% Text title : Shri Vishnu Stotram % File name : viShNustotramshrIdharasvAmi.itx % Category : vishhnu, shrIdharasvAmI, stotra % Location : doc\_vishhnu % Author : Shridharasvami % Proofread by : Manish Gavkar % Description/comments : shrIdharasvAmI stotraratnamAlikA % Latest update : February 11, 2023 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Vishnu Stotram ..}## \itxtitle{.. shrIviShNustotram ..}##\endtitles ## (shArdUlavikrIDitavR^ittam) yannityaM shrutibhirmuhurmuhuraho saMstUyamAnaM sthitaM yadbrahmendrasurAdikairaharahardhyAtaM cha gItaM punaH | yatsarveShu virAjitaM muninutaM divyaM paraM pAvanaM tadviShNoH paramaM padaM shraya iha svArAjyasaukhyAmbudhim || 1|| yatsaukhyAmbudhileshataH suruchirA brahmANDabhUkoTayo yatprApya sthiramokShadaM punarasau nAvartate bhUtale | eSho.asya shrutayo vadanti paramAnandashcha yo j~nAninaH tadviShNoH paramaM padaM shraya iha svArAjyasaukhyAmbudhim || 2|| sUryAchandramasau na yatra hutabhu~NnImAstathA vidyuto naite yatra vasanti tArakagaNA yadbhAsituM vishrutam | yadbhAsaiva vibhAti sarvamiha yaddhAntaM svataH shAshvataM tadviShNoH paramaM padaM shraya iha svArAjyasaukhyAmbudhim || 3|| nAvidyA na cha jIvavishvakalanA mAyeshabhAvAdikaM yasminnaiva vibhAti yasya na tathA bhinnaM vibhAnaM kvachit | chinmAtraikarasaM sthitaM paramaho yadbrahmarUpaM shivaM tadviShNoH paramaM padaM shraya iha svArAjyasaukhyAmbudhim || 4|| kAryaM yasya na kAraNaM kimapi yadbaddhaM cha muktaM cha no yaH strI naiva pumAMstathA na cha guNA yasminvikArAstathA | yannAmnApi na bhAti naiva cha tathA rUpeNa vakti shrutiH tadviShNoH paramaM padaM shraya iha svArAjyasaukhyAmbudhim || 5|| sanmAtre sukhavigrahe suvimale.advaitaM kutaH sambhavet kasya syAtprabhavastathA bhavati kA nArI cha ko vA pumAn | dehaprANahR^idindriyairbhavati kiM yuktaM cha baddho.asti kaH tadviShNoH paramaM padaM shraya iha svArAjyasaukhyAmbudhim || 6|| mAyAmAtramidaM hi vishvamakhilaM jIveshabandhAdikaM yA mAyA kila sApi mA yadi bhavechChiShyeta kiM vA punaH | yanmAyA jananI na tatkhalu vasetsachchidghane.asminyataH tadviShNoH paramaM padaM shraya iha svArAjyasaukhyAmbudhim || 7|| mAyA yA khalu sA jaDA kathamiyaM sambhAvyate chidghane tatsAnnidhyavashAtkarotyapi cha chejj~nAnaM tadeva dhruvam | yatpUrNaM satatAdvayaM vibhumahadyasminna ki~nchinmiShat tadviShNoH paramaM padaM shraya iha svArAjyasaukhyAmbudhim || 8|| chidbrahmeti cha shAsanAtkathamiyaM mAyA cha bhinnAspadA tadbhAnaM cha tathAsya chitsthitiraho lakShyeta kiM mAyayA | brahmachChAyamanantamadvayaparaM satyaM cha yachChrUyate tadviShNoH paramaM padaM shraya iha svArAjyasaukhyAmbudhim || 9|| gUhedbrahma na bhAsakaM kathamapi spardheta kiM tena vA tasmAdbhinnamapIha kiM punariyaM mAyA sR^ijedvai jaDA | mAyA naiva vijR^imbhate chiti shive yasminnakhaNDe.advaye tadviShNoH paramaM padaM shraya iha svArAjyasaukhyAmbudhim || 10|| yajj~nAtvAmR^itamashnute hi sakalAn pAshAMshChinatti svayaM sarvaj~natvamavApyate kila kR^itI syAdbrahmasaukhyaM svayam | shiShyedasya cha lambane kimapi no bhinnaM tato lambanaM tadviShNoH paramaM padaM shraya iha svArAjyasaukhyAmbudhim || 11|| mR^ityormR^ityumupaiti bhItimapi yaH pashyedyato bhinnatAM nAnA neha na taddvitIyamiti vA brUte shrutirnityashaH | satyaM j~nAnamanantamadvayamaho rUpaM hi yatprANinAM dvaShNoH paramaM padamiha svArAjyasaukhyAmbudhim || 12|| mAyA yadyapi sarvakAryamiha yattasyAbhavedastutau sarvavyApivibhAsakaM bhavati kiM luptaM cha tenAdhunA | yatsarvasya vibhAsitaM shrutimataM satyaM paraM chidrasaM tadviShNoH paramaM padaM shraya iha svArAjyasaukhyAmbudhim || 13|| ko.anyAdvA vachanAt sphuTaM parataraM yatprANinAM jIvanaM mUDhaH ko.atra vihAya tatparamaho manyeta vaikArikam | hitvA sarvamapIha saMsaraNataH prAptaM sukhaM mAyikaM tadviShNoH paramaM padaM shraya iha svArAjyasaukhyAmbudhim || 14|| chinmAtraikarasAdvayaM shrutinutaM yatsvAtmasaukhyaM shivaM tajj~neyaM janayetkathaM jaDamaho doShairanekairvR^itam | chidrUpaM khalu yatsadaiva rahitaM j~neyena vA mAyayA tadviShNoH paramaM padaM shraya iha svArAjyasaukhyAmbudhim || 15|| chinmAtre sukhamAtrake jaDamidaM dR^ishyaM bhramAdbhAvyate syAnmAyApi vimohitA khalu jaDA heturbhavedasya yA | labhyaM yatsukharUpakaM na cha jaDaM mAyAbhrame vA bhavet tadviShNoH paramaM padaM shraya iha svArAjyasaukhyAmbudhim || 16|| brahmaivAhamidaM cha sarvamapi vA brahmaiva vakti shrutiH bhinnaM kiM samajAyataikamiha yadbrahmaiva bAhyAntaram | yanmAyA jagadIshajIvaviShayabhrAntyA na lupyetkvachit tadviShNoH paramaM padaM shraya iha svArAjyasaukhyAmbudhim || 17|| yadbrahmAhamiti sphuTaM tanujagajjIveshabhAvA ime puMstrIputrahR^idindriyANi cha punarbhoktA cha bhogAdayaH | devAH pretagaNAshcha tiryagathavA yasmin khapuShpAyate tadviShNoH paramaM padaM shraya iha svArAjyasaukhyAmbudhim || 18|| yatpUrNaM svata eva nirmalamaho svAnandamAtraM paraM tasminsarvavibhAsake sphuTatare bhinnasya yatsarjane | yasyechChA na cha haitukaM jagadaho jAyeta yasmin kvachit tadviShNoH paramaM padaM shraya iha svArAjyasaukhyAmbudhim || 19|| mAyA nApi tadutthitaM cha jagataH sa~NkalpanaM naiva cha naiva syAtprakR^itiH pumAnapi cha tadyogo jagatsarjane | vidyApuruShashcha yoShiduta tadyogashcha putrodbhavaH tadviShNoH paramaM padaM shraya iha svArAjyasaukhyAmbudhim || 20|| j~neyaM naiva yadasti chighanashive dvaitaM kuto bhAvyate sarvaj~naH parameshvaro.api na tathA ki~nchijj~najIvastataH | yasminsarvamapIti ki~nchidathavA j~neyaM na vettuM kvachit tadviShNoH paramaM padaM shraya iha svArAjyasaukhyAmbudhim || 21|| mAyA chediha vA.a.avR^iNoti kimidaM shakyaM jaDAyAM bhavet tasmAchchetayate cha sA yadi tayA kiM ChAdyate brahma tat | yannaivA.avriyate na kAryamapi vA jAyeta yasmin kvachit tadviShNoH paramaM padaM shraya iha svArAjyasaukhyAmbudhim || 22|| bhinneyaM na cha vAsti sA yadi bhavedbhinnA na mAyA kvachit bhinneyaM cha yadA bhavettadapi no mAyA bhavedvAstavI | sadbrahmeti cha shAsanAdbhavati yA bhinnA satI yatra tu tadviShNoH paramaM padaM shraya iha svArAjyasaukhyAmbudhim || 23|| bhAvo nApyasataH sato.api na tathA bhAvaH kvachidvarNyate mAyA nApi tato na kAryamiti vA mantuM kvachichChiShyate | pashyennaiva kadApi kena yadi vA shrutyakSharaM yatsphuTaM tadviShNoH paramaM padaM shraya iha svArAjyasaukhyAmbudhim || 24|| jADyaM duHkhamathAmR^itatvamiti yatsambAdhyate sajjane sachchitsaukhyamiti sphuTaM paramaho brahmAdvayaM shAshvatam | AnandaikarasAdvaye.aparamidaM duHkhAdikaM no yataH tadviShNoH paramaM padaM shraya iha svArAjyasaukhyAmbudhim || 25|| sUkShmasthUlatayApi bhUmni jagato.astitvaM na satyaM bhavet tachChakterapi vA bhavedyadi tadA shaktirna bhinnA kvachit | bhinnaM kAryamito yato na hi bhavedyachchAdvayaM shAshvataM tadviShNoH paramaM padaM shraya iha svArAjyasaukhyAmbudhim || 26|| bhinnA sApi cha kApi shaktirathavA bhinnA na vaktuM bhavet tasmAdbhinnavibhAsakarmakushalA.anirvAchyabhAvA yadi | mithyaiveyamiti sphuTaM yadi na sA yasminnasa~Nge.advaye tadviShNoH paramaM padaM shraya iha svArAjyasaukhyAmbudhim || 27|| mAyA kA.api cha vA bhavedbhavatu tatkAryaM cha tasyA api satyaM j~nAnamanantamadvayamaho svasmAdvivichyAdishet | tanmatvA vimukhena pashyati kadA mAyAM cha yasmin pare tadviShNoH paramaM padaM shraya iha svArAjyasaukhyAmbudhim || 28|| duHkhAntaM kila jIvitaM kShaNasukhaM doShairanekairvR^itaM yogo yannarakasya tadratirasaH kasmai sukhAyodbhavet | sarvaM duHkhamidaM vimohakamato yanmAyikaM visphuTaM tadviShNoH paramaM padaM shraya iha svArAjyasaukhyAmbudhim || 29|| tuchChA duHkhamayI hyasatyapi cha sA durla~NghanIyA yadi mAmeveha bhavetprapanna iti chenmAyAM taredyovadat | yaM labdhvA paramaM svakaM punaraho mAyAM na pashyetkvachit tadviShNoH paramaM padaM shraya iha svArAjyasaukhyAmbudhim || 30|| saMsArArtiharaM kShipraM j~nAnavij~nAnadAyakam | viShNustotramidaM nityaM paThan svArAjyamashnute || iti shrImat paramahaMsaparivrAjakAchArya sadguru bhagavAn shrIdharasvAmImahArAjavirachitaM shrIviShNustotraM sampUrNam | vaikuNThachaturdashI \- rachanAsthAnaM \- kAphi udyAnaM, chikkamagaLUru saMvatsaraH \- 1943 ## Proofread by Manish Gavkar \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}