% Text title : viShNusahasranAmastotram from nAradapancharAtra % File name : viShNusahasranAmastotranAradapancharAtra.itx % Category : sahasranAma, vishhnu, vishnu % Location : doc\_vishhnu % Transliterated by : DPD, help from Alex % Proofread by : DPD, PSA Easwaran % Description/comments : From nArada paNcharAtra similar to one in padmapurANa % Source : nArada paNcharAtra % Latest update : February 15, 2015, December 6, 2016 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIviShNusahasranAmastotram ..}## \itxtitle{.. shrIviShNusahasranAmastotraM nAradapa~ncharAtre ..}##\endtitles ## shrInAradapa~ncharAtre j~nAnAmR^itasAre chaturtharAtre shrImahAdeva uvAcha\- brahmahatyAsahasrANAM pApaM shAmyet katha~nchana | na punastvayyavij~nAte kalpakoTishatairapi || 1|| yasmAnna yA kR^itA spardhA pavitraM syAtkathaM hare | nashyanti sarvapApAni tanmAM vada sureshvara | tadAha devo govinda mama prItyA yathAyatham || 2|| shrIbhagavAnuvAcha\- sadA nAmasahasraM me pAvanaM matpadAvaham | tatparo.anudinaM shambho sarvaishvaryaM yadIchChasi || 3|| shrImahAdeva uvAcha\- tameva tapasA nityaM bhajAmi staumi chintaye | tenAdvitIyamahimo jagatpUjyo.asmi pArvati ! || 4|| shrIpArvatyuvAcha\- tanme kathaya devesha yathAhamapi sha~Nkara ! | sarveshvarI nirUpamA tava syAM sadR^ishI prabho ! || 5|| shrImahAdeva uvAcha\- sAdhu ! sAdhu ! tvayA pR^iShTo viShNorbhagavataH shive ! | nAmnAM sahasraM vakShyAmi mukhyaM trailokyama~Ngalam || 6|| OM namonArAyaNAya puruShottamAya cha mahAtmane | vishuddhasadmAdhiShThAya mahAhaMsAya dhImahi || 7|| viniyogaH OM asya shrIviShNoH sahasranAmamantrasya mahAdeva R^iShiH | anuShTupChandaH | paramAtmA devatA | sUryakoTipratIkAsha iti bIjam | ga~NgAtIrthottamA shaktiH | prapannAshanipa~njara iti kIlakam | divyAstra ityasram | sarvapApakShayArthaM sarvAbhIShTasiddhyarthaM shrIviShNornAmasahasrajape viniyogaH | R^iShyAdinyAsaH OM mahAdevAya R^iShaye namaH iti shirasi || 1|| anuShTup Chandase namaH mukhe || 2|| paramAtmadevatAyai namaH hR^idi || 3|| sUryakoTipratIkAshabIjAya namaH guhye || 4|| ga~NgAtIrthottamashaktye namaH pAdayoH || 5|| prasannAshanipa~njarakIlakAya namaH nAbhau || 6|| viniyogAya namaH sarvA~Nge || 7|| karanyAsaH OM vAsudevaH paraM brahma itya~NguShThAbhyAM namaH || 1|| OM mUlaprakR^itiriti tarjanIbhyAM namaH || 2|| OM bhUmahAvarAha iti madhyamAbhyAM namaH || 3|| OM sUryavaMshadhvajo rAma iti anAmikAbhyAM namaH || 4|| OM brahmAdikamalAdigadAsUryakeshavamiti kaniShThikAbhyAM namaH || 5|| sheSha iti karatalakarapR^iShThAbhyAM namaH | iti karanyAsaH | ShaDa~NganyAsaH OM vAsudevaH paraM brahma iti hR^idayAya namaH || 1|| OM mUlaprakR^iti shirase svAhA || 2|| OM bhUmahAvArAha iti shikhAyai vaShaT || 3|| OM sUryavaMshadhvajo rAmaH iti kavachAya huM || 4|| brahmAdikamalAdigadAsUryakeshavaH netratrayAya vauShaTa || 5|| OM divyAstra ityastrAya phaT || 6|| iti hadayAdiShaDa~NgAnyAsaH || 7|| || dhyAnam || viShNuM bhAsvatkirITA~NgadavalayagaNAkalpahArodarAMghri\- shroNIbhUShaM suvakShomaNimakaramahAkuNDalaM maNDitAMsam | hastodyachchakrasha~NkhAmbujagadalamalaM pItakaushayavAso \- vidyudbhAsaM samudyaddinakarasadR^ishaM padmahastaM namAmi || 8|| OM vAsudevaH paraM brahma paramAtmA parAtparam | paraM dhAma paraM jyotiH paraM tattvaM paraM padam || 9|| paraM shivaM paro dhyeyaH paraM j~nAnaM parA gatiH | paramArthaH paraM shreyaH parAnandaH parodayaH || 10|| paro vyaktaH paraM vyoma parArdhaH parameshvaraH | nirAmayo nirvikAro nirvikalpo nirAshrayaH || 11|| nira~njano nirAlambo nirlepo niravagrahaH | nirguNoniShkalo.ananto.achintyo.asAvachalo.achyutaH || 12|| atIndriyo.amito.arodhyo.anIho.anIsho.avyayo.akShayaH | sarvaj~naH sarvagaH sarvaH sarvadaH sarvabhAvanaH || 13|| sharvaH shambhuH sarvasAkShI pUjyaH sarvasya sarvadR^ik | sarvashaktiH sarvasAraH sarvAtmA sarvatomukhaH || 14|| sarvAvAsaH sarvarUpaH sarvAdi sarvaduHkhahA | sarvArthaH sarvatobhadraH sarvakAraNakAraNam || 15|| sarvAtishAyakaH sarvAdhyakShaH sarveshvareshvaraH | ShaDviMshako mahAviShNurmahAguhyo mahAhariH || 16|| nityodito nityayukto nityAnandaH sanAtanaH | mAyApatiryogapatiH kaivalyapatirAtmabhUH || 17|| janmamR^ityujarAtItaH kAlAtIto bhavAtigaH | pUrNaH satyaH shuddhabuddhasvarUpo nityachinmayaH || 18|| yogipriyo yogamayo bhavabandhaikamochakaH | purANaH puruShaH pratyak chaitanyaM puruShottamaH || 19|| vedAntavedyo durj~neyastApatrayavivarjitaH | brahmavidyAshrayo.ala~NghyaH svaprakAshaH svayamprabhaH || 20|| sarvopeya udAsInaH praNavaH sarvataH samaH | sarvAnavadyo duShprApasturIyastamasaH paraH || 21|| kUTasthaH sarvasaMshliShTo vA~NgamanogocharAtigaH | sa~NkarShaNaH sarvaharaH kAlaH sarvabhaya~NkaraH || 22|| anullaghyaM sarvagatirmahArudro durAsadaH | mUlaprakR^itirAnandaH praj~nAtA vishvamohanaH || 23|| mahAmAyo vishvabIjaH parAshaktisukhaikabhuk | sarvakAmyo.anantashIlaH sarvabhUtavasha~NkaraH || 24|| aniruddhaH sarvajIvo hR^iShIkesho manaHpatiH | nirupAdhiH priyo haMso.akSharaH sarvaniyojakaH || 25|| brahmA prANeshvaraH sarvabhUtabhR^iddehanAyakaH | kShetraj~naH prakR^itisvAmI puruSho vishvasUtradhR^ik || 26|| antaryAmI tridhAmA.antaHsAkShI triguNa IshvaraH | yogI mR^igyaH padmanAbhaH sheShashAyI shriyaH patiH || 27|| shrIsatyopAsyapAdAbjo.anantaH shrIH shrIniketanaH | nityavakShaHsthalasthashrIH shrInidhiH shrIdharo hariH || 28|| ramyashrIrnishchayashrIdo viShNuH kShIrAbdhimandiraH | kaustubhodbhAsitorasko mAdhavo jagadArtihA || 29|| shrIvatsavakShA niHsImaH kalyANaguNabhAjanam | pItAmbaro jagannAtho jagaddhAtA jagatpitA || 30|| jagadbandhurjagatsraShTA jagatkartA jagannidhiH | jagadekasphuradvIryo nAhaMvAdI jaganmayaH || 31|| sarvAshcharyamayaH sarvasiddhArthaH sarvavIrajit | sarvAmoghodyamo brahmarudrAdyutkR^iShTachetanaH || 32|| shambhoH pitAmaho brahmapitA shakrAdyadhIshvaraH | sarvadevapriyaH sarvadevavR^ittiranuttamaH || 33|| sarvadevaikasharaNaM sarvadevaikadaivatam | yaj~nabhug yaj~naphalado yaj~nesho yaj~nabhAvanaH || 34|| yaj~natrAtA yaj~napumAn vanamAlI dvijapriyaH | dvijaikamAnado.ahiMsraH kuladevo.asurAntakaH || 35|| sarvaduShTAntakR^it sarvasajjanAnandapAlakaH | sarvalokaikajaTharaH sarvalokaikamaNDalaH || 36|| sR^iShTisthityantakR^ichchakrI shAr~NgadhanvA gadAdharaH | sha~NkhabhR^innandakI padmapANirgaruDavAhanaH || 37|| anirdeshyavapu sarvaH sarvalokaikapAvanaH | anantakIrtirniH shrIshaH pauruShaH sarvama~NgalaH || 38|| sUryakoTipratIkAsho yamakoTivinAshanaH | brahmakoTijagatsraShTA vAyukoTimahAbalaH || 39|| koTIndujagadAnandI shambhukoTimaheshvaraH | kuberakoTilakShmIvAn shatrukoTivinAshanaH || 40|| kandarpakoTilAvaNyo durgakoTivimarddhanaH | samudrakoTigambhIrastIrthakoTisamAhvayaH || 41|| himavatkoTiniShkampaH koTibrahmANDavigrahaH | koTyashvamedhapApaghno yaj~nakoTisamArchanaH || 42|| sudhAkoTisvAsthyahetuH kAmadhukkoTikAmadaH | brahmavidyAkoTirUpaH shipiviShTaH shuchishravAH || 43|| vishvambharastIrthapAdaH puNyashravaNakIrtanaH | Adidevo jagajjaitro mukundaH kAlanemihA || 44|| vaikuNTho.anantamAhAtmyo mahAyogIshvareshvaraH | nityatR^ipto.atha sadbhAvo niHsha~Nko narakAntakaH || 45|| dInAnAthaikasharaNaM vishvaikavyasanApahA | jagatkShamAkR^ito nityo kR^ipAluH sajjanAshrayaH || 46|| yogeshvaraH sadodIrNo vR^iddhikShayavivarjitaH | adhokShajo vishvaretA prajApatisabhAdhipaH || 47|| shakrabrahmArchitapadaH shambhubrahmordhvadhAmagaH | sUryasomekShaNo vishvabhoktA sarvasya pAragaH || 48|| jagatseturdharmaseturdhIro.ariShTadhuranyaraH | nirmamo.akhilalokesho niHsa~Ngo.adbhutabhogavAn || 49|| ramyamAyo vishvavishvo viShvakseno nagottamaH | sarvAshrayaH patirdevyA sarvabhUShaNabhUShitaH || 50|| sarvalakShaNalakShaNyaH sarvadaityendradarpahA | samastadevasarvaj~naH sarvadaivatanAyakaH || 51|| samastadevatAdurgaH prapannAshanipa~njaraH | samastadevakavachaM sarvadevashiromaNiH || 52|| samastabhayanirbhinno bhagavAn viShTarashravAH | vibhuH sarvahitodarko hatAriH sugatipradaH || 53|| sarvadaivatajIvesho brAhmaNAdiniyojakaH | brahmashambhuparArdhADhyI brahmajyeShThaH shishuH svarAT || 54|| virAT bhaktaparAdhInaH stutyaH sarvArthasAdhakaH | sarvArthakartA kR^ityaj~naH svArthakR^ityamadojjhitaH || 55|| sadA navaH sadA bhadraH sadA shAntaH sadA shivaH | sadA priyaH sadA tuShTaH sadA puShTaH sadArchitaH || 56|| sadA pUtaH pAvanAgro vedaguhyo vR^iShAkapiH | sahasranAmA triyugashchatumUrtishchaturbhujaH || 57|| bhUtabhavyabhavannAtho mahApuruShapUrvajaH | nArAyaNo mu~njakeshaH sarvayogavinismR^itaH || 58|| vedasAro yaj~nasAraH sAmasArastaponidhiH | sAdhyashreShThaH purANarShirniShThAshAntiparAyaNaH || 59|| shivastrishUlavidhvaMsI shrIkaNThaikavarapradaH | narakR^iShNo harirdharmanandano dharmajIvanaH || 60|| AdikartA sarvasatyaH sarvastrIratnadarpahA | trikAlo jitakandarpa urvashIdR^i~NmunIshvaraH || 61|| AdyaH kavirhayagrIvaH sarvavAgIshvareshvaraH | sarvadevamayo brahma gururvAgmIshvarIpatiH || 62|| anantavidyAprabhavo mUlAvidyAvinAshakaH | sarvArhaNo jagajjADhyanAshako madhusUdanaH || 63|| anantamantrakoTIshaH shabdabrahmaikapAvakaH | AdividvAn vedakartA vedAtmA shrutisAgaraH || 64|| brahmArthavedAbharaNaH sarvavij~nAnajanmabhUH | vidyArAjo j~nAnarAjo j~nAnasindhurakhaNDadhIH || 65|| matsyadevo mahAshR^i~Ngo jagadbIjavahitradhR^ik | lIlAvyAptAnilAmbhodhishchaturvedaprarvatakaH || 66|| AdikUrmo.akhilAdhArastR^iNIkR^itajagadbhavaH | amarIkR^itadevaughaH pIyUShotpattikAraNam || 67|| AtmAdhAro dharAdhAro yaj~nA~Ngo dharaNIdharaH | hiraNyAkShaharaH pR^idhvIpatiH shrAddhAdikalpakaH || 68|| samastapitR^ibhItighnaH samastapitR^ijIvanam | havyakavyaikabhugbhavyo guNabhavyaikadAyakaH || 69|| lomAntalInajaladhiH kShobhitAsheShasAgaraH | mahAvarAho yaj~naghnadhvaMsano yAj~nikAshrayaH || 70|| narasiMho divyasiMhaH sarvAriShTArtiduHkhahA | ekavIro.adbhutabalo yantramantraikabha~njanam || 71|| brahmAdiduHsahajyotiryugAntAgnyatibhIShaNaH | koTivajrAdhikanakho gajaduShprekShamUrtidhR^ik || 72|| mAtR^ichakrapramathano mahAmAtR^igaNeshvaraH | achintyo.amoghavIryADhyaH samastAsuraghasmaraH || 73|| hiraNyakashipuchChedI kAlaH sa~NkarShaNaH patiH | kR^itAntavAhanaH sadyaH samastabhayanAshanaH || 74|| sarvavighnAntakaH sarvasiddhidaH sarvapUrakaH | samastapAtakadhvaMsI siddhamantrAdhikAhvayaH || 75|| bhairavesho harArtighna kAlakalpo durAsadaH | daityagarbhasrAvinAmA sphuradbrahmANDavarjitaH || 76|| smR^itimAtrAkhilatrAtA bhUtarUpo mahAhariH | brahmacharmashiraHpaTTA dikpAlo.ardhA~NgabhUShaNaH || 77|| dvAdashArkashirodAmA rudrashIrShaikanUpuraH | yoginIgrastagirijArato bhairavatarjakaH || 78|| vIrachakreshvaro.atyugro yamAriH kAlasaMvaraH | krodheshvaro rudrachaNDIparivAdI suduShTabhAk || 79|| sarvAkShaH sarvamR^ityushcha mR^ityurmR^ityunirvatakaH | asAdhyaH sarvarogaghnaH sarvadurgrahasaumyakR^it || 80|| gaNeshakoTidarpaghno duHsaho.asheShagotrahA | devadAnavadurdhaSho jagadbhakShyapradaH pitA || 81|| samastadurgatitrAtA jagadbhakShakabhakShakaH | ugresho.asuramArjAraH kAlamUShakabhakShakaH || 82|| anantAyudhadorddaNDo nR^isiMho vIrabhadrajit | yoginIchakraguhyeshaH shakrAriH pashumAMsabhuk || 83|| rudro nArAyaNo meSharUpasha~NkaravAhanaH | meSharUpI shivatrAtA duShTashaktisahasrabhuk || 84|| tulasIvallabho vIro.achintyamAyo.akhileShTadaH | mahAshivaH shivArudro bhairavaikakapAlabhUt || 85|| bhillashchakreshvaraH shakro divyamohanarUpadhR^ik | gaurIsaubhAgyado mAyAnidhirmAyAbhayApahaH || 86|| brahmatejomayo brahma shrImayashcha trayImayaH | subrahmaNyo balidhvaMsI vAmano.aditiduHkhahA || 87|| upendro nR^ipatirviShNuH kashyapAnvayamaNDanaH | balisvArAjyadaH sarvadevaviprAtmado.achyutaH || 88|| urukramastIrthapAdastridashashcha trivikramaH | vyomapAdaH svapAdAmbhaHpavitritajagattrayaH || 89|| brahmeshAdyabhivandyA~NghrirdrutakarmAdridhAraNaH | achintyAdbhutavistAro vishvavR^ikSho mahAbalaH || 90|| bahumUrdhA parA~NChidrabhR^igupatnIshiroharaH | pApasteyaH sadApuNyo daityesho nityakhaNDakaH || 91|| pUritAkhiladevesho vishvArthaikAvatArakR^it | amaro nityaguptAtmA bhaktachintAmaNiH sadA || 92|| varadaH kArtavIryAdirAjarAjyaprado.anaghaH | vishvashlAghyo.amitAchAro dattAtreyo munIshvaraH || 93|| parAshaktisamAyukto yogAnandamadonmadaH | samastendrAritejohR^it paramAnandapAdapaH || 94|| anasUyAgarbharatno bhogamokShasukhapradaH | jamadagnikulAdityo reNukAdbhutashaktihR^it || 95|| mAtR^ihatyaghanirlepaH skandajidviprarAjyadaH | sarvakShatrAntakR^idvIradarpahA kArtavIryajit || 96|| yogI yogAvatArashcha yogIsho yogavatparaH | paramAnandadAtA cha shivAchAryayashaHpradaH || 97|| bhImaH parashurAmashcha shivAchAryaikavishvabhUH | shivAkhilaj~nAnakoSho bhIShmAchAryo.agnidaivataH || 98|| droNAchAryagururvishvajaitradhanvA kR^itAntakR^it | advitIyatamomUrtirbrahmacharyaikadakShiNaH || 99|| manushreShThaH satAM seturmahIyAn vR^iShabho virAT | AdirAjaH kShitipitA sarvaratnaikadohakR^it || 100|| pR^ithujanmAdyekadakSho hrIH shrIH kIrtiH svayaMdhR^itiH | jagadvR^ittipradashchakravartishreShTho durastradhR^ik || 101|| sanakAdimuniprAptabhagavadbhaktivardhanaH | varNAshramAdidharmANAM kartA vaktA pravartakaH || 102|| sUryavaMshadhvajo rAmo rAdhavaH sadguNArNavaH | kAkutsthavIratAdharmo rAjadharmadhurandharaH || 103|| nityasusthAshayaH sarvabhadragrAhI shubhaikadR^ik | navaratnaM ratnanidhiH sarvAdhyakSho mahAnidhiH || 104|| sarvashreShThAshrayaH sarvashastrAstragrAmavIryavAn | jagadvashI dAsharathiH sarvaratnAshrayo nR^ipaH || 105|| dharmaH samastadharmastho dharmadraShTAkhilArtihR^it | atIndro j~nAnavij~nAnapAradR^ishvA kShamAmbudhiH || 106|| sarvaprakR^iShTaH shiShTeShTo harShashokAdhanAkulaH | pitrAj~nAtyaktasAmrAjyaH sapatnodayanirbhayaH || 107|| guhAdeshArpitaishvaryaH shivasparddhAjaTAdharaH | chitrakUTAptaratnAdrijagadIsho raNecharaH || 108|| yatheShTAmoghashastrAstro devendratanayAkShihA | brahmendrAdinataiShIko mArIchaghno virAdhahA || 109|| brahmashApahatAsheShadaNDakAraNyapAvanaH | chaturdashasahasrAgryarakShoghnaikasharaikabhR^it || 110|| kharAristrishirohantA dUShaNaghno janArdanaH | jaTAyuSho.agnigatido kabandhasvargadAyakaH || 111|| lIlAdhunaHkoTyApAstadundubhyasthimahAchayaH | saptatAlavyathAkR^iShTadhvajapAtAladAnavaH || 112|| sugrIve rAjyado dhImAn manasaivAbhayapradaH | hanUmadrudramukhyeshaH samastakapidehabhR^it || 113|| agnidaivatyabANaikavyAkulIkR^itasAgaraH | samlichChakoTibANaikashuShkanirdagdhasAgaraH || 114|| sanAgadaityadhAmaikavyAkulIkR^itasAgaraH | samudrAdbhutapUrvaikabaddhaseturyashonidhiH || 115|| asAdhyasAdhako la~NkAsamUlotkarShadakShiNaH | varadR^iptajanasthAnapaulastyakalakR^intanaH || 116|| rAvaNaghnaH prahastachChit kumbhakarNabhidugrahA | rAvaNaikamukhachChettA niHsha~NkendraikarAjyadaH || 117|| svargAsvargatvavichChedI devendrAdindratAharaH | rakShodevatvahR^iddharmA dharmaharmyaH puruShTutaH || 118|| nAtimAtradashAsyArirdattarAjyavibhIShaNaH | sudhAsR^iShTibhR^itAsheShasvasainyajIvanaikakR^it || 119|| devabrAhmaNanAmaikadhAtA sarvAmarArchitaH | brahmasUryendrarudrAdivandyo.architasatAM priyaH || 120|| ayodhyAkhilarAjAgrya sarvabhUtamanoharaH | svAmyatulyakR^ipAdatto hInoShkR^iShTaikasatpriyaH || 121|| svapakShAdinyAyadarshI hInArtho.adhikasAdhakaH | bAdhavyAjAnuchitakR^ittAvako.akhilatuShTikR^it || 122|| pArvatyadhikayuktAtmA priyAtyaktaH surArijit | sAkShAtkushalavatsadmendrAgninAto.aparAjitaH || 123|| koshalendro vIrabAhuH satyArthatyaktasodaraH | yashodAnandano nandI dharaNImaNDalodayaH || 124|| brahmAdikAmyasAnnidhyasanAthIkR^itadaivataH | brahmalokAptachANDAlAdyasheShaprANisArthapaH || 125|| svarNItagardabhashvAdichirAyodhyAbalaikakR^it | rAmAdvitIyaH saumitrilakShmaNaprahatendrajit || 126|| viShNubhaktAshivAMhaHChitpAdukArAjyanirvR^itaH | bharato.asahyagandharvakoTighno lavaNAntakaH || 127|| shatrughno vaidyarADAyurvedagarbhauShadhIpatiH | nityAnityakaro dhanvantariryaj~no jagaddharaH || 128|| sUryavighnaH surAjIvo dakShiNesho dvijapriyaH | ChinnamUrdhopadeshArkatanUjakR^itamaitrikaH || 129|| sheShA~NgasthApitanaraH kapilaH kardamAtmajaH | yogAtmakadhyAnabha~NgasagarAtmajabhasmakR^it || 130|| dharmo vishvendrasurabhIpatiH shuddhAtmabhAvitaH | shambhustripuradAhaikasthairyavishvarathoddhataH || 131|| vishvAtmAsheSharudrArthashirashChedAkShatAkR^itiH | vAjapeyAdinAmAgnirvedadharmAparAyaNaH || 132|| shvetadvIpapatiH sA~NkhyapraNetA sarvasiddhirAT | vishvaprakAshitadhyAnayogo mohatamisrahA || 133|| bhaktashambhujito daityAmR^itavApIsamastapaH | mahApralayavishvaiko.advitIyo.akhiladaityarAT || 134|| sheShadevaH sahasrAkShaH sahasrA~NghishirobhujaH | phaNI phaNiphaNAkArayojitAbdhyambudakShitiH || 135|| kAlAgnirudrajanako musalAstro halAyudhaH | nIlAmbaro vAruNIsho manovAkkAyadoShahA || 136|| svasantoShatR^iptimAtraH pAtitaikadashAnanaH | balisaMyamano ghoro rauhiNeyaH pralambahA || 137|| muShTikaghno dvividahA kAlindIbhedano balaH | revatIramaNaH pUrvabhaktirevAchyutAgrajaH || 138|| devakIvasudevottho.aditikashyapanandanaH | vArShNeyaH sAtvatAM shreShThaH shauriryadukulodvahaH || 139|| narAkR^itiH pUrNabrahma savyasAchI parantapaH | brahmAdikAmanAnityajagatparvetashaishavaH || 140|| pUtanAghnaH shakaTabhidyamalArjunabha~njanaH | vatsAmurAriH keshighno dhenukArirgavIshvaraH || 141|| dAmodaro gopadevo yashodAnandakArakaH | kAlIyamarddanaH sarvagopagopIjanapriyaH || 142|| lIlAgovardhanadharo govindo gokulotsavaH | ariShTamathanaH kAmonmattagopIvimuktidaH || 143|| sadyaH kuvalayApIDaghAtI chANUramardanaH | kaMsArirugrasenAdirAjyasthAyyarihA.amaraH || 144|| sudharmAMkitabhUloko jarAsandhabalAntakaH | tyaktabhaktajarAsandhabhImasenayashaHpradaH || 145|| sAndIpanimR^itApatyadAtA kAlAntakAdijit | rukmiNIramaNo rukmishAsano narakAntakR^it || 146|| samastanarakatrAtA sarvabhUpatikoTijit | samastasundarIkAnto.asurArirgaruDadhvajaH || 147|| ekAkIjitarudrArkamarudApo.akhileshvaraH | devendradarpahA kalpadrumAla~NkR^itabhUtalaH || 148|| bANabAhusahasrachChitskandAdigaNakoTijit | lIlAjitamahAdevo mahAdevaikapUjitaH || 149|| indrArthArjunanirmatsurjayadaH pANDavaikadhR^ik | kAshIrAjashirasChettA rudrashaktyekamardanaH || 150|| vishveshvaraprasAdADhyaH kAshIrAjasutArdanaH | shambhupratij~nApAtA cha svayambhugaNapUjakaH || 151|| kAshIshagaNakoTighno lokashikShAdvijArchakaH | shivatIvratapovashyaH purA shivavarapradaH || 152|| gayAsurapratij~nAdhR^ik svAMshasha~NkarapUjakaH | shivakanyAvratapatiH kR^iShNarUpashivArihA || 153|| mahAlakShmIvapurgaurItrANo devalavAtahA | vinidramuchukundaikabrahmAstrayuvanAshvahR^it || 154|| akrUro.akrUramukhyaikabhaktasvachChandamuktidaH | sabAlastrIjalakrIDAkR^itavApIkR^itArNavaH || 155|| yamunApatirAnItapariNItadvijAtmakaH | shrIdAmasha~NkubhaktArthabhUmyAnItendrabhairavaH || 156|| durvR^ittashishupAlaikamuktikoddhArakeshvaraH | AchANDAlAdikaM prApya dvArakAnidhikoTikR^it || 157|| brahmAstradagdhagarbhasthaparIkShijjIvanaikakR^it | pariNItadvijasutAnetA.arjunamadApahaH || 158|| gUDhamudrAkR^itigrastabhIShmAdyakhilagauravaH | pArthArthakhaNDitAsheShadivyAstraH pArthamohabhR^it || 159|| brahmashApachChaladhvastayAdavo vibhavAvahaH | ana~Nge jitagaurIsho ratikAntaH sadepsitaH || 160|| puShpeShurvishvavijayI smaraH kAmeshvarIpatiH | uShApatirvishvaheturvishvatR^ipto.adhipUruShaH || 161|| chaturAtmA chaturvarNashchaturvedavidhAyakaH | chaturvishvaikavishvAtmA sarvotkR^iShTAsu koTiShu || 162|| AshrayAtmA purANarShirvyAsaH shAstrasahasrakR^it | mahAbhAratanirmAtA kavIndro vAdarAyaNaH || 163|| kR^iShNadvaipAyanaH sarvapuruShArthakabodhakaH | vedAntakartA brahmaikavya~njakaH puruvaMshakR^it || 164|| buddho dhyAnajitAsheShadevadevo jagatpriyaH | nirAyudho jagajjaitraH shrIdhano duShTamohanaH || 165|| daityavedabahiShkarttA vedArthashrutigopakaH | shuddhodanirnaShTadiShTaH sukhadaH sadasatpatiH || 166|| yathAyogyAkhilakupaH sarvashUnyo.akhileShTadaH | chatuShkoTipR^ithaktattvaM praj~nApAramiteshvaraH || 167|| pAShaNDashrutimArgeNa pAShaNDashrutigopakaH | kalkI viShNuyashaH pUtaH kalikAlavilopakaH || 168|| samastamlechChahastaghnaH sarvashiShTadvijAtikR^it | satyapravarttako devadvijadIrghakShudhApahaH || 169|| avagavAdivedena pR^ithvIdurgatinAshanaH | sadyaH kShmAnantalakShmIkR^it naShTaniH sheSha dharmakR^it || 170|| anantasvargayAgaikahemapUrNAkhiladvijaH | asAdhyaikajagachChAstA vishvavandyo jayadhvajaH || 171|| AtmatattvAdhipaH kR^irtR^ishreShTho vidhirumApatiH | bhartuH shreShThaH prajeshAgryo marIchijanakAgraNIH || 172|| kashyapo devarAdindraH prahlAdo daityarAT shashI | nakShatresho ravistejaH shreShThaH shukraH kavIshvaraH || 173|| maharShirAT bhR^igurviShNurAdityesho baliH svarAT | vAyurvahniH shuchishreShThaH sha~Nkaro rudrarAT guruH || 174|| vidvattamashchitraratho gandharvAgryo vasUttamaH | varNAdiragryA strI gaurI shaktyagryA shrIshcha nAradaH || 175|| devarShirAT pANDavAgryo.arjuno nAradavAdarAT | pavanaH pavaneshAno varuNo yAdasAmpatiH || 176|| ga~NgAtIrthottamodbhUtaM ChatrakAgryavarauShadham | annaM sudarshanAstrAgryo vajrapraharaNottamam || 177|| uchchaiHshravA vAjirAjaH airAvata ibheshvaraH | arundhatyekapatnIsho hyashvattho.asheShavR^ikSharAT || 178|| adhyAtmavidyAvidyAtmA praNavashChandasAM varaH | merurgiripatirbhArgo mAsAgryaH kAlasattamaH || 179|| dinAdyAtmA pUrvasiddhiH kapilaH sAmavedarAT | tArkShyaH khagendro R^itvagryo vasantaH kalpapAdapaH || 180|| dAtR^ishreShThaH kAmadhenurArtighnAgryaH surottamaH | chintAmaNirgurushreShTho mAtA hitatamaH pitA || 181|| siMho mR^igendro nAgendro vAsukirbhUdharo nR^ipaH | vaNasho brAhmaNashchAntaH karaNAgryaM namo namaH || 182|| ityetadvAsudevasya viShNornAmasahasrakam | sarvAparAdhashamanaM paraM bhaktivivarddhanam || 183|| akShayabrahmalokAdisarvArthApyekasAdhanam | viShNulokaikasopAnaM sarvadu:khavinAshanam || 184|| samastasukhadaM satyaM paraM nirvANadAyakam | kAmakrodhAdiniHsheShamanomalavishodhanam || 185|| shAntidaM pAvanaM nR^iNAM mahApAtAkinAmapi | sarveShAM prANinAmAshu sarvAbhIShTaphalapradam || 186|| sarvavighnaprashamanaM sarvAriShTavinAshanam | ghoraduHsvapnashamanaM tIvradAridryanAshanam || 187|| tApatrayApahaM guhyaM dhanadhAnyayashaskaram | sarvaishvaryapradaM sarvasiddhidaM sarvakAmadam || 188|| tIrthayaj~natapodAnavratakoTiphalapradam | apraj~najADyashamanaM sarvavidyApravarttakam || 189|| rAjyadaM rAjyakAmAnAM rogiNAM sarvaroganut | vandhyAnAM sutadaM chAshu sarvashreShThaphalapradam || 190|| astragrAmaviShadhvaMsI grahapIDAvinAshanam | mA~NgalyaM puNyamAyuShyaM shravaNAt paThanAjjapAt || 191|| sakR^idasyAkhilA vedAH sA~NgA mantrAshcha koTishaH | purANashAstraM smR^itayaH paThitAH paThitAstathA || 192|| japtvAsya shlokaM shlokArdhaM pAdaM vA paThataH priye | nityaM sidhyati sarveShAmachirAtkimuto.akhilam || 193|| prANena sadR^ishaM sadyaH pratyahaM sarvakarmasu | idaM bhadre tvayA gopyaM pAThyaM svArthaikasiddhaye || 194|| nAvaiShNavAya dAtavyaM vikalpopahR^itAtmane | bhaktishraddhAvihInAya viShNusAmAnyadarshine || 195|| deyaM putrAya shiShyAya shuddhAya hitakAmyayA | matprasAdAdR^ite nedaM grahiShyantyalpamedhasaH || 196|| kalau sadyaH phalaM kalpagrAmameShyati nAradaH | lokAnAM bhAgyahInAnAM yena duHkhaM vinashyati || 197|| kShetreShu vaiShNaveShvetadAryAvartte bhaviShyati | nAsti viShNoH paraM satyaM nAsti viShNoH parampadam || 198|| nAsti viShNo paraM j~nAnaM nAsti mokSho hyavaiShNavaH | nAsti viShNoH paro mantro nAsti viShNoH paraM tapaH || 199|| nAsti viShNo paraM dhyAnaM nAsti mantro hyavaiShNavaH | kiM nAsya bahubhirmantraiH kiM japairbahuvistaraiH || 200|| vAjapeyasahasraiH kiM bhaktiryasya janArdane | sarvatIrthamayo viShNuH sarvashAstramayaH prabhu || 201|| sarvakratumayo viShNuH satyaM satyaM vadAmyaham | AbrahmasArasarvasya sarvametanmayoditam || 202|| shrIpArvatyuvAcha\- dhanyAsmyanugR^ihitAsmi kR^itArthAsmi jagatpate | yanmayedaM shrutaM stotraM tvadrahasyaM sudurlabham || 203|| aho bata mahatkaShTaM samasta sukhade harau | vidyamAne.api sarveshe mUDhAH klishyanti saMsR^itau || 204|| yamuddishyasadA nAtho mahesho.api digambaraH | jaTilo bhasmaliptA~NgastapasvI vIkShito janaiH || 205|| ato.adhiko na devo.asti lakShmIkAntAnmadhudviShaH | yatatvaM chintyate nityaM tvayA yogIshvareNa hi || 206|| ataHparaM kimadhikaM padaM shrIpuruShottamAt | tamavij~nAya tAn mUDhA yajante j~nAnamAninaH || 207|| muShitAsmi tvayA nAtha chiraM yadayamIshvaraH | prakAshito na me yasya dattAdyA divyashaktayaH || 208|| aho sarveshvaro viShNuH sarvadevottamottamaH | bhavadAdigururmUDhaiH sAmAnya iva lakShyate || 209|| mahIyasAM hi mAhAtmyaM bhajamAnAn bhajanti chet | dviShato.api tathA pApAnupekShyante kShamAlayAH || 210|| mayApi bAlye svapituH praj~nA dR^iShTA bubhukShitAH | dukhAdashaktAH svaM poShTuM shriyA nAdhyAsitAH purA || 211|| tvayA saMvardhitAbhishcha prajAbhirvibudhAdayaH | visasadbhiH svashaktyAdyAH samuhR^inmitrabAndhavAH || 212|| tvayA vinA kva devatvaM kva dhairyaM kya parigrahaH | sarve bhavanti jIvanto yAtanAH shirasi sthitAH || 213|| nAmR^ite naiva dharmArthau kAmo mokSho.api durlabhaH | kShudhitAnAM durgatAnAM kuto yogasamAdhayaH || 214|| sA cha saMsArasAraikA sarvalokaikapAlikA | vashyA sA kamalA yasya tyaktvA tvAmapi sha~NkaraH || 215|| shriyA dharmeNa shauryeNa rUpeNArchavasampadA | sarvAtishayavIryeNa sampUrNasya mahAtmanaH || 216|| kastena tulyatAmeti devadevena viShNunA | yasyAMshAMshakabhAgena vinA sarva vilIyate || 217|| jagadetattathA prAhurdoShAyaitadvimohitAH | nAsya janma jarA mR^ityurnAprApyaM vArthameva vA || 218|| tathApi kurute dharmAn pAlanAya satAM kR^ite | vij~nApaya mahAdeva praNamyakaM maheshvaram || 219|| avadhArya tathA sAhaM kAnta kAmada shAshvata | kAmAdyAsaktachittatvAt kiM tu sarveshvara prabho || 220|| tvanmayatvAtprasAdAdvA shaknomi paThituM na chet | viShNoH sahasranAmaitatpratyahaM vR^iShabhadhvaja || nAmnaikena tu yena syAttatphalaM brUhi me prabho || 221|| shrImahAdeva uvAcha\- rAma rAmeti rAmeti ramerAme manorame | sahasranAmabhistulyaM rAmanAma varAnane || 222|| atha sarvANi tIrthAni jala~nchaiva prayAgajam | viShNornAmasahasrasya kalAM nArhanti ShoDashIm || 223|| || iti shrInAradapa~ncharAtre j~nAnAmR^itasAre chaturtharAtre pArvatIshivasaMvAde shrIviShNornAmasahasraM sampUrNam || ## Proofread by DPD, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}