% Text title            : Shri Vishnustavaraja 1 from Narasimhapurana
% File name             : viShNustavarAjanarasimhapurANa.itx
% Category              : stavarAja, vishhnu, vishnu
% Location              : doc\_vishhnu
% Proofread by          : Singanallur Ganesan singanallur at gmail.com
% Translated by         : https://archive.org/details/NarsimhaPuranGitapress
% Description-comments  : Narasimhapurana adhyAya 16
% Latest update         : June 6, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vishnustavaraja from Narasimhapurana ..}##
\itxtitle{.. shrIviShNustavarAjaH narasiMhapurANe ..}##\endtitles ##

shrIshuka uvAcha \-\-
saMsAravR^ikShamAruhya dvandvapAshashatairdR^iDhaiH |
badhyamAnaH sutaishvaryaiH patito yonisAgare || 1||
yaH kAmakrodhalobhaistu viShayaiH paripIDitaH |
baddhaH svakarmabhirgauNaiH putradAraiShaNAdibhiH || 2||
sa kena nistaratyAshu dustaraM bhavasAgaram |
pR^ichChAmyAkhyAhi me tAta tasya muktiH kathaM bhavet || 3||
shrIvyAsa uvAcha \-\-
shR^iNu vatsa mahAprAj~na ya~nj~nAtvA muktimApnuyAt |
tachcha vakShyAmi te divyaM nAradena shrutaM purA || 4||
narake raurave ghore dharmaj~nAnavivarjitAH |
svakarmabhirmahAduHkhaM prAptA yatra yamAlaye || 5||
mahApApakR^itaM ghoraM samprAptAH pApakR^ijjanAH |
Alokya nAradaH shIghraM gatvA yatra trilochanaH || 6||
ga~NgAdharaM mahAdevaM sha~NkaraM shUlapANinam |
praNamya vidhivaddevaM nAradaH paripR^ichChati || 7||
nArada uvAcha \-\-
yaH saMsAre mahAdvandvaiH kAmabhogaiH shubhAshubhaiH |
shabdAdiviShayairbaddhaH pIDyamAnaH ShaDUrmibhiH || 8||
kathaM nu muchyate kShipraM mR^ityusaMsArasAgarAt |
bhagavan brUhi me tattvaM shrotumichChAmi sha~Nkara || 9||
tasya tadvachanaM shrutvA nAradasya trilochanaH |
uvAcha tamR^iShiM shambhuH prasannavadano haraH || 10||
maheshvara uvAcha \-\-
j~nAnAmR^itaM cha guhyaM cha rahasyamR^iShisattama |
vakShyAmi shR^iNu duHkhaghnaM sarvabandhabhayApaham || 11||
tR^iNAdi chaturAsyAntaM bhUtagrAmaM chaturvidham |
charAcharaM jagatsarvaM prasuptaM yasya mAyayA || 12||
tasya viShNoH prasAdena yadi kashchit prabudhyate |
sa nistarati saMsAraM devAnAmapi dustaram || 13||
bhogaishvaryamadonmattastattvaj~nAnaparA~NmukhaH |
saMsArasumahApa~Nke jIrNA gauriva majjati || 14||
yastvAtmAnaM nibadhnAti karmabhiH koshakAravat |
tasya muktiM na pashyAmi janmakoTishatairapi || 15||
tasmAnnArada sarveshaM devAnAM devamavyayam |
ArAdhayetsadA samyag dhyAyedviShNuM samAhitaH || 16||
yastaM vishvamanAdyantamAdyaM svAtmani saMsthitam |
sarvaj~namamalaM viShNuM sadA dhyAyan vimuchyate || 17||
nirvikalpaM nirAkAshaM niShprapa~nchaM nirAmayam |
vAsudevamajaM viShNuM sadA dhyAyan vimuchyate || 18||
nira~njanaM paraM shAntamachyutaM bhUtabhAvanam |
devagarbhaM vibhuM viShNuM sadA dhyAyan vimuchyate || 19||
sarvapApavinirmuktamaprameyamalakShaNam |
nirvANamanaghaM viShNuM sadA dhyAyan vimuchyate || 20||
amR^itaM paramAnandaM sarvapApavivarjitam |
brahmaNyaM sha~NkaraM viShNuM sadA sa~NkIrtya muchyate || 21||
yogeshvaraM purANAkhyamasharIraM guhAshayam |
amAtramavyayaM viShNuM sadA dhyAyan vimuchyate || 22||
shubhAshubhavinirmuktamUrmiShaTkaparaM vibhum |
achintyamamalaM viShNuM sadA dhyAyan vimuchyate || 23||
sarvadvandvavinirmuktaM sarvaduHkhavivarjitam |
apratarkyamajaM viShNuM sadA dhyAyan vimuchyate || 24||
anAmagotramadvaitaM chaturthaM paramaM padam |
taM sarvahR^idgataM viShNuM sadA dhyAyan vimuchyate || 25||
arUpaM satyasa~NkalpaM shuddhamAkAshavatparam |
ekAgramanasA viShNuM sadA dhyAyan vimuchyate || 26||
sarvAtmakaM svabhAvasthamAtmachaitanyarUpakam |
shubhramekAkSharaM viShNuM sadA dhyAyan vimuchyate || 27||
anirvAchyamavij~neyamakSharAdimasambhavam |
ekaM nUtnaM sadA viShNuM sadA dhyAyan vimuchyate || 28||
vishvAdyaM vishvagoptAraM vishvAdaM sarvakAmadam |
sthAnatrayAtigaM viShNuM sadA dhyAyan vimuchyate || 29||
sarvaduHkhakShayakaraM sarvashAntikaraM harim |
sarvapApaharaM viShNuM sadA dhyAyan vimuchyate || 30||
brahmAdidevagandharvairmunibhiH siddhachAraNaiH |
yogibhiH sevitaM viShNuM sadA dhyAyan vimuchyate || 31||
viShNau pratiShThitaM vishvaM viShNurvishve pratiShThitaH |
vishveshvaramajaM viShNuM kIrtayanneva muchyate || 32||
saMsArabandhanAnmuktimichChan kAmamasheShataH |
bhaktyaiva varadaM viShNuM sadA dhyAyan vimuchyate || 33||
vyAsa uvAcha \-\-
nAradena purA pR^iShTa evaM sa vR^iShabhadhvajaH |
yaduvAcha tadA tasmai tanmayA kathitaM tava || 34||
tameva satataM dhyAhi nirbIjaM brahma kevalam |
avApsyasi dhruvaM tAta shAshvataM padamavyayam || 35||
shrutvA suraR^iShirviShNoH prAdhAnyamidamIshvarAt |
sa viShNuM samyagArAdhya parAM siddhimavAptavAn || 36||
yashchainaM paThate chaiva nR^isiMhakR^itamAnasaH |
shatajanmakR^itaM pApamapi tasya praNashyati || 37||
viShNoH stavamidaM puNyaM mahAdevena kIrtitam |
prAtaH snAtvA paThennityamamR^itatvaM sa gachChati || 38||
dhyAyanti ye nityamanantamachyutaM
hR^itpadmamadhyeShvatha kIrtayanti ye |
upAsakAnAM prabhumIshvaraM paraM
te yAnti siddhiM paramAM tu vaiShNavIm || 39||
iti shrInarasiMhapurANe viShNoH stavarAjanirUpaNe ShoDasho.adhyAyaH || 16||

##

Narasimhapurana adhyAya 16
https://archive.org/details/NarsimhaPuranGitapress

Proofread by Singanallur Ganesan singanallur at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}