% Text title            : Vishnukavacha from Brahmavaivarta Purana
% File name             : viShNukavachaBVP.itx
% Category              : kavacha, vishhnu
% Location              : doc\_vishhnu
% Transliterated by     : PSA Easwaran psaeaswaran at gmail.com
% Proofread by          : PSA Easwaran psaeaswaran at gmail.com
% Description-comments  : brahmavaivartapurANa brahmakhaNDaM adhyAya 19 shloka 39-54
% Latest update         : January 25, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIVishnukavacha from Brahmavaivarta Purana ..}##
\itxtitle{.. shrIviShNukavachaM athavA brahmANDapAvanakavachaM brahmavaivarta purANAntargatam ..}##\endtitles ##


shaunaka uvAcha |
kiM stotraM kavachaM viShNormantrapUjAvidhiH purA |
datto vasiShThaistAbhyAM cha taM bhavAn vaktumarhati || 8||
dvAdashAkSharamantraM cha shUlinaH kavachAdikam |
dattaM gandharvarAjAya vasiShThena cha kiM purA || 9||
tadapi brUhi he saute shrotuM kautUhalaM mama |
sha~NkarastotrakavachaM mantraM durgavinAshanam || 10||
sautiruvAcha |
tuShTAva yena stotreNa mAlatI parameshvaram |
tadeva stotraM dattaM cha mantraM cha kavachaM shR^iNu || 11||
oM namo bhagavate rAsamaNDaleshAya svAhA |
imaM mantraM kalpataruM pradadyau ShoDashAkSharam || 12||
purA dattaM kumArAya brahmaNA puShkare hareH |
purA dattaM cha kR^iShNena goloke sha~NkarAya cha || 13||
dhyAnaM cha viShNorvedoktaM shAshvataM sarvadurlabham |
mUlena sarvaM deyaM cha naivedyAdikamuttamam || 14||
atIvaguptakavachaM piturvaktrAnmayA shrutam |
pitre dattaM purA vipra ga~NgAyAM shUlinA dhruvam || 15||
shUline brahmaNe dattaM goloke rAsamaNDale |
dharmAya gopIkAntena kR^ipayA paramAdbhutam || 16||
brahmovAcha |
rAdhAkAnta mahAbhAga kavachaM yaM prakAshitam |
brahmANDapAvanaM nAma kR^ipayA kathaya prabho || 17||
mAM maheshaM cha dharmaM cha bhaktaM cha bhaktavatsala |
tvaM prasAdena putrebhyo dAsyAmi bhaktisaMyutaH || 18||
shrIkR^iShNa uvAcha |
shR^iNu vakShyAmi brahmesha dharmadaM kavachaM param |
ahaM dAsyAmi yuShmabhyaH gopanIyaM sudurlabham || 19||
yasmai kasmai na dAtavyaM prANatulyaM mamaiva hi |
yattejo mama dehe.asti tattejaH kavache.api cha || 20||
kuru sR^iShTimidaM dhR^itvA dhAtA trijagatAM bhava |
saMhartA bhava he shambho mama tulyo bhave bhava || 21||
he dharma tvamimaM dhR^itvA bhava sAkShI cha karmaNAm |
tapasAM phaladAtA cha yUyaM bhavata madvarAt || 22||
brahmANDapAvanasyAsya kavachasya hariH svayam |
R^iShishchChandashcha gAyatrI devo.ahaM jagadIshvaraH || 23||
dharmArthakAmamokSheShu viniyogaH prakIrtitaH |
trilakShavArapaThanAt siddhidaM kavachaM vidhe || 24||
yo bhavet siddhakavacho mama tulyo bhavettu saH |
tejasA siddhiyogena j~nAnena vikrameNa cha || 25||
praNavo me shiraH pAtu namo rAseshvarAya cha |
bhAlaM pAyAnnetrayugmaM namo rAdheshvarAya cha || 26||
kR^iShNaH pAyAt shrotrayugmaM he hare ghrANameva cha |
jihvikAM vahnijAyA tu kR^iShNAyeti cha sarvataH || 27||
shrIkR^iShNAya svAheti cha kaNThaM pAtu ShaDakSharaH |
hrIM kR^iShNAya namo vaktraM klIM pUrvashcha bhujadvayam || 28||
namo gopA~NganeshAya skandhAvaShTAkSharo.avatu |
dantapaMktimoShThayugmaM namo gopIshvarAya cha || 29||
oM namo bhagavate rAsamaNDaleshAya svAhA |
svayaM vakShasthalaM pAtu mantro.ayaM ShoDashAkSharaH || 30||
aiM kR^iShNAya svAheti cha karNayugmaM sadAvatu |
oM viShNave svAheti cha ka~NkAlaM sarvato.avatu || 31||
oM haraye nama iti pR^iShThaM pAdaM sadAvatu |
oM govardhanadhAriNe svAhA sarvasharIrakam || 32||
prAchyAM mAM pAtu shrIkR^iShNaH AgneyyAM pAtu mAdhavaH |
dakShiNe pAtu gopIsho nairR^ityAM nandanandanaH || 33||
vAruNyAM pAtu govindo vAyavyAM rAdhikeshvaraH |
uttare pAtu rAsesha aishAnyAmachyutaH svayam || 34||
santataM sarvataH pAtu paro nArAyaNaH svayam |
iti te kathitaM brahman kavachaM paramAdbhutam || 35||
mama jIvanatulyaM cha yuShmabhyaM dattameva cha |
ashvamedhasahasrANi vAjapeyashatAni cha |
kalAM nArhanti tAnyeva kavachasyaiva dhAraNAt || 36||
gurumabhyarchya vidhivadvastrAla~NkArachandanaiH |
snAtvA taM cha namaskR^itya kavachaM dhArayet sudhIH || 37||
kavachasya prasAdena jIvanmukto bhavennaraH |
yadi syAt siddhakavacho viShNureva bhavet dvija || 38||

iti shrIbrahmavaivarte mahApuruShabrahmANDapAvanaM kavachaM samAptam ||

##
brahmavaivartapurANa brahmakhaNDaM adhyAya 19 shloka 8-38

Encoded and proofread by
PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}