyatAmarghyamuttamam ||
6 AchamanIyam \-\-
tava ramAyujaH sevanAjjanA 
     nR^ipatisannibhAH sambhavanti hi |
suratara~NgiNI shuddhavAribhi\-
     rjanapagR^ihyatAmAchamaM shubham ||
7 snAnam \-\-
haripadAmbujA narmadAmahI sarayUchandrabhAgAbhya AhR^itam |
jalajavAsitaM snAnahetave janapagR^ihyatAmarpita~njalam ||
8 payaHsnAnam \-\-
suragavudbhabhavaM vIryavardhakaM nikhiladehinAM jIvanapradam
shashadharaprabhaM phenasaMyutam  janapagR^ihyatAmarpitaM payaH ||
9 dadhi snAnam \-\-
shuchipayaH samudbhUtamutapradaM 
     vrajanivAsibhiH svAditaM shubham |
rajatasa.nnibhaM shItatAmayaM 
     janapagR^ihyatAmarpitandadhim ||
10 ghR^itasnAnam  \-\-
hutavahapriyaM kShIrajodbhavaM sakaladehinAM sattvavardhakam |
kumudasadR^ishaM viShNu daivataM  janapagR^ihyatAmarpita~NghR^itam ||
11 madhusnAnam \-\-
madhulatodbhavaM svAduma~njulaM madhupamakShikAdyairvinirmitam |
madhuratAmayaM gandhasampradaM madhuhate.arpitaM gR^ihyatAmmadhu ||
12 sharkarA snAnam \-\-
madanakArmukAdyA vinirmitA madhuratAnvitA sarvapApahA |
sarasatA~NgatA tArakopamA  janapagR^ihyatAM shuddhasharkarA ||
13 udvartana snAnam \-\-
kadambaketakI puShpasambhavaM 
     mR^igamadAnvitaM yantranirmitam |
janupakAriNA bhaktito mayA 
     janapagR^ihyatAM tailamarpitam ||
14 shuddhodaka snAnam \-\-
haripadAmbujA narmadAmahI 
     sarayUchandrabhAgAbhya AhR^itam |
jalajavAsitaM snAnahetave  
     janapagR^ihyatAmarpita~njalam ||
15 vastram \-\-
vividhatantubhirgumphitaM navaM 
     sutapanIyabhaM sottarIyakam |
madhuripo jagannAtha mAdhava  
     janapagR^ihyatAM vastramarpitam ||
16 yaj~nopavItam \-\-
triguNitaM sitairarkatantubhiH kR^itamidammayA shuddhachetasA |
nigamasammataM bandhamochakaH  janapagR^ihyatAmupavItakam ||
17 gandham-chandanam \-\-
malayasambhavaM pItavarNakaM mR^igamadAdhibhirvAsitaM varam |
muktiShaTpadaM ku~NkumAnvitaM  janapagR^ihyatAM gandhamarpitam ||
18 akShatAn \-\-
kamalasambhavA mauktikopamA 
     stripathagodakaiH shAlitAH shivAH |
agaruku~NkumairmishritAvarA 
     janapagR^ihyatAmarpitAkShatAH ||
19 puShpamAlA \-\-
taruNamallikA kundamAlatI 
     bakulapa~NkajAnAM samuchchayaiH |
satatasutritaM bhaktito mayA  
     janapagR^ihyatAM hAramarpitam ||
20 shveta chUrNa \-\-
kadambaketakI vR^ikShasambhavaM vividhasaukhyadaM kAntivardhanam |
sitakaropamaM snehasatkR^itaM  janapagR^ihyatAM shvetachUrNakam ||
21 raktachUrNa ;\-\-
amarajAdibhirdevavR^indakaiH shirasivaidhR^itaM prashrayeNa vA |
tapanasadR^ishaM dR^iShTimutkalaM  janapagR^ihyatAM raktachUrNakam ||
22 sindUra chUrNa \-\-
gaNapatipriyaM bAlasUryabhaM 
     pavanasUnunA svIkR^itaM sadA |
surabhivAsitaM sUkShmachUrNakaM   
     janapagR^ihyatAM nAgasambhavam ||
23 dhUpam \-\-
agaraguggulA jyAdimishritaM 
     tapanayogajod  bhUtasaurabham |
amaravR^indakaiH sneha satkR^itaM
     janapagR^ihyatAM dhUpamuttamam. ||
24 dIpam \-\-
analatailinI goghR^itAnvitaM timiranAshakaM dIptatantubhiH |
kanakabhAjane sthApitammayA  janapagR^ihyatAM dIpamuttamam ||
25 naivedyam \-\-
panasadADimAmrAdisatphalaM 
     sughR^itamodakA pUpapAyasam |
rajatabhAjane sthApitammayA  
     janapagR^ihyatAM khAdyamuttamam ||
26 jaLa-AchamanI \-\-
jaladhigodbhavaM shItatAmayaM 
     sakalaprANinAM prANadAyakam |
vidhisamarpitaM shuddhachetasA  
     janapagR^ihyatAmAchamamaM shubham ||
27 mukhavAsa \-\-(pUgIphalaM  tAmbUlaM) \-\-
khapurasambhavaM pUgachUrNayug 
     mR^igamadelukA vAsitaM varam |
phaNilatAdalaiH klR^iptabIDakaM  
     janapagR^ihyatAmAsyabhUShaNam ||
28 dakShiNA \-\-
nikhilayAchinAM shreShThabhogadA 
     nigamasammatA karmapUrNadA ||
sakalabhUjanairvA~nChitA sadA  
     janapagR^ihyatAM hemadakShiNA ||
29 nIrAjanam \-\-
hutavahapriyairmishritaM varaM 
     jaladhijairyutaM sarvapApaham |
mukhavilokanArthAya saMskR^itaM 
     janapagR^ihyatAmArtikaM shubham ||
30 pradakShiNAm \-\-
varadasa~nchitaM pUrvajanmabhirdahati kilviShaM tvatpradakShiNA |
naraharimudA shuddhachetasA satatamIshvaraM tvAM namAmyaham ||

iti viShNorstriMshopachArapUjanaM sampUrNam |
##
Proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}